ኢዜአ - ኢዜአ ትግርኛ
አርእስተ ዜና
ኣብ ሩሲያ ኣብ ዝተሳለጠ ፕሬዚዳንታዊ ምርጫ ፑቲን ተዓዊቶም
Mar 18, 2024 7
ኣዲስ ኣበባ/ መጋቢት/9/ 2016 /ኢዜአ/ኣብ ሩሲያ ንዝሓለፉ ሰለስተ መዓልታት ኣብ ዝተሳለጠ ፕሬዚዳንታዊ ምርጫ ወዲ 71 ዕድመ ቭላዲሚር ፑቲን ንቐፀልቲ 6 ዓመታት ንሩስያ ክመርሑ ዘኽእሎም ድምፂ ረኺቦም። ማእኸላይ ኮሚሽን ምርጫ እታ ሃገር ከምዝገለፆ፥ ፕሬዚዳንት ፑቲን ልዕሊ 87 ሚኢታዊ ደምፂ ብምርካብ ተዓዊቶም። ፕሬዚዳንት ፑቲን ኣብቲ ዝተሳለጠ ምርጫ ልዑል ንሕንሕ ከምዘየጋጠሞም እውን ተገሊፁ። ብመሰረት እዚ እቶም ፕሬዚዳንት ካብ 1999 ዓ.ም ፈረንጂ ጀሚሮም ነታ ሃገር ዝመርሑ እንትኾኑ፥ ኣብ ታሪክ 200 ዓመታት ንነዊሕ እዋን ንሩሲያ ናይ ምምራሕ ዕድል ዝረኸቡ መራሒ ከምዝኾኑ ኣርቲ ፀብፂቡ።
ጉጅለ ሓለፍቲ ስራሕ ላዕለዎት መንግስቲ ፌዴራል አብ ዞባ ደቡብ ወሎ ተረኪቦም ዝተኸወኑ ስርሓቲ ልምዓት ተመልኪቶም
Mar 18, 2024 10
አዲስ አበባ፤ መጋቢት 9/2016(ኢዜአ)፦ብሚኒስትር አገልግሎት ኮሚኒኬሽን ምንግስቲ ዶክተር ለገሰ ቱሉ ዝተመርሓ ጉጅለ ሓለፍቲ ስራሕ ላዕለዎት መንግስቲ ፌዴራል አብ ዞባ ደቡብ ወሎ ተረኪቦም ዝተኸወኑ ስርሓቲ ልምዓት ተመልኪቱ። መንግስቲ ብመሰረት ዘቐመጦ ትልሚ አብ መላእ ሀገር ዝተወገኑ ልምዓታትን ስርሓቲ ሰናይ ምምሕዳርን ንዝተሳለጡ ልምዓታት ብላዕለዎት ሓለፍቲ ስራሕ ይራአዩ አለዉ።
ሕድሳት ውዕሊ ኣገልግሎት ቆፃሪ ኤሌክትሪክ ክሳብ 30 ሰነ 2016 ዓ.ም ተናዊሑ
Mar 18, 2024 7
ኣዲስ ኣበባ/ መጋቢት/9/ 2016 /ኢዜአ/ኣገለግሎት ኤሌክትሪክ ኢትዮጵያ ንቐፃሊ ሓሙሽተ ዓማውቲ ዘገልግል ሕድሳት ውዕሊ ኣገልግሎት ቆፃሪ ኤሌክትሪክ ክሳብ 30 ሰነ 2016 ዓ.ም ከምዘናውሐ ኣፍሊጡ። ዳይሬክተር ኮሙኒኬሽን ኮርፖሬት እቲ ትካል መላኩ ታዬ፥ እቲ ሕድሳት ውዕሊ ቀፃሪ ካብ ዝወስዱ ሓሙሽተ ዓመታት ዝሞልኦም ዓማዊል ጥራሕ ዝጥምት ኢዩ ኢሎም። ኣብ እዋን ሕድሳት ምንም ዓይነት ክፍሊት ከምዘየድሊ ገሊፆም ። ስለዝኾነ ዓማዊል ኣብ ከባቢኦም ናብ ዝርከብ ጭንፈር ብምኻያድ ሕድሳት ንክገብሩ ኣተሓሳሲቦም።
ፖለቲካ
ቀዳማይ ሚኒስትር ኣብይ ኣሕመድ (ዶ/ር) ዘመን ስርሖም ንዝዛዘሙ ዳይሬክተር ባንኪ ዓለም ኣመስጊኖም
Mar 18, 2024 13
አዲሰ አበባ/መጋቢት/9/2016/ኢዜአ/ ቀዳማይ ሚኒስትር ኣብይ ኣሕመድ (ዶ/ር) ዘመን ስርሖም ንዝዛዘሙ ኣብ ኢትዮጵያ ዳይሬክተር ባንኪ ዓለም ኦስማን ዲዮን ኣመስጊኖም። ቀዳማይ ሚኒስትር ኣብይ ኣብ ትዊተር ገፆም ኣብ ዘስፈርዎ መልእኽቲ፤ "ኣብ ኢትዮጵያ ዳይሬክተር ባንኪ ዓለም ኦስማን ዲዮን ኣብ ኢትዮጵያ ግዜ ፃንሒቶም እንትዛዝሙ ምስግናና ነቕርብ። ኣብ ዝሓለፉ ሒደት ዓመታት ንዝገበሩልና ዘይተሓለለ ድጋፍ 'ውን ነመስግን።" ክብሉ ኣመስጊኖም አቐሪቦም።
ጉጅለ ሓለፍቲ ስራሕ መንግስቲ ፌደራል ኣብ ከተማ ጎንደር ድጋፍ መሰረት ዝገበረ ገምጋም ስራሕ እናገበረ 'ዩ
Mar 18, 2024 7
አዲስ አበባ/መጋቢት/9/2016/ኢዜአ/ ብሚኒስትር ፍትሒ ዶክተር ጌዲዮን ጢሞቲዎስ ዝተመርሐ ጉጅለ ላዕለዎት ሓለፍቲ ስራሕ መንግስቲ ፌደራል ኣብ ከተማ ጎንደር ንዝተሰርሑ ንጥፈታት ልምዓት፣ ሰላምን ሰናይ ምምሕዳርን እናገምገመ ይርከብ። ሚኒስትር ፍትሒ ዶክተር ጌዲዮን ጢሞቲዎስ ኣብቲ መድረኽ ገምጋም ከምዝተዛረብዎ፤ ልእኽቶ እቲ ዑደት ኣብቲ ክልል ኣብ ዝርከቡ ከተማታት ተተሊሞም ንዝተሰርሑ ንጥፈታት ሰላምን ልምዓትን ብምግምጋም ድጋፍ ንምሃብን ኣንፈታት ቐፃሊ ንምቕማጥን 'ዩ። እቲ ጉጅለ ሱፐርቪዥን ኣብ ፃንሒቱ ምስ ኣመራርሓ ብቐረባ ብምዝታይ ድጋፍ መንግስቲ ዝገብረሉ ምችው ኩነታት ክፈጥር 'ዩ ኢሎም። ምክትል ከንቲባ ምምሕዳር ከተማ ጎንደር ኣይተ ባዩህ ኣቡሀይ ብወገኖም፤ እቲ ምምሕዳር ከተማ ሰላም እታ ከተማ ዘላቒ ብምግባር ልምዓት ንምቕፃል ብርክት ዝበሉ ስራሕቲ እናሰርሐ ምዃኑ ገሊፆም። እቲ ምምሕዳር ከተማ ፀገማት ፀጥታ ብምፅዋር ተጠቃምነት ህዝቢ ዘረጋግፁ ስራሕቲ ልምዓትን ኢንቨስትመንትን ተሊሙ ተፈፀምቲ እናገበረ ምዃኑ ገሊፆም። እቶም ላዕለዎት ሓለፍቲ ስራሕ ኣብ ፃንሒቶም ኣብታ ከተማ እናተሰርሑ ዝርከቡ ምንቅስቓሳት ሌማት ትሩፋትን ኢንቨስትመንትን ከምዝምልከቱ 'ውን ተገሊፁ።
ህዝባዊ መድረኻት ኣብ መረዳእታ ዝተደረኸ ውሳነ ንምሃብን ንኣፈታትሓ ጎንፂን ረብሓ ኣለዎም- ለገሰ ቱሉ (ዶ/ር)
Mar 16, 2024 46
ኣዲስ ኣበባ/ መጋቢት/7/ 2016 /ኢዜአ/ህዝባዊ መድረኻት ኣብ መረዳእታ ዝተደረኸ ውሳነ ንምሃብን ንኣፈታትሓ ጎንፂን ረብሓ ኣለዎም ክብሉ ሚኒስትር ኣገልግሎት ኮሚኒኬሽን መንግስቲ ለገሰ ቱሉ (ዶ/ር) ገሊፆም። እቶም ሚኒስትር ኣብ ማሕበራዊ ሚዲየኦም ኣብ ዘመሓላለፍዎ መልእኽቲ፥ ካብ እዋን ናብ እዋን እናወሰኸ ይኸይድ ኣብ ዘሎ ማሕበራዊን ኢኮኖሚያዊን ረብሓታትን ባህግታትን ውሽጢ ህዝባዊ መድረኻት ዘተ ወሰንቲ ኢዮም ኢሎም። እቶም መድረኻት መበገሲታትን መፍትሒታትን ናይ ዝረኣዩ ዘለዉ ፀገማት ኣብ ምምፃእን ግንዛበ ዜጋታት ኣብ ምዕባይን ሓገዝቲ ከምዝኾኑ አወን ተዛሪቦም። ዝተፈላለዩ ወገናት ሓሳቦም ብነፃነት ንክገልፁን ድምፆም ንከስምዑን ዘኽእሎም ከምዝኾነ ወሲኾም ገሊፆም። እዚ ድማ ኣብ መረዳእታ ዝተደረኸ ውሳነ ንምሃብን ንኣፈታትሓ ጎንፂን ረብሓ ኣለዎ ኢሎም። ኣብዚ ቀረባ እዋናት ቀዳማይ ሚኒስትር ኣቢይ ኣሕመድ(ዶ/ር) ምስ ዝተፈላለዩ ክፋላት ማሕበረሰብ ዝገበርዎምን ዝተፈላለዩ ላዕለዎት ሓለፍቲ ስራሕ መንግስቲ ኣብ ዝተፈላለዩ ከተማታት ዘካየድዎምን መድረኻት ዘተ ብመሰረት እዚ ዝተሳለጡ ከምዝኾኑ ገሊፆም።
ኣምባሳደር ታዬ ምስ ፍሉይ ልኡኽ ኣሜሪካ ኣብ ሱዳን ዘቲዮም
Mar 15, 2024 53
ኣዲስ ኣበባ/ መጋቢት/6/ 2016/ኢዜአ/ሚኒስትር ጉዳያት ወፃኢ ኣምባሳደር ታዬ ኣፅቀስላሴ ምስ ፍሉይ ልኡኽ ኣሜሪካ ኣብ ሱዳን ቶም ፔሪሎ ጋርበ ዘቲዮም። እቲ ዘተ ኣብ ዞባውን ዓለም ለኻዊን ዛዕባታትን እዋናዊ ኩነታት ሱዳንን ጠመተ ዝገበረ ከምዝኾነ ተገሊፁ። ኣምባሳደር ታዬ አፅቀስላሴ፥ ኢትዮጵያ ኣብ ሰላም ሱዳን ንክነግስ እትገብሮ ዘላ ፃዕሪ ገሊፆም። ክልቲኦም ሓይሊታት ፀገሞም ብሰለማዊ መገዲ ብምዝርራብ ንክፈትሑ ብቀዳማይ ሚኒስተር ኣቢይ ኣሕመድ(ዶ/ር) ዝተገበሩ እወንታዊ ፃዕሪታት ነቶም ፍሉይ ልኡኽ ኣዘኻኺሮም።
ኣብ መዛግብ ክሲ ሜ/ጀ ክንፈ ዳኘውን ኣብዲ ሞሃመድ ዑመርን (ኣብዲ ኢሌ) ቀሪቦም ዝነበሩ ክሲታት ተቛሪፆም
Mar 15, 2024 36
ኣዲስ ኣበባ/ መጋቢት/6/ 2016 /ኢዜአ/ሚኒስቴር ፍትሒ ኣብ መዛግብ ክሲ ሜ/ጀ ክንፈ ዳኘውን ኣብዲ ሞሃመድ ዑመርን (ኣብዲ ኢሌ) ቀሪቦም ዝነበሩ ክሲታት ንረብሓ ህዝቢ ክበሃል ከምዝተቛረፁ ኣፍሊጡ። ኣብ ትሕቲ ክሲ መዝገብ ሜጀር ጀነራል ክንፈ ዳኘው ዝነበሩ ተኸሰስቲ ኣብ ላዕለዋይ ቤት ፍርዲ ፌዴራል ክሲ ገበን ግዕዝይና ክራአይ ምፅንሑ ይዝከር። ብኻሊእ መዳይ ናይ እኒ ኣብዲ ሞሃመድ ኡመር መዝገብ ክሲ ኣብ ቀዳማይ መጋባእያ ጉዳያት ሕገ መንግስቲን ገበን ግብረ ራዕዲን ከይዲ ክርክር ምፅንሑ ዝፍለጥ ኢዩ። ሚኒስቴር ፍትሒ ንዘላቒ ረብሓ ህዝቢ ክባሃል እቶም ከይዲታት ክሲ ንክቋረፁ ከምዝወሰነ ንኢዜአ ኣብ ዝለኣኾ መግለፂ ሓቢሩ።
ሚኒስትር ጉዳያት ወፃኢ ፌዴሪኢ ኣምባሳደር ታዬ ኣፅቀስላሴ ምስ ፀሓፊ ፓርላማ ካናዳ ዘቲዮም
Mar 14, 2024 56
ኣዲስ ኣበባ/ መጋቢት/5/ 2016 /ኢዜአ/ሚኒስትር ጉዳያት ወፃኢ ፌዴሪኢ ኣምባሳደር ታዬ ኣፅቀስላሴ ምስ ፀሓፊ ፓርላማ ሚኒስቴር ጉዳያት ወፃኢ ካናዳ ሮበርት ኦሊፋንት ዘቲዮም። ኣምባሳደር ታዬ፥ ካናዳ ኣብ ኣፀጋሚ ኩነታት ንኢትዮጵያ እትገብሮ ዘላ ደገፍ ንኢዶም። ርክብ ክልቲአን ሃገራት ክብ ምባል ኣድላዪ ከምዝኾነ እውን ተዛሪቦም። ርክብ ንግዲን ኢንቨስትመንትን እተን ሃገራት ምጥንኻር ከምዝግባእ ብምግላፅ፥ ሰብ ሃፍቲ ካናዳ ኣብ ዓውዲ ዲጂታል፣ ማአድን፣ ኢነርጂን ማኑፋክቸሪንግን ኢንቨስት ንክገብሩ ሓቲቶም። ሮበርት ኦሊፋንት ብግደኦም፥ ኣብ ርክብ ወፃኢ ካናዳ ቀዳምነት ካብ ዝወሃበን ሃገራት ኣፍሪካ ሓንቲ ኢትዮጵያ ከምዝኾነት ገሊፆም። ካናዳ ምስ ኢትዮጵያ ኣብ ዓውዲ ንግዲን ኢንቨስትመንትን፣ ሰብኣዊ ሓገዝ፣ ምትሕብባር ልምዓት ወዘተ ርክበን ክብ ምባል ባህጊ ከምዘለዋ እውን ምዝራቦም ካብቲ ሚኒስቴር ዝረኸብናዮ ሓበሬታ የረድእ።
ፖለቲካ
ቀዳማይ ሚኒስትር ኣብይ ኣሕመድ (ዶ/ር) ዘመን ስርሖም ንዝዛዘሙ ዳይሬክተር ባንኪ ዓለም ኣመስጊኖም
Mar 18, 2024 13
አዲሰ አበባ/መጋቢት/9/2016/ኢዜአ/ ቀዳማይ ሚኒስትር ኣብይ ኣሕመድ (ዶ/ር) ዘመን ስርሖም ንዝዛዘሙ ኣብ ኢትዮጵያ ዳይሬክተር ባንኪ ዓለም ኦስማን ዲዮን ኣመስጊኖም። ቀዳማይ ሚኒስትር ኣብይ ኣብ ትዊተር ገፆም ኣብ ዘስፈርዎ መልእኽቲ፤ "ኣብ ኢትዮጵያ ዳይሬክተር ባንኪ ዓለም ኦስማን ዲዮን ኣብ ኢትዮጵያ ግዜ ፃንሒቶም እንትዛዝሙ ምስግናና ነቕርብ። ኣብ ዝሓለፉ ሒደት ዓመታት ንዝገበሩልና ዘይተሓለለ ድጋፍ 'ውን ነመስግን።" ክብሉ ኣመስጊኖም አቐሪቦም።
ጉጅለ ሓለፍቲ ስራሕ መንግስቲ ፌደራል ኣብ ከተማ ጎንደር ድጋፍ መሰረት ዝገበረ ገምጋም ስራሕ እናገበረ 'ዩ
Mar 18, 2024 7
አዲስ አበባ/መጋቢት/9/2016/ኢዜአ/ ብሚኒስትር ፍትሒ ዶክተር ጌዲዮን ጢሞቲዎስ ዝተመርሐ ጉጅለ ላዕለዎት ሓለፍቲ ስራሕ መንግስቲ ፌደራል ኣብ ከተማ ጎንደር ንዝተሰርሑ ንጥፈታት ልምዓት፣ ሰላምን ሰናይ ምምሕዳርን እናገምገመ ይርከብ። ሚኒስትር ፍትሒ ዶክተር ጌዲዮን ጢሞቲዎስ ኣብቲ መድረኽ ገምጋም ከምዝተዛረብዎ፤ ልእኽቶ እቲ ዑደት ኣብቲ ክልል ኣብ ዝርከቡ ከተማታት ተተሊሞም ንዝተሰርሑ ንጥፈታት ሰላምን ልምዓትን ብምግምጋም ድጋፍ ንምሃብን ኣንፈታት ቐፃሊ ንምቕማጥን 'ዩ። እቲ ጉጅለ ሱፐርቪዥን ኣብ ፃንሒቱ ምስ ኣመራርሓ ብቐረባ ብምዝታይ ድጋፍ መንግስቲ ዝገብረሉ ምችው ኩነታት ክፈጥር 'ዩ ኢሎም። ምክትል ከንቲባ ምምሕዳር ከተማ ጎንደር ኣይተ ባዩህ ኣቡሀይ ብወገኖም፤ እቲ ምምሕዳር ከተማ ሰላም እታ ከተማ ዘላቒ ብምግባር ልምዓት ንምቕፃል ብርክት ዝበሉ ስራሕቲ እናሰርሐ ምዃኑ ገሊፆም። እቲ ምምሕዳር ከተማ ፀገማት ፀጥታ ብምፅዋር ተጠቃምነት ህዝቢ ዘረጋግፁ ስራሕቲ ልምዓትን ኢንቨስትመንትን ተሊሙ ተፈፀምቲ እናገበረ ምዃኑ ገሊፆም። እቶም ላዕለዎት ሓለፍቲ ስራሕ ኣብ ፃንሒቶም ኣብታ ከተማ እናተሰርሑ ዝርከቡ ምንቅስቓሳት ሌማት ትሩፋትን ኢንቨስትመንትን ከምዝምልከቱ 'ውን ተገሊፁ።
ህዝባዊ መድረኻት ኣብ መረዳእታ ዝተደረኸ ውሳነ ንምሃብን ንኣፈታትሓ ጎንፂን ረብሓ ኣለዎም- ለገሰ ቱሉ (ዶ/ር)
Mar 16, 2024 46
ኣዲስ ኣበባ/ መጋቢት/7/ 2016 /ኢዜአ/ህዝባዊ መድረኻት ኣብ መረዳእታ ዝተደረኸ ውሳነ ንምሃብን ንኣፈታትሓ ጎንፂን ረብሓ ኣለዎም ክብሉ ሚኒስትር ኣገልግሎት ኮሚኒኬሽን መንግስቲ ለገሰ ቱሉ (ዶ/ር) ገሊፆም። እቶም ሚኒስትር ኣብ ማሕበራዊ ሚዲየኦም ኣብ ዘመሓላለፍዎ መልእኽቲ፥ ካብ እዋን ናብ እዋን እናወሰኸ ይኸይድ ኣብ ዘሎ ማሕበራዊን ኢኮኖሚያዊን ረብሓታትን ባህግታትን ውሽጢ ህዝባዊ መድረኻት ዘተ ወሰንቲ ኢዮም ኢሎም። እቶም መድረኻት መበገሲታትን መፍትሒታትን ናይ ዝረኣዩ ዘለዉ ፀገማት ኣብ ምምፃእን ግንዛበ ዜጋታት ኣብ ምዕባይን ሓገዝቲ ከምዝኾኑ አወን ተዛሪቦም። ዝተፈላለዩ ወገናት ሓሳቦም ብነፃነት ንክገልፁን ድምፆም ንከስምዑን ዘኽእሎም ከምዝኾነ ወሲኾም ገሊፆም። እዚ ድማ ኣብ መረዳእታ ዝተደረኸ ውሳነ ንምሃብን ንኣፈታትሓ ጎንፂን ረብሓ ኣለዎ ኢሎም። ኣብዚ ቀረባ እዋናት ቀዳማይ ሚኒስትር ኣቢይ ኣሕመድ(ዶ/ር) ምስ ዝተፈላለዩ ክፋላት ማሕበረሰብ ዝገበርዎምን ዝተፈላለዩ ላዕለዎት ሓለፍቲ ስራሕ መንግስቲ ኣብ ዝተፈላለዩ ከተማታት ዘካየድዎምን መድረኻት ዘተ ብመሰረት እዚ ዝተሳለጡ ከምዝኾኑ ገሊፆም።
ኣምባሳደር ታዬ ምስ ፍሉይ ልኡኽ ኣሜሪካ ኣብ ሱዳን ዘቲዮም
Mar 15, 2024 53
ኣዲስ ኣበባ/ መጋቢት/6/ 2016/ኢዜአ/ሚኒስትር ጉዳያት ወፃኢ ኣምባሳደር ታዬ ኣፅቀስላሴ ምስ ፍሉይ ልኡኽ ኣሜሪካ ኣብ ሱዳን ቶም ፔሪሎ ጋርበ ዘቲዮም። እቲ ዘተ ኣብ ዞባውን ዓለም ለኻዊን ዛዕባታትን እዋናዊ ኩነታት ሱዳንን ጠመተ ዝገበረ ከምዝኾነ ተገሊፁ። ኣምባሳደር ታዬ አፅቀስላሴ፥ ኢትዮጵያ ኣብ ሰላም ሱዳን ንክነግስ እትገብሮ ዘላ ፃዕሪ ገሊፆም። ክልቲኦም ሓይሊታት ፀገሞም ብሰለማዊ መገዲ ብምዝርራብ ንክፈትሑ ብቀዳማይ ሚኒስተር ኣቢይ ኣሕመድ(ዶ/ር) ዝተገበሩ እወንታዊ ፃዕሪታት ነቶም ፍሉይ ልኡኽ ኣዘኻኺሮም።
ኣብ መዛግብ ክሲ ሜ/ጀ ክንፈ ዳኘውን ኣብዲ ሞሃመድ ዑመርን (ኣብዲ ኢሌ) ቀሪቦም ዝነበሩ ክሲታት ተቛሪፆም
Mar 15, 2024 36
ኣዲስ ኣበባ/ መጋቢት/6/ 2016 /ኢዜአ/ሚኒስቴር ፍትሒ ኣብ መዛግብ ክሲ ሜ/ጀ ክንፈ ዳኘውን ኣብዲ ሞሃመድ ዑመርን (ኣብዲ ኢሌ) ቀሪቦም ዝነበሩ ክሲታት ንረብሓ ህዝቢ ክበሃል ከምዝተቛረፁ ኣፍሊጡ። ኣብ ትሕቲ ክሲ መዝገብ ሜጀር ጀነራል ክንፈ ዳኘው ዝነበሩ ተኸሰስቲ ኣብ ላዕለዋይ ቤት ፍርዲ ፌዴራል ክሲ ገበን ግዕዝይና ክራአይ ምፅንሑ ይዝከር። ብኻሊእ መዳይ ናይ እኒ ኣብዲ ሞሃመድ ኡመር መዝገብ ክሲ ኣብ ቀዳማይ መጋባእያ ጉዳያት ሕገ መንግስቲን ገበን ግብረ ራዕዲን ከይዲ ክርክር ምፅንሑ ዝፍለጥ ኢዩ። ሚኒስቴር ፍትሒ ንዘላቒ ረብሓ ህዝቢ ክባሃል እቶም ከይዲታት ክሲ ንክቋረፁ ከምዝወሰነ ንኢዜአ ኣብ ዝለኣኾ መግለፂ ሓቢሩ።
ሚኒስትር ጉዳያት ወፃኢ ፌዴሪኢ ኣምባሳደር ታዬ ኣፅቀስላሴ ምስ ፀሓፊ ፓርላማ ካናዳ ዘቲዮም
Mar 14, 2024 56
ኣዲስ ኣበባ/ መጋቢት/5/ 2016 /ኢዜአ/ሚኒስትር ጉዳያት ወፃኢ ፌዴሪኢ ኣምባሳደር ታዬ ኣፅቀስላሴ ምስ ፀሓፊ ፓርላማ ሚኒስቴር ጉዳያት ወፃኢ ካናዳ ሮበርት ኦሊፋንት ዘቲዮም። ኣምባሳደር ታዬ፥ ካናዳ ኣብ ኣፀጋሚ ኩነታት ንኢትዮጵያ እትገብሮ ዘላ ደገፍ ንኢዶም። ርክብ ክልቲአን ሃገራት ክብ ምባል ኣድላዪ ከምዝኾነ እውን ተዛሪቦም። ርክብ ንግዲን ኢንቨስትመንትን እተን ሃገራት ምጥንኻር ከምዝግባእ ብምግላፅ፥ ሰብ ሃፍቲ ካናዳ ኣብ ዓውዲ ዲጂታል፣ ማአድን፣ ኢነርጂን ማኑፋክቸሪንግን ኢንቨስት ንክገብሩ ሓቲቶም። ሮበርት ኦሊፋንት ብግደኦም፥ ኣብ ርክብ ወፃኢ ካናዳ ቀዳምነት ካብ ዝወሃበን ሃገራት ኣፍሪካ ሓንቲ ኢትዮጵያ ከምዝኾነት ገሊፆም። ካናዳ ምስ ኢትዮጵያ ኣብ ዓውዲ ንግዲን ኢንቨስትመንትን፣ ሰብኣዊ ሓገዝ፣ ምትሕብባር ልምዓት ወዘተ ርክበን ክብ ምባል ባህጊ ከምዘለዋ እውን ምዝራቦም ካብቲ ሚኒስቴር ዝረኸብናዮ ሓበሬታ የረድእ።
ማሕበራዊ
ኣብ ክልተ ኣዋርሕ ልዕሊ 2 ሚሊየን ህፃናት ከምዝተኸተቡ ኢንስቲትዩት ጥዕና ሕብረተሰብ ኢትዮጵያ አፍሊጡ
Mar 18, 2024 4
ኣዲስ ኣበባ/ መጋቢት/9/ 2016 /ኢዜአ/ኣብ ዝሓለፉ 2 ኣዋርሕ ልዕሊ 9 ሺሕን 500 ሰባት ብሕማም ንፍዮ ከምዝተትሓዙ ኢንስቲትዩት ጥዕና ሕብረተሰብ ኢትዮጵያ ኣፍሊጡ። ኣብ 10 ክልላት ኣብ ዝርከባ 91 ወረዳታት እቲ ሕማም ከምዘሎ ኣብቲ ኢንስቲትዩት መተሓባበሪ ጉጅለ ትዕዝብቲን ምላሽን ሚኪያስ ኣላዩ ገሊፆም፡፡ “በዚ ድማ ኣብ ዝሓለፉ 2 ኣዋርሕ ልዕሊ 9 ሺሕን 500 ሰባት ብሕማም ንፍዮ ተታሒዞም፤ ህይወት 63 ሰባት እውን ሓሊፉ” ኢሎም፡፡ ዝርገሐ እቲ ለበዳ ብስፍሓት ካብ ሞንጎ ዝረአየለን ክልላት÷ ኦሮሚያ፣ ኣምሓራን ማእከላዊ ኢትዮጵያን ቀዳሞት ከምዝኾና ተዛሪቦም፡፡ ለበዳ ሕማም ንፍዮ ንምክልኻል ስሩዕ ክታበት ምጥንኻርን ክታበት ዘይወሰዱ ህፃናት ናይ ምኽታብ ስራሕን ከምዝቐፀለ ብምግላፅ÷ ኣብ ክልተ ኣዋርሕ ልዕሊ 2 ሚሊየን ህፃናት ከምዝተኸተቡ ኣፍሊጦም፡፡ ኣብ ዝሓለፉ ሰለስተ ዓመታት ልዕሊ 57 ሺሕ ሰባት ብሕማም ንፍዮ ከምዝተትሓዙን ካብ 460 ንላዕሊ ህይወቶም ከምዝሓለፈን ኣዘኻኺሮም፡፡
ኣብ ላዕለዎት ትካላት ትምህርቲ እናተተግበሩ ዝርከቡ ስራሕቲ ለውጢ ውፅኢታዊ ንምግባር ሓለፍቲ እቲ ዓውዲ ተቢዖም ንኽሰርሑ ተሓቲቱ
Mar 17, 2024 18
ኣዲስ ኣበባ/ መጋቢት/8/ 2016 /ኢዜአ/ኣብ ላዕለዎት ትካላት ትምህርቲ እናተተግበሩ ዝርከቡ ስራሕቲ ለውጢ ውፅኢታዊ ንምግባር ሓለፍቲ እቲ ዓውዲ ብትብዓት ንኽሰርሑ ተሓቲቱ። ኣብ ሚኒስቴር ትምህርቲ ሚኒስትር ዴኤታ ዘፈር ላዕለዎት ትካላት ትምህርቲ ኮራ ጡሽኔ÷ ኣብ ላዕለዎት ትካላት ትምህርቲ እናተተግበሩ ዝርከቡ ቁልፊ ስራሕቲ ለውጢ ውፅኢታዊ ንምግባር ሓለፍቲ እቲ ዓውዲ ብፅሒቶም ክዋፅኡ ከምዝግባእ ኣገንዚቦም፡፡ ኣብቲ ፎረም፤ ኣብ ኣተገባብራ ዝተጀመሩ መርሃ ግብሪታት ለውጢ፣ ዓወታት ለውጢን ዘጋጠሙ ማሕለኻታትን ዘተ ዝተገበረ እንትኸውን÷ ኣብ ኣንፈታት ስራሕ እውን ምኽክር ተገይሩ፡፡ ሚኒስቴር ትምህርቲ ሓዊሱ ፕሬዚዳንታትን ሓለፍቲ ስራሕን ኩለን ዩኒቨርሲቲታት ከምኡ እውን መዳርግቲ ኣካላት ኣብቲ ፎረም ከምዝተሳተፉ ሓበሬታ እቲ ሚኒስቴር የመላኽት፡፡
ቀ/ሚ ኣቢይ(ዶ/ር) ምስ ኣባላት ካውንስል ወንጌላውያን ኣብያተ ክርስቲያናት ኢትዮጵያን ተወከልቲ ኣባል ኣብያተ ክርስቲያናትን ዘቲዮም
Mar 16, 2024 30
ኣዲስ ኣበባ/ መጋቢት/7/ 2016 /ኢዜአ/ቀዳማይ ሚኒስትር ኣቢይ ኣሕመድ(ዶ/ር) ምስ ኣባላት ካውንስል ወንጌላውያን ኣብያተ ክርስቲያናት ኢትዮጵያን ተወከልቲ ኣባል ኣብያተ ክርስቲያናትን ዘቲዮም። እቶም ቀዳማይ ሚኒስትር ኣብ ማሕበራዊ ሚዲየኦም ኣብ ዘመሓላለፍዎ መልእኽቲ፥ እቲ ዘተ ኣብ ዝሓለፉ ሰሙናት ናይ ዝተገበሩ ዘተታት መቐፀልታ ኢዩ።
ኣብ ትግራይ ንልዕሊ 3 ሺሕ ወገናት ነፃ ሕክምና ምግፋፍ ሞራ ዓይኒ ይወሃብ ኣሎ
Mar 16, 2024 27
ኣዲስ ኣበባ/ መጋቢት/7/ 2016 /ኢዜአ/ኣብ ክልል ትግራይ ንልዕሊ 3 ሺሕ ወገናት ነፃ ሕክምና ምግፋፍ ሞራ ዓይኒ ይወሃብ ኣሎ። እቲ ሕክምና፥ ቢሮ ጥዕና ግዚያዊ ምምሕዳር ክልል ትግራይ ምስ ሆስፒታል ኲሓን ሂማሊያን 'ካታራክት' ምስ ዝተብሃለ ዘይመንግስታዊ ትካልን ብምትሕብባር ኢዩ ዝወሃብ ዘሎ። ኣተሓባባሪ ፕሮጀክት ሂማሊያን ካታራክት ተስፋይ ተክለማሪያም፥ እተን ትካላት ኣብዚ ዓመት ኣብ ዝተፈላለዩ ከባቢታት እቲ ክልል ዝተዋደደ ሕክምና ምግፋፍ ሞራ ዓይኒ ይሃባ ከምዘለዋ ተዛሪቦም። ብመሰረት እዚ ኣብ ዞባ ደቡብ እቲ ክልል ሆስፒታል ለምለም ካርል ማይጨው ዛጊድ ካብ ኹሎም ክፋላት ማሕበረሰብ ንዝተውፃእፅኡ ልዕሊ 800 ሕሙማት ኣገልግሎት ከምዝተውሃቦም ኢዜአ ፀብፂቡ።
ቁጠባ
ጉጅለ ሓለፍቲ ስራሕ ላዕለዎት መንግስቲ ፌዴራል አብ ዞባ ደቡብ ወሎ ተረኪቦም ዝተኸወኑ ስርሓቲ ልምዓት ተመልኪቶም
Mar 18, 2024 10
አዲስ አበባ፤ መጋቢት 9/2016(ኢዜአ)፦ብሚኒስትር አገልግሎት ኮሚኒኬሽን ምንግስቲ ዶክተር ለገሰ ቱሉ ዝተመርሓ ጉጅለ ሓለፍቲ ስራሕ ላዕለዎት መንግስቲ ፌዴራል አብ ዞባ ደቡብ ወሎ ተረኪቦም ዝተኸወኑ ስርሓቲ ልምዓት ተመልኪቱ። መንግስቲ ብመሰረት ዘቐመጦ ትልሚ አብ መላእ ሀገር ዝተወገኑ ልምዓታትን ስርሓቲ ሰናይ ምምሕዳርን ንዝተሳለጡ ልምዓታት ብላዕለዎት ሓለፍቲ ስራሕ ይራአዩ አለዉ።
ሕድሳት ውዕሊ ኣገልግሎት ቆፃሪ ኤሌክትሪክ ክሳብ 30 ሰነ 2016 ዓ.ም ተናዊሑ
Mar 18, 2024 7
ኣዲስ ኣበባ/ መጋቢት/9/ 2016 /ኢዜአ/ኣገለግሎት ኤሌክትሪክ ኢትዮጵያ ንቐፃሊ ሓሙሽተ ዓማውቲ ዘገልግል ሕድሳት ውዕሊ ኣገልግሎት ቆፃሪ ኤሌክትሪክ ክሳብ 30 ሰነ 2016 ዓ.ም ከምዘናውሐ ኣፍሊጡ። ዳይሬክተር ኮሙኒኬሽን ኮርፖሬት እቲ ትካል መላኩ ታዬ፥ እቲ ሕድሳት ውዕሊ ቀፃሪ ካብ ዝወስዱ ሓሙሽተ ዓመታት ዝሞልኦም ዓማዊል ጥራሕ ዝጥምት ኢዩ ኢሎም። ኣብ እዋን ሕድሳት ምንም ዓይነት ክፍሊት ከምዘየድሊ ገሊፆም ። ስለዝኾነ ዓማዊል ኣብ ከባቢኦም ናብ ዝርከብ ጭንፈር ብምኻያድ ሕድሳት ንክገብሩ ኣተሓሳሲቦም።
ሳይንስን ቴክኖሎጅን
መፅሓፍ “የመደመር ትውልድ”ብመልክዕ ትረኻ፣ ፊልምን ካልኦት ኣማራፅታትን ንኣድመፅቲን ተመልከትቲን ክቐርብ ኢዩ
Mar 14, 2024 19
ኣዲስ ኣበባ/ መጋቢት/5/ 2016 /ኢዜአ/ብቐዳማይ ሚኒስተር ኣቢይ ኣሕመድ(ዶ/ር) ዝተፅሓፈ መፅሓፍ “የመደመር ትውልድ” ብመልክዕ ትረኻ፣ ፊልምን ካልኦት ኣማራፅታትን ንኣድመፅቲን ተመልከትቲን ክቐርብ ኢዩ። ኮርፖሬት ኣዲስ ዋልታ ሚዲያን ኮሙኒኬሽን “የመደመር ትውልድ” ትረኻን ካልኦት ፓኬጃትን ሎሚ መዓልቲ ኣመሪቑ። ኣብቲ መርሃ ግብሪ ሚኒስትር ደኤታ ሚኒስቴር ቱሪዝም ሌንሳ መኮንን፣ ዋና ዳይሬክተር ኢኒስቲትዩት ጉዳይ ወፃኢ ጃፋር በድሩ፣ ዋና ኣፈፃሚ ስራሕ ኮርፖሬት ኣዲስ ዋልታ ሚዲያን ኮሙኒኬሽን መሃመድ ሃሰን፣ ኣርቲስታተን ሰብ ሙያ መራኸብቲ ሓፋሽን ተረኺቦም። ጎኒ ንጎኒ እቲ መርሃ ግብሪ፥ ፅንሰ ሓሳብ፣ ሃገራዊ ረብሓ፣ ስራሕ ቀፃሊ ትውልዲ ዝጠመተ ዘተ ተሳሊጡ። እቲ መፅሓፍ ትውልዲ ምህናፅ ሕድሪ ኩሉ ዜጋ ዝጠመተ ከምዝኾነ አብቲ ስነስርዓት ተገሊፁ። ስለዝኾነ ነዚ ንምስራፅ መራኸብቲ ሓፋሽ ሓላፍነት ከምዘለወን ኣገንዚቡ ክብል ኢዜአ ፀብፂቡ።
መድረኻት ̍ኣዲስ ወግን̍ተመሳሰልቲ መድረኻትን ስምብራታት ኢትዮጵያ ንምፅጋን ዝሕግዙ እዮም-ዶክተር ለገሰ ቱሉ
Feb 27, 2024 69
ኣዲስ ኣበባ/ለካቲት/ 19/ 2016 (ኢዜኣ) መድረኻት ̍ኣዲስ ወግን̍ተመሳሰልቲ መድረኻትን ስምብራታት ኢትዮጵያ ንምፅጋን ስለዝሕግዙ ተጠናኺሮም ክቕፅሉ ይግባእ ክብሉ ሚኒስትር ኣገልግሎት ኮሚዩኒኬሽን መንግስቲ ዶክተር ለገሰ ቱሉ ገሊፆም። ንተኸታተልቲ 5 ዓመታት ክካየዱ ዝፀንሑ መድረኻት ̍ኣዲስ ወግ̍ዝሰነደ መፅሓፍ ተመሪቑ ንንባብ ከምዝበቕዐ ዝዝከር እዩ። ምዝዛም መድረኽ ̍ኣዲስ ወግ̍ ስዒቡ እውን ̍ቅኝት̍ዝተብሃለ ካሊእ ሃገራዊ መድረኽ ብቤት ፅሕፈት ቀዳማይ ሚኒስትር ከምዝቕፅል ተገሊፁ። ሚኒስትር ኣገልግሎት ኮሚዩኒኬሽን መንግስቲ ዶክተር ለገሰ ቱሉ፤ ን5 ዓመታት ኣብ ዝተገበሩ መድረኽ ዘተታት ̍ኣዲስ ወግ̍ ዝተልዓሉ ሓሳባት ምኽንያታዊ ማሕበረሰብ ንምህናፅ ዓብይ እጃም ከምዝነበሮም ገሊፆም። ኣብቶም መድረኻት፤ ኣብ ዘየረዳድኡ ዛዕባታት ኣብ ምርድዳእ ንምብፃሕ ዝተፈተነሉ ከምዝነበረ ብምዝኽኻር ትኹረት መንግስቲ ዝሰሓቡ ብርክት ዝበሉ ጠቐምቲ ሓሳባት ዝቐረቡሎም ከምዝነበሩ እውን ፀሪሖም። ኣብ ኢትጵያ ፖለቲካዊ፣ማሕበራውን ኢኮኖሚያውን ስምብራታት ስለዘለው መንግስቲ እቶም ስምብራታት ንምፅጋን ልዑል ፃዕሪ እናገበረ ከምዝርከብ ኣረዲኦም። ስለዝኾነ እውን መድረኻት ̍ኣዲስ ወግን̍ተመሳሰልቲ መድረኻትን ስምብራታት ኢትዮጵያ ንምፅጋን ዝግበር ፃዕሪ ዝሕግዙ ስለዝኾኑ ተጠናኺሮም ክቕፅሉ ይግባእ ኢሎም።
ስፖርት
ልዕሊ 15 ሺሕ ደቂ ኣንስትዮ ዝተሳተፋሉ ውድድር ጉያ 5 ኪሎ ሜትሮ ተሳለጡ
Mar 17, 2024 18
ኣዲስ ኣበባ/ መጋቢት/8/ 2016 /ኢዜአ/ልዕሊ 15 ሺሕ ደቂ ኣንስትዮ ዝተሳተፋሉ መበል 21 ዙር ውድድር ጉያ 5 ኪሎ ሜትሮ ቐዳምነት ንደቂ ኣንስትዮ ኣብ ኣዲስ ኣበባ ተኻይዱ። እቲ ውድድር ጉያ÷ “ዓቕሚ ደቂ ኣንስትዮ ንሓግዝ ለውጢ ነቀላጥፍ” ብዝብል መሪሕ ሓሳብ ኢዩ ተሳሊጡ፡፡ ኣብቲ ውድድር÷ ጉታኒ ሻንቆ 1ይቲ፣ ብርነሽ ደሴ 2ይቲን መቅደስ ሽመልስ 3ይቲ ብምውፃእ ዛዚመን፡፡ ኣብቲ ውድድር÷ ኣትሌታት፣ ናይ ጥዕና ጎየይቲ ከምኡ እውን ኣምባሳደራት ተሳቲፎም፡፡ ን1ይ ደረጃ 70 ሺሕ ብር፣ 2ይ ደረጃ 45 ሺሕ ብር ከምኡ እውን ንሳልሳይ ደረጃ 30 ሺሕ ብር ሽልማት ገንዘብ ከምዝተሰናደአ እውን ተገሊፁ፡፡
ኣብ ግራንድ ኣፍሪካን ራን ንዝሳተፉ ኣትሌታት ሽልማት መኪና ተሰናዲኡ
Mar 13, 2024 22
ኣዲስ ኣበባ/ መጋቢት/4/ 2016 /ኢዜአ/ኣብ ኣሜሪካ ዋሽንገተን ዲሲ ኣብ ዝካድ ’ግራንድ ኣፍሪካን ራን’ ንዝሳተፉ ኣትሌታት ሽልማት መኪና ከምዝተሰናደአ ተገሊፁ፡፡ ግራንድ ኣፍሪካን ራን በቢዓመቱ ጥቅምቲ ምስ ኣተወ ኣብ ካልአይቲ ቀዳም ኣብ ከተማ ዋሺንግተን ዲሲ ዝካየድ ዉድድር ጉያ 5 ኪሎ ሜትሮ ኢዩ። ኣብዚ ውድድር ንዝሳተፉ ኣብ ኣሜሪካ ዝዓበየ መከፋፈሊ ቶዮታ መኪና ዝኾነ ኣሌክሳንደሪያ ቶዮታ ኣብቲ ውድድር ንዝሳተፉ ሰባት ሽልማት መኪና ከምዘሰናደአ ዕላዊ ገይሩ። ብኣሽሓት ዝቑፀሩ ሰባት ዝሳተፉሉ እቲ ዉድድር ካብ ዝቕፅል ወርሒ ግንቦት ጀሚሩ ምዝገባ ከምዝካየድ ኣሰናዳእቲ ዕላዊ ገይሮም። ኣብቲ ውድድር ቅድም ክብል ደራርቱ ቱሉ፣ ቀነኒሳ በቀለ፣ ጥሩነሽ ዲባባ፣ ገንዘቤ ዲባባ፣ ስለሺ ስህን፣ ሚሊዮን ወልዴ፣ በላይነህ ዴንሳሞ፣ ፋጡማ ሮባ፣ ብርሃኔ ኣደሬ፣ ቁጥሬ ዱለቻን ካልኦት ውሩያት ኣትሌታትን ተሳቲፎምሉ ፀኒሖም ፡፡
ኣብ ውድድር ሓመሳ ማይ ኣርባዕተ ሚኢታዊ ናፃ ቐዘፋ ኢትዮጵያ መበል 4ይ ደረጃ ሒዛ ዛዚማ
Mar 13, 2024 17
አዲስ አበባ/መጋቢት /4/2016/ኢዜአ/ ኣብ መበል 13 ፀወታታት መላእ ኣፍሪካ ኣብ ዘፈር ደቂ ኣንስትዮ ኣብ ዝተገበረ ውድድር ሓመሳ ማይ ኣርባዕተ ሚኢታዊ ናፃ ቐዘፋ ኢትዮጵያ መበል 4ይ ደረጃ ብምሓዝ ዛዚማ። ግብፂ ኣብቲ ርሕቐት ኽብረወሰን እቲ ሻምፒዮና ብምምሕያሽ ወርቂ ሜዳልያ እንትትረክብ፤ ኣልጄሪያን ዙምባቡዌን ተዓወትቲ ብሪን ነሓስን ሜዳልያ ኾይነን። ኣብቲ ውድድር ኢትዮጵያ ብትሽዓተ ዓይነታት ስፖርት ከምትሳተፍ መረዳእታ ሚኒስቴር ባህልን ስፖርትን የመላኽት። መበል 13 ፀወታ መለእ ኣፍሪካ ኣብ ጋና ኣክራ እናተኻየደ ይርከብ። ኣብዚ ፀወታ 54 ሃገራት ኣፍሪካ ብ29 ዓይነታት ስፖርት ይወዳደራ አለዋ።
ዝተኸተልኩዎ ሜላ ጉያን ሓገዝ ኣስልጣኒን ንዓወት ኣብቂዑኒ – ኣትሌት ፅጌ ዱጉማ
Mar 11, 2024 29
ኣዲስ ኣበባ/ መጋቢት/2/ 2016 /ኢዜአ/”ኣብቲ ውድድር ዝተኸተልኩዎ ሜላ ጉያን ሓገዝ ኣስልጣኒን ንዓወት ኣብቂዑኒ” ክትብል ኣብ ግላስጎ ውድድር ሻምፒዮና ውሽጢ ገዛ ዓለም ብ800 ሜትሮ ሜዳሊያ ወርቂ ዝተዓወተት ኣትሌት ፅጌ ዱጉማ ገሊፃ። እታ ኣትሌት ምስ ፋና ብሮድካስቲንግ ኮርፖሬት ኣብ ዝገበረቶ ፃንሒት÷ ካብ ክልል ቤኒሻንጉል ጉሙዝ መበገሲ ዝገበረ ናይ ኣትሌቲክስ ህይወታ ናብ ማእኸል መሰልጠኒ ጥሩነሽ ቀፂሉ ድማ ናብ ጋንታ ብምምራሕ ብ200 ሜትሮ እናጎየየት ከምዝነበረት ትዛረብ፡፡ ካብዚ ብምቕፃል ናብ ባንኪ ንግዲ ኢትዮጵያ ዝተዛወረት እታ ኣትሌት÷ ብ200 ሜትሮ ኣብ ሻምፒዮና ውሽጢ ሃገር ከምዝተዓወተት ገሊፃ፡፡ ፀገም ዓቕሚ ከምዘይብላን ጉልበት ከምዘለዋን እትገልፅ ኣትሌት ፅጌ÷ ካብ 200 ሜትሮ ንላዕሊ ኣብ 800 ሜትሮ ናይ ምውድዳር ድሌት ምርኣያ ስዒቡ ብፍቓድ ኣሰልጠንታ በቲ ርሕቐት ምውድዳር ከምዝጀመረት ኣብሪሃ፡፡ ኣብ ዝሓለፈ ዓመት ኣብ ቤልጂም ዝተኻደ ሻምፒዮና ዓለም ብ800 ሜትሮ መለክዒ ኣትሌቲክስ ዓለም ዝኾነ ሚኒማ ከምዘምፀአትን ካልአይቲ ሰብ ብምዃን ናብ ስኮትላንድ ግላስጎ ከምዘምረሐት ገሊፃ፡፡ ኣትሌት ፅጌ ኣብ ግላስጎው ውድድር ውሽጢ ገዛ ዓለም ብኬንያውያን ኣትሌታት ብርቱዕ ንሕንሕ ከምዝገጠማ ኣልዒላ፡፡ ይኹን እምበር እቲ ውድድር ብሰዓት ብምክፍፋል ዝተጠቐመቶ ሜላ ጉያ ንኽትዕወት ከምዝሓገዛ ኣብሪሃ፡፡ ብምዕዋታ ሕጉስቲ ከምዝኾነት ዝገለፀት ኣትሌት ፅጌ÷ ኣብ ቀፃሊ በዚ ርሕቐት ኣብ ዝተፈላለዩ ሻምፒዮናታት ዓለም ብምስታፍ ሰንደቕ ዕላማ ሃገራ ክብ ክተብል ከምትደሊ ተዛሪባ፡፡
ሓለዋ ኸበቢ
ኣብ ኣፍሪካ ዘፈር ውልቀ ኣብ ሓምለዋይ ኢንቨስትመንታት ትኹረት ንኽገብር ፃውዒት ቀሪቡ
Mar 13, 2024 21
ኣዲስ ኣበባ/ መጋቢት/4/ 2016 /ኢዜአ/ጉባኤ ለውጢ ከባብያዊ አየር ኣፍሪካ ዘፈር ውልቀ ኣብ ሓምለዋይ ኢንቨስትመንታት ትኹረት ንኽገብር ፃውዒት ኣቕሪቡ። 6ይ ጉባኤ ለውጢ ከባብያዊ አየር ኣፍሪካ ኣብ ሩዋንዳ ኪጋሊ እናተኻደ እንትኸውን፥ ዘፈር ውልቀ ኣብ ሓምለዋይ ኢንቨስትመንታት ምጥቃም ኣብ ዝኽእለሉ ኩነታት ትኹረት ከምዝገበረ ተሓቢሩ። እቲ ጉባኤ ብብርኪ ዓለም ዘይምርግጋእ ፋይናንስ ዘፈር ውልቀ ለውጢ ከባብያዊ አየር ምፅዋር ዝኽእሉ ስትራቴጂታት ንምድንፋዕ ሓምለዋይ ኢንቨስትመንታት ንኸጠናኽር ኣተሓሳሲቡ። ሚኒስትር ሓለዋ ከባቢ ሩዋንዳ ክላውዲን ኡዌራ ከምዝበሉዎ፥ ዓለም ለኸ ማሕለኻታት ፋይናንስ ምፍታሕን ለውጢ ከባብያዊ አየር ዘብፀሖ ፅዕንቶ ንምፍታሕ መሰል ኢንቨስትመንታት ከጠናኽር ከምዝግባእ ገሊፆም፡፡ ንለውጢ ከባብያዊ አየር ዝተላመዱ ስትራቴጂታት ምስ ሰፊሕ ሃገራዊ ፖሊሲታትን ትልምታትን ምውዳድ ኣድላዪ ከምዝኾነ ኣብሪሆም፡፡ እቲ ጉባኤ ኣብ ሞንጎ ቀረብን ድሌትን ፋይናንስ ለውጢ ኣየር ዘሎ ኣፈላላይ ንምምዕርራይ ምትሕብባርን ሓበራዊ ፃዕሪታትን ንኽገብሩ ዘኽእል ከምዝኾነ ተገሊፁ።
ኣብ ኣውሮፓ ብሰንኪ ለውጢ ከባብያዊ አየር ካብቲ ሓዚ ዘለዎ ሓደጋ ዝባአሰ ከጋጥም ከምዝእል ማዕኸናት ዜና ዓለም አጋዊሓን
Mar 11, 2024 27
ኣዲስ ኣበባ/ መጋቢት/2/ 2016 /ኢዜአ/ኣብ ኣውሮፓ ብሰንኪ ለውጢ ከባብያዊ አየር ዝባአሰ ከጋጥም ከምዝኸእል ማዕኸናት ዜና ዓለም አጋዊሓን። ኤጀንሲ ሓለዋ ከባቢ ኣውሮፓ ኣብ ዘውፀኦ ፀብፃብ፥ ብፍላይ ኣብ ደቡባዊ ኣውሮፓ ዝርከቡ ከባቢታት ንሓደጋ ዝተቓልዑ ከምዝኾኑ ኣፍሊጡ። ባርዕ ሓዊ፣ ሕፅረት ማይን ኣብ ፍሪያት ሕርሻ ዝበፅሕ ፅዕንቶን ዘጠቓለለ ሓደጋ ከምዝኾነ እውን ገሊፁ። ካብ መንጎ እቶም ሓደጋታት ብዙሓት ቅድም ክብል ኣብ ከቢድ ደረጃ ዝበፅሑ ከምዝኾኑ ብምግላፅ፥ ህፁፅ ስጉምቲ እንተዘይተወሲዱ ጉድኣቱ ክጋደድ ይኽእል ኢዩ ከምዝተብሃለ ሲጂቲኤን ፀብፂቡ።
ኣብ ናይ ሎሚ ዘመነ ኸረምቲ 6 ነጥቢ 5 ቢሊየን ፈልሲታት ንምትካል ተተሊሙ ምድላዋት ይፃፈፉ አለዉ -ሚኒስቴር ሕርሻ
Mar 5, 2024 37
ኣዲስ ኣበባ/የካቲት/26/ 2016 /ኢዜአ/ኣብ መርሃ ግብሪ ሓምለዋይ ኣሰር እዋን ክረምቲ 2016 ዓ.ም ኣብ 6 ነጥቢ 5 ቢሊየን ፈልሲታት ንምትካል ተተሊሙ ምድላው ይፃፈፉ ከምዘለዉ ሚኒስቴር ሕርሻ ኣፍሊጡ። መርሃ ግብሪ ሓምለዋይ ኣሰር ንምዕዋት ስራሕቲ ቅድመ ምድላው እናተወገነ ከምዝኮነ አብቲ ሚኒስቴር መሪሕ ፈፃሚ ስራሕ ሓለዋ ልምዓት ሃፍቲ ተፈጥሮን ኣጠቓቕማን ኣይተ ፋኖሴ መኮንን ገሊፆም፡፡ ካብ ሞንጎ እቶም 6 ነጥቢ 5 ቢሊየን ፈልሲታት 60 ሚኢታዊ ዝኸውን ኩለመዳይ ረብሓ ዘለዎም ፍረምረታት ከምዝኾኑ ተሓቢሩ፡፡
ኣብ ትግራይ ን20 መዓልቲ ዝፀንሕ ነፃ ወፍሪ ዕቀባ ሓመድን ማይን ሎሚ መዓልቲ ተጀሚሩ
Feb 12, 2024 104
ኣዲስ ኣበባ/ የካቲት/4/ 2016 /ኢዜአ/ኣብ ትግራይ ብብርኪ ክልል ን20 መዓልቲ ዝፀንሕ ነፃ ወፍሪ ዕቀባ ሓመድን ማይን ሎሚ መዓልቲ ተጀሚሩ። እቲ ሎሚ መዓልቲ ኣብ ዝተፈላለያ ዞባታት ተጀሚሩ ዘሎ ወፍሪ ዕቀባ ሓመድን ማይን፥ “ወፍሪ ዕቀባ ሓመድን ማይን ንዘላቒ ቁጠባዊ ውሕስናና!” ብዝብል መሪሕ ሓሳብ ከምዝካየድ ተገሊፁ። ኣብ ዞባ ምብራቕ ትግራይ ኣብ ዝተጀመረ ወፍሪ ዕቀባ ሓመድን ማይን፥ ላዕለዎት ኣካላት ኣመራርሓ ጊዚያዊ ምምሕዳር ክልልን ዞባን ኣብ ዝተረኸብሉ ኣብ ወረዳ ፅራእ ወንበርታ ጣብያ ቂሐን ብዕሊ ተጀሚሩ። ሓላፊ ቢሮ ሕርሻን ሃፍቲ ተፈጥሮን ግዚያዊ ምምሕዳር ክልል ትግራይ እያሱ ኣብርሃ(ዶ/ር)፥ ብሰንኪ ዝነበረ ኲናት ንልዕሊ ሰለስተ ዓመት ተቋሪፁ ከምዝፀንሐ ኣብሪሆም። እቲ ዕቀባ ሓመድን ማይን፥ ኣብ ዝቕፅሉ ኣዋርሕ ጠሊ ካብ ዝናብ ኣኸዛ ንምዕቃብን በዚ ኣቢልካ ቀልጢፎም ዝባፅሑ ዘርኢ ንምዝራእን ልምዓት መስኖ ንምቕፃልን ከምዝሕግዝ ገሊፆም። ብተወሳኺ ሕፅረት ቀለብን ማይን እንስሳ ኣብ ምፍታሕ ልዑል ግደ ከምዘለዎ ተዛሪቦም። ካብዚ ሓሊፉ ብሰንኪ ኵናት ዝተሃስየ ምሕዋይ ሃፍቲ ተፈጥሮ ዳግማይ ሕውየት ብምክያድ ድርቂ ዝፃወር ሕርሻ ንምፍጣር ሓጋዚ ኢዩ ኢሎም። ኣብቲ ወፍሪ ኣስታት 780 ሺሕ ህዝቢ ብምስታፍ፥ ልዕሊ 53 ሺሕ ሄክታር መሬት ዕቀባ ሓመድን ማይን ከምዝካየደሉ ኣብ ቤት ፅሕፈት ጉዳያት ኮሚኒኬሽን እቲ ግዚያዊ ምምሕዳር ዝረኸብናዮ ሓበሬታ የረድእ።
ዓለም ለኸዊ ዜናታት
ኣብ ሩሲያ ኣብ ዝተሳለጠ ፕሬዚዳንታዊ ምርጫ ፑቲን ተዓዊቶም
Mar 18, 2024 7
ኣዲስ ኣበባ/ መጋቢት/9/ 2016 /ኢዜአ/ኣብ ሩሲያ ንዝሓለፉ ሰለስተ መዓልታት ኣብ ዝተሳለጠ ፕሬዚዳንታዊ ምርጫ ወዲ 71 ዕድመ ቭላዲሚር ፑቲን ንቐፀልቲ 6 ዓመታት ንሩስያ ክመርሑ ዘኽእሎም ድምፂ ረኺቦም። ማእኸላይ ኮሚሽን ምርጫ እታ ሃገር ከምዝገለፆ፥ ፕሬዚዳንት ፑቲን ልዕሊ 87 ሚኢታዊ ደምፂ ብምርካብ ተዓዊቶም። ፕሬዚዳንት ፑቲን ኣብቲ ዝተሳለጠ ምርጫ ልዑል ንሕንሕ ከምዘየጋጠሞም እውን ተገሊፁ። ብመሰረት እዚ እቶም ፕሬዚዳንት ካብ 1999 ዓ.ም ፈረንጂ ጀሚሮም ነታ ሃገር ዝመርሑ እንትኾኑ፥ ኣብ ታሪክ 200 ዓመታት ንነዊሕ እዋን ንሩሲያ ናይ ምምራሕ ዕድል ዝረኸቡ መራሒ ከምዝኾኑ ኣርቲ ፀብፂቡ።
ኣብ ዝቕፅል ዓመት ንዝካየድ መረፃ ላዕለዋይ አመራርሓ ኮሚሽን ሕብረት ኣፍሪካ ዝጠመተ መበል 22 ፍሉይ ኣኼባ ቤት ምኽሪ ፈፀምቲ ሕብረት ኣፍሪካ ተኻይዱ
Mar 16, 2024 12
ኣዲስ ኣበባ /መጋቢት/7/ 2016 /ኢዜአ/መበል 22 ፍሉይ ኣኼባ ቤት ምኽሪ ፈፀምቲ ሕብረት ኣፍሪካ ኣብ ኣዲስ ኣበባ ተኻይዱ። እቲ ፍሉይ ኣኼባ ኣብ ዝቕፅል ዓመት ንዝካየድ መረፃ ላዕለዋይ አመራርሓ ኮሚሽን ሕብረት ኣፍሪካ ምድላው ኣመልኪቱ ዝቐረበ ፀብፃብ ተመልኪቱ። ሚኒስትር ጉዳያት ወፃኢ ሞሪታንያ ኣካቢ እቲ ቤት ምኽሪ ፈፃሚ ስራሕን መሃመድ ሳሌም ኦሉድ (ዶ/ር) ኣብቲ መድረኽ ከምዝበሉዎ÷ መረፃ ላዕለዋይ ኣመራርሓ እቲ ኮሚሽን ኣፍሪካ ኣብ ሰላምን ድሕንነትን ከምኡ እውን ዓለም ለኸ ፅዕንቶ ኣብ ምፍጣር ዝህልዋ ግደ ዘደንፍዕ ክኸውን ይግባእ። ሚኒስትር ጉዳያት ወፃኢ ፌዴሪኢ ኣምባሳደር ታዬ ኣፅቀስላሴ÷ እቲ መረፃ ተኣማንነት እቲ ሕብረት ብምሕላው ዝተቐመጡ መምርሒታትን ደምቢታትን ብምኽባር ንአቀማምጣ ላዕለዎት ኣመራርሓ እቲ ኮሚሽን ምክያዱ ምርግጋፅ ኣድላይ ከምዝኾነ ምግንዛቦም ሓበሬታ ሚኒስቴር ጉዳያት ወፃኢ ዝረኸብናዮ ሓበሬታ የረድእ።
ወታደራት ኔቶ ኣብ ዩክሬን ዝዋፈሩ እንተኾይኖም ዝተሓላለኸ ኩነታት ክስዕብ ከምዝኽእል ሩሲያ ኣጠንቂቓ
Feb 28, 2024 56
ኣዲስ ኣበባ/የካቲት/20/ 2016 /ኢዜአ/ወታደራት ቃል ኪዳን ጦር ሰሜን ኣትላንቲክ (ኔቶ) ኣብ ዩክሬን ዝዋፈሩ እንተኾይኖም ዓለም ዝተሓላለኸ ኩነታት ክስዕብ ከምዝኽእል ሩሲያ ኣጠንቂቓ። ሩሲያ እዚ ዝበለት ፕሬዚዳንት ፈረንሳይ ኢማኑኤል ማክሮን ኣብ ፓሪስ ኣብ ዝተኻየደ ኣኼባ ሕብረት ኣውሮፓ ኔቶ ኣብ ዩክሬን እግረኛ ወታደራዊ ሓይሉ ከዋፍር ከምዝኽእል ምግላፆም ስዒቡ ኢዩ፡፡ ካብዚ ብምብጋስ ምክትል ኣፈ ጉባኤ ቤት ምኽሪ ፌዴሬሽን ሩሲያ ኮንስታንቲን ኮሳቼቭ ኣብ ዝሃቡዎ ምላሽ÷ ኔቶ ወታደራዊ ሓይሉ ኣብ ዩክሬን ዝዋፈር እንተኾይኑ ኣብ ልዕሊ ሞስኮ ቀጥታ ኲናት ከም ምእዋጅ ይቑፀር ኢሎም፡፡ እዚ ናይ ኔቶ ሓሳብ ተግባራዊ ዝኸውን እንተኾይኑ ኣዚዩ ዝተሓላለኸ ዝተሓላለኸ ኩነታት ክፍጠር ከምዝኽእል ብምግንዛብ፤ ትልሚ ኔቶ ክሬምሊን ብሱቕታ ኣይትሓልፎን እውን ኢሎም፡፡ መራሕቲ ኣውሮፓ ንሩሲያ ንምውጋእ ወታደራቶም ናብ ዩክሬን ንምልኣኽ ዝኾነ ይኹን ትልሚ ከመዘይብሎም ዝተገለፀ ይኹን እምበር ፍሉይ ሓይሊታት ምዕራባውያን ምስ ጦር ዩክሬን እናሰርሑ ከምዝኾኑ ሩሲያ ምግላፃ ቢቢሲ ፀብፂቡ፡፡
ፎረም ጉዳያት ፍልሰት ሚኒስትራት ምብራቕ ኣፍሪካ ኣብ ኣዲስ ኣበባ ይካየድ ኣሎ
Feb 26, 2024 51
ኣዲስ ኣበባ /የካቲት/18/ 2016 /ኢዜአ/ሓምሻይ ዞባዊ ፎረም ጉዳያት ፍልሰት ሚኒስትራት ምብራቕ ኣፍሪካን ሃገራት ቀርኒ ኣፍሪካን ኣብ ኣዲስ ኣበባ ይካየድ ኣሎ። ኣብቲ መርሃ-ግብሪ ኢትዮጵያ ሓዊሱ ዓሰርተ ኣባል ሃገራት እቲ ዞባ፣ ተወከልቲ ዓለም ለኸ ትካል ፍልሰተኛታት፣ ትካል በይነ መንግስታት ምብራቕ ኣፍሪካ (ኢጋድ)ን ኣብ ውድብ ሕቡራት መንግስታት ኮሚሽን ኢኮኖሚክ ኣፍሪካን እናተሳተፉ ይርከቡ። ኣብ ሞንጎ ኣባል ሃገራት እቲ ዞባ ዝረአ ልዑል ቁፅሪ ዘለዎ መጠን ፍልሰተኛታት ንምቁፅፃር ብፖሊሲ ዝተደገፈ ምኽረ ሓሳብ ንምቕማጥ ዘኽእል መድረኽ ከምዝኾነ ተሓቢሩ። ብፍላይ ከም ኢትዮጵያ ዝበላ ሃገራት ሰፊሕ ቁፅሪ ፍልሰተኛታት ዘለወንን መመሓላለፊ ዝኾና ሃገራት፤ ኣብቲ ዓውዲ ሜላታት ምሕደራ ዝምልከት ልውውጥ ልምዲ ብምግባር ብሓባር ንምስራሕ ዘኽእሉ ኣንፈታት ከምዝቕመጡ ተገሊፁ። ካብ ሎሚ ዕለት ጀሚሩ ንኣርባዕተ መዓልቲታት ኣብ ዝዘልቕ መድረኽ ዘተ÷ ኢትዮጵያ ሓዊሱ ተወከልቲ ሶማሊያ፣ ሱዳን፣ ደቡብ ሱዳን፣ ኡጋንዳ፣ ሩዋንዳ፣ ታንዛኒያ፣ ብሩንዲ፣ ኤርትራን ጅቡቲን እናተሳተፉ እዮም።
ሓተታ
ሰላም፣ ምትሕግጋዝን ሓድነትን ዘሓዘለ - መልእክት ሰናይ
Jul 20, 2023 922
ሓምለዋይ አሰር ፈልሲ ምትካል ጥራሕ ዘይኮነስ ሰላም፣ ፍቕርን ሓድነትን ‘ውን ‘ ምትካል ዩ - መልእክቲ ሰናይ ኣብ ክልል ትግራይ ዞባ ምብራቕ ወረዳ ፅርኣ ወንበርታ ጣብያ ሚካኤል ኣምባ፣ ላዕለዎት ሓለፍቲ መንግስቲ ፌዴራልን መራሕቲ ግዝያዊ ምምሕዳር እቲ ክልልን ምስ ሕብረተሰብ እቲ ከባቢ መደብ ኣብ ሓንቲ ፀሓይ ሓሙሽተ ሚኢቲ ሚሊዮን ፈልሲ ምትካል 10 ሓምለ 2015 ዓ.ም ኣካይዶም። ኣብቲ መደብ ዝተሳተፉ ኣፈ- ጉባኤ ባይቶ ወከልቲ ህዝቢ ኣይተ ታገሰ ጫፎ ከምዝገለፅዎ፤ ብ መደብ ሓምለዋይ ኣሰር ኣቢልና ዝተኸልናዮ ፈልሲ ጥራሕ ዘይኮነስ ሰላም፣ ምትሕግጋዝን ሓድነትን ዘንፀባርቕ ‘ውን ‘ዩ ኢሎም። ድሕሪ ስምምዕነት ሰላም ሰበ-ስልጣን ፌደራል መሪሖም ንኻልኣይ ግዜ ናብ ትግራይ ከምዝኸዱ ዘዘኻኸሩ እቶም ኣፈጉባኤ፤ ሓምለዋይ አሰር ምንባር ሓደ ዓብይ ልእኩቶ ሃገር እዩ በቲ ካልእ ገፅ ድማ ስምምዕነት ሰላም ንምሕያል፣ ሰላምን ፍቕርን ንምጥንኻር ‘ውን ክቡር ስራሕ እዩ ክብሉ ተዛሪቦም። ሰላም ኣብ ምቕፃል ዓቢዪ ፃዕሪ ጌርና ኢና። ብምዃኑ ‘ውን ብዙሕ ለውጥታት ተረኺቦም ‘ዮም። ውፅኢቱ መላእ ህዝቢ ትግራይ ይርድኦ ‘ዩ ኢለ ‘የ ዝኣምን ክብሉ ተዛሪቦም። ሰላምና፣ ፍቕርናን ሓድነትናን ንምጥንኻር ፀገማትና ብዘተ ክንፈትሕ ይግባእ ዝበሉ ኣይተ ታገሰ፤ ብዘተ እንተኸይድና ክፍትሑ ዘይክእሉ ፀገማት የለዉን። ድማ ነዚዝኸውን ባህልን ልምድን ኣለና ‘ዩ። እቲ ዝተረኽበ ሰላም ብልምዓት ብምድጋፍ ክነጠናኸሮ ይግባእ ዝበሉ እቶም ኣፈጉባኤ፤ ህዝቢ ትግራይ ኣብ ምሕላውን ምንክብኻብን ሃፍቲ ተፈጥሮ ብዙሕ ስራሕ ብምስራሕ ንኻልኦት ፍልጠትን ተሞክሮን ዘካፈለ ህዝቢ ‘ዩ፤ ኣብዚ ጉዳይ እዚ ንቀፃሊ ሓቢርና ክንሰርሕ ኢና ኢሎም። ፕረዚዳንት ግዝያዊ ምምሕዳር ክልል ትግራይ ኣይተ ጌታቸው ረዳ ብወገኖም፤ ዝተረኸበ ሰላም ብዝበለፀ ንምርግጋፅ እናሰራሕና ኣብ ልምዓት ክልልና ‘ውን ኣበርቲዕና ክንሰርሕ ኢና ክብሉ ገሊፆም። ሰላምን ልምዓትን ንምጥንኻር ኣብ ዝግበር ፃዕሪ ምስ ፌደራል መንግስቲ ብምትሕብባር ክንሰርሕ ኢና ዝበሉ ኣይተ ጌታቸው፤ ኣብዚ ብፍላይ ህዝቢ ትግራይ ኣብ ዝስርሑ ስራሕቲ ልምዓትን ሰላምን ዝያዳ ክሳተፍ ፃውዒት ኣቕሪቦም። ኣብቲ ክልል ዘይተሰርሑ ብዙሓት ፕሮጀክትታት ስለዘለዉ ህዝቢ ዓቕሙ ብዝፈቐዶ መንገዲ ንዕውትነት ስራሕቲ ልምዓት ክረባረብ ይግባእ። ነዚ ድማ ካብ ፌደራልን ካልኦት ኣካላትን ብዝግበር ሓገዝ ኣዋሃሂድና ክንሰርሕ ኢና ኢሎም። ህዝቢ ትግራይ ኣብ ሓለዋ ሃፍቲ ተፈጥሮ ሞዴል ‘ዩ። ሕዚ ድማ ካብቲ ዝነበረ ኩናት ወፂኡ ናብ ሰላም ተመሊሱ ኣብ ልምዓታዊ ስራሕቲ ይሳተፍ ምህላዉ ዘሐጉስ ‘ዩ ኢሎም። ሚኒስትር ዲኤታ ሚኒስቴር ሕርሻ ፕሮፌሰር እያሱ ኤልያስ ብግዲኦም፤ እዚ ክልል ኣብ ዝሓለፉ ዓመታት ብሰንኪ ኩናት ኣብ መደባት ሓምለዋይ አሰር ዘይተሳተፈ ‘ኳ እንተነበረ ሕዚ ግን ናብ ልምዓት ይምለስ ምህላዉ ዘተባብዕን ዘሕጉስን ‘ዩ ኢሎም። ኣብዚ ሓቢርና ፈልሲ ምትካልና መግለፂ ምትሕግጋዝናን ፍቕርናን ‘ዩ ዝበሉ ፕሮፌሰር እያሱ፤ እቲ ሚኒስቴር ንህዝቢ ትግራይ ኣብ ልምዓት ንምሕጋዝ ድልዊ ከምዝኾነ ገሊፆም። ምትሕግጋዝ ተጣናኺሩ ክቕፅል ‘ዩ። ብፍላይ ኣብ ምንክብኻብን ሓለዋን ሃፍቲ ተፈጥሮ ኣበርቲዕና ክንሰርሕ ኢና ክብሉ እቶም ሚኒስትር ዲኤታ ወሲኾም ገሊፆም። ኣብ ዝተፈላለዩ ከባቢታት ዝርከቡ ዝተቓልዑ ቦታታት ብፈልሲ ክሽፈኑ ይግባእ ዝበሉ ፕሮፌሰር ኢያሱ፤ ኣብ ከምዚ ዝበለ ልምዓት ሓቢርና ብዝተጠናኸረ መልክዑ ክንሰርሕ ይግባእ ኢሎም። ሕድርን ፍቅርን ሰላምን ሓድነትን ዝሰነቀ ረዚን መልእክቲ
ኩሉ በቢደረጅኡ ሓላፍነቱ ብምውፃእ ፀገም ህዝቢ ትግራይ ንክቃለል ክሰርሕ ትፅቢት ይግበረሉ።
Apr 20, 2023 1520
ኣብ ትግራይ ንኽልተ ዓመታት ዝተኻደ ኩናት፡፡ ማሕበራዊ ህይወት ህዝቢ አናጊዑ ‘ዩ። እቲ ኩናት ዝፈጠሮ በሰላ ብጣዕሚ ከቢድ‘ዩ። ምስቲ ኩናት ርክብ ዘይብሉ ህዝቢ’ውን ብቐጥታ ይኹን ብተዘዋዋሪ ግዳይ እቲ ሓደጋ ኮይኑ ‘ዩ።ኣብቲ ክልል ዓብዪ ስነኣእምሯዊ ማሕሰይቲ፣ጉድኣት ኣካል ፣ ምጥፋእ ሂወትን ስነ ልቦናዊ ፀገምን በፂሑ ‘ዩ።ስለዚ እዚ ኣካይዳ ትኽክል ስለዘይኮነ ዳግም ከይድገም ኩሉ ሓላፍነቱ ክዋፃእ ኣለዎ፡፡ ሰራሕተኛ መንግስቲ ኣብ ስርሑ ክውዕል፣ ሓረስታይ ኣብ ማሕረሱ ከምኡ ‘ውን ተምሃሮ ኣብ ትምህርቶም ክውዕሉ እናተገበኦም ብሰንኪ እቲ ኩናት ካብዚ ወፃኢ ክኾኑ ተገዲዶም ‘ዮም፡፡ ቅድሚ ኩሉ ኣብ ትግራይ ኾነ ብሓፈሻ ኣብ ኢትዮጵያ ሰላም ንክዓስል ብፍላይ ኣብቲ ልዑል ዕንወት ዝበፅሓ ትግራይ ናብ ንቡር ሂወት ንክትምለስ ብዝተዋደደ መልክዑ ስራሕቲ ዳግመ ህንፀት ንክጅመሩ ኣብዘድልየሉ ወሳናይ እዋን ንርከብ። ኣብዚ ድማ እቲ ዋና ብሓላፊነት ክፍፅሞ ዘለዎ መንግስቲ ጥራሕ ዘይኮነስ ኩሉ ማሕበረ ሰብ ብዝኽእሎ ዓቅሚ ካብቲ ብሰንኪ መዕነዋይ ኹናት ዝበፅሐ ብርሰትን ዕንወትን ናብ ልምዓት ንምስግጋር እኹል ትኹረት ተሳትፎን ካብ ኩሉ ዝፅበይ ዋኒን ከምዝኾነ የኣምን። ኣብ ዳግመ ህንፀትን ሕውየትን ትግራይ እቲ ቐዳምነት ዝወሃቦ ብሰንኪ እቲ ኲናት ካብ ዝተፈላለየ ከባቢ መረበቱ ሓዲጉ ዝተመዛበለ ህዝቢ ናብ መረበቱ ተመሊሱ ንቡር ናብራ ንክህልዎ ምግባር’ዩ፡፡ካሊእ ዝዓነወ፣ ዝተቓፀለን ዝተጎሓለን ገዛውቱ ከም ብሓዱሽ ምህናፅን ዝተጉሓለ ንብረቱ ዝምጥን ብዝኾነ መገዲ እንትረክብን ‘ዩ።ዝተመዛበለ ህዝቢ ትግራይ ናብ ንቡር ናብራኡ ምምላስ ኩሉ ደላይ ሰላምን ልምዓትን ዝኣምነሉን ብሃንቀውታ ዝፅበዮ ዕዮ ገዛ መንግስቲ ምዃኑ እሙን እዩ ። ተመዛበልቲ ናብ ንቡር ካብ ምምላስ ጎና ጎኒ ድማ ንዳግመ ህንፀት ዝውዕል ድጋፋት ኣድላይ ምዃኑ ርዱእ ‘ዩ። ካብ ዝተፈላለዩ ናይ ወፃኢ መንግስታትን ዓለም ለኻዊን ኣህጉራዊን ውዳበታትን ሓገዛት ንክመፅእ’ውን ትፅቢት ዝግበረሉ ኮይኑ እቲ ሓገዛትን ድጋፋትን ድማ ብትኽክል ናብቲ ዝመፅአሉ ትኽክለኛ ዕላማን ቦታን ንክውዕልን ንክበፅሕን ኣድላይ ኽትትል ብምግባር ምርግጋፅ ኣድላዪ ይኸውን። ብናይ ዳግመ ህንፀት ትግራይ ዝእከብ ሓገዝ ንብረትን ገንዘብን ናብ ትኽክለኛ መዓሉ ንክውዕል ጥንኩር ሜላታት ኣሰራርሓ እንካብ ምትእትታው ኣድላይ ‘ዩ። እዚ ብኣግባቡ ንምፍፃም ድማ እቲ ዘሎ ግዝያዊ ምምሕዳር ትግራይ ንዳግመ ህንፀት ዝዓነዉ መሰረተ ልምዓታት በቲ ዝድለ መንገዲ ተቐላጢፎም ከይህነፁ ዕንቕፋት ዝኾኑ ፀገማት ኣለልዩ ከወግዶም ከምዝግባእ ልዑል ትኹረት ተዋሂብዎም ክስርሑ ካብዘለዎም ስራሕቲ ሓደ’ዩ። ግዝያዊ ምምሕዳር ትግራይ ካብ ዝምስረት ሓፂር እዋን እኳ እንተኾነ ነዚ ተግባር ንምፍፃም ተስፋ ዝህቡ ጅማሮ ስራሕቲ ይርኣይ ኣለዉ ‘ዮም፡፡ ብፍላይ ምጅማር ዝተፈላለዩ ሚኒስትራት መንግስቲ ፌደራል ከም ሚኒስቴር ትምህርትን ጥዕናን ዝኣምሰላ ዑደት ስራሕ ኣብ ትግራይ ምክያደንን ኣብ ዝተወሰኑ ከባቢታት መባእታ ትምህርቲ ክጅመሩ ምግባርን ዝበራታታዕ ጉዳይ ‘ዩ፡፡ ኣብ ዝዓነዉ መሰረተ ልምዓታት ብፍላይ ትካላት ትምህርትን ጥዕናን ከምኡ ‘ውን ኣብ ግልጋሎት፣ ባንኪ፣ ስልኪ፣ መብራሕትን ማይን ዘለዉ መሰረታዊ ፀገማት ንምፍታሕ ብስፍሓት ኣብ ምስራሕ ልዑል መብራብ ዝሓትት ከምዝኾነ ፍሉጥ ‘ዩ። እቲ ዘሎ ፅቡቅ ጅማሮ ከምዘሎ ኮይኑ ኣብ ኩሉመዳያዊ ተበፃሕነት ቅልጣፈን ትኹረት ክወሃቦ ዘለዎ ኮይኑ፤ እቲ ቀንዲን ዝዓበየን ውራይ ዳግመ ህንፀት ክስራሕ ዘለዎ ድማ ኣብ ምልማዕ ኣእምሮ ወዲሰብ ስለዝኾነ ብቑጠባ ይኹን ብትምህርቲ ድልዱል ዜጋ ንምፍጣር ተጀሚሩ ዘሎ ስራሒቲ ተጠናኺሩ ንክቅፅል ኩሉ ዝመልከቶ ኣካል ብግዜ የለን ክሳተፍን ክዋሳእን ይግባእ። ብመሰረት እቲ ስምምዕነት ሰላም ግዝያዊ ምምሕዳር ትግራይ ተጣይሹ ናብ ስራሕ ኣቲዩ ኣሎ።ስለዝኾነ ድማ ኣብ ትግራይ ንዝስራሕ ስራሕቲ ዳግመ ህንፀትን ሕወየትን ምችው ኩነታት ስለተፈጠረ ብግዘ የለን መንፈስ ምስራሕ ግድን ይኸውን።ስለዚ በታ ዝተረኸበት ዓቕሚን ሃፍተ ገነትን ኩሉ በቢደረጅኡ ሓላፍነቱ ብምውፃእ ፀገም ህዝቢ ትግራይ ንክቃለል ክሰርሕ ግድን ይኸውን።
መንግስቲ ንሰላም ብዘለዎ ቑርፀኝነት ህዝቢ ትግራይ ዝያዳ ይርባሕ ስለዚ ሰላምና ነፅንዕ፡፡
Mar 30, 2023 1601
መንግስቲ ንሰላም ብዘለዎ ቑርፀኝነት ህዝቢ ትግራይ ዝያዳ ይርባሕ ስለዚ ሰላምና ነፅንዕ፡፡ ስምምዕነት ፕሪቶሪያ ካብ ዝፍረም ጀምሩ ኣብ ትግራይ ሰላም ዓሲሉ ኣሎ፡፡ ህዝቢ ናብ ንቡር መነባብሮኡ ኣብ ምምላስ ይርከብ፡፡ወረ ኹናት ብወረ ሰላም፤ድምፂ ጥይት ብድምፂ መዝሙር ሰላም ተተኪኡ ኣሎ፡፡እዚ ክኸውን ዝኸኣለ መንግስቲ ፌዴራል ንሰላም ብዘለዎ ቁርፀኛ ቅዋም ንቲ ስምምዕነት እናተግበሮ ብምምፃኡ'ዩ፡፡በዚ ድማ ህዝቢ ትግራይ ዝያዳ ተረባሒ እናኾነ ይርከብ፡፡ኣብዚ ሐዚ እዋን መንግስቲ ኢትዮጵያ ንህወሓት ካብ ስያመ ግብረ ራዕዲ ኣልዒሉ ንግዝያዊ ምምሕዳር ትግራይ ዝመርሕ ርእሰ ምምሕዳር መዲቡ ኣሎ፡፡ኣፈፃሚ ስራ እቲ ግዝያዊ ምምሕዳር ኣሳታፋይን ሓቋፋይን ንክኾን ንቶም ርእሰ ምምሕዳር ሓላፊነት ሂቡ ኣሎ፡፡እዚ ንሰላም ካብ ዘለዎ ቁርፀኛ ቅዋም ዝብገስን ንህዝቢ ትግራይ ተረባሒ ካብ ዘለዎ ድሌት ዝብገስ እዩ ሰላም ሕዚ ብዓብይኡ ኣብ ዝሓሸ ኩነታት 'ዩ ዘሎ፡፡ ናብ ዝተማለአ ሰላም ንምጉዓዝ ብርክት ዝበሉ ስራሕቲ ምስራሕ ዘድሊ 'ኳ እንተኾነ ብንፅፅር ከንሪኦ እንተለና ግና ኩነታት ሰላም ኣብዚ ሕዚ እዋን ኣብ ዝሓሸ ደረጃ 'ዩ ዘሎ፡፡ እቲ መርኣያ ከም ሃገር ኣብ ፕሮጀክት ‹‹ገበታ ለትውልድ›› ካብ ዝተደሓዙ ሸሞንተ ፕሮጀክትታት ሓደ ኣብ ከባቢ ገረዓልታ ዝሰርሕ ከምዝኾነ እዩ፡፡ብዚ'ውን ህዝቢ ትግራይ ተረባሒ ይኸውን፡፡እቲ ሰላም ዝያዳ እናዓሞቐን እናተፈፀመን እንትኸይድ ድማ ዝያዳ ተረባሒ ይኸውን፡፡እዚ ሐዚ ረኺቢናዪ ዘለና ሰላም ብቐሊሉ ዝመፅአ ኣይኮነን፡፡ኮይኑ ግና መንግስቲ ሰላም ምምፃእ ብጣዕሚ ኣድላዪ ከምዝኾነ ስለዝኣምን ንሰላም ሰሪሑ ኣሎ፤ይሰርሕ'ውን ኣሎ፡፡ ምኽንያቱ ሰላም ንምምፃእ ካብ ኵናት ብዘይነኣኣስ ትግሃትን ድኻምን የድሊ። ስለዚ መላእ ማሕበረሰብ ሃገርና ካብኡ ትፅቢት ዝግበር ፃዕሪ ክገብር ይግባእ፡፡ኣብዚ ሐዚ እዋን ካብ ዝኾነ ህዝቢ ንላዕሊ ህዝቢ ትግራይ ካብ ሰላም ዝያዳ ተረባሒ ስለዝኾነ እቲ ተጀሚሩ ዘሎ ሰላም ዘላቒ ንክኸውን ክሰርሕ ኣለዎ፡፡መንግስቲ ፌደራል ኣሽምባይዶ ኣብ ትግራይ ዝተጀመረ ሰላም ኣብ ካልኦት ክፋል ኢትዮጵያ ዘለው ጎንፅታት'ውን ብሰላም ንምፍታሕ ብቁርፀኝነት እናሰርሐ'ዩ፡፡ብሓፈሻ ብወገን መንግስቲ ፌደራል ኣብ መላእ ሃገር ዘላቒ ሰላም ንምዕሳል ልቢ ዓዕብዩ እናሰርሐ ይርከብ፡፡ኣብ ትግራይ ዝተጀመረ ሰላም ድማ ዝያዳ ንክዓሙቕን ዳግመ ህንፀት ትግራይ ብቕልጡፍ ተጀሚሩ ውፅኢታዊ ንክኸውን ብቑርፀኝነት እናሰርሐ ይርከብ፡፡በዚ ድማ ህዝቢ ትግራይ ዝያዳ ተረባሒ ይኸውን፡፡ስለዚ ሰላምና ነፅንዕ፡፡
ብሳላ ሰላም በዓላትና ምኽባር ጀሚርና
Jan 21, 2023 891
በዓል ጥምቀት ብዙሕ ትርጉም ሒዙ ዝኽበር በዓል እዩ። ተኸተልቲ እምነት ክርስትና ትሕትና ዝመሃሩሉ፣ ብእግዚኣብሄር ከምዝኣምኑ ዝእውጁሉ፣ ንሰሃን ድሕንነትን ዝረኽቡሉ ምልክት ኮይኑ ዘገልግል እዩ። ከም ሃገር መልክዕ ክብረ በዓል ብዙሓት ዝኾንና ኢትዮጵያውያን ሕብሪ ፈጢርና ንደምቀሉ ዕለት ብምዃኑ ዓብዩ ቦታ ሂብና ነኽብሮ በዓል እዩ። በዓል ጥምቀትን ትሕትናን ድማ ተፈላልዮም ኣይረአዩን።መላእ ህዝቢ ሃገርና በዚ መንፈስ ከኽብሮ ኣለዎ። ጥምቀት ካብ ሃይማኖታዊ ስርዓቱ ብተወሳኺ ሓድነት ህዝብታት ዘጎልብትን ህዝባዊ ምትእስሳር ዘጠናኽርን በዓል እንትኾን፤ ኣብቲ በዓል ብዙሓት ባህላዊ ክብርታት ዝንፀባረቑሉ ስለዝኾነ ሰሰናዩን ንሓድነት ህዝቢ ዝጠቕሙን ክብርታቱ ምሕላውን ምልማዕን ዘድልዮ በዓል እዩ። ኣብ በዓል ጥምቀት ብዙሓት በፃሕቲ ናብ ሃገር ዝስሕብ ብምዃኑ ድማ ኢትዮጵያ ካብቲ ዓውዲ ብዙሓት ኣታውታት ክትረክብ ዘኽእላ በዓል እንትኾን፤ ኣብዚ ሕዚ እዋን ካብ ኢትዮጵያ ሓሊፉ ዘይድህሰስ ሓድጊ ዓለም ኮይኑ ኣሎ። እዚ በዓል ኣብ መላእ ሃገር ብድምቀት ዝኽበር በዓል እዩ። ኣብ ትግራይ እውን ቅድሚ ሰለስተ ዓመት በዓል ጥምቀት ኣብ መላእ ትግራይ ብዝለዓለ ድምቀት እናተኸበረ ምፅንሑ ዝዝከር እዩ። ንዝሓለፉ ክልተ ዓመታት ግን ብሰንኪ ሕማም ኮሮናን ኵናትን ኣብ ኣደባባይ ከይተኸበረ ፀኒሑ እዩ። ናይ ሎሚ ዘበን በዓል ጥምቀት ኣብ ትግራይ ብዝተፈላለዩ ምድላዋት ብድምቀት ከምዝተኸበር ድማ ግልፂ እዩ። ምኽንያቱ ድማ እቲ ኣብ ክፋል ሰሜን ኢትዮጵያ ዝነበረ ኹናት ኣብ መንጎ መንግስቲ ኢትዮጵያን ህወሓትን ብዝተገበረ ስምምዕነት ሰላም ኲናት ጠጠው ኢሉ፤ድምፂ ተኹሲ ጠፊኡ እንሆ ድማ ንፋስ ሰላም ኣብ ትግራይ ምንፋስ ካብ ዝጅምር ልዕሊ ክልተ ወርሒ ኣቑፂሩ ። ህዝቢ እውን ሰላም ምስትምቓር ጀሚሩ ኣሎ። ህዝቢ ትግራይ ኣብ ዝሓለፉ ክልተ ዓመታት ብዝነበረ ኲናት ኣሽምባይ’ዶ ናይ ኣደባባይ በዓላት ከኽብር ኣብ ከቢድ ፀገም እዩ ኣሕሊፍዎ። ኣብ ኢኮኖሚያውን ማሕበራውን ፀገም ይነብር ምንባሩ እውን ዝፍለጥ እዩ። ሕዚ ግና ኣብ ፕሪቶሪያ ስምምዕነት ሰላም ተፈፂሙ ኲናት ጠጠው ስለዝበለ ካብ ማሕበራውን ኢኮኖሚያውን ፀገም እናወፅአ ይርከብ። መንግስቲ ብመሰረት ስምምዕነት ሰላም ሰብኣዊ ሓገዝን መድሓኒትን የቕርብ ኣሎ። ንህዝቢ መሰረታዊ ግልጋሎት ዝህባ ትካላት ከም እኒ ኢትዮ ቴሌኮም፣ግልጋሎት መብራህቲ፣ባንክታትን ጣብያታት ጥዕናን ሆስፒታላትን ዳግም ግልጋሎት ዝህባሉ ኩነታት ፈጢሩ ኣሎ። መንገዲ ኣየር ኢትዮጵያ እውን ናብ ሽረ እንዳስላሰን መቐለን በረራ ብምጅማር ስድራታት ብኣካል ንክራኸቡ ብምግባር ፀገም ህዝቢ ትግራይ ኣብ ምቅላል ይርከብ። እዚ ኹሉ ዝኾነ ስምምዕነት ሰላም ተፈሪሙ ኲናት ጠጠው ብምባሉ እዩ። እዚ ሰላም ዘላቒ ንክኸውን ድማ ኩሉ ክሰርሕ ይግባእ። ሕዚ እነኽብሮ ዘለና በዓል ጥምቀት ድማ ሰላምና ዝያዳ እነስተማቕረሉ እዩ። ኣብ ኣደባባይ ብናፅነት ወፂእና ሃይማኖታውን ባህላውን ተግባር እቲ በዓል እንፍፅመሉ ኩነታት ብምፍጣሩ ኣብ ህዝቢ ትግራይ ዓብይ ታሕጓስ ከምዝፈጥር ምርዳእ ይከኣል።ድሕሪ ስምምዕነት ሰላም ከም ሃገርን ከም ክልልን በዓል ልደት ተኸቢሩ ኣሎ። እቲ በዓል ድሕሪ ክልተ ዓመት ህዝቢ ሰላም እናስተማቐረ ዘብዐሎ በዓል ኮይኑ እንትሓልፍ በዓል ጥምቀት እውን እናኽበርና ንርከብ። ህዝቢ ትግራይ ኣብ ዝተረጋገዐ ኩነታት ኮይኑ ድሕሪ ሰለስተ ዓመት ዘኽብሮ ዘሎ ስለዝኾነ ድማ ፍሉይ ይገብሮ። ኮይኑ እውን እቲ ተረኺቡ ዘሎ ሰላም ቀፃልነት ንክህልዎ ሕዚ እውን ኩሉ ትግራዋይ ንዝረኸባ ሰላም ዋርድያ ኮይኑ ክሕልው ይግባእ። ሓድነቱን ፍቕሩን ኣጠናኺሩ ምስ መላእ ህዝብታት ኢትዮጵያ ሓደ ኮይኑ ንምዕባለ ሃገር ፀኒዑ ጠጠው ክብል ኣለዎ።
ትንታነ
ጉዑዞ ተስፋን ቅሳነትን ንክስምር
Apr 6, 2023 1590
አዲስ አበባ/ መጋቢት 28 /2015/ ኢዜአ/ ስምምዕነት ሰላም ፕሪቶሪያ ልዕሊ ሓሙሽተ ወርሒ ኣቑፂሩ ኣሎ። ኣብዘን እዋናት ብርክት ዝበሉ ኣወንታዊ ስጉምትታት ብመንግስቲ ፌደራል ተወሲዶም ‘ዮም። ሰብኣዊ ሓገዝን መድሓኒትን ብዘይዓንቀፍቀፍ ናብ ትግራይ ንክኣቱን መሰረታዊ ግልጋሎት ከም ቴሌኮም፣ ባንኪ፣ ኤሌክትሪክ፣ ጥዕና ስራሕ ንክጅምሩ ሰሪሑ ኣሎ። ብወገን ህወሓት’ውን ከቢድ ብረት ምርካብን ምጅማሩን ዕጡቓት ካብ ድፋዕ ብምርሓቕ ኣብ ዝተወሰኑ ቦታታት ንክእክቡ ገይሩ ኣሎ። እዞም ስጉምትታት ንቲ ስምምዕነት ናብ ባይታ ብምውራድ ዘላቒ ሰላም ንክመፅእ ዝሕግዙ’ዮም። ኣብ ቀረባ እዋን ድማ ግዝያዊ ምምሕዳር ትግራይ ተጣይሹ ሓድሽ ጉዕዞን ቅሳነትን ሒዙ መፂኡ ኣሎ። ብቤት ምኽሪ ተወከልቲ ራዕዳዊ ተባሂሉ ተሰይሙ ዝነበረ ህወሓት ስያሜኡ ንክለዓል ተገይሩ’ዩ። ቐፂሉ ድማ ምስ ጎንፂ ተተሓሒዙ ክሲ ተመስሪቲዎም ዝነበሩ ፖለቲካዊ አመራርሃታት ህወሓትን ከምኡ ውን ወታደራትን ክሶም ተቋሪፁ ካብ ቤት ህንፀት ወፂኦም ኣለው። እዚ ብመንግስቲ ፌደራል ዝተወሰደ ስጉምቲ ንቲ ስምምዕነት ዘለዎ ተኣማንነትን ንሰላም ዘለዎ ቁርፀኛ ቅዋምን መረጋገፂ’ዩ። ኣብዚ መድረኽ ዓብይ ተስፋ ሒዙ ክምፅእ ትፅቢት ዝግበረሉ ግዝያዊ ምምሕዳር ትግራይ ክውን ኮይኑ አሎ። ኣብ ዝሓለፈ ሰሙን ብፕረዝደንት እቲ ምምሕዳር ኣይተ ጌታቸው ረዳ ዝተመርሐ ልኡኽ ምስ ፌደራል መንግስቲ ተዛትዩ ኣሎ። ኣብ ትካላት መንግስቲ’ውን ዑደት ኣካይዱ ኣሎ። ኣብቲ ዘተ ፅቡቕ ምርድዳእ ከምዝነበረ’ውን ተገሊፁ ኣሎ። እቲ ልኡኽ ካብቲ ዘተን ዑደትን ዝረኸቦ ሓሳብን ተሞክሮን ሒዙ ኣብ ፖለቲካዊን፣ኢኮኖሚያዊን ማሕበራዊን ሕወየት ትግራይ ዓብይ ስራሕ ንክሰርሕ ትፅቢት ይግበረሉ። እቲ ግዝያዊ ምምሕዳር ኣብዚ መድረክ ሓዱሽ ምዕራፍ ብዘይ ፖለቲካዊ ኣፈላላይ ኣብ ትግራይ ዘሎ ኩሉ ዓቕሚ ኣዋዲዱ ኣብ ዳግመ ህንፀት ትግራይ ብምንጣፍ ኢኮኖሚ እቲ ክልል ናብ ዝነበሮ ምንቅስቓስ ክመለስ ትፅቢት ይግበረሉ ። ቅድሚ ሐዚ ንንግድን ኢንቨስትመንት ዓጋቲ ዝነበሩ ኣሰራርሓታትን ኣወሃህባ ግልጋሎትን ብምምሕያሽን ብምቕያርን ሰብ ሃፍቲን ነጋዶን ንቲ ማሕበረሰብ ብዘይጎድእ መገዲ ብዘይ ዓንቀፍቀፍ ንክነግዱን ንክሰርሑን ፤ ንቲ መንእሰይ ድማ ዕድል ስራሕ ንክፈጥሩን ክገብር ኣለዎ። ኣብ ማሕበራዊ ሕወየት ‘ውን ጥዕናን ትምህርትን ሓዊሱ ኣብ ስነ ልቦና ዝተፈጠረ ፀቕጢ ንክሓዊ ኣበርቲዑ ክሰርሕ ይግባእ። ተምሃሮ ናብ ትምህርቶም፣ ሓረስቶት ናብ ሕርሽኦም፣ሰራሕተኛ መንግስትን ውልቀን ናብ ቤት ዕዮኡ፣ነጋዳይ ናብ ንግዱ ኮታስ ኩሉ ህዝቢ ናብ ንቡር ስራሑ ንክምለስ ዘኽእል ፋይናንሳዊን ምቹው ባይታን ንክፈጥር ምስ መንግስቲ ፌደራል ተዋዲዲ ንክሰርሕ ትፅቢት ይግበርሉ። ጉዑዞ ሰላምን ቅሳነትን ንክሰምር።
መድረኽ ሓዱሽ ምዕራፍ ንጠቐመሉ
Feb 11, 2023 952
እዚ ታሪኻዊ ኣጋጣሚ ኣብ ትግራይ ብዙሕ ሓሳባትን ውድባትን ናብ መሪሕነት ዝመፅእሉ ኩነታት ይፈጥር ኣሎ፡፡ ኣብ ትግራይ ዝነበረ ሓደ ውድብን ኣተሓሳስባን እናተረፈ ብዙሓት ሓሳባትን ውድባትን ኣብ ትግራይ ዝንቀሳቐሳሉን ኣብ ፖለቲካ ትግራይ እጃሞም ዘወፍይሉን ታሪኻዊ ምዕራፍ ተፈጢሩ ኣሎ፡፡ እቲ ምዕራፍ ኣብ ፖለቲካ ምህዳር ትግራይ ምዝዛም ወናንነት ሓደ ሓሳብን ውድብን እንትኾን ብካሊእ መዳይ ድማ መባእታ ተሳትፎ ብዙሓት ሓሳባትን ውድባትን እዩ፡፡ እዚ ዕድል ዋላ ድሕሪ ብዙሕ ዕንወትን ኺሳራን ብታሪኽ ኣጋጣሚ ድሕሪ ኣርብዓን ሸሞንተን ዓመታት ዝተረኸበ ይኹን ብዝግባእ ምጥቃም ግድን ይኸውን፡፡ እዚ ታሪኻዊ ምዕራፍ ኣብቲ ስምምዕነት ሰላም ፕሪቶሪያ ናይ ስግግር ስጉምትታት ኣብ ዝብል ዓንቀፅ ዓሰርተ( 1) መሰረት ብመረፃ ቦርድ ኢትዮጵያ ኣቢሉ ቤት ምኽሪ ክልልን ፌደራልን መረፃ ክሳብ ዝግበር፣ ብኽልቲኦም ወገናት ብዝግበር ምይይጥ፣ ንኹሉ ዝሓቖፈ ክልላዊ ስግግር መንግስቲ ክጣየሽ እዩ ብዝብል ድንጋገ ዝተረኸበ እዩ፡፡ በዚ ዓንቀፅ ድንጋገ መሰረት ኣብ ትግራይ ክልላዊ መሰጋገሪ መንግስቲ ጋህዲ ክኸውን እዩ፡፡ እዚ ዕድል ከይባኽን ግና ብዝግባእ ምጥቃም ኣድላይ እዩ፡፡ ህወሓት ኮነ ካልኦት ፖለቲካዊ ሓይልታት ትግራይ ብኣውርኡ ድማ ህዝቢ ትግራይ እዚ ተረኺቡ ዘሎ ፅቡቕ ዕድል ብዝግባእ ክጥቀሙሉ ግድን ይኸውን፡፡በዚ ድማ ኣብ ትግራይ ሰብኣውን ዴሞክራሲያውን መሰላት ህዝብታት ብዝግባእ ዝኽበሩሉ፣ህዝቢ ትግራይ ተረባሒ ሰላምን ልምዓትን ዝኾነሉ ዕድል ምስፋሕ ይከኣል፡፡ እዚ ውፅኢት ስምምዕነት ሰላም ዝኾነ ሓዱሽ ምዕራፍ ኣብ ትግራይ ስርዓት ብዙሓት ሓሳባትን ውድባትን ንክህልው ብምግባር ዴሞክራሲያዊ ምህዳር እቲ ክልል ክሰፍሕ ዝገብር እዩ፡፡ ስለዚ እዚ ሓዱሽ መድረኽን ናይ ስግግር ምዕራፍን ብዝግባእ ምጥቃም ድማ የድሊ፡፡ ኣብ ትግራይ ኣብ ዝምስረት መሰጋገሪ መንግስቲ ኩሉ ዝሓቖፈ ንክኸውን ኣብቲ ስምምዕነት ብግልፂ ተቐሚጡ ኣሎ፡፡ እዚ ማለት ኣብ ትግራይ ዓብላሊ ድምፂ ክህልዎ ዝግባእ ፖለቲካ ውድብ የለን፤ ወይ ክህሉ ኣይግባእን ማለት እዩ፡፡ ኩሉም ሓሳባትን ውድባትን መዐቀኒኦም ረብሓ ህዝቢ ትግራይ ኣብ ምምላእ ዘለዎም ዓቕምን ፍልጠትን እዩ፡፡ ዘለናዮ ምዕራፍ ድማ ድምር ዓቕምን ፍልጠትን ኣድላይ ዝኾነሉ ምዕራፍ እዩ፡፡ በዚ መሰረት ንዝሓለፉ ኣርብዓን ሸሞንተን ዓመታት ኣብ ትግራይ ዝነበረ ናይ ሓደ ውድብ ሓሳብን ፕሮግራምን ናብ ብዙሓት ሓሳባትን ውድባትን ዝሳገረሉ ሓዱሽ ምዕራፍ እዩ፡፡ ዝተፈላለዩ ብዙሓት ሓሳባት ዘለዎም ውድባት ኮነ ውልቀ ሰባት ዝሳተፉሉ ስለዝኸውን ኣብ ትግራይ መሰረታዊ ለውጢ ንምምፃእ ሰረት ዘንብር ብምዃኑ እቲ ከይዲ ዕውት ንክኸውን ምስራሕን ብዝግባእ ምጥቃምን ግድን ይኸውን፡፡ ድሕሪ ሕዚ ኣብ ትግራይ ብናይ ሓደ ውድብ ሓሳብን ፕሮግራምን ዝውነን ስርዓት ክህሉ የብሉን፡፡ እዚ ሓሳብን ፕሮግራምን ንዝሓለፉ ሓምሳ ዓመታት ተራእዩ ኣሎ፡፡ ድኽመትን ጥንካረኡን እውን ህዝቢ ፈሊጥዎ ኣሎ፡፡ ስለዚ ኣብዚ ሓድሽ ምዕራፍ ስግግር ንትግራይን ንህዝቢ ትግራይን ካብዚ ኣትይዎ ዘሎ ፀገም ዘውፅእ ምችው ኩነታት ንምፍጣር ኩሎም ዓቕምታት ተጋሩ ምጥቃም ይግባእ፡፡ ሕዚ ኣብ ትግራይ ሰብኣውን ዴሞክራሲያውን መሰላት ወዲ ሰብ ብዝተማልአ መልክዑ ዝኽበርሉ መስርሕን ስርዓትን ንምትእትታው ዕድል ተፈጢሩ ኣሎ፡፡ ንዚ ድማ ኣብቲ ዝጣየሽ መሰጋገሪ መንግስቲ ኩሉ ሰብ ንቑሕ ተሳትፎ ክገብር ይግባእ፡፡ እዚ ምዕራፍ ንትግራይ ሓዱሽ ምዕራፍ ስለዝኾነ ክባኽን የብሉን፡፡ ኣብዚ ከይዲ ስግግር ዝተፈላለየ ሓሳብን ኣመለኻኽታን ዘለዎም ሓይልታት ንፈለማ እዋን ምስ ህወሓት ሓቢሮም ዝሰርሕሉ ኩነታት ይፍጠር ኣሎ፡፡ እዚ ድማ ባህሊ ዴሞክራሲ ትግራይ ዝልውጥን ትግራይ ልዕሊ ሓደ ውድብ ምትእንጋድ ከምትኽእል ዘረጋግፅን ስለዝኾነ ኩሎም ፖለቲካዊ ሓይልታት፣ምሁራት፣ዲያስፖራታት፣ሲቪክ ማሕበራት፣ዝተፈላለዩ ውዳበታት ብቐንዱ ድማ መላእ ህዝቢ ትግራይ እዚ ናይ ስግግር ዕድል ብዝግባእ ንምጥቃም ክረባረቡ ይግባእ፡፡
ፍሉይ ፀብፃባት
ባህግና ንክዕወት ሓቢርኩሙና ንዝፈወርኩምን ንዝደገፍኩሙናን ኩሉኹም ካብ ልበይ ዝፈልፈለ ምስጋናይ ይብፃሕኹም- ከንቲባ ኣዳነች ኣቤቤ
Mar 16, 2024 14
ኣዲስ ኣበባ/ መጋቢት/7/ 2016 /ኢዜአ/ባህግና ንክዕወት ሓቢርኩሙና ንዝፈርኩምን ንዝደገፍኩሙናን ኩሉኹም ካብ ልበይ ዝፈልፈለ ምስጋናይ ይብፃሕኹም ክብላ ከንቲባ ኣዳነች ኣቤቤ ገሊፀን። ከንቲባ ኣዳነች ኣቤቤ ኣብ ማሕበራዊ ሚዲየአን ኣብ ዘመሓላለፍኡ መልእኽቲ፥ ፃዕርና ንክሰምር ሓቢርኩሙና ንዝሰራሕኹምን ንዝደገፍኩሙናን ኩሉኹም ካብ ልበይ ዝፈልፈለ ምስጋናይ ይብፃሕኹም ኢለን። እቲ ሽልማት፥ መቐመጢኡ ኣብ እንግሊዝ ዝኾነን በቢዓመቱ ኣብ ኣፍሪካ ዝበለፀ ውፅኢት ዘመዝገቡን ኣፍሪካዊያን መራሕቲ ዝሽልም መፅሄት ሊደርሺፕ ኣፍሪካ ዘሰናድኦ ኢዩ። ነዚ ዓወት ዝብቐዓ ፈላመይቲ ጓል ተንስተይቲ ከንቲባ ኣዲስ ኣበባ ምዃነን ከምዝኾነ ኣብ ቤት ፅሕፈት ከንቲባ ዝረኸብናዮ ሓበሬታ የረድእ።
ከንቲባ ኣዳነች ኣቤቤ ሽልማት ብሉፅ መራሒ ኣፍሪካ ተዓዊተን
Mar 16, 2024 15
አዲስ አበባ/መጋቢት/7/2016/ኢዜአ/ ከንቲባ ኣዳነች ኣቤቤ ንሽልማት "ናይዚ ዓመት ብሉፅ መራሒ ኣፍሪካ" ሊደርሺፕ ኣፍሪካ ተዓዊተን እተን ከንቲባ ሽልማት ዝተበርከተለን ፈላመይቲ ጓል ኣንስተይቲ ከንቲባ ኣዲስ ኣበባ ብምዃን፣ ግዕዝይና ብምቅላስ፣ ትካላዊ ሪፎርምታት ብምትግባር፣ ሰናይ ምምሕዳር ብምዕሳል፣ ብስለት ኣመራርሓን ንነበርቲ ተጠቀምቲ ኣብ ዝገብሩ ስራሕቲ ብዘርአይኦ ውፅኢታዊ ስራሕ ምዃኑ ኣብቲ ስነ-ስርዓት ሽልማት ተገሊፁ። ነቲ ሽልማት ካብ ኢድ ነበር ፕሬዝዳንት ታንዛኒያ ዶክተር ጃካያ ኪኪዌቴ ዝተቐበላ ከንቲባ ኣዳነች ኣቤቤ ንዝተበርከተለን ሽልማት ምስጋና ኣቕሪበን። ኣብቲ "ዘይቕልበስ ኢኮኖሚ ኣፍሪካ ምህናፅ" ብዝብል ቴማ ዝተኻየደ መርሃ ግብሪ ሽልማት ትሽዓተ ፅዕንቶ ፈጠርቲ ኣፍሪካውያን መራሕቲ ተሸለምቲ ምዃኖም ተገሊፁ። መፅሄት ሊደርሺፕ ኣፍሪካ መቐመጢኡ ኣብ እንግሊዝ ሃገር ዝገበረ በቢ ዓመቱ ምሩፅ ብቕዓት ዘርአዩ ኣፍሪካውያን መራሕቲ ዝሽልም መፅሄት (African leadership magazine person of the year) ምዃኑ ካብ ቤት ፅሕፈት ከንቲባ ዝተረኸበ መረዳእታ የመላኽት።
ቀዳማይ ሚኒስትር ኣብይ ኣሕመድ (ዶ/ር) “ሽልማት ዕዉታት ትካላት ኢትዮጵያ” እንተበርክቱ ኣብ ዘመሓላለፉዎ መልእኽቲ
Mar 13, 2024 25
*ኣፍልጦ ንኽወሃቦም ዝተመረፁ ትካላት ንኽምረፁ ዝገበሮም ቐንዲ ጉዳይ ኣብ ሃገር ብዘለዎም ዓወት ጥራይ ዘይኮነስ ብብርኪ ኣህጉር ብዘለዎም ዓቕሚ ምውድዳርን ብዘመዝገብዎ ውፅኢትን 'ዩ፣ *ዓወት ዝላአም ኣይኮነን፣ ዓወት ዓባዪ 'ዩ ዝጭበጥ እውን እዩ፣ *ኣፍልጦ ዝተበርከተሎም ትካላት ካብ ምምሳስ ክሳብ ሕዚ ዝበፅሕሉ ብርኪ ንዘዐወትዎ ኣፍልጦ ንምሃብ 'ምበር ዛዚሞም ማለት ኣይኮነን፣ *ኢትዮጵያ ቅድሚ ሕዚ ስርናይ ብበዝሒ ካብ ወፃኢ ካብ ዘእትዋ ሃገራት ኣፍሪካ እታ ሓንቲ 'ያ ነይራ፣ ሎሚ ኢትዮጵያ ካብ ኣፍሪካ እታ ቐዳመይቲ ስርናይ ተፍሪ ሃገር ክትኸውን ክኢላ 'ያ፣ *መንገዲ ኣየር ሕዚ ካብ ሃገር ሓሊፉ ንኣፍሪካ በቲ ዘፈር ዘፀውዕ ዓብዪ ትካል 'ዩ፣ *ስራሕቲ ሪፎርም ብብርኪ ኣህጉር ተወዳደርቲ ትካላት ንኽፍጠሩ ኣኽኢሉ፣
ሚኒስቴር ግብርና በፕሮጀክት ስንዳይ ፣ መገዲ ኣየር ኢትዮጵያ፣ ኢትዮጵያ ቴሌኮም ፣ ትካል ግልጋሎት ፖስታ ኢትዮጵያን ፕሮጀክት ዓብዪ ግድብ ህዳሰ ኢትዮጵያን አፍልጦን ሽልማትን ረኪቦም
Mar 13, 2024 28
አዲስ አበባ/መጋቢት/4/2016/ኢዜአ/ ቀዳማይ ሚኒስትር ኣብይ ኣሕመድ(ዶ/ር) ንሓሙሽተ ትካላት ሽልማት ዕውትነት ትካላት ኢትዮጵያ ኣበርኪቶም። ስነ ስርዓት መርሃ ግብሪ ሽልማት ዕውትነት ትካላት ኢትዮጵያ ኣብ መዘከርታ ዓወት ዓድዋ ተሳሊጡ። ሚኒስቴር ግብርና በፕሮጀክት ስንዳይ ፣ መገዲ ኣየር ኢትዮጵያ፣ ኢትዮጵያ ቴሌኮም ፣ ትካል ግልጋሎት ፖስታ ኢትዮጵያን ፕሮጀክት ዓብዪ ግድብ ህዳሰ ኢትዮጵያን ተሸለምቲ እዮም። ሓለፍቲ እቶም ትካላትን ፕሮጀክትን ካብ ኢድ ቀዳማይ ሚኒስትር ሽልማት ተቐቢሎም። ቀዳማይ ሚኒስትር ኣብይ ኣሕመድ (ዶ/ር) እቶም ትካላት ብብርኪ ኣፍሪካ ዘመዝገብዎ ተወዳዳርነት ኣብ ግምት ብምእታው ኣፍለጦ ከምተውሃቦም ተዛሪቦም።
ፅሑፋት