ENA - ኢዜአ አማርኛ
አርእስተ ዜና
ሸገር ከተማ ድል ቀንቶታል
Nov 21, 2026 18
አዲስ አበባ፤ ህዳር 12/2019 (ኢዜአ)፦ በኢትዮጵያ ፕሪሚየር ሊግ ስድስተኛ ሳምንት ሸገር ከተማ ሀዋሳ ከተማን 2 ለ 1 ረትቷል። በአዳማ ሳይንስ እና ቴክኖሎጂ ዩኒቨርሲቲ ስታዲየም በተካሄደው ጨዋታ ኦዳ መሐመድ እና ቢንያም ፍቅሩ ግቦቹን አስቆጥረዋል። ጌታነህ ከበደ የሀዋሳ ከተማ ጎል ከመረብ ላይ አሳርፏል። ውጤቱን ተከትሎ ሸገር ከተማ በስምንት ነጥብ አምስተኛ፣ ሀዋሳ ከተማ በአምስት ነጥብ 12ኛ ደረጃን ይዘዋል። በሰባተኛ ሳምንት ሸገር ከተማ ከጋሞ ጨንቻ እና ሀዋሳ ከተማ ከአዳማ ከተማ ጨዋታቸውን ያደርጋሉ።
ኢትዮጵያ በመደመር እሳቤ ዓለም አቀፍ ትብብርን እና ፍትሐዊ የአየር ንብረት ፋይናንስ ተደራሽነትን ለማሳደግ ትሰራለች
Nov 21, 2026 26
አዲስ አበባ፤ ህዳር 12 /2019 (ኢዜአ)፦ ኢትዮጵያ በመደመር እሳቤ ዓለም አቀፍ ትብብርን እና ፍትሐዊ የአየር ንብረት ፋይናንስ ተደራሽነትን ለማሳደግ አበክራ እንደምትሰራ የውጭ ጉዳይ ሚኒስትር እና የኮፕ 32 ተመራጭ ፕሬዝዳንት ጌዲዮን ጢሞቴዎስ (ዶ/ር) ገለጹ። 31ኛው የተባበሩት መንግስታት ድርጅት የአየር ንብረት ለውጥ ጉባኤ (ኮፕ 31) “ጉዞ ወደ ዘላቂ፣ አይበገሬነት እና ፍትሃዊነት ወደተረጋገጠበት መጻኢ ዘመን” በሚል መሪ ሀሳብ በቱርኪዬ አንታሊያ ሲካሄድ ቆይቷል። የውጭ ጉዳይ ሚኒስትር እና የኮፕ 32 ተመራጭ ፕሬዝዳንት ጌዲዮን ጢሞቴዎስ (ዶ/ር) በዚሁ ወቅት ኢትዮጵያ 32ኛውን ጉባኤ (COP32) የማስተናገድ ኃላፊነቷን በይፋ መረከቧን አብስረዋል። ሚኒስትሩ 31ኛውን ጉባኤ በተሳካ ሁኔታ ላስተናገደችው ቱርኪዬና ለኮፕ 31 ፕሬዝዳንት ሙራት ኩሩም፣ እንዲሁም ድርድሮቹን ሲመሩ ለነበሩት አውስትራሊያና የድርድሩ ሊቀመንበር ክሪስ ቦወን ምስጋና አቅርበዋል። ኢትዮጵያ በማራቶን ሯጮቿ ጥንካሬና ጽናት እንደምትታወቅ የጠቀሱት ሚኒስትሩ፣ የአየር ንብረት ጉባኤዎችም እንደ ቅብብሎሽ ሩጫ መሆናቸውን አመላክተዋል። በመሆኑም ኢትዮጵያ ዱላውን ከኮፕ 31 ስትረከብ ሁሉም ወገኖች ቀጣዩን ምዕራፍ ከአንታሊያ ወደ አዲስ አበባ አብረው እንዲሮጡና የጋራ ቃል ኪዳኖችን ወደ ተግባራዊ እርምጃ እንዲቀይሩ ጥሪ አቅርበዋል። በመጪው የኢትዮጵያ የኮፕ 32 ፕሬዝዳንትነት ተስፋን መመለስ፣ መተማመንን መልሶ መገንባት እና የጋራ እርምጃን ማጠናከር የሚሉ ሦስት ቅድሚያ የሚሰጣቸው ጉዳዮች መለየታቸውን አስታውቀዋል። በባለብዙ ወገን የአየር ንብረት ትብብር ላይ ያለውን እምነት መመለስ የሚቻለው በተግባር ውጤት በማስመዝገብ በመሆኑ፣ የጉባኤው ውሳኔዎች አፈጻጸምን የሚያሳድጉ መሆን እንዳለባቸውም አጽንኦት ሰጥተዋል። የኮፕ 32 ዋና ራዕይ የአየር ንብረት እርምጃን ከኢኮኖሚ ልማት ጋር አቀናጅቶ ማስኬድ እንደሆነና ሁለቱ ግቦች እርስ በርስ የሚደጋገፉ መሆናቸውን ገልጸዋል። ይህንን ለማሳካት በተሳታፊ ሀገራት የሚመራ፣ ሁሉን አቀፍና ግልጽነት ያለው አሠራር በመከተል የጋራ መግባባት ለመፍጠር ሁሉንም ወገኖች በማዳመጥ እንደሚሠሩ ተናግረዋል። በመደመር እሳቤ አማካኝነት ኢትዮጵያ ለሕዝቧና ለመላው የሰው ልጅ ዓለም አቀፋዊ ትስስር እንደምታሳድግ የገለጹት ሚኒስትሩ፣ ይህም የሀገራትን ቅድሚያ ትኩረቶች ማክበርና ለመጪው ትውልድ ኃላፊነት መወጣትን መሠረት ያደረገ መሆኑን አስረድተዋል። በኮንቬንሽኑና በፓሪስ ስምምነት ማዕቀፍ የቤሌምን ተልዕኮዎችና የአንታሊያን ውጤቶች በማስቀጠል ሁሉን አቀፍ ድርድሮችን እንደምታመቻችም ጠቁመዋል። ፕሬዝዳንትነቱ የአየር ንብረት ለውጥን በመቀነስ፣ የዝግጁነት አቅምን በማሳደግ፣ በኪሳራና ውድመት፣ በፍትሐዊ ሽግግርና በግልጽነት ዙሪያ ሚዛናዊ ውጤቶችን ለማምጣት ይሠራል ነው ያሉት። በተለይም ለአየር ንብረት ፋይናንስ አቅርቦትና ተደራሽነት ልዩ ትኩረት እንደሚሰጥ የገለጹት ሚኒስትሩ፣ አዲስ አበባ በሳይንሳዊ መረጃዎች ላይ በመመርኮዝ በሚካሄደው የሁለተኛው ዓለም አቀፍ የግምገማ ምዕራፍ ቴክኒካዊ ግምገማ ወሳኝ መድረክ እንደምትሆን ገልጸዋል። በተጨማሪም ኮፕ 32 የተለያዩ ባለድርሻ አካላትን በማሰባሰብ አፈጻጸምን የሚያሳድገውን የድርጊት መርሃ ግብር እንደሚያስቀጥል አመልክተዋል። በአሁኑ ወቅት ከፍተኛ ውጤት የሚያመጡ የፕሬዝዳንትነት ኢኒሼቲቮችን የመለየት ሥራ እየተከናወነ መሆኑንና እነዚህም ከሰፊ ኢኮኖሚያዊ ለውጥ መርሃ ግብር ጋር ተሳስረው እንደሚቀረጹ አስገንዝበዋል። በመጨረሻም ሚኒስትሩ ሁሉንም ተሳታፊዎች በአዲስ አበባ ለመቀበል በጉጉት እንደሚጠብቁ መልእክታቸውን አስተላልፈዋል።
በአማራ ክልል የጤና ሳይንስ ኮሌጆችን ደረጃ የማሳደግ ሰራ ትኩረት ተሰጥቷል-ቢሮው
Nov 21, 2026 49
ጎንደር ኢዜአ ህዳር 12/2019 ዓ/ም በአማራ ክልል በጤናው ዘርፍ ብቁ የሰው ኃይል በማፍራት የተሻለ አገልግሎት ለመስጠት የጤና ሳይንስ ኮሌጆችን ደረጃ የማሳደግና የማጠናከር ሥራዎች ትኩረት ተሰጥቷል-የክልሉ ጤና ቢሮ ገለጸ። የጠዳ ከፍተኛ ትምህርት ጤና ሳይንስ ኮሌጅ ለ22ኛ ጊዜ ያሰለጠናቸውን ከ600 በላይ የጤና ባለሙያዎች ዛሬ አስመርቋል። የቢሮው የሰው ኃብት ዳይሬክተር ወይዘሮ ምንትዋብ መሐሪ እንዳሉት፣ በክልሉ የጤና ተቋማትን የአገልግሎት አሰጣጥ የጥራት ደረጃ የማሳደግና ተደራሽነትን የማስፋት ሥራ እየተከናወነ ነው። በጤናው ዘርፍ ብቁ የሰው ኃይል ለማፍራትና የተሻለ አገልግሎት ለመስጠት በጤና ሳይንስ ኮሌጆች ላይ የተለያዩ የማስፋፋትና የማጠናከር ሥራዎች እየተከናወኑ መሆናቸውንም ገልጸዋል። በዚህም የደሴ፣ የባሕር ዳር እና የጠዳ ጤና ሳይንስ ኮሌጆችን ወደ ከፍተኛ ትምህርት ጤና ሳይንስ ኮሌጅነት ማሳደግ መቻሉን ጠቁመው፣ የደብረ ታቦር እና የደብረ ብርሃን ኮሌጆች ደግሞ በመካከለኛ ደረጃ ላይ እንደሚገኙ ተናግረዋል። የኮሌጆችን ደረጃ ማሳደግ በዘርፉ ብቃት ያለው የሰው ኃይል በብዛትና በጥራት ለማፍራት የሚያስችል መሆኑንም አስገንዝበዋል። የጠዳ ከፍተኛ ትምህርት ጤና ሳይንስ ኮሌጅ የአካዳሚክ ዳይሬክተር ምክትል ዲን አቶ ታደለ ማሩ በበኩላቸው፣ ኮሌጁ በጤናው ዘርፍ የሰው ኃይል አቅርቦትን ለማሳደግና የአገልግሎት አድማሱን ለማስፋት እየሠራ ይገኛል። በዛሬው ዕለት ለ22ኛ ጊዜ በስድስት የሙያ ዘርፎች ከ600 በላይ የጤና ባለሙያዎችን በዲፕሎማ መርሃ ግብር ማስመረቅ መቻሉን ገልጸዋል። ኮሌጁ የዘርፉን የሰው ኃይል እጥረት ለመቅረፍ በዲግሪ እና በዲፕሎማ በስድስት የትምህርት ዘርፎች ከሁለት ሺህ በላይ ተማሪዎችን እያስተማረ መሆኑንም ጠቁመዋል። በሚድዋይፈሪ ሙያ የተመረቀችው ተማሪ ድንቡሎ አምባው በበኩሏ፣ በሠለጠነችበት የሙያ ዘርፍ ማኅበረሰቡን በቅንነትና በታማኝነት ለማገልገል መዘጋጀቷን ገልጻለች። ሌላው በፋርማሲ ትምህርት ክፍል የተመረቀው ተማሪ መሠረት ሲሳይ እንዳለው፣ ሙያዊ ሥነ ምግባሩን ጠብቆ በማገልገል የተሰጠውን ሕዝባዊ ኃላፊነት ለመወጣት በታማኝነት እንደሚሠራ ተናግሯል።
የብሔር፣ ብሔረሰቦችና ሕዝቦች ቀን መከበሩ የዜጎችን የጋራ እሴቶች ለማጠናከር ያስቻለ ነው-አፈጉባኤው
Nov 21, 2026 53
መተማ ኢዜአ ህዳር 12/2019 ዓ/ም የብሔር፣ ብሔረሰቦችና ሕዝቦች ቀን መከበሩ የዜጎችን የጋራ እሴቶችን በማጠናከር፣ ሕብረ-ብሔራዊ አንድነትን ማጎልበት ያስቻለ ነው ሲሉ የገንዳ ውኃ ከተማ ምክር ቤት አፈ-ጉባኤ አቶ ጋሻው አራጋው ገለፁ። ለ21ኛ ጊዜ የሚከበረው የኢትዮጵያ ብሔር፣ ብሔረሰቦችና ሕዝቦች ቀን በዓል "በብዝኃነት የደመቀች፣ በምክክር የፀናች ሥልጡን ኢትዮጵያ" በሚል መሪ ሃሳብ በገንዳ ውኃ ከተማ በፓናል ውይይት ተከብሯል። የገንዳ ውኃ ከተማ ምክር ቤት አፈ-ጉባኤ አቶ ጋሻው አራጋው በዚሁ ወቅት እንደገለጹት፣ በዓሉ መከበሩ የጋራ እሴቶች በማጠናከር ሕብረ-ብሔራዊ አንድነትን ለማጎልበትና ዘላቂ ሰላምን ለመገንባት የጎላ አስተዋጽኦ አበርክቷል። ብዝኃነት የሀገር ውበትና ሀብት በመሆኑ የተለያዩ ማንነቶችን በማክበር ሕዝቦችን በጋራ የሚያስተሳስሩ እሴቶችን ይበልጥ ማጠናከር እንደሚገባ አሳስበዋል። የገንዳ ውኃ ከተማ አስተዳደር ምክትል ከንቲባ አቶ ልዑልሰገድ አሰፋ በበኩላቸው፣ በዓሉ ብሔር ብሔረሰቦች ባህላቸውን፣ ቋንቋቸውን፣ ታሪካቸውንና ትውፊታቸውን እንዲያውቁ እድል መፍጠሩን ጠቁመዋል። ሕገ መንግስቱ የሕዝቦችን እኩልነት፣ የማንነት ክብር፣ የቋንቋና የባህል ብዝኃነት እንዲሁም በጋራ የመኖር መርሆዎችን ማረጋገጡን ነው ያመለከቱት። እነዚህን መርሆዎች በተሟላ ሁኔታ ተግባራዊ ለማድረግ በትብብር መሥራት ይገባል ነው ያሉት። የሕዝቦች መብት መከበር፣ የሕግ የበላይነት መረጋገጥና የዜጎች በእኩልነት መሳተፍ ለዴሞክራሲያዊ ሥርዓት መጎልበት መሠረታዊ ጉዳዮች መሆናቸውን የገለጹት ደግሞ የውይይቱ ተሳታፊ አቶ ገዛኸኝ ክንዱ ናቸው። የ21ኛው ዓመት የብሔር ብሔረሰቦች በዓል መከበር የሕዝቦችን የጋራ እሴት በማጠናከር አንድነትን ለማጎልበት ሰፊ አስተዋጽኦ የሚያበረክት መሆኑንም ገልጸዋል። ሌላዋ የውይይቱ ተሳታፊ ወይዘሮ በለጡ ሲሳይ በበኩላቸው፣ በዓሉ የተለያዩ ማንነቶችን ለማወቅና ለማክበር፣ የጋራ እሴቶችን ለማጠናከር እንዲሁም የመተማመንና የመተባበር ባህልን ለማሳደግ እንደሚያግዝ ተናግረዋል። ከበዓሉ አከባበር ባለፈ የጋራ ታሪክን በመረዳት የዜጎችን እኩልነት ለማረጋገጥ ያስችላል ሲሉም አክለዋል።
በፖሊዮ ክትባት ዘመቻ ከ11 ነጥብ 3 ሚሊየን በላይ ህፃናት ተደራሽ ይሆናሉ- ኢንስቲትዩቱ
Nov 21, 2026 97
ጨንቻ -ህዳር 12/2019 ዓ/ም /ኢዜአ/በሀገር አቀፍ ደረጃ ከ11 ነጥብ 3 ሚሊዮን በላይ ሕፃናትን ተደራሽ የሚያደርግ የፖሊዮ ክትባት ዘመቻ መስጠት ተጀመረ። ፎቶ አለው ኢንስቲትዩቱ ከጤና ሚኒስቴር ጋር በመተባበር ያዘጋጀው የዘመቻው ማስጀመሪያ መርሐ-ግብር፣ በደቡብ ኢትዮጵያ ክልል ጋሞ ዞን ጨንቻ ዙሪያ ወረዳ ዶርዜ ላካና ማልዶ ቀበሌ ተካሂዷል። በመርሐ-ግብሩ ላይ የተገኙት የኢትዮጵያ ኅብረተሰብ ጤና ኢንስቲትዩት ዋና ዳይሬክተር ተወካይ አቶ መስፍን ወሰን፣ ኢትዮጵያ ፖሊዮን ሙሉ በሙሉ ለማጥፋት መጠነ ሰፊ ጥረት እያደረገች መሆኗንና በዚህም ተጨባጭ ለውጥ ማስመዝገቧን ገልጸዋል። ዘመቻው በደቡብ ኢትዮጵያ፣ በኦሮሚያ፣ በማዕከላዊ ኢትዮጵያ፣ በደቡብ ምዕራብ ኢትዮጵያ ክልሎችና በአዲስ አበባ ከተማ አስተዳደር ቤት ለቤት እንደሚካሄድ ነው የጠቆሙት። ከዚህ ቀደም ክትባቱን የወሰዱም ሆኑ ያልወሰዱ ዕድሜያቸው ከአምስት ዓመት በታች የሆኑ ከ11 ነጥብ 3 ሚሊዮን በላይ ሕፃናት እንደሚከተቡ ተናግረዋል። የደቡብ ኢትዮጵያ ክልል ጤና ቢሮ ምክትል ኃላፊ አቶ ናፍቆት ብርሃኑ በበኩላቸው፣ ጤናማና አምራች ትውልድ ለመፍጠር ቢሮው በየደረጃው ካሉ ባለድርሻ አካላት ጋር በቅንጅት እየሠራ መሆኑን ገልጸዋል። የፖሊዮ በሽታ በተበከለ ውሃ፣ ምግብና በእጅ አማካኝነት የሚተላለፍና በሀገር ልማት ላይ አሉታዊ ጫና የሚያሳድር መሆኑንም አስገንዝበዋል። የክልሉ ኅብረተሰብ ጤና ኢንስቲትዩት ምክትል ዳይሬክተር ምንተስኖት መልካ (ዶ/ር) እንዳሉት ደግሞ፣ በክልሉ ብቻ ከ1 ነጥብ 5 ሚሊዮን በላይ ሕፃናት ክትባቱን ያገኛሉ። መድኃኒት ያልተገኘለትን የፖሊዮ በሽታ በክትባት፣ በአሰሳና በቅኝት መቆጣጠር ስለሚቻል፣ የክልሉ ሕዝብ ለዘመቻው ስኬት የበኩሉን እንዲወጣ ጥሪ አቅርበዋል። የጋሞ ዞን ዋና አስተዳዳሪ አቶ ገዛኸኝ ጋሞ፣ ዘመቻው በዞኑ በሚገኙ 14 ወረዳዎችና ሰባት ከተማ አስተዳደሮች እንደሚካሄድ ጠቅሰው፣ ለወረርሽኝ ምላሽ ሥራዎች ውጤታማነት አስተዳደሩ ከማኅበረሰቡ ጋር በቅንጅት እንደሚሠራ አረጋግጠዋል። የመጀመሪያው ዙር የፖሊዮ ክትባት ዘመቻ ከኅዳር 12 እስከ 15 ቀን 2019 ዓ.ም የሚካሄድ ሲሆን፣ ሁለተኛው ዙር ደግሞ ከአንድ ወር በኋላ እንደሚሰጥ ተመላክቷል።
ፖለቲካ
ኢትዮጵያ እና ዩናይትድ ኪንግደም ለተሳካ የኮፕ 32 ዝግጅት በጋራ ይሰራሉ
Nov 20, 2026 232
አዲስ አበባ፤ ህዳር 11/2019 (ኢዜአ)፦ ኢትዮጵያ እና ዩናይትድ ኪንግደም ለኮፕ 32 ዝግጅት ስኬት በትብብር እንደሚሰሩ አስታወቁ። 31ኛው የተባበሩት መንግስታት ድርጅት የአየር ንብረት ለውጥ ጉባኤ (ኮፕ 31) በቱርኪዬ አንታሊያ እየተካሄደ ይገኛል። የውጭ ጉዳይ ሚኒስትር እና የኮፕ 32 ተመራጭ ፕሬዝዳንት ጌዲዮን ጢሞቴዎስ (ዶ/ር) ከጉባኤው ጎን ለጎን ከዩናይትድ ኪንግደም የኢነርጂ ደህንነትና የኔት-ዜሮ (Net Zero) ሚኒስትር ሚያታ ፋንቡሌህ (ዶ/ር) ጋር የሁለትዮሽ ውይይት አካሂደዋል። በውይይቱም በዓለም አቀፍ ደረጃ እየጨመሩ ያሉ የአየር ንብረት ለውጥ ተፅዕኖዎች እና ተጨባጭ ውጤቶችን የሚያስገኝ ጠንካራ የአፈጻጸም ሂደት አስፈላጊነት ተነስቷል። በተጨማሪም ለተሳካ የኮፕ 32 ዝግጅት፣ ትብብራቸውን ይበልጥ ለማጠናከር እና በዩናይትድ ኪንግደም ቀጣይ የቡድን 20 (G20) ፕሬዚዳንትነት ወቅት በቅርበት ለመስራት ተስማምተዋል።
ኢትዮጵያ በኮፕ 32 የሁሉንም ወገኖች ቅድሚያ የሚያንጸባርቅ ግልጽና አካታች ሂደት ለማስፈን ቁርጠኛ ናት
Nov 20, 2026 222
አዲስ አበባ፤ ህዳር 11 /2019 (ኢዜአ)፦ ኢትዮጵያ በኮፕ 32 የሁሉንም ወገኖች ቅድሚያ የሚያንጸባርቅ ግልጽና አካታች ሂደት ለማስፈን ቁርጠኛ መሆኗን የውጭ ጉዳይ ሚኒስትር እና የኮፕ 32 ተመራጭ ፕሬዚዳንት ጌዲዮን ጢሞቴዎስ (ዶ/ር) ገለጹ። 31ኛው የተባበሩት መንግሥታት የአየር ንብረት ለውጥ ጉባኤ (ኮፕ 31) በቱርኪዬ አንታሊያ መካሄዱን ቀጥሏል። የውጭ ጉዳይ ሚኒስትር እና የኮፕ 32 ተመራጭ ፕሬዚዳንት ጌዲዮን ጢሞቴዎስ (ዶ/ር)፣ ከጉባኤው ጎን ለጎን ከአነስተኛ ደሴት ሀገራት ጥምረት (Alliance of Small Island States - AOSIS) ጋር የሁለትዮሽ ውይይት አካሂደዋል። ጥምረቱ ኢትዮጵያ የኮፕ 32 ፕሬዚዳንትነትን በመረከቧ እንኳን ደስ አላችሁ በማለት በቅርብ ትብብር ለመስራት ያላቸውን ዝግጁነት ገልጸዋል። የውጭ ጉዳይ ሚኒስትር እና የኮፕ 32 ተመራጭ ፕሬዚዳንት ጌዲዮን ጢሞቴዎስ (ዶ/ር) በበኩላቸው የሁሉንም ተዋዋይ ወገኖችና የድርድር ቡድኖች ቅድሚያ የሚያንፀባርቅ፣ ግልጽና አካታች የሆነ ሂደት ለማስፈን እንዲሁም የባለብዙ ወገን ድርድር ሂደቱን ለማጠናከር ያለውን ቁርጠኝነት በድጋሚ አረጋግጠዋል። ውይይቱም ከአንታልያ እስከ አዲስ አበባ የሚዘልቅ ጠንካራ አጋርነት እና ቀጣይነት ያለው ትብብር ለማረጋገጥ ያለውን የጋራ ቁርጠኝነት አንፀባርቋል።
በትክክለኛ መረጃ ላይ የተመሠረተ ጋዜጠኝነት ለቀጣናው ሰላም፣ ትስስርና የጋራ ብልጽግና ወሳኝ ነው
Nov 20, 2026 226
አዲስ አበባ፤ ህዳር 11/2019 (ኢዜአ)፦ በትክክለኛ መረጃ ላይ የተመሠረተ ጋዜጠኝነት ለቀጣናው ሰላም፣ ትስስርና የጋራ ብልጽግና ወሳኝ መሆኑን የምሥራቅ አፍሪካ የልማት በይነ መንግሥታት ባለሥልጣን (ኢጋድ) ዋና ፀሐፊ ወርቅነህ ገበየሁ (ዶ/ር) ገለጹ። እ.ኤ.አ. የ2026 አራተኛው የኢጋድ የሚዲያ ሽልማት ሥነ-ሥርዓት በኡጋንዳ ካምፓላ በመካሄድ ላይ ይገኛል። የኢጋድ ዋና ፀሐፊ ወርቅነህ ገበየሁ (ዶ/ር) በዚሁ ወቅት እንደገለጹት፤ ጥራት ያለውና በትክክለኛ መረጃ ላይ የተመሠረተ ጋዜጠኝነት ለቀጣናው ሰላም፣ ትስስርና የጋራ ብልጽግና ወሳኝ ነው። በፍጥነት በሚለዋወጥና የተለያዩ ትርክቶች በሚንሸራሸሩበት ወቅት ሐቀኛ ዘገባ ቅንጦት ሳይሆን ለሕዝብ እጅግ አስፈላጊ ጉዳይ እንደሆነም ተናግረዋል። በደንብ የተተረከ ታሪክ የተዛቡ ቅድመ ግምቶችን የማፍረስ፣ የተሳሳቱ መረጃዎችን የመግታትና ቀጣናው ለተግባር እንዲነሳሳ የማድረግ አቅም እንዳለውም ገልጸዋል። የሰዎችን እንቅስቃሴ እንደ ቀጣይ ቀውስ ምክንያት ብቻ አድርጎ ከማየት ይልቅ የቀጣናው ጥንካሬና የትስስር ሞተር ሊሆን እንደሚችል መመልከት እንደሚገባም አመልክተዋል። ኢጋድ 40ኛ ዓመት የምሥረታ በዓሉን እያከበረ እንደሚገኝ የጠቀሱት ዋና ፀሐፊው ድርቅንና የምግብ ዋስትና እጦትን በጋራ ለመጋፈጥ የተጀመረው ትብብር በሰላምና ደኅንነት፣ በአየር ንብረት ለውጥ መቋቋምና በኢኮኖሚ ትስስር ላይ የተመሠረተ ሁሉን አቀፍ ማዕቀፍ ወደ መሆን ማደጉን ተናግረዋል። የ40 ዓመታት የጋራ ታሪክም ቀጣናዊ ትብብር የህልውና ግዴታ መሆኑን የሚያረጋግጥ እንደሆነ አጽንኦት ሰጥተዋል። የዘንድሮው የሽልማት አሸናፊዎች የተሳሳቱ አመለካከቶች እንዲስተካከሉ በመሥራት የሰዎችን እንቅስቃሴ በጋራ ሰብዓዊነት መነጽር እንዲታይ በማድረጋቸው ምስጋና አቅርበዋል። ቀጣናውን በሰላም፣ በጥልቅ ትስስርና በጋራ ብልጽግና ለማስተሳሰር ሁሉም የበኩሉን ሚና እንዲወጣም ጥሪ አቅርበዋል።
ሀገራዊ ምክክሩ ሴቶች በሀገራዊ ውሳኔዎች ላይ ተጨባጭ ተጽዕኖ እንዲያሳርፉ አድርጓል
Nov 20, 2026 241
አዳማ፤ህዳር 11/2019 (ኢዜአ)፦ ሀገራዊ ምክክሩ ሴቶች በሀገራዊ ውሳኔዎች ላይ ተጨባጭ ተጽዕኖ እንዲያሳርፉ ዕድል መፍጠሩን የሕዝብ ተወካዮች ምክር ቤት ምክትል አፈ ጉባዔ አየለች እሸቴ አስታወቁ። በሀገራዊ ምክክር ሂደት የሴቶች ተሳትፎ፣ የተገኙ ተሞክሮዎችና ቀጣይ አቅጣጫዎች ዙሪያ ለሦስት ቀናት የሚመክር ዐውደ ጥናት በአዳማ ከተማ መካሄድ ጀምሯል። በመድረኩ ላይ የተገኙት የሕዝብ ተወካዮች ምክር ቤት ምክትል አፈ ጉባዔና የኢትዮጵያ ሴቶች ፌዴሬሽን ፕሬዚዳንት አየለች እሸቴ እንዳሉት፤ ''ሀገራዊ ምክክሩ ሴቶች በንቃት የምንሳተፍበትን፣ ድምጻችን የሚሰማበትንና በሀገራዊ ውሳኔዎች ላይ ተጨባጭ ተጽዕኖ የምናሳርፍበትን ሰፊ ዕድል ከፍቶልናል'' ብለዋል። ፌዴሬሽኑ በምክክሩ ሂደት ሴቶች ጥያቄዎቻቸውን በተደራጀ መልኩ እንዲያቀርቡ መሥራቱን የገለጹት ምክትል አፈ ጉባዔዋ፤ የተፈጠረውን መነቃቃት ወደ ዘላቂ ሀገራዊ ጥቅም ለመለወጥ የመንግሥት ተቋማት፣ የሲቪል ማኅበረሰብ ድርጅቶችና የልማት አጋሮች የተቀናጀ ትብብር ወሳኝ መሆኑን አሳስበዋል። በተባበሩት መንግሥታት የሴቶች ድርጅት (UN Women) የኢትዮጵያ ተወካይ አቶ ነጋ ገርባባ በበኩላቸው፤ ድርጅቱ ከፌዴሬሽኑና ከአጋሮች ጋር በመተባበር ሴቶች በምክክሩ ትርጉም ያለው ተሳትፎ እንዲያደርጉ ሲሠራ መቆየቱን ገልጸዋል። የፌዴራል ሲቪል ማኅበረሰብ ድርጅቶች ባለሥልጣን ምክትል ዋና ዳይሬክተር አቶ ፋሲካው ሞላ እንዲሁም የሲቪል ማኅበረሰብ ድርጅቶች ምክር ቤት ፕሬዚዳንት አቶ አህመድ ሁሴን በበኩላቸው፤ የሲቪል ማኅበረሰብ ድርጅቶች በምክክሩ ሂደት በአወያይነት፣ በታዛቢነትና በአማካሪነት የላቀ ሚና መጫወታቸውን አመልክተዋል። ዐውደ ጥናቱን የኢትዮጵያ ሴቶች ፌዴሬሽን ከተባበሩት መንግሥታት የሴቶች ድርጅት ጋር በመተባበር ያዘጋጁት መሆኑ ተገልጿል።
የብሔር ብሔረሰቦች ቀን መከበሩ አብሮነትንና አገራዊ መግባባትን ለማጠናከር እያገዘ ነው- የአፋር ክልል ምክር ቤት
Nov 18, 2026 1051
ሠመራ፣ህዳር 9/2019(ኢዜአ)፦ የብሔር ብሔረሰቦች ቀን መከበር አብሮነትንና አገራዊ መግባባትን በማጠናከር ረገድ የጎላ ሚና እያበረከተ መሆኑን የአፋር ክልል ምክር ቤት ዋና አፈ ጉባዔ ፋጡማ መሐመድ ተናገሩ። አፈ ጉባዔ ፋጡማ መሐመድ 21ኛ የብሔር ብሔረሰቦችና ሕዝቦች ቀን በአፋር ክልል ደረጃ የሚኖረውን አከባበር አስመልክቶ ለመገናኛ ብዙሃን ባለሙያዎች አካላት መግለጫ ሰጥተዋል። በመግለጫቸውም የብሔር ብሔረሰቦች በዓል ኢትዮጵያውያን በአንድነት በመሆን ባህላቸውን፣ ቋንቋቸውን፣ ማንነታቸውን እና እሴቶቻቸውን በጋራ የሚያስተዋውቁበት መድረክ ነው ብለዋል። በዓሉ መከበሩ የጋራ ትርክቶችን ለማስረጽ፣ አንድነት ለማጠናከር እንዲም ሕብረ ብሔራዊነትን ለማጠናክር እንዳስቻለ ነው ያመለከቱት። ሕገ መንግሥቱ የጸደቀበት ይህ ቀን እጅግ ውጤታማ ለሆኑ አገራዊ ስኬቶች በር የከፈተ መሆኑንም አንስተዋል። አገራዊ መረጋጋትን ለማጠናከርና ዴሞክራሲያዊ ሥርዓትን አጎልብቶ ለመጓዝ ና ሕብረ ብሔራዊ እኩልነትን ለማሳደግ የራሱ የሆን አስተዋጽኦ እያበረከተ መሆኑንም አስረድተዋል። በዓሉን በክልሉ የተለያዩ ዞኖች እና ከአጎራባች ክልሎች ጋር በመቀናጀት በድምቀት እንደሚከበርም ነው አፈጉባዔዋ በዚሁ ወቅት የተናገሩት። በዓሉን የተለያዮ ተቋማት አንድ ላይ በመሆን የሚያከብሩት ሲሆን ሲምፓዚየሞችና ሌሎች ዝግጅቶችም እንደሚኖሩ ነው ያብራሩት። በዘንድሮው ዓመት የሚከበረው 21ኛው የኢትዮጵያ ብሔሮች ብሔረሰቦችና ህዝቦች ቀን "በብዝኃነት የደመቀች በምክክር የፀናች ሥልጡን ኢትዮጵያ" በሚል መሪ ሀሳብ ሕዳር 29 ቀን 2019 ዓም በኦሮሚያ ክልል ጅማ ከተማ ይከበራል
በትግራይ ክልል የተረጋጋ ማህበራዊና ኢኮኖሚያዊ እንቅስቃሴ ተፈጥሯል
Nov 18, 2026 1052
መቀሌ፤ ህዳር 9/2019 (ኢዜአ)፦ በትግራይ ክልል የተረጋጋ ማህበራዊና ኢኮኖሚያዊ እንቅስቃሴ መፈጠሩን የክልሉ የፌደራል መንግስት ባለአደራ አስተዳደር ኮሙኒኬሽን ቢሮ አስታወቀ። የትግራይ ክልል የፌደራል መንግስት ባለአደራ አስተዳደር የኮሙኒኬሽን ቢሮ የአስተዳደሩን የአንድ ወር የስራ አፈፃፀም አስመልክቶ ዛሬ መግለጫ ሰጥቷል። የቢሮው ኃላፊ አቶ ዳሞራ ያሕያ በሰጡት መግለጫ እንደገለፁት ባለአደራ አስተዳደሩ ከባለድርሻ አካላት ጋር በመቀናጀት ባከናወናቸው ተግባራት በክልሉ የተረጋጋ ማህበራዊና ኢኮኖሚያዊ እንቅስቃሴ ተፈጥሯል። ባለአደራ አስተዳደሩ ከክልል እስከ ቀበሌ ሙሉ በሙሉ መዋቅር መዘርጋቱን እና በህዝብ የተመረጡ አስተባባሪዎች ሙሉ በሙሉ ወደ መደበኛ ስራ መግባታቸውን ተናግረዋል። በዚህም ከህዝቡ ጋር የተደረጉ ውይይቶች ለክልሉ ሁለንተናዊ ለውጦች መሰረት የጣሉ መሆናቸውን ጠቁመዋል። አሁን ላይ በክልሉ በሁሉም አካባቢዎች የመማር ማስተማር ሂደት መጀመሩን ተናግረዋል። የክልሉ የመንግስት ሰራተኞች ወደ ስራቸው መመለሳቸውንና ደመወዝ መክፈል መጀመሩን ጠቁመው የህዝብ አገልግሎቶች ወደ ተሟላ ስራ መሸጋገራቸውንም አመልክተዋል። ባለአደራ አስተዳደሩ በተቋቋመ በአንድ ወር ጊዜ ውስጥ የተሰሩ ስራዎች ውጤታማ መሆናቸውን ጠቁመው አሁን ላይ ለቀጣይ ምርጫ ምቹ ሁኔታ መፍጠር የሚያስችሉ ስራዎች እየተከናወኑ መሆኑን አስታውቀዋል። ወጣቱን ጨምሮ መላው ህብረተሰብ ለክልሉ ሰላም መረጋገጥ እያሳየ ያለውን ተሳትፎ አጠናክሮ እንዲቀጥል አመልክተዋል።
የኢትዮጵያና የየሀገራቸውን ሁለንተናዊ የትብብር አድማስ በማስፋት የዲፕሎማሲ ግንኙነትን ለማጎልበት እንሰራለን -የተለያዩ ሀገራት አምባሳደሮች
Nov 18, 2026 1091
አዲስ አበባ፤ ህዳር 9/2019(ኢዜአ)፦ የኢትዮጵያና የየሀገራቸውን ሁለንተናዊ የትብብር አድማስ በማስፋት የዲፕሎማሲ ግንኙነትን ለማጎልበት በቁርጠኝነት እንደሚሰሩ በኢትዮጵያ አዲስ የተሾሙ የተለያዩ ሀገራት አምባሳደሮች ገለጹ። የኢፌዴሪ ፕሬዝዳንት ታዬ አጽቀሥላሴ ከአፍሪካ፣ እስያ፣ መካከለኛው ምሥራቅ፣ አውሮፓና ካሪቢያን ሀገራት በኢትዮጵያ አዲስ የተሾሙ የ16 ሀገራት አምባሳደሮችን የሹመት ደብዳቤ በትላንትናው እለት ተቀብለዋል። በብሔራዊ ቤተ-መንግሥት በክብር ዘብና በማርሽ ባንድ ደማቅ ሥነ-ሥርዓት ታጅቦ በተካሄደው መርሐ ግብር በኢትዮጵያ የተባበሩት ዓረብ ኤምሬቶች፣ የሰሜን ኮሪያ፣ የቆጵሮስ፣ የቼክ ሪፐብሊክ እና የአየርላንድ አምባሳደሮች የሹመት ደብዳቤቸውን ለፕሬዝዳንቱ አቅርበዋል። በተጨማሪም በኢትዮጵያ የሕንድ፣ የቻድ ሪፐብሊክ፣ የኦስትሪያ፣ የኖርዌይ፣ የፊንላንድ ሪፐብሊክ፣ የማልታ ሪፐብሊክ፣ ጣሊያን፣ የባርቤዶስ፣ ደቡብ ኮሪያ፣ የሉክሰምበርግና የግሬናዳ አምባሳደሮች የሹመት ደብዳቤያቸውን ለፕሬዝዳንቱ አቅርበዋል። የሹመት ደብዳቤቸውን ለፕሬዝዳንቱ ካቀረቡት መካከል ከኢዜአ ጋር ቆይታ ያደረጉ አምባሳደሮች እንዳሉት፤ የኢትዮጵያና የየሀገራቸውን ሁለንተናዊ የዲፕሎማሲ ትብብርና ግንኙነት በማጠናከር የጋራ ተጠቃሚነትን ለማጎልበት ይሰራሉ። በኢትዮጵያ የተባበሩት ዓረብ ኤምሬቶች አምባሳደር አብደላ ሀሰን ኡባይድ ሀሰን አልሻምሲ በዚሁ ወቅት፤ ኢትዮጵያና የተባበሩት ዓረብ ኤምሬቶች ጥልቅ ወዳጅነት የገነቡ ስትራቴጂክ አጋር ሀገራት ናቸው ብለዋል። በኢትዮጵያ የተባበሩት ዓረብ ኤምሬቶች አምባሳደር በመሾማቸው ከፍተኛ ደስታ እንደተሰማቸው በመጥቀስ፤ በቆይታቸው የሀገራቱን የትብብር ብሩህ አድማስ በማስፋት የጋራ ተጠቃሚነትን የሚያጎለብት ጠንካራ ግንኙነት ለመገንባት በትኩረት እንደሚሰሩ ገልጸዋል። በኢትዮጵያ የቆጵሮስ አምባሳደር ሳቫስ ቪላድሚሩ በበኩላቸው፤ በኢትዮጵያ የመጀመሪያው የቆጵሮስ አምባሳደር ሆኜ በመሾሜ ከፍተኛ ደስታ ተሰምቶኛል ብለዋል። በቀጣይም በኢትዮጵያና በቆጵሮስ መካከል የባህል፣ የንግድና የሕዝብ ለሕዝብ ግንኙነትን በማጎልበት የሀገራቱን ኢንቨስትመንት ለማጠናከር በልዩ ትኩረት እንደሚሰሩ አረጋግጠዋል። በኢትዮጵያና በቼክ ሪፐብሊክ መካከል በመንግሥት ለመንግሥትና በሌሎች ዘርፎች ጠንካራ የዲፕሎማሲ ትብብር እየተገነባ ነው ያሉት ደግሞ በኢትዮጵያ የቼክ ሪፐብሊክ አምባሳደር ያን ሮቼክ ናቸው። የሀገራቱን ዲፕሎማሲያዊ ወዳጅነትም በተለያዩ የኢንቨስትመንትና የፕሮጀክት ግንባታ ትብብር የበለጠ ለማጠናከር በትኩረት እንደሚሰሩ አስረድተዋል። በኢትዮጵያ የአየርላንድ አምባሳደር ኪያራን ማደን በበኩላቸው፤ በኢትዮጵያ በተሰጣቸው ሹመትና ለተደረገላቸው ደማቅ አቀባበል ከፍተኛ ምስጋና አቅርበዋል። በቀጣይም የኢትዮጵያን ፈጣን ዕድገት በመደገፍ የአየርላንድ አልሚ ባለሀብቶች በተለያዩ የንግድና ኢንቨስትመንት አማራጮች የሚሰማሩበትን ሁኔታ ለመፍጠር በትኩረት እንደሚሰሩ አረጋግጠዋል። በሌላ መልኩም በቅርቡ የሀገራቱን የሕዝብ ለሕዝብ ግንኙነት ለማጠናከር በባህል ዘርፍ ትኩረቱን ያደረገ ሁነት ለማካሄድ ዝግጅት እየተደረገ መሆኑን አስታውሰዋል። በኢትዮጵያ የሕንድ አምባሳደር ዴቪሽ ዑታም በበኩላቸው፤ የኢትዮጵያና ሕንድን ታሪካዊና ጠንካራ የዲፕሎማሲ ወዳጅነት የበለጠ ለማጎልበት እንደሚሰሩ አረጋግጠዋል። የኢትዮጵያን ፈጣንና አስደናቂ ዕድገት የሚያሳልጥ የንግድና ኢንቨስትመንት የኢኮኖሚ ትብብርን ለማጎልበት ይሰራል ያሉት ደግሞ በኢትዮጵያ የኦስትሪያ አምባሳደር ፒተር ኤልስነርማካይ ናቸው።
የኢትዮጵያ የዘመኑ ሉዓላዊነት በምግብ ራስን በመቻልና በዲጂታል አቅም ይረጋገጣል - አቶ አደም ፋራህ
Nov 17, 2026 1625
አዲስ አበባ፤ ህዳር 8/2019 (ኢዜአ)፦ የኢትዮጵያ የዘመኑ ሉዓላዊነት በምግብ ራስን በመቻልና በዲጂታል አቅም ይረጋገጣል ሲሉ የብልጽግና ፓርቲ ምክትል ፕሬዝዳንት አቶ አደም ፋራህ ገለጹ። ዘመናዊ የእጅ አዙር ቅኝ ግዛትን (Modern neo colonialism) ለመታገል የተቋቋመው “ለሕዝቦች ነፃነት!” ዓለም አቀፍ ንቅናቄ ጠቅላላ ጉባዔ በሩሲያ ሞስኮ እየተካሄደ ነው። በብልጽግና ፓርቲ ምክትል ፕሬዝዳንት አቶ አደም ፋራህ የተመራ ከፍተኛ የልዑካን ቡድን በጉባኤው ላይ እየተሳተፈ ይገኛል። አቶ አደም ፋራህ በጉባኤው ላይ ኢትዮጵያ በብሔራዊ ሉዓላዊነት፣ በልማት የራስን በራስ የመወሰን ነፃነት (Development Autonomy) እና እየተለዋወጠ በመጣው የዓለም አቀፍ ግንኙነት ሥርዓት ዙሪያ ያላትን አቋም እና ምልከታ አቅርበዋል። በንግግራቸውም ኢትዮጵያ ለብሔራዊ ሉዓላዊነት፣ ለሀገራት እኩል ክብር እንዲሁም በተባበሩት መንግሥታት ድርጅት ቻርተር እና በዓለም አቀፍ ሕግ ላይ ለተመሠረተ ፍትሐዊ ዓለም አቀፍ ሥርዓት ያላትን ጽኑ ቁርጠኝነት ዳግም አረጋግጠዋል። በንግግራቸውም ኢትዮጵያ ለብሔራዊ ሉዓላዊነት፣ ለሀገራት እኩልነት፣ እንዲሁም በተባበሩት መንግሥታት ድርጅት ቻርተርና በዓለም አቀፍ ሕግ ላይ የተመሠረተ ፍትሐዊ ዓለም አቀፍ ሥርዓት እንዲኖር ያላትን ጽኑ አቋም አፅንኦት ሰጥተው ገልጸዋል። በዓድዋ ድል ኢትዮጵያ የቅኝ ግዛትን በመመከት እና የሕዝቦችን ነፃነትና የራስን ዕድል በራስ የመወሰን መብት በማስከበር ረገድ ያላትን የቆየ ታሪካዊ ቅርስ አስታውሰዋል። አክለውም በዘመናችን ሉዓላዊነት አዳዲስ ወቅታዊ ፈተናዎችን መቋቋምን እንደሚጠይቅ አስገንዝበዋል። በዚህም ረገድ ኢትዮጵያ በምግብ ራስን በመቻል፣ በዲጂታል እና በመረጃ (ዳታ) አስተዳደር፣ በሳይበር ደኅንነት፣ በኢኮኖሚ ብዝኃነት እና በተቋማዊ ማሻሻያዎች አማካኝነት ስትራቴጂካዊ ነፃነቷን (Strategic Autonomy) ለማጠናከር እየሰራች እንደምትገኝ አመልክተዋል። በተጨማሪም ሀገሪቱ ሀብቷንና አቅሟን በማስተባበር ዘላቂና በራስ አቅም ላይ የተመሠረተ ልማት ለማረጋገጥ ያላትን ቁርጠኝነት የሚያሳዩ ግዙፍ ሀገራዊ ኢኒሼቲቮች እየተገበረች ይገኛል ነው ያሉት። የአረንጓዴ ዐሻራ መርሐ-ግብርን፣ የስንዴ ልማትን፣ የከተማ ኮሪደር ልማትን እና ታላቁ የኢትዮጵያ ሕዳሴ ግድብን በማሳያነት ጠቅሰዋል። ከዚህም ባሻገር ውጤታማ የባለብዙ ወገን ትብብር (Multilateralism)፣ በዓለም አቀፍ ተቋማት ውስጥ የአፍሪካ ፍትሐዊ ውክልና መረጋገጥ፣ የጋራ ተጠቃሚነትን መሠረት ያደረጉ ዓለም አቀፍ አጋርነቶች እንዲሁም ሰላምና እርቅ ለጋራ ብልጽግና መሠረት መሆናቸውን ነው ያስገነዘቡት። ብልጽግና ፓርቲ የጉባኤው ተሳትፎ ከዲፕሎማሲያዊ ውክልና ባለፈ፤ ዓለም አቀፍ የፖለቲካ አጋርነቶችን ለማጠናከር፣ እንዲሁም በሉዓላዊነት፣ በኒዮ-ኮሎኒያሊዝም፣ በልማት ነፃነት እና ፍትሐዊ ዓለም አቀፍ ሥርዓትን በመገንባት ዙሪያ በሚደረጉ ዓለም አቀፍ ውይይቶች ላይ የኢትዮጵያን አቋም ለማስረጽ ያለውን ቁርጠኝነት የሚያሳይ ነው። በጉባዔው የምልዓተ ጉባዔ ውይይቶች፣ የክብ ጠረጴዛ ምክክሮች እና የሁለትዮሽ ንግግሮች እየተደረጉ ሲሆን፤ በማጠቃለያውም የውሳኔ ሐሳቦችና ስትራቴጂካዊ የሁለትዮሽ ስምምነቶች ይፈረማሉ ተብሎ ይጠበቃል። ብልጽግና ፓርቲ በዚህ ተሳትፎው አማካኝነት የፖለቲካ ምክክሮችን ወደ ተጨባጭ ዓለም አቀፍ ትብብር ለመቀየር፣ የኢትዮጵያን ታሪካዊ ቅርስና ወቅታዊ የልማት ተሞክሮ ለማስተዋወቅ እንዲሁም እየተለዋወጠ ባለው ዓለም አቀፍ ሥርዓት ውስጥ የሀገሪቱን ስትራቴጂካዊ ጥቅሞች ለማስከበር እንደሚሰራ ገልጿል።
ፖለቲካ
ኢትዮጵያ እና ዩናይትድ ኪንግደም ለተሳካ የኮፕ 32 ዝግጅት በጋራ ይሰራሉ
Nov 20, 2026 232
አዲስ አበባ፤ ህዳር 11/2019 (ኢዜአ)፦ ኢትዮጵያ እና ዩናይትድ ኪንግደም ለኮፕ 32 ዝግጅት ስኬት በትብብር እንደሚሰሩ አስታወቁ። 31ኛው የተባበሩት መንግስታት ድርጅት የአየር ንብረት ለውጥ ጉባኤ (ኮፕ 31) በቱርኪዬ አንታሊያ እየተካሄደ ይገኛል። የውጭ ጉዳይ ሚኒስትር እና የኮፕ 32 ተመራጭ ፕሬዝዳንት ጌዲዮን ጢሞቴዎስ (ዶ/ር) ከጉባኤው ጎን ለጎን ከዩናይትድ ኪንግደም የኢነርጂ ደህንነትና የኔት-ዜሮ (Net Zero) ሚኒስትር ሚያታ ፋንቡሌህ (ዶ/ር) ጋር የሁለትዮሽ ውይይት አካሂደዋል። በውይይቱም በዓለም አቀፍ ደረጃ እየጨመሩ ያሉ የአየር ንብረት ለውጥ ተፅዕኖዎች እና ተጨባጭ ውጤቶችን የሚያስገኝ ጠንካራ የአፈጻጸም ሂደት አስፈላጊነት ተነስቷል። በተጨማሪም ለተሳካ የኮፕ 32 ዝግጅት፣ ትብብራቸውን ይበልጥ ለማጠናከር እና በዩናይትድ ኪንግደም ቀጣይ የቡድን 20 (G20) ፕሬዚዳንትነት ወቅት በቅርበት ለመስራት ተስማምተዋል።
ኢትዮጵያ በኮፕ 32 የሁሉንም ወገኖች ቅድሚያ የሚያንጸባርቅ ግልጽና አካታች ሂደት ለማስፈን ቁርጠኛ ናት
Nov 20, 2026 222
አዲስ አበባ፤ ህዳር 11 /2019 (ኢዜአ)፦ ኢትዮጵያ በኮፕ 32 የሁሉንም ወገኖች ቅድሚያ የሚያንጸባርቅ ግልጽና አካታች ሂደት ለማስፈን ቁርጠኛ መሆኗን የውጭ ጉዳይ ሚኒስትር እና የኮፕ 32 ተመራጭ ፕሬዚዳንት ጌዲዮን ጢሞቴዎስ (ዶ/ር) ገለጹ። 31ኛው የተባበሩት መንግሥታት የአየር ንብረት ለውጥ ጉባኤ (ኮፕ 31) በቱርኪዬ አንታሊያ መካሄዱን ቀጥሏል። የውጭ ጉዳይ ሚኒስትር እና የኮፕ 32 ተመራጭ ፕሬዚዳንት ጌዲዮን ጢሞቴዎስ (ዶ/ር)፣ ከጉባኤው ጎን ለጎን ከአነስተኛ ደሴት ሀገራት ጥምረት (Alliance of Small Island States - AOSIS) ጋር የሁለትዮሽ ውይይት አካሂደዋል። ጥምረቱ ኢትዮጵያ የኮፕ 32 ፕሬዚዳንትነትን በመረከቧ እንኳን ደስ አላችሁ በማለት በቅርብ ትብብር ለመስራት ያላቸውን ዝግጁነት ገልጸዋል። የውጭ ጉዳይ ሚኒስትር እና የኮፕ 32 ተመራጭ ፕሬዚዳንት ጌዲዮን ጢሞቴዎስ (ዶ/ር) በበኩላቸው የሁሉንም ተዋዋይ ወገኖችና የድርድር ቡድኖች ቅድሚያ የሚያንፀባርቅ፣ ግልጽና አካታች የሆነ ሂደት ለማስፈን እንዲሁም የባለብዙ ወገን ድርድር ሂደቱን ለማጠናከር ያለውን ቁርጠኝነት በድጋሚ አረጋግጠዋል። ውይይቱም ከአንታልያ እስከ አዲስ አበባ የሚዘልቅ ጠንካራ አጋርነት እና ቀጣይነት ያለው ትብብር ለማረጋገጥ ያለውን የጋራ ቁርጠኝነት አንፀባርቋል።
በትክክለኛ መረጃ ላይ የተመሠረተ ጋዜጠኝነት ለቀጣናው ሰላም፣ ትስስርና የጋራ ብልጽግና ወሳኝ ነው
Nov 20, 2026 226
አዲስ አበባ፤ ህዳር 11/2019 (ኢዜአ)፦ በትክክለኛ መረጃ ላይ የተመሠረተ ጋዜጠኝነት ለቀጣናው ሰላም፣ ትስስርና የጋራ ብልጽግና ወሳኝ መሆኑን የምሥራቅ አፍሪካ የልማት በይነ መንግሥታት ባለሥልጣን (ኢጋድ) ዋና ፀሐፊ ወርቅነህ ገበየሁ (ዶ/ር) ገለጹ። እ.ኤ.አ. የ2026 አራተኛው የኢጋድ የሚዲያ ሽልማት ሥነ-ሥርዓት በኡጋንዳ ካምፓላ በመካሄድ ላይ ይገኛል። የኢጋድ ዋና ፀሐፊ ወርቅነህ ገበየሁ (ዶ/ር) በዚሁ ወቅት እንደገለጹት፤ ጥራት ያለውና በትክክለኛ መረጃ ላይ የተመሠረተ ጋዜጠኝነት ለቀጣናው ሰላም፣ ትስስርና የጋራ ብልጽግና ወሳኝ ነው። በፍጥነት በሚለዋወጥና የተለያዩ ትርክቶች በሚንሸራሸሩበት ወቅት ሐቀኛ ዘገባ ቅንጦት ሳይሆን ለሕዝብ እጅግ አስፈላጊ ጉዳይ እንደሆነም ተናግረዋል። በደንብ የተተረከ ታሪክ የተዛቡ ቅድመ ግምቶችን የማፍረስ፣ የተሳሳቱ መረጃዎችን የመግታትና ቀጣናው ለተግባር እንዲነሳሳ የማድረግ አቅም እንዳለውም ገልጸዋል። የሰዎችን እንቅስቃሴ እንደ ቀጣይ ቀውስ ምክንያት ብቻ አድርጎ ከማየት ይልቅ የቀጣናው ጥንካሬና የትስስር ሞተር ሊሆን እንደሚችል መመልከት እንደሚገባም አመልክተዋል። ኢጋድ 40ኛ ዓመት የምሥረታ በዓሉን እያከበረ እንደሚገኝ የጠቀሱት ዋና ፀሐፊው ድርቅንና የምግብ ዋስትና እጦትን በጋራ ለመጋፈጥ የተጀመረው ትብብር በሰላምና ደኅንነት፣ በአየር ንብረት ለውጥ መቋቋምና በኢኮኖሚ ትስስር ላይ የተመሠረተ ሁሉን አቀፍ ማዕቀፍ ወደ መሆን ማደጉን ተናግረዋል። የ40 ዓመታት የጋራ ታሪክም ቀጣናዊ ትብብር የህልውና ግዴታ መሆኑን የሚያረጋግጥ እንደሆነ አጽንኦት ሰጥተዋል። የዘንድሮው የሽልማት አሸናፊዎች የተሳሳቱ አመለካከቶች እንዲስተካከሉ በመሥራት የሰዎችን እንቅስቃሴ በጋራ ሰብዓዊነት መነጽር እንዲታይ በማድረጋቸው ምስጋና አቅርበዋል። ቀጣናውን በሰላም፣ በጥልቅ ትስስርና በጋራ ብልጽግና ለማስተሳሰር ሁሉም የበኩሉን ሚና እንዲወጣም ጥሪ አቅርበዋል።
ሀገራዊ ምክክሩ ሴቶች በሀገራዊ ውሳኔዎች ላይ ተጨባጭ ተጽዕኖ እንዲያሳርፉ አድርጓል
Nov 20, 2026 241
አዳማ፤ህዳር 11/2019 (ኢዜአ)፦ ሀገራዊ ምክክሩ ሴቶች በሀገራዊ ውሳኔዎች ላይ ተጨባጭ ተጽዕኖ እንዲያሳርፉ ዕድል መፍጠሩን የሕዝብ ተወካዮች ምክር ቤት ምክትል አፈ ጉባዔ አየለች እሸቴ አስታወቁ። በሀገራዊ ምክክር ሂደት የሴቶች ተሳትፎ፣ የተገኙ ተሞክሮዎችና ቀጣይ አቅጣጫዎች ዙሪያ ለሦስት ቀናት የሚመክር ዐውደ ጥናት በአዳማ ከተማ መካሄድ ጀምሯል። በመድረኩ ላይ የተገኙት የሕዝብ ተወካዮች ምክር ቤት ምክትል አፈ ጉባዔና የኢትዮጵያ ሴቶች ፌዴሬሽን ፕሬዚዳንት አየለች እሸቴ እንዳሉት፤ ''ሀገራዊ ምክክሩ ሴቶች በንቃት የምንሳተፍበትን፣ ድምጻችን የሚሰማበትንና በሀገራዊ ውሳኔዎች ላይ ተጨባጭ ተጽዕኖ የምናሳርፍበትን ሰፊ ዕድል ከፍቶልናል'' ብለዋል። ፌዴሬሽኑ በምክክሩ ሂደት ሴቶች ጥያቄዎቻቸውን በተደራጀ መልኩ እንዲያቀርቡ መሥራቱን የገለጹት ምክትል አፈ ጉባዔዋ፤ የተፈጠረውን መነቃቃት ወደ ዘላቂ ሀገራዊ ጥቅም ለመለወጥ የመንግሥት ተቋማት፣ የሲቪል ማኅበረሰብ ድርጅቶችና የልማት አጋሮች የተቀናጀ ትብብር ወሳኝ መሆኑን አሳስበዋል። በተባበሩት መንግሥታት የሴቶች ድርጅት (UN Women) የኢትዮጵያ ተወካይ አቶ ነጋ ገርባባ በበኩላቸው፤ ድርጅቱ ከፌዴሬሽኑና ከአጋሮች ጋር በመተባበር ሴቶች በምክክሩ ትርጉም ያለው ተሳትፎ እንዲያደርጉ ሲሠራ መቆየቱን ገልጸዋል። የፌዴራል ሲቪል ማኅበረሰብ ድርጅቶች ባለሥልጣን ምክትል ዋና ዳይሬክተር አቶ ፋሲካው ሞላ እንዲሁም የሲቪል ማኅበረሰብ ድርጅቶች ምክር ቤት ፕሬዚዳንት አቶ አህመድ ሁሴን በበኩላቸው፤ የሲቪል ማኅበረሰብ ድርጅቶች በምክክሩ ሂደት በአወያይነት፣ በታዛቢነትና በአማካሪነት የላቀ ሚና መጫወታቸውን አመልክተዋል። ዐውደ ጥናቱን የኢትዮጵያ ሴቶች ፌዴሬሽን ከተባበሩት መንግሥታት የሴቶች ድርጅት ጋር በመተባበር ያዘጋጁት መሆኑ ተገልጿል።
የብሔር ብሔረሰቦች ቀን መከበሩ አብሮነትንና አገራዊ መግባባትን ለማጠናከር እያገዘ ነው- የአፋር ክልል ምክር ቤት
Nov 18, 2026 1051
ሠመራ፣ህዳር 9/2019(ኢዜአ)፦ የብሔር ብሔረሰቦች ቀን መከበር አብሮነትንና አገራዊ መግባባትን በማጠናከር ረገድ የጎላ ሚና እያበረከተ መሆኑን የአፋር ክልል ምክር ቤት ዋና አፈ ጉባዔ ፋጡማ መሐመድ ተናገሩ። አፈ ጉባዔ ፋጡማ መሐመድ 21ኛ የብሔር ብሔረሰቦችና ሕዝቦች ቀን በአፋር ክልል ደረጃ የሚኖረውን አከባበር አስመልክቶ ለመገናኛ ብዙሃን ባለሙያዎች አካላት መግለጫ ሰጥተዋል። በመግለጫቸውም የብሔር ብሔረሰቦች በዓል ኢትዮጵያውያን በአንድነት በመሆን ባህላቸውን፣ ቋንቋቸውን፣ ማንነታቸውን እና እሴቶቻቸውን በጋራ የሚያስተዋውቁበት መድረክ ነው ብለዋል። በዓሉ መከበሩ የጋራ ትርክቶችን ለማስረጽ፣ አንድነት ለማጠናከር እንዲም ሕብረ ብሔራዊነትን ለማጠናክር እንዳስቻለ ነው ያመለከቱት። ሕገ መንግሥቱ የጸደቀበት ይህ ቀን እጅግ ውጤታማ ለሆኑ አገራዊ ስኬቶች በር የከፈተ መሆኑንም አንስተዋል። አገራዊ መረጋጋትን ለማጠናከርና ዴሞክራሲያዊ ሥርዓትን አጎልብቶ ለመጓዝ ና ሕብረ ብሔራዊ እኩልነትን ለማሳደግ የራሱ የሆን አስተዋጽኦ እያበረከተ መሆኑንም አስረድተዋል። በዓሉን በክልሉ የተለያዩ ዞኖች እና ከአጎራባች ክልሎች ጋር በመቀናጀት በድምቀት እንደሚከበርም ነው አፈጉባዔዋ በዚሁ ወቅት የተናገሩት። በዓሉን የተለያዮ ተቋማት አንድ ላይ በመሆን የሚያከብሩት ሲሆን ሲምፓዚየሞችና ሌሎች ዝግጅቶችም እንደሚኖሩ ነው ያብራሩት። በዘንድሮው ዓመት የሚከበረው 21ኛው የኢትዮጵያ ብሔሮች ብሔረሰቦችና ህዝቦች ቀን "በብዝኃነት የደመቀች በምክክር የፀናች ሥልጡን ኢትዮጵያ" በሚል መሪ ሀሳብ ሕዳር 29 ቀን 2019 ዓም በኦሮሚያ ክልል ጅማ ከተማ ይከበራል
በትግራይ ክልል የተረጋጋ ማህበራዊና ኢኮኖሚያዊ እንቅስቃሴ ተፈጥሯል
Nov 18, 2026 1052
መቀሌ፤ ህዳር 9/2019 (ኢዜአ)፦ በትግራይ ክልል የተረጋጋ ማህበራዊና ኢኮኖሚያዊ እንቅስቃሴ መፈጠሩን የክልሉ የፌደራል መንግስት ባለአደራ አስተዳደር ኮሙኒኬሽን ቢሮ አስታወቀ። የትግራይ ክልል የፌደራል መንግስት ባለአደራ አስተዳደር የኮሙኒኬሽን ቢሮ የአስተዳደሩን የአንድ ወር የስራ አፈፃፀም አስመልክቶ ዛሬ መግለጫ ሰጥቷል። የቢሮው ኃላፊ አቶ ዳሞራ ያሕያ በሰጡት መግለጫ እንደገለፁት ባለአደራ አስተዳደሩ ከባለድርሻ አካላት ጋር በመቀናጀት ባከናወናቸው ተግባራት በክልሉ የተረጋጋ ማህበራዊና ኢኮኖሚያዊ እንቅስቃሴ ተፈጥሯል። ባለአደራ አስተዳደሩ ከክልል እስከ ቀበሌ ሙሉ በሙሉ መዋቅር መዘርጋቱን እና በህዝብ የተመረጡ አስተባባሪዎች ሙሉ በሙሉ ወደ መደበኛ ስራ መግባታቸውን ተናግረዋል። በዚህም ከህዝቡ ጋር የተደረጉ ውይይቶች ለክልሉ ሁለንተናዊ ለውጦች መሰረት የጣሉ መሆናቸውን ጠቁመዋል። አሁን ላይ በክልሉ በሁሉም አካባቢዎች የመማር ማስተማር ሂደት መጀመሩን ተናግረዋል። የክልሉ የመንግስት ሰራተኞች ወደ ስራቸው መመለሳቸውንና ደመወዝ መክፈል መጀመሩን ጠቁመው የህዝብ አገልግሎቶች ወደ ተሟላ ስራ መሸጋገራቸውንም አመልክተዋል። ባለአደራ አስተዳደሩ በተቋቋመ በአንድ ወር ጊዜ ውስጥ የተሰሩ ስራዎች ውጤታማ መሆናቸውን ጠቁመው አሁን ላይ ለቀጣይ ምርጫ ምቹ ሁኔታ መፍጠር የሚያስችሉ ስራዎች እየተከናወኑ መሆኑን አስታውቀዋል። ወጣቱን ጨምሮ መላው ህብረተሰብ ለክልሉ ሰላም መረጋገጥ እያሳየ ያለውን ተሳትፎ አጠናክሮ እንዲቀጥል አመልክተዋል።
የኢትዮጵያና የየሀገራቸውን ሁለንተናዊ የትብብር አድማስ በማስፋት የዲፕሎማሲ ግንኙነትን ለማጎልበት እንሰራለን -የተለያዩ ሀገራት አምባሳደሮች
Nov 18, 2026 1091
አዲስ አበባ፤ ህዳር 9/2019(ኢዜአ)፦ የኢትዮጵያና የየሀገራቸውን ሁለንተናዊ የትብብር አድማስ በማስፋት የዲፕሎማሲ ግንኙነትን ለማጎልበት በቁርጠኝነት እንደሚሰሩ በኢትዮጵያ አዲስ የተሾሙ የተለያዩ ሀገራት አምባሳደሮች ገለጹ። የኢፌዴሪ ፕሬዝዳንት ታዬ አጽቀሥላሴ ከአፍሪካ፣ እስያ፣ መካከለኛው ምሥራቅ፣ አውሮፓና ካሪቢያን ሀገራት በኢትዮጵያ አዲስ የተሾሙ የ16 ሀገራት አምባሳደሮችን የሹመት ደብዳቤ በትላንትናው እለት ተቀብለዋል። በብሔራዊ ቤተ-መንግሥት በክብር ዘብና በማርሽ ባንድ ደማቅ ሥነ-ሥርዓት ታጅቦ በተካሄደው መርሐ ግብር በኢትዮጵያ የተባበሩት ዓረብ ኤምሬቶች፣ የሰሜን ኮሪያ፣ የቆጵሮስ፣ የቼክ ሪፐብሊክ እና የአየርላንድ አምባሳደሮች የሹመት ደብዳቤቸውን ለፕሬዝዳንቱ አቅርበዋል። በተጨማሪም በኢትዮጵያ የሕንድ፣ የቻድ ሪፐብሊክ፣ የኦስትሪያ፣ የኖርዌይ፣ የፊንላንድ ሪፐብሊክ፣ የማልታ ሪፐብሊክ፣ ጣሊያን፣ የባርቤዶስ፣ ደቡብ ኮሪያ፣ የሉክሰምበርግና የግሬናዳ አምባሳደሮች የሹመት ደብዳቤያቸውን ለፕሬዝዳንቱ አቅርበዋል። የሹመት ደብዳቤቸውን ለፕሬዝዳንቱ ካቀረቡት መካከል ከኢዜአ ጋር ቆይታ ያደረጉ አምባሳደሮች እንዳሉት፤ የኢትዮጵያና የየሀገራቸውን ሁለንተናዊ የዲፕሎማሲ ትብብርና ግንኙነት በማጠናከር የጋራ ተጠቃሚነትን ለማጎልበት ይሰራሉ። በኢትዮጵያ የተባበሩት ዓረብ ኤምሬቶች አምባሳደር አብደላ ሀሰን ኡባይድ ሀሰን አልሻምሲ በዚሁ ወቅት፤ ኢትዮጵያና የተባበሩት ዓረብ ኤምሬቶች ጥልቅ ወዳጅነት የገነቡ ስትራቴጂክ አጋር ሀገራት ናቸው ብለዋል። በኢትዮጵያ የተባበሩት ዓረብ ኤምሬቶች አምባሳደር በመሾማቸው ከፍተኛ ደስታ እንደተሰማቸው በመጥቀስ፤ በቆይታቸው የሀገራቱን የትብብር ብሩህ አድማስ በማስፋት የጋራ ተጠቃሚነትን የሚያጎለብት ጠንካራ ግንኙነት ለመገንባት በትኩረት እንደሚሰሩ ገልጸዋል። በኢትዮጵያ የቆጵሮስ አምባሳደር ሳቫስ ቪላድሚሩ በበኩላቸው፤ በኢትዮጵያ የመጀመሪያው የቆጵሮስ አምባሳደር ሆኜ በመሾሜ ከፍተኛ ደስታ ተሰምቶኛል ብለዋል። በቀጣይም በኢትዮጵያና በቆጵሮስ መካከል የባህል፣ የንግድና የሕዝብ ለሕዝብ ግንኙነትን በማጎልበት የሀገራቱን ኢንቨስትመንት ለማጠናከር በልዩ ትኩረት እንደሚሰሩ አረጋግጠዋል። በኢትዮጵያና በቼክ ሪፐብሊክ መካከል በመንግሥት ለመንግሥትና በሌሎች ዘርፎች ጠንካራ የዲፕሎማሲ ትብብር እየተገነባ ነው ያሉት ደግሞ በኢትዮጵያ የቼክ ሪፐብሊክ አምባሳደር ያን ሮቼክ ናቸው። የሀገራቱን ዲፕሎማሲያዊ ወዳጅነትም በተለያዩ የኢንቨስትመንትና የፕሮጀክት ግንባታ ትብብር የበለጠ ለማጠናከር በትኩረት እንደሚሰሩ አስረድተዋል። በኢትዮጵያ የአየርላንድ አምባሳደር ኪያራን ማደን በበኩላቸው፤ በኢትዮጵያ በተሰጣቸው ሹመትና ለተደረገላቸው ደማቅ አቀባበል ከፍተኛ ምስጋና አቅርበዋል። በቀጣይም የኢትዮጵያን ፈጣን ዕድገት በመደገፍ የአየርላንድ አልሚ ባለሀብቶች በተለያዩ የንግድና ኢንቨስትመንት አማራጮች የሚሰማሩበትን ሁኔታ ለመፍጠር በትኩረት እንደሚሰሩ አረጋግጠዋል። በሌላ መልኩም በቅርቡ የሀገራቱን የሕዝብ ለሕዝብ ግንኙነት ለማጠናከር በባህል ዘርፍ ትኩረቱን ያደረገ ሁነት ለማካሄድ ዝግጅት እየተደረገ መሆኑን አስታውሰዋል። በኢትዮጵያ የሕንድ አምባሳደር ዴቪሽ ዑታም በበኩላቸው፤ የኢትዮጵያና ሕንድን ታሪካዊና ጠንካራ የዲፕሎማሲ ወዳጅነት የበለጠ ለማጎልበት እንደሚሰሩ አረጋግጠዋል። የኢትዮጵያን ፈጣንና አስደናቂ ዕድገት የሚያሳልጥ የንግድና ኢንቨስትመንት የኢኮኖሚ ትብብርን ለማጎልበት ይሰራል ያሉት ደግሞ በኢትዮጵያ የኦስትሪያ አምባሳደር ፒተር ኤልስነርማካይ ናቸው።
የኢትዮጵያ የዘመኑ ሉዓላዊነት በምግብ ራስን በመቻልና በዲጂታል አቅም ይረጋገጣል - አቶ አደም ፋራህ
Nov 17, 2026 1625
አዲስ አበባ፤ ህዳር 8/2019 (ኢዜአ)፦ የኢትዮጵያ የዘመኑ ሉዓላዊነት በምግብ ራስን በመቻልና በዲጂታል አቅም ይረጋገጣል ሲሉ የብልጽግና ፓርቲ ምክትል ፕሬዝዳንት አቶ አደም ፋራህ ገለጹ። ዘመናዊ የእጅ አዙር ቅኝ ግዛትን (Modern neo colonialism) ለመታገል የተቋቋመው “ለሕዝቦች ነፃነት!” ዓለም አቀፍ ንቅናቄ ጠቅላላ ጉባዔ በሩሲያ ሞስኮ እየተካሄደ ነው። በብልጽግና ፓርቲ ምክትል ፕሬዝዳንት አቶ አደም ፋራህ የተመራ ከፍተኛ የልዑካን ቡድን በጉባኤው ላይ እየተሳተፈ ይገኛል። አቶ አደም ፋራህ በጉባኤው ላይ ኢትዮጵያ በብሔራዊ ሉዓላዊነት፣ በልማት የራስን በራስ የመወሰን ነፃነት (Development Autonomy) እና እየተለዋወጠ በመጣው የዓለም አቀፍ ግንኙነት ሥርዓት ዙሪያ ያላትን አቋም እና ምልከታ አቅርበዋል። በንግግራቸውም ኢትዮጵያ ለብሔራዊ ሉዓላዊነት፣ ለሀገራት እኩል ክብር እንዲሁም በተባበሩት መንግሥታት ድርጅት ቻርተር እና በዓለም አቀፍ ሕግ ላይ ለተመሠረተ ፍትሐዊ ዓለም አቀፍ ሥርዓት ያላትን ጽኑ ቁርጠኝነት ዳግም አረጋግጠዋል። በንግግራቸውም ኢትዮጵያ ለብሔራዊ ሉዓላዊነት፣ ለሀገራት እኩልነት፣ እንዲሁም በተባበሩት መንግሥታት ድርጅት ቻርተርና በዓለም አቀፍ ሕግ ላይ የተመሠረተ ፍትሐዊ ዓለም አቀፍ ሥርዓት እንዲኖር ያላትን ጽኑ አቋም አፅንኦት ሰጥተው ገልጸዋል። በዓድዋ ድል ኢትዮጵያ የቅኝ ግዛትን በመመከት እና የሕዝቦችን ነፃነትና የራስን ዕድል በራስ የመወሰን መብት በማስከበር ረገድ ያላትን የቆየ ታሪካዊ ቅርስ አስታውሰዋል። አክለውም በዘመናችን ሉዓላዊነት አዳዲስ ወቅታዊ ፈተናዎችን መቋቋምን እንደሚጠይቅ አስገንዝበዋል። በዚህም ረገድ ኢትዮጵያ በምግብ ራስን በመቻል፣ በዲጂታል እና በመረጃ (ዳታ) አስተዳደር፣ በሳይበር ደኅንነት፣ በኢኮኖሚ ብዝኃነት እና በተቋማዊ ማሻሻያዎች አማካኝነት ስትራቴጂካዊ ነፃነቷን (Strategic Autonomy) ለማጠናከር እየሰራች እንደምትገኝ አመልክተዋል። በተጨማሪም ሀገሪቱ ሀብቷንና አቅሟን በማስተባበር ዘላቂና በራስ አቅም ላይ የተመሠረተ ልማት ለማረጋገጥ ያላትን ቁርጠኝነት የሚያሳዩ ግዙፍ ሀገራዊ ኢኒሼቲቮች እየተገበረች ይገኛል ነው ያሉት። የአረንጓዴ ዐሻራ መርሐ-ግብርን፣ የስንዴ ልማትን፣ የከተማ ኮሪደር ልማትን እና ታላቁ የኢትዮጵያ ሕዳሴ ግድብን በማሳያነት ጠቅሰዋል። ከዚህም ባሻገር ውጤታማ የባለብዙ ወገን ትብብር (Multilateralism)፣ በዓለም አቀፍ ተቋማት ውስጥ የአፍሪካ ፍትሐዊ ውክልና መረጋገጥ፣ የጋራ ተጠቃሚነትን መሠረት ያደረጉ ዓለም አቀፍ አጋርነቶች እንዲሁም ሰላምና እርቅ ለጋራ ብልጽግና መሠረት መሆናቸውን ነው ያስገነዘቡት። ብልጽግና ፓርቲ የጉባኤው ተሳትፎ ከዲፕሎማሲያዊ ውክልና ባለፈ፤ ዓለም አቀፍ የፖለቲካ አጋርነቶችን ለማጠናከር፣ እንዲሁም በሉዓላዊነት፣ በኒዮ-ኮሎኒያሊዝም፣ በልማት ነፃነት እና ፍትሐዊ ዓለም አቀፍ ሥርዓትን በመገንባት ዙሪያ በሚደረጉ ዓለም አቀፍ ውይይቶች ላይ የኢትዮጵያን አቋም ለማስረጽ ያለውን ቁርጠኝነት የሚያሳይ ነው። በጉባዔው የምልዓተ ጉባዔ ውይይቶች፣ የክብ ጠረጴዛ ምክክሮች እና የሁለትዮሽ ንግግሮች እየተደረጉ ሲሆን፤ በማጠቃለያውም የውሳኔ ሐሳቦችና ስትራቴጂካዊ የሁለትዮሽ ስምምነቶች ይፈረማሉ ተብሎ ይጠበቃል። ብልጽግና ፓርቲ በዚህ ተሳትፎው አማካኝነት የፖለቲካ ምክክሮችን ወደ ተጨባጭ ዓለም አቀፍ ትብብር ለመቀየር፣ የኢትዮጵያን ታሪካዊ ቅርስና ወቅታዊ የልማት ተሞክሮ ለማስተዋወቅ እንዲሁም እየተለዋወጠ ባለው ዓለም አቀፍ ሥርዓት ውስጥ የሀገሪቱን ስትራቴጂካዊ ጥቅሞች ለማስከበር እንደሚሰራ ገልጿል።
ማህበራዊ
በአማራ ክልል የጤና ሳይንስ ኮሌጆችን ደረጃ የማሳደግ ሰራ ትኩረት ተሰጥቷል-ቢሮው
Nov 21, 2026 49
ጎንደር ኢዜአ ህዳር 12/2019 ዓ/ም በአማራ ክልል በጤናው ዘርፍ ብቁ የሰው ኃይል በማፍራት የተሻለ አገልግሎት ለመስጠት የጤና ሳይንስ ኮሌጆችን ደረጃ የማሳደግና የማጠናከር ሥራዎች ትኩረት ተሰጥቷል-የክልሉ ጤና ቢሮ ገለጸ። የጠዳ ከፍተኛ ትምህርት ጤና ሳይንስ ኮሌጅ ለ22ኛ ጊዜ ያሰለጠናቸውን ከ600 በላይ የጤና ባለሙያዎች ዛሬ አስመርቋል። የቢሮው የሰው ኃብት ዳይሬክተር ወይዘሮ ምንትዋብ መሐሪ እንዳሉት፣ በክልሉ የጤና ተቋማትን የአገልግሎት አሰጣጥ የጥራት ደረጃ የማሳደግና ተደራሽነትን የማስፋት ሥራ እየተከናወነ ነው። በጤናው ዘርፍ ብቁ የሰው ኃይል ለማፍራትና የተሻለ አገልግሎት ለመስጠት በጤና ሳይንስ ኮሌጆች ላይ የተለያዩ የማስፋፋትና የማጠናከር ሥራዎች እየተከናወኑ መሆናቸውንም ገልጸዋል። በዚህም የደሴ፣ የባሕር ዳር እና የጠዳ ጤና ሳይንስ ኮሌጆችን ወደ ከፍተኛ ትምህርት ጤና ሳይንስ ኮሌጅነት ማሳደግ መቻሉን ጠቁመው፣ የደብረ ታቦር እና የደብረ ብርሃን ኮሌጆች ደግሞ በመካከለኛ ደረጃ ላይ እንደሚገኙ ተናግረዋል። የኮሌጆችን ደረጃ ማሳደግ በዘርፉ ብቃት ያለው የሰው ኃይል በብዛትና በጥራት ለማፍራት የሚያስችል መሆኑንም አስገንዝበዋል። የጠዳ ከፍተኛ ትምህርት ጤና ሳይንስ ኮሌጅ የአካዳሚክ ዳይሬክተር ምክትል ዲን አቶ ታደለ ማሩ በበኩላቸው፣ ኮሌጁ በጤናው ዘርፍ የሰው ኃይል አቅርቦትን ለማሳደግና የአገልግሎት አድማሱን ለማስፋት እየሠራ ይገኛል። በዛሬው ዕለት ለ22ኛ ጊዜ በስድስት የሙያ ዘርፎች ከ600 በላይ የጤና ባለሙያዎችን በዲፕሎማ መርሃ ግብር ማስመረቅ መቻሉን ገልጸዋል። ኮሌጁ የዘርፉን የሰው ኃይል እጥረት ለመቅረፍ በዲግሪ እና በዲፕሎማ በስድስት የትምህርት ዘርፎች ከሁለት ሺህ በላይ ተማሪዎችን እያስተማረ መሆኑንም ጠቁመዋል። በሚድዋይፈሪ ሙያ የተመረቀችው ተማሪ ድንቡሎ አምባው በበኩሏ፣ በሠለጠነችበት የሙያ ዘርፍ ማኅበረሰቡን በቅንነትና በታማኝነት ለማገልገል መዘጋጀቷን ገልጻለች። ሌላው በፋርማሲ ትምህርት ክፍል የተመረቀው ተማሪ መሠረት ሲሳይ እንዳለው፣ ሙያዊ ሥነ ምግባሩን ጠብቆ በማገልገል የተሰጠውን ሕዝባዊ ኃላፊነት ለመወጣት በታማኝነት እንደሚሠራ ተናግሯል።
የብሔር፣ ብሔረሰቦችና ሕዝቦች ቀን መከበሩ የዜጎችን የጋራ እሴቶች ለማጠናከር ያስቻለ ነው-አፈጉባኤው
Nov 21, 2026 53
መተማ ኢዜአ ህዳር 12/2019 ዓ/ም የብሔር፣ ብሔረሰቦችና ሕዝቦች ቀን መከበሩ የዜጎችን የጋራ እሴቶችን በማጠናከር፣ ሕብረ-ብሔራዊ አንድነትን ማጎልበት ያስቻለ ነው ሲሉ የገንዳ ውኃ ከተማ ምክር ቤት አፈ-ጉባኤ አቶ ጋሻው አራጋው ገለፁ። ለ21ኛ ጊዜ የሚከበረው የኢትዮጵያ ብሔር፣ ብሔረሰቦችና ሕዝቦች ቀን በዓል "በብዝኃነት የደመቀች፣ በምክክር የፀናች ሥልጡን ኢትዮጵያ" በሚል መሪ ሃሳብ በገንዳ ውኃ ከተማ በፓናል ውይይት ተከብሯል። የገንዳ ውኃ ከተማ ምክር ቤት አፈ-ጉባኤ አቶ ጋሻው አራጋው በዚሁ ወቅት እንደገለጹት፣ በዓሉ መከበሩ የጋራ እሴቶች በማጠናከር ሕብረ-ብሔራዊ አንድነትን ለማጎልበትና ዘላቂ ሰላምን ለመገንባት የጎላ አስተዋጽኦ አበርክቷል። ብዝኃነት የሀገር ውበትና ሀብት በመሆኑ የተለያዩ ማንነቶችን በማክበር ሕዝቦችን በጋራ የሚያስተሳስሩ እሴቶችን ይበልጥ ማጠናከር እንደሚገባ አሳስበዋል። የገንዳ ውኃ ከተማ አስተዳደር ምክትል ከንቲባ አቶ ልዑልሰገድ አሰፋ በበኩላቸው፣ በዓሉ ብሔር ብሔረሰቦች ባህላቸውን፣ ቋንቋቸውን፣ ታሪካቸውንና ትውፊታቸውን እንዲያውቁ እድል መፍጠሩን ጠቁመዋል። ሕገ መንግስቱ የሕዝቦችን እኩልነት፣ የማንነት ክብር፣ የቋንቋና የባህል ብዝኃነት እንዲሁም በጋራ የመኖር መርሆዎችን ማረጋገጡን ነው ያመለከቱት። እነዚህን መርሆዎች በተሟላ ሁኔታ ተግባራዊ ለማድረግ በትብብር መሥራት ይገባል ነው ያሉት። የሕዝቦች መብት መከበር፣ የሕግ የበላይነት መረጋገጥና የዜጎች በእኩልነት መሳተፍ ለዴሞክራሲያዊ ሥርዓት መጎልበት መሠረታዊ ጉዳዮች መሆናቸውን የገለጹት ደግሞ የውይይቱ ተሳታፊ አቶ ገዛኸኝ ክንዱ ናቸው። የ21ኛው ዓመት የብሔር ብሔረሰቦች በዓል መከበር የሕዝቦችን የጋራ እሴት በማጠናከር አንድነትን ለማጎልበት ሰፊ አስተዋጽኦ የሚያበረክት መሆኑንም ገልጸዋል። ሌላዋ የውይይቱ ተሳታፊ ወይዘሮ በለጡ ሲሳይ በበኩላቸው፣ በዓሉ የተለያዩ ማንነቶችን ለማወቅና ለማክበር፣ የጋራ እሴቶችን ለማጠናከር እንዲሁም የመተማመንና የመተባበር ባህልን ለማሳደግ እንደሚያግዝ ተናግረዋል። ከበዓሉ አከባበር ባለፈ የጋራ ታሪክን በመረዳት የዜጎችን እኩልነት ለማረጋገጥ ያስችላል ሲሉም አክለዋል።
በፖሊዮ ክትባት ዘመቻ ከ11 ነጥብ 3 ሚሊየን በላይ ህፃናት ተደራሽ ይሆናሉ- ኢንስቲትዩቱ
Nov 21, 2026 97
ጨንቻ -ህዳር 12/2019 ዓ/ም /ኢዜአ/በሀገር አቀፍ ደረጃ ከ11 ነጥብ 3 ሚሊዮን በላይ ሕፃናትን ተደራሽ የሚያደርግ የፖሊዮ ክትባት ዘመቻ መስጠት ተጀመረ። ፎቶ አለው ኢንስቲትዩቱ ከጤና ሚኒስቴር ጋር በመተባበር ያዘጋጀው የዘመቻው ማስጀመሪያ መርሐ-ግብር፣ በደቡብ ኢትዮጵያ ክልል ጋሞ ዞን ጨንቻ ዙሪያ ወረዳ ዶርዜ ላካና ማልዶ ቀበሌ ተካሂዷል። በመርሐ-ግብሩ ላይ የተገኙት የኢትዮጵያ ኅብረተሰብ ጤና ኢንስቲትዩት ዋና ዳይሬክተር ተወካይ አቶ መስፍን ወሰን፣ ኢትዮጵያ ፖሊዮን ሙሉ በሙሉ ለማጥፋት መጠነ ሰፊ ጥረት እያደረገች መሆኗንና በዚህም ተጨባጭ ለውጥ ማስመዝገቧን ገልጸዋል። ዘመቻው በደቡብ ኢትዮጵያ፣ በኦሮሚያ፣ በማዕከላዊ ኢትዮጵያ፣ በደቡብ ምዕራብ ኢትዮጵያ ክልሎችና በአዲስ አበባ ከተማ አስተዳደር ቤት ለቤት እንደሚካሄድ ነው የጠቆሙት። ከዚህ ቀደም ክትባቱን የወሰዱም ሆኑ ያልወሰዱ ዕድሜያቸው ከአምስት ዓመት በታች የሆኑ ከ11 ነጥብ 3 ሚሊዮን በላይ ሕፃናት እንደሚከተቡ ተናግረዋል። የደቡብ ኢትዮጵያ ክልል ጤና ቢሮ ምክትል ኃላፊ አቶ ናፍቆት ብርሃኑ በበኩላቸው፣ ጤናማና አምራች ትውልድ ለመፍጠር ቢሮው በየደረጃው ካሉ ባለድርሻ አካላት ጋር በቅንጅት እየሠራ መሆኑን ገልጸዋል። የፖሊዮ በሽታ በተበከለ ውሃ፣ ምግብና በእጅ አማካኝነት የሚተላለፍና በሀገር ልማት ላይ አሉታዊ ጫና የሚያሳድር መሆኑንም አስገንዝበዋል። የክልሉ ኅብረተሰብ ጤና ኢንስቲትዩት ምክትል ዳይሬክተር ምንተስኖት መልካ (ዶ/ር) እንዳሉት ደግሞ፣ በክልሉ ብቻ ከ1 ነጥብ 5 ሚሊዮን በላይ ሕፃናት ክትባቱን ያገኛሉ። መድኃኒት ያልተገኘለትን የፖሊዮ በሽታ በክትባት፣ በአሰሳና በቅኝት መቆጣጠር ስለሚቻል፣ የክልሉ ሕዝብ ለዘመቻው ስኬት የበኩሉን እንዲወጣ ጥሪ አቅርበዋል። የጋሞ ዞን ዋና አስተዳዳሪ አቶ ገዛኸኝ ጋሞ፣ ዘመቻው በዞኑ በሚገኙ 14 ወረዳዎችና ሰባት ከተማ አስተዳደሮች እንደሚካሄድ ጠቅሰው፣ ለወረርሽኝ ምላሽ ሥራዎች ውጤታማነት አስተዳደሩ ከማኅበረሰቡ ጋር በቅንጅት እንደሚሠራ አረጋግጠዋል። የመጀመሪያው ዙር የፖሊዮ ክትባት ዘመቻ ከኅዳር 12 እስከ 15 ቀን 2019 ዓ.ም የሚካሄድ ሲሆን፣ ሁለተኛው ዙር ደግሞ ከአንድ ወር በኋላ እንደሚሰጥ ተመላክቷል።
በአፍሪካ ተላላፊ ባልሆኑ በሽታዎች የሚከሰትን ሞት ለመግታት የጋራ ትብብርን ማጎልበት ወሳኝ ነው
Nov 21, 2026 65
አዲስ አበባ፤ ህዳር 12/2019(ኢዜአ)፦ በአፍሪካ ተላላፊ ባልሆኑ በሽታዎች ምክንያት የሚከሰትን ሞት ለመግታት አስቀድሞ ምርመራ ማድረግ፣ ራሱን የቻለ የገንዘብ ምንጭ መመደብና የሁሉም አካላት የተቀናጀ ትብብር ወሳኝ መሆኑ ተገለጸ። ይህ የተገለጸው ዛሬ በአዲስ አበባ በሚገኘው የአፍሪካ የበሽታዎች መቆጣጠሪያ እና መከላከያ ማዕከል ዋና መሥሪያ ቤት መካሄድ በጀመረው የአፍሪካ ቀጠናዊ ተላላፊ ያልሆኑ በሽታዎች ጉባኤ ላይ ነው። ዛሬን ጨምሮ ለሁለት ቀናት የሚቆየው ይህ ጉባኤ የአፍሪካ ተላላፊ ያልሆኑ በሽታዎች ማኅበራት ጥምረት ከአፍሪካ የበሽታዎች መቆጣጠሪያ እና መከላከያ ማዕከልና ከጤና ሚኒስቴር ጋር በመተባበር የተዘጋጀ ነው። ጉባኤው “ከቃል ኪዳን ወደ አፍሪካ-መር ተግባር፤ ተላላፊ ባልሆኑ በሽታዎች ዙሪያ የጤና ደህንነትን፣ ራስን መቻልን እና አይበገሬነትን ማዳበር” በሚል መሪ ሃሳብ እየተካሄደ ይገኛል። በዚህ ወቅት በጤና ሚኒስቴር የተላላፊ ያልሆኑ በሽታዎችና የአዕምሮ ጤና ዴስክ ኃላፊ ዶክተር ሰላማዊት አየለ፣ ኢትዮጵያ የአህጉሪቱን የጤና አጀንዳዎች በዓለም አቀፍ መድረክ በግንባር ቀደምትነት እያስተጋባች መሆኗን ገልጸዋል። የአፍሪካ ኅብረትንና የአፍሪካ የበሽታዎች መቆጣጠሪያ ማዕከልን መቀመጫ በመሆን እንዲሁም የዓለም ጤና ድርጅት የአፍሪካ ቀጣና ኮሚቴ 76ኛ ጉባኤን በሊቀመንበርነት እየመራች መሆኑንም ተናግረዋል። ኢትዮጵያ በአፍሪካ ግዙፍ ከሚባሉት አንዱ የሆነውን የማኅበረሰብ አቀፍ ጤና ሥርዓት በመገንባት፣ ጤና ኬላዎችንና የጤና ኤክስቴንሽን ባለሙያዎችን በመጠቀም ተላላፊ ያልሆኑ በሽታዎችን በመጀመሪያ ደረጃ የጤና ክብካቤ ውስጥ በማካተት እየሠራች መሆኗንና በዚህም የተባበሩት መንግሥታት ድርጅት ዕውቅና ማግኘቷን አብራርተዋል። የዓለም ጤና ድርጅት የአፍሪካ ቀጠና ዳይሬክተር ፕሮፌሰር መሐመድ ያኩብ ጃናቢ፤ በአፍሪካ ተላላፊ ባልሆኑ በሽታዎች ምክንያት በየዓመቱ በርካታ አዋቂዎች ለሞት እንደሚዳረጉ ገልጸዋል። በመሆኑም ምልክት እስኪታይ ሳይጠበቅ አስቀድሞ መመርመር፣ ጤናማ የአኗኗር ዘይቤን መከተል እና የሁሉንም አካላት ጠንካራ አጋርነት ማጠናከር እንደሚገባ ተናግረዋል። የአፍሪካ የበሽታዎች መቆጣጠሪያ እና መከላከያ ማዕከል ምክትል ዋና ዳይሬክተር ዶክተር ራጂ ታጁዲን በበኩላቸው፤ ተላላፊ ያልሆኑ በሽታዎች ከ2030 በፊት ተላላፊ በሽታዎችን በመብለጥ በአፍሪካ ዋነኛ የሞት መንስኤ ሊሆኑ እንደሚችሉ አስጠንቅቀዋል። በአፍሪካ ከሚከሰቱ ሦስት ሞቶች መካከል አንዱ በእነዚሁ በሽታዎች ምክንያት የሚከሰት መሆኑንም አብራርተዋል። ለዘርፉ ራሱን የቻለ በጀት መመደብና አገልግሎቱን በማኅበረሰብ እና በመጀመሪያ ደረጃ የጤና ክብካቤ ሥርዓት ውስጥ ማካተት እንደሚገባ አሳስበዋል። የዛንዚባር አብዮታዊ መንግሥት የጤና ሚኒስትር ናሶር አሕመድ ማዝሩይ፤ በዛንዚባር የማኅበረሰብ ጤና ሠራተኞችን በማሰልጠን ቤት ለቤት የቅድመ ምርመራ ሥራ መሠራቱንና ሴቶች የማኅጸን በርና የጡት ካንሰር ምርመራ እንዲያገኙ መደረጉን በተሞክሮ አንስተዋል። አፍሪካውያን በሀገር ውስጥ የገቢ ምንጮች ዘርፉን መደገፍና ሕሙማንን በውሳኔ ሰጪነት ማሳተፍ እንዳለባቸው ገልጸዋል። የኢትዮጵያ ጠቅላይ ሚኒስትር ስብሰባዎቻችንን 10 በመቶ በውይይት፣ 90 በመቶ በተግባር እናድርግ የሚለው መርህ የሚደነቅ መሆኑንና አፍሪካውያን ቃል ኪዳኖቻቸውን ወደ ተጨባጭ ሥራ መለወጥ እንዳለባቸው አጽንኦት ሰጥተዋል።
ኢኮኖሚ
ከድሬዳዋ ነፃ ንግድ ቀጣና ወደ ውጭ ከተላኩ ምርቶች 3 ሚሊዮን የአሜሪካ ዶላር ገቢ ተገኝቷል
Nov 21, 2026 123
ድሬዳዋ፤ ህዳር 12/2019 (ኢዜአ)፦ በድሬዳዋ ነፃ ንግድ ቀጣና በበጀት አመቱ ሦስት ወራት ተመርተው ወደ ወጭ ሀገር ከተላኩ ምርቶች 3 ሚሊዮን ዶላር ገቢ መገኘቱ ተገለጸ። የኢንዱስትሪ ፓርኮች ልማት ኮርፖሬሽን ከብሔራዊ ባንክ ጋር በመተባበር " የላቀ ፋይናንስ አገልግሎት፤ ለነፃ ንግድ ቀጣናዎች ተወዳዳሪነት" በሚል ሀሳብ ያዘጋጀው ወርክሾፕ በድሬዳዋ ተካሂዷል። የድሬዳዋ ነፃ ንግድ ቀጣና ዋና ስራ አስፈፃሚ አቶ አህመድ ረሺድ ለኢዜአ እንደገለፁት በቀጠናው የውጭና የሀገር ውስጥ ባለሃብቶች በአምራች ኢንዱስትሪና በሎጅስቲክስ አገልግሎት ዘርፎች በመሰማራት ውጤታማ ስራዎች እያከናወኑ ነው። በነጻ ንግድ ቀጣናው በበጀት አመቱ ሦስት ወራት ወደ ውጭ ሀገራት ከተላኩ የኢንዱስትሪ ምርቶች 3 ሚሊዮን ዶላር ገቢ መገኘቱን ተናግረዋል። ገቢው የተገኘው በቀጣናው ተመርተው ወደ ውጭ ሀገራት ከተላኩ የጥጥ ፈትልና ክር እንዲሁም የሲሚንቶ ምርቶች ማሸጊያ ከረጢቶች መሆኑን ጠቅሰዋል። የነፃ ንግድ ቀጣናው የውጭ ምንዛሬ ከማስገኘት ባሻገር ከ3 ሺህ በላይ ለሚሆኑ ዜጎች የስራ ዕድል መፍጠሩንም አመልክተዋል። የስራ ዕድል የተፈጠረላቸው ወጣቶች የአዳዲስ ቴክኖሎጂ ዕውቀትና ክህሎት ባለቤት በመሆን ዓለም አቀፍ ተወዳዳሪነታቸውን በተግባር እያረጋገጡ መሆናቸውን ገልጸዋል በወርክ ሾፑ ላይ ጥናታዊ ፅሁፍ ያቀረቡት የኢንዱስትሪ ፓርኮች ልማት ኮርፖሬሽን ዋና ስራአስፈፃሚ ፅህፈት ቤት የፋይናንስ አማካሪ አቶ ፍፁም ግርማ የነፃ ንግድ ቀጠናዎች ዓለም አቀፍ የወጪና ገቢ ንግድ የሚካሄድባቸው በመሆኑ በፋይናንስና በሎጂስቲክ ተወዳዳሪነታቸውንና አሸናፊነታቸውን የማረጋገጥ ስራ በትኩረት እየተከናወነ መሆኑን ገልፀዋል። ስራዎቹን በላቀ ቅንጅትና መናበብ በዘላቂነት በማስቀጠል በድሬዳዋ ነፃ ንግድ ቀጠና በፈረንጆቹ ዘመን አቆጣጠር እስከ 2031 ድረስ 4 ቢሊዮን ዶላር ገቢ ለማግኘት የተወጠነውን ዕቅድ ለማሳካት እንደሚሰራ አመላክተዋል።
በአማራ ክልል የደረሰ የስንዴ ሰብል ወቅቱን ያልጠበቀ ዝናብ እንዳይበላሽ እየተሰበሰበ ነው
Nov 21, 2026 92
ባህር ዳር፤ ህዳር 12/2019 (ኢዜአ)፦ በአማራ ክልል የደረሰ የስንዴ ሰብል እየጣለ ባለው ወቅቱን ያልጠበቀ ዝናብ እንዳይበላሽ በኮምባይነር በመታገዝ እየተሰበሰበ መሆኑን የክልሉ ግብርና ቢሮ ገለጸ። የቢሮው የድኅረ ምርት ቴክኖሎጂ ባለሙያ አቶ ምትኩ መላኩ ለኢዜአ እንደገለጹት፤ በ2018/19 የመኸር ወቅት በክልሉ ከ1 ሚሊዮን 80 ሺህ ሄክታር በላይ መሬት በስንዴ ሰብል ለምቷል። እስካሁን በተደረገ እንቅስቃሴም በ86 ሺህ 300 ሄክታር ላይ የደረሰ ስንዴ የተሰበሰበ ሲሆን ከዚህ ውስጥ 22 ሺህ 400 ሄክታሩ በኮምባይነር ታግዞ መሰብሰቡን ነው የጠቀሱት። ከዚህም ከአንድ ነጥብ አንድ ሚሊዮን ኩንታል በላይ ምርት መገኘቱን አመልክተዋል። ሰብሉ ወቅቱን ባልጠበቀ ዝናብ እንዳይበላሽ ከ90 የሚበልጡ የሰብል ማጨጃና መውቂያ ኮምባይነሮች በምሥራቅና ምዕራብ ጎጃም ዞኖች አገልግሎት እንዲሰጡ እየተደረገ ነው ብለዋል። በሰው ጉልበትና በኮምባይነር ታግዞ የደረሰን የስንዴ ሰብል ከብክነት በጸዳ መልኩ በመሰብሰብ የተሻለ ምርት ይገኛል ተብሎ እየተሰራ እንደሆነ አመልክተዋል። የሚሰበሰበው የስንዴ ምርት ከራስ ፍጆታ ባለፈ ዱቄትን ጨምሮ ለፓስታና መኮሮኒ ፋብሪካዎች በግብዓትነት እንደሚቀርብም ጠቁመዋል። በምሥራቅ ጎጃም ዞን የባሶ ሊበን ወረዳ አርሶ አደር ሰውመሆን ባዬ እንዳሉት፤ ሁለት ሄክታር በሚጠጋ መሬት ያለሙትን የስንዴ ሰብል በኮምባይነር መሰብሰብ ጀምረዋል። እስካሁን በኮምባይነር ከሰበሰቡት አንድ ሄክታር የሚጠጋ መሬት 30 ኩንታል ምርት ማግኘት እንደቻሉ ጠቅሰው ቀሪውን የመሰብሰብ ሥራ በፍጥነት ለማጠናቀቅ እየሠሩ እንደሆነም አመልክተዋል። በዘንድሮው የመኸር ወቅት በክልሉ አጠቃላይ በተለያዩ ሰብሎች ከለማው ከ5 ነጥብ 6 ሚሊዮን ሄክታር በላይ መሬት እስካሁን በ2 ነጥብ 2 ሚሊዮን ሄክታር ላይ የደረሰ ሰብል መሰብሰብ መቻሉን የቢሮው መረጃ ያመለክታል።
በምስራቅ ኦሮሚያ ዞን ከ6 ሺህ 400 በላይ ነጋዴዎች ወደ ሕጋዊ የንግድ ሥርዓት እንዲገቡ ተደርጓል
Nov 21, 2026 88
ህዳር 12/2019 ጭሮ(ኢዜአ) በምስራቅ ኦሮሚያ ዞን ባለፉት አራት ወራት ከ6 ሺህ 400 በላይ ነጋዴዎች ወደ ሕጋዊ የንግድ ሥርዓት መግባታቸውን የዞኑ ንግድ ጽሕፈት ቤት አስታወቀ። የፅህፈት ቤቱ ሀላፊ ተወካይ አቶ ጀማል ቃሲም ለኢዜአ እንደገለፁት ነጋዴዎቹ ወደ ህጋዊ ስርዓቱ የገቡት በዞኑ በ36 ወረዳዎች እና ጭሮ፣ ሂርና፣ ገለምሶ እና ደደርን ጨምሮ በሰባት ከተሞች በተካሄደ የንግድ ድርጅቶች ቁጥጥርና ምልከታ ነው። በወራቶቹ በንግድ ስራ ላይ በነበሩ 27 ሺህ 800 በላይ ድርጅቶች ላይ ጭምር የቁጥጥርና ምልከታ ስራ መካሄዱን ጠቁመዋል። በንግድ ቁጥጥና ምልከታ ሂደቱ ከ6ሺህ 400 በላይ ነጋዴዎች ከህጋዊ አሰራር ውጪ በመሆናቸው ወደ ህጋዊ ስርዓቱ እንዲገቡ ተደርጓል ብለዋል ። በቁጥጥሩ ተለይተው ወደ ህጋዊ ስርዓቱ እንዲገቡ የተደረጉት ያለ ንግድ ፈቃድ መነገድ፣ በመንገድ ዳርቻ የንግድ ሥራ ማከናወን፣ በሌሎች ሰዎች ፈቃድ ተጠቅሞ መነገድ እና በመሳሰሉት ከሕግ አግባብ ውጭ የተሰማሩ እንደሆኑ ገልፀዋል። ከዚሁ በተጓዳኝ የንግድ ፈቃድና የዋጋ ዝርዝርን በሚታይ ቦታ ሳይለጥፉ የተንቀሳቀሱና ያለ አግባብ የዋጋ ጭማሪ ያደረጉ ነጋዴዎችም በቁጥጥሩ ተለይተው አስተዳደራዊ እርምጃ የተወሰደባቸው መሆኑን ተናግረዋል። ሕጋዊ የንግድ ስርዓቱን ለማጠናከር እንዲሁም ሸማቹን ተገቢ ካልሀነ የዋጋ ጭማሪ ለመከላከል የተለያዩ አካላትን ያሳተፈ የንግድ አሰራር ቁጥጥር ግብረ ሀይል ተቋቁሞ በትኩረት እየሰራ መሆኑን አስታውቀዋል።
በማህበር በመደራጀት በሌማት ትሩፋት የንብ ማነብ ስራ በመሰማራት የተሻለ ገቢ ማግኘት ችለናል -አርሶ አደሮች
Nov 21, 2026 94
ቦንጋ ፣ ህዳር 12 /2019 (ኢዜአ)፦ በካፋ ዞን ሺሾ-እንዴ ወረዳ በሌማት ትሩፋት መርሐ ግብሩ የንብ ማነብ ሥራ ላይ በመሰማራት የተሻለ ተጠቃሚ መሆናቸውን አርሶ አደሮች ተናገሩ። የደቡብ ምዕራብ ኢትዮጵያ ሕዝቦች ክልል ግብርና ቢሮ በበኩሉ በተያዘው በጀት ዓመት ከ85 ሺህ ቶን በላይ ማር ለማምረት እየተሠራ መሆኑን አስታውቋል። በካፋ ዞን ሺሾ-እንዴ ወረዳ ዋረታ ቀበሌ የሚገኘው "ቤሞ ሹኖና" የተሰኘው ሞዴል የንብ መንደር በዓመት ከ40 ነጥብ 5 ቶን በላይ የማር ምርት ለገበያ ያቀርባል። አስተያየታቸውን ከሰጡት የሞዴል መንደሩ አባላት መካከል አርሶ አደር ሰይድ ሁሴን በንብ ማነብ ሥራ በመሰማራት የተሻለ ጥቅም እያገኙ መሆናቸውን ተናግረዋል። አሁን ላይ 150 ቀፎ ያላቸው መሆኑን ገልጸው ከአንድ ቀፎ እስከ 50 ኪሎ ግራም ምርት በማምረት እስከ 500 ሺህ ብር ገቢ እንደሚያገኙ ነው የተናገሩት። በ22 ቀፎች በሚያካሂዱት የንብ ማነብ ሥራ ውጤታማ እንደሆኑ የሚናገሩት ሌላው አርሶ አደር አደም መሐመድ በዚህም በዓመት እስከ 40 ሺህ ብር ድረስ ገቢ እንደሚያገኙ ተናግረዋል። በቀጣይ የቀፎ ቁጥራቸውን በሰፊው በመጨመር ከዘርፉ የሚያገኙትን ጥቅም ለማሳደግ ዕቅድ እንዳላቸውም ገልጸዋል። በቦንጋ ከተማ በማር ማምረትና ማቀነባበር ሥራ ላይ የተሰማራው አፒኔክ አግሮ ኢንዱስትሪ ኃላፊነቱ የተወሰነ የግል ማኅበር አስተዳዳሪ አቶ ሳሙኤል ተስፋዬ ማኅበሩ በራሱ የሚያመርተውንና ከአርሶ አደሮች የሚሰበስበውን ማር በማቀነባበር ሀገር ውስጥና ለውጭ ገበያ እያቀረበ መሆኑን ተናግረዋል። ማኅበሩ ባሉት ዘመናዊ የማቀነባበሪያ ማሽኖች ምርቱን በማቀነባበር ለገበያ እንደሚያቀርብ አንስተዋል። የክልሉ ግብርና ቢሮ ምክትል ኃላፊና የእንስሳትና ዓሣ ዘርፍ ኃላፊ አቶ ታመነ በቀለ በበኩላቸው፤ በክልሉ ባለፉት አራት ዓመታት 980 የማር መንደሮች መደራጀታቸውን ተናግረዋል። የሌማት ትሩፋት ከመጀመሩ በፊት የክልሉ ዓመታዊ የማር ምርት 56 ሺህ ቶን እንደነበር አስታውሰው ከሌማት ትሩፋት መጀመር በኋላ 80 ሺህ ማድረስ ተችሏል ብለዋል። በተያዘው ዓመት የተደራጁ ማኅበራትን ሞዴል አድርጎ ምርታማነትን ይበልጥ በማሳደግ የምርት መጠኑን 85 ሺህ ቶን ለማድረስ ዕቅድ መያዙን ተናግረዋል።
ሳይንስና ቴክኖሎጂ
ኢትዮጵያ የአፍሪካ የሰው ሠራሽ አስተውሎት ማዕከል ለመሆን የጀመረችውን ተግባራት አጠናክራ ትቀጥላለች
Nov 20, 2026 128
አዲስ አበባ፤ ህዳር 11/2019 (ኢዜአ)፦ ኢትዮጵያ የአፍሪካ የሰው ሠራሽ አስተውሎት ማዕከል ለመሆን የጀመረችውን ተግባራት አጠናክራ እንደምትቀጥል የኢትዮጵያ አርቴፊሻል ኢንተለጀንስ ኢንስቲትዩት ዋና ዳይሬክተር ኢንጂነር ወርቁ ጋቸና (ዶ/ር) አስታወቁ። ኢንስቲትዩቱ በሥሩ በተቋቋመው ''ኤይ አይ ዩኒፖድ'' (AI UniPod) ማዕከል የሰለጠኑና የፈጠራ ሐሳብ ያላቸውን አፍሪካውያን ስታርትአፖች አስመርቋል።በማዕከሉ ከ12 የአፍሪካ ሀገራት የተውጣጡ ስታርትአፖች የፈጠራ ሐሳባቸውን ወደ ተግባር ማውረድ የሚያስችላቸውን የቴክኒክና የቢዝነስ አተገባበር ሥልጠናዎችን ወስደዋል። የኢትዮጵያ አርቴፊሻል ኢንተለጀንስ ኢንስቲትዩት ዋና ዳይሬክተር ኢንጂነር ወርቁ ጋቸና (ዶ/ር) በዚሁ ወቅት እንዳሉት፤ ሰልጣኞች የፈጠራ ሐሳባቸውን ወደ ተግባር ለመለወጥ የሚያስችላቸውን ጥልቅ ሥልጠና አግኝተዋል። ከሥልጠናው ጎን ለጎን እርስ በእርስ የፈጠሩት ጥልቅ ግንኙነት ለአፍሪካ መጻኢ ዕድገት ትልቅ ሀብት መሆኑን ጠቁመው፣ ይህም በፓን አፍሪካኒዝም መንፈስ አህጉሪቱን ለመለወጥ በሚደረገው እንቅስቃሴ አዎንታዊ ሚና እንዳለው ገልጸዋል። አፍሪካ በራሷ አቅም የሚመራ የሰው ሠራሽ አስተውሎት የመገንባት ሕልሟ እውን እንደሚሆን ሙሉ እምነት እንዳላቸውም አረጋግጠዋል። ኢትዮጵያ በዘርፉ ከዜጎቿ ባሻገር በአፍሪካ ያሉ ታዳጊዎችንና ወጣቶችን በማሰልጠን ዝግጁ የማድረግ ሥራዎችን በስፋት እያከናወነች መሆኑን የተናገሩት ዋና ዳይሬክተሩ፤ ሀገሪቱ በሰው ሠራሽ አስተውሎት ዘርፍ የአፍሪካ ማዕከል ለመሆን የጀመረችውን ሥራ አጠናክራ እንደምትቀጥል አስታውቀዋል። የተባበሩት መንግሥታት የልማት ድርጅት (ዩኤንዲፒ) የኢትዮጵያ ተወካይ ሳሙኤል ዶ (ዶ/ር) በበኩላቸው፤ ኢትዮጵያ የዓድዋን ድል በማብሰር ለአፍሪካውያን ነጻነት መሠረት የሚሆን አሻራ ማኖሯን አስታውሰዋል። በአሁኑ ወቅትም ኢትዮጵያ አፍሪካ በሰው ሠራሽ አስተውሎት መሪ እንድትሆን በቁርጠኝነት እየሠራች መሆኗን የሚያረጋግጡ ውጤቶች እየታዩ መሆኑን ገልጸዋል። በተለይም በኢትዮጵያ የተጀመረው የመደመር የሰው ሠራሽ አስተውሎት ዩኒቨርሲቲ ግንባታና ሌሎች ልማቶች ለሌሎች የአፍሪካ ሀገራት ምሳሌ እንደሚሆኑ ተናግረዋል። ተመራቂ አፍሪካውያን ወጣቶች የአህጉሪቱ የወደፊት ተስፋዎች መሆናቸውን ያነሱት ተወካዩ፤ ''ያላችሁን የፈጠራ ሐሳብ ወደ ተግባር በማውረድ የድርሻችሁን ልትወጡ ይገባል''ሲሉ አሳስበዋል። የተባበሩት መንግሥታት የልማት ድርጅትም ዓላማቸው ግቡን እንዲመታ ከባለድርሻ አካላት ጋር በመሆን አስፈላጊውን ድጋፍ እንደሚያደርግ አረጋግጠዋል።
የአዲስ አበባ ዩኒቨርሲቲ የሥራ ደኅንነትን ማረጋገጥ የሚያስችሉ የጤና ጥናትና ምርምር ውጤቶችን እያፈለቀ ነው
Nov 19, 2026 237
አዲስ አበባ፤ ህዳር 10/2019(ኢዜአ)፦ የአዲስ አበባ ዩኒቨርሲቲ የሥራ ደኅንነት ዘላቂነትን ማረጋገጥ የሚያስችሉ የጤና ጥናትና ምርምር ውጤቶችን እያፈለቀ መሆኑን በዩኒቨርሲቲው የጤና ሳይንስ ኮሌጅ ገለጸ። ትልቅ ሀገር፣ ትልቅ ሕዝብ፣ ታላቅ ርዕይ! አዲስ አበባ ዩኒቨርሲቲ ከኖርዌይ በርገን እና ከታንዛንያ ሙሒምቢሊ ዩኒቨርሲቲዎች ጋር በመተባበር ብሔራዊ የሙያ ጤና ጉባኤ አካሂዷል። በአዲስ አበባ ዩኒቨርሲቲ የጤና ሳይንስ ኮሌጅ ቺፍ ኤክስኪዩቲቭ ዳይሬክተር ዶክተር ራሔል አርጋው በመድረኩ ላይ እንዳሉት፤ ጉባዔው ዩኒቨርሲቲዎቹ በሥራ አካባቢ ደኅንነት ዙሪያ በትብብር ያከናወኗቸውን ተግባራት በመገምገም የቀጣይ የትኩረት አቅጣጫዎችን ለማስቀመጥ ያለመ ነው። ዩኒቨርሲቲው የሥራ ቦታ የጤና ስጋቶችን በመለየት በጥናትና ምርምር ላይ የተመሠረቱ በርካታ ተግባራትን እያከናወነ እንደሚገኝ ገልጸዋል። በተለይም በኮንስትራክሽን፣ በግብርና፣ በማዕድንና በኢንዱስትሪ ዘርፎች ያሉ የጤና ስጋቶችን የሚያመላክቱ ጥናቶች መካሔዳቸውን ተናግረዋል። በኢትዮጵያ ኢንዱስትሪዎች፣ መሠረተ ልማቶችና አምራች ዘርፎች እየተስፋፉ በመሆናቸው፣ የሠራተኞችን የሥራ ቦታ ደኅንነት መጠበቅ ልዩ ትኩረት የሚሻ ጉዳይ መሆኑን አስገንዝበዋል። በዩኒቨርሲቲው የሚከናወኑት ጥናትና ምርምሮች ለዘርፉ ፖሊሲ አውጪዎች በግብዓትነት እንዲውሉ እየተደረገ መሆኑንም አክለዋል። የባለድርሻ ተቋማትን ቅንጅት በማጠናከር የፖሊሲዎች ግብዓትን በማፍለቅ በዘርፉ የሁለተኛ እና የሦስተኛ ዲግሪ መርሐ ግብሮችን በመቅረጽ ብቁ የሙያ ጤንነት ባለሙያዎችን ማፍራት መቻሉንም አብራርተዋል። በሥራ አካባቢዎች ሊከሰቱ የሚችሉ አደጋዎችን ለመቀነስም አሰሪዎችንና ሰራተኞችን በማወያየት፣ የሥራ ቦታዎችን በመጎብኘት እንዲሁም የማስተማርና የማማከር አገልግሎቶችን በመስጠት የመከላከልና የግንዛቤ ማስጨበጥ ሥራዎች እየተከናወኑ መሆኑን ገልጸዋል። ዩኒቨርሲቲው ከአጋር አካላት ጋር በመተባበር የሥራ አካባቢ ደኅንነትን በዘላቂነት ለማስጠበቅ በጥናትና ምርምር የተደገፈ ሥራ በማከናወን ተጨባጭ ውጤት እያስመዘገበ መሆኑንም ጠቅሰዋል። በአዲስ አበባ ዩኒቨርሲቲ የሕብረተሰብ ጤና ትምህርት ቤት የሙያ ጤንነትና ደኅንነት ፕሮጀክት ኃላፊ ፕሮፌሰር ዋቅጋሪ ዴሬሳ በበኩላቸው፤ የሰለጠነ የሰው ኃይል ማፍራትና የምርምር ሥራዎችን ማጠናከር ለሙያ ጤናና ደኅንነት መረጋገጥ ወሳኝ ሚና እንዳላቸው ገልጸዋል። በፕሮጀክቶቹ አማካኝነትም የሙያ ጤና ማዕቀፍ መዘጋጀቱንና የላቦራቶሪ መሠረተ ልማቶች መጠናከራቸውን ተናግረዋል። የኖርዌይ በርገን ዩኒቨርሲቲን በመወከል በመድረኩ የተገኙት ፕሮፌሰር ቤንቴ ሞዬን በበኩላቸው፤ የዩኒቨርሲቲዎቹ ትብብር ከተጀመረ ዐሥራ ሦስት ዓመታት መቆጠራቸውን ጠቅሰዋል። በእነዚህ ዓመታት አዲስ አበባ ዩኒቨርሲቲ ተጨባጭና ውጤታማ ተግባራትን ማከናወኑን ገልጸዋል። በቀጣይም የከፍተኛ ትምህርት ተቋማቱን አጋርነትና ትብብር ይበልጥ በማጠናከር ለተሻለ ውጤት በቁርጠኝነት እንደሚሠሩ አረጋግጠዋል። "በጣም ጥሩ ትብብር እና ድንቅ ጊዜ ነበር። 13 ዓመታት መቆጠራቸው በራሱ አስደናቂ ነው። ኢትዮጵያ የ13 ወር የፀሐይ ጸጋ ባለቤት የሆነች ሀገር ናት፤ የእኛም ፕሮጀክት የ13 ዓመት የፀሐይ ብርሃን ሆኖ አልፏል። ይሁን እንጂ ገና ብዙ ሥራዎች ከፊታችን ይጠብቁናል።"
ኢትዮጵያ በዲጂታል ዘርፉ የፈጠረችው አቅም በ2030 በመስኩ ያስቀመጠችውን ግብ የሚያሳካ ነው
Nov 19, 2026 242
ዲላ፤ ህዳር 9/2019(ኢዜአ)፦ ኢትዮጵያ በዲጂታል ዘርፉ የፈጠረችው አቅም በ2030 በመስኩ የተቀመጠውን ግብ ለማሳካት የሚያስችል መሆኑን የዲላ ዩኒቨርሲቲ ምሁራን ገለጹ። እንደ ሀገር ዲጂታል ኢትዮጵያን እውን ለማድረግ እየተከናወኑ ባሉ ተግባራት ውስጥ ዩኒቨርሲቲው የፈጠራ ሥራዎቹን ለማህበረሰቡ ተደራሽ እያደረገ መሆኑም ተመላክቷል። በዩኒቨርሲቲው የኢንዱስትሪ ትስስርና ቴክኖሎጂ ሽግግር ዳይሬክተር አዲሱ ፍሪጆ (ዶ/ር) ለኢዜአ እንዳሉት ዲጂታል ቴክኖሎጂን ተግባራዊ ማድረግ ሥራን ከማቃለልና ከማቀላጠፍ ባለፈ የዘመናዊነት መገለጫ ነው። በአሁኑ ወቅት ዓለም በዲጂታል ትግበራ ብዙ ርቀቶችን የተጓዘ በመሆኑ ኢትዮጵያ በዘርፉ ተወዳዳሪነትን ለማጠናከር እና ውዝፍ ሥራዎችን ለማካካስ በምታደርገው ጥረት ውጤታማ ተግባር እያከናወነች መሆኗን ነው የገለጹት። በተለይ ከዲጂታል መታወቂያና አገልግሎት አሰጣጥ አንስቶ እስከ ሰው ሰራሽ አስተውሎት የተገነባው የዲጂታል ሥርዓት በዘርፉ ትልቅ አቅም ፈጥሯል ነው ያሉት። የተፈጠረው አቅምም በ2030 ኢትዮጵያ በዲጂታል ዘርፉ ለመድረስ ያቀደችውን ግብ በላቀ ሁኔታ ለማሳካት የሚያስችላት ነው ብለዋል። ዩኒቨርሲቲው ዲጂታል ኢትዮጵያን እውን ለማድረግ የሚያግዙትን ጨምሮ በመምህራንና ተማሪዎች የተገነቡ 10 የተለያዩ የፈጠራ ቴክኖሎጂዎችን ለማህበረሰቡ ተደራሽ ማድረጉን ተናግረዋል። ኢትዮጵያ ዲጂታል መሠረተ ልማትን በማስፋት እውቀት ተኮር ኢኮኖሚ ለመገንባት የምታደርገው ጥረት ተስፋ ሰጭ ነው ያሉት ደግሞ በዩኒቨርሲቲው የኢ-ለርኒንግ ዳይሬክተር እንግዳ ኢሳያስ (ዶ/ር) ናቸው። ይህም ለዜጎች ምርታማነት፣ ለአሰራር ቅልጥፍና እንዲሁም የሀብት ብክነትን በማስቀረት ሀገራዊ ተወዳዳሪነትን የሚያጎለብት ነው ብለዋል። ዩኒቨርሲቲው የመምህራንንና የተማሪዎችን የዲጂታል ክህሎት በማሳደግና የሳይበር ደህንነትን በማረጋገጥ ረገድ ውጤታማ ተግባራት እያከናወነ መሆኑን ጠቅሰዋል። በተለይ በዘርፉ የማህበረሰቡን ግንዛቤ ከማሳደግና የዲጂታል መሠረተ ልማት ማነቆዎችን ከመፍታት ባለፈ በዩኒቨርሲቲው የበይነ መረብ ትምህርት ባህልን እየገነባ መሆኑን አንስተዋል። በዩኒቨርሲቲው የኢስቲሚ ማዕከል ተማሪ ገባል አብረሃም የተፈጥሮ አደጋ ሊከሰት እንደሚችል ቅድመ ጥቆማ የሚሰጥ የፈጠራ ቴክኖሎጂ ለትግበራ ማብቃቱን ገልጿል። ፈጠራውም የአየር ንብረት መረጃዎችን በማሰባሰብ በተለይ የመሬት መንሸራተት አደጋ ተጋላጭነትን ቀድሞ በመለየት ለአካባቢው መስተዳድርና ማህበረሰብ መረጃ የማድረስ ሥርዓትን የያዘ ነው ብሏል። ይህም በመስክ ላይ ተሞክሮ ውጤታማ መሆኑን አንስቶ የኢትዮ ኮደርስ ሥልጠናና በሰው ሰራሽ አስተውሎት ከዩኒቨርሲቲው ያገኘው ክህሎት ለፈጠራ ሥራው ትልቅ አቅም እንደሆነው ተናግሯል።
የኢትዮጵያ የሰው ሰራሽ አስተውሎት የዲጂታል ቴክኖሎጂ ልማት ለአፍሪካዊያን የሚተርፍ አቅም ገንብቷል
Nov 17, 2026 602
አዲስ አበባ፤ ህዳር 8/2019(ኢዜአ)፦ የኢትዮጵያ የሰው ሰራሽ አስተውሎት የዲጂታል ቴክኖሎጂ ልማት ለአፍሪካዊያን የሚተርፍ ተምሳሌታዊ አቅም ነው ሲሉ የአፍሪካ ሀገራት ሰልጣኞች ተናገሩ። የኢትዮጵያ አርቴፊሻል ኢንተለጀንስ ኢንስቲትዩት ከተለያዩ የአፍሪካ ሀገራት ለተውጣጡ የዘርፉ ባለሙያዎች በሰው ሰራሽ አስተውሎት (AI) ሥራ ፈጠራ (Start-up) ዙሪያ ሥልጠና እየሰጠ ይገኛል። ኢትዮጵያ ከቅርብ ጊዜ ወዲህ የአርቴፊሻል ኢንተለጀንስ ኢንስቲትዩትን በማቋቋም እና "ዲጂታል ኢትዮጵያ" ስትራቴጂን በመተግበር በዘርፉ ላይ ከፍተኛ መዋዕለ ንዋይ እያፈሰሰች ትገኛለች። ይህም ከቴክኖሎጂ ተጠቃሚነት ባለፈ ለአፍሪካ ሀገራት የቴክኖሎጂ መፍትሔዎችን፣ ሶፍትዌሮችንና ሥልጠናዎችን የምታቀርብ የአፍሪካ የቴክኖሎጂ ማዕከል እየሆነች መጥታለች። ኢዜአ ያነጋገራቸው ከአፍሪካ ሀገራት የተወጣጡ ሰልጣኝ ባለሙያዎች እንዳሉት፤ ኢትዮጵያ አህጉራዊ ትስስርን ለማጠናከርና የአፍሪካን አቅም በቴክኖሎጂ ለማሳደግ እያደረገች ያለው ጥረት የሚደነቅ ነው። ከናይጀሪያ የመጣው አባዮሚ ኦሽኖዎ፤ ስልጠናው አፍሪካውያን ከቴክኖሎጂ ተጠቃሚነት ባሻገር አህጉራዊ መፍትሔ የሚያፈልቁ ሙያተኞች የሚፈሩበትን ምቹ ሁኔታ እንደሚፈጥር ገልጿል። ኢትዮጵያ በአርቴፊሻል ኢንተለጀንስ ዘርፍ የገነባችው አቅም እና እያከናወነቻቸው ያሉ ተግባራት ለመላው አፍሪካ ምሳሌ የሚሆኑ መሆናቸውን ጠቅሷል። በኢንስቲትዩቱ የተዘጋጀው የፓን-አፍሪካኒዝም ሰው ሰራሽ አስተውሎት የሥራ ፈጣሪዎች ሥልጠና የሰልጣኞችን የቴክኒክ ክህሎት በማሻሻል የአፍሪካን ትስስር ለማጠናከር ጉልህ ሚና እንዳለው ተናግሯል። አህጉራዊ ሥልጠናዎችን በማዘጋጀት ኢትዮጵያ በአፍሪካ የአርቴፊሻል ኢንተለጀንስ እና የዲጂታል ሽግግር የመሪነት ሚናዋን በተግባር እየተወጣች መሆኗንም አመላክቷል። ዩጋንዳዊቷ በረንጋህ ናሙቢሊ በበኩሏ፤ ኢትዮጵያ አህጉራዊ ትስስርን ለማጠናከርና የአፍሪካን የቴክኖሎጂ አቅም ለማሳደግ እያደረገች ያለው ጥረት የሚደነቅ መሆኑን ገልጻለች። ኢትዮጵያ በዘርፉ ያካበተችውን ልምድና ቴክኖሎጂ ለአፍሪካ ሀገራት ማካፈሏ አህጉራዊ የዲጂታል ትብብርን ለማጠናከር እንደሚያግዝም ተናግራለች። ከሥልጠናው ያገኘችው እውቀትና ክህሎት ወደ ሀገሯ ስትመለስ ዘርፉን ለማገዝ ትልቅ አቅም እንደሚፈጥርላት አመልክታለች። ሩዋንዳዊው ጋዮስ ካይራንጋ፤ ኢትዮጵያ ለአፍሪካ ስታርታፖች እየሰጠች ያለው ስልጠና አፍሪካውያን የራሳቸውን መፍትሔዎች በራሳቸው እንዲፈጥሩ የሚያስችል ነው ብሏል። ኢትዮጵያ እየወሰደች ያለው ኢኒሼቲቭ አህጉሪቱ በቴክኖሎጂ እና በሰው ሰራሽ አስተውሎት ዘርፍ የጀመረችውን ተግባር ይበልጥ የሚያጠናክር መሆኑን ገልጿል። ኢትዮጵያዊቷ ወለላ በቀለ በበኩሏ፤ ከተለያዩ የአፍሪካ ሀገራት ከተውጣጡ ሰልጣኞች ጋር አብሬ በመሰልጠኔ በምሠራው ፕሮጀክት ላይ ገንቢ ሀሳቦችን እንዳገኝና ልምድ እንድቀስም ረድቶኛለች ብላለች። ሥልጠናው የፈጠራ ሃሳቦቻችንን ወደ ተግባራዊ የንግድ ሥራና ገበያ በመቀየር ራሳችንንም ሆነ ሀገራችንን ተጠቃሚ የምናደርግበትን ዕድል ፈጥሮልናል ነው ያለችው።
ስፖርት
ሸገር ከተማ ድል ቀንቶታል
Nov 21, 2026 18
አዲስ አበባ፤ ህዳር 12/2019 (ኢዜአ)፦ በኢትዮጵያ ፕሪሚየር ሊግ ስድስተኛ ሳምንት ሸገር ከተማ ሀዋሳ ከተማን 2 ለ 1 ረትቷል። በአዳማ ሳይንስ እና ቴክኖሎጂ ዩኒቨርሲቲ ስታዲየም በተካሄደው ጨዋታ ኦዳ መሐመድ እና ቢንያም ፍቅሩ ግቦቹን አስቆጥረዋል። ጌታነህ ከበደ የሀዋሳ ከተማ ጎል ከመረብ ላይ አሳርፏል። ውጤቱን ተከትሎ ሸገር ከተማ በስምንት ነጥብ አምስተኛ፣ ሀዋሳ ከተማ በአምስት ነጥብ 12ኛ ደረጃን ይዘዋል። በሰባተኛ ሳምንት ሸገር ከተማ ከጋሞ ጨንቻ እና ሀዋሳ ከተማ ከአዳማ ከተማ ጨዋታቸውን ያደርጋሉ።
የእንግሊዝ ፕሪሚየር ሊግ ተጠባቂ መርሐ ግብሮች
Nov 21, 2026 79
አዲስ አበባ፤ ህዳር 12 /2019 (ኢዜአ)፦ የእንግሊዝ ፕሪሚየር ሊግ ከብሔራዊ ቡድን ጨዋታዎች በኋላ ዛሬ በ11ኛ ሳምንት መርሐ ግብር ይመለሳል። በዕለቱ ሰባት ጨዋታዎች ይደረጋሉ። ምሽት 2 ሰዓት ከ30 ላይ ኒውካስትል ዩናይትድ የሊጉን መሪ አርሰናልን ከአስቶንቪላ በሴንት ጀምስ ፓርክ ስታዲየም ያስተናግዳል። ኒውካስትል ዩናይትድ በ12 ነጥብ 12ኛ ደረጃን ይዟል። አርሰናል በ27 ነጥብ የሊጉ አናት ላይ ተቀምጧል። ባለሜዳው ኒውካስትል ካለፉት አምስት የሊግ ጨዋታዎች ማሸነፍ የቻለው በአንዱ ብቻ ነው። ባለፉት ሁለት መርሐ ግብሮች ድል አልቀናውም። መድፈኞቹ ያለፉት አምስት የሊግ ጨዋታዎች አሸንፈዋል። ጨዋታው አርሰናል የሊጉን መሪነት ለማጠናከር፣ ኒውካስትል ወደ አሸናፊነት ለመመለስ የሚያደርጉት ነው። በሌላኛው መርሐ ግብር ማንችስተር ሲቲ ከፉልሃም ጋር ከቀኑ 9 ሰዓት ከ30 በኢትሃድ ስታዲየም ጨዋታውን ያደርጋል። ማንችስተር ሲቲ በ21 ነጥብ ሶስተኛ ደረጃን ይዟል። ሰማያዊዎቹ ባለፉት ሶስት የሊግ ጨዋታዎች ተሸንፈዋል። ፉልሃም በ10 ነጥብ 15ኛ ደረጃ ላይ ተቀምጧል። ቡድኑ ባለፉት ሁለት የሊግ ጨዋታዎች አቻ ወጥቷል። ማንችስተር ሲቲ በዋንጫ ፉክክሩ ለመቆየት የዛሬውን ጨዋታ ማሸነፍ ይጠበቅበታል። ምሽት 12 ሰዓት ላይ ቼልሲ ሊድስ ዩናይትድን በስታምፎርድ ብሪጅ የሚያስተናግድበት ጨዋታ ሌላኛው የዕለቱ መርሐ ግብር ነው። ቼልሲ በ16 ነጥብ አምስተኛ ደረጃ ላይ ይገኛል። ተጋጣሚው ሊድስ ዩናይትድ በ14 ነጥብ ዘጠነኛ ደረጃን ይዟል። በ10ኛ ሳምንት መርሐ ግብር ቼልሲ በሰንደርላንድ የ1 ለ 0 ሽንፈት ሲያስተናግድ ሊድስ ዩናይትድ ቶተንሃም ሆትስፐርስን 1 ለ 0 ረትቷል። ቼልሲ ወደ አሸናፊነት መንገድ ለመመለስ ሊድስ ተከታታይ ድሉን ለማስመዝገብ ይፋለማሉ። በሌሎች መርሐ ግብሮች አስቶንቪላ ከሰንደርላንድ፣ ቶተንሃም ሆትስፐርስ ከኤፕስዊች ታውን፣ ቦርንማውዝ ከኖቲንግሃም ፎረስት እና ኮቨንተሪ ሲቲ ከክሪስታል ፓላስ በተመሳሳይ ምሽት 12 ሰዓት ላይ ጨዋታቸውን ያደርጋሉ።
የኢትዮጵያ ፕሪሚየር ሊግ ተጠባቂ መርሐ ግብሮች
Nov 21, 2026 95
አዲስ አበባ፤ ህዳር 12/2019 (ኢዜአ)፦ በኢትዮጵያ ፕሪሚየር ሊግ የስድሰተኛ ሳምንት የሁለተኛ ቀን ውሎ አራት ጨዋታዎች ይካሄዳሉ። ከምሽቱ 12 ሰዓት ላይ አዳማ ከተማ ከሲዳማ ቡና በአዳማ ሳይንስ እና ቴክኖሎጂ ዩኒቨርሲቲ ስታዲየም ይጫወታሉ። አዳማ ከተማ በስድስት ነጥብ 10ኛ ደረጃን ይዟል። የወቅቱ ሻምፒዮን ሲዳማ ቡና በአንድ ነጥብ 17ኛ ደረጃን ይዞ ወራጅ ቀጠና ውስጥ ይገኛል። ሲዳማ ቡና በካፍ ሻምፒዮንስ ሊግ ማጣሪያ ተሳትፎው ምክንያት ሶስት ተስተካካይ ጨዋታዎች ይቀሩታል። አዳማ ከተማ ባለፉት አራት ጨዋታዎች አላሸነፈም። ጨዋታው ሲዳማ ቡና የመጀመሪያ ድሉን ለማግኘት፣ አዳማ ከተማ ወደ አሸናፊነት ለመመለስ የሚያደርጉት ነው። በሌላኛው መርሐ ግብር ባህር ዳር ከተማ ከኢትዮጵያ መድን ከቀኑ 10 ሰዓት በባህር ዳር ኢንተርናሽናል ስታዲየም ጨዋታቸውን ያደርጋሉ። ባለሜዳው ባህር ዳር ከተማ በሰባት ነጥብ ስምንተኛ ደረጃን ይዟል። ተጋጣሚው ኢትዮጵያ መድን በተመሳሳይ ሰባት ነጥብ በግብ ክፍያ በልጦ ሰባተኛ ደረጃ ላይ ተቀምጧል። በአምስተኛ ሳምንት መርሐ ግብር ባህር ዳር ከተማ ከፋሲል ከነማ ጋር ሁለት አቻ ሲለያይ ኢትዮጵያ መድን ኢትዮጵያ ንግድ ባንክን 3 ለ 1 ረትቷል። ሁለቱ ቡድኖች በተመሳሳይ አንድ ተስተካካይ ጨዋታ አላቸው። ሌላኛው መርሐ ግብር ኢትዮጵያ ቡና እና ወላይታ ድቻን ከቀኑ 9 ሰዓት ከ30 ላይ በአዲስ አበባ ስታዲየም ያገናኛል። ኢትዮጵያ ቡና በሊጉ ካደረጋቸው አምስት ጨዋታዎች አራት ነጥብ በማግኘት 14ተኛ ደረጃን ይዟል። ተጋጣሚው ወላይታ ድቻ በተመሳሳይ ከአምስት ጨዋታዎች ስምንት ነጥብ በመሰብሰብ አራተኛ ደረጃ ላይ ይገኛል። ቡናማዎቹ ባለፉት ሶስት ጨዋታዎች ድል አልቀናቸውም። ወላይታ ድቻ ያለፉትን ሁለት የሊግ ጨዋታዎች በድል ተወጥቷል። ጨዋታው ኢትዮጵያ ቡና ወደ አሸናፊነት ለመመለስ፣ ወላይታ ድቻ በድል ጉዞ ለመቀጠል የሚያደርጉት ነው። ከቀኑ 9 ሰዓት ላይ ሸገር ከተማ ከሀዋሳ ከተማ በአዳማ ሳይንስ እና ቴክኖሎጂ ዩኒቨርሲቲ ስታዲየም ጨዋታቸውን ያከናውናሉ። ሸገር ከተማ በአምስት ነጥብ 12ኛ ደረጃን ይዟል። አንድ ተስተካካይ ጨዋታ ያለው ሀዋሳ ከተማ በተመሳሳይ አምስት ነጥብ በግብ ክፍያ በልጦ 11ኛ ደረጃ ላይ ተቀምጧል። ባለፉት አራት ጨዋታዎች ከድል የራቀው ሸገር ከተማ ወደ አሸናፊነት ለመመለስ ይጫወታል። በአምስተኛ ሳምንት ጋሞ ጨንቻን 2 ለ 1 በማሸነፍ የመጀመሪያ ሶስት ነጥቡን ያገኘው ሀዋሳ ከተማ ተከታታይ ድሉን ለማስመዝገብ ይፋለማል።
ቅዱስ ጊዮርጊስ ተከታታይ ድሉን አስመዘገበ
Nov 20, 2026 129
አዲስ አበባ፤ ህዳር 11/2019 (ኢዜአ)፦ በኢትዮጵያ ፕሪሚየር ሊግ የስድስተኛ ሳምንት የመጀመሪያ መርሐ ግብር ቅዱስ ጊዮርጊስ ሀዲያ ሆሳዕናን 2 ለ 0 አሸንፏል። በአዲስ አበባ ስታዲየም በተካሄደው ጨዋታ አማኑኤል ኤርቦ እና የሀዲያ ሆሳዕናው ዳግም ወንድሙ በራሱ ላይ ለቅዱስ ጊዮርጊስ ግቦቹን አስቆጥረዋል። ተከታታይ ድሉን ያስመዘገበው ቅዱስ ጊዮርጊስ በዘጠኝ ነጥብ ሶስተኛ ደረጃን ይዟል። በሊጉ ሶስተኛ ድሉን ያስመዘገበው ሀዲያ ሆሳዕና በአራት ነጥብ 13ኛ ደረጃ ላይ ይገኛል። በአዳማ ሳይንስ እና ቴክኖሎጂ ዩኒቨርሲቲ ስታዲየም በተካሄደው ሌላኛው መርሐ ግብር ወልዋሎ አዲግራት ዩኒቨርሲቲ እና መቻል ያለ ግብ አቻ ተለያይተዋል። መቻል በ11 ነጥብ ሁለተኛ ደረጃን ይዟል። ሶስት ተስተካካይ ጨዋታዎች የሚቀሩት ወልዋሎ አዲግራት ዩኒቨርሲቲ በሁለት ነጥብ 16ኛ ደረጃን ይዞ ወራጅ ቀጠና ውስጥ ይገኛል።
አካባቢ ጥበቃ
ኢትዮጵያ በመደመር እሳቤ ዓለም አቀፍ ትብብርን እና ፍትሐዊ የአየር ንብረት ፋይናንስ ተደራሽነትን ለማሳደግ ትሰራለች
Nov 21, 2026 26
አዲስ አበባ፤ ህዳር 12 /2019 (ኢዜአ)፦ ኢትዮጵያ በመደመር እሳቤ ዓለም አቀፍ ትብብርን እና ፍትሐዊ የአየር ንብረት ፋይናንስ ተደራሽነትን ለማሳደግ አበክራ እንደምትሰራ የውጭ ጉዳይ ሚኒስትር እና የኮፕ 32 ተመራጭ ፕሬዝዳንት ጌዲዮን ጢሞቴዎስ (ዶ/ር) ገለጹ። 31ኛው የተባበሩት መንግስታት ድርጅት የአየር ንብረት ለውጥ ጉባኤ (ኮፕ 31) “ጉዞ ወደ ዘላቂ፣ አይበገሬነት እና ፍትሃዊነት ወደተረጋገጠበት መጻኢ ዘመን” በሚል መሪ ሀሳብ በቱርኪዬ አንታሊያ ሲካሄድ ቆይቷል። የውጭ ጉዳይ ሚኒስትር እና የኮፕ 32 ተመራጭ ፕሬዝዳንት ጌዲዮን ጢሞቴዎስ (ዶ/ር) በዚሁ ወቅት ኢትዮጵያ 32ኛውን ጉባኤ (COP32) የማስተናገድ ኃላፊነቷን በይፋ መረከቧን አብስረዋል። ሚኒስትሩ 31ኛውን ጉባኤ በተሳካ ሁኔታ ላስተናገደችው ቱርኪዬና ለኮፕ 31 ፕሬዝዳንት ሙራት ኩሩም፣ እንዲሁም ድርድሮቹን ሲመሩ ለነበሩት አውስትራሊያና የድርድሩ ሊቀመንበር ክሪስ ቦወን ምስጋና አቅርበዋል። ኢትዮጵያ በማራቶን ሯጮቿ ጥንካሬና ጽናት እንደምትታወቅ የጠቀሱት ሚኒስትሩ፣ የአየር ንብረት ጉባኤዎችም እንደ ቅብብሎሽ ሩጫ መሆናቸውን አመላክተዋል። በመሆኑም ኢትዮጵያ ዱላውን ከኮፕ 31 ስትረከብ ሁሉም ወገኖች ቀጣዩን ምዕራፍ ከአንታሊያ ወደ አዲስ አበባ አብረው እንዲሮጡና የጋራ ቃል ኪዳኖችን ወደ ተግባራዊ እርምጃ እንዲቀይሩ ጥሪ አቅርበዋል። በመጪው የኢትዮጵያ የኮፕ 32 ፕሬዝዳንትነት ተስፋን መመለስ፣ መተማመንን መልሶ መገንባት እና የጋራ እርምጃን ማጠናከር የሚሉ ሦስት ቅድሚያ የሚሰጣቸው ጉዳዮች መለየታቸውን አስታውቀዋል። በባለብዙ ወገን የአየር ንብረት ትብብር ላይ ያለውን እምነት መመለስ የሚቻለው በተግባር ውጤት በማስመዝገብ በመሆኑ፣ የጉባኤው ውሳኔዎች አፈጻጸምን የሚያሳድጉ መሆን እንዳለባቸውም አጽንኦት ሰጥተዋል። የኮፕ 32 ዋና ራዕይ የአየር ንብረት እርምጃን ከኢኮኖሚ ልማት ጋር አቀናጅቶ ማስኬድ እንደሆነና ሁለቱ ግቦች እርስ በርስ የሚደጋገፉ መሆናቸውን ገልጸዋል። ይህንን ለማሳካት በተሳታፊ ሀገራት የሚመራ፣ ሁሉን አቀፍና ግልጽነት ያለው አሠራር በመከተል የጋራ መግባባት ለመፍጠር ሁሉንም ወገኖች በማዳመጥ እንደሚሠሩ ተናግረዋል። በመደመር እሳቤ አማካኝነት ኢትዮጵያ ለሕዝቧና ለመላው የሰው ልጅ ዓለም አቀፋዊ ትስስር እንደምታሳድግ የገለጹት ሚኒስትሩ፣ ይህም የሀገራትን ቅድሚያ ትኩረቶች ማክበርና ለመጪው ትውልድ ኃላፊነት መወጣትን መሠረት ያደረገ መሆኑን አስረድተዋል። በኮንቬንሽኑና በፓሪስ ስምምነት ማዕቀፍ የቤሌምን ተልዕኮዎችና የአንታሊያን ውጤቶች በማስቀጠል ሁሉን አቀፍ ድርድሮችን እንደምታመቻችም ጠቁመዋል። ፕሬዝዳንትነቱ የአየር ንብረት ለውጥን በመቀነስ፣ የዝግጁነት አቅምን በማሳደግ፣ በኪሳራና ውድመት፣ በፍትሐዊ ሽግግርና በግልጽነት ዙሪያ ሚዛናዊ ውጤቶችን ለማምጣት ይሠራል ነው ያሉት። በተለይም ለአየር ንብረት ፋይናንስ አቅርቦትና ተደራሽነት ልዩ ትኩረት እንደሚሰጥ የገለጹት ሚኒስትሩ፣ አዲስ አበባ በሳይንሳዊ መረጃዎች ላይ በመመርኮዝ በሚካሄደው የሁለተኛው ዓለም አቀፍ የግምገማ ምዕራፍ ቴክኒካዊ ግምገማ ወሳኝ መድረክ እንደምትሆን ገልጸዋል። በተጨማሪም ኮፕ 32 የተለያዩ ባለድርሻ አካላትን በማሰባሰብ አፈጻጸምን የሚያሳድገውን የድርጊት መርሃ ግብር እንደሚያስቀጥል አመልክተዋል። በአሁኑ ወቅት ከፍተኛ ውጤት የሚያመጡ የፕሬዝዳንትነት ኢኒሼቲቮችን የመለየት ሥራ እየተከናወነ መሆኑንና እነዚህም ከሰፊ ኢኮኖሚያዊ ለውጥ መርሃ ግብር ጋር ተሳስረው እንደሚቀረጹ አስገንዝበዋል። በመጨረሻም ሚኒስትሩ ሁሉንም ተሳታፊዎች በአዲስ አበባ ለመቀበል በጉጉት እንደሚጠብቁ መልእክታቸውን አስተላልፈዋል።
ኢትዮጵያ የአየር ንብረት ቃል ኪዳኖች ወደ ተጨባጭ ተግባር እንዲቀየሩ በቁርጠኝነት ትሰራለች
Nov 21, 2026 138
አዲስ አበባ፤ ህዳር 12/2019 (ኢዜአ)፦ ኢትዮጵያ በኮፕ 32 የአየር ንብረት ቃል ኪዳኖች ወደ ተጨባጭ ተግባር እንዲቀየሩ በቁርጠኝነት እንደምትሰራ የውጭ ጉዳይ ሚኒስትር እና የኮፕ 32 ተመራጭ ፕሬዝዳንት ጌዲዮን ጢሞቴዎስ (ዶ/ር) ገለጹ። 31ኛው የተባበሩት መንግስታት ድርጅት የአየር ንብረት ለውጥ ጉባኤ (ኮፕ 31) በቱርኪዬ አንታሊያ እየተካሄደ ይገኛል። የውጭ ጉዳይ ሚኒስትር እና የኮፕ 32 ተመራጭ ፕሬዝዳንት ጌዲዮን ጢሞቴዎስ(ዶ/ር) ከጉባኤው ጎን ለጎን ከህንድ የአካባቢ፣ ደንና የአየር ንብረት ለውጥ ሚኒስትር ቡፔንደር ያዳቭ ጋር የሁለትዮሽ ውይይት አካሂደዋል። በውይይቱም የፓሪስ ስምምነትን ፍትሃዊ በሆነ መንገድ መተግበር አስፈላጊ መሆኑ ተመላክቷል። በተጨማሪም ሁለቱ ወገኖች በአየር ንብረት ፋይናንስ፣ በዘላቂ ልማት፣ እንዲሁም ዝቅተኛ የካርቦን ልቀት ወዳለውና ለአየር ንብረት ለውጥ የማይበገር ኢኮኖሚ ለመሸጋገር ሀገራት በራሳቸው ተጨባጭ ሁኔታ የሚቀርጿቸው አካሄዶች ስላላቸው ወሳኝ ፋይዳ በጥልቀት መክረዋል። ጌዲዮን ጢሞቴዎስ(ዶ/ር) አዲስ አበባ የምታስተናግደውን ኮፕ 32 አስመልክቶ ባነሱት ሀሳብ ኢትዮጵያ ሰፊና ሁሉን አቀፍ ምክክር ለማድረግ እንዲሁም ሀገራት ከአየር ንብረት ቃል ኪዳኖች ወደ ተጨባጭ ተግባር እንዲሸጋገሩ የሚያስችሉ ስራዎችን ለማራመድ ያላትን ጽኑ ቁርጠኝነት ገልጸዋል። ይህም የሁለተኛውን ዓለም አቀፍ የአየር ንብረት አፈጻጸም ግምገማ (Global Stocktake) ቴክኒካል ስራዎች ማሳደግን እና ሀገራት ብሔራዊ ከአየር ንብረት ለውጥን የመቋቋም ዕቅዶቻቸውን እንዲተገብሩ የሚሰጠውን ድጋፍ ማጠናከርን ያካትታል። ህንድ ለደቡቡ ዓለም ክፍል ያላትን ጠንካራ ድምጽ በመገንዘብ፣ ፍትሃዊነትን የሚያጎለብቱና ሀገራት የልማትም ሆነ የአየር ንብረት ቅድሚያዎቻቸውን በፋይናንስ መደገፍ የሚችሉበትን ውጤት ለማምጣት በቀጣናዎች መካከል ትብብርን በመገንባት ረገድ የምትጫወተውን የመሪነት ሚና ኢትዮጵያ በአዎንታ እንደምትመለከተው ተመራጭ ፕሬዝዳንቱ ገልጸዋል። #COP31 #COP32 #ClimateAction
ሲንጋፖር ከኢትዮጵያ ጋር ያላትን ትብብር ለማጠናከር ትሻለች
Nov 20, 2026 203
አዲስ አበባ፤ ህዳር 11/2019 (ኢዜአ)፦ ሲንጋፖር ከኢትዮጵያ ጋር ዘላቂ ልማትን ጨምሮ በተለያዩ ዘርፎች ያላትን የሁለትዮሽ ግንኙነት የበለጠ ለማስፋት ፍላጎት እንዳላት አስታወቀች። 31ኛው የተባበሩት መንግስታት ድርጅት የአየር ንብረት ለውጥ ጉባኤ (ኮፕ 31) በቱርኪዬ አንታሊያ እየተካሄደ ይገኛል። የውጭ ጉዳይ ሚኒስትር እና የኮፕ 32 ተመራጭ ፕሬዝዳንት ጌዲዮን ጢሞቴዎስ (ዶ/ር) ከጉባኤው ጎን ለጎን፣ ከሲንጋፖር የዘላቂነትና አካባቢ ጥበቃ ሚኒስትር ግሬስ ፉ ጋር የሁለትዮሽ ውይይት አካሂደዋል። ሚኒስትሯ፣ ኢትዮጵያ ኮፕ 32ን ለማስተናገድ በመመረጧ የእንኳን ደስ አላችሁ መልእክት ያስተላለፉ ሲሆን፣ ሲንጋፖር በካርቦን ገበያ፣ በምግብ ዋስትና፣ በዲጂታል ፈጠራና በዘላቂ ልማት ዘርፎች ያላትን የትብብር ፍላጎት ገልጸዋል። በዉይይታቸዉም ለተሳካ ኮፕ 32 ዝግጅት ትብብራቸውን ይበልጥ ለማጠናከር ቁርጠኝነታቸውን አረጋግጠዋል። #COP31 #COP32 #ClimateAction
የኢትዮጵያን ብዝኅ ጸጋና ዘመን አይሽሬ ታሪክ- የሀገሬ ስጦታ
Nov 20, 2026 137
በቁምልኝ አያሌው! ትልቅ ሀገር፤ ትልቅ ሕዝብ፤ ታላቅ ርዕይ በዘመናችን የአየር ንብረት ለውጥ የሰው ልጆችን ሕልውና፣ የሥነ-ምህዳር ሚዛንና የዓለምን ዘላቂነት በእጅጉ እየተፈታተነ ይገኛል። እርሱ እያስከተለ ያለው ዳፋ የሀገራትን ሉዓላዊ ወሰን ሳይበግር፣ የውቅያኖሶችንና የባሕር ወለል ስፋት ሳይገድብ በሁሉም ዘንድ ደራሽ ሆኖ ቀጥሏል። ከኢንዱስትሪ አብዮት ማግስት ጀምሮ የሰው ልጅ ያልተገራ የተፈጥሮ ሀብት አጠቃቀም ምድር መሸከም ከማትችለው ማጥ ውስጥ እየከተታት መጥቷል። የሥነ-ምኅዳር መጎሳቆል፣ የነዳጅ አጠቃቀም፣ የኢንዱስትሪ በካይ ጋዝ ልቀት እና የግሪን ሐውስ ጋዞች መጨመር የአየር ንብረት ለውጥ መሠረታዊ ምክንያቶች ናቸው። የምድር አማካይ ሙቀት መጨመርም የዚህ ለውጥ አንዱ ዋነኛ መገለጫ ነው። የከፋ ድርቅ፣ ጎርፍ፣ የሙቀት ማዕበል፣ የውኃ እጥረት፣ የብዝኅ ሕይወት መመናመንና የምግብ ዋስትና መናጋት ተደራራቢ ተጽዕኖዎች እየሆኑ መጥተዋል። የአየር ንብረት ለውጥ ተጽዕኖ አሳሳቢነት በኢኮኖሚ፣ በማኅበራዊ ፍትሐዊነት፣ በሕዝብ ጤና፣ በሰላምና በዓለም አቀፍ ደኅንነት ላይ ጎልቶ እየታየ ነው። በተለይም ቀውሱ ወሰን የለሽ ቢሆንም፣ የግሪን ሐውስ ጋዝ ልቀት አነስተኛ አስተዋጽኦ ያላቸው የአህጉራችን አፍሪካና የሌሎች ታዳጊ ሀገራት ማኅበረሰቦች የዳፋው ከፍተኛ ሰለባ ናቸው። ይህም የአየር ንብረት ለውጥን ከሳይንሳዊና አካባቢያዊ ጉዳይነት ባሻገር የፍትሐዊነት፣ የታሪካዊ ኃላፊነትና የዓለም አቀፍ አብሮነት ጥያቄ እንዲሆን አድርጎታል። በዚህም የሀገራትን የልማት ፍላጎት፣ የልቀት ቅነሳ ግዴታና የማኅበረሰቦችን የመላመድ አቅም በሚዛናዊነት ማገናዘብ ወሳኝ ነው። የአየር ንብረት ዲፕሎማሲ መድረክ፡ ማን? መቼ አስተናገደ? በዚህ ዓለም አቀፍ ፈተና ዙሪያ የተቀናጀ ምላሽ ለመስጠት የተቋቋመው የተባበሩት መንግሥታት የአየር ንብረት ለውጥ ማዕቀፍ ስምምነት (UNFCCC) የተሳታፊ ሀገራት ጉባኤዎች የዓለም አቀፍ የአየር ንብረት ዲፕሎማሲና የፖሊሲ ውይይት ዋነኛ መድረኮች ናቸው። እነዚህ መድረኮች የሀገራትን የልቀት ቅነሳ ቃል ኪዳኖች፣ የአየር ንብረት ለውጥ መላመድ ስልቶች፣ የፋይናንስ ድጋፍ፣ የቴክኖሎጂ ሽግግርና የኪሳራና ጉዳት ጉዳዮችን በጋራ የሚመክሩባቸውና ስምምነቶች የሚደረሱባቸው ወሳኝ ማዕቀፎች ናቸው። የአየር ንብረት ዲፕሎማሲ መድረኮች በሳይንሳዊ ምርምር፣ በዓለም አቀፍ ውይይትና በሕጋዊ ስምምነቶች የተገነባ ረጅም ሂደት አልፈዋል። ከ1979 እስከ 2026 በተለያዩ ሀገራት የተካሄዱት ዓለም አቀፍ የአየር ንብረት መድረኮችና ጉባኤዎች የሂደቱን ታሪካዊ የጉዞ ምዕራፎች ያመላክታሉ። በዚህም እ.ኤ.አ. በ1979 በጄኔቫ፣ ስዊዘርላንድ የተካሄደው የመጀመሪያው የዓለም የአየር ንብረት ጉባኤ (First World Climate Conference) ሳይንሳዊ ግንዛቤን ለማሳደግ መሠረት ጥሏል፤ እንዲሁም እ.ኤ.አ. በ1988 በጄኔቫ የዓለም አቀፍ የአየር ንብረት ለውጥ ተጠሪ ቡድን (IPCC) መመሥረቱ ዓለም አቀፍ ሳይንሳዊና ተቋማዊ መሠረት የፈጠሩ ናቸው። እነዚህ ሁለቱም ከUNFCCC እና ከCOP ጉባኤዎች ቀደም ብለው የተከናወኑ ታሪካዊ የሆኑ ሳይንሳዊና ተቋማዊ ምዕራፎች ናቸው። በመቀጠልም የኮፕ (COP) ጉባኤዎች ሂደት በብራዚሏ ሪዮ ዴ ጄኔሮ (እ.ኤ.አ. 1992 የምድር ጉባኤ/UNFCCC መፈረሚያ)፣ በጀርመን በርሊን (COP 1፣ 1995)፣ በጃፓን ኪዮቶ (COP 3፣ 1997)፣ በሞሮኮ ማራካሽ (COP 7፣ 2001)፣ በዴንማርክ ኮፐንሃገን (COP 15፣ 2009)፣ በፈረንሳይ ፓሪስ (COP 21፣ 2015)፣ በዩናይትድ ኪንግደም ግላስጎው (COP 26፣ 2021)፣ በግብፅ ሻርም ኤል ሼክ (COP 27፣ 2022)፣ በተባበሩት ዓረብ ኤሚሬቶች ዱባይ (COP 28፣ 2023)፣ በአዘርባጃን ባኩ (COP 29፣ 2024) እንዲሁም በብራዚል ቤለም (COP 30፣ 2025) በመካሄድ በርካታ የታሪክ ሂደቶችን አሳልፏል። 31ኛው የተባበሩት መንግሥታት የአየር ንብረት ለውጥ ጉባኤ (COP 31) በቱርኪዬ አስተናጋጅነት በአንታሊያ እየተካሄደ ነው። ኢትዮጵያም በ2027 በአዲስ አበባ 32ኛውን የስምምነት ወገኖች ጉባኤ (COP 32) ለማስተናገድ የቅብብሎሽ ዝግጅቷንና የአፍሪካ ቡድን ድጋፍን በማጠናከር በመንቀሳቀስ ላይ ትገኛለች። የኮፕ (COP) መድረክ አስተናጋጅ ሀገራት፡ የመሪነት፣ የብሔራዊ ገጽታ ግንባታና የብራንድ ስትራቴጂክ ትርጓሜ የተባበሩት መንግሥታት የአየር ንብረት ለውጥ የተሳታፊ ሀገራት ጉባኤዎች (COP) አስተናጋጅነት ከአንድ ዓለም አቀፍ ጉባኤ መስተንግዶ በላይ ቁልፍ የሆነ የዲፕሎማሲ፣ የስትራቴጂክ ግንኙነት፣ የብሔራዊ ገጽታ ግንባታና የዓለም አቀፍ ተሰሚነት ማሳደጊያ መድረክ ነው። ሀገራትም ይህንን አጋጣሚ የብሔራዊ ማንነታቸውን፣ የባህል ሀብታቸውን፣ የልማት ርዕያቸውንና የአካባቢ ጥበቃ ቁርጠኝነታቸውን ለዓለም ለማስተዋወቅ ተጠቅመውበታል። የአስተናጋጅ ሀገር መሪ የሚያሳየው የዲፕሎማሲ አቅጣጫ፣ የጉባኤው ፕሬዝዳንት የሚወስደው የድርድር አመራር፣ የሀገር ይፋዊ መልዕክት፣ የጉባኤው ሎጎ (LOGO)፣ የቀለም ምርጫ፣ የምልክት አጠቃቀምና የመድረኩ አጠቃላይ የዕይታ አቀራረብ የሀገርን ምስል በመቅረጽ ረገድ ወሳኝ ሚና ይጫወታሉ። በዚህም የCOP ጉባኤ ከዓለም አቀፍ የፖሊሲ ድርድር መድረክ ባሻገር ሀገራት የራሳቸውን ብሔራዊ ትርክት (National Narrative) ለዓለም የሚያስተዋውቁበት የስትራቴጂክ ገጽታ ግንባታና የብራንዲንግ መድረክ ወደ መሆን ተሸጋግሯል። ዓለም አቀፍ የአየር ንብረት ጉባኤዎችን ያስተናገዱ ሀገራት በሎጎ እና በብራንድ ዐሻራዎች ምን አተረፉበት የሚለውን እንደሚከተለው በወፍ በረር እንቃኝ፤ የኢትዮጵያ ዝግጅትና የጠቅላይ ሚኒስትር ዐቢይ አሕመድ (ዶ/ር) የአንታሊያ ስጦታስ ምንድን ነው? የሀገራት የCOP አስተናጋጅነትና የብሔራዊ ገጽታ ግንባታ ዝግጅትና አቀራረብ የተባበሩት መንግሥታት የአየር ንብረት ጉባኤዎች አስተናጋጅ ሀገራት የዓለም አቀፍ የአየር ንብረት ድርድርን ከማስተናገድ ባሻገር፣ ታሪካዊ ማንነታቸውን፣ ባህላዊ እሴቶቻቸውን፣ ተፈጥሯዊ ሀብታቸውንና የዲፕሎማሲ አቅማቸውን ለዓለም ለማስተዋወቅ የሚያገለግል መድረክ አድርገው ተጠቅመውበታል። የጉባኤዎቹ ሎጎዎች፣ የቀለም ምርጫዎች፣ የምስል ቋንቋዎች፣ የመሪዎች አቀራረብና የመገናኛ ብዙሃን ሥራ የብሔራዊ ገጽታ ግንባታ አካላት ናቸው። ፈረንሳይ - ፓሪስ (COP 21፣ 2015) ፈረንሳይ በCOP 21 ጉባኤ ሀገራዊ ብራንዷን ለማስተዋወቅ የሀገሪቱን መታወቂያና መገለጫ የሆነውን የኤፍል ታወር (Eiffel Tower) ከተፈጥሮ ምልክት ከሆነው የዛፍ ቅጠል ጋር አሰናስሎ የያዘ ሎጎ ተጠቅማለች። የጉባኤው ሎጎ በቅጠል ቅርጽ የተነደፈ ሲሆን፤ በውስጡ የኤፍል ታወር ምስልን አካትቷል። አረንጓዴው ቀለም ከተፈጥሮና ከአካባቢ ጥበቃ ጋር ሲያያዝ፣ የኤፍል ታወር ምስል ደግሞ የፓሪስንና የፈረንሳይን ዓለም አቀፍ መለያነት አጉልቶ አሳይቷል። የፈረንሳይ የዲፕሎማሲ አቀራረብ ዋነኛ ትኩረት ሀገራትን በአንድ የጋራ ስምምነት ማሰባሰብ ነበር። የዛን ወቅት የውጭ ጉዳይ ሚኒስትር ሎራን ፋቢየስ (Laurent Fabius) የጉባኤውን ድርድር በመምራት የፓሪስ ስምምነት እንዲደረስ ቁልፍ የዲፕሎማሲ ሚና ተጫውተዋል። ይህም ፈረንሳይን በዓለም አቀፍ የአየር ንብረት ዲፕሎማሲ ውስጥ ግንባር ቀደም ተዋናይ አድርጎ አቅርቧታል። ሞሮኮ - ማራካሽ (COP 22፣ 2016) ሞሮኮ የCOP 22 ጉባኤን በማራካሽ በማስተናገድ የሀገሪቱን ታሪካዊና የሥነ-ጥበብ ማንነት ከዓለም አቀፍ የአየር ንብረት አጀንዳ ጋር አጣምራ አቅርባለች። የጉባኤው ሎጎ በማራካሽ የሚገኘውን ታሪካዊ የመናራ (Menara) ሕንፃ ከሞሮኮ ባህላዊ የዚሊጅ (Zellige) ሞዛይክ ጌጣጌጥ ጋር አጣምሮ የተነደፈ ነበር። የመናራ ምስል ከታሪካዊ የውኃ አስተዳደር ሥርዓት ጋር የተያያዘ መሆኑም የውኃ ሀብትን በዘላቂነት የመጠቀም መልዕክትን አጉልቶ አሳይቷል። የሞሮኮ የብራንድ ስትራቴጂም የሀገሪቱን ባህላዊ ሀብት በዘመናዊ የዓለም አቀፍ ጉባኤ ማንነት ውስጥ ማካተት ነበር። በዲፕሎማሲው በኩልም የአፍሪካና የታዳጊ ሀገራት የአየር ንብረት ፍትሕ፣ የፋይናንስ ድጋፍና የተግባር ማስፈጸሚያ ጥያቄዎችን አጉልታ አቅርባለች። ፊጂ - COP 23 (2017)፤ ተካሄደ በጀርመን ቦን ከተማ ፊጂ (Fiji) በደቡብ ፓሲፊክ ውቅያኖስ የምትገኝ ሉዓላዊ የደሴት ሀገር ናት። ፊጂ በ2017 የCOP 23 ፕሬዝዳንትነትን ብትመራም ጉባኤውን በሀገሯ ለማስተናገድ በቂ የሎጂስቲክስ አቅም ባለመኖሩ ከጀርመን መንግሥት ጋር በመተባበር በቦን ከተማ እንዲካሄድ አድርጋለች። የጉባኤው ሎጎ በውኃ ውስጥ በከፊል የሰመጠች ደሴትንና ወደ ደሴቷ እየተጠጋ ያለ ማዕበልን የሚያሳይ ነበር። ይህ ምስል በተለይ በትንንሽ ደሴት ሀገራት ላይ የባሕር ወለል ከፍታ መጨመርና የከባድ አውሎ ነፋሶች መበርታት የሚያስከትሉትን አደጋ አጉልቶ አሳይቷል። ፊጂ የሎጎውን ዲዛይን በሀገራዊ የውድድር ሂደት መርጣ ለሕዝብ ተሳትፎ ቦታ በመስጠት ማዘጋጀቷን መረጃዎች ያመላክታሉ። የዚያን ወቅት ጠቅላይ ሚኒስትር ፍራንክ ባይኒማራማ (Frank Bainimarama) የጉባኤውን ፕሬዝዳንትነት በመያዝ የተጋላጭ ደሴት ሀገራት ድምፅ በዓለም ድርድር ላይ እንዲሰማ አድርገዋል። ይህም የፊጂን ብራንድ ከደሴታዊ ማንነትና ከአየር ንብረት ፍትሕ ጥያቄ ጋር አቆራኝቶ አሳይቷል። ፖላንድ - ካቶቪስ (COP 24፣ 2018) ፖላንድ የCOP 24 ጉባኤን በካቶቪስ ከተማ በማስተናገድ የሀገሪቱን ብሔራዊ ምልክትና የከተማዋን የአካባቢ መለያ በአንድ የዕይታ ቋንቋ ማቅረብ ችላለች። የጉባኤው ሎጎ የፖላንድን ካርታ የሚያስታውስ ሰማያዊና አረንጓዴ ቅርጽ እንዲሁም የካቶቪስ ከተማን የሚወክል ባለቀለም የልብ ቅርጽ አካትቷል። የዚህ የብራንድ አቀራረብ ዋነኛ ጥቅም ብሔራዊና አካባቢያዊ ማንነትን አንድ ላይ ማሳየቱ ነው። ካቶቪስ በከሰል ኢንዱስትሪና በከባድ ኢንዱስትሪ ታሪኳ የምትታወቅ ከተማ መሆኗ የጉባኤውን የኃይል ሽግግርና ፍትሐዊ የኢኮኖሚ ለውጥ ውይይት በተለየ አካባቢያዊ ትርጉም አሰጥቶታል። ቺሊ - COP 25 (2019)፤ ተካሄደ በስፔን ማድሪድ ከተማ ቺሊ በ2019 የCOP 25 ጉባኤን ለማስተናገድ ቁርጠኝነቷን ብታሳይም በሀገሪቷ በተቀሰቀሰው ማኅበራዊ ዓመፅና የደኅንነት ቀውስ ምክንያት ጉባኤውን በሳንቲያጎ ማካሄድ ባለመቻሏ አስተናጋጅነቱን ለመተው ተገዳለች። በዚህም የጉባኤውን መስተንግዶ ስፔን በማድሪድ ከተማ አስተናግዳለች፤ ቺሊ ደግሞ የጉባኤውን ፕሬዝዳንትነትና የድርድር አመራሩን ይዛ ቀጥላለች። የጉባኤው የብራንድ ማንነትም በቺሊ ቅርጽና ርዕይ የተመሠረተ ነበር። የCOP 25 ሎጎ በአብዛኛው ሰማያዊ ቀለም የተጠቀመ ሲሆን፤ ውቅያኖስን፣ ባሕርን፣ ንጹሕና ታዳሽ ኃይልን እንዲሁም የአየር ንብረት እርምጃ አጣዳፊነትን ያመለክታል። በሎጎው ውስጥ የሰዓት ምልክት መካተቱ “የእርምጃ ጊዜው አሁን ነው” የሚል መልዕክት አስተላልፏል። የቺሊ ረጅምና ጠባብ የመሬት ቅርጽም በሰዓቱ ውስጥ እንደ ሀገሪቷ መለያ ተካትቷል። ይህ የብራንድ አቀራረብ የቺሊን ረጅም የባሕር ዳርቻ፣ የባሕር ሥነ-ምህዳር ጥበቃና የንጹሕ ኃይል አቅጣጫ በአንድ የዕይታ መልዕክት አጣምሮ ይዟል። ዩናይትድ ኪንግደም - ግላስጎው (COP 26፣ 2021) ዩናይትድ ኪንግደም የCOP 26 ጉባኤን በስኮትላንድ ግላስጎው ከተማ በማስተናገድ የዓለምን የጋራ የአየር ንብረት እጣ ፈንታ የሚወክል የዕይታ ቋንቋ አቅርባለች። የጉባኤው ሎጎ በአረንጓዴ፣ ሰማያዊና ነጭ ቀለሞች የተሠራ የሚዞር የምድርን ክብ ምስል ያካተተ ነበር። የአህጉራትን ቅርጽ በተለመደው መልኩ ከማሳየት ይልቅ በተዋሃደ የምስል ቅርጽ ማቅረቡ የአየር ንብረት ቀውስ የሁሉንም ሀገራት የጋራ ችግር መሆኑን አመላክቷል። የጉባኤው ብራንድ ዋነኛ መልዕክት ተስፋን ከአጣዳፊ እርምጃ ጥሪ ጋር ያሰናሰለ ነበር። የወቅቱ የCOP 26 ፕሬዝዳንት አሎክ ሻርማ (Alok Sharma) የዓለም መሪዎች የፓሪስ ስምምነትን የሚያስፈጽሙ ቃል ኪዳኖችን እንዲያቀርቡ ጥሪ አቅርበዋል። ጉባኤው የግላስጎው የአየር ንብረት ስምምነት (Glasgow Climate Pact) እንዲወጣ መሠረት ጥሏል። ግብፅ - ሻርም ኤል ሼክ (COP 27፣ 2022) ግብፅ የአፍሪካንና የጥንታዊ ግብፅን ታሪካዊ ማንነት ከዓለም አቀፍ የአየር ንብረት ትርክት ጋር አጣምራ አቅርባለች። በግብፅ ደቡባዊ የሲናይ ባሕረ ገብ መሬት የቀይ ባሕር ዳርቻ በምትገኘው ሻርም ኤል ሼክ የተካሄደው የጉባኤው ሎጎ የአፍሪካን ፀሐይ፣ የጥንታዊውን የአቴን (Aten) የፀሐይ ምልክትና አዲስ አድማስን ያካተተ ነበር። የፀሐይ ጨረሮቹ የሕይወትንና የተፈጥሮን ለጋስነት ሲወክሉ፣ አዲሱ አድማስ የተሻለ የወደፊት ተስፋን ያመለክታል። በሎጎው ውስጥ ያለው የዓለም ክብ ወደ አፍሪካ የተመለከተ መሆኑም የአህጉሪቷን ማንነት አጉልቶ አሳይቷል። የግብፅ የአስተናጋጅነት ዋነኛ የዲፕሎማሲ መልዕክት የአፍሪካን የአየር ንብረት ፍትሕ ጥያቄ ወደ ዓለም አቀፍ የድርድር ማዕከል ማምጣት ነበር። በተለይም የኪሳራና ጉዳት ፈንድ (Loss and Damage Fund) መመሥረት የጉባኤው ዋነኛ ውጤት ሆኗል። የተባበሩት ዓረብ ኤሚሬቶች - ዱባይ (COP 28፣ 2023) ኤሚሬቶች የጉባኤውን ብራንድ በ“አንድ ዓለም” (One World) ጽንሰ-ሐሳብ ላይ መሥርተውታል። በክብ ቅርጽ የተቀረጸው ሎጎ ሰዎችን፣ የታዳሽ ኃይል ቴክኖሎጂዎችን፣ የዱር እንስሳትንና ተፈጥሮን በአንድ የዓለም ምስል ውስጥ አሰናስሎ የያዘ ነው። የአረንጓዴ ቀለም ምርጫውም ከዘላቂነትና ከአካባቢ ጥበቃ ጋር የተያያዘ የዕይታ መልዕክት ይፈጥራል። የኤሚሬቶች መልዕክት የሰሜኑንና የደቡቡን ዓለም፣ የመንግሥትና የግሉን ዘርፍ፣ ሳይንቲስቶችንና ማኅበረሰቡን በአንድ የጋራ እርምጃ ማሰባሰብ ነበር። የጉባኤው ፕሬዝዳንት ሱልጣን አል ጃበር (Sultan Al Jaber) ጉባኤው “አካታች እና ተግባር ተኮር” እንዲሆን በማስቀመጥ ከቃል ኪዳን ወደ ተጨባጭ ውጤት የሚያሸጋግር አቅጣጫ አቅርበዋል። አዘርባጃን - ባኩ (COP 29፣ 2024) አዘርባጃን የባህላዊ ማንነቷን የሚወክለውን የቡታ (Buta) ምልክት ከቅጠልና ከውኃ ጠብታ ምስሎች ጋር በማቀናጀት የጉባኤውን ሎጎ ነድፋለች። ምልክቱ ተፈጥሮን፣ ውኃን፣ አየርን፣ ኃይልንና የሰው ልጅ ከተፈጥሮ ጋር ያለውን ትስስር ይወክላል። የሎጎው ክብ ቅርጽ አንድነትንና የጋራ ኃላፊነትን ያመለክታል። የአዘርባጃን የብራንድ ስትራቴጂ ባህላዊ ምልክትን ከዘመናዊ የአካባቢ ጥበቃ መልዕክት ጋር በማዋሃድ የሀገሪቱን ማንነት አጉልቶ አሳይቷል። በዲፕሎማሲም የአየር ንብረት ፋይናንስን ዋነኛ የድርድር አጀንዳ አድርጋ አቅርባለች፤ የCOP 29 ተሳታፊ ሀገራትም አዲስ የጋራ የቁጥር ግብ የአየር ንብረት ፋይናንስ ስምምነት (NCQG) ላይ መድረሳቸው የጉባኤው ዋነኛ ውጤት ሆኗል። ብራዚል - ቤለም (COP 30፣ 2025) ብራዚል በሰሜናዊ የሀገሪቷ የአማዞን ክልል ቤለም ከተማ ያስተናገደችውን ጉባኤ ከአማዞን ደን፣ ከተፈጥሮ ብዝኅነትና ሀገር በቀል ማኅበረሰቦች ታሪክ ጋር አቆራኝታ አቅርባለች። “COP 30 Brasil Amazônia Belém 2025” የሚለው የብራንድ መለያ የአማዞንን ዓለም አቀፍ ሥነ-ምህዳራዊ ጠቀሜታና የብራዚልን ታሪካዊ ማንነት በአንድ የዕይታ ቋንቋ ያቀርባል። የቦታ ምርጫውም ከተለመዱት የዓለም አቀፍ ጉባኤ ማዕከላት በመውጣት በአማዞን ክልል የሚገኙ ማኅበረሰቦችንና የደን ጥበቃ ጥያቄን በዓለም መድረክ ላይ ለማጉላት ያለመ ነበር። የCOP 30 ብራንድ በዋነኝነት የአማዞንን የተፈጥሮ ሀብት በምስልና በስም የሚያሳይ ሲሆን፤ በሰነዶችና በይፋዊ ግንኙነቶች ውስጥ የቅጠልና የተፈጥሮ ቅርጾችን የሚያስታውስ የዕይታ ማንነት ተጠቅሟል። ይህ አቀራረብ የአማዞንን ጉዳይ ከብራዚል ብሔራዊ ማንነት ጋር በማያያዝ የዓለም ትኩረትን ወደ ደን ጥበቃና የሥነ-ምህዳር ሚዛን መሳብ የሚያስችል ሐሳብን በማስተላለፍ ገጽታ ግንባታዋን አጉልቶ አሳይቷል። ቱርኪዬ - አንታሊያ (COP 31፣ 2026)በደቡባዊ ቱርኪዬ የሜዲትራኒያን የባሕር ጠረፍ ከተማ በሆነችው አንታሊያ የ2026ቱ የCOP 31 ጉባኤ ተካሂዷል። ቱርኪዬ በአንታሊያ ያስተናገደችው መድረክ የሀገሪቷን የዲፕሎማሲ ታሪክ፣ ጂኦግራፊያዊ አቀማመጥና የአካባቢ ጥበቃ መልዕክት በአንድ የብራንድ ማንነት አጣምሮ አቅርቧል። የጉባኤው ሎጎ ሰማያዊ፣ አረንጓዴና ቀይ ቀለሞችን ያካተተ ክብ ቅርጽ ያለው ምልክት ሲሆን፤ ከ“COP 31 TÜRKİYE ANTALYA” የሚል ጽሑፍ ጋር ተያይዞ ቀርቧል። የሎጎው የተፈጥሮና የዓለም ክብ የሚያስታውስ ቅርጽ የጋራ ትብብርንና የዘላቂነት ግብን የሚያጎላ የዕይታ መልዕክት ይፈጥራል። የቱርኪዬ የCOP 31 መሪ መልዕክት “ከውይይት ወደ ስምምነት፤ ከስምምነት ወደ ተግባር” የሚል የአቅጣጫ መልዕክት አስተላልፏል። በቱርኪዬ ፕሬዝዳንት ሬጂፕ ጣይብ ኤርዶጋን አማካኝነት የCOP 31 ፕሬዝዳንትነት ሹመት የተሰጣቸው የቱርኪዬ የአካባቢ፣ የከተማ ልማትና የአየር ንብረት ለውጥ ሚኒስትር ሙራት ኩሩም (Murat Kurum) ጉባኤው በውይይት፣ በመግባባትና በተግባራዊ ውጤት ላይ እንዲያተኩር አቅጣጫ በማስቀመጥ ቁልፍ ሚና ተጫውተዋል። የCOP 31 ብራንድ ከሎጎው ባሻገር የአንታሊያን የባሕርና የተፈጥሮ ሀብት ለማጉላት የባሕር ኤሊን (Caretta) እንደ ማስታወቂያ ምልክት ተጠቅሟል። ይህም የከተማዋን የባሕር ሥነ-ምህዳር ከዓለም አቀፍ የአካባቢ ጥበቃ መልዕክት ጋር አሰናስሎ የተንጸባረቀበት መድረክ ሆኗል። ኢትዮጵያ ትጠብቃችኋለች፤ የጠቅላይ ሚኒስትር ዐቢይ አሕመድ (ዶ/ር) የአንታሊያ ስጦታ ኢትዮጵያ የጥንት መነሻና የነገ ብሩህ ተስፋ የሚገናኙባት ምድር ናት። የኢትዮጵያ ታሪክ ከሰው ልጅ የቀደመ መገኛና ከቡና መፍለቂያነት ይጀምራል። ጥንታዊ የሥልጣኔ ሕያው ቅርሶቿ፣ አስደናቂ የተፈጥሮ ውበቶች፣ ስፖርታዊ ድሎች፣ የአፍሪካ ዲፕሎማሲ ግንባር ቀደም ሚና እና በማደግ ላይ የምትገኝ ሀገር ታላቅ ትልምና ርዕይ ያቅፋል። የኢትዮጵያን ጥንታዊ ታሪክና መነሻ ከነገ ጉዞዋና መዳረሻ ጋር የሚያስተሳስሩትን ሕዝቦች፣ ሥፍራዎችና ዕውቀቶች የሚያስቃኝ “ኢትዮጵያ - ምድረ ቀደምት” (Ethiopia - Land of Origins) የተሰኘ ብሔራዊ ድረ ገጽ (https://ethiopia.gov.et/am) ይፋ ሆኗል። ምድረ ቀደምት ኢትዮጵያ የቀጣይን የ2027 ዓመት 32ኛ የተባበሩት መንግሥታት የአየር ንብረት ጉባኤ (COP 32) በአዲስ አበባ በብቃት ለማስተናገድ ከወዲህ እየተዘጋጀች ነው። ጉባኤው የኢትዮጵያን ዓለም አቀፍ የዲፕሎማሲ ተሳትፎና ሚና የሚያጎላ ታሪካዊ መድረክ ይሆናል። ለዚህም ነው እርስ በእርሱ የተሳሰረ አንደ ታሪክ የሚነግረንን ኢትዮጵያ የብሔራዊ ትዕምርት የሆኑትን የሰው ዘር መገኛ (Cradle of Humanity)፣ የቡና መገኛ (Origin of Coffee)፣ አረንጓዴ ዐሻራ (Green Legacy)፣ ጥንታዊ ሥልጣኔ (Ancient Civilization)፣ አዲስ አበባ የዲፕሎማሲ ማዕከል (Diplomatic Hub)፣ የአሸናፊዎች ምድር (Land of Champions)፣ ንጹሕ ኃይል (Clean Energy) እንዲሁም የነገ ተስፋና የልማት ርዕይ (Future and National Ambition) ስምንት ዐበይት አምዶች ይፋ የተደረገው። ይህም ጉባኤው የኢትዮጵያን ገጽታ ግንባታ አጉልቶ ለማሳየት የአየር ንብረት ዲፕሎማሲ ቁርጠኝነት አንጓ ተደርጎ ይወሰዳል። 32ኛውን የተባበሩት መንግሥታት የአየር ንብረት ጉባኤ (COP 32) የኢትዮጵያና የሕዝቦቿን ታሪክ፣ ባህል፣ የአካባቢ ተግባራትና የወደፊት ርዕይ ለዓለም ለማስተዋወቅ ያላትን ዝግጅት ያመለክታል። ጠቅላይ ሚኒስትር ዐቢይ አሕመድ (ዶ/ር) በደቡባዊ ቱርኪዬ የሜዲትራኒያን የባሕር ጠረፍ ከተማ በሆነችው አንታሊያ በተካሄደው የዓለም አቀፍ የአየር ንብረት ጉባኤ (COP 31) ከዓለም መሪዎች ጋር የዲፕሎማሲ ቆይታ አድርገዋል። ከጉባኤው ጎን ለጎን ከተለያዩ ሀገራት መሪዎች ጋር ቆይታ አድርገዋል፤ ይህም የዘመናችን የጂኦ ፖለቲካና የአየር ንብረት ዲፕሎማሲ አቀራረብ እየተቀየረ መምጣቱን ያመላክታል። ጠቅላይ ሚኒስትር ዐቢይ አሕመድ (ዶ/ር) በአንታሊያው ጉባኤ ያበረከቱት ስጦታ ምንድን ነው? ጠቅላይ ሚኒስትር ዐቢይ አሕመድ (ዶ/ር) በቱርኪዬ በተካሄደው የCOP 31 ጉባኤ ለኢትዮጵያ ወዳጆች ያበረከቱት ስጦታ ትኩረትን ስቧል። ጠቅላይ ሚኒስትሩ ኢትዮጵያ ለዓለም አቀፍ የአየር ንብረት ጉባኤ (COP32) ትጠብቃችኋለች የሚል መልዕክትን የያዘ (“COP 32 Ethiopia — Await”)፣ ጥልቅ የሥነ-ጥበብ ገጽታ የተገለጠበትና ከዘንባባ የቅጠል ቅርጽ ጋር የተዋሃደ ስጦታ አበርክተዋል። ይህም ኢትዮጵያ ታላላቅ መድረኮችን በብራንዲንግና በምልክት ዲፕሎማሲ ለመጠቀም ያላትን ቁርጠኝነት ያሳያል። ዓለም አቀፍ ጉባኤዎችን የሚያስተናግዱ ሀገራት ከመደበኛ የጠረጴዛ ላይ ምክክር መስተንግዶ ባሻገር የራሳቸውን ታሪክ፣ ባህል፣ ኢኮኖሚያዊ አቅምና ፖለቲካዊ ተሰሚነት የሚያስተዋውቁበት መድረክ እየፈጠሩ መጥተዋል። የዓለም አቀፍ የአየር ንብረት ጉባኤ ታሪካዊ ሽግግሮች የጉባኤ ሎጎ ዝግጅቶችን በቀላሉ እንደ ማስታወቂያ ምልክት ብቻ አልተጠቀሙባቸውም፤ በምትኩ ታሪካቸውን፣ ባህላቸውን፣ የተፈጥሮ ሀብታቸውንና የዲፕሎማሲ መልዕክታቸውን በማካተት ተጠቅመውባቸዋል። ኢትዮጵያም ለ2027ቱ መድረክ ከወዲሁ እየተዘጋጀች ነው። ጠቅላይ ሚኒስትር ዐቢይ አሕመድ (ዶ/ር) ስጦታ ካበረከቱላቸው መሪዎች መካከል የቦትስዋና ፕሬዝዳንት ዱማ ጌዲዮን ቦኮ፣ የኳታር አሚር ሼክ ታሚም ቢን ሃማድ አል-ታኒ፣ የኖርዌይ ጠቅላይ ሚኒስትር ጆናስ ጋህር ስተር፣ የፊንላንድ ፕሬዝዳንት አሌክሳንደር ስተብ፣ የባርቤዶስ ጠቅላይ ሚኒስትር ሚያ ሞትሊ እና ሌሎች መሪዎች ይገኙበታል። ኢትዮጵያ ለዓለም አቀፍ የአየር ንብረት ጉባኤ (COP32) ትጠብቃችኋለች — “COP 32 Ethiopia — Await”፤ የኢትዮጵያን ብዝኅ ጸጋና ዘመን አይሽሬ ታሪክ በልብዎ ይቅረጹ!
ዓለም አቀፍ ዜናዎች
የኢጋድ የሚዲያ ሽልማት ስነ ስርዓት እየተካሄደ ነው
Nov 20, 2026 119
አዲስ አበባ ፤ ህዳር 11/2019 (ኢዜአ) ፦ አራተኛው የኢጋድ የሚዲያ ሽልማት ስነ ስርዓት በዩጋንዳ ካምፓላ በመካሄድ ላይ ይገኛል። በስነ ስርዓቱ ላይ የዩጋንዳ ጠቅላይ ሚኒስትር ሮቢናህ ናባንጃ፣ የኢጋድ ከፍተኛ አመራሮች፣ተሸላሚ ጋዜጠኞች እና ሌሎች እንግዶች ተገኝተዋል። ሽልማቱ በቀጣናው ላይ በሚገኙ ሀገራት ከፍልሰተኞች ጋር በሰሯቸው ስራዎች እውቅና የሚያገኙበት ነው። ብሮድካስት፣ ህትመት፣ ፎቶግራፍ፣ ዲጂታል ሚዲያ፣ ሀገር በቀል ቋንቋዎች እና የእድሜ ልክ ተሸላሚ የሽልማት ዘርፎቹ ናቸው። ይህም በቀጣናው ያለው የጋዜጠኝነት ስራ እና ልህቀት እውቅና የሚያገኝበት ነው ፐልስ ኦፍ አፍሪካ አራተኛውን የኢጋድ የሚዲያ ሽልማት ስነ ስርዓት በቀጥታ እያስተላለፈ ይገኛል።
ታዳጊ ሀገራትን ከአደጋ ለመታደግ ዓለም አቀፍ የፋይናንስ አቅርቦት በአስቸኳይ ማሳደግ ይገባል - የተመድ ዋና ፀሐፊ አንቶኒዮ ጉቴሬዝ
Nov 11, 2026 357
አዲስ አበባ፤ ህዳር 2/2019 (ኢዜአ)፦ ዓለም አቀፍ የአየር ንብረት ፋይናንስ አቅርቦት በማሳደግ ታዳጊ ሀገራትን መደገፍ እንደሚገባ የተባበሩት መንግስታት ድርጅት ዋና ፀሐፊ አንቶኒዮ ጉቴሬዝ ገለጹ። ታዳጊ ሀገራት ወደ ንጹህ ኃይል የሚያደርጉትን ሽግግር እንዲያፋጥኑም ጠይቀዋል። 31ኛው የተባበሩት መንግስታት ድርጅት የአየር ንብረት ለውጥ ጉባኤ በቱርኪዬ አንታሊያ እየተካሄደ ይገኛል። “ጉዞ ወደ ዘላቂ፣ አይበገሬነት እና ፍትሃዊነት ወደተረጋገጠበት መጻኢ ዘመን” የጉባኤው መሪ ቃል ነው። የተባበሩት መንግሥታት ድርጅት ዋና ፀሐፊ አንቶኒዮ ጉቴሬዝ በጉባኤው ላይ ባደረጉት ንግግር የበለጸጉ እና ከፍተኛ በካይ ጋዝ የሚለቁ ሀገራት የበከሉትን ያህል ካሳ በመክፈል ለታዳጊ ሀገራት የሚውል 1.3 ትሪሊዮን ዶላር የአየር ንብረት ፋይናንስ እንዲያቀርቡ ጠይቀዋል። እንዲሁም የዓለም አቀፍ የሙቀት አማቂ ጋዞች ልቀትን በየዓመቱ በስድስት በመቶ መቀነስ እንዳለባቸው ገልጸዋል። የአየር ንብረት ቀውሱ እየቀደመን ነው ያሉት ጉቴሬዝ፤ ዓለም አቀፉ ማህበረሰብ ሊከሰት የሚችለውን አስከፊ አደጋ ለመግታት የሚያደርገው እንቅስቃሴ በጣም አዝጋሚ መሆኑን አመልክተዋል። አሁን ያሉት ብሔራዊ የአየር ንብረት ቃልኪዳኖች ሙሉ በሙሉ ቢተገበሩ እንኳ በዓመት ከሚያስፈልገው የልቀት ቅነሳ መጠን አንድ ሶስተኛውን ብቻ ነው ማሳካት የሚችሉት ብለዋል። አሁን ያለው አካሄድ ከቀጠለ እስከ ክፍለ ዘመኑ መጨረሻ የዓለም ሙቀት ከ2.5 ዲግሪ ሴልሺየስ በላይ እንደሚጨምር የጠቆሙት ዋና ፀሐፊው፤ ይህም ሊመለሱ የማይችሉ አስከፊ የተፈጥሮ ቀውሶችን እንደሚያስከትል አስጠንቅቀዋል። ዓለም ወደ ታዳሽ ኃይል የሚደረገውን ሽግግር ማፋጠን እና ተጋላጭ ማህበረሰቦችን ከአየር ንብረት አደጋዎች የመጠበቅ ኃላፊነቱን እንዲወጣም ነው ጥሪ ያቀረቡት ። መንግሥታት ከቃልኪዳን አልፈው በተግባር የተደገፉ እርምጃዎችን እንዲወስዱ አሳስበዋል። ዋና ፀሐፊው የበለጸጉና በካይ ጋዝ የሚለቁ ሀገራት ለአየር ንብረት ቀውሱ ተገቢውን ኃላፊነት እንዲወስዱ እና የታዳጊ ሀገራትን አቅም የሚያጠናክር የፋይናንስ ድጋፍ እንዲጨምሩ ጠይቀዋል። በተጨማሪም መንግሥታት የነዳጅ ኩባንያዎች ከፍተኛ ትርፍ ላይ ታክስ በመጣል በአየር ንብረት ጉዳት ለደረሰባቸው ሀገራት ድጋፍ እንዲያውሉ አሳስበዋል። በካዮች ተገቢውን ካሳ መክፈል አለባቸው ሲሉ ተናግረዋል። ታዳጊ ሀገራት ያለ ተጨማሪ የኢኮኖሚ ጫና ወደ ንጹህ ኃይል መሸጋገር እንዲችሉ፤ ተመጣጣኝ የፋይናንስ አቅርቦትን፣ የቴክኖሎጂ ሽግግርን፣ ጠንካራ የዝግጁነት እርምጃዎችን እና የተቀናጀ ዓለም አቀፍ ትብብርን ያካተተ ድጋፍ እንዲደረግላቸው ጉቴሬዝ ጥሪ አቅርበዋል።
ኮፕ 31 ቃል ኪዳኖች ወደ ተጨባጭ ውጤት የሚቀየሩበት የተግባር ጉባኤ ሊሆን ይገባል
Nov 9, 2026 750
አዲስ አበባ፤ ጥቅምት 30 /2019 (ኢዜአ)፦ 31ኛው የተባበሩት መንግስታት ድርጅት የአየር ንብረት ለውጥ ጉባኤ (ኮፕ 31) በንግግርና በቃል ኪዳኖች ላይ ብቻ ሳይወሰን ተጨባጭ ውጤት የሚመጣበት የተግባር ጉባኤ መሆን እንዳለበት የኮፕ 31 ፕሬዝዳንትና የቱርኪዬ የአካባቢ፣ የከተማ ልማትና የአየር ንብረት ለውጥ ሚኒስትር ሙራት ኩሩም ገለጹ። 31ኛው የተባበሩት መንግሥታት ድርጅት የአየር ንብረት ጉባኤ (COP31) በቱርኪዬ አንታሊያ አስተናጋጅነት ዛሬ ተጀምሯል። “ጉዞ ወደ ዘላቂ፣ አይበገሬነት እና ፍትሃዊነት ወደተረጋገጠበት መጻኢ ዘመን” የጉባኤው መሪ ቃል ነው። በጉባኤው ላይ ኢትዮጵያ ተሳትፎ እያደረገች ትገኛለች። የኮፕ 31 ፕሬዚዳንት ሙራት ኩሩም፣ ጉባኤው ቀደም ሲል የተገቡ የቃል ኪዳን ስምምነቶችን ወደ ተጨባጭ ውጤት የሚቀይር (Implementation COP) እንዲሆን ጥሪ አቅርበዋል። በአሁኑ ወቅት የጂኦፖለቲካ ውጥረቶች፣ የኢኮኖሚ አለመረጋጋትና እየከፋ የመጣው የአየር ንብረት ጉዳት ተደራራቢ ፈተናዎች እንደሆኑ መግለጻቸውን የቲአርቲ ወርልድ ዘገባ ያመለክታል። የአየር ንብረት ፖሊሲ አሁን ላይ የልማት፣ የምግብ፣ የኢነርጂ፣ የከተማ ልማትና የጤና ፖሊሲ አካል መሆኑን አንስተዋል። በመሆኑም ቱርኪዬ ኮፕ 31 በውይይት፣ በስምምነትና በተጨባጭ እርምጃዎች ላይ የተመሰረተ እንዲሆን ትሻለች ያሉት ሚኒስትሩ የአንታሊያ ጥሪም ልዩነቶች በተበራከቱበት ወቅት በዚህ ወቅት ውይይትን ማሳደግ፣ የተሸረሸረውን እምነት ዳግም መመለስና የተገቡ ቃል ኪዳኖችን ከሕዝቦች የዕለት ተዕለት ሕይወት በማስተሳሰር መተግበር እንደሚገባ ነው ያሳሰቡት። በተጨማሪም ሚኒስትሩ እስከ እ.አ.አ 2035 ድረስ የኤሌክትሪክ ኃይል ከዓለም አቀፍ የኢነርጂ አጠቃቀም የሚይዘውን ድርሻ ወደ 35 በመቶ ለማሳደግ ያለመ "የ35-በ-35 ዓለም አቀፍ የኤሌክትሪክ ኃይል አቅርቦት ቃል ኪዳን" ይፋ አድርገዋል። እንዲሁም ያደጉ ሀገራት በማደግ ላይ ለሚገኙ ሀገራት በየዓመቱ እስከ 300 ቢሊዮን ዶላር የሚደርስ የአየር ንብረት ፋይናንስ ለማቅረብ የገቡትን ቃል ኪዳን እንዲፈጽሙ አሳስበዋል። በጉባኤው የድርድር ሂደቱን በበላይነት እየመሩ ያሉት የአውስትራሊያ የአየር ንብረት ለውጥና ኢነርጂ ሚኒስትር ክሪስ ቦወን ናቸው። ሚኒስትሩ አስቸኳይ እርምጃ ካልተወሰደ የዓለም ሙቀት መጨመር በፓሪስ ስምምነት ከተቀመጠው የ1 ነጥብ 5 ዲግሪ ሴልሺየስ ገደብ ሊያልፍ እንደሚችል አስጠንቅቀዋል። ይሁን እንጂ ሀገራት በአንድነትና በቁርጠኝነት ከተንቀሳቀሱ አሁንም የሙቀት መጠኑን ወደ ነበረበት መመለስ እንደሚቻል ገልጸዋል። ባለፈው ዓመት ለንጹሕ ኢነርጂ የተደረገው ዓለም አቀፍ ኢንቨስትመንት 2.2 ትሪሊዮን ዶላር በመድረስ ከነዳጅና ከከሰል ዘርፍ በእጥፍ ቢበልጥም፣ በማደግ ላይ ያሉ ሀገራት አሁንም የፋይናንስ ድጋፍ ለማግኘት እየተፈተኑ መሆናቸውን ቦወን ጠቁመዋል። የአየር ንብረት ፋይናንስ ይበልጥ የሚያስፈልጋቸው ሀገራት አሁንም አነስተኛውን ድጋፍ እያገኙ መሆናቸውን በመጥቀስ ፍትሃዊና ፈጣን የፋይናንስ አቅርቦት እንዲኖር ጥሪ አቅርበዋል። በዚህም መሰረት ሚኒስትሮቹ በተግባር ላይ ያተኮሩ የመፍትሔ እርምጃዎችን የሚያፋጥኑ ውሳኔዎች ላይ በጋራ ለመስራት መስማማታቸውን አስታውቀዋል። ይህም በጉባኤው ወቅት ትኩረት የሚሰጣቸው ተግባራት በፍጥነት ወደ መሬት እንዲወርዱ ለማስቻል የተነደፈ የተባበሩት መንግስታት ድርጅት የአየር ንብረት ኃላፊ ሲሞን ስቲል፤ ኮፕ 31 ግቦችን ከማስቀመጥ ባሻገር የታዳሽ ኢነርጂ አቅርቦትን ለማሳደግ፣ የኤሌክትሪክ አውታሮችን ለማጠናከር እና የሚቴን ጋዝ ልቀትን ለመቀነስ የሚያስችሉ ተግባራዊ እርምጃዎችን መውሰድ አለበት ብለዋል። በሚቴን ጋዝ መቀነስና በኤሌክትሪክ ኃይል አጠቃቀም ላይ የሚወሰዱ እርምጃዎች ከታቀደው የአለም ሙቀት ላይ 0 ነጥብ 5 ዲግሪ ሴልሺየስ ለመቀነስ እንደሚረዱም የቲአርቲ ዘገባ ያመለክታል። 31ኛው የተባበሩት መንግስታት ድርጅት የአየር ንብረት ለውጥ ጉባኤ (ኮፕ 31) እስከ ህዳር 11 2019 ዓ.ም ይቆያል።
በምርጫ ወቅት የምንገባውን ቃል ተግብረን ማሳየት ይኖርብናል-የአፍሪካ የፖለቲካ ፓርቲዎች
Nov 7, 2026 430
አዲስ አበባ፤ ጥቅምት 27/2019 (ኢዜአ):- በምርጫ ወቅት የምንገባውን ቃል ተግብረን ማሳየት ይኖርብናል ሲሉ የአፍሪካ የፖለቲካ ፓርቲዎች ገለጹ። 2ኛው የአፍሪካ ፖለቲካ ፓርቲዎች ጉባዔ "ዕድገትን መምራት ፖለቲካ ፓርቲዎች እንደ የአፍሪካ መጻኢ ኢኮኖሚ መሃንዲሶች" በሚል መሪ ሀሳብ በዓድዋ ድል መታሰቢያ መካሄዱን ቀጥሏል። ኢትዮጵያ በጉባኤው ከመደመር ፍልስፍና የተቀዳውን የፖለቲካ ፓርቲ የለውጥ አስተዳደር ልምዷን አቅርባለች። ከዚህም ባሻገር በአፍሪካ ምርጫ ከማሸነፍ ወደ ኢኮኖሚ ሽግግር በሚል ርዕሰ ጉዳይ ላይ የፓናል ውይይት ተደርጓል። የላይቤሪያ አንድነት ፓርቲ ሊቀ መንበር ሉተር ትራፕህ (ዶ/ር) የሁሉም የፖለቲካ ፓርቲዎች ወረቀት ላይ ያለ ፕሮግራም መልካም መሆኑን ገልጸዋል። ነገር ግን ትግበራ ላይ የተለየ መሆኑን ገልጸው፤ ይሄ አይነት አካሄድ መቆም አለበት ብለዋል። ከዚህ አንፃር የኢትዮጵያ የብልፅግና ፓርቲ የዜጎችን የኢኮኖሚ ፍላጎት ታሳቢ ያደረገ አጀንዳ ቀርፆ እየተንቀሳቀሰ መሆኑን በግልፅ ማሳየቱን ገልጸዋል። የኢትዮጵያ ኢንቨስትመንት ሆልዲንግስ ምክትል ሥራ አስፈፃሚ ዘለቀ ተመስገን (ዶ/ር)፤ የምርጫ የመጨረሻ ግብ ሥልጣን መያዝ መሆኑን የለበትም ብለዋል። የምርጫው ውጤት የዜጎችን ህይወት በመሰረታዊነት የሚያሻሽል የኢኮኖሚ ሽግግር የሚፈጥር መሆን እንዳለበት ገልጸዋል። ኢትዮጵያ በመደመር ፍልስፍና እየተመራች ግልጽ ፖሊሲና ፍኖተ ካርታ በማዘጋጀት መሰረታዊ ለውጥ አስመዝግባለች ብለዋል። የጋና ብሔራዊ ዲሞክራሲያዊ ኮንግረንስ ሊቀ መንበር ጆን አሴዱ ንኬቲህ ብልፅግና ፓርቲ የአፍሪካ የፖለቲካ ፓርቲዎች በጋራ የሚመክሩበትን መድረክ በማዘጋጀቱ ምስጋና አቅርበዋል። በአፍሪካ የፖለቲካ ፓርቲዎች በምርጫ ወቅት የምንገባውን ቃል ወደ መሬት ተግብረን ማሳየት ይኖርብናል ብለዋል። የኢኮኖሚ ፕሮግራሞችን በማጥራት፣ ያለንን የተፈጥሮ ሀብት በመለየት የሚተገበር ርዕዮት መቅረፅ እንደሚገባ ገልጸዋል። የኮቲዲቯር አይቮሪያን ፖፑላር ፍሮንት ፖርቲ ፕሬዝዳንት ፓስካል አፊ ጉይሳን፤ በምርጫ ያሸነፉ የፖለቲካ ፓርቲዎች የሀገራቸውን ኢኮኖሚ ማሸጋገር አለባቸው ብለዋል። የፖለቲካ ፓርቲዎች ግልፅና የሀገራቱን ነባራዊ ሁኔታ ታሳቢ ያደረገ የኢኮኖሚ ፕሮግራም ከሌላቸው በምርጫ መሳተፍ እንደማይገባቸው ገልጸዋል። ፓርቲዎች በዜጎች ተጠቃሚነትና ዲሞክራሲ ግንባታ የህዝብን ፍላጎት የሚያንጸባርቅ ርዕዮት ሊኖራቸው ይገባል ብለዋል። የቡሩንዲ የዲፌንስ ኦፍ ዲሞክራሲ ብሔራዊ ምክር ቤት ዋና ጸሀፊ ሪቨሪያን ንዲኩሪዮ አፍሪካውያን በትብብር የኢኮኖሚ ፖሊሲ መገንባት እንዳለባቸው ገልጸዋል። ተዓማኒነት ያለው፣ የሚለካና ሊተገበር የሚችል የፖለቲካ ርዕዮት ዓለም እንዲቀርጹም አሳስበዋል። አፍሪካ የምኞት ሀይቅ ሆና መቀጠል የለባትም ያሉት ዋና ጸሀፊው፤ ዕቅዶች ከምኞት አልፈው ገቢራዊ መደረግ እንዳለባቸው ገልጸዋል።
ሐተታዎች
የመደመር መንግሥት የኢትዮጵያ ዲፕሎማሲ ከፍታ መልህቅ
Nov 18, 2026 145
መደመር የብሔራዊ ክብር ማገር፤ የመደመር መንግሥት የኢትዮጵያ ዲፕሎማሲ ከፍታ መልህቅ!! በመንግሥቱ ዘውዴ ትልቅ ሀገር፣ ትልቅ ሕዝብ፣ ታላቅ ርዕይ ዲፕሎማሲ የሀገራትን ግንኙነት፣ ብሔራዊ ጥቅም፣ ክብርና የጂኦፖለቲካ ተጽዕኖን በውይይት፣ በድርድርና በስትራቴጂያዊ አጋርነት የማስጠበቂያ የመንግሥት ጥበብ ነው። የውጭ ግንኙነት ደግሞ በዓለም አቀፍና ቀጣናዊ ሥርዓት ውስጥ የሀገርን ሉዓላዊነት፣ ደህንነትና የኢኮኖሚ ጥቅም ለማስጠበቅ የሚከናወን ቀጣይ የስትራቴጂ ትግበራ ሲሆን፤ ስኬቱም በወዳጅነት ብዛት ሳይሆን በሀገራዊ ጥቅም መከበር ይለካል። በዓለም አቀፍ ደረጃ ጉምቱ የተባሉ ጸሐፍት እንደሚገልጹት ዲፕሎማሲና የውጭ ግንኙነት በመልካም ፍላጎት ብቻ የሚገነባ አይደለም። ሐንስ ጄ.ሞርገንታው እ.አ.አ በ1948 ''Politics Among Nations: The Struggle for Power and Peace (1948) በሚል ባሳተሙት መጽሐፋቸው ባሰፈሩት መልዕክት፦ በዓለም አቀፍ ፖለቲካ ውስጥ የሀገራት ባህሪ የሚወሰነው በሥልጣንና በብሔራዊ ጥቅም በተጋመደ መስተጋብር እንጂ በመልካም ፍላጎት ብቻ አይደለም። በዚህ የእውነታዊነት (Political Realism) ጽንሰ ሐሳብ መሰረት ዲፕሎማሲ የሀገርን ጥቅምና ኃይል በስልታዊ ድርድር የማስጠበቅ ጥበብ መሆኑን ልብ ይሏል። የመደመር መንግሥት የውጭ ግንኙነት ፖሊሲም ወረትን በማሳደግ መግባባትና ትብብር፣ ብሔራዊ ጥቅምና ክብርን እንዲሁም ቅድሚያ ለጎረቤት የዲፕሎማሲ አካሄድን ይከተላል። ይህ የውጭ ግንኙነት ፖሊሲ ከውስጥ ሚነሳ የተደራሽነት አድማስን በማስፋት ዓለም አቀፍ ተለዋዋጭ የጂኦፖለቲካ ሁኔታን የሚመጥን ዘርፈ ብዙ ፋይዳ ያላቸው ስትራቴጂክ የወዳጅነት አቅሞችን እያጎለበተ ይገኛል። በጠቅላይ ሚኒስትር ዐቢይ አሕመድ (ዶ/ር) በተጻፈው የመጀመሪያው መደመር መጽሐፍ ምዕራፍ አስራ ስድስት ላይ ''መደመር እና የውጭ ግንኙነት'' በሚል ርዕስ ሥር ባሰፈሩት ጽሑፍ፤ ሀገራችን ውዝፍ ሥራ ሳይሆን የዐቅም ክምችት ከፈጠረችባቸው መስኮች አንዱና ትልቁ የውጭ ግንኙነትና የዲፕሎማሲ መስክ ነው። ቀደም ባሉት መሪዎች እየተሠራ የመጣው መልካም የውጭ ግንኙነት ሥራ አሁን ለምንከተለው የውጭ ግንኙነት አካሄድ ትልቅ ወረት ሊሆነን የሚችል ነው። በአጠቃላይ በተከታታይ መንግሥታት ሲሠራ በነበረው መልካም የውጭ ግንኙነት ሥራ ምክንያት ኢትዮጵያ በዓለም አቀፉ ማኅበረሰብ ዘንድ መልካም ስም አላት። የዲፕሎማሲ እና የውጭ ግንኙነት ስኬት ከዓላማው በተሻገረ ተጨባጭ ውጤቱ ይመዘናል። የመደመር መንግሥት የዲፕሎማሲ እና የውጭ ግንኙነት ከውስጥ የሚነሳ፣ ለጎረቤት ቅድሚያ የሚሰጥ፣ ለአፍሪካ፣ ለዓለም አቀፍ የሁለትዮሽና ባለብዙ ወገን ትብብር መርህን ይከተላል። የመደመር የውጭ ግንኙነት ፍልስፍናም የሰው ልጅን ተፈጥሮ በፉክክር ወይም በትብብር ከመበየን ጋር በጥብቅ የተቆራኘ ነው። ሀገራትም ሆኑ መንግሥታት የግለሰቦች ስብስብ በመሆናቸው እነዚህ ሁለት የግንኙነት አማራጮች ይመለከቷቸዋል። ፉክክርን ወይም ትብብርን በሀገራትና በመንግሥታት ደረጃ የሚኖሩ ግንኙነቶች የሚገዙባቸው አማራጮች ናቸው። የመደመር መንግሥት ቅድሚያ ለጎረቤት የውጭ ግንኙነት ፖሊሲም የኢኮኖሚ ትስስርን ከጋራ ዕድገትና ብልፅግና አቆራኝቶ የሚጓዝ ነው። በአፍሪካና በዓለም አቀፍ የሁለትዮሽና ባለብዙ ወገን የትብብር ሥርዓትም ብሔራዊ ጥቅምን ከሀገር ገናና ክብር አሰናሰለ ምቹ የትብብር ምኅዳር ፈጥሯል። ኢትዮጵያ የብሪክስ ቤተሰብ አባልነት፣ የዓለም አቀፍ ንግድ ድርጅት አባልነት በወሳኝ ምዕራፍ መድረሱ፣ በአፍሪካ አህጉራዊ ነጻ ንግድ ቀጣና ስምምነት ትግበራ ቁርጠኛ አቋም ሁነኛ አብነቶች ናቸው። ዛሬ ላይ አዲስ አበባ የሁለትዮሽና ባለብዙ ወገን የዲፕሎማሲ ትብብር የስበት ማዕከል ሆናለች። የኢትዮጵያ የአየር ንብረት ዲፕሎማሲ እና ዓለም አቀፍ መድረክ ተሳትፎ የኢትዮጵያ የብዝኅ ኢኮኖሚ ልማት የዕድገት ፍኖተ ካርታ ለአየር ንብረት ለውጥ የማይበገር አስተማማኝ የኢኮኖሚ አቅም መገንባትን ያለመ ነው። በግብርና፣ ኢንዱስትሪ፣ ማዕድን፣ ቱሪዝምና የዲጂታል ኢኮኖሚ ልማቶችም ለአካባቢ ተስማሚነት ቅድሚያ የሚሰጡ ናቸው። የአረንጓዴ ዐሻራ፣ የበጋ መስኖ ስንዴና የብዝኅ ዘርፍ የኃይል ሽግግር እመርታዊ የልማት ስልቶችም ኢትዮጵያን ለዓለም አቀፍ የአየር ንብረት ለውጥ ተፅዕኖ ቅነሳ ስምምነቶች ተገዥነት የገለጡ ተምሳሌቶች ናቸው። የሰው ልጆች እና የቡና መገኛዋ ምድር ኢትዮጵያም በዓለም አቀፍ የዲፕሎማሲ መድረክ ስም እየገነባች ይገኛል። ሶስት ሺህ ዓመታት የተሻገረ ገናና ጥንታዊ ሥልጣኔ ከዘመናዊ ከተሜነት በማሰናሰል በአስደማሚ የዕድገት ጉዞ ላይ የምትገኘው ኢትዮጵያ የዓለም ቀልብ ማረፊያ እየሆነች ነው። የአሸናፊዎች ምድር፣ የዲፕሎማሲ ማዕከልና የአፍሪካ የወደፊት የንጹሕ ኃይል መሪዋ ኢትዮጵያ በርካታ የመርህ ሀገር ይሏታል። ምክንያቱም ከቱርክዬዋ የሜዲትራኒያን ባሕር ጠረፍ ከተማ አንታሊያ የተረከበችውን የኮፕ-32 (COP-32) መድረክ በብቃት ለማስተናገድ እየተጋች ነውና። ጠቅላይ ሚኒስትር ዐቢይ አሕመድ (ዶ/ር) በአንታሊያው የኮፕ-31 (COP-31) መድረክ በተጓዳኝ ከሀገራትና ዓለም አቀፍ መሪዎች ጋር ፍሬያማ የዲፕሎማሲ ውይይት አካሂደዋል። ከቱርኪዬ ፕሬዝዳንት ረጂብ ጣይብ ኤርዶጋን፣ ከባርቤዶስ ጠቅላይ ሚኒስትር ሚያ ሞትሊ፣ ከቦትስዋና ፕሬዝዳንት ዱማ ጌዲዮን ቦኮ፣ ከኳታር አሚር ሼክ ታሚም ቢን ሃማድ አል-ታኒ፣ ከሶማሊያ ፕሬዝዳንት ሐሰን ሼክ መሐሙድ፣ ከኢራቅ ፕሬዝዳንት ኒዛር አሚዲ፣ ከኖርዌይ ጠቅላይ ሚኒስትር ጆናስ ጋህር ስቶሬና ከፊንላንድ ፕሬዝዳንት አሌክሳንደር ስቱብ ጋር የሁለትዮሽ ውይይቶችን ማካሄዳቸው የኢትዮጵያን የዲፕሎማሲና የውጭ ግንኙነት የተፅዕኖ አድማስ በእጅጉ አጎልብቷል። የጠቅላይ ሚኒስትሩ የሁለትዮሽና ባለብዙ ወገን ፍሬያማ የዲፕሎማሲ ምክክርም የኮፕ-32 (COP-32) መድረክ በብቃት ለማስተናገድ ከሚደረግ ዝግጅት ባሻገር የሀገርን ብሔራዊ ጥቅምና ክብር በእጅጉ ማጉላት ያስቻለ ነው። ይህም ከአንድ የጂኦፖለቲካ አቅጣጫ ባሻገር ከተለያዩ የዓለም ክፍሎች ጋር በጋራ ጥቅምና በተለያዩ የትብብር መስኮች የትብብር አቅም እየጎለበተ መምጣቱን ያመላክታል። ኢትዮጵያ መጪውን የኮፕ-32 (COP-32) ፕሬዝዳንትነት ስትረከብ ቅድሚያ የሚሰጣቸውን ጉዳዮች በግንባር ቀደምትነት እንደምታራምድ መጠቆሟም ቁርጠኝነቷን ያሳያል። ለመድረኩ ስኬትም ከኮፕ-31 (COP-31) ፕሬዝዳንት ጋር በትብብር ትሰራለች። የአራቱም ማዕዘናት ዓለም እንግዶችም ቀጣይ ዓመት ለኮፕ-32 ጉባኤ የታሪክ ማኅደር፣ የገናና ሥልጣኔ፣ የአሸናፊዎች፣ የሰው ልጆችና ቡና መገኛዋ ምድረ ቀደምት ኢትዮጵያ ይተማሉ። ኢትዮጵያም እንግዶቿን ለመቀበል ቁርጠኛ ዝግጅት እያደረገች ነው። ቀጣናዊ ትስስርና ጉርብትናን ማጠናከር የመደመር መንግሥት ቅድሚያ ለጎረቤት የውጭ ግንኙነት ፖሊሲ የአፍሪካ ቀንድ ሀገራትን ዕጣ ፈንታ በጋራ ልማትና በመሠረተ ልማት እንዲተሳሰሩ ዕድል ፈጥሯል። በዚህም ኢትዮጵያ ከጅቡቲ፣ ከኬንያ፣ ከሱዳን እና ከደቡብ ሱዳን ጋር በኤሌክትሪክ ኃይል አቅርቦት፣ በመንገድ እና በመገናኛ መሠረተ ልማቶች በመተሳሰር ቀጣናዊ የኢኮኖሚ ውህደትን በተግባር አረጋግጣለች። የፖሊሲው ሌላኛው ትሩፋት "ለአፍሪካዊ ችግሮች አፍሪካዊ መፍትሔ" የሚለውን መርህ በመከተል በዓለም አቀፍ የሰላም ማስከበር ተልዕኮ ለቀጣናው ሰላምና መረጋጋት አስተዋጽኦ አበርክታለች፤ በማበርከትም ላይ ትገኛለች። በጠቅላይ ሚኒስትር ዐቢይ አሕመድ (ዶ/ር) የመደመር መጽሐፍ ከጎረቤት ሀገራት ትኩረት የሚሰጥ የውጭ ግንኙነት ሐተታ ላይ፤ በውጭ ግንኙነታችን ውስጥ የመጀመሪያው ትኩረታችን ከጎረቤት ሀገራት ጋር በመተባበር ላይ የተመሠረተ ግንኙነትን መመሥረትና ማጠናከር ይሆናል። ጎረቤት ሀገራትን በተመለከተ “ከአጋም የተጠጋ ቁልቋል ሲያለቅስ ይኖራል” ወይም “ምንጭን የተጠጋ ዋርካ፣ ሁልጊዜ እንደረካ” የሚለውን ነባር መርሕ መከተል ያስፈልገናል። ሉዓላዊነትንና ብሔራዊ ፕሮጀክቶችን በዲፕሎማሲ ማስጠበቅ የመደመር መንግሥት የውጭ ግንኙነት ፖሊሲ የሀገርን ሉዓላዊነትና የመልማት መብት የማስጠበቅ በተግባር የተፈተነ ጠንካራ አቅም ገንብቷል። ግብፅ በታላቁ የኢትዮጵያ ሕዳሴ ግድብ ግንባታ ሂደት የፈጠረችው የከሸፈ ዓለም አቀፍ ጫናም ሁነኛ አብነት ነው። ይህም የተዛቡ ትርክቶችን በሰከነ የዲፕሎማሲ አካሄድ በማረም የኢትዮጵያን የተፈጥሮ ሀብት የመጠቀም መብት በተግባር አረጋግጧል። የታላቁ ሕዳሴ በረከትም ከኢትዮጵያውያን የጎጆ ብርሃን የተሻገረ ቀጣናዊ የኢኮኖሚ አቅም ፈጥሯል። የመደመር መንግሥት የውጭ ግንኙነት ፖሊሲ በአንድ አቅጣጫ የዲፕሎማሲ አካሄድ የተገደበ አይደለም። ኢትዮጵያ ከምዕራቡም ከምሥራቁ ዓለም ጋር ሚዛናዊነትን የጠበቀ ግንኙነት መመሥረቷ ዓለም አቀፍ ተሰሚነትና ተፈላጊነቷን በእጅጉ አሳድጓል። በዚህም ዘርፈ ብዙ ዓለም አቀፍ አጋርነትና የብሪክስ (BRICS) አባልነትን እንድታረጋግጥ አስችሏታል። ኢትዮጵያ በማደግ ላይ ያሉ ታላላቅ ኢኮኖሚዎች ስብስብ የሆነውን ብሪክስን በሙሉ አባልነት መቀላቀሏ፣ በዓለም አቀፍ የፖለቲካና የፋይናንስ ሥርዓት ውስጥ ያላትን ድምፅ ከማሳደጉ በተጨማሪ አፍሪካ በተባበሩት መንግሥታት የፀጥታው ምክር ቤት ቋሚ መቀመጫ እንዲኖራት የምታደርገው ያላሰለሰ ጥረት ዓለም አቀፍ ቅቡልነት እያገኘ መጥቷል። ኢኮኖሚያዊ ዲፕሎማሲና የውጭ ቀጥታ ኢንቨስትመንት የመደመር መንግሥት የውጭ ግንኙነት ፖሊሲ ለሀገር በቀል የኢኮኖሚ ማሻሻያዎች ውጤታማነት አዎንታዊ ሚና እንዲኖረው ተደርጎ ተቃኝቷል። ከዓለም አቀፍ የገንዘብ ተቋማት ጋር ለተደረጉ ግንኙነቶችና ስምምነቶች፣ የዕዳ ሽግሽግ ድርድሮች እና በግብርና፣ በማዕድን፣ በቴክኖሎጂ እንዲሁም በቱሪዝም ዘርፎች ከፍተኛ የውጭ ኢንቨስትመንት ወደ ሀገር ውስጥ እንዲገባ አስተዋጽኦ አበርክቷል። የፖሊሲው የቀጣይ ዘመን ስትራቴጂያዊ ዕድሎች የኢትዮጵያ የባሕር በር ባለቤትነት ሦስት አስርት ዓመታትን በተሻገረ የጎልማሳ ዕድሜ የታጠረ የብሔራዊ ጥቅም ማዕከል ነው። የወቅቱ አንገብጋሚ የባሕር በር ባለቤትነት ጥያቄ ታሪክን ከሕግ፣ መልክዓ ምድራዊ ቅርበትን ከተፈጥሮ፣ አዳጊ የሕዝብ ቁጥርን ከፈጣን የኢኮኖሚ ዕድገት ጋር አሰናስሎ የያዘ የሕልውና አጀንዳ ነው። የመደመር መንግሥት የውጭ ግንኙነት የዲፕሎማሲ አካሄድም የኢትዮጵያን የባሕር በር የሕልውና ጥያቄ ዓለም እንዲገነዘብ አስችሏል። በዚህም ጥያቄው ከቅቡልነት ወደ እንዴት ይፈጸም ተሸጋግሯል። የውጭ ግንኙነት ፖሊሲውም የኢትዮጵያ ሰላማዊና በሰጥቶ መቀበል የጋራ ተጠቃሚነት መርህ ላይ የተመሰረተውን የባሕር በር ጥያቄ ፍትሐዊና ምክንያታዊ ቅቡልነት መሰረት አስይዟል። በታላቁ የኢትዮጵያ ሕዳሴ ግድብ የተፈጠረው ቀጣናዊ የኢኮኖሚና የኃይል ትስስርም የኢትዮጵያን የጋራ ተጠቃሚነት መርህ የገለጠ ተምሳሌት ነው። የብሪክስ እና የደቡብ-ለደቡብ ትብብርን በመጠቀም ጥገኝነትን መቀነስና ሰፊ የልማት ፋይናንስ አማራጮችን ማስፋት አስችሏል። የአየር ንብረት ዲፕሎማሲና የአረንጓዴ ዐሻራ ትሩፋቶች ለዓለም አቀፍ ግንኙነቷ እንደ ትልቅ አቅም የሚያገለግሉ ሲሆን፤ አዲስ አበባን የላቀ የዓለም አቀፍ ዲፕሎማሲና የኮንፍረንስ ማዕከል ለማድረግ ሁሉን አቀፍ ልማቶች እየተከናወኑ ይገኛሉ። የመደመር መንግሥት የውጭ ግንኙነት ፖሊሲ ኢትዮጵያን ከተከላካይነት ወደ አጀንዳ ቀርጾ ሰጪነት፣ ከተናጠል ጉዞ ወደ ቀጣናዊ ትስስር ያሸጋገረ ውጤታማ ፖሊሲ ነው። የኢትዮጵያ ዲፕሎማሲ ከአጀንዳ ተቀባይነት ወደ አጀንዳ ሰጭነት በመሸጋገር ብሔራዊ ጥቅምን በሚያስጠብቅ ከፍታ መጓዙን ቀጥሏል። ባለፉት ዓመታት የተመዘገቡት የዲፕሎማሲ ዕድሎች ለቀጣይ ዘመን ድል ጠንካራ መሠረት ናቸው። አሁን ላይ ኢትዮጵያ የዓለም የልብ ምት ናት። የዓለም አቀፉ የኮፕ-32 መድረክ ታዳሚያንም ኢትዮጵያ በልባቸው እያሰናሰሉ ነው። ትልቅ ሀገር፣ የትልቅ ሕዝብ መኖሪያና ታላቅ ርዕይ የሰነቀችው ኢትዮጵያም እንግዶቿን በብቃት ሞሽራ ለማስተናገድ ከወዲሁ ሽርጉዱን ጀምራለች። ኑ የሰው ልጅና የቡና መገኛ፣ አረንጓዴ ዐሻራና የዘመናዊ ከተማ ግንባታ፣ የአሸናፊዎችና የጥንታዊ ሥልጣኔ ማማ፣ የዲፕሎማሲ ማዕከልና የአፍሪካ የወደፊት የንጹሕ ኃይል ማዕከሏ ኢትዮጵያ ዘመን አይሽሬ ትውስታን በልብዎ ይቅረጹ እያለች ትጠራላች - ኢትዮጵያ!
ምድረ ቀደምቷ ኢትዮጵያ፤ ከታሪካዊ የአየር ንብረት የፍትሕ ጥያቄ እስከ ኮፕ-32 ጉባኤ ዝግጅት
Nov 18, 2026 163
ትልቅ ሀገር፣ ትልቅ ሕዝብ፣ ታላቅ ርዕይ!! የዘመናችን ፈታኝና ዐበይት ክስተት እየሆነ የመጣ የአየር ንብረት ለውጥ ሳይንሳዊ መሰረቱም ከሁለት መቶ ዓመታት በላይ የተሻገረ ታሪክ አለው። ለዚህም በ19ኛው ክፍለ ዘመን የሙቀት መጠበቂያ ጋዞች (Greenhouse Gases) በምድር ሙቀት ሚዛን ላይ የሚያሳድሩትን ተፅዕኖ የሚመለከቱ ሳይንሳዊ ጥናቶች ተጀምረዋል። በተለይም የኢንዱስትሪ አብዮት በአውሮፓ ከተስፋፋ በኋላ የድንጋይ ከሰል፣ የነዳጅና የጋዝ አጠቃቀም መጨመር፣ የደን ጭፍጨፋና ከኢንዱስትሪ የሚወጡ የካርበን ልቀት የዓለምን የአየር ንብረት ስርዓት ቀስ በቀስ እየበከሉት መጥተዋል። የዓለም አቀፍ የአየር ንብረት ቀውስ በኢንዱስትሪ ከበለፀጉ ሀገራት የሚመነጭ ቢሆንም የችግሩ ገፈት ቀማሾች ዝቅተኛ የኢኮኖሚና አደጋውን የመላመድ አቅማቸው አነስተኛ የሆኑ ታዳጊ ሀገራት መሆናቸው ጉዳቱን የከፋ ያደርገዋል። የሰዎችን ስደት በማባባስ የምግብ ዋስትናን፣ የጤና ሥርዓት፣ የውሃ አቅርቦትና መሰል ከፍተኛ ሰብዓዊ እና ቁሳዊ ጉዳት እያስከተለ ይገኛል። በተለይም የአፍሪካ ቀንድ አርሶና አርብቶ አደር፣ የባሕር ዳርቻና የደሴት ሀገራት፣ ዝቅተኛ ገቢ ያላቸው የከተማ ነዋሪዎች፣ ሴቶች፣ ሕጻናት፣ አዛውንቶችና አካል ጉዳተኞችን ማህበራዊና ኢኮኖሚያዊ ዋስትና ቅርቃር ውስጥ በመክተት ቀላል የማይባል ተፅዕኖ ያስከትላል። በቅርቡ በኔፓል የተከሰተው የጎርፍ መጥለቅለቅ፣ የምስራቅ አፍሪካ የኤልኒኖ ድርቅ፣ በላቲንና ሰሜን አሜሪካ፣ በእስያና ሌሎች ሀገራት የሚከሰቱ አውሎ ነፋሶችና የእሳት አደጋዎች የአየር ንብረት ለውጥ ላይ አፋጣኝ መፍትሔ መውሰድ እንደሚያስፈልግ አመላካች ናቸው። ለዚህም በካርበነ ልቀት ቅነሳ መርህ የታዳሽ ኃይል ማስፋፋት፣ የንጹህ ትራንስፖርት ማበረታታት፣ የደን ጥበቃና የካርቦን ልቀት በመቀነስ የለውጥ መላመድ ምኅዳርን የሚያጎለብቱ የድርቅ መቋቋም ግብርና፣ የውሃ አስተዳደር፣ የቅድመ ማስጠንቀቂያ ሥርዓትና አደጋ መቋቋም የሚችል የመፍትሔ አቅጣጫ ስልቶችን መገንባት ያስፈልጋል። የኪሳራና ጉዳት ካሳ (Loss and Damage)፣ የአየር ንብረት ፋይናንስ፣ የቴክኖሎጂ ሽግግርና የአቅም ግንባታ ስልቶችም የአየር ንብረት ለውጥ መፍትሔ መሰረታውያን ናቸው። የአየር ንብረት ዲፕሎማሲም በአንድ ጊዜ የተፈጠረ ሳይሆን በሳይንሳዊ ምርምር፣ በዓለም አቀፍ ውይይትና በሕጋዊ ስምምነቶች የተገነባ ረጅም ሂደት ነው። እ.አ.አ ከ1979–2026 በተለያዩ ሀገራት ከተሞች የተካሄዱት ዓለምአቀፍ የአየር ንብረት ዲፕሎማሲ መድረኮችም የሂደቱን ታሪካዊ የጉዞ ምዕራፎች ያመላክታሉ። በዚህም እ.ኤ.አ. 1979 በጄኔቫ ስዊዘርላንድ የመጀመሪያው የዓለም የአየር ንብረት ጉባኤ ሳይንሳዊ ግንዛቤን ለማሳደግ ሁነኛ መሰረት ጥሎ ያለፈ መድረክ ነበር። እ.ኤ.አ. በ1988 በጄኔቫ የዓለም አቀፍ የአየር ንብረት ለውጥ ተጠሪ ቡድን (IPCC) በመመስረቱም ዓለምአቀፍ ሳይንሳዊ ግምገማ ለማካሄድ ተቋማዊ መሰረትን ፈጥሯል። በብራዚሏ ሪዮ ዴ ጄኔሮ እ.ኤ.አ. 1992 የጸደቀው የተባበሩት መንግስታት የአየር ንብረት ለውጥ ማዕቀፍ ስምምነትም (UNFCCC) ለዓለም አቀፍ የአየር ንብረት ቀውስ መፍትሔ የሚያመላክት የሕግ መሰረት ጥሏል። በጀርመን መዲና በርሊንም እ.ኤ.አ. 1995 የመጀመሪያው የስምምነት ወገኖች ጉባኤ (COP1) ተካሂዷል። በጃፓን ኪዮቶ እ.ኤ.አ. 1997 የተካሄደው 3ኛው የስምምነት ወገኖች ጉባኤ (COP3) የኪዮቶ ፕሮቶኮልን በማፅደቅ የካርበን ልቀት ቅነሳ ግዴታዎችን ወደ ዓለምአቀፍ ስምምነት አምጥቷል። በሞሮኮ ማራካሽ እ.ኤ.አ. 2001 የተካሄደው 7ኛው የስምምነት ወገኖች ጉባኤ (COP7) የኪዮቶ ፕሮቶኮል ተግባራዊ እንዲሆን የሚያስችሉ ደንቦችን አስጸድቋል። በዴንማርክ ኮፐንሃገን እ.ኤ.አ. 2009 የተካሄደው 15ኛው የስምምነት ወገኖች ጉባኤ (COP15) አዲስ ዓለምአቀፍ የአየር ንብረት ስምምነት ለመፍጠር ታላቅ ጥረት የተደረገበት ታሪካዊ መድረክ ነበር። በፈረንሳይ መዲና ፓሪስ እ.ኤ.አ. 2015 የተካሄደው 21ኛው የስምምነት ወገኖች ጉባኤም (COP21) የፓሪስ ስምምነትን በማፅደቅ ለዓለም አቀፍ የአየር ንብረት ትብብር አዲስ ምዕራፍ ከፍቷል። በዩናይትድ ኪንግደም ግላስጎው እ.ኤ.አ. 2021 የተካሄደው 26ኛው የስምምነት ወገኖች ጉባኤ (COP26) የግላስጎው የአየር ንብረት ስምምነትን በማፅደቅ የዓለም አቀፍ የልቀት ቅነሳ ጥረቶች እንዲጠናከሩ አድርጓል። በግብፅ ሻርም ኤል ሼክ እ.ኤ.አ. 2022 የተካሄደው 27ኛው የስምምነት ወገኖች ጉባኤ (COP27) በአየር ንብረት ለውጥ ሳቢያ ለሚደርሱ ኪሳራና ጉዳቶች የሚውል ፈንድ ለመመስረት ታሪካዊ ስምምነት ላይ መደረሱ ይታወሳል። የተባበሩት ዓረብ ኤሚሬቶች በዱባይ እ.ኤ.አ. 2023 ያስተናገደችው 28ኛው የስምምነት ወገኖች ጉባኤ (COP28) የፓሪስ ስምምነትን የመጀመሪያ ዓለምአቀፍ የአፈጻጸም ግምገማ (Global Stocktake) አከናውኗል። እ.ኤ.አ. 2024 በአዘርባጃን ባኩ የተካሄደው 29ኛው የስምምነት ወገኖች ጉባኤ (COP29) በአዲስ ዓለም አቀፍ የአየር ንብረት ፋይናንስ ግብ ላይ ታሪካዊ ውሳኔን አሳልፏል። እ.ኤ.አ. 2025 በቤለም ብራዚል የተካሄደው 30ኛው የስምምነት ወገኖች ጉባኤም (COP30) የአማዞን ደን ጥበቃንና የአየር ንብረት ቃል ኪዳኖችን ወደ ተግባር የማሸጋገር አጀንዳን በማስቀደም ታሪካዊ ምዕራፍ አስመዝግቧል። የዘንድሮው 31ኛው የስምምነት ወገኖች ጉባኤም (COP31) የቱርክዬን አስተናጋጅነት ከአውስትራሊያ የድርድር አመራር ጋር በማጣመር በአንታሊያ ተካሂዷል። ኢትዮጵያም ታሪካዊውን ዓለምአቀፍ የአየር ንብረት ዲፕሎማሲ መድረክ በ2027 በአዲስ አበባ 32ኛው የስምምነት ወገኖች ጉባኤ (COP32) ለማስተናገድ ቅብብሎሹን በአንታሊያ ተረክባለች። መድረኩን በብቃት ለማስተናገድ ቀደም ብላ መዘጋጀት ጀምራለች። 32ኛውን የኮፕ ጉባኤ እንደ ሀገር ያስመዘገበቻቸውን እመርታዊ የአየር ንብረት ለውጥ ቅነሳ ተነሳሽነቶች ለዓለም የምታሳይበት ሁነኛ ጉባኤ ይሆናል። በዚህም የኢትዮጵያ የሰው ዘር መገኛ (Cradle of Humanity)፣ የቡና መገኛ (Origin of Coffee)፣ አረንጓዴ ዐሻራ (Green Legacy)፣ ጥንታዊ ስልጣኔ (Ancient Civilization)፣ አዲስ አበባና ከተሜነት፣ የዲፕሎማሲ ማዕከል (Diplomatic Hub)፣ የአሸናፊዎች ምድር (Land of Champions) እንዲሁም የታዳሽ ኃይል (Clean Energy) ልማት ስምንት ብሔራዊ የገጽታ ግንባታ ጭብጦች ጎልተው ይገለጣሉ። በሰው ልጅ የመጀመሪያው ፍጥረት የዘር ሀረግ አመጣጥም በኢትዮጵያ መሆኑን ሚሊዮን ዓመታት ዕድሜን በማስቆጠር በአፋር ክልል የተገኙት የሉሲ እና ሰላም ቅሪተ አካልም ሕያው የታሪክ ምስክሮች ናቸው። የቡናን ታሪክ ከጥንታዊ ደኖቿ በማፍለቅ ከሺህ ዘመናት በፊት ጀምሮ ማጣጣም የጀመረችው ኢትዮጵያ ዛሬም ድረስ ለወደፊት የሚሻገር የዓለም የቡና ባህል ሥርዓትና የጣዕም ሃብት ምንጭ ናት። በጥንታዊ ሥልጣኔና ቅርስ በኩልም ከአክሱም ሐውልቶች እስከ ላሊበላ ውቅር አብያተ ክርስቲያናት፣ ከኃይማኖታዊ ቅርሶች እስከ ባሕላዊ እሴቶች ድረስ የሺህ ዘመናት ሥልጣኔ ኢትዮጵያን ተምሳሌት አድርገዋታል። በአዲስ አበባ የተከናወነው እና እየተከናወነ የሚገኘው የኮሪደርና የወንዝ ዳርቻ የከተማ ልማትም የአሁኑ ትውልድ የራሱን የሥልጣኔ ታሪክ ዐሻራ በማሳረፍ ውብ፣ ጽዱና ኢትዮጵያን የሚመጥን የከተሜነት ምኅዳር እየገነባ ነው። በጠቅላይ ሚኒስትር ዐቢይ አሕመድ (ዶ/ር) ሃሳብ አመንጪነት በግንቦት 18 ቀን 2011 ዓ.ም የተጀመረው የአረንጓዴ ዐሻራ ብሔራዊ መርሃ ግብር የአረንጓዴ ኢኮኖሚን መገንባት የሚያስችል መሰረት እየጣለ ነው። በውሃ፣ በነፋስ፣ በጸሐይ፣ በጂኦተርማልና ሌሎች አማራጮች ከሀገር ውስጥ የተሻገረ የኤሌክትሪክ ሀይል ለምስራቅ አፍሪካ በማቅረብ አፍሪካዊት የታዳሽ ኃይል ማዕከል የሚያሰኟትን አመርቂ ውጤቶች አስመዝግባለች። በፓን-አፍሪካ እሳቤም ኢትዮጵያ የጥቁር ሕዝቦች የነጻነት ቀንዲል፣ የአንድነት ተምሳሌትና የኩራት ምንጭነቷን ምስጋና ለቅድመ አያቶችና በዓድዋ ሰንሰለታማ ተራሮች በተግባር አስመስክራለች። ጀግኖች አትሌቶች በዓለም አቀፍ የውድድር መድረክ ደግመው ደጋግመው የተጎናጸፉት ደማቅ የአሸናፊነት ድል ስምና ዝናዋን በዓለም አደባባይ ከፍ አድርጓል። በአጠቃላይ በእነዚህ የታሪክ፣ የሥልጣኔና የአረንጓዴ ልማት ትሩፋቶች ትልቅ ሀገር፣ ትልቅ ሕዝብ እና ታላቅ ርዕይ የሰነቀችው ኢትዮጵያ በአዲስ አበባው የኮፕ-32 ጉባኤ በታሪካዊ ገድልነት በጉልህ የምታሳያቸው የብሔራዊ ኩራት ማኅደሮች ናቸው። በዚህም በአፍሪካ ተምሳሌትነቷን ለዓለም በማረጋገጥ ለሀገራዊ ገጽታ ግንባታ፣ ለአየር ንብረት ዲፕሎማሲ የበላይነት እንዲሁም ለዓለም ሀገራት በተሞክሮነትና በመልካም ልምድነት በኩራት በማቅረብ የዲፕሎማሲ ከፍታዋን ይበልጥ ታጸናለች።
የመደመር እሳቤ፡ የትላልቅ ውጥኖች ስኬት ምስጢር
Nov 17, 2026 127
የመደመር መንግሥት እና እሳቤ የተበታተነ አቅምን በማሰባሰብ፣ ሀገር በቀል እውቀቶችን መሠረት በማድረግ እና የሕዝብ ተሳትፎን በማስተባበር ግዙፍና ስትራቴጂካዊ ሀገራዊ ውጥኖችን ማሳካት እንደሚቻል በተግባር ያሳየ ፍልስፍና ነው። ይህ እሳቤ ወረቀት ላይ ብቻ የቀረ ሳይሆን፣ ውስን ሀገራዊ ሃብትን በአንድ ላይ በማቀናጀት አዳዲስ የሥራ ባህሎችንና ተጨባጭ ውጤቶችን ማምጣት የቻለ እሳቤ መሆኑን በተለያዩ ዘርፎች የተመዘገቡ ስኬቶች ያረጋግጣሉ። የመደመር እሳቤ ዋና ግብ ሁለንተናዊ ብልጽግናን ማረጋገጥ ሲሆን፣ ባለፉት ዓመታት የተከናወኑት ተግባራት የሀገሪቱን የልማት ምዕራፍ ወደ ላቀ ደረጃ አሸጋግረዋል። በኢኮኖሚ እና በመሠረተ-ልማት ዘርፎች የታዩት ተጨባጭ ማሳያዎች የመደመር እሳቤ ያለውን ትልቅ የማስፈጸም አቅም በግልጽ ያሳያሉ። በሀገሪቱ ታሪክ ለመጀመሪያ ጊዜ ከውጭ የሚገባውን ስንዴ ሙሉ በሙሉ በማስቀረት ኢትዮጵያን የአፍሪካ ትልቁ የስንዴ አምራች ያደረገው የስንዴ ልማት እመርታ እና በሕዝብና መንግሥት ትብብር ግንባታው የተከናወነው ታላቁ የኢትዮጵያ ህዳሴ ግድብ የዚሁ እሳቤ ፍሬዎች ናቸው። በተጨማሪም ከ56 ቢሊዮን በላይ ችግኞች የተተከሉበት የአረንጓዴ አሻራ መርሃ ግብር፣ የከተሞችን ገጽታ የቀየረው የኮሪደር ልማት እንዲሁም በአጭር ጊዜ ዓለም አቀፍ ደረጃቸውን የጠበቁ መዳረሻዎችን የገነቡት የ“ገበታ ለሸገር”፣ “ገበታ ለሀገር” እና “ገበታ ለትውልድ” ፕሮጀክቶች የመደመር ስልታዊ አካሄድ ግዙፍ ውጥኖችን በአጭር ጊዜ ማጠናቀቅ እንደሚችል ማረጋገጫዎች ናቸው። ጠቅላይ ሚኒስትር ዐቢይ አሕመድ(ዶ/ር) አዲሱ የመደመር መንግሥት ምስረታ ወቅት ባደረጉት ንግግር፣ ይህንን እሳቤ ይበልጥ የሚያጠናክሩ ቁልፍ ሐሳቦችን አንስተዋል። ጠቅላይ ሚኒስትሩ ምንጩን የሚረሳ ወንዝ እንደሚደርቅ ሁሉ፣ መሠረቱንና ሀገራዊ እሳቤውን በመጣል የሚጀመር የሥልጣኔ ጉዞ ሩቅ ሊጓዝ እንደማይችል ገልጸው፤ ባለፉት ዓመታት የኢትዮጵያዊነት መሠረት የሆነውን የመደመር እሳቤን በተሟላ ሁኔታ ወደ ሥራ ማስገባት መቻሉን አብራርተዋል። አዲሱ የመደመር መንግሥት የሀገር ውስጥ እሴቶችን ከውጭው ጠቃሚና ተራማጅ ዕውቀት ጋር በማዋሃድ አዲስ የኢትዮጵያ ሥልጣኔ ለመገንባት እንደሚሠራ አስምረውበታል። በተጨማሪም በትናንቱ ንግግራቸው የመደመር ፖለቲካዊ ባህሪ ልዩነቶችን አቀናጅቶ የጋራ ውጤት መፍጠር መሆኑን በመጥቀስ፣ በምርጫ ውድድር ውስጥ የፓርቲዎች ማሸነፍና መሸነፍ ቢኖርም እንኳ ውጤቱ ሲደመር ኢትዮጵያ አሸናፊ እንጂ ተሸናፊ ልጆች የሌሏት ሀገር መሆኗን ማሳየት ነው ብለዋል። ባለፉት ዓመታት ከተናጠል ዘርፍ ወደ ብዙሃ ዘርፍ በመሸጋገር በዲጂታል ቴክኖሎጂ፣ በግብርና፣ በኮሪደርና ቱሪዝም ልማት የተመዘገቡት አስደናቂ ውጤቶች ሁሉ የተናጠል አቅሞችን በማቀናጀት (Synergy) የመጡ መሆናቸውን አስገንዝበዋል። በአጠቃላይ የመደመር መንግሥት ዛሬ ላይ ቆሞ የተሻለ ነገን እያየ፣ አዳዲስ ዕድሎችን ወደ ውጤት በመቀየር እና የጀመራቸውን ግዙፍ ስራዎች በተከታታይነት በማስቀጠል ታላቅ ሀገር የመገንባት ርዕዩን አፅንቶ የሚቀጥል ነው።
ወንጪ - ደንዲ ኢኮ ቱሪዝም፦ የነዋሪዎችን ሕይወት በተጨባጭ የቀየረው የልማት ትሩፋት
Nov 16, 2026 319
በጠቅላይ ሚኒስትር ዐቢይ አሕመድ (ዶ/ር) ሃሳብ አመንጪነት በገበታ ለሀገር ፕሮጀክት የተገነባው የወንጪ የቱሪዝም ልማት፣ የአካባቢውን መሠረተ ልማቶች በማሟላት የነዋሪዎችን የኑሮ ደረጃ ከመሠረቱ ከመቀየር ባለፈ ከፍተኛ የቱሪስት ፍሰት እንዲመዘገብ እያደረገ መሆኑን የአካባቢው ነዋሪዎች ይናገራሉ፡፡ በተፈጥሮ ጸጋ የታደለችው ነገር ግን በመሠረተ ልማት እጦት ተጋርዳ ለዘመናት በዝምታ ውስጥ የቆየችው ውቧ ወንጪ፣ ዛሬ ገጽታዋ ተቀይሮ የሀገር ውስጥና የውጭ ሀገር ጎብኚዎችን ቀልብ የምትገዛ ደማቅ የቱሪዝም ማዕከል ሆናለች። በጠቅላይ ሚኒስትር ዐቢይ አሕመድ (ዶ/ር) ራዕይና ሃሳብ አመንጪነት እውን የሆነው የገበታ ለሀገር የልማት ፕሮጀክት፣ ለወንጪ ተፈጥሯዊ ውበት ዘመናዊ ድምቀትን ከማላበስ ባለፈ የነዋሪዎቿን የዘመናት እንግልት የቀረፈ የታሪክ ምዕራፍ ሆኗል። ቀደም ሲል የመንገድ፣ የመብራትና የንጹሕ መጠጥ ውሃ አቅርቦት ባለመሟላቱ የአካባቢው ማህበረሰብ ለእንግልት ተዳርጎ እንደነበር የአካባቢው ነዋሪዎች ከኢዜአ ጋር ባደረጉት ቆይታ አስታውሰዋል። ዛሬ ግን ያ ጨለማ ተገፎ በብርሃንና በልማት መተካቱንም ነው የገለጹት፡፡ የፕሮጀክቱ ተጠቃሚና የአካባቢው ነዋሪ አቶ ተስፋዬ ወልደጊዮርጊስ፣ ህይወታቸው በባህላዊ እርሻና በከባድ ጉልበት ሥራ ብቻ ተወስኖ ለዓመታት በድካም ማለፉን ያስታውሳሉ። አሁን ግን በፕሮጀክቱ ትሩፋት አማካኝነት ዘመናዊ መኖሪያ ቤትና የተሻሻሉ የግብርና ግብአቶች ተሟልተውላቸው የኑሮ ዘይቤያቸው ከመሠረቱ መለወጡን ይጠቅሳሉ። በፕሮጀክቱ አማካኝነት መንግሥት ዘመናዊ ቤት በመሥራት ብሎም ላም በመግዛት ህይወታቸውን ዳግም እንዳቋቋመላቸው በጥልቅ የደስታ ስሜትና ምስጋና ተናግረዋል። ከዚህ ቀደም ወደ አምቦና ወሊሶ በእግርና በፈረስ ለመጓዝ ቀናት የሚፈጅ አድካሚ ጉዞ ያደርጉ እንደነበር ጠቅሰው፣ ዛሬ በተዘረጋው የአስፋልት መንገድ በቀላሉ ወደሚፈልጉት አካባቢ በምቾት መጓዝ መቻላቸውን ተናግረዋል። ሌላው የአካባቢው ነዋሪ አቶ ሸለመ አብዲሳ በበኩላቸው፤ የልማት ፕሮጀክቱ ለወንጪ ህዝብ እንደ ሁለተኛ ዕድሜ እንደሆነ ይገልጻሉ። ከዚህ ቀደም በማገዶ እንጨት ጭስ እየታፈኑ ምግብ ያበስሉ እንደነበር አስታውሰው አሁን ላይ በፕሮጀክቱ አማካኝነት ከአስቸጋሪ የኑሮ ዘይቤ ተላቀው፣ በኤሌክትሪክ ኃይልና በምቹ መኖሪያ ቤት ስልጡን ኑሮ እየመሩ መሆናቸውን አብራርተዋል። በተጨማሪም የመሠረተ ልማቱ መሟላት አካባቢውን በተለይ በሳምንቱ መጨረሻ ቀናት በህዝብና በተሽከርካሪ የተሞላ የንግድና የቱሪዝም ማዕከል እንዳደረገው በደስታ ተናግረዋል። ወንጪ ዓመቱን ሙሉ ለምለም የሆነ፣ ፍል ውሃዎችና የበርካታ ተፈጥሮ ሀብት ባለቤት ብትሆንም፣ ቀደም ሲል በመሠረተ ልማት እጦት ሳትታወቅ መቆየቷን የአካባቢው ተወላጅና የሥራ ዕድል የተፈጠረለት ወጣት ጸጋዬ ተረፋ ያስታውሳል። አሁን ላይ ግን የመንገድ፣ የመብራትና የውሃ አገልግሎቶች በመሟላታቸው የጀልባ ሽርሽር፣ የፈረስ ግልቢያና ሌሎች የቱሪዝም አገልግሎቶች ተስፋፍተው ለአካባቢው ወጣቶችና ነዋሪዎች ሰፊ የሥራ ዕድልና የገቢ ምንጭ መፍጠራቸውን ገልጿል። ወንጪ ዛሬ የሀገር ውስጥና የውጭ ሀገር ቱሪስቶችን ቀልብ እየሳበች መምጣቷን ጠቁሞ፣ የቱሪስት ፍሰቱ ከዓመት ዓመት በከፍተኛ ሁኔታ እየጨመረ መሆኑንም ተናግሯል።
ትንታኔዎች
ጀፎረ -የጉራጌ የውበት፣ የአብሮነትና የባህል መገለጫ
Nov 20, 2026 149
በእንዳልካቸው ደሳለኝ የጉራጌን ማህበረሰብ ስናስብ በብዙ ኢትዮጵያዊያን ዘንድ በህሊናችን ቀድሞ ትውስ የሚለን ክትፏቸው አሊያም የጉራጊኛ ጭፈራቸው ሊሆን ይችላል። ክትፎውም ሆነ ጭፈራቸው በብዙዎች ዘንድ የሚወደድና የሚታወቅ ነው። ሌላው መታወቂያቸው ደግሞ የመንደር አመሰራረታቸውና የሣር ቤት አሰራራቸው ነው። በተለይ ማራኪ የመንደር ገጽታ እንዲኖራቸው ከጥንት ጊዜ ጀምሮ ከሚታወቁበት የምሕንድስና ጥበባቸው አንዱ "ጀፎረ" የተሰኘው መንደራቸው ነው። የጉራጌ መንደር አመሰራረት ያለ ጀፎረ አይታሰብም፡፡ ጀፎረ አረንጓዴ ሣር የለበሰ እና በሁለት ትይዩ መንደሮች መካከል የሚገኝ ሰፊ ባህላዊ አውራ መንገድ ነው፡፡ ለአካባቢው ነዋሪዎች መተላልፊያ መንገድ ሆኖ ያገለግላል፡፡ በጉራጌኛ "ጀፎረ" ማለት አውራ መንገድ እንደ ማለት ነው፡፡ ጀፎረ ከመሠረታዊ ጠቀሜታው ባለፈ ለተለያዩ ማህበራዊ ሁነቶች መከወኛም ሆኖ ያገለግላል። ለጉራጌ መንደሮች ውበት መላበስም እያደረገ ያለው አስተዋጾ የጎላ ነው፡፡ በጉራጌ ማህበረሰብ ዘንድ "ጀፎረ" ከምቹ የመኖሪያ አካባቢነት በላይ የህብረተሰቡን ባህል፣ ወግ፣ የሞራል ልዕልና እና ማህበራዊ መስተጋብር በአንድ ላይ አጣምሮ ይዞ ከዘመን ዘመን ሲሸጋገር የመጣ ነው። የጀፎረ መንደር ለጉራጌ ማህበረሰብ ውበት ብቻ ሳይሆን የሰላም፣ የፍቅር እና የአብሮነት ማህተም ጭምር ነው። አንድነት እና ወጥነትን የሚያንጸባርቅ የማህበራዊ ትስስር ማዕከልም ነው። የማህበረሰቡ አባላት በዕለት ተዕለት ኑሯቸው፣ በባህላዊ እሴቶቻቸው እና በሚያሳዩት የትብብር መንፈስ አንድነታቸውን የሚያንፀበረቁበት የወል ስፍራም ነው። መንደሩ የወል እሴቶችን በጋራ ጠብቆ የማቆየት ልምድ ማሳያም ተደርጎ ይወሰዳል። በባህላዊ መንደሩ ማህበራዊና ኢኮኖሚያዊ ጉዳዮች እንዲሁም የህዝብ አስተዳደርና መሰል ጉዳዮች በጋራ ይመከርበታል፤ ይወሰንበታል። በተለይ እንደ ሠርግና ለቅሶ ያሉ ማህበራዊ ጉዳዮች የሚከወኑበት በመሆኑ የሕብረተሰቡ የአብሮነት እሴት ማጠናከሪያም ሆኖ ያገለግላል ድንገት እግር ጥሎት አሊያም አካባቢውን ለመጎበኘት ያቀና ሰው በጀፎረ ባህላዊ የመንደር አመሰራረት ቀልቡ ይሳባል። አንዳች የግርምት ስሜትም ያድርበታል። ከቅርብ ጊዜ ጀምሮ ደግሞ ለጀፎረ ባህላዊ መንደር ልዩ ትኩረት ተስጥቷል። እንደ ሃገር የተጀመረው የገጠር ኮሪደር ልማት ሥራ ደግሞ የጉራጌ ማህበራዊ፣ ኢኮኖሚያዊና ባህላዊ የአኗኗር ፍልስፍና የሆነውን ጀፎረን ወጥ በሆነ መልኩ ለማልማት እያስቻለ ነው። ይህም እሴቱን አጠናክሮ ለቀጣይ ትውልድ ለማሸጋገርና የቱሪዝም መስህብ ለማድረግ ሚናው የጎላ ነው። በጉራጌ ዞን የጌታ ወረዳ ነዋሪ አቶ ፈቀደ አለማር እንደሚሉት በጀፎረ መንደር ቤቶች በልዩ ውበት እና በተቀናጀ ሁኔታ ነው የሚገነቡት። ቤቶቹ ከመንገድ ዳርና ዳር ተርታ የሚገነቡ ሲሆን በቤቶቹ መካከል ያለው ሰፊ መንገድም በአረንጓዴ ሣር የተሸፈነ ነው። በአረንጓዴ የተሸፈነው መንገድ ግራና ቀኝ ተርታውን ተሰልፈው ከሚታዩ ጎጆ ቤቶችና በእኩል ቁመት ከታጠረው የእንጨት አጥርና የእንሰት ተክል ጋር ተዳምሮ ሲታይ ለአካባቢው እንዳች ውበት ይሰጣል። ከቅርብ ጊዜ ጀምሮ መንግስት ለጉራጌ የጀፎረ መንደር አመሰራረት ትኩረት መስጠቱ በተሻለና በዘመነ መልኩ እሴቱን ለማስቀጠል እያገዘ በመሆኑ ደስተኛ መሆናቸውን አቶ ፈቀደ ይናገራሉ። ይህም መንደሩን ይበልጥ በማዘመን ለቱሪስት መስህብነት ለማዋል የሚደረገውን ጥረት በእጅጉ ያግዛል ብለዋል። የእዚሁ ወረዳ ሌላው ነዋሪ ወይዘሮ ደስታ አንሳ ጀፎረ የደስታና የሀዘን መገለጫ ማዕከል ሆኖ እያገለገለ መሆኑን ያነሳሉ። በተለይ እንደ መስቀል በዓል ባሉ ታላላቅ በዓላት ጀፎረ የባህላዊ ጨዋታዎችና ዘፈኖች መድረክ ሆኖም እንደሚያገለግል ነው የገለጹት። ወጣቶችና አዛውንቶች ተሰባስበው ደስታቸውን የሚገልጹበት እንደ ሠርግና ሀዘን ባሉ ማህበራዊ ጉዳዮችም አብሮነታቸውን የሚያሳዩበት ህያው ቦታ መሆኑንም ነው ያነሱት። "ጀፎረ" የግጭት መፍቻና የዕርቅ ማዕከልም ሆኖ ያገለግላል። በማህበረሰቡ ውስጥ የሚፈጠሩ ማናቸውም አለመግባባቶች ወደ ውጭ ሳይወጡ በጀፎረ መንደር በሽማግሌዎች ይፈታሉ የሚሉት ደግሞ የእኖር ወረዳ ነዋሪው የሃገር ሽማግሌ ጓታኩየ መልስ ናቸው። የዳኝነት ሥርዓቱ ግለሰቦችን ብቻ ሳይሆን ማህበረሰባዊ ሰላምን የሚጠብቅ በመሆኑ፣ በ"ጀፎረ" የሚተላለፉ ውሳኔዎች ከፍተኛ ክብር እና ተቀባይነት እንዳላቸው ያነሳሉ። "ጀፎረ" የጉራጌ ማህበረሰብ የማህበራዊና ኢኮኖሚያዊ ተግባራትን አስተሳስረው የሚመሩበት ለዘመናት የዘለቀ ድንቅ እሴት መሆኑን ያወሱት ደግሞ የጉራጌ ዞን ባህል እና ቱሪዝም መምሪያ ሃላፊ ተወካይ አቶ ነስረዲን አረቦ ናቸው። እሴቱ ማህብረሰቡን የማስተሳሰር፣ ግጭትን በዘላቂነት መፍታት፣ ሰላምና ልማትን እንደሚሰብክ ተናግረዋል። በመሆኑም በማህብረሰቡ ዘንድ ከፍተኛ የሆነ ተቀባይነት ያለው እሴቱ ሳይሸራረፍ ተጠብቆ መቆየቱን አስረድዋል። እንደ አቶ ነስረዲን ገለጻ፤ከቅርብ ጊዜ ጀምሮ ደግሞ ባህላዊው የ”ጀፎረ” አቀማመጥ ከዘመናዊው የኮሪደር ልማት ጽንሰሀሳብ ጋር በማጣጣም እየተተገበረ ይገኛል። ሰፋፊ ጎዳናዎች አረንጓዴ ማነታቸው ተጠብቆ በዘላቂነት እንዲጠበቁ ለማድረግ ከገጠር ኮሪደር ልማት ጋር ተሰናስኖ እየተተገበረ እንደሆነም ጠቅሰዋል። በዚህም ባለፉት ሁለት ዓመታት በርካታ ኪሎ ሜትር የሚሸፍን የገጠር ኮሪደር ልማት ሥራ ህብረተሰቡን በማሳተፍ መሰራቱን አስረድተዋል። በተያዘው በጀት አመትም በሩብ አመቱ ከ85 ኪሎ ሜትር በላይ የሚሆነውን የገጠር ኮሪደር ልማት ስራ ማከናወን መቻሉን ገልፀዋል። በዘርፉ ልዩ እቅድ ተይዞ በተሰራው ሰራ አራት ጀፎሮዎች የይዞታ ማረጋገጫ ሰርተፍኬት እንደተሰራላቸው ገልፀው በቀጣይ 12 ቦታዎች ተለይተው የይዞታ መሳረጋገጫ እንዲያገኙ እየተሰራ መሆኑን ጠቅሰዋል። እንደ አቶ ነስረዲን ገለጻ “ጀፎረ” ሀገራዊ እና ዓለም አቀፍ ትኩረት እንዲያገኝ በማድረግ የጉራጌን ታሪክ፣ ባህልና መስተንግዶ ለውጭ ሀገርና ለሀገር ውስጥ ቱሪስቶች ለማስተዋወቅ በተሰራው ስራ ውጤቶች እየተገኙ ነው።
የሰሊጥ ኢኮኖሚያዊ ፋይዳ እና የጤና ጸጋዎች
Nov 18, 2026 168
የሰሊጥ ኢኮኖሚያዊ ፋይዳ እና የጤና ጸጋዎች ሰሊጥ በዓለም ላይ ካሉ የቅባት እህሎች አንዱ ሲሆን፣ ኢትዮጵያም የሰብሉ መገኛና በዓለም አቀፍ ደረጃ ዋነኛ አምራችና ላኪ ሀገር ነች። በኢትዮጵያ ግብርና ውስጥ "ነጭ ወርቅ" በመባል የሚታወቀው ሰሊጥ፣ ለሀገሪቱ ኢኮኖሚ የጀርባ አጥንት ከመሆኑም ባለፈ ለሰው ልጅ ጤናና ስነ-ምግብ ያለው ጠቀሜታ እጅግ የላቀ መሆኑን የጤና ባለሙያዎች ይናገራሉ። የሰሊጥ ሰበል ሞቃታማና ከፊል-ደረቅ የአየር ንብረት የሚፈልግ ሰብል ሲሆን ከ25° ዲግሪ ሴልሺየስ እስከ 35°ዲግሪ ሴልሺየስ ባለው የሙቀት መጠን ውስጥ በተሻለ ሁኔታ ያድጋል። ለሰሊጥ ከዓመታዊ የዝናብ መጠን አንጻር ከ450 እስከ 650 ሚሊ ሜትር ዝናብ ይፈልጋል። ይሁን እንጂ ሰብሉ ድርቅን የመቋቋም አቅም ያለው በመሆኑ አነስተኛ ዝናብ ባለባቸው አካባቢዎችም ይለማል። ሰሊጥ በባህሪው ሞቃታማና ከፊል ቆላማ አካባቢዎችን የሚወድ ሲሆን፣ ከባህር ጠለል በላይ ከ500 እስከ 1,250 ሜትር ከፍታ ባላቸው አካባቢዎች በስፋት ይበቅላል። የግብርና ባለሙያዎች እንደሚገልጹት ውኃ አዘል፣ ለስላሳ እንዲሁም የሸክላና የአሸዋ ቅልቅል ያለው አፈር ለሰሊጥ ልማት እጅግ ተስማሚ ነው። ኢትዮጵያ ደግሞ ለሰሊጥ ልማት እጅግ ተስማሚ የሆነ የአየር ንብረትና ሰፊ ለም መሬት አላት። በኢትዮጵያ ሰሊጥ በዋናነት ከሚመረትባቸው አካባቢዎች መካከል ሁመራ፣ መተማ፣ ቋራ፣ አርማጭሆ እና ጎንደር ዙሪያ እንዲሁም ምዕራብ ኦሮሚያ ፣ ጋምቤላና ፓዌ የሚጠቀሱ ናቸው። በኢትዮጵያ በየዓመቱ በሰሊጥ ልማት የሚሸፈነው መሬት እንደየአየር ሁኔታውና ወቅታዊ ሁኔታዎች ቢለዋወጥም በአማካይ ከ500,000 እስከ 600,000 ሄክታር ይደርሳል። የኢትዮጵያ ሰሊጥ ልማት በአብዛኛው በዝናብ ላይ የተመሰረተ ሲሆን በአነስተኛ የአርሶ አደር መሬትና በሰፋፊ የግል እርሻዎች ላይ ይከናወናል። ይሁን እንጂ ሰሊጥ ሲደርስ የመበተን ባህሪ ስላለው ምርቱን በወቅቱ በሰው ኃይል መሰብሰብ ከፍተኛ ጥንቃቄ ይጠይቃል። የአየር ንብረት መዛባት፣ የተባይ ስርጭትና የዘመናዊ ቴክኖሎጂ እጥረት በሰሊጥ ልማት የሚስተዋሉ ዋና ዋና ተግዳሮቶች ናቸው። ከተወሰኑ ጊዜያት ወዲህ ሰሊጥ አምራች አካባቢዎች ምርቱን በኮምባይነር ታግዞ የመሰብሰብና የመውቃት ልምድ እየጎለበተ መምጣቱ ችግሩ እየተቃለለ እንዲመጣ አድርጎታል። ሰሊጥ ባለው ኢኮኖሚያዊ ጠቀሜታ ከሚያስገኘው የውጭ ምንዛሬ በተጨማሪ ለሥራ ዕድል ፈጠራም ያለው አስተዋጽኦ ከፍተኛ ነው። ከምርት ዝግጅት ጀምሮ እስከ ማቀነባበር፣ ማሸግ እና ንግድ ድረስ በርካታ ዜጎች የሥራ ዕድል ያገኙበታል። በተለይም በምርት ስብሰባ ወቅት ለሚሰማሩ ጊዜያዊ ሠራተኞች ትልቅ የገቢ ምንጭ ነው። ከዚህም ባሻገር ለምግብ ዘይት ማምረቻዎች እና ለተለያዩ የምግብ ማቀነባበሪያ ኢንዱስትሪዎች ዋነኛ ግብአት ነው። በሀገር አቀፍ ደረጃ የሚገኘው ዓመታዊ የሰሊጥ ምርት እንደየዓመቱ የዝናብ ሁኔታ የሚለያይ ቢሆንም በአማካይ ከ2 ነጥብ 5 እስከ 3 ነጥብ 5 ሚሊዮን ኩንታል አካባቢ እንደሚደርስ መረጃዎች ያሳያሉ። ከአጠቃላይ የሰሊጥ ምርት ውስጥ አብዛኛው ለውጭ ገበያ የሚቀርብ ሲሆን የሀገር ውስጥ ፍጆታ በጣም አነስተኛ ነው። በዚህም ኢትዮጵያ በዓለም ከፊት ከሚገኙ የሰሊጥ ላኪ ሀገራት አንዷ ናት። ሰሊጥ በኢትዮጵያ የውጭ ንግድ ውስጥ ከቡና ቀጥሎ ከፍተኛውን የውጭ ምንዛሬ የሚያስገኝ ቁልፍ ሰብል ነው። ከዚህም የተነሳ ነጭ ወርቅ እየተባለ ሲጠራም ይስተዋላል። ኢትዮጵያ በዓለም ላይ ካሉ ቀዳሚ የሰሊጥ ላኪ ሀገራት ተርታ ወስጥ ነው የምትመደበው። ምርቱ በዋናነት የሚላከውም ወደ ቻይና፣ እስራኤል፣ ቱርክ፣ ጃፓንና መካከለኛው ምስራቅ ሀገራት ነው። የሰሊጥ ልማት ከዘር እስከ አጨዳና መውቂያ ድረስ ከፍተኛ የሰው ኃይል የሚጠይቅ በመሆኑ በየዓመቱ በመቶ ሺዎች ለሚቆጠሩ ዜጎች ጊዜያዊና ቋሚ የሥራ ዕድል ይፈጥራል። ሰሊጥ ለኢንዱስትሪ ግብዓትነት ካለው ጠቀሜታ አንጻር በሀገር ውስጥ ለሚገኙ የዘይት መጭመቂያ ፋብሪካዎች፣ ለዳቦ ቤቶችና ለጣፋጭ ምግብ አምራቾች እንደ ግብአት ሆኖ ያገለግላል።ከቅርብ ጊዜ ወዲህም ሰሊጥን በጥሬው ከመላክ ይልቅ እሴት ጨምሮ (ለምሳሌ ታሂኒ እና የሰሊጥ ዘይት በማምረት) ወደ ውጭ የመላክ ጥረቶች ተጀምሯል። ሰሊጥ ከምግብነት አንጻር ያለው ፋይዳ በተመለከተም ሰብሉ በንጥረ-ነገር የበለጸገ በመሆኑ በኢትዮጵያም ሆነ በዓለም አቀፍ ደረጃ በተለያዩ የምግብ ዓይነቶች ውስጥ ይካተታል። ሰሊጥ ከ45% እስከ 55% የሚደርስ ከፍተኛ የቅባት (ጤናማ ስብ) ይዘት ያለው ሲሆን፣ በፕሮቲን (20 እስከ 25%)፣ በፋይበር፣ በካልሲየም፣ በብረት (Iron)፣ በማግኒዚየም፣ በዚንክ እና በቫይታሚን "B" እና "E" የበለጸገ ነው። ከምግብነት አኳያ በኢትዮጵያ ባህላዊ አመጋገብ ሰሊጥ ተቆልቶና ተፈጭቶ በተለያየ መልክ ለምግብነት ይውላል። በተለይም በጾም ወቅት ዋነኛ የፕሮቲንና የኃይል ምንጭ ነው። በዳቦ፣ በኩኪስና በተለያዩ ጣፋጭ ምግቦች ላይ ሲነሰነስም ለምግቡ ልዩ ጣዕምና መዓዛ ይሰጣል። በዓለም አቀፍ ደረጃ ሰሊጥ ተፈጭቶ "ታሂኒ" (Tahini) የተባለ ለምግብ ማጣፈጫነት የሚያገለግል ክሬም ይሰራበታል፤ እንዲሁም "ሃልቫ" (Halva) ለተሰኘው ጣፋጭ ምግብ ዋና ግብዓት ነው። የሰሊጥ ዘይት ለምግብ ማብሰያነትና ለሰላጣ ማጣፈጫነት እጅግ ተመራጭ ነው። ከሕክምናና ጤና አንጻር ያለው ጠቀሜታ በተመለከተም ሰሊጥ በውስጡ በያዛቸው ልዩ ፀረ-ኦክሲዳንቶች ማለትም ሴሳሚን እና ሴሳሞሊን አማካኝነት ለተለያዩ የጤና እክሎች መከላከያና መድኃኒትነት ሆኖ ያገለግላል። በዚህም ሰሊጥ የልብ ጤናን ይጠብቃል። በተለይ በውስጡ የሚገኙት ጤናማ ቅባቶች በደም ውስጥ ያለውን ጎጂ ኮሌስትሮል (LDL) በመቀነስ የልብ ህመምንና የደም ቧንቧ መጥበብን ለመከላከል ጠቀሜታ አላቸው። ሰሊጥ በማግኒዚየም የበለጸገ በመሆኑ የደም ቧንቧዎችን በማስፋት ከፍተኛ የደም ግፊትን ለመቀነስነና ለመቆጣጠር ይረዳል። በውስጡ የያዘው ከፍተኛ መጠን ያለው ካልሲየም፣ ፎስፈረስ እና ዚንክ ለአጥንት እድገትና ጥንካሬ ወሳኝ ነው። በጤና ላይ የተደረጉ ጥናቶች እንደሚያሳዩት በዕድሜ መግፋት ምክንያት የሚመጣን የአጥንት መሳሳት ይከላከላል። እንዲሁም የምግብ መፈጨት ሥርዓትን ያስተካክላል። በፋይበር የበለጸገ በመሆኑ የሆድ ድርቀትን ከመከላከል ባለፈ የአንጀት ጤናንም ይጠብቃል። በተለይ ጥቁር ሰሊጥ በብረት (Iron) ማዕድን የበለጸገ በመሆኑ ቀይ የደም ሴሎችን ለማምረትና የደም ማነስን ለመከላከል ይረዳል። እንዲሁም የስኳር በሽታን በመቆጣጠር በኩል ሚናው የላቀ ነው። ዝቅተኛ የካርቦሃይድሬትና ከፍተኛ የፕሮቲንና ጤናማ ስብ ይዘት ስላለው በደም ውስጥ ያለውን የስኳር መጠን ሚዛን ለመጠበቅ ይረዳል። በተጨማሪ የሰሊጥ ዘይት ቆዳን ለማለስለስ፣ ከፀሐይ ጨረር ለመከላከልና ቁስልን ቶሎ ለማዳን በባህላዊም ሆነ በዘመናዊ የመዋቢያ ኢንዱስትሪዎች ውስጥ በስፋት ጥቅም ላይ ይውላል። የኢትዮጵያ ሰሊጥ በዓለም አቀፍ ደረጃ ካለው ተፈላጊነት አንጻር ምርታማነትን በዘመናዊ ግብርና ማሳደግና እሴት ጨምሮ ወደ ውጭ መላክ የሀገሪቱን ኢኮኖሚ በከፍተኛ ደረጃ ያሳድገዋል። በሀገር ውስጥም አጠቃቀሙን ማስፋትና ዜጎችም ሰሊጥን በምግባቸው የመጠቀም ባህላቸውን ማሳደግ ለጤናና ስነ-ምግብ መሻሻል ትልቅ አስተዋጽኦ ይኖረዋል። በመሆኑም ልማቱን በማስፋፋትና በማዘመን ምርታማነትን ለማሳደግ ከሚደረገው ጥረት በተጨማሪ እሴት ጨምሮ ለገበያ ለማዋል የሚደረጉ የተቀናጁ ጥረቶች ተጠናክረው ሊቀጥሉ ይገባል።
የሥራ ፈጠራ ለሁለንተናዊ የኢኮኖሚ ዕድገት
Nov 17, 2026 136
የሥራ ፈጠራ ሳምንት (Global Entrepreneurship Week - GEW) በየዓመቱ በህዳር ወር አጋማሽ ላይ በዓለም አቀፍ ደረጃ (ኢትዮጵያን ጨምሮ ከ200 በላይ ሀገራት ውስጥ) የሚከበር ትልቅ የስራ ፈጠራ ንቅናቄ ነው። የሳምንቱ መከበር ዋና ዓላማዎችም የስራ ፈጠራ ባህልን ማሳደግ፡ በተለይ ወጣቶችና ሴቶች አዳዲስ የንግድ ሀሳቦችን ወደ ተግባር እንዲቀይሩ ማነሳሳት፣ ግንኙነት መፍጠር፣ ስራ ፈጣሪዎችን ከባለሀብቶች (Investors)፣ ከአማካሪዎች (Mentors) እና ከመንግስት አካላት ጋር ማገናኘት፣ እውቀትና ክህሎት ማጋራት ሲሆኑ፤ በዚሁም ስለ ንግድ አመራር፣ ስለ ቴክኖሎጂ አጠቃቀም እና ስለ ገበያ ትስስር ስልጠናዎችን መስጠት ዋናዎቹ ናቸው። የዚህ አመት የዓለም አቀፉ የሥራ ዕድል ፈጠራ ሳምንት (መሪ ሐሳብ "ግንኙነቶችን መፍጠር፣ እድገትን ማፋጠን" (Building Connections, Accelerating Growth) ወይም "አብሮ መገንባት" (Together We Build) በሚሉ ሐሳቦች ላይ ያተኮረ ነው። በዓለም አቀፉ የሥራ ዕድል ፈጠራ አውታር (Global Entrepreneurship Network - GEN) የሚዘጋጀው የሳምንቱ አከባበር የዘንድሮው መርሐ ግብር ትኩረት ከተደረገባቸው ዋና ዋና ነጥቦች መካከል አንዱ የሥነ-ምህዳር ትስስር ነው ። ይህም ሥራ ፈጣሪዎችን ከባለሀብቶች፣ ከአማካሪዎች እና ከተመራማሪዎች ጋር በማገናኘት ጠንካራ የንግድ ሥነ-ምህዳር መፍጠር ነው። ሌላው የቴክኖሎጂ እና ፈጠራ ሲሆን አርቴፊሻል ኢንተለጀንስን እና ዘመናዊ ቴክኖሎጂዎችን በመጠቀም አዳዲስ የንግድ ሐሳቦችን ማሳደግ ይሆናል። እንዲሁም አካታችነት ሌላው የትኩረት አቅጣጫ ሲሆን፡- ወጣቶችን፣ ሴቶችን እና በገጠር አካባቢ ያሉ ሥራ ፈጣሪዎችን በንግዱ ዘርፍ በስፋት ማሳተፍን የተመለከተ ነው። ሌላው ዘላቂነት ሲሆን ይህም የአካባቢ ጥበቃን እና አረንጓዴ ልማትን ያገናዘቡ የንግድ ሥራዎችን ማበረታታት ይሆናል። ሳምንቱም ሀገር በቀል የፈጠራ ሐሳቦችን በማበረታታት እና የገበያ ትስስር በመፍጠር በተለያዩ ሁነቶች እንደሚከበር የወጡ መረጃዎች ያመላክታሉ። ይህ በእንዲህ እንዳለ በኢትዮጵያ ውስጥ በተለያዩ የልማት መስኮች፣ ኢኒሼቲቮች እና ኢንዱስትሪዎች የሚፈጠሩ የስራ እድሎች ሀገራዊ ስራ አጥነትን ለመቀነስ ከፍተኛ ሚና እየተጫወቱ ይገኛሉ። የስራ እድል ከሚፈጠሩባቸው ዘርፎች አንዱ ግብርና ሲሆን ግብርና የኢትዮጵያ ኢኮኖሚ የጀርባ አጥንት እንደመሆኑ ከፍተኛውን የስራ እድል ይይዛል። ዝርዝር መስኮቹም የበጋ መስኖ ስንዴ ልማት፣ የአትክልትና ፍራፍሬ እርሻ፣ የግብርና ግብዓት አቅርቦት፣ የዘር ብዜት እና የግብርና ምርቶች እሴት ሰንሰለት ናቸው። ሀገራዊ ትኩረት ተሰጥቶት እየተተገበረ ያለው የሌማት ትሩፋትም የቤተሰብን የምግብ ዋስትና ለማረጋገጥ እና የተመጣጠነ ምግብ አቅርቦትን ለማሳደግ የተጀመረ ኢኒሼቲቭ ሲሆን በዚህም ለወጣቶችና ሴቶች ሰፊ የስራ እድል ተፈጥሯል። በዘርፉ የስራ እድል እየተፈጠረባቸው ካሉ መካከል የዶሮ እርባታ የእንቁላልና የስጋ፣ የወተት ላሞች እርባታና ወተት ማቀነባበር፣ የንብ ማነብ የማር ምርት እና የዓሳ እርባታ ዋናዎቹ ናቸው። በተመሳሳይ አረንጓዴ አሻራ እና አካባቢ ጥበቃ ሲሆን ይህ ዘርፍም ወቅታዊ እና ቋሚ የስራ እድሎችን በመፍጠር ይታወቃል። በዘርፉ የሚፈጠሩ የስራ እድሎችም የችግኝ ማፍላት፣ የአፈርና ውሃ ጥበቃ ስራዎች፣ የደን ጥበቃ እና የእንስሳት መኖ ልማት ናቸው። ኢንዱስትሪ (ማኑፋክቸሪንግ እና ኮንስትራክሽን) ሌላው የስራ እድል የሚፈጠርበት ዘርፍ ሲሆን የኢንዱስትሪ ፓርኮች፣ አነስተኛና መካከለኛ ኢንተርፕራይዞች እንዲሁም የኮንስትራክሽን ዘርፉ ከግብርና ቀጥሎ ከፍተኛ የስራ እድል ይፈጥራሉ። የዘርፉ ዋና የስራ መስኮች፦ ጨርቃጨርቅና አልባሳት፣ ቆዳና የቆዳ ውጤቶች፣ የምግብና መጠጥ ማቀነባበሪያ ፋብሪካዎች፣ የኮንስትራክሽን ግብዓት ማምረቻ እና የህንጻ ግንባታ ይጠቀሳሉ። በጠቅላይ ሚኒስትር ዐቢይ አሕመድ (ዶ/ር) ሐሳብ አመንጪነት ተቀርጾ ስልጠና እየተሰጠበት ያለው የኢትዮ ኮደርስና ዲጂታል ኢኮኖሚ ኢኒሼቲቭም በቀጥታ ስራ ከመቅጠር ይልቅ ወጣቶች በዓለም አቀፍ እና በሀገር ውስጥ የዲጂታል ገበያ ተወዳዳሪ ሆነው ስራ እንዲፈጥሩ ወይም እንዲቀጠሩ የሚያስችል ክህሎት ይሰጣል። ዘርፉ በሶስት ዓመት ውስጥ 5 ሚሊዮን ወጣቶችን በፕሮግራሚንግ፣ በዳታ ሳይንስ እና በዲጂታል ማርኬቲንግ የማሰልጠን እቅድ ሲሆን፤ ይህም በመቶ ሺዎች የሚቆጠሩ ወጣቶች በርቀት እና በሀገር ውስጥ የቴክኖሎጂ ኩባንያዎች የስራ እድል እንዲያገኙ መንገድ ይከፍታል። ዋና የስራ መስኮችም ሶፍትዌር ማበልጸግ፣ ዳታ አናሊሲስ፣ ዲጂታል ግብይት እና የቢዝነስ ፕሮሰስ አውትሶርሲንግ ናቸው። ሌላው ሆቴል እና ቱሪዝም ዘርፍ ሲሆን በአዲስ አበባ እና በክልል ከተሞች የተገነቡ አዳዲስ የቱሪስት መዳረሻዎች (እንደ ገበታ ለሸገር እና ገበታ ለሀገር ፕሮጀክቶች) ዘርፉን በከፍተኛ ሁኔታ አነቃቅተውታል። ዋና የስራ መስኮቹም የሆቴልና ሪዞርት መስተንግዶ፣ አስጎብኚነት፣ የባህል እደ-ጥበብ ውጤቶች ሽያጭ እና የትራንስፖርት አገልግሎት ናቸው። በየዓመቱ የሚከበረው የስራ ፈጠራ ሳምንት፣ ሀገሪቱ ያላትን ሰፊ የወጣት ኃይል ወደ ምርታማነት ለመቀየር እና የስራ አጥነት ችግርን ለመቅረፍ ለምታደርገው ጥረት ትልቅ አቅም የሚፈጥር መድረክ ነው። በተለይም በሀገሪቱ እየተተገበረ ካለው የዲጂታል ኢትዮጵያ ራዕይ እና የሀገር በቀል የኢኮኖሚ ማሻሻያ ጋር ተያይዞ፣ ሳምንቱ የሚከተሉትን ቁልፍ ፋይዳዎች ያስገኛል፦ ወጣቶችና ምሩቃን "ስራ ጠባቂ" ከመሆን ይልቅ "ስራ ፈጣሪ" እንዲሆኑ የሚያነሳሱ የልምድ ልውውጦች እና ውይይቶች ይካሄዱበታል። አዳዲስ የንግድ ሀሳብ ያላቸው ጀማሪ ስራ ፈጣሪዎች ከባንኮች፣ ከማይክሮ ፋይናንስ ተቋማት፣ ከግል ባለሀብቶች እና ከፖሊሲ አውጪዎች ጋር በቀጥታ የሚገናኙበትን ዕድል ያመቻቻል። ሴቶች እና በክልል ከተሞች የሚገኙ ወጣቶች በቴክኖሎጂ፣ በግብርና እና በአገልግሎት ዘርፎች አዳዲስ ፈጠራዎችን ይዘው እንዲወጡ የክህሎት ስልጠና እና የማማከር ድጋፍ እንዲያገኙ ያግዛል። በአጠቃላይ የስራ ፈጠራ ሳምንት በኢትዮጵያ ውስጥ ምቹ የስራ ፈጠራ ምህዳር ለመገንባት፣ የግሉን ዘርፍ ተሳትፎ ለማሳደግ እና ሀገራዊ የኢኮኖሚ ዕድገትን ለማፋጠን እንደ ዋነኛ አነቃቂ ኃይል ሆኖ ያገለግላል።
የኢትዮጵያን እውነተኛ የኢኮኖሚ ቁመና የገለጠው አዲሱ GDP ስሌት
Nov 16, 2026 333
የአንድ ሀገር ኢኮኖሚ ጤናማነት እና የእድገት አቅጣጫ የሚመዘነው በተጨባጭ እና ወቅታዊ መረጃ ላይ በተመሠረተ መለኪያ ነው። ፖሊሲ አውጪዎች ትክክለኛ ውሳኔ እንዲያሳልፉም ሆነ ባለሀብቶች የገበያውን ስፋት እንዲረዱ ሳይንሳዊ የኢኮኖሚ ቆጠራ ወሳኝ ሚና ይጫወታል። ይህ መለኪያ ካልተስተካከለ የሀገሪቱን እውነተኛ የኢኮኖሚ ቁመና ማወቅ አስቸጋሪ ይሆናል። ኢኮኖሚ በተፈጥሮው ተለዋዋጭ በመሆኑ በየጊዜው አዳዲስ ዘርፎችን እየፈጠረ እና ቅርፁን እየቀየረ ይሄዳል።የቴክኖሎጂ መስፋፋት፣ የከተሞች እድገት እና የአገልግሎት ዘርፉ መጠናከር የኢኮኖሚውን መዋቅር በፍጥነት ይለውጣሉ።በዚህ ጊዜ ቀደም ሲል የነበሩ የመለኪያ ዘዴዎች አሁናዊውን እውነታ በሙሉ አቅማቸው ማሳየት ይሳናቸዋል። በዚህ ምክንያት አገራት የኢኮኖሚያቸውን ትክክለኛ ልክ ለማወቅ የመለኪያ መነሻቸውን በየአምስት እስከ አስር ዓመቱ ማዘመን ዓለም አቀፋዊ አሰራር ሆኗል።አዲስ የኢኮኖሚ ቅርፅን በአሮጌ መለኪያ መመዘን ብዙ የልማት ውጤቶችን ከመዝገብ ውጭ እንዲቀሩ ያደርጋል። ስለሆነም የስሌት ማሻሻያ ማድረግ ወቅቱ የሚጠይቀው አስፈላጊ እርምጃ ነው። ይህንን ዓለም አቀፋዊ አሰራር በመከተል ኢትዮጵያ የአጠቃላይ ሀገራዊ ምርት (GDP) መለኪያዋን በማዘመን ከ2019 ዓ.ም. ጀምሮ ተግባራዊ የሚሆን አዲስ ስሌት በቅርቡ አስተዋውቃለች።በብሔራዊ ስትራቴጂ ሚኒስቴር እና በኢትዮጵያ ስታቲስቲክስ አገልግሎት ትብብር የተዘጋጀው ይህ ማሻሻያ፣ ለዘጠኝ ዓመታት ሲያገለግል የነበረውን የ2008 ዓ.ም. መነሻ ዓመት ተክቷል። በዚህ አዲስ ስሌት መሠረት የአገሪቱ የ2018 በጀት ዓመት አጠቃላይ የሀገር ውስጥ ምርት 210 ቢሊዮን ዶላር መድረሱ ተረጋግጧል።አዲሱ ስሌት እንደ ዲጂታል ፋይናንስ፣ ካፒታል ገበያ፣ የበጋ መስኖ ልማት እና የኮሪደር ልማት ያሉ ዘመናዊ የኢኮኖሚ እንቅስቃሴዎችን በሙሉ አቅማቸው አካቷል። በቅርቡ በተካሄዱ የግብርና፣ የኢኮኖሚ ድርጅቶች እና የቤተሰብ ጥናቶች ላይ በመመሥረት መዘጋጀቱ ደግሞ መረጃውን ይበልጥ ተአማኒ ያደርገዋል። በዚህም የሀገሪቱ ትክክለኛ የኢኮኖሚ አቅም ታይቶ ኢትዮጵያ በአፍሪካ ካሉ ግዙፍ ኢኮኖሚዎች መካከል አምስተኛ ደረጃ ላይ መቀመጧን አረጋግጣለች። በፖሊሲ ቀረጻ እና በልማት ዕቅድ ዝግጅት ረገድም አዲሱ ስሌት የማይተካ ሚና ይጫወታል። መንግሥት የእያንዳንዱን ዘርፍ ትክክለኛ ድርሻ ሲያውቅ ሀብትን በፍትሐዊነት ለማከፋፈል ይረዳዋል። በተጨማሪም የታክስ አሰባሰብ አቅምን ከሰፊው ኢኮኖሚ አንጻር በመመዘን፣ መደበኛ ባልሆነ መንገድ የሚንቀሳቀሱ ንግዶችን ወደ ሕጋዊ ሥርዓት ለማስገባት ግልጽ መነሻ ይሆናል። በዓለም አቀፍ ደረጃ ኢትዮጵያ ከአበዳሪ ተቋማት እና ከልማት አጋሮች ጋር የምታደርገውን ድርድር አቅም ከፍ ማድረጉ ሌላው ትልቅ አንድምታ ነው። የአጠቃላይ ሀገራዊ ምርት መጠን ማደግ የውጭ ብድር ከጂዲፒ ጋር ያለውን ጥምርታ ዝቅ በማድረግ፣ አገሪቱ ለልማት ፕሮጀክቶች የሚሆን ተጨማሪ ፋይናንስ እና የውጭ ኢንቨስትመንት የመሳብ ዕድሏን ያሰፋዋል።በአጠቃላይ ይህ ማሻሻያ ለኢትዮጵያ ቀጣይ የብልጽግና ጉዞ ትክክለኛ መሠረት የሚጥል ወሳኝ ምዕራፍ ነው።
ልዩ ዘገባዎች
ከዓባይ እስከ ቀይ ባሕር
Oct 9, 2026 1356
ነጋሪ መጽሔት የዓባይ ውሃ አጠቃቀምና የኢትዮጵያን የባሕር በር ፍላጎት በስፋት ተንትናለች። ጠቅላይ ሚኒስትር ዐቢይ አሕመድ (ዶ/ር) በመስከረም 25 ቀን 2019 ዓ.ም በመደመር መንግሥት ምሥረታ ላይ፣ “የኢትዮጵያ ሥልጣኔ ያለ ባሕር በር እውን ሊሆን አይችልም” በማለት ሀገሪቱ የባሕር መዳረሻ እንድታገኝ በትጋት እንደሚሠሩ አረጋግጠዋል። ይህ ጥረት በሰላማዊ ውይይት፣ በጋራ ተጠቃሚነትና በ“ሰጥቶ መቀበል” መርሕ እንደሚመራ በማስገንዘብ፣ ጉዳዩን ከአፍሪካ ቀንድ፣ ከቀይ ባሕርና ከመካከለኛው ምሥራቅ እየተለወጡ ካሉ የጂኦፖለቲካና የኢኮኖሚ ሁኔታዎች ጋር አያይዘው አቅርበዋል። መጽሔቷም በመስከረም 2019 ዓ.ም. እትሟ “የኢትዮጵያ የትንሳኤ መንገድ፡ ከዓባይ እስከ ቀይ ባሕር ፖለቲካ የዘለቀው ፍጥጫ” በሚል ርዕስ ባቀረበችው ትንታኔ፣ የውሃ ሀብት፣ የባሕር መዳረሻ፣ የዓለም አቀፍ የንግድ መስመሮችና የቀጣናዊ ደኅንነት ጉዳዮች በሀገራት መካከል ባለው የኃይል አሰላለፍ ላይ ያላቸውን ተጽዕኖ ዳስሳለች። እንደ መጽሔቷ ትንታኔ፣ ዓባይና ቀይ ባሕር በተፈጥሮ የተለያዩ የውሃ አካላት ቢሆኑም፣ በዘመናዊው የጂኦፖለቲካ ስሌት ውስጥ በውሃ አጠቃቀም፣ በኢኮኖሚያዊ ጥቅም፣ በባሕር መዳረሻና በደኅንነት ጉዳዮች የተሳሰሩ ናቸው። የዓባይ ወንዝ ለኢትዮጵያና ለተፋሰሱ ሀገራት ለኃይልና የልማት ጥቅም ሲኖረው፣ ቀይ ባሕር ደግሞ አፍሪካን፣ እስያንና አውሮፓን የሚያገናኝ ወሳኝ የዓለም አቀፍ የንግድና የባሕር መተላለፊያ ነው። በተለይም የታላቁ የኢትዮጵያ ሕዳሴ ግድብ፣ የዓባይ ውሃን በፍትሐዊነትና በጋራ ተጠቃሚነት የማስተዳደር ጥያቄና የኢትዮጵያ የባሕር በር ፍላጎት በቀጣናው የፖለቲካና የደኅንነት ስሌቶች ላይ የሚያሳድሩትን ተጽዕኖ መጽሔቷ በስፋት ተንትናለች። የ1929 እና የ1959 የውሃ ስምምነቶች የላይኛውን ተፋሰስ ሀገራትን ጥቅም በበቂ ሁኔታ እንዳልተካተቱ በመግለጽ፣ የወንዙ ውሃ አጠቃቀም በፍትሐዊነት፣ በትብብርና በጋራ ጥቅም ላይ በተመሠረተ ማዕቀፍ መመራት እንዳለበት አመልክታለች። ኢትዮጵያ በ1993 ዓ.ም በኋላ የባሕር በር መዳረሻዋን ማጣቷን ተከትሎ፣ ጉዳዩ ከኢኮኖሚያዊ ጥቅም ባለፈ ከብሔራዊ ደኅንነትና ከረጅም ጊዜ የልማት ፍላጎት ጋር እንደተያያዘ መጽሔቷ አትታለች። የባሕር በር መዳረሻ ማግኘት የንግድ ወጪን ለመቀነስ፣ የወደብ አማራጮችን ለማስፋትና የኢኮኖሚ ዕድገትን ለመደገፍ ወሳኝ መሆኑንም አብራርታለች። በሌላ በኩል፣ ቀይ ባሕር ከእስያ፣ ከአፍሪካና ከአውሮፓ የንግድ መስመሮችን የሚያገናኝ ስትራቴጂካዊ የባሕር መተላለፊያ በመሆኑ፣ በአካባቢው ያለው የደኅንነት ሁኔታ ከአካባቢያዊ ግንኙነቶች ባለፈ ዓለም አቀፋዊ የንግድ ፍሰትን ይነካል። መጽሔቷ የቀይ ባሕር የጂኦፖለቲካ አስፈላጊነት ከስዊዝ ቦይና ከባብ-ኤል መንደብ የባሕር መተላለፊያ ጋር በማያያዝ የዳሰሰች ሲሆን፣ በአካባቢው የሚካሄዱ የኃይል ፉክክሮች የንግድና የደኅንነት ስጋቶችን እንደሚያባብሱ ተንትናለች። መጽሔቷ በትንታኔዋ የኢትዮጵያን የባሕር በር ፍላጎት ከቀጣናው ሀገራት የፖለቲካ አቋሞች ጋር በማያያዝ የተለያዩ ትንታኔዎችን አቅርባለች። ሆኖም እነዚህ በመጽሔቷ የቀረቡ የፖለቲካ ትንታኔዎች ሲሆኑ፣ የተጠቀሱ አቋሞችንና ክሶችን ከተረጋገጡ እውነታዎች መለየት ያስፈልጋል። መጽሔቷ በዓባይ ውሃ አጠቃቀምና በባሕር መዳረሻ ጉዳይ ዙሪያ የሚነሱ አለመግባባቶች በግጭት ሳይሆን በውይይት፣ በድርድርና በጋራ ተጠቃሚነት መርሕ መፍትሔ ማግኘት እንዳለባቸው አጉልታለች። የውሃ ሀብትን በፍትሐዊነት ማስተዳደርና የባሕር መዳረሻ ጉዳይን በሰላማዊ ስምምነት መፍታት ለቀጣናዊ መረጋጋት፣ ለኢኮኖሚ ትብብርና ለዘላቂ ልማት ወሳኝ መሆናቸውን በትንታኔዋ አመልክታለች። የመጽሔቱ ሊንክ https://www.ena.et/web/negari/w/negari_9696604
ከአዲሱ መንግስት ምን ይጠበቃል?
Oct 5, 2026 1194
ትልቅ ሀገር- ትልቅ ህዝብ- ታላቅ ርእይ አዲስ የሚመሰረተው መንግስት በሀገሪቷ የተጀመሩ የልማት ስራዎችን የማስቀጠል፤ በተለይም የተጀመሩ ግዙፍ ሀገራዊ የልማት ፕሮጀክቶችን ለስኬት ማብቃት ትልቁ የቤት ስራ ነው የሚሆነው። በከተሞች እየተከናወነ ያለውን የኮሪደር ልማትና የስማርት ሲቲ ግንባታ፣ የዲጂታል አገልግሎቶችን የማስፋት፣ የአረንጓዴ አሻራ ልማትን ማስቀጠል ሌላኛው ሀገራዊ ሃላፊነት ነው የሚሆነው። የኢትዮጵያ ልማት በከተሞች ጋር ብቻ የሚወሰን ባለመሆኑ በገጠር አካባቢዎች የተጀመሩ የገጠር ትራንስፎርሜሽን የልማት ስራዎችንም ማስቀጠል የግድ ይላል። የገጠር ትራንስፎርሜሽን ዋነኛ ዓላማም የገጠሩን ህዝብ አኗኗር ማዘመን፣ የመሠረተ ልማትና የመሰረታዊ አገልግሎት ተደራሽነትን ማሻሻል፣ የገጠር ኢኮኖሚን ማጠናከርና የገጠር ነዋሪዎችን ከዘመናዊ የምርትና የገበያ ሥርዓት ጋር ማስተሳሰር መሆን አለበት። ኢትዮጵያ በተፈጥሮ፣ በታሪክ፣ በባህልና በሃይማኖት የበለፀገች ሀገር በመሆኗ አዳዲስ የቱሪዝም መዳረሻዎችን መፍጠር፣ ያሉትን የመጠበቅና የማልማት እንዲሁም ታሪካዊና ተፈጥሯዊ ሀብቶችን መጠበቅ፣ የቱሪስት ቆይታን ማራዘምና ከቱሪዝም ጋር የተሳሰሩ የስራ እድሎችን የማስፋት ጉዳይ የአዲሱ መንግስት ዋነኛ ትኩረት ሆኖ ይቀጥላል። በግብርናው ዘርፍም በምርትና ምርታማነት፣ በመስኖ ልማት፣ በስንዴ፣ በሌማት ትሩፋት፣ በቡና፣ በሆርቲካልቸርና በሌሎችም የግብርና ዘርፎች የተጀመሩ ስራዎች በዘላቂነት እንዲቀጥሉ ማድረግ ይጠበቃል። ከምርት መጨመር ባሻገር የግብርና ምርቶችን ማቀነባበር፣ የገበያ ትስስርን ማሻሻል፣ የማከማቻና የመጓጓዣ ስርዓትን ማዘመን እና የአርሶ አደሩን ገቢ የማሳደግ ጉዳይ ትኩረት ይፈልጋል። የምርትና ምርታማነት መጨመር በመጨረሻም ከውጭ የሚገቡ የምግብ ምርቶችን በመተካት፣ የምግብ ዋስትናን በማረጋገጥና የሀገሪቱን የውጭ ምንዛሬ አቅም በማሳደግ ከተረጅነት ለመውጣት የሚደረገውን ጥረት ማሳካት ይጠበቅበታል። የማዕድን ልማት፣ ዲጂታላይዜሽንና የመንግስት አገልግሎት አሰጣጥን የማዘመን ጉዳይም ልዩ ትኩረት የሚሰጠው ይሆናል። የዋጋ ንረትን ለመቆጣጠር የምርትና የገበያ አቅርቦትን ማሳደግ፣ የአቅርቦት ሰንሰለትን ማሻሻል፣ ህገወጥ የገበያ አሰራሮችን መቆጣጠርና የዜጎችን የመግዛት አቅም ማሻሻል ይጠበቃል። የኑሮ ውድነት ችግር በአንድ መፍትሄ የሚፈታ ባለመሆኑ የገቢ፣ የምርት፣ የገበያና የፋይናንስ ፖሊሲዎችን በተቀናጀ መልኩ ማስኬድ ያስፈልጋል።
የአካታች ሀገረ መንግስት ግንባታ ሂደት ፅኑ መሰረት
Oct 5, 2026 915
መስከረም 25/2019 (ኢዜአ):- አዲሱ የመንግስት ምስረታ - አካታች የፖለቲካ ስርአት ግንባታ መሰረት ትልቅ ሀገር- ትልቅ ህዝብ- ታላቅ ርእይ በምክር ቤት አብላጫ መቀመጫ ያገኘው ብልጽግና ፓርቲ መንግስት የመመስረት ሃላፊነት ያለበት በመሆኑ በዛሬው እለት ይሄው የሚከናወን ይሆናል። በፓርላማው የተለያዩ የፖለቲካ ፓርቲ ተወካዮች መቀመጫ ያገኙ በመሆኑ የፖለቲካ ክርክሮችና የሃሳብ ብዝሃነት የሚስተናገዱበት እንደሚሆንም ይጠበቃል። በኢትዮጵያ አካታችና አሳታፊ የፖለቲካ ስርአት ግንባታ መሰረት ያኖረው አዲሱ የመንግስት ምስረታ ሂደት የክልሎች ተጠናቆ በዛሬው እለት የፌዴራል መንግስት ምስረታ እውን ይሆናል። ባለፉት ዓመታት የተመዘገበው የአካታችነት ስኬት የመንግሥት ከፍተኛ የአመራር እርከኖች፣ የሚኒስትሮች ምክር ቤትና የፍትህ ተቋማት አመራሮች ላይ የተፎካካሪ ፓርቲ ተወካዮችን፣ የሴቶችንና የወጣቶችን ፍትሃዊ ስብጥር በተግባር ማሳየት ያስቻለ ነው። ከባለፉት አምስት አመታት ተሞክሮ በመነሳትም የዘንድሮው ምርጫ በብዙ መስፈርቶች ዴሞክራሲያዊ፣ አሳታፊ እና አካታች መሆኑን በተግባር ያሳየና የሀገረ መንግስት ግንባታ ሂደት ፅኑ መሰረት ያኖረ ሆኗል። በተቋማዊ አካታችነትና ሀገራዊ መግባባትን ለመፍጠር በተወሰዱ እርምጃዎችም ጉልህ ውጤቶች ተመዝግበዋል። ሁሉንም የፖለቲካና የኅብረተሰብ ክፍሎች ያቀፈው ሀገራዊ የምክክር ሂደት በሀገሪቷ የቆዩ ልዩነቶችን በምክክር ለመፍታት አዲስ ምእራፍ የከፈተ ሆኗል። ከዚህ ጎን ለጎን የጽንሰ-ሐሳብ፣ የቋንቋና የባህል ስብጥሮችን ያከበሩ የትምህርትና የባህል ፖሊሲዎች መተግበራቸው፣ ዜጎች በቋንቋቸው የመማርና አገልግሎት የማግኘት መብታቸው እንዲሰፋ በማድረግ ረገድም ትልቅ ስኬት ታይቷል። በመሆኑም በ7ኛው ጠቅላላ ምርጫ አብላጫ ድምፅ ያገኘው የብልፅግና ፓርቲ የሚያቋቁመው አዲሱ መንግስት በቀጣይ ሁለንተናዊ አካታችነትን በማረጋገጥ ረገድ ብዙ እንደሚሰራ ይጠበቃል። ገዢው ፓርቲ መወዳደር የሚችልባቸውን አካባቢዎች በመተው ለተቃዋሚ የፖለቲካ ፓርቲዎች እድሉን መስጠቱ በምክር ቤቱ የተለያዩ ድምፆች እንዲስተጋቡ ምቹ ሁኔታ የፈጠረ ሆኗል። በመሆኑም ጠቅላላ ምርጫው የፖለቲካ ተሳታፊነትንና ውክልናን በማስፋት ረገድ ጉልህ ውጤቶች የተመዘገቡበት ነበር ማለት ይቻላል። በተጨማሪም በውሳኔ ሰጪነትና በፖለቲካ ውድድር ውስጥ የሴቶች፣ የወጣቶችና የልዩ ልዩ የህብረተሰብ ክፍሎች ተሳትፎ እንዲያድግ በመደረጉ ህዝባዊ ወካይነት ያለው የምርጫ ሂደትን ለማከናወን አስችሏል። ምርጫ አስተዳደሩንና አሰራሩን አሳታፊና ፍትሃዊ በማድረግ ረገድ በኢትዮጵያ ብሔራዊ ምርጫ ቦርድ በኩል የታዩት እርምጃዎች ሌላው የአካታችነት ማሳያዎች ናቸው። የድምፅ መስጫ ጣቢያዎችን ተዳራሽ ማድረግ፣ ለአካል ጉዳተኞች ምቹ የሆኑ የምርጫ ግብዓቶችን ማዘጋጀት እና በምርጫ ታዛቢነት የሲቪክ ማህበራትን፣ የሀገር ውስጥና የውጪ ምርጫ ታዛቢዎችን ማሳተፍ ተችሏል። ይህም የህብረተሰቡ ልዩ ልዩ ክፍሎች ያለምንም ገደብ የመምረጥ መብታቸውን እንዲጠቀሙና በሂደቱ ላይ ያላቸው እምነት እንዲጎለብት አድርጓል። በመሆኑም በዛሬው እለት የሚመሰረተው መንግሥት ልዩ ልዩ የፖለቲካና የማህበረሰብ ክፍሎችን ድምፅ በማስተናገድና ሀገራዊ መግባባትን በመፍጠር ጠንካራ የሀገረ መንግስት ግንባታ መሰረት የሚያኖር እንደሚሆን ይጠበቃል።
የመደመር መንግሥት-የብሔራዊ ጥቅም ዘብ
Oct 5, 2026 923
ኢትዮጵያ ዛሬ አዲስ መንግሥት ትመሠርታለች።ይህ መንግሥት የዛሬውን ትውልድ ብቻ ሳይሆን፤የመጪውንም ትውልድ ፍላጎት በጽኑ መሠረት ላይ የሚያቆም ሥራ የሚሠራ ነው። አዲሱ መንግሥት ትልቅ የሕዝብ አደራ የሚቀበልና የነገዋን ኢትዮጵያ በከፍታ ላይ የሚያስቀምጥ እንደሚሆን እሙን ነው። ኢትዮጵያ በታሪኳ እጅግ ውስብስብ የሆኑ የፖለቲካ፣ የኢኮኖሚና የማኅበራዊ ፈተናዎች አልፋ ዛሬ አዲስ የምዕራፍ ላይ ትገኛለች። አዲሱ መንግስት ኢትዮጵያ ብሔራዊ ጥቅሟን፣ ሉዓላዊነቷን እና የሕዝቦቿን የጋራ እድገት ለማረጋገጥ ባደረገችው ያላሰለሰ ጥረት ውስጥ ቀጣይ ጉዞዋን በተሻለ መልኩ የሚያስቀጥል መንግሥት ይሆናል። ይህ ታሪካዊ ጉዞ በቀላሉ የተገኘ አልነበረም። ሕዝቡ የወደፊት ዕጣ ፈንታውን በቃላት ሳይሆን በተግባር ለመወሰን፣ መብቱን በድምፁ በመጠቀም ታሪካዊ አደራውን ለመወጣት ውስብስብ ፈተናዎችን አልፏል። በፈተና ውስጥ አልፎ የሰጠው ድምፅ ተራ የምርጫ ሂደት ሳይሆን፤ የሀገርን ሕልውና የማስከበር፣የብሔራዊ ጥቅምን የማስጠበቅ እና ለቀጣዩ ትውልድ የተሻለች ሀገር የማስረከብ ጽኑ ፍላጎት መግለጫ ነበር። ዛሬ የሚመሠረተው አዲስ መንግሥት የዚሁ የሕዝብ አደራና የጽናት ውጤት ነው።ይህ የመደመር መንግሥት የሀገሪቱን ታሪካዊ፣ ተፈጥሯዊ እና ቀጣናዊ ጥቅሞች ያስከብራል፤ የኢትዮጵያን የሉዓላዊ ድንበር እና የወደፊት ሕልውና በጠንካራ ዲፕሎማሲና በውስጥ አንድነት ይጠብቃል። የዛሬዎቹን አጣዳፊ ጥያቄዎች ለመመለስ ብቻ ሳይሆን፣ መጪው ትውልድ የሚተማመንባት፣ በኢኮኖሚ የበለጸገች እና ብሔራዊ ጥቅሟን የምታስጠብቅ ሀገር መንግስት ይመሰርታል። ኢትዮጵያ ብሔራዊ ጥቅሟን በሁለት ውኃዎች ላይ አድርጋ በጽናት እየተንቀሳቀሰች ትገኛለች። የአባይን ውኃ ለሁለንተናዊ እድገቷ መጠቀም ጀምራለች፤ ሕዳሴንም ጨርሳ የማድረግ አቅሟን አረጋግጣለች።ይህ ጉዞ ቀላል አልነበረም፤ሀገሪቱ በውስጥና በውጭ በርካታ ፈተናዎችን፣ ተፅዕኖዎችንና ጫናዎችን አልፋ ነው እዚህ ደረጃ ላይ የደረሰችው። ዛሬ ኢትዮጵያ ብሔራዊ ጥቅሟን የበለጠ የሚያስከብርላትን የባሕር በር ባለቤትነት ጥያቄ አንሥታ ጉዳዩን ዓለም አቀፍ አጀንዳ አድርጋዋለች። የመደመር መንግሥት ኢትዮጵያ ኢ-ፍትሐዊና ባልተገባ መልኩ ያጣችውን የባሕር በሯን እንድታገኝ በትክክለኛው መንገድ ይጓዛል፤ ግቡንም ያሳካል። ዛሬ የሚመሠረተው አዲስ መንግሥት ለነገዋ ኢትዮጵያ ጠንካራ ኢኮኖሚያዊ፣ ማኅበራዊና ፖለቲካዊ መደላደል የሚፈጥር ነው፤ የሀገሪቱን የባሕር በር ፍላጎት፣የዓባይ ወንዝ ፍትሐዊ ተጠቃሚነት፣የውስጥ ደኅንነትና የኢኮኖሚ ነፃነት አፅንኦት ሰጥቶ ማስጠበቅ ነው።ልዩነቶችን በማቀናጀትና አቅሞችን በመደመር የሀገርን ሕልውና አስተማማኝ ማድረግም ሌላው ከመደመር መንግስት የሚጠበቅ ነው። ከምንም በላይ ኢትዮጵያ የበርካታ ዘመናት ታሪካዊ ጠላቶቿንና ተላላኪዎቻቸውን እኩይ ሴራ ትበጣጥሳለች።የውስጥና የውጭ ጫናዎችን በህዝቦቿ ጽናት፣የአንድነት መንፈስና የማይናወጥ ሀገራዊ ወኔ እያሸነፈች ትቀጥላለች።ለነፃነቷና ሉዓላዊነቷ ሳትበገር በማንኛውም ጊዜና ሁኔታ ወደ ላቀ የልማት፣ የብልፅግናና የዕድገት ከፍታ ወደ ፊት መገስገሷን ትቀጥላለች። ዛሬ የሚመሰረተው አዲሱ የመደመር መንግሥትም የሕዝቡን ተስፋና እምነት ወደ መሬት በማውረድ፣የኢትዮጵያን ብሔራዊ ጥቅም አክብሮና አስከብሮ ለመጪው ትውልድ የምትመችና በጽኑ መሠረት ላይ የተገነባች ሀገርን የማስረከብ ታሪካዊ ኃላፊነት አለበት።
መጣጥፍ
"ዱቡሻ ዎጋ" - የጋሞዎች የሰላምና የአብሮነት መሳሪያ
Nov 19, 2026 191
(በሳሙኤል አየነው - ኢዜአ አርባ ምንጭ ቅርንጫፍ) "ዱቡሻ ዎጋ" በጋሞ ማህበረሰብ ዘንድ ከትውልድ ወደ ትውልድ ሲሸጋገር የኖረና የዕርቅ ምንጭ የሆነ ባህላዊ የፍትህና የአስተዳደር ሥርዓት ነው። "ዱቡሻ" ማህበረሰቡ በአንድ ልብ ተሰብስቦ የሚመክርበት፣ ሕግ የሚደነገግበትና የተጣላን የሚያስታርቅበት አደባባይ ሲሆን "ዎጋ" ደግሞ የአደባባዩን ክብር የሚጠብቀውን ባህላዊ ሕግና ሥነ-ሥርዓት የሚያመላክት ነው። የችግሮች መፍቻ፣ የሰላም መሠረትና የአንድነት መገንቢያ የሆነው "ዱቡሻ ዎጋ" የጋሞ ማህበረሰብ ባህላዊ የእርቅ ሥነ-ስርዓት በመሆኑም የፍትህ አደባባይ ነው ማለትም ይቻላል። በዱቡሻ ዎጋ ማህበራዊ አለመግባባቶች፣ ግጭቶችና በደሎች በሽማግሌዎች ይፈታሉ። እርቅ የሚወርድበት፣ በደል የሚታረምበትና ተበዳይ የሚካስበት ሥርአት የሚከወንበት ስፍራም ነው። በዚህ የፍትህ አደባባይ ችግሩን በጊዜያዊነት ከመፍታት ይልቅ ግጭት ውስጥ በገቡ ሁለቱ ወገኖች መካከል የተበላሸውን ማኅበራዊ ግንኙነት ጭምር በመጠገን ወደ ቀድሞ አብሮነታቸው ለመመለስ በሚያስችል መልኩ ነው የሚፈታው። የዱቡሻ የላቀ ጥበብ የሚታይበት አንዱም በዚህ ነው። የአንዱን ወገን ረቺነት ከማስቀደም ይልቅ ሁለቱም ወገኖች እውነትን ተቀብለው ከውስጥ የመነጨ እርቅ በማውረድ በሰላም እንዲኖሩ የሚያስችል መፍትሔ የሚሰጥበት ነው። ዱቡሻ የጋሞ ማኅበረሰብ ሰላምና አንድነቱን ለማስጠበቅ የሚጠቀምበት ባህላዊ ሥርአት ሲሆን ከጥንት ጀምሮ ሲወርድ ሲዋረድ የመጣ የጋራ ሀብቱም ነው ማለት ይቻላል። ችግርን በምክክር፣ ግጭትን በእርቅ፣ ልዩነትን በመግባባት የሚፈታው ዱቡሻ ዎጋ፤ ከጋሞ ሕዝብ ባህላዊ እሴትነት ባለፈ ለሰው ልጅ የሰላምና የአብሮነት ትልቅ ትምህርት የሚሰጥ ሀገር በቀል የጥበብ ሀብትም እንደሆነ ይነገራል። ዓላማውም በማኅበረሰቡ አባላት መካከል የሚፈጠሩ አለመግባባቶችን በሰላማዊ መንገድ መፍታት ነው። በዚህ ሥርዓት ሽማግሌዎች የሁለቱንም ወገኖች ሐሳብ ተቀብለው ከዳመጡና እውነታውን ካጣሩ በኋላ በምክርና በሽምግልና ወደ መግባባት ያመጧቸዋል። በዱቡሻ ዎጋ የእርቅ ሥነ ስርዓት "እርጥብ ሣር" እጅግ የላቀ ቦታና ትርጉም ይሰጠዋል። የሰላም መሳሪያ ነው ማለትም ይቻላል። የጋሞ አባቶች በእጃቸው እርጥብ ሣር ይዘው በተጋጪዎች መካከል ሲቆሙ የቱንም ያህል ለጥልና ለመገዳደል የተነሳሳ አካል ትጥቁን ፈትቶ ትልቅ ዋጋ ላለው ለሰላም ይገዛል። ከዚህ የተነሳ በዱቡሻ ሥርአት የተፈጠሩት መካሪ አባቶች ብቻ ሳይሆኑ አባቶችን የሚሰማ ትውልድም እየተፈጠረ ነው ማለት ይቻላል። ይህ ባህላዊ እሴት ቂምና በቀልን ከማህበረሰቡ ውስጥ በማስወገድ በምትኩ እርቅን፣ ሰላምና አብሮነትን እያሰፈነ ነው። በዚህም ዘመናዊውን የፍትህ ሥርዓት እያገዘ ያለ ተመራጭ የግጭት መፍቻም ነው ማለት ይቻላል። ዱቡሻ የህዝብ ምክክር የሚካሄድበት፣ አዳዲስ ህጎች የሚደነገጉበትና ማህበራዊ ውሳኔዎች የሚተላለፉበት ታላቅ አደባባይ ነው። ግጭትና ቁርሾን በሰላማዊ መንገድ በማንም ላይ ቅሬታ ሳያድር መፍታት ጊዜና ጉልበትን ለልማት፣ ለትምህርትና ለጋራ ዕድገት ለማዋል ያስችላል። በዚህ ረገድ ዱቡሻ ካለው አስተዋጾ አንጻር የሰላም መሣሪያ ብቻ ሳይሆን የልማት መሠረትም ነው። ዱቡሻ ዎጋ ከፍትህና ከሰላም መድረክነቱ ባለፈ ወጣቶች ስለ ማንነታቸው፣ ስለታሪካቸውና ስለማህበራዊ ሃላፊነታቸው ከታላላቅ ሽማግሌዎች የሚማሩበት ህያው ትምህርት ቤት እንደሆነም ይነገራል። የጋሞን ማህበረሰብ አንድ አድርገው ያቆሙና ለዘመናት በቃል ሲወራረዱ የመጡ የህግና የሞራል እሴቶች ጎልተው የሚታዩበት ነው። በዚህ ባህላዊ ሥርአት ለእውነትና ቅንነት ትልቅ ትኩረት ስለሚሰጥ በዱቡሻ ፊት ቆሞ መዋሸት እንደ ትልቅ ነውርና መንፈሳዊ መርገምት ወይም በጋሞዎች አጠራር "ጎሜ" ተደርጎ ይወሰዳል። የዱቡሻ ዎጋ ሥርዓት በዛፎች ጥላ ሥር መካሄዱ በራሱ ልዩ ትርጉም አለው። ዛፍ ለሁሉም እኩል ጥላ እንደሚሰጥ ሁሉ በዚህ የፍትህ አደባባይ ፍትሕም ለሁሉም እኩል መሰጠት እንዳለበት የሚያሳይ ተምሳሌት ነው። በዚህም ምክንያት በዳይም ሆነ ተበዳይ ለእውነት ተገዢ ሆነው ልዩነቶቻቸውን በሰላማዊ መንገድ እንዲፈቱ ያደርጋል። ይህም ለጋሞ ማህበረሰብ ሠላማዊና መረጋጋት መሠረት ሆኖ ቆይቷል። ይህ ባህላዊ የእርቅ ሥርአት በሀገራችን ዘመናዊ የአስተዳደር ሥርዓት ከመምጣቱ በፊት የነበረና ዛሬም ድረስ ችግሮችን በሰላማዊ መንገድ በመፍታት ህዝብ በሰላም፣ በፍቅርና በመረዳዳት እንዲኖር ዘመን ተሻጋሪ አስተዋጽኦ እያበረከተ ይገኛል፡፡ መረጃዎች እንደሚያሳዩት በአሁኑ ወቅት ይህንን ታላቅ የባህል እሴት በዓለም አቀፍ ደረጃ ለማላቅ በተባበሩት መንግሥታት የትምህርት፣ የሳይንስና የባህል ድርጅት (ዩኔስኮ) በዓለም ቅርስነት ለማስመዝገብ ሰፊ ጥረት እየተደረገ ነው። ይህም ለዘላቂ ሰላምና አንድነት ካለው ፋይዳ ባለፈ የጋሞን ማህበረሰብ ታሪክና ማንነት በዓለም እንዲታወቅ፣ የባህል ቱሪዝም እንዲያድግና ለአካባቢው ኢኮኖሚ አዳዲስ ዕድል እንዲፈጠር ያግዛል። ከትውልድ ወደ ትውልድ ሲተላለፍ የመጣው ይህ ባህላዊ ሥርዓት የህዝብን ሰላም፣ አብሮነትና መቻቻል በማጽናት ለማህበራዊ መረጋጋት የማይተካ አስተዋጾም እያበረከተ ይገኛል፡፡ በዓለም የተለያዩ ክፍሎች ግጭቶች፣ አለመግባባቶችና ማኅበራዊ መከፋፈሎች በሚስተዋሉበት በዚህ ዘመን ማንንም ተጎጂ ሳያደርግ ችግሮችን በውይይትና በመግባባት የመፍታት ባህል ያለው ዋጋ ከፍተኛ ነው። ለዚህም እንደ ዱቡሻ ያሉ ባህላዊ የእርቅ ሥርዓቶች በሰብአዊና ቁሳዊ ሀብቶች ላይ ኪሣራ ሳይደርስ ችግሮችን በሰላማዊ መንገድ ብቻ ለመፍታት ሁነኛ መፍትሄ ናቸው። በዱቡሻ ዎጋ የማይፈታ ማህበራዊ ችግር የለም። በሀቅ ላይ የተመሠረተ፣ ቂምና ቁርሾ የሌለውና ሁለቱንም ወገን አሸናፊ የሚያደርግ በመሆኑ ተቀባይነቱ እያደገ መጥቷል። የዱቡሻ ትልቁ መለያ ችግርን በግጭት ሳይሆን በምክክር፤ ልዩነትን በመከፋፈል ሳይሆን በመግባባት፤ ቂምን በበቀል ሳይሆን በይቅርታ መፍታት እንደሚቻል ማሳየቱ ነው። የዱቡሻ ዎጋ የጋሞ ሕዝብ የትላንት ታሪክ ብቻ ሳይሆን የዛሬ ማኅበራዊ ሀብቱና የነገም ተስፋው ነው። ይህንን ባህላዊ የጥበብ ሀብት መጠበቅ፣ ማስተዋወቅና ለቀጣይ ትውልድ ማስተላለፍ የማኅበረሰቡ፣ የምሁራን፣ የባህል ተቋማትና የመንግሥት የጋራ ኃላፊነት ነው። ሰላም!
ምሽት አድማቂው - ጬሞ
Nov 13, 2026 251
ምሽት አድማቂው - ጬሞምሽት አድማቂው - ጬሞ (በቀደሰ ተክሌ - ኢዜአ ሚዛን አማን ቅርንጫፍ) ሰው ጥበቡ ዘርፈ ብዙ፤ አበላሉ፣ አጋጌጡና አለባበሱ ሁሉ የራሱ የሆነ ልዩ የጥበብ ቀለምና ውበት ያለው ነው። ፋብሪካ ከመፈጠሩ፤ ሳይንስም ከመስፋፋቱ በፊት የሰው ልጅ በራሱ መላ ምግቡን ከሽኖ ይመገብ ነበር። ያ ከጥንት ጀምሮ የሚጠቀምበት ባህላዊ የአመጋገብና ምግብ ዝግጅት ሥርዓት በዘመናዊ ቴክኖሎጂ መስፋፋት ምክንያት ወደ ፋብሪካ ውጤቶች እየተቀየረ ቢመጣም ጨርሶ ግን አልጠፋም። በደቡብ ምዕራብ ኢትዮጵያ ሕዝቦች ክልል የሚገኙት ቤንቾች ተፈጥሯዊ ይዘትን የጠበቁ ባህላዊ ምግቦችን በማዘጋጀት ይታወቃሉ። አረንጓዴው ምድራቸው ያበቀላቸው ስራስሮች ከቺ ጎደሬና ሌሎችም በብዛት ለምግብነት የሚገለገሏቸው ናቸው። ከበቆሎ ፍሬ በእጅ ተደቆሱ የሚዘጋጀው "ዳንጋላ" ፣ ኪጆና መሰል ምግቦችም በባህላዊ መንገድ ተዘጋጅተው ሲቀርቡ "ጬሞ" በተሰኘ ትኩስ መጠጥ ይታጀባሉ። በቤንቾች ቀዬ የሚገኘው የተፈጥሮ ቡና ተክል ፍሬው ተለቅሞ ለማዕከላዊ ገበያ ከመቅረብ አልያም ለአካባቢ ፍጆታ ከመዋል ያለፈ ትርጉም አለው። የቤንች እናቶች ቅጠሉን በወጉ ሰብስበው በሸክላ ምጣድ ክሽ አድርገው በማድረቅ ለሌላ አገልግሎት ያዘጋጃሉ። የደረቀውን የቡና ቅጠል አድቅቀው በማፍላት የዶሮ ዓይን የመሰለ ቡና ወይም በእነሱ አጠራር "ጬሞ"ን ያዘጋጃሉ። የቡና ቅጠል ቡና ውይም ጬሞን ለየት የሚያደርገው በብዙ የጓሮ ቅመማ ቅመሞች ታጅቦ መዘጋጀቱ ነው። ለአብነትም ነጭ ሽንኩርት፣ በሶብላ፣ ድምብላል፣ ኮሰረት፣ ጤናአዳም፣ ኮረሪማ፣ ሚጥሚጣ ወይም ደቆ የመሳሰሉት ጬሞን ጬሞ ከሚያሰኙ ግብአቶች መካከል የሚጠቀሱ ናቸው። እነዚህ የጬሞ ግብአቶች በማሽን የተፈጩ አልያም እሴት ተጨምሮባቸው የተቀመሙ የፋብሪካ ውጤቶች አይደሉም። ከራሳቸው ጓሮ ተክለው ጬሞን ሲያፈሉ እለቱን ቀንጥሰው በትኩሱ የሚጨምሯቸው እንጂ። ይህ መሆኑ ደግሞ ከጬሞው ተፈጥሯዊ ጣዕምና የንጥረ ነገር ይዘቶችን በቀጥታ ለማግኘት የሚያስችል ዕድልን ይፈጥራል። ከዚህ የተነሳ ጬሞ እንደ ትኩስ መጠጥ ከማገልገል ያለፈ ጥቅም ያለው ሆኖ ተገኝቷል። ለጉንፋን፣ ደረቅ ሳል፣ ብርድና መሰል ሕመሞች ሁነኛ ባህላዊ መድኃኒት ተደርጎ ይወሰዳል። ይህ ዘርፈ ብዙ ፋይዳ ያለው ጬሞ በቤንቾች ምድር ይዘወተራል። እንግዳ ቢመጣ ከእርጎና ኪዥ (አይብ)፣ ከጎደሬ፣ ከቺናና ሌሎች ከበቆሎ ከሚዘጋጁ ምግቦች ጋር ጬሞ አብሮ ይቀርባል። ለአራሹ አባወራ ወደ እርሻ ቦታ ለመያዝ በሚያመች እቃ ተወስዶለት ይጠጣል። ለሐዘንና ደስታ፣ ለደቦና መሰል ሰዎች በኅብረት በሚሰበሰቡባቸው ስፍራዎችም ጬሞን አፍልቶ ማቅረብ በቤንቾች ባህል የተለመደ ነው። ይህ ሥርዓት ከገጠር ተሻገሮ በከተማም እየተለመደ መምጣቱ ደግሞ ይበል የሚያሰኝ ነው። ጬሞ በሚዛን አማን ከተማ ውስጥ የፈጠረው የምሽት ትዕይንት ደግሞ ለየት ያለ ነው። መሸት ሲል ቀን በጫማ መጥረግ ሥራና ሌሎች አገልግሎቶች ተይዘው የዋሉ የጎዳና ዳር ቦታዎች ከ12 ሰዓት በኋላ ተራውን ጬሞ ለሚያፈሉ እንስቶች ይለቃሉ። ከጬሞ ባሻገር ንፍሮ፣ ጎደሬ፣ ከቺ እና ሌሎች የስራስር ምግቦች ተዘጋጅተው ወደ አደባባይ ይወጣሉ። ቀን በተለያዩ ሥራዎች የዋለ ሰው ወደ ቤት ከመግባቱ በፊት በከተማዋ ከጫፍ እስከ ጫፍ ከተዘጋጇ የጬሞ ቦታዎች አንዱ ላይ አረፍ ይላል። የሚዛን አማን ጎዳና ኮሪደሮች የምሽት ድባብ የሚደምቀው በጬሞ ነው። ጓደኛ ሲገናኝ ጬሞ ልጋብዝህ የሚባባልበት፣ ጬሞ ቦታ እንገናኝ ተብሎ የሚቀጠርበት መገናኛ፣ ወግ መጫወቻና ጊዜ ማሳለፊያ ምቹና ተመራጭ ስፍራም እየሆነ መጥቷል። ከጬሞ ጋር አብረው የሚቀርቡ ባህላዊ ምግቦች መኖራቸው ደግሞ ለከተማዋ ነዋሪ ትልቅ ጥቅም ይሰጣል። ድሃው በአነስተኛ ዋጋ ጬሞና ንፍሮ በልቶ ጠግቦ የሚያድርበትን ምቹ ዕድል መፍጠር የቻለ ተግባር ነው ማለት ይቻላል። እንደዚህ አይነት ሀገር በቀል ምርቶች ላይ የተመረኮዘ የአመጋገብ ሥርዓት ለጤና ጠቃሚ በኢኮኖሚም ትርጉም ያለው በመሆኑ አደባባይ አውጥቶ የመጠቀሙ ባህል ሊጠናከር ይገባል እንላለን። ሰላም!