Addis Ababa, Agda-Baxissok 17, 2016 (ENA) Leedà Parti Agda-Baxissoh Alsak 13 Ila 17 Sanat 2016 Fanah Addis Ababah Magaalal Gexisak Sugen Taama Selta Makaado Kee Fanti Makaadoh Daffeyna Baxaabaxsa Le Margaqooqi Kee Afkanitte Elle Daffeysak Tumurruqe. Partik Fanti Makaado Teyyeeqeh Tan Maybalaalaqal, Daffeynal Itiyoppiyak Siyaasaay, Maddur Kee Ayyuntiino Caagiidaay Tonnah Wakti Caagiida Kee Baad Caddol Tan Caagiidal Baar Le Walal Elle Gexsen “Diglo Qeedabaanamaay, Horah Aamanti Yalleenimi” Iyyah Yan Alhun Xayyowoak Walal Elle Gexsen. Parti Teyyeeqeh Tan Maybalaalaqa Inkih Ahak Gubal Xayyoowele:- Leedà Partik Fanti Makaadoh Daffeynah Maybalaalaqa. Leedà Partik Taama Selta Makaado Kee Fanti Makaadok Madabiino Kobox Agda Baxissoh Alsak 13 Ila 17 Sanat 2016 Fanah Addis Ababah Magaalal Gexisen. Tama Daffeynal Itiyoppiyak Siyaasaay, Maddur Kee Ayyuntiino Caagiidaay Tonnah Baad Caddibnih Caagiidal Hangi Abah Yan “Diglo Qeedabaaanamaay, Horah Aamanti Yalleenimi” Iyyah Yan Alhun Xayyoowak Walal Elle Yekke. Ni Baaxo Itiyoppiya, Baaxo Xisneh Safaral Teetit Boddeh Tan Diglo, Qeedabaanam Elle Duudan Estirateeji Fiirisak, Bar Kee Loqo Taamitaanam Faxximtam Tama Alhuunul Baar Luk Elle Daffeyeh Geytima Elle Nan Daban Adaf Le. Tama Adaf Le Dabaanal, Andafitaanam Dirki Kinni. Tama Adaf Dabaanal Meqe Gurral Edde Nintiffiqimek Qikkiibo Safar Bisoh Neh Heele. Qikkiibo/Meddemer Hadafak Tiyakteyna Kaaduku, Fooca Fanah Horah Tabta Taama Taamitaanam Aytikumussam Kinni. Baaxo Edde Xissimtam Kee Mangattinaaneh Agattiinah Inkittinaane Elle Diggowtama, Horah Tabta Taama Taamitaanam Kinni. Tahah Kaaduk, Away Edde Nan Waktih Kaxxa Silac Yakku Xiiqa. Gersi Katuk, Tama Adaf Dabanal Uma Gurrat Edde Nintiffiqimeki, Gaba Edde Tassagalle Umeenit Tamaggeeh Tonnah Uma Oytitte Baarimtaamak Ugut Abak, Baaxo Xisne Kee Mangattinaane Le Agattiinah Inkittinaane, Canka Mabla Edde Diggoowak Ceeynih Tan Buttah Fantaaxaw Akah Tamaggennah Abta. Ta Ceen Mabla Le Buttah Fantaaxaw Kaaduk, Samadal, Keddaaminnal, Diinil Dariifa Kee Tuxxiiqit Fantaaxaw Isik Diggossah Iyya Kinni. Baaxo Isinni Tuxxiiqih Taagah, Iro Naqboytiitih Tabisak Taylammeh, Isinni Maslacatah Macaltah Iyya Kinni. Tah Kinnuuk, Ta Adaf Dabaanal Tuxxiiqitte Aymagguk Tonnah Gidbaabinitte Aynukusuk Ta Adaf Takke Dagortit Yangicilleenimi Ni Partik Miraaciinu Kee Adoytiitih Abbinossa Lafa Le Abto Kinnim Ta DaffenalMargaqa Tatrusne. Horah Tabtah Tan Fantaaxawitte Baarisak, Ayyunti Fanal Tayseh Tan Baaxo Fantaaxawitte Akah Takkennah Tekkeh Tan Taamah Kusaq Tekke. Ceeyn Mabla Le Buttah Fantaaxawitte Baxaabaxsa Le Agattinaneh Fanal Sittin naqabi Akah Yankullukennah Abeenih Yanin Taama Keenik Barqteh Tanim Nabalu Xiqne. Horaak Horah Tabta Fantaaxawitte Diggoysak Mangattinaaneh Agattiinah Inkittinaane Akak Maqar Le Baaxo Xissimtuh Takkeh Tan Macalette Meqe Xalootu Akak Geytimeh Yanim Nismite. Tahak Taturak Ninni Cuggaaneey, Afrikah Gaysa Kee Baada Lih Linoh Nan Fantaaxawih Caagiida Maca Celeelam Kusaaqisne. Kilbatal Carbiik Ugut Abak Xabbocowte Sugte Ayro Korma Baaxooxa Lih Luk Sugne Angaaraw, Dumih Araca Fanah Adaaruk Geytimaamaay, Ayro Mawqa Dariifa Lih Linoh Nan Angaaraw Maqarroowak Geytimam Nabalu Xiqne. Ni Baaxok Maddur Angagoyyih Caagiida Wagittaamal Kusaq Elle Yekkeh. Konooy Takke Lafa Lafa Le Maddur Qamuuditte Axcih Buqreey, Maqaddiniiy, Turuuzimiiy, Murtissoh Industrih Langi Kee ICT Caddol Tekkeh Tan Taama Maca Celtam Xayyoosak Walal Elle Yekke. Amolladih Maddur Dadal Tatre Mizaaniyyat Liggidak Boolul 7.2 Gabah Sugtem Nuble. Buqreey, Industri Kee Ayfaf Langittel Yaakumik Ciggiilil Dadalal Kaxxa Doori Digireenim Kusaq Elle Yekke. Sanat 2016 Mizaaniyyat Liggidak Maddur Dadal Boolul 7 Ximmo 9 Gaba Akkeleemih Akkal Akak Daffeyeh Geytima. Tahim Arac Akah Xagtannah Miraaciinu Kee Adoytit Ummatta Lih Gacak Raqteh Tan Udduurah Addat Maqar Le Taama Takkem Faxximtamih Margaqa Elle Tatre.   Maaliyyah Langil Dadal Kee Gudussoooy, Buqre Kee Murtissooy, Madaaberiya Limo Kee Fixiixisiyyaay, Awqenti Tellemmooy, Maqaddin Murtiiy, Sokkar Industrih Caagiidal Baar Le Walal Elle Yekke. Fooca Fanah Diggowtam Elle Dudda Caagiidal Afak Elle Daffeye. Ni Baxo Fayya Le Caddol Milaagu Elle Baahak Geytimtah Tan Sirray Murti Kee Anxarin Raatih Taddeera, A Mizaaniyyatioh Liggidal Yayse Gurral Taama Akah Takkennah Afkan Elle Yontocowwe. Taama Saamih Giniyyih Taamoomi Diggoysak Tonnah Limo Fayya Sahhalloosak, Ummattak Mano Maysaasal Tekkeh Tan Taamah Kusaq Akak Yekkeh Yanim Kee Fooca Fanah Takkem Faxximta Taamah Caagiidal Margaqa Elle Yontocowwe. Meegga Prirojektittet Tanih Tan Adafitteh Calli Akah Abak, Gaba Akah Kaltannah Taama Tekkeh Tanim Tumbulle. Raqteh Tan Udduurah Addat Gaba Kalteemik Dooqayso Akah Takkennaay, Taqabitteh Calli Akah Abe Weenim Kaaduk Calli Akah Abak Xayih Gaba Akah Lanan Innah Afkan Elle Yontocowwe. Asqassaabe Karawwad Kaaduk Sanat 2017 Mizaaniyyat Liggidal Gaba Akah Kalannah Taama Akkuk Geytimtam Qaddowte. Maddur Dadal Ahak Bisoh Akah Gexe Wannah Adaf Elle Takkeh Taniimik Tiyakteyna Tama Ceeyn Mabla Leh Tan Buttah Fayxi Leh Tan Fantaaxawal Katasseh Tan Dariifa Booditte Kinni. Tama Booditteh Calli Abak, Leeda Safar Yayse Gurral Sissikaane Akah Tallennah Abaanam Kee Ummatta Tuxxiq Diggossam Duddah Tan Gurral Baaxok Salaam Digowtuh, Tittikiyyeh Tan Butta Lih Qimbimeh Yan Salaam Doorititte Akah Diggowtannah Afkan Elle Daffeyeh Geytima.Salaam Poletikah Gital Essero Xayyossah Tan Dagortih Salaam Giti Xiqqimma Intam Fanah Bica Akah Tallennah Abaanamaay, Isinni Hadaf Kaaduk Kookaxawat Abbinossam faxxah Tan Dagortih Kaaduk, Faxximtah Tan Madqa Dacayri Taama Maqar Le Gurral Akah Takkennah Margaqa Elle Tatrusen. Itiyoppiya Dadalak Geytimah Yan Ummatta Qadad Kee Madduuru Lih Gexam Xiiqa Baddi Afa/Furda Teetih Faxxiimam Parti Daffesseh Tan Afkanak Ugut Abak, Tekkeh Tan Taama Maca Celtam Kusaq Elle Yekke. Somalilandi Lih Yekkeh Yan Sittin Gey Gili, Itiyoppiya Dariifa Maddur Kee Qaada Fantaaxawal Leh Tan Mabla Taybullem Kinnim Tama Dafynal Baar Luk Tumbulle. Fooca Fanah Qimbimeh Yan Sittin Gey Abina Fanah Akah Tamaatennah, Kalah Tan Cuggaane Baaxooxa Lih Ossetina Baddi Furdah Doorititte Yeceenih Harigaanamih Gersitil Geytam Elle Dudda Taamal Hangi Acayuk Taama Akah Takkennah Margaqa Elle Taturte. Qaafiyat Le Baaxo Fantaaxaw Akah Yan Innah Abtam Dudda Caagiidak Tiyakteyna Agat Agaarad Arac Akah Xagtannah, Tabsi Qadli Kee Dumi Gaaduleh Aygadad Taddeera Elle Faxximta Gitittel Meqe Xalootul Arac Xagak Gaba Akah Kaltannah, Ni Parti, Doolat Miraacissa Parti Kinnuuk, Teetik Qambalsimta Taamak Awqele. Piritooriyah Sittin Geyik Geytimeh Yan Salaam Xaloot Hanaawisak, Tambulleh Tan Coocitte Kibak, Sarrimaane Le Salaama Fanah Akah Tabtannah Ni Parti Qimbisse Macal Diggoosele. Partik Adda Giclo Diggoysak, Agattiinaanel Xissimte Mangattinaane Le Mabla Diggoysak, A Dabaanih Adafitte Abuud Aynukusu Tonnah Aggadow Aymagguk, Baxaabaxsa Le Dagortik Ruuban Dirab Oytitte Meqe Gurral Koositak, Asmat Le Oyta Kulli Caddol Ummattah Acayuk, Sayber Kee Dijitalayzeshinih Yaklke Baaxo Dudda Gablusak, Konooy Takke Maddur Qamuudittel Qimbisneh Nan Dadal Gita Diggoysak, Ayyuntiino Daddoosih Taama Yaysissikeenim Kee Mexxat Akak Diggoysaanamaay, Nammay Takko Kee Mango Langih Dippilomaasih Fantaaxawittel Nuskuttube Xalootitte Baarisak, Sanat 2016 Mizaaniyyat Liggida Xaloot Luk Gaba Akah Kaltannah, Ni Partih Miraaciinuuy, Adoytiitiiy, Anaakarta Partitteey, Daddos Maglableela Kee Inkih Tan Ummatta Kenik Qambalsimtam Inkih Akah Aban Innah Leedà Parti Ahak Amal Seeco Xayyossa.