ENA - ENA Afaan Oromoo
Tamsaasa Kallatti:
Angafoota Oduu
Faayidaa fi Milkaa’ina Imala Ashaaraa Magariisaa Itoophiyaa
Nov 12, 2026 35
Itoophiyaan qormaatilee jijjiirama haala qilleensaan dhufu dandamachuuf tooftaawwan adda addaa bocuun erga hojiitti galtee oolee buleera.Itoophiyaanis Qormaatilee jijjiirama haala qilleensaa gara carraawwan gaariitti jijjiiruuf kutannoon hojjechaa jirti. Kanaafis, Sagantaan Ashaaraa Magariisaa fi tarsiimoon diinagdee magariisaa Itoophiyaan dhaloota dhufuuf naannoo qulqulluu fi jireenyaaf mijataa ta’e dhaalchisuuf tattaaffiin taasisaa jirtu ifatti kan mul’atanidha. Bu’uuruma kanaan egeree magariisaa Itoophiyaa ijaaruuf karoorfamee hojiitti galameen imalli waggoota saddeetii Itoophiyaa jijjiireera. Sagantaan Ashaaraa Magariisaa Itoophiyaa sochii biyyaalessaa Ministira Muummee Dr. Abiyyi Ahimadiin jalqabamee fi waggaa waggaan qindaa’ee hojiirra oolaa jiru , mul’ata guddaa Itoophiyaa gammoojjii ta’uu irraa baraaruu fi lafa magariisa ishee deebisanii ijaaruu of keessaa qaba. Waggoota saddeetan darban, bara 2011 irraa hanga 2018tti, Sagantaan Ashaaraa Magariisaa Itoophiyaanota biyya keessaa fi biyya alaa jiran qindeessuun seenaa milkaa’inaa ajaa'ibsiisaan galmaa’eera. Sagantaan Ashaaraa Magariisaa Ministira Muummee Dr. Abiyyi Ahimadiin jalqabame, baay’ina bosonaa yeroo kamiyyuu caalaa guddisuu fi gadi-lakkisa gaazota faalama qilleensaa hir’isuun gahee olaanaa bahateera. Biqiltuuwwan biiliyoona hedduun dhaabaman lafa qullaa ture deebisanii dandamachiisuu, bishaan lafa jalaa akka deebi’ee argamu taasisuu, manca’insa biyyee ittisuu fi lubbuu qabeeyyiin adda addaa (Biodiversity) deebi’anii akka dagaagan gochuu keessatti gahee guddaa gumaacheera. Sagantaan kun bara 2011 kan jalqabame yoo ta’u, biqiltuuwwan biiliyoona 4 ol dhaabuun bu’uura Itoophiyaa magariisa har’aa kaa’eera. Bara 2012 immoo, kaka’umsa biyyaalessaan mataduree ‘‘eeggachaa haa dhaabnu ” jedhuun biqiltuuwwan biiliyoona 5 ol dhaabamaniiru. Fedhiin hawaasni naannoo magariisaan uwwisuu irratti qabu dabalaa dhufeera. Bara 2013, dhaadannoo “Itoophiyaa Magariisa haa taasisnu” jedhuun biqiltuuwwan biiliyoona 6.8 ol dhaabamaniiru. Bara 2014 immoo, biqiltuuwwan biiliyoona 7.2 ol dhaabamaniiru. Aadaan Ashaaraa Magariisaa hawaasa keessatti bu’uura cimaa qabachaa dhufeera. Bara 2015, danbalii hawaasa bal’aa hirmaachisuun biqiltuuwwan biiliyoona 7.5 ol dhaabamaniiru. Bara 2016 immoo, mata-duree “Biyya dhaabdu, dhaloota kununsu” jedhuun biqiltuuwwan biiliyoona 7.5 ol dachee Itoophiyaa irratti dhaabamaniiru. Itoophiyaanonni bara 2017 lakkoofsa biqiltuu dhaabanii galma biyyaalessaa bira darbee, rikoordii galmee addunyaas cabsuun biqiltuuwwan biiliyoona 8 ol dhaabuun danda’ameera. Bara 2018 immoo sagantaan kun imala guddinasaa dabalee itti fufuun biqiltuuwwan biiliyoona 8.5 dhaabuun danda’ameera. Imalli Ashaaraa Magariisaa waggoota saddeetii kun injifannoo biyyaalessaa dinqisiisaa ta’ee, kutannoo Itoophiyaan jijjiirama haala qilleensaa dandamachuuf qabdu kan agarsiisuudha. Ashaaraan Magariisaa dhaala dhaloota boruuti; har’a haa dhaabnu, egeree magariisa haa taasisnu jechuun imala magariisummaa eegalte cimsitee itti fuftee jirti. kanaanis xiyyeeffannoo guddaa sadarkaa idil-Addunyaatti argatteettti. Muuxannoon kun biyyoota ollaa kanneen akka Keeniyaa, Jibuutii, Somaaliyaa, Sudaan Kibbaa fi Sudaaniif biqiltuuwwan gumaachuu fi beekumsa waljijjiiruun jijjiirama haala qilleensaa waliin dandamachuuf fakkeenya guddaa ta’eera. Gama biraatiin, Itoophiyaan gadi-lakkisa gaazota faalama qilleensaa to’achuun misooma qulqulluu fi itti fufiinsa qabu mirkaneessaa jirti. Dhiyeessiin anniisaa biyyattii guutummaatti madda anniisaa haaromfamuu danda’an irratti kan hundaa’e waan ta’eef, anniisaa qulqulluu fayyadama biyya keessaa fi biyyoota ollaa biraan ga’uun danda’ameera. Kana malees, Mootummaan konkolaattota elektirikii guutummaatti walitti qabamanii biyya alaatii galan gibira gumurukaa irraa guutummaatti bilisa gochuun, hirkatummaa boba’aa fi baasii sharafa alaa hir’isuu bira darbee qulqullina qilleensa magaalotaa eeguu keessatti gahee olaanaa bahachaa jira. Imala misooma magariisaa fi itti fufiinsa qabu kana sadarkaa idil-addunyaatti beeksisuu fi sagalee Afrikaa dhageessisuuf Itoophiyaan yaa’ii Jijjiirama haala qilleensaa31ffaa Dhaabbata Mootummoota Gamtoomanii (COP31),Turkiyyee magaalaa Antaaliyaatti gaggeeffamaa jiru irratti hirmaachaa jirti. Waltajjii guddaa kana irratti Itoophiyaan saaxilamummaa addaa Afrikaa fi biyyoota guddachaa jiranii jijjiirama qilleensaatiif qabanii fi Addunyaatti beeksisuun addunyaaf hubachiisuun gumaachaa jirti. Itoophiyaan yaa’ii Idil-addunyaa COP32 bara 2027tti gaggeeffamu keessummeessuuf biyya filatamte ta’uu isheetiin, yaa’ii kana irraa muuxannoo keessummeessummaa COP, tajaajila loojistikii idil-addunyaa, akkasumas qophiiwwan nageenyaa fi geejjibaa irratti muuxannoo barbaachisaa ta’e argachuun itti gaafatamummaa seenaa qabeessa itti aanu fudhachuun of qopheessiti. Walumaagalatti, imalli misooma walitti hidhame Itoophiyaa misooma bosonaa, sirna qonnaa itti fufinsa qabu fi teeknooloojii geejjibaa qulqulluu waliin qindeessuun, dhaloota ammaaaf boqonnaa diinagdee haaraa kennuu bira darbee addunyaa baraaruu fi ardii Afrikaaf fakkeenya ta’e, boqonnaa diinagdee itti fufiinsa qabu ijaaraa jirra. Ashaaraan Magariisaa bu’uura misooma itti fufiinsa qabuuti; Itoophiyaan har’a magariisummaa dhaloota egereef magariisaa ijaaraa jirti!
Guyyaan Saboota, Sab-lammootaa fi Ummatootaa waliigaltee biyyaalessaa cimsuf gahee olaanaa qaba
Nov 12, 2026 18
Sadaasa 3/2019 (ENA)-Guyyaan Saboota, Sab-lammootaa fi Ummatootaa Itoophiyaa waliigaltee biyyaalessaa cimsudhaan Itoophiyaa badhaate dhugoomsuuf gahee olaanaa akka qabu, Itti aanaan Afa-yaa’ii Mana Maree Federeeshinii Obbo Dastaa Leedamoo ibsan. Guyyaan Saboota, Sab-lamoota fi Ummatootaa Itoophiyaa 21ffaan mata duree “ Itoophiyaa qaroomte danomaan faayamte , mariin waaromte" jedhuun Sadaasa 29 bara 2019 Naannoo Oromiyaa Magaalaa Jimmaatti ni kabajama. Manni Mareen Federeeshinii mata dureen baranaa waadaa waloo ta’uu isaa hubachiisuun, karoora waloo fi hubannoo waloo uumuu kan dandeessisu xiinxala mata duree fi qopheeffamerratti marii tarsiimoo koomunikeeshinii qopheesseera. Itti aanaan Afa-yaa’ii Mana Maree Federeeshinii Obbo Dastaa Leedamoo wayita sana akka jedhanitti; Guyyaan Saboota, Sab-lamoota fi Ummatootaa Itoophiyaa walitti dhufeenya cimsa. Dabalataanis ijaarsa seenessa waloo biyyaalessaa Itoophiyaatti akka cimuu fi tumsaan biyya badhaate dhugoomsuuf kan dandeessisu ta’uu ibsaniiru. Ijaarsa mootummaa biyyaalessaa Itoophiyaa keessatti ummata bal’aa qooda fudhannaa olaanaarratti kan hirmaachisu ta’uu kaasanii, miidiyaaleen milkaa’ina isaatiif odeeffannoo qaqqabsiisuun gahee olaanaa akka qaban ibsaniiru. Kanaafuu, miidiyaaleen Itoophiyaa badhaateef dhugoomuuf odeeffannoorratti hundaa’uudhaan ummata biraan ga’uun gahee isaanii akka baatan gaafataniiru.
.jpg)
Ashaaraan Magariisaa Itiyoophiyaa tattaaffii eegumsa jijjiirama qilleensaa addunyaatiif gumaacha olaanaa taasisaa jira – Hayyoota
Nov 12, 2026 23
Sadaasa 03/2019 (ENA) – Sagantaan Ashaaraa Magariisaa Itiyoophiyaa qabeenya uumamaa eeguu qofa osoo hin taane, tattaaffii sadarkaa addunyaatti jijjiirama qilleensaa ittisuuf taasifamuuf gumaacha olaanaa taasisaa jiraachuu hayyoonni Yunivarsiitii Jimmaa ibsan. Itiyoophiyaan naannolee manca'an deebisanii misoomsuu fi dhiibbaa jijjiirama qilleensaa dandamachuuf bara 2011 irraa eegalee Sagantaa Ashaaraa Magariisaa biyyaalessaa hojiirra oolchaa jirti. Sagantaan kun baay’inabosonaa guddisuu, manca'insa biyyee hir'isuu fi wabii nyaataa cimsuuf gumaacha taasisaa jira. Barsiisaa fi qorataan Ikooloojii Yunivarsiitii Jimmaa doktar Xibbabuu Alamuu akka ibsanitti, sagantaan kun lafa manca'e deebisanii misoomsuu, baay’ina bosonaa babal'isuu fi balaa lolaa hir'isuu keessatti gahee olaanaa qaba. Kana malees hirmaannaa ummataa fi hariiroo hawaasaa cimsaa jira. Barsiisaa fi qorataan Kutaa Eegumsa Qabeenya uumamaa kolleejjichaa Geetinnat Sayid gama isaaniin, hojii Ashaaraa Magariisaa hojiiwwan eegumsa biyyee fi bishaanii waliin qindoominaan raawwachuun qabeenya bishaanii, misooma jallisii fi oomishtummaa qonnaa guddisuuf akka gargaaru ibsaniiru. Hayyoonni kun Itiyoophiyaan yaa'ii COP32 keessummeessuuf filatamuun ishee damee eegumsa naannoo fi misooma magariisaa irratti gahee qabdu sadarkaa idil-addunyaatti cimsuuf carraa dabalataa akka uumu hubachiisaniiru.
Sanyiin filatamaa fi teeknooloojiin wiirtuu qorannoo qonnaa Qulumsaarraa arganne oomisha keenya guddisaa jira- Qonnaan bultoota
Nov 12, 2026 23
Sadaasa 03/2019 (ENA)-Qonnaan bultoonni godina kibba bahaa Oromiyaa aanaa Heexosaa sanyiin filatamaa fi teeknooloojiin ammayyaa wiirtuu qorannoo qonnaa Qulumsaarraaargatanitti fayyadamuun oomishnii fi oomishtummaan isaanii guddachaa jiraachuu ibsan. Qonnaan bultoonni ENA’f yaada kennan Kanaan dura mala qonnaa aadaa fi sanyii fooyya’aa waan hin arganneef oomisha xiqqaa akka argatan dubbataniiru. Wiirtuu qorannoo qonnaa kanarraa deeggarsa sanyii qamadii fi garbuu fooyya’aa, teeknooloojii fi gorsa ogeeyyotaa waan argataniif bu’a qabeessa ta’uusaanii dubbataniiru. Qonnaan bulaan Bookii Dinquu, qorannoo qonnaa Qulumsaa waliin qindaa’uun hojjechuusaaniin bu’a qabeessa ta’aniiru. Sanyii qamadii filatamaa wiirtuu qorannoo kun baay’ise, haala hojmaataa fi gorsa ogummaa argachuusaaniin hojii qonnaan bu’a qabeessa akka taanu nu gargaareera jedhan. Bara oomishaa 2018/19 gorsarraa eegalee sanyii qamadii filatamaa fudhannee teeknooloojiitti fayyadamnee facaasuu keenyaan yeroo ammaa midhaan facaasan dhaabbii gaariirra jira jedhaniiru. Wiirtuu qorannoo qonnaa Qulumsaa waliin tumsaan hojjechuu keenyaan oomishnii fi oomishtummaan keenya guddatee baay’ee fayyadamaa jirra kan jedhan ammoo qonnaan bulaa Nagaash Lammaati. Sanyii filatamaa Qamadii fi Garbuu qorannoo qonnichaarraa bahan fudhannee oomisha gaarii argachaa jirra kan jedhan qonnaan bulaan kun, barana Qamadii heektaararraa kuntaala 50 ol akka abdatan eeraniiru. Wiirtuu qorannoo qonnaa Qulumsaatti qorataan midhaanii obbo Hayiluu Mangistuu gamasaaniin, wiirtuun kun sanyii qamadii fooyya’aa 100 ol qorannoon argachuun qonnaan bulaa biraan gahuusaa ibsaniiru. Keessumaa sanyiiwwan qamadii hongee fi dhukkuba dandamatan, ciidha xiqqoon yeroo gabaabaatti gahan kanneen akka Abbaayi fi Malkaa barsiisuusaanii dubbataniiru.
.jpg)
Qonna magaalaatti hirmaannee galii fooyya’aa argachuun fayyadamoo taaneerra-Qonnaan bultoota
Nov 12, 2026 35
Sadaasa 03/2019 (ENA)-Jiraattonni bulchiinsa magaalaa Adaamaatti qonna magaalaatti hirmaatan galii fooyya’aan achirraa argataniin fayyadamoo dinagdee ta’uusaanii ibsan. Jiraattonni kunneen midhaan, kuduraa boroo, saawwan aannanii, horsiisa lukkuu, kanniisa horsiisuu fi misooma muduraatiin madda galiisaanii bal’ifataniiru. Qonnaan bula Mangistuu Raggaasaa laga hawaas jallisiin fayyadamuun Qamadii, Shunkurtii fi Timaatima oomishuun galiisaanii guddifachaa akka jiran ibsaniiru. Deeggarsa teekinikaa ogeeyyiin qonnaa taasisaniifitti gargaaramuun laga Hawaas maqsanii Qamadii, Shunkurtaa fi Timaatima misoomsuun madda galiisaanii guddifachaa jiraachuu dubbataniiru. Qonnaan bulaa Shuraa Baqqalaa yaada kennaniin, jallisiitti gargaaramuun Paappaayaa oomishuu eegaluusaanii fi galii fooyya’aa argachuuf hojjechaa jiraachuu beeksisaniiru. Muduraa kana qonnaan bultoota birooo waliin ta’uun kilaastaraan misoomsaa akka jiran eeranii, bishaan jallisii fi galteewwan qonnaa sirriitti itti gargaaramuun oomishtummaasaanii guddisuuf hojjechaa jiraachuu dubbataniiru. Itti gaafatamaan waajjira qonnaa magaalaa Adaamaa obbo Alamuu Qilxuu akka jedhanitti, amma ammaatti jiraattonni kuma 30 ta’an inisheetiivota qonna magaalaa 13 irratti hirmaatanii fayyadamoo ta’aniiru. Bulchiinsi magaalichaa gaagura ammayyaa,motora bishaanii fi deeggarsa teekniikaa dheheessuun damee kana cimsaa akka jiru ibsaniiru. Walumaa gala qonni magaalaa carraa hojii uumuu fi wabii nyaataa cimsuurra darbee fayyadama dinagdee jiraattotaa guddisaa jiraachiin ibsameera.
Kan mul'ate
Faayidaa fi Milkaa’ina Imala Ashaaraa Magariisaa Itoophiyaa
Nov 12, 2026 35
Itoophiyaan qormaatilee jijjiirama haala qilleensaan dhufu dandamachuuf tooftaawwan adda addaa bocuun erga hojiitti galtee oolee buleera.Itoophiyaanis Qormaatilee jijjiirama haala qilleensaa gara carraawwan gaariitti jijjiiruuf kutannoon hojjechaa jirti. Kanaafis, Sagantaan Ashaaraa Magariisaa fi tarsiimoon diinagdee magariisaa Itoophiyaan dhaloota dhufuuf naannoo qulqulluu fi jireenyaaf mijataa ta’e dhaalchisuuf tattaaffiin taasisaa jirtu ifatti kan mul’atanidha. Bu’uuruma kanaan egeree magariisaa Itoophiyaa ijaaruuf karoorfamee hojiitti galameen imalli waggoota saddeetii Itoophiyaa jijjiireera. Sagantaan Ashaaraa Magariisaa Itoophiyaa sochii biyyaalessaa Ministira Muummee Dr. Abiyyi Ahimadiin jalqabamee fi waggaa waggaan qindaa’ee hojiirra oolaa jiru , mul’ata guddaa Itoophiyaa gammoojjii ta’uu irraa baraaruu fi lafa magariisa ishee deebisanii ijaaruu of keessaa qaba. Waggoota saddeetan darban, bara 2011 irraa hanga 2018tti, Sagantaan Ashaaraa Magariisaa Itoophiyaanota biyya keessaa fi biyya alaa jiran qindeessuun seenaa milkaa’inaa ajaa'ibsiisaan galmaa’eera. Sagantaan Ashaaraa Magariisaa Ministira Muummee Dr. Abiyyi Ahimadiin jalqabame, baay’ina bosonaa yeroo kamiyyuu caalaa guddisuu fi gadi-lakkisa gaazota faalama qilleensaa hir’isuun gahee olaanaa bahateera. Biqiltuuwwan biiliyoona hedduun dhaabaman lafa qullaa ture deebisanii dandamachiisuu, bishaan lafa jalaa akka deebi’ee argamu taasisuu, manca’insa biyyee ittisuu fi lubbuu qabeeyyiin adda addaa (Biodiversity) deebi’anii akka dagaagan gochuu keessatti gahee guddaa gumaacheera. Sagantaan kun bara 2011 kan jalqabame yoo ta’u, biqiltuuwwan biiliyoona 4 ol dhaabuun bu’uura Itoophiyaa magariisa har’aa kaa’eera. Bara 2012 immoo, kaka’umsa biyyaalessaan mataduree ‘‘eeggachaa haa dhaabnu ” jedhuun biqiltuuwwan biiliyoona 5 ol dhaabamaniiru. Fedhiin hawaasni naannoo magariisaan uwwisuu irratti qabu dabalaa dhufeera. Bara 2013, dhaadannoo “Itoophiyaa Magariisa haa taasisnu” jedhuun biqiltuuwwan biiliyoona 6.8 ol dhaabamaniiru. Bara 2014 immoo, biqiltuuwwan biiliyoona 7.2 ol dhaabamaniiru. Aadaan Ashaaraa Magariisaa hawaasa keessatti bu’uura cimaa qabachaa dhufeera. Bara 2015, danbalii hawaasa bal’aa hirmaachisuun biqiltuuwwan biiliyoona 7.5 ol dhaabamaniiru. Bara 2016 immoo, mata-duree “Biyya dhaabdu, dhaloota kununsu” jedhuun biqiltuuwwan biiliyoona 7.5 ol dachee Itoophiyaa irratti dhaabamaniiru. Itoophiyaanonni bara 2017 lakkoofsa biqiltuu dhaabanii galma biyyaalessaa bira darbee, rikoordii galmee addunyaas cabsuun biqiltuuwwan biiliyoona 8 ol dhaabuun danda’ameera. Bara 2018 immoo sagantaan kun imala guddinasaa dabalee itti fufuun biqiltuuwwan biiliyoona 8.5 dhaabuun danda’ameera. Imalli Ashaaraa Magariisaa waggoota saddeetii kun injifannoo biyyaalessaa dinqisiisaa ta’ee, kutannoo Itoophiyaan jijjiirama haala qilleensaa dandamachuuf qabdu kan agarsiisuudha. Ashaaraan Magariisaa dhaala dhaloota boruuti; har’a haa dhaabnu, egeree magariisa haa taasisnu jechuun imala magariisummaa eegalte cimsitee itti fuftee jirti. kanaanis xiyyeeffannoo guddaa sadarkaa idil-Addunyaatti argatteettti. Muuxannoon kun biyyoota ollaa kanneen akka Keeniyaa, Jibuutii, Somaaliyaa, Sudaan Kibbaa fi Sudaaniif biqiltuuwwan gumaachuu fi beekumsa waljijjiiruun jijjiirama haala qilleensaa waliin dandamachuuf fakkeenya guddaa ta’eera. Gama biraatiin, Itoophiyaan gadi-lakkisa gaazota faalama qilleensaa to’achuun misooma qulqulluu fi itti fufiinsa qabu mirkaneessaa jirti. Dhiyeessiin anniisaa biyyattii guutummaatti madda anniisaa haaromfamuu danda’an irratti kan hundaa’e waan ta’eef, anniisaa qulqulluu fayyadama biyya keessaa fi biyyoota ollaa biraan ga’uun danda’ameera. Kana malees, Mootummaan konkolaattota elektirikii guutummaatti walitti qabamanii biyya alaatii galan gibira gumurukaa irraa guutummaatti bilisa gochuun, hirkatummaa boba’aa fi baasii sharafa alaa hir’isuu bira darbee qulqullina qilleensa magaalotaa eeguu keessatti gahee olaanaa bahachaa jira. Imala misooma magariisaa fi itti fufiinsa qabu kana sadarkaa idil-addunyaatti beeksisuu fi sagalee Afrikaa dhageessisuuf Itoophiyaan yaa’ii Jijjiirama haala qilleensaa31ffaa Dhaabbata Mootummoota Gamtoomanii (COP31),Turkiyyee magaalaa Antaaliyaatti gaggeeffamaa jiru irratti hirmaachaa jirti. Waltajjii guddaa kana irratti Itoophiyaan saaxilamummaa addaa Afrikaa fi biyyoota guddachaa jiranii jijjiirama qilleensaatiif qabanii fi Addunyaatti beeksisuun addunyaaf hubachiisuun gumaachaa jirti. Itoophiyaan yaa’ii Idil-addunyaa COP32 bara 2027tti gaggeeffamu keessummeessuuf biyya filatamte ta’uu isheetiin, yaa’ii kana irraa muuxannoo keessummeessummaa COP, tajaajila loojistikii idil-addunyaa, akkasumas qophiiwwan nageenyaa fi geejjibaa irratti muuxannoo barbaachisaa ta’e argachuun itti gaafatamummaa seenaa qabeessa itti aanu fudhachuun of qopheessiti. Walumaagalatti, imalli misooma walitti hidhame Itoophiyaa misooma bosonaa, sirna qonnaa itti fufinsa qabu fi teeknooloojii geejjibaa qulqulluu waliin qindeessuun, dhaloota ammaaaf boqonnaa diinagdee haaraa kennuu bira darbee addunyaa baraaruu fi ardii Afrikaaf fakkeenya ta’e, boqonnaa diinagdee itti fufiinsa qabu ijaaraa jirra. Ashaaraan Magariisaa bu’uura misooma itti fufiinsa qabuuti; Itoophiyaan har’a magariisummaa dhaloota egereef magariisaa ijaaraa jirti!
Guyyaan Saboota, Sab-lammootaa fi Ummatootaa waliigaltee biyyaalessaa cimsuf gahee olaanaa qaba
Nov 12, 2026 18
Sadaasa 3/2019 (ENA)-Guyyaan Saboota, Sab-lammootaa fi Ummatootaa Itoophiyaa waliigaltee biyyaalessaa cimsudhaan Itoophiyaa badhaate dhugoomsuuf gahee olaanaa akka qabu, Itti aanaan Afa-yaa’ii Mana Maree Federeeshinii Obbo Dastaa Leedamoo ibsan. Guyyaan Saboota, Sab-lamoota fi Ummatootaa Itoophiyaa 21ffaan mata duree “ Itoophiyaa qaroomte danomaan faayamte , mariin waaromte" jedhuun Sadaasa 29 bara 2019 Naannoo Oromiyaa Magaalaa Jimmaatti ni kabajama. Manni Mareen Federeeshinii mata dureen baranaa waadaa waloo ta’uu isaa hubachiisuun, karoora waloo fi hubannoo waloo uumuu kan dandeessisu xiinxala mata duree fi qopheeffamerratti marii tarsiimoo koomunikeeshinii qopheesseera. Itti aanaan Afa-yaa’ii Mana Maree Federeeshinii Obbo Dastaa Leedamoo wayita sana akka jedhanitti; Guyyaan Saboota, Sab-lamoota fi Ummatootaa Itoophiyaa walitti dhufeenya cimsa. Dabalataanis ijaarsa seenessa waloo biyyaalessaa Itoophiyaatti akka cimuu fi tumsaan biyya badhaate dhugoomsuuf kan dandeessisu ta’uu ibsaniiru. Ijaarsa mootummaa biyyaalessaa Itoophiyaa keessatti ummata bal’aa qooda fudhannaa olaanaarratti kan hirmaachisu ta’uu kaasanii, miidiyaaleen milkaa’ina isaatiif odeeffannoo qaqqabsiisuun gahee olaanaa akka qaban ibsaniiru. Kanaafuu, miidiyaaleen Itoophiyaa badhaateef dhugoomuuf odeeffannoorratti hundaa’uudhaan ummata biraan ga’uun gahee isaanii akka baatan gaafataniiru.
Fayyaan waan hunda Yoo akka tasaa nama gaggabdoon qabe arginu maalgochuu qabna?
Nov 12, 2026 41
1. Sochii ykn (hurgufamuu) qaamaa humnaan dhaabuuf hin yaaliinaa. 2. Wantoota miidhuu danda'an akka sibiila, dhakaa, waan qara qaban biraa fuudhaa. 3. Uffatni morma irratti jabaatee jiru akka karabaatii ykn mi'a miidhagina mormaa fi kkf hudhuu danda’an irraa baasaa ykn itti laaffisaa. 4. Yoo danda'ame waan laafaa akka kafana dadacha'aa mataa jala kaa'aa. 5. Afaan keessa quba, fal'aana, qoricha ykn wanta biraa hin kaa'iinaa. 6. Utuu gaggabdoon hin dhaabbatiin (utuu qaamni hurgufamaa jiruu) nyaata, bishaan ykn qoricha afaaniin hin kenninaa. 7. Erga gaggabdoon ykn sochiin qaamaa dhaabbatee booda suuta cinaachaan gara bitaatti ciibsaa. 8. Amma gaggabdoon dhaabbatutti biraa hin deemiinaa. 9. Erga gaggabdoon irraa dhaabbatee ofbaruu isaa/ishee mirkaneeffadhaa, tasgabeessaa. Fayyaan Faaya Biiroo fayyaa Oromiyaa irraa
Imaammanni qabeenya umamaa kaappitaala hawwachuu fi faayidaa yeroo dheeraa uumu irratti xiyyeeffachuu qaba-- Shimallis Abdiisaa, Pirezidaantii MNO
Nov 12, 2026 42
Oromiyaan carraa misooma anniisaa fi albuudaa qabdu invastimantii hawwachuu fi bu’uura dinagdee cimsuuf carraa ta’uu danda’a. Keessumaa misoomni anniisaa ji’ootermaalii fi dameen albuudaa kaappitaala, teknoolojii fi beekumsa teeknikaa barbaadu. Kanaaf, qabeenya umamaa kana gara bu’aa dinagdeetti jijjiiruuf invastimantii dhuunfaa fi tumsa michoota misoomaa waliin hojjechuun kallattii imaammataa barbaachisaadha. Garuu qabeenya umamaa qabaachuun qofti bu’aa misoomaa hin mirkaneessu. Pirojektoonni dameewwan kana keessatti gaggeeffaman haal-duree teeknikaa, faayinaansiifi eegumsa naannoo irratti hundaa’anii qophaa’uu, akkasumas faayidaa dinagdeefi hawaasummaa isaanii madaaluu qabu. Qindoominni mootummaa fi invastarootaa, dandeettii ogummaa guddisuun, akkasumas walitti hidhamiinsa dameewwan anniisaafi albuudaa waliin indastiriifi tajaajiloota biroo cimsuun barbaachisaadha. Imaammanni qabeenya uumamaa irratti hundaa’e kaappitaala hawwachuu qofa osoo hin taane, faayidaa yeroo dheeraa uumu irratti xiyyeeffachuu qaba. Qabeenyi umamaa gara anniisaa, omisha, hojiifi galii itti fufiinsa qabuutti jijjiiramuun, dinagdee naannichaa cimsuu danda’a. Kanaaf, invastimantii dameewwan kanaa qindoomina, itti gaafatamummaafi madaallii bu’aa irratti hundeessuun barbaachisaadha. #oromiapresidentoffice202
Itiyoophiyaa fi baankiin invastimantii Infiraastiraakcharii Isiyaa marii gamlamee gaggeessan
Nov 11, 2026 119
Sadaasa 2/2019 (ENA)- Itiyoophiyaa fi baankiin invastimantii Infiraastiraakcharii Isiyaa hojiilee tumsaan hojjetan itti fufsiisuuf marii gamlamee gaggeessaniiru. Yaa’iin jijjiirama haala qilleensaa 31ffaa dhaabbata mootummoota gamtoomanii Turkiyyee Antaaliyaatti gaggeeffamaa jira. Yaa’ichi mata duree “Imala gara bara egereen, of danda’ee fi haqni keesstii mirkanaa’eetti jedhuun gaggeeffamaa jira. Ministirri dhimma alaa Itiyoophiyaa fi pirezidaantii COP32 ta’uun kan filataman Dr. Geediyoon Ximootiwoos fi ministirri maallaqaa fi mari’attuun olaanaa COP32 Dr. Fitsum Asaffaa yaa’icha cinaatti pirezidaantii baankii invastimantii infiraastiraakchariiIsiyaa(AIIB) Zoo Jayaayi waliin marii gamlamee taasisaniiru. Mariin kun hojiilee tumsaan hojjetaman itti fufsiisuuf kan akeekamedha. Ijaarsa buufata xiyyaaraa idil addunyaa Bishooftuu faayinaansiin deeggaruuf marii Kanaan dura eegalamee ture itti fufsiisuuf yeroo dheeraa waliin hojjechuu fi pirojektoota biroo bocuuf mari’ataniiru. Akkasumas COP32 Kan Itiyoophiyaan keessummeessitu ilaalchisee wal deeggaruun haala danda’amurratti mari’ataniiru.
POA English
Pulse Of Africa - English Language
Your news, current affairs and entertainment channel
Join us on
POA Arabic - عربي
Pulse Of Africa - Arabic Language
قناتكم الاخبارية و الترفيهية
Join us on
Siyaasa
Guyyaan Saboota, Sab-lammootaa fi Ummatootaa waliigaltee biyyaalessaa cimsuf gahee olaanaa qaba
Nov 12, 2026 18
Sadaasa 3/2019 (ENA)-Guyyaan Saboota, Sab-lammootaa fi Ummatootaa Itoophiyaa waliigaltee biyyaalessaa cimsudhaan Itoophiyaa badhaate dhugoomsuuf gahee olaanaa akka qabu, Itti aanaan Afa-yaa’ii Mana Maree Federeeshinii Obbo Dastaa Leedamoo ibsan. Guyyaan Saboota, Sab-lamoota fi Ummatootaa Itoophiyaa 21ffaan mata duree “ Itoophiyaa qaroomte danomaan faayamte , mariin waaromte" jedhuun Sadaasa 29 bara 2019 Naannoo Oromiyaa Magaalaa Jimmaatti ni kabajama. Manni Mareen Federeeshinii mata dureen baranaa waadaa waloo ta’uu isaa hubachiisuun, karoora waloo fi hubannoo waloo uumuu kan dandeessisu xiinxala mata duree fi qopheeffamerratti marii tarsiimoo koomunikeeshinii qopheesseera. Itti aanaan Afa-yaa’ii Mana Maree Federeeshinii Obbo Dastaa Leedamoo wayita sana akka jedhanitti; Guyyaan Saboota, Sab-lamoota fi Ummatootaa Itoophiyaa walitti dhufeenya cimsa. Dabalataanis ijaarsa seenessa waloo biyyaalessaa Itoophiyaatti akka cimuu fi tumsaan biyya badhaate dhugoomsuuf kan dandeessisu ta’uu ibsaniiru. Ijaarsa mootummaa biyyaalessaa Itoophiyaa keessatti ummata bal’aa qooda fudhannaa olaanaarratti kan hirmaachisu ta’uu kaasanii, miidiyaaleen milkaa’ina isaatiif odeeffannoo qaqqabsiisuun gahee olaanaa akka qaban ibsaniiru. Kanaafuu, miidiyaaleen Itoophiyaa badhaateef dhugoomuuf odeeffannoorratti hundaa’uudhaan ummata biraan ga’uun gahee isaanii akka baatan gaafataniiru.
.jpg)
Ida’amuun falaasama badhaadhina walii galaa Afriikaa mirkaneessuuf humna walitti hidhsme ijaaruudha- bakka bu’oonta paartilee siyaasaa Afriikaa
Nov 11, 2026 148
Sadaasa 2/2019 (ENA)- Ida’amuun falaasama badhaadhina walii galaa Afriikaa mirkaneessuuf humna walitti hidhsme ijaaruun kaayyoo waloof kaka’umsa kan uumu ta’uu bakka bu’oonni paartilaa siyaasaa Afriikaa ibsan. Yaa’iin paartilee siyaasaa Afriikaa mata duree “guddina hogganuu paartileen siyaasaa akka maandisoota carraa egeree Afriikaa” jedhuun Onkoloolessa 26 amma 28 bara 2019tti gaggeeffameera. Hirmaattonni bakka bu’oota paartii biyyoota Afriikaa ENA’tti akka himanitti, paartileen siyaasaa filannoof dorgomuurra darbee bu’a qabeessummaa cehumsa biyyaalessaaf gumaacha taasisuu qabu. Miseensi paarlaamaa Ugaandaa fi gaggeessituun paartilee siyaasaa mormitootaa duraanii A’ol Beetii Okaan, Itiyoophiyaan hirmaannaa siyaasaa dargaggootaa fi dubartootaa guddisuun daandii guddinaa dunqisiisaarrata’uushee Finfinneen agarsiiftuudha jedhaniiru. Ida’amuun Afriikaanota kaayyoo waloof kakaasu falaasama faayidaa qabu waan ta’eef falaasama kana sirriitti hubachuun hubannoo waloo guddina Afriikaa si’achiisu qabaachuu barbaachisa jedhaniiru. Paartileen siyaasaa biyyoota miseensa Ardichaa filannoof dorgomuun gamatti misooma biyyaaf hojjechuun qajeeltoo heera mootummaa kabajuun jireenyi namootaa akka fooyya’u hojjechuu akka qaban hubachiisaniiru. Falaasama ida’amuuhumna wal ta’e ijaaruu akka danda’u Itiyoophiyaarraa qooddachuun carraa egeree Ardii keenyaa murteessuuf carraaquu qabna jedhaniiru. Waajjira rejistiraarii paartilee siyaasaa Maalaawiirraa kan dhufan Eden Mizumaaraa gamasaaniin, ida’amuun falaasama kaayyoowwan misoomaa milkeessuuf tumsa dameelee cimsu ta’uu hubadheera jedhan. Falaasamichi tumsa cimsuudhaan qaxalummaa akka fiduu fi biyyoonni Afriikaa misooma dinagdee isaanii akka gaggeessan akka deeggaru ibsaniiru. Bu’urri misoomaa fi misoomni Itiyoophiyaa keessatti gaggeeffamaa jira biroon biyyoota Afriikaaf barnoota guddaa akka ta’u ibsaniiru
.jpg)
Kantiibaa Adaanech Abeebee hojii raawwachiisaa olaanaa faawundeeshinii fandii invastimantii daa’immanii Keet Hampiten waliin mari’atan
Nov 11, 2026 115
Sadaasa 2/2019 (ENA)- Kantiibaan magaalaa Finfinnee Adaanech Abeebee hojii raawwachiiftuu olaanaa faawundeeshinii fandii invastimantii daa’immanii Keet Hampiten waliin mari’ataniiru. Kantiibaa Adaanechi Abeebee ergaa fuula miidiyaa hawaasaa isaaniirratti dabarsaniin, hojii raawwachiiftuu kana waliin marii bu’a qabeessa gaggeessuusaanii ibsaniiru. Itiyoophiyaa COP32 waan qopheessituuf carraalee tumsaa, akkasumas qabiinsaa fi dhabamsiisa balfaa, sagantaa ashaaraa magariisaa, jijjiirama haala qilleensaa damdamachuu fi tumsa magaalotaa cimsuurratti mariin taasifamuu dubbataniiru. Misooma magaalaa egeree, magariisaa fi hammataa mirkaneessuuf tumsa qabnu gara bu’aa qabatamaatti jijjiiruun dhaloota har’aa fi boeuuf magaalaa fooyyoftee fi egeree ijaaruuf kutannoon ni hojjenna jedhaniiru.
.jpg)
Misoomni dinagdee damdanuu mootummaan ida’amuu fayyadama dubartootaa fi dargaggootaa mirkaneessaa jira
Nov 11, 2026 118
Sadaasa 2/2019(ENA)-Kallattiin misooma dinagdee damdanuu mootummaan ida’amuu fayyadama dinagdee fi hawaasummaa dubartootaa fi dargaggootaa mirkaneessaa jiraachuu biiroleen dubartootaa fi dhimma hawaasummaa naannoo ibsan. Mootummaan ida’amuu dirree hammataa fi hirmaachisaa fayyadama hawaasummaa fi dinagdee lammiilee uumuudhaan hojiilee misoomaa uumuun hojjechaa jira. Hojiin biyya alaa seera qabeessi mirgii fi kabajni namootaa eegamee sira hojmaataa ammayyaa guduunfaa itti qabatan diriirsuun jijjiiramni guddaan galmaa’eera. Hoggantoonni biiroo dubartootaa fi dhimma hawaasummaa naannoo ENA’tti akka himanitti, kallattiin misooma dinagdee damdanuu mootummaan ida’amuu fayyadama dinagdee fi hawaasummaa dubartootaa fi dargaggootaa mirkaneessaa jira. Bobbiin hojii biyya alaa Itiyoophiyaan uumte godaansa hammaataa fi seeraan alaa hir’isuun bu’aa jajjabeessaa argamsiisaa akka jiru dubbataniiru. Kana cinaattis ejensiiwwanii fi faddaaltota namoota bu’aa bayii olaanaaf saaxilan to’annaa jala oolchuun seeraan akka gaafataman taasifamaa jiraachuu eeraniiru. Hoggantuun biiroo dubartootaa fi dhimma hawaasummaa naannoo jiddu galeessa Itiyoophiyaa Faaxee Surmolluu akka jedhanitti,kallattiin misoomaa mootummaan ida’amuu dandeettii hojii uumuu guddisaa jira. Kunis tumsa qooda fudhattootaa guddisuun namoonni biyyasaaniitti hojjetanii akka jijjiiraman carraa uumuudhaan godaansa seeraan alaa oolchaa akka jiru dubbataniiru. Itti aantuu hogganuun biiroo dubartootaa fi dhimma hawaasummaa naannoo Beeniishaangul Gumuz Meriyem Abdurehimaan gamasaaniin, godaansi seeraan alaa miidhaa dinagdee fi hawaasummaa hamaa geessisa jedhaniiru. Mootummaan ida’amuu bobbii hojii biyya alaaf haala gaarii uumeera kan jedhan ammoo itti aantuu biiroo dubartootaa fi dhimma hawaasummaa naannoo ummattootakibba lixa Itiyoophiyaa adde Raaheel Leewaati. Haala Kanaan namoonni hojiif biyya alaa dhaqan mirgii fi kabajnisaanii eegamee sirni ammayyaa jiraachuu himaniiru.
Ministirri Muummee Doktar Abiyyi Ahimad Pirezidaantii Somaaliyaa Hasan Sheek Mahamuud waliin mariyatan
Nov 11, 2026 121
Sadaasa 2/2019 (ENA) – Ministirri Muummee Doktar Abiyyi Ahimad yaa’ii hoggantootaa COP31 cinaatti Pirezidaantii Somaaliyaa Hasan Sheek Mahamuud waliin marii gamlamee taasisaniiru. Ministirri Muummee fuula miidiyaa hawaasummaa isaaniin akka ibsanitti, marii isaanii keessatti haala nageenyaa yeroo ammaa Somaaliyaa keessa jiruufi dhimmoota naannawichaa bal’inaan irratti yaada wal jijjiiraniiru himaniira. Akkasumas, nageenyaafi tasgabbii naannichaa mirkaneessuuf marii itti fufiinsa qabuufi tumsi biyyoota naannichaa gidduutti taasifamu barbaachisaa ta’uu isaa irratti xiyyeeffachuu isaanii ibsaniiru.
.jpg)
.jpg)
Ministirri Muummee Doktar Abiyyi Ahimad Ministira Muummee Noorwey Joonas Gaar Isteer Waliin Mariyatan
Nov 11, 2026 117
Sadaasa 2/2019 (ENA)-Ministirri Muummee Doktar Abiyyi Ahimad yaa’ii hoggantootaa COP31 cinaatti Ministira Muummee Noorwey Joonas Gaar Isteer waliin marii gamlamee taasisuu isaanii ibsan. Mariin isaanii Sagantaa Ashaaraa Magariisaa irratti tumsa jiru caalaatti cimsuu, damee anniisaa haaromfamuu Itoophiyaa keessatti invastimantii jajjabeessuu, akkasumas prezidaantummaa COP32 Itoophiyaan fudhattuuf deeggarsa Noorwey taasistu cimsuun itti fufuu irratti carraawwan jiran irratti xiyyeeffateera. Ministirri Muummee fuula miidiyaa hawaasaa isaanii irratti akka ibsanitti, tumsa bal’aa biyyoota lameenii dabalatee dhimmoota yeroo ammaa, idil-addunyaa fi naannawaa irratti yaada wal-jijjiiraniiru. Kunis dameewwan tumsa qabatamaa keessatti fuulduratti tarkaanfachuufi michooma biyyoota lameenii caalaatti cimsuuf fedhii waloo biyyootni lamaan qaban kan agarsiisu ta’uu ibsaniiru.
.jpg)
Ministirri Muummee Dr. Abiyyi Ahimad Pireezidaantii Fiinlaand waliin mari'atan
Nov 11, 2026 113
Sadaasa 2/2019 (ENA)-Yaa’ii Hooggantoota COP31 cinaatti Pirezidaantii Fiinlaandi Aleksander Sitab waliin wal arguun mari'anneerra jedhan Ministirri Muummee Dr.Abiyyi Ahimad Yeroo walga’ii G20 kanaan dura taasisne irratti dhimmoota irratti marii'anne hojiirra oolchuu ilaalchisee marii taasisneerra. Dhimmoota nageenyaa fi tasgabbii addunyaa ijoo ta'an, haala jijjiirama naannoo fi fedhiiwwan waloo marii keenyaan kan ilaalline yoo ta'u; kunis deggarsa Pireezdaantii COP32 Itoophiyaan fuudhu dabalatee, dameewwan waliigalteen irra ga'ame walitti dhufeenya ittifuufiinsa qabuun caalaatti guddisuuf xiyyeeffannoo addaa kan kennineefidhajedhaniiru.
Siyaasa
Guyyaan Saboota, Sab-lammootaa fi Ummatootaa waliigaltee biyyaalessaa cimsuf gahee olaanaa qaba
Nov 12, 2026 18
Sadaasa 3/2019 (ENA)-Guyyaan Saboota, Sab-lammootaa fi Ummatootaa Itoophiyaa waliigaltee biyyaalessaa cimsudhaan Itoophiyaa badhaate dhugoomsuuf gahee olaanaa akka qabu, Itti aanaan Afa-yaa’ii Mana Maree Federeeshinii Obbo Dastaa Leedamoo ibsan. Guyyaan Saboota, Sab-lamoota fi Ummatootaa Itoophiyaa 21ffaan mata duree “ Itoophiyaa qaroomte danomaan faayamte , mariin waaromte" jedhuun Sadaasa 29 bara 2019 Naannoo Oromiyaa Magaalaa Jimmaatti ni kabajama. Manni Mareen Federeeshinii mata dureen baranaa waadaa waloo ta’uu isaa hubachiisuun, karoora waloo fi hubannoo waloo uumuu kan dandeessisu xiinxala mata duree fi qopheeffamerratti marii tarsiimoo koomunikeeshinii qopheesseera. Itti aanaan Afa-yaa’ii Mana Maree Federeeshinii Obbo Dastaa Leedamoo wayita sana akka jedhanitti; Guyyaan Saboota, Sab-lamoota fi Ummatootaa Itoophiyaa walitti dhufeenya cimsa. Dabalataanis ijaarsa seenessa waloo biyyaalessaa Itoophiyaatti akka cimuu fi tumsaan biyya badhaate dhugoomsuuf kan dandeessisu ta’uu ibsaniiru. Ijaarsa mootummaa biyyaalessaa Itoophiyaa keessatti ummata bal’aa qooda fudhannaa olaanaarratti kan hirmaachisu ta’uu kaasanii, miidiyaaleen milkaa’ina isaatiif odeeffannoo qaqqabsiisuun gahee olaanaa akka qaban ibsaniiru. Kanaafuu, miidiyaaleen Itoophiyaa badhaateef dhugoomuuf odeeffannoorratti hundaa’uudhaan ummata biraan ga’uun gahee isaanii akka baatan gaafataniiru.
Ida’amuun falaasama badhaadhina walii galaa Afriikaa mirkaneessuuf humna walitti hidhsme ijaaruudha- bakka bu’oonta paartilee siyaasaa Afriikaa
Nov 11, 2026 148
Sadaasa 2/2019 (ENA)- Ida’amuun falaasama badhaadhina walii galaa Afriikaa mirkaneessuuf humna walitti hidhsme ijaaruun kaayyoo waloof kaka’umsa kan uumu ta’uu bakka bu’oonni paartilaa siyaasaa Afriikaa ibsan. Yaa’iin paartilee siyaasaa Afriikaa mata duree “guddina hogganuu paartileen siyaasaa akka maandisoota carraa egeree Afriikaa” jedhuun Onkoloolessa 26 amma 28 bara 2019tti gaggeeffameera. Hirmaattonni bakka bu’oota paartii biyyoota Afriikaa ENA’tti akka himanitti, paartileen siyaasaa filannoof dorgomuurra darbee bu’a qabeessummaa cehumsa biyyaalessaaf gumaacha taasisuu qabu. Miseensi paarlaamaa Ugaandaa fi gaggeessituun paartilee siyaasaa mormitootaa duraanii A’ol Beetii Okaan, Itiyoophiyaan hirmaannaa siyaasaa dargaggootaa fi dubartootaa guddisuun daandii guddinaa dunqisiisaarrata’uushee Finfinneen agarsiiftuudha jedhaniiru. Ida’amuun Afriikaanota kaayyoo waloof kakaasu falaasama faayidaa qabu waan ta’eef falaasama kana sirriitti hubachuun hubannoo waloo guddina Afriikaa si’achiisu qabaachuu barbaachisa jedhaniiru. Paartileen siyaasaa biyyoota miseensa Ardichaa filannoof dorgomuun gamatti misooma biyyaaf hojjechuun qajeeltoo heera mootummaa kabajuun jireenyi namootaa akka fooyya’u hojjechuu akka qaban hubachiisaniiru. Falaasama ida’amuuhumna wal ta’e ijaaruu akka danda’u Itiyoophiyaarraa qooddachuun carraa egeree Ardii keenyaa murteessuuf carraaquu qabna jedhaniiru. Waajjira rejistiraarii paartilee siyaasaa Maalaawiirraa kan dhufan Eden Mizumaaraa gamasaaniin, ida’amuun falaasama kaayyoowwan misoomaa milkeessuuf tumsa dameelee cimsu ta’uu hubadheera jedhan. Falaasamichi tumsa cimsuudhaan qaxalummaa akka fiduu fi biyyoonni Afriikaa misooma dinagdee isaanii akka gaggeessan akka deeggaru ibsaniiru. Bu’urri misoomaa fi misoomni Itiyoophiyaa keessatti gaggeeffamaa jira biroon biyyoota Afriikaaf barnoota guddaa akka ta’u ibsaniiru
Kantiibaa Adaanech Abeebee hojii raawwachiisaa olaanaa faawundeeshinii fandii invastimantii daa’immanii Keet Hampiten waliin mari’atan
Nov 11, 2026 115
Sadaasa 2/2019 (ENA)- Kantiibaan magaalaa Finfinnee Adaanech Abeebee hojii raawwachiiftuu olaanaa faawundeeshinii fandii invastimantii daa’immanii Keet Hampiten waliin mari’ataniiru. Kantiibaa Adaanechi Abeebee ergaa fuula miidiyaa hawaasaa isaaniirratti dabarsaniin, hojii raawwachiiftuu kana waliin marii bu’a qabeessa gaggeessuusaanii ibsaniiru. Itiyoophiyaa COP32 waan qopheessituuf carraalee tumsaa, akkasumas qabiinsaa fi dhabamsiisa balfaa, sagantaa ashaaraa magariisaa, jijjiirama haala qilleensaa damdamachuu fi tumsa magaalotaa cimsuurratti mariin taasifamuu dubbataniiru. Misooma magaalaa egeree, magariisaa fi hammataa mirkaneessuuf tumsa qabnu gara bu’aa qabatamaatti jijjiiruun dhaloota har’aa fi boeuuf magaalaa fooyyoftee fi egeree ijaaruuf kutannoon ni hojjenna jedhaniiru.
Misoomni dinagdee damdanuu mootummaan ida’amuu fayyadama dubartootaa fi dargaggootaa mirkaneessaa jira
Nov 11, 2026 118
Sadaasa 2/2019(ENA)-Kallattiin misooma dinagdee damdanuu mootummaan ida’amuu fayyadama dinagdee fi hawaasummaa dubartootaa fi dargaggootaa mirkaneessaa jiraachuu biiroleen dubartootaa fi dhimma hawaasummaa naannoo ibsan. Mootummaan ida’amuu dirree hammataa fi hirmaachisaa fayyadama hawaasummaa fi dinagdee lammiilee uumuudhaan hojiilee misoomaa uumuun hojjechaa jira. Hojiin biyya alaa seera qabeessi mirgii fi kabajni namootaa eegamee sira hojmaataa ammayyaa guduunfaa itti qabatan diriirsuun jijjiiramni guddaan galmaa’eera. Hoggantoonni biiroo dubartootaa fi dhimma hawaasummaa naannoo ENA’tti akka himanitti, kallattiin misooma dinagdee damdanuu mootummaan ida’amuu fayyadama dinagdee fi hawaasummaa dubartootaa fi dargaggootaa mirkaneessaa jira. Bobbiin hojii biyya alaa Itiyoophiyaan uumte godaansa hammaataa fi seeraan alaa hir’isuun bu’aa jajjabeessaa argamsiisaa akka jiru dubbataniiru. Kana cinaattis ejensiiwwanii fi faddaaltota namoota bu’aa bayii olaanaaf saaxilan to’annaa jala oolchuun seeraan akka gaafataman taasifamaa jiraachuu eeraniiru. Hoggantuun biiroo dubartootaa fi dhimma hawaasummaa naannoo jiddu galeessa Itiyoophiyaa Faaxee Surmolluu akka jedhanitti,kallattiin misoomaa mootummaan ida’amuu dandeettii hojii uumuu guddisaa jira. Kunis tumsa qooda fudhattootaa guddisuun namoonni biyyasaaniitti hojjetanii akka jijjiiraman carraa uumuudhaan godaansa seeraan alaa oolchaa akka jiru dubbataniiru. Itti aantuu hogganuun biiroo dubartootaa fi dhimma hawaasummaa naannoo Beeniishaangul Gumuz Meriyem Abdurehimaan gamasaaniin, godaansi seeraan alaa miidhaa dinagdee fi hawaasummaa hamaa geessisa jedhaniiru. Mootummaan ida’amuu bobbii hojii biyya alaaf haala gaarii uumeera kan jedhan ammoo itti aantuu biiroo dubartootaa fi dhimma hawaasummaa naannoo ummattootakibba lixa Itiyoophiyaa adde Raaheel Leewaati. Haala Kanaan namoonni hojiif biyya alaa dhaqan mirgii fi kabajnisaanii eegamee sirni ammayyaa jiraachuu himaniiru.
Ministirri Muummee Doktar Abiyyi Ahimad Pirezidaantii Somaaliyaa Hasan Sheek Mahamuud waliin mariyatan
Nov 11, 2026 121
Sadaasa 2/2019 (ENA) – Ministirri Muummee Doktar Abiyyi Ahimad yaa’ii hoggantootaa COP31 cinaatti Pirezidaantii Somaaliyaa Hasan Sheek Mahamuud waliin marii gamlamee taasisaniiru. Ministirri Muummee fuula miidiyaa hawaasummaa isaaniin akka ibsanitti, marii isaanii keessatti haala nageenyaa yeroo ammaa Somaaliyaa keessa jiruufi dhimmoota naannawichaa bal’inaan irratti yaada wal jijjiiraniiru himaniira. Akkasumas, nageenyaafi tasgabbii naannichaa mirkaneessuuf marii itti fufiinsa qabuufi tumsi biyyoota naannichaa gidduutti taasifamu barbaachisaa ta’uu isaa irratti xiyyeeffachuu isaanii ibsaniiru.
Ministirri Muummee Doktar Abiyyi Ahimad Ministira Muummee Noorwey Joonas Gaar Isteer Waliin Mariyatan
Nov 11, 2026 117
Sadaasa 2/2019 (ENA)-Ministirri Muummee Doktar Abiyyi Ahimad yaa’ii hoggantootaa COP31 cinaatti Ministira Muummee Noorwey Joonas Gaar Isteer waliin marii gamlamee taasisuu isaanii ibsan. Mariin isaanii Sagantaa Ashaaraa Magariisaa irratti tumsa jiru caalaatti cimsuu, damee anniisaa haaromfamuu Itoophiyaa keessatti invastimantii jajjabeessuu, akkasumas prezidaantummaa COP32 Itoophiyaan fudhattuuf deeggarsa Noorwey taasistu cimsuun itti fufuu irratti carraawwan jiran irratti xiyyeeffateera. Ministirri Muummee fuula miidiyaa hawaasaa isaanii irratti akka ibsanitti, tumsa bal’aa biyyoota lameenii dabalatee dhimmoota yeroo ammaa, idil-addunyaa fi naannawaa irratti yaada wal-jijjiiraniiru. Kunis dameewwan tumsa qabatamaa keessatti fuulduratti tarkaanfachuufi michooma biyyoota lameenii caalaatti cimsuuf fedhii waloo biyyootni lamaan qaban kan agarsiisu ta’uu ibsaniiru.
Ministirri Muummee Dr. Abiyyi Ahimad Pireezidaantii Fiinlaand waliin mari'atan
Nov 11, 2026 113
Sadaasa 2/2019 (ENA)-Yaa’ii Hooggantoota COP31 cinaatti Pirezidaantii Fiinlaandi Aleksander Sitab waliin wal arguun mari'anneerra jedhan Ministirri Muummee Dr.Abiyyi Ahimad Yeroo walga’ii G20 kanaan dura taasisne irratti dhimmoota irratti marii'anne hojiirra oolchuu ilaalchisee marii taasisneerra. Dhimmoota nageenyaa fi tasgabbii addunyaa ijoo ta'an, haala jijjiirama naannoo fi fedhiiwwan waloo marii keenyaan kan ilaalline yoo ta'u; kunis deggarsa Pireezdaantii COP32 Itoophiyaan fuudhu dabalatee, dameewwan waliigalteen irra ga'ame walitti dhufeenya ittifuufiinsa qabuun caalaatti guddisuuf xiyyeeffannoo addaa kan kennineefidhajedhaniiru.
Hawaasummaa
Fayyaan waan hunda Yoo akka tasaa nama gaggabdoon qabe arginu maalgochuu qabna?
Nov 12, 2026 41
1. Sochii ykn (hurgufamuu) qaamaa humnaan dhaabuuf hin yaaliinaa. 2. Wantoota miidhuu danda'an akka sibiila, dhakaa, waan qara qaban biraa fuudhaa. 3. Uffatni morma irratti jabaatee jiru akka karabaatii ykn mi'a miidhagina mormaa fi kkf hudhuu danda’an irraa baasaa ykn itti laaffisaa. 4. Yoo danda'ame waan laafaa akka kafana dadacha'aa mataa jala kaa'aa. 5. Afaan keessa quba, fal'aana, qoricha ykn wanta biraa hin kaa'iinaa. 6. Utuu gaggabdoon hin dhaabbatiin (utuu qaamni hurgufamaa jiruu) nyaata, bishaan ykn qoricha afaaniin hin kenninaa. 7. Erga gaggabdoon ykn sochiin qaamaa dhaabbatee booda suuta cinaachaan gara bitaatti ciibsaa. 8. Amma gaggabdoon dhaabbatutti biraa hin deemiinaa. 9. Erga gaggabdoon irraa dhaabbatee ofbaruu isaa/ishee mirkaneeffadhaa, tasgabeessaa. Fayyaan Faaya Biiroo fayyaa Oromiyaa irraa
Injifannoon nageenya waaressuun argame jabaatee ittifufa
Nov 10, 2026 178
Sadaasa 1/2019(ENA)-- Godina Kibba Lixa Oromiyaatti mareen nageenya waaressuu fi olaantummaa seeraa kabachiisuurratti xiyyeeffatee Magaalaa Jimmaatti ta'ameera. Waltajjiin kun hoggansa caasaalee nageenyaa waliin kan geggeeffame yoo ta’u bu'aawwan hawaasa hirmaachisuun nageenya kabachiisuu keessatti argame xiinxaluun kallattiin hojii fuulduraa ka'ameera. Godinichatti humna nageenyaa qindeessuu fi hawaasa hirmaachisuun aggaammiiwwan diinaa fashaleessuun akka ciminaatti kan ilaalame yoo tahu nageenya godinichaa caalmaan wareessuuf ammoo tooftaawwan raawwii akeekamaniiru. Itti aanaa Bulchaa fi Ittigaafatamaan Damee Nagaafi Haqaa Godina Kibba Lixa Oromiyaa Obbo Amaan Danuu godinichatti hojii nageenyaa dagannaa malee hawaasa hirmaachisuun hojjetameen sochii farreen nageenyaaa fashaleessuun danda'ameeraa jedhaniiru. Qindoominaa fi kutannoo caasaaleen nageenyaan nagaa waaressuuf qabaniin aggaammiin diinaa fashalaa'uu kan ibsan Obbo Amaan; humni diina miidhaa lubbuuf qabeenyarraan gahuuf dhufe rukuttaa jabaan haleelameeraa jedhan. Kana keessattis shoorri hawaasni godinichaa qabu olaanaata’uu ibsaniiru. Raayyaa Ittisa Biyyaatti Ajaja Giddugala Daalolitti Ajajaa Ittaanaa fi Ajajaa Deeggarsa Waraanaa kan ta'an Meejer Jeneraal Mulaat Jalduu godinichi nagaa waaraa ittifufiinsa qabun hojiiwwan misoomaaf guddina diinagdee akka galmeessuuf caasaalee nageenyaa naannichaa waliin kan hojjetamu ta’uu ibsaniiru. Ajaja giddugala Daalolitti Ajajaa Ittaanaa fi Ajajaa Oppireeshinaalii Raayyaa Ittisa Biyyaa kan ta'an Meejer Jeneraal Abdurroo Kadir humnootni badii biyya keessaa fi alaan gurma'anii nagaa lammiileef birmadummaa biyyaa diiguuf yaadanis hin milka'anii jedhaniiru. Humna nageenyaa jabaa biyyattiin ijaarrattee fi hirmaannaa hawaasa nagaa jaallatuun nageenyi biyyaa tiksamaa jedhan. Kanaafis hawaasni caasaalee nageenyaa waliin tahuun nagaa usaa tikfachuu qabna jedhniiru. Xumura irrattis nageenya godinichaa akkaataa ittifufiinsaan waaressuun danda'amurratti kallattiin hojii nageenyaa kennameera. TK.Godinichaarra
Hojiirra oolmaan dhaabbilee fayyaa qulqulluu tajaajila yaala fooyya’aa akka argannuf nu gargaareera-jiraattota
Nov 10, 2026 254
Sadaasa 01/2019 (ENA): Hojiirra oolmaan dhaabbilee fayyaa qulqulluu tajaajila yaala fooyya’aa akka argannuf nu gargaareera jedhan jiraattonni Godina Baha Oromiyaa Aanaa Shanan Dhugoo. Aadde Warqee Damissee jiraattuu Godinichaa Aanaa Shanan Dhugoo magaalaa Masalaa keessaa kan jiraatan yoo ta’u, sochiin Dhaabbilee Fayyaa Qulqulluu taasisuu hawaasa naannichaa kan hirmaachisee fi fayyadamoo taasisaa jira jedhani. Kanaan dura dhaabbilee fayyaa keessatti hanqinni qulqullinaa fi hanqinni iddoo ciisichaa akka ture eeruun, wayita ammaa garuu haalli kuni fooyya’insa kan qabu ta’uu himaniiru. Yaada isaanii ENAf kan kennan jiraattuun aanichaa kan biraa aadde Firee Asraat akka himanitti, sochiin kun qulqullina dhaabbilee eeguu bira darbee hawaasni naannoo sana waliin qulqulleessuun dhukkuboota daddarboo irraa akka of eegu taasiseera jedhani. Ogoossonni gahaan aanichatti ramadamuun isaas rakkoo fi baasii hin malleef akka hin saaxilamne nu taasiseera jedhani. Jiraataan kan biraa yaada kennan kan biraa Abdallaa Kaliil akka himanitti, qulqullinnii fi gahumsi kenniinsa tajaajila fayyaa dhaabbilee fayyaa keessatti fooyya’uu isaatiin nutti toleera jedhani. Itti dabaluunis hojiin riifoormii tajaajila fayyaa keessatti hojjatamaa jiru rakkoo dhiyeessii qorichaa guutummaatti salphiseera jedhan. Kenniinsa tajaajila fayyaa guutuu, dhaqqabamaa fi fayyadamaa quubsaa taasisuuf Sochiin Dhaabbilee Fayyaa Qulqullina hojiirra oolaa jira jedhan Bulchaan aanaa Shanan Dhugoo obbo Muraad Ahmad. Sochiin kun bulchiinsa bishaan xuraa’aa fi balfa jajjaboo ammayyeessuun, mooraa dhaabbilee fayyaa miidhagsuu fi fayyadamaadhaaf mijataa taasisuu kan dabalatu ta’uu himaniirudha. Sirna dijitaalaa waraqaa malee diriirsuu fi kenniinsa tajaajilaa itti fufiinsaan fooyyessuuf xiyyeeffannoon hojjechaa jiraachuus ibsaniiru. Kanumaan wal qabatee sirni dijiitaalaa kun buufataalee fayyaa aanaatti argaman 7 keessaa shan keessatti guutummaatti hojiirra ooluu isaa ibsaniiru. Kunis qulqullina tajaajilaa fooyyessuu qofa osoo hin taane gahumsa hojii guddisuuf gargaareera jedhan. Hawaasni naannoo jireenya isaa waliin qulqulleessuu fi kunuunsuuf barsiisuu fi kakaasuuf tattaaffiin taasifamaa akka jiru, dhiheessi qoricha ammayyaa fi hordoffiin cimaan akka ta’u hojmaatni haaraan kaa’amuu isaa obbo Muraad ibsaniiru. Ogeessa yaala fayyaa buufata fayyaa Masalaa kan ta’an Dr. Biyyansaa Hirphaa gama isaaniin, Sochiin kun dhaabbileen fayyaa bakka tajaajila yaalaa itti kennan qofa osoo hin taane, dhukkubsattootaaf iddoo mijataa taasisaa jira jedhan. Dhaabbileen fayyaa qulqulluu fi hawwataa ta’an dhukkubsattootaaf itti quufinsa sammuu kennuu qofa osoo hin taane, kunuunsa fayyaa keessattis gahee olaanaa akka qaban hubachiisaniiru. Doktar Bayyansaa akka jedhanitti, Buufata Fayyaa Godina Baha Oromiyaatti buufanni Masalaa tajaajila baqaqsanii hodhuu eegale kan eegale isa jalqabaa ta’uusaa eeraniiru. Akkasumas meeshaalee yaalaa fi adda baasuu guutuu ta’een kan guutame ta’uu ibsaniiru. Kunis bu'aa sochiin kuni galmeessaa jiru keessaa tokko ta'uu hubachiisaniiru.
.jpg)
Kabaja Ayyaana Saboota, sablammootaa fi ummattootaa sadarkaa biyyaalessaatti Godina Kibba Lixa Oromiyaatti kabajamu irratti marii’atame.
Nov 10, 2026 227
Onkoloolessa 1/2019 (ENA)- Kabaja ayyaana saboota, sablammootaa fi ummattoota Itoophiyaa marsa 21ffaa Godina Kibba Lixa Oromiyaatti kabajamu haala milkeessuun danda’amu irratti giddugaleessa Mattuutti mariyatamee jira. Ittigaafatamaan Siyaasa Paartii Badhaadhinaa Damee Godina Kibba Lixa Oromiyaa Obbo Mahammaad Xahaa Abbaa Fiixaa ayyaanni sabootaa, sablammootaa fi ummattoota Itoophiyaa bara kanaa barii lammiileen biyyatti sagalee isaaniin mootummaa haaraa hundeeffatanitti kan kabajamu tahuu isaatiin ijaarsa biyyaaf mootummaa ida'amuu keessatti seenaa addaa qabaa jedhaniiru. Ayyaanni kun agarsiiftuu tokkummaa sabdaneessummaa uummataa, ibsituu walqixxummaaf eenyummaa sabootaa waan ta'eef ayyaanichi karaa miidhagaaf aadaaf dudhaa lammiilee agarsiisuun kabajamaa jedhan. Ayyaanni kun akkaataa dudhaa Oromoon itti keessummaa simatuu fi saboota biroo ofitti qabuun waloomaan jiraatu giddugaleeffachuun kabajama kan jedhan Obbo Mohammad Xahaan ; ayyaanichi carraa dame tuurizimii fi simannaa investimentii guddisu waan qabuuf qaamoleen hawaasaaf hoggansi sadarkaan jiru xiyyeeffannoon qophii ayyaana kanaarratti hojjechuu qabaa dhaaman. koomunikeeshinii Godinichaarraa
Diinagdee
Sanyiin filatamaa fi teeknooloojiin wiirtuu qorannoo qonnaa Qulumsaarraa arganne oomisha keenya guddisaa jira- Qonnaan bultoota
Nov 12, 2026 23
Sadaasa 03/2019 (ENA)-Qonnaan bultoonni godina kibba bahaa Oromiyaa aanaa Heexosaa sanyiin filatamaa fi teeknooloojiin ammayyaa wiirtuu qorannoo qonnaa Qulumsaarraaargatanitti fayyadamuun oomishnii fi oomishtummaan isaanii guddachaa jiraachuu ibsan. Qonnaan bultoonni ENA’f yaada kennan Kanaan dura mala qonnaa aadaa fi sanyii fooyya’aa waan hin arganneef oomisha xiqqaa akka argatan dubbataniiru. Wiirtuu qorannoo qonnaa kanarraa deeggarsa sanyii qamadii fi garbuu fooyya’aa, teeknooloojii fi gorsa ogeeyyotaa waan argataniif bu’a qabeessa ta’uusaanii dubbataniiru. Qonnaan bulaan Bookii Dinquu, qorannoo qonnaa Qulumsaa waliin qindaa’uun hojjechuusaaniin bu’a qabeessa ta’aniiru. Sanyii qamadii filatamaa wiirtuu qorannoo kun baay’ise, haala hojmaataa fi gorsa ogummaa argachuusaaniin hojii qonnaan bu’a qabeessa akka taanu nu gargaareera jedhan. Bara oomishaa 2018/19 gorsarraa eegalee sanyii qamadii filatamaa fudhannee teeknooloojiitti fayyadamnee facaasuu keenyaan yeroo ammaa midhaan facaasan dhaabbii gaariirra jira jedhaniiru. Wiirtuu qorannoo qonnaa Qulumsaa waliin tumsaan hojjechuu keenyaan oomishnii fi oomishtummaan keenya guddatee baay’ee fayyadamaa jirra kan jedhan ammoo qonnaan bulaa Nagaash Lammaati. Sanyii filatamaa Qamadii fi Garbuu qorannoo qonnichaarraa bahan fudhannee oomisha gaarii argachaa jirra kan jedhan qonnaan bulaan kun, barana Qamadii heektaararraa kuntaala 50 ol akka abdatan eeraniiru. Wiirtuu qorannoo qonnaa Qulumsaatti qorataan midhaanii obbo Hayiluu Mangistuu gamasaaniin, wiirtuun kun sanyii qamadii fooyya’aa 100 ol qorannoon argachuun qonnaan bulaa biraan gahuusaa ibsaniiru. Keessumaa sanyiiwwan qamadii hongee fi dhukkuba dandamatan, ciidha xiqqoon yeroo gabaabaatti gahan kanneen akka Abbaayi fi Malkaa barsiisuusaanii dubbataniiru.
Qonna magaalaatti hirmaannee galii fooyya’aa argachuun fayyadamoo taaneerra-Qonnaan bultoota
Nov 12, 2026 35
Sadaasa 03/2019 (ENA)-Jiraattonni bulchiinsa magaalaa Adaamaatti qonna magaalaatti hirmaatan galii fooyya’aan achirraa argataniin fayyadamoo dinagdee ta’uusaanii ibsan. Jiraattonni kunneen midhaan, kuduraa boroo, saawwan aannanii, horsiisa lukkuu, kanniisa horsiisuu fi misooma muduraatiin madda galiisaanii bal’ifataniiru. Qonnaan bula Mangistuu Raggaasaa laga hawaas jallisiin fayyadamuun Qamadii, Shunkurtii fi Timaatima oomishuun galiisaanii guddifachaa akka jiran ibsaniiru. Deeggarsa teekinikaa ogeeyyiin qonnaa taasisaniifitti gargaaramuun laga Hawaas maqsanii Qamadii, Shunkurtaa fi Timaatima misoomsuun madda galiisaanii guddifachaa jiraachuu dubbataniiru. Qonnaan bulaa Shuraa Baqqalaa yaada kennaniin, jallisiitti gargaaramuun Paappaayaa oomishuu eegaluusaanii fi galii fooyya’aa argachuuf hojjechaa jiraachuu beeksisaniiru. Muduraa kana qonnaan bultoota birooo waliin ta’uun kilaastaraan misoomsaa akka jiran eeranii, bishaan jallisii fi galteewwan qonnaa sirriitti itti gargaaramuun oomishtummaasaanii guddisuuf hojjechaa jiraachuu dubbataniiru. Itti gaafatamaan waajjira qonnaa magaalaa Adaamaa obbo Alamuu Qilxuu akka jedhanitti, amma ammaatti jiraattonni kuma 30 ta’an inisheetiivota qonna magaalaa 13 irratti hirmaatanii fayyadamoo ta’aniiru. Bulchiinsi magaalichaa gaagura ammayyaa,motora bishaanii fi deeggarsa teekniikaa dheheessuun damee kana cimsaa akka jiru ibsaniiru. Walumaa gala qonni magaalaa carraa hojii uumuu fi wabii nyaataa cimsuurra darbee fayyadama dinagdee jiraattotaa guddisaa jiraachiin ibsameera.
Imaammanni qabeenya umamaa kaappitaala hawwachuu fi faayidaa yeroo dheeraa uumu irratti xiyyeeffachuu qaba-- Shimallis Abdiisaa, Pirezidaantii MNO
Nov 12, 2026 42
Oromiyaan carraa misooma anniisaa fi albuudaa qabdu invastimantii hawwachuu fi bu’uura dinagdee cimsuuf carraa ta’uu danda’a. Keessumaa misoomni anniisaa ji’ootermaalii fi dameen albuudaa kaappitaala, teknoolojii fi beekumsa teeknikaa barbaadu. Kanaaf, qabeenya umamaa kana gara bu’aa dinagdeetti jijjiiruuf invastimantii dhuunfaa fi tumsa michoota misoomaa waliin hojjechuun kallattii imaammataa barbaachisaadha. Garuu qabeenya umamaa qabaachuun qofti bu’aa misoomaa hin mirkaneessu. Pirojektoonni dameewwan kana keessatti gaggeeffaman haal-duree teeknikaa, faayinaansiifi eegumsa naannoo irratti hundaa’anii qophaa’uu, akkasumas faayidaa dinagdeefi hawaasummaa isaanii madaaluu qabu. Qindoominni mootummaa fi invastarootaa, dandeettii ogummaa guddisuun, akkasumas walitti hidhamiinsa dameewwan anniisaafi albuudaa waliin indastiriifi tajaajiloota biroo cimsuun barbaachisaadha. Imaammanni qabeenya uumamaa irratti hundaa’e kaappitaala hawwachuu qofa osoo hin taane, faayidaa yeroo dheeraa uumu irratti xiyyeeffachuu qaba. Qabeenyi umamaa gara anniisaa, omisha, hojiifi galii itti fufiinsa qabuutti jijjiiramuun, dinagdee naannichaa cimsuu danda’a. Kanaaf, invastimantii dameewwan kanaa qindoomina, itti gaafatamummaafi madaallii bu’aa irratti hundeessuun barbaachisaadha. #oromiapresidentoffice202
Itiyoophiyaa fi baankiin invastimantii Infiraastiraakcharii Isiyaa marii gamlamee gaggeessan
Nov 11, 2026 119
Sadaasa 2/2019 (ENA)- Itiyoophiyaa fi baankiin invastimantii Infiraastiraakcharii Isiyaa hojiilee tumsaan hojjetan itti fufsiisuuf marii gamlamee gaggeessaniiru. Yaa’iin jijjiirama haala qilleensaa 31ffaa dhaabbata mootummoota gamtoomanii Turkiyyee Antaaliyaatti gaggeeffamaa jira. Yaa’ichi mata duree “Imala gara bara egereen, of danda’ee fi haqni keesstii mirkanaa’eetti jedhuun gaggeeffamaa jira. Ministirri dhimma alaa Itiyoophiyaa fi pirezidaantii COP32 ta’uun kan filataman Dr. Geediyoon Ximootiwoos fi ministirri maallaqaa fi mari’attuun olaanaa COP32 Dr. Fitsum Asaffaa yaa’icha cinaatti pirezidaantii baankii invastimantii infiraastiraakchariiIsiyaa(AIIB) Zoo Jayaayi waliin marii gamlamee taasisaniiru. Mariin kun hojiilee tumsaan hojjetaman itti fufsiisuuf kan akeekamedha. Ijaarsa buufata xiyyaaraa idil addunyaa Bishooftuu faayinaansiin deeggaruuf marii Kanaan dura eegalamee ture itti fufsiisuuf yeroo dheeraa waliin hojjechuu fi pirojektoota biroo bocuuf mari’ataniiru. Akkasumas COP32 Kan Itiyoophiyaan keessummeessitu ilaalchisee wal deeggaruun haala danda’amurratti mari’ataniiru.
Viidiyoo
.jpg)
Saayinsii fi teeknooloojii
Sirni eebbaa wiirtuu ga’oomaa miidiyaan Itiyoophiyaa gaggeeffamaa jira
Nov 5, 2026 535
Onkoloolessa 26/2019 (ENA)- Sirni eebbaa wiirtuu ga’oomaa miidiyaa Itiyoophiyaa abbaan taayitaa miidiyaalee Itiyoophiyaa ijaarsise gaggeeffamaa jira Daarektar jeneraaliin tajaajila odeeffannoo fi nageenyaa biyyaalessaa fi walitti qabaan boordii abbaa taayitaa miidiyaalee Itiyoophiyaa ambaasaaddar Reedwaan Huseen, miseensonni mana maree bakka bu’oota ummataa, hoggantoonni miidiyaalee garagaraa fi keessummoonni afeeraman sirna eebbaa kanarratti argamaniiru. Wiirtuun kun dandeettii gaazexeessummaa fi dame miidiyaalee gabbisuuf kan akeekame yoo ta’u, bekumsa, ogummaa fi sadarkaa naamusa gaazexessitootaa fi hoggantoota miidiyaalee fooyyessuun kaayyoowwan hundeeffameef keessaayyu. Damee kana qorannoo fi leenjiin deeggaruun akkasumas leenjiiwwan itti fayyadama teeknooloojii miidiyaa guddisan leenjisuun kaayyoo wiirtuu kanaati. Keessummoonni sagantaa kanarratti hirmaatan wiirtuu kana irra deemanii daawwataniiru.
.jpg)
Tajaajilli wiirtuu tokkoo Masoob magaalaa Maqaleetti eegalamuufi
Nov 2, 2026 825
Onkoloolessa 23/2019 (ENA) -Naannoo Tigraayi magaalaa Maqaleetti tajaajila wiirtuu tokkoo Masoob eegalchiisuuf qophiin eegalamuu hojii raawwachiisaan olaanaa tajaajila Masoob Yoonaas Alamaayyoo ibsan. Tajaajilli wiirtuu tokkoo Masoob teeknoooloojii man-dhaleetti gargaaramuun tajaajiloota dhaabbilee moorummaa gaaddisa tokko jalatti walitti fiduun ummataaf kan dhiheessu ta’uu obbo Yoonaas Alamaayyoo dubbataniiru. Guutuu biyyaatti tajaajilli wiirtuu tokkoo Masoob 114 gahuusaa eeranii, lammiileen miil. 2 tuqaa 7 caalan tajaajila kanatti fayyadamaa akka jiran dubbataniiru. Tajaajilli kun magaalaa Maqaleettis hatattamaan akka eegalamu ni hjjetama jedhaniiru. Tajaajiloota dhaabbileen mootummaa kennan bakka tokkotti fiduun ammayyeessuudhaan hojmaata badaa hir’isuu fi itti quufinsa maamiltootaa guddisuuf wiirtuun kun gumaacha guddaa akka qabu kantiibaan bulchiinsa magaalaa Maqalee Dr. Shiishaayi Amaaree ibsaniiru. Kantiibaan bulchiinsa magaalaa Maqalee Dr. Shiishaayi Amaaree Onkoloolessa 17 bara 2019 irraa eegalee obbo Simi’oon Tasfaamaariyam hogganaa tajaajila wiirtuu tokkoo magaalaa Maqalee akka ta’an muuduunsaanii ni yaadatama.
.jpg)
Bulchiinsa magaalaa Adaamaatti tajaajila wiirtuu tokkoo Masoob babal’isuuf xuyyeeffatameera
Nov 1, 2026 635
Onkoloolessa 22/2019 (ENA)- Bulchiinsa magaalaa Adaamaatti tajaajila dijitaalaa wiirtuu tokkoo Masoob babal’isuuf xuyyeeffatamuu tajaajilli wiirtuu tokkoo magaalichaa beeksise. Bulchiinsa magaalaa Adaamaatti hawaasni bakka jirurraa karaa intarneetii tajaajila akka argatu kan gargaaru tajaajila wiirtuu tokkoo dijitaalaa Masoob babal’isuuf xiyyeeffatamee hojjetamaa jiraachuu qindeessaan tajaajila wiirtuu tokkoo magaalichaa obbo Makuraa Dinquu ibsaniiru. Yeroo ammaa magaalattii fi kutaalee magaalaa sadii keessatti wiirtuulee tajaajila Mesob banaman keessatti kanneen akka lafa, hayyama ogummaa, galii fi baankii dabalatee tajaajiloonni 138 teeknooloojii ammayyaatiin kennamaa akka jiran kaasaniiru. Kurmaana jalqabaa bara baajataa kanatti, tajaajila hayyama daldalaa (E-TRADE) qofaan maamiltoonni kuma 37 karaa intarneetii bakka jiranitti tajaajila argachuusaanii kaasaniiru. Tajaajilicha kutaalee magaalaa hunda keessatti qaqqabamaa taasisuuf gamoowwan ijaaramaa kan jiran yoo ta’u, hanga walakkaa lammaffaa bara baajataatti tajaajiloota hunda karaa intarneetii kennuu fi tajaajila bakkaa bakkatti deemuun kennamu jalqabuuf hojjetamaa jira jedhaniiru. Hawaasni magaalattii ENA’f yaada kennan wiirtuun Masoob tajaajiloonni wiirtuu tokkotti kennaman deddeebii, yeroo qisaasamuu fi malaammaltummaa hir’isuu isaa ibsaniiru. Obbo Gadiyoon Maaree hayyama babal’ina invastimantii gaafachuuf gara wiirtichaa dhufuu isaanii ibsanii, kanaan dura tajaajila mootummaa argachuuf waajjira irraa gara waajjiraatti deddeebi’uun yeroo dheeraa akka fudhatu, amma garuu tajaajila saffisaa fi bu’a qabeessa argachaa akka jiran dubbataniiru. Aadde Tasfuu Birruu gama isaaniitiin, dhimma taatee bu’uraa isaanii daqiiqaa muraasa keessatti xumuruun bahuu isaanii ibsanii, saffisa fi tajaajila rakkoo deddeebii irraa bilisa ta’e argachuu isaaniitti gammaduu isaanii ibsaniiru. Maamiltoonni tajaajilichi saffisa hojii, iftoomina, itti gaafatamummaa fi bulchiinsa gaarii cimsuuf murteessaa ta’uu ibsuun, cimee akka itti fufu gaafataniiru.
Itoophiyaan yakkoota daangaa ce'an ittisuuf teeknoolojii qunnamtii Imaltoota Idil-Addunyaa hojiirra oolchuufi
Oct 31, 2026 723
Onkoloolessa 21/2019 (ENA) Itoophiyaan yakkoota daangaa ce'an ittisuuf yakkamtoota dabarsanii kennuuf teeknoolojii walqunnamtii imaltoota idil-addunyaa hojiirra oolchuuf ta'uu Ajajaan Waliigalaa Poolisii Federaalaa Itoophiyaa Komishinar Jeneraal Damallaash Gabramikaa’el ibsan. Sirni teeknoolojii walqunnamtii imaltoota idil-addunyaa Interpooliin hojjetame kun, shororkeessummaa fi yakkoota daangaa ce'anii raawwatanii kan dhokatan yakkamtoota seera hordofuun biyyoota miseensaatiif dabarsanii kennuuf kan dandeessisudha. Ajajaan Waliigalaa Poolisii Federaalaa Itoophiyaa Komishinar Jeneraal Damallaash Gabramikaa’el ENA'f akka ibsanitti; yakkoonni idil-addunyaa teeknoolojiidhaan deeggaruun hordofuun seeratti dhiheesuun murteessaa ta’uu ibsaniiru. Yakkoota idil-addunyaa xaxamaa ta'an kana to'achuufi yakkamtoota to'annoo jala oolchuuf dandeettii teeknoolojii yericha waliin deemu ijaaruun barbaachisaadha jedhaniiru. Teeknoolojiin kun qaamolee shororkeessummaadhaan yookaan yakka daangaa ce'u birootiin barbaadaman biyya kamiyyuu keessatti salphaatti to'achuuf ni dandeessisa jedhaniiru. Poolisiin Federaalaa Itoophiyaa yakkamtoota bakka jiranitti qabuuf Imigireeshiinii fi Daandii Qilleensaa waliin qindoomina deemu irratti hojjechaa akka jiru ibsaniiru. Teeknoolojiin kun yakkaamaan bakka kamittuu dhokachuu akka hin dandeenye kan taasisu ta'uu ibsuun; hojiirra oolchuuf adeemsa irra jira jedhaniiru.
Ispoortii
.jpg)
Itiyoophiyaan olompiikii dargaggootaattiin atileetiksiin sadarkaa tokkoffaa bahuun xumurte
Nov 11, 2026 113
Sadaasa 2/2019 (ENA)- Itiyoophiyaan olompiikii dargaggootaa afraffaa Senegaalitti gaggeeffamaa jiruun atileetiksiin sadarkaa tokkoffaa bahuun xumurteetti. Olompikii dargaggootaan dorgommiin atilrrtiksii har’a xumura argata. Haala Kanaan atileetiksiin meedaaliyaa warqee 5 fi meetii 3 ,walumaa gala meedaaliyaa 8 mo’achuun meedaaliyaa atileetiksii addunyaan sadarkaa tokkoffaa ta’uun xumurteetti. Itiyoophiyaan olompikii dargaggootaan atileetiksii malees Bishkileetii, tekuwaandoo, Wushuu fi bishaan daakuun hirmaatteetti. Wushuudhaan Natinaa’el Kinfee meedaaliyaa naahaa argateera. Itiyoophiyaan ispoortii walii galaatiin sadarkaa shanaffaarratti argamti. Chaayinaa, Jaappaan, Ruusiyaa fi Gibtsi tokkoffaa amma afraffaa qabataniiru. Olompikiin dargaggootaa akaakuu dorgommii Ispoortii 25’n gaggeeffamaa tureera. Shaampiyoonaan olompikii dargaggootaa afraffaan Onkoloolessa 21 bara 2019 eegalame Sadaasa 4 bara 2019 xumurama
Piriimeer Liigii Ingilaandi tapha har’a haalaan eegamu
Nov 8, 2026 277
Onkololeessa 29/2019 (ENA) : Piriimeer Liigii Ingilaandi taphoota torbee 10ffaan taphni har’a Maanchiister Yuunaayitiid Astoon Viilaa waliin taasisu ni eegama. Piriimeer liigichaan har’a waaree booda sa’aatii 11:00 irraa eegalee taphoonni 4 kan taphataman yoo ta’u, Biraayitan - Bireentifoordi, Kiristaal Paalaas - Liiverpuul, Ippisiiwich Taawoo - Boornimaawuuz, akkasuma Sandarlaandi -Cheelsii waliin taphatu. Galgala sa’aatii 1:30 jalqabee Maanchiister Yuunaayitiid Astoon Viilaa waliin falmata. Liigichaan sadarkaa 18ffaarratti kan argamu Yuunaayitiid taphoota 9 taphate keessaa tapha tokko qofa injifateera. Taphoota 4 qabxii qooddachuun taphoota 4 mmoo injifatameera. Taphoota salgan darbanirratti galchiiwwan 15 keessummeessun galchiin 10 qofa lakkoofsise. Astoon Viilaan immoo galchiiwwan 13 keessummeessuun galchiiwwan 10 lakkoofsiseera. Taphoota sagal keessaa 3 injifachuun, 3 qabxii qooddachuun, 3 immoo injifatameera. Kilaboonni lamaan taphoota hanga ammaatti waliin taphatan 202 keessaa Maanchiister Yuunayitiid yeroo 108 injifachuun olaantummaa yoo qabaatu, Astoon Viilaan si’a 52 injifachuun, taphoota 42 immoo qabxii qooddataniiru. #Biyya Guddoo, Ummata Guddaa # Mul'ata Guddaa
Sosochiin Ispoortii keenya tokkummaafi olka'insa biyya keenyaaf
Nov 8, 2026 230
Onkololessa 29/2019(ENA) : Ispoortiin fayyummaafi dagaagina qaamaa-qalbii cimsuun cinatti duudhaa waliin jireenyaa, jaalala, tokkummaafi hariiroo gaarii ijaaruu keessatti qooda olaanaa qaba. Haaluma kanaan Magaalaa Shaggar kutaalee Magaalaa Eekkaa Xaafoofi Buraayyuutti ayyaana sabaafi-Sab-lammootaa bara kana kabajamu sababeeffachuun sosoochiin Ispoortii hunda-hirmaachisaa dhaadannoo "sosochiin Ispoortii keenya tokkummaafi olka'insa biyya keenyaaf" jedhuun gaggeeffamuu tajaajilli komunikeeshinii magaalaa Shaggar gabaaseera. #Biyya Guddoo, Ummata Guddaa # Mul'ata Guddaa
Tapha Eegamaa Har’aa Liivarpuulii fi Arsenaal waliin Taphatan
Nov 1, 2026 986
Onkololessa 22/2019 (ENA): Piriimarliigii Ingiliz torbee 9ffaa taphni Liivarpuulii fi Arsenaal har'a gaggeeffamu hawwii guddaan eegama. Taphi kilaboota lamaan gidduutti taphatamu galgala sa'aatii 1:30 irratti Istaadiyeemii Anfildi Rood keessatti gaggeeffama. Liivarpuul bara kana taphoota saddeet taphate keessaa 4 injifachuun tapha tokko mo'amuun, tapha sadii qixa bahuun isaa ni yaadatama. Arsenaal taphoota taphateen goolii 11 galchuun, goolii 8 isaanitti kan gale yoo ta’u, qabxii 15’n sadarkaa 5ffaa irra jira. Shaampiyoonaa yeroo sanaan Arsenaal taphoota 8 liigichaan taphate keessaa 7 moo'achuun al tokko mo'amuun isaa ni yaadatama. Taphoota kanaan goolii 13 kan lakkoofsise yoo ta’u, shan immoo isatti lakkaa’ameera. Arsenaal qabxii 21’n sadarkaa 2ffaa irra jira. Arsenaalii fi Liivarpuul dorgommii hanga ammaatti taasifameen yeroo 246 waliin taphataniiru. Liivarpuul yeroo 96 injifachuun olaantummaa isaa kan mirkaneeffate yoo ta’u , Arsenaal ammoo yeroo 83 injifateera. #Biyya Guddoo, Ummata Guddaa # Mul'ata Guddaa #Mootummaa Ida’amuu
Eegumsa naannoofi haala qilleensaa
Faayidaa fi Milkaa’ina Imala Ashaaraa Magariisaa Itoophiyaa
Nov 12, 2026 35
Itoophiyaan qormaatilee jijjiirama haala qilleensaan dhufu dandamachuuf tooftaawwan adda addaa bocuun erga hojiitti galtee oolee buleera.Itoophiyaanis Qormaatilee jijjiirama haala qilleensaa gara carraawwan gaariitti jijjiiruuf kutannoon hojjechaa jirti. Kanaafis, Sagantaan Ashaaraa Magariisaa fi tarsiimoon diinagdee magariisaa Itoophiyaan dhaloota dhufuuf naannoo qulqulluu fi jireenyaaf mijataa ta’e dhaalchisuuf tattaaffiin taasisaa jirtu ifatti kan mul’atanidha. Bu’uuruma kanaan egeree magariisaa Itoophiyaa ijaaruuf karoorfamee hojiitti galameen imalli waggoota saddeetii Itoophiyaa jijjiireera. Sagantaan Ashaaraa Magariisaa Itoophiyaa sochii biyyaalessaa Ministira Muummee Dr. Abiyyi Ahimadiin jalqabamee fi waggaa waggaan qindaa’ee hojiirra oolaa jiru , mul’ata guddaa Itoophiyaa gammoojjii ta’uu irraa baraaruu fi lafa magariisa ishee deebisanii ijaaruu of keessaa qaba. Waggoota saddeetan darban, bara 2011 irraa hanga 2018tti, Sagantaan Ashaaraa Magariisaa Itoophiyaanota biyya keessaa fi biyya alaa jiran qindeessuun seenaa milkaa’inaa ajaa'ibsiisaan galmaa’eera. Sagantaan Ashaaraa Magariisaa Ministira Muummee Dr. Abiyyi Ahimadiin jalqabame, baay’ina bosonaa yeroo kamiyyuu caalaa guddisuu fi gadi-lakkisa gaazota faalama qilleensaa hir’isuun gahee olaanaa bahateera. Biqiltuuwwan biiliyoona hedduun dhaabaman lafa qullaa ture deebisanii dandamachiisuu, bishaan lafa jalaa akka deebi’ee argamu taasisuu, manca’insa biyyee ittisuu fi lubbuu qabeeyyiin adda addaa (Biodiversity) deebi’anii akka dagaagan gochuu keessatti gahee guddaa gumaacheera. Sagantaan kun bara 2011 kan jalqabame yoo ta’u, biqiltuuwwan biiliyoona 4 ol dhaabuun bu’uura Itoophiyaa magariisa har’aa kaa’eera. Bara 2012 immoo, kaka’umsa biyyaalessaan mataduree ‘‘eeggachaa haa dhaabnu ” jedhuun biqiltuuwwan biiliyoona 5 ol dhaabamaniiru. Fedhiin hawaasni naannoo magariisaan uwwisuu irratti qabu dabalaa dhufeera. Bara 2013, dhaadannoo “Itoophiyaa Magariisa haa taasisnu” jedhuun biqiltuuwwan biiliyoona 6.8 ol dhaabamaniiru. Bara 2014 immoo, biqiltuuwwan biiliyoona 7.2 ol dhaabamaniiru. Aadaan Ashaaraa Magariisaa hawaasa keessatti bu’uura cimaa qabachaa dhufeera. Bara 2015, danbalii hawaasa bal’aa hirmaachisuun biqiltuuwwan biiliyoona 7.5 ol dhaabamaniiru. Bara 2016 immoo, mata-duree “Biyya dhaabdu, dhaloota kununsu” jedhuun biqiltuuwwan biiliyoona 7.5 ol dachee Itoophiyaa irratti dhaabamaniiru. Itoophiyaanonni bara 2017 lakkoofsa biqiltuu dhaabanii galma biyyaalessaa bira darbee, rikoordii galmee addunyaas cabsuun biqiltuuwwan biiliyoona 8 ol dhaabuun danda’ameera. Bara 2018 immoo sagantaan kun imala guddinasaa dabalee itti fufuun biqiltuuwwan biiliyoona 8.5 dhaabuun danda’ameera. Imalli Ashaaraa Magariisaa waggoota saddeetii kun injifannoo biyyaalessaa dinqisiisaa ta’ee, kutannoo Itoophiyaan jijjiirama haala qilleensaa dandamachuuf qabdu kan agarsiisuudha. Ashaaraan Magariisaa dhaala dhaloota boruuti; har’a haa dhaabnu, egeree magariisa haa taasisnu jechuun imala magariisummaa eegalte cimsitee itti fuftee jirti. kanaanis xiyyeeffannoo guddaa sadarkaa idil-Addunyaatti argatteettti. Muuxannoon kun biyyoota ollaa kanneen akka Keeniyaa, Jibuutii, Somaaliyaa, Sudaan Kibbaa fi Sudaaniif biqiltuuwwan gumaachuu fi beekumsa waljijjiiruun jijjiirama haala qilleensaa waliin dandamachuuf fakkeenya guddaa ta’eera. Gama biraatiin, Itoophiyaan gadi-lakkisa gaazota faalama qilleensaa to’achuun misooma qulqulluu fi itti fufiinsa qabu mirkaneessaa jirti. Dhiyeessiin anniisaa biyyattii guutummaatti madda anniisaa haaromfamuu danda’an irratti kan hundaa’e waan ta’eef, anniisaa qulqulluu fayyadama biyya keessaa fi biyyoota ollaa biraan ga’uun danda’ameera. Kana malees, Mootummaan konkolaattota elektirikii guutummaatti walitti qabamanii biyya alaatii galan gibira gumurukaa irraa guutummaatti bilisa gochuun, hirkatummaa boba’aa fi baasii sharafa alaa hir’isuu bira darbee qulqullina qilleensa magaalotaa eeguu keessatti gahee olaanaa bahachaa jira. Imala misooma magariisaa fi itti fufiinsa qabu kana sadarkaa idil-addunyaatti beeksisuu fi sagalee Afrikaa dhageessisuuf Itoophiyaan yaa’ii Jijjiirama haala qilleensaa31ffaa Dhaabbata Mootummoota Gamtoomanii (COP31),Turkiyyee magaalaa Antaaliyaatti gaggeeffamaa jiru irratti hirmaachaa jirti. Waltajjii guddaa kana irratti Itoophiyaan saaxilamummaa addaa Afrikaa fi biyyoota guddachaa jiranii jijjiirama qilleensaatiif qabanii fi Addunyaatti beeksisuun addunyaaf hubachiisuun gumaachaa jirti. Itoophiyaan yaa’ii Idil-addunyaa COP32 bara 2027tti gaggeeffamu keessummeessuuf biyya filatamte ta’uu isheetiin, yaa’ii kana irraa muuxannoo keessummeessummaa COP, tajaajila loojistikii idil-addunyaa, akkasumas qophiiwwan nageenyaa fi geejjibaa irratti muuxannoo barbaachisaa ta’e argachuun itti gaafatamummaa seenaa qabeessa itti aanu fudhachuun of qopheessiti. Walumaagalatti, imalli misooma walitti hidhame Itoophiyaa misooma bosonaa, sirna qonnaa itti fufinsa qabu fi teeknooloojii geejjibaa qulqulluu waliin qindeessuun, dhaloota ammaaaf boqonnaa diinagdee haaraa kennuu bira darbee addunyaa baraaruu fi ardii Afrikaaf fakkeenya ta’e, boqonnaa diinagdee itti fufiinsa qabu ijaaraa jirra. Ashaaraan Magariisaa bu’uura misooma itti fufiinsa qabuuti; Itoophiyaan har’a magariisummaa dhaloota egereef magariisaa ijaaraa jirti!
Ashaaraan Magariisaa Itiyoophiyaa tattaaffii eegumsa jijjiirama qilleensaa addunyaatiif gumaacha olaanaa taasisaa jira – Hayyoota
Nov 12, 2026 23
Sadaasa 03/2019 (ENA) – Sagantaan Ashaaraa Magariisaa Itiyoophiyaa qabeenya uumamaa eeguu qofa osoo hin taane, tattaaffii sadarkaa addunyaatti jijjiirama qilleensaa ittisuuf taasifamuuf gumaacha olaanaa taasisaa jiraachuu hayyoonni Yunivarsiitii Jimmaa ibsan. Itiyoophiyaan naannolee manca'an deebisanii misoomsuu fi dhiibbaa jijjiirama qilleensaa dandamachuuf bara 2011 irraa eegalee Sagantaa Ashaaraa Magariisaa biyyaalessaa hojiirra oolchaa jirti. Sagantaan kun baay’inabosonaa guddisuu, manca'insa biyyee hir'isuu fi wabii nyaataa cimsuuf gumaacha taasisaa jira. Barsiisaa fi qorataan Ikooloojii Yunivarsiitii Jimmaa doktar Xibbabuu Alamuu akka ibsanitti, sagantaan kun lafa manca'e deebisanii misoomsuu, baay’ina bosonaa babal'isuu fi balaa lolaa hir'isuu keessatti gahee olaanaa qaba. Kana malees hirmaannaa ummataa fi hariiroo hawaasaa cimsaa jira. Barsiisaa fi qorataan Kutaa Eegumsa Qabeenya uumamaa kolleejjichaa Geetinnat Sayid gama isaaniin, hojii Ashaaraa Magariisaa hojiiwwan eegumsa biyyee fi bishaanii waliin qindoominaan raawwachuun qabeenya bishaanii, misooma jallisii fi oomishtummaa qonnaa guddisuuf akka gargaaru ibsaniiru. Hayyoonni kun Itiyoophiyaan yaa'ii COP32 keessummeessuuf filatamuun ishee damee eegumsa naannoo fi misooma magariisaa irratti gahee qabdu sadarkaa idil-addunyaatti cimsuuf carraa dabalataa akka uumu hubachiisaniiru.
.jpg)
Ministirri dhimma alaa fi pirezidaantii COP32 ta’uun kan filataman Dr. Geediyoon Ximootiwoos duraa taa’aa garee marii Afriikaa Dr. Antiwii – Bo’aasiyaakoo Amo’a waliin mari’atan
Nov 11, 2026 113
Sadaasa 2/2019 (ENA)- Qophiiwwan COP31 Antaaliyaatti gaggeeffaman cinaatti, ministirri dhimma alaa fi pirezidaantii COP32 ta’uun kan filataman Dr. Geediyoon Ximootiwoos duraa taa’aa garee marii Afriikaa Dr. Antiwii – Bo’aasiyaakoo Amo’a waliin marii gamlamee gaggeessaniiru. Mariin kun dhimmoota biyyoota Afrikaaf dursa qaban kanneen akka jijjiirama haala qilleensaa wajjin madaquu (Adaptation), faayinaansii jijjiirama qilleensaaf oolu (Climate Finance), ce’umsa haqaqabeessa (Just Transition) fi hojii irra oolmaa irratti kan xiyyeeffatu akka ta’e ibsameera. Dabalataanis, biyyoonni guddachaa jiran gumaacha biyyaalessaa murtaa’an (NDCs) fi karoora biyyaalessaa jijjiirama qilleensaa wajjin madaquu (NAPs) hojii irra oolchuu keessatti deeggarsa dabalataa akka argatan, akkasumas tarkaanfiileen jijjiirama qilleensaa dursa misoomaa Afrikaa akka calaqqisiisan barbaachisaa ta’uu irratti mari’achuun ibsameera. PirezidaantiinCOP32, qophiiwwan COP32 yeroo itti cimaa dhufan Itiyoophiyaan Garee Afrikaa Marii Jijjiirama Qilleensaa (AGN) waliin marii dhihoo akka taasistu mirkaneessaniiru. Akkasumas, Antaaliyaa keessatti bu’aa milkaa’aa galmeessuun, amantaa adeemsa marii cimsuun, waadaa irraa gara hojii qabatamaatti ce’uun barbaachisaa ta’uu ibsaniiru. Itiyoophiyaan dursa fi ilaalcha Afrikaa (Africa’s Priorities and Perspectives) qophii fi marii COP32 keessatti haala cimaadhaan akka calaqqisuuf AGN waliin dhiyeenyaan hojjechuu akka itti fuftu dubbataniiru.
.jpg)
Itoophiyaan hojiilee qabatamaa jijjiirama qilleensaa dandamachuuf hojjette Addunyaatti agarsiisaa jirti
Nov 11, 2026 143
Jijjiiramni qilleensaa rakkoo addunyaa yeroo ammaa keessaa isa ijoo ta’ee itti fufeera. Hongee, lolaa, ho’a garmalee dabalaa dhufee fi balaa uumamaa biroo irratti dhiibbaa geessisaa jiru qolachuuf biyyoonni addunyaa tumsa isaanii cimsuun furmaata waaraa barbaadaa jiru. Yaa’iin Jijjiirama Qilleensaa Dhaabbata Mootummoota Gamtoomanii, jechuun COP, waltajjii biyyoonni addunyaa rakkoo kana irratti mariyachuun kallattii fi murtii waliinii itti kaa’an keessaa isa ijoo dha. Waltajjii kana irratti gadi lakkisa gaasota ho’a addunyaa dabalan hir’isuu, biyyoota jijjiirama qilleensaatiin miidhaman deeggaruu fi haala jijjiirama qilleensaa waliin madaquuf tarkaanfiiwwan fudhatamuu qaban irratti mariin taasifama. Itoophiyaanis, dhiibbaa jijjiirama qilleensaa irraa kan ka’e biyyoota rakkoolee gara garaatiif saaxilamoo ta’an keessaa tokko taatus, rakkoo kana qolachuu fi dandamannaa hawaasummaa fi dinagdee cimsuuf hojiiwwan qabatamaa bal’inaan hojjechaa jirti. Kana keessatti Sagantaan Ashaaraa Magariisaa, dinagdee magariisaa ijaaruu, madda humna haaromfamaa babal’isuu fi qonna haala qilleensaa dandamatu irratti xiyyeeffachuun hojiiwwan ijoo ta’anii itti fufaniiru. Keessumaa, biqiltuu biliyoonaan lakka’aman dhaabuu fi kunuunsuun bosona deebisanii misoomsuu, dhiqama biyyee ittisuu fi naannoo tikfachuu keessatti bu’aan qabatamaan galmaa’aa jira. Hojiileen kunneen rakkoo jijjiirama qilleensaa qolachuu qofa osoo hin taane, jireenya hawaasaa fooyyessuu fi misooma itti fufiinsa qabu mirkaneessuu keessattis gahee olaanaa qabu. Damee humna haaromfamaatiinis, humna bishaanii, qilleensaa fi aduu irraa maddisiifamu babal’isuun madda humna qulqulluu fayyadamuuf xiyyeeffannoon hojjetamaa jira. Akkasumas, damee qonnaatti sanyiiwwan hongee fi lolaa dandamatan fayyadamuu, qabeenya bishaanii sirnaan bulchuu fi mala qonnaa ammayyaa babal’isuun qonnaan bultoonni haala qilleensaa jijjiiramaa jiru waliin akka madaqan taasifamaa jira. Itoophiyaan COP31rraatti muuxannoo ishee Addunyaaf qoodaa jirti Itoophiyaan mariiwwan jijjiirama qilleensaa sadarkaa addunyaa irratti hirmaachuu qofa osoo hin taane, hojiiwwan qabatamaa biyya keessatti hojjechaa jirtu muuxannoo ishee hawaasa addunyaatiif qoodaa jirti. Haaluma kanaan, Yaa’ii COP31 Turkiyyee, magaalaa Antaaliyaatti gaggeeffamaa jiru irratti Paaviliyoonii mataa ishee banuun bu’aalee qabatamaa Sagantaa Ashaaraa Magariisaa fi hojiiwwan eegumsa naannoo irratti galmeessite addunyaatti agarsiisaa jirti. Akkasumas, mariiwwan paanaalii adda addaa irratti hirmaachuun muuxannoo Itoophiyaan jijjiirama qilleensaa qolachuu fi haala isaa waliin madaquuf qabatamaan hojjechaa jirtu qoodaa jirti. Ministirri Dhimma Alaa Doktar Geediyoon Xiimootiwoos akka ibsanitti, Itoophiyaan tumsa jijjiirama haala qilleensaa addunyaa keessatti amanamummaa laafee ture deebisanii ijaaruuf xiyyeeffannoo olaanaa kennitee hojjechaa jirti. Jijjiirama qilleensaa to’achuun dhimma biyya tokko qofaan furamuu danda’u osoo hin taane, tumsa addunyaa kan gaafatu ta’uu hubachuun, Itoophiyaan gahee irraa eegamu bahuu fi tumsa biyyoota biroo waliin qabdu cimsuuf xiyyeeffannoon hojjechaa jirti. COP31 fi waltajjiiwwan idil-addunyaa biroo irratti fedhii biyyoota guddachaa jiran, keessumaa biyyoota Afrikaa, calaqqisiisuun maallaqa, teeknoolojii fi deeggarsa madaqiinsaa jijjiirama qilleensaan walqabatu akka argatan gaafachuunis gahee Itoophiyaan bahaa jirtu keessaa isa tokko dha. Biyyoonni guddachaa jiran dhiibbaa jijjiirama qilleensaa irraa miidhaa guddaa kan baatan ta’us, rakkoo kanaaf sababa guddaa ta’an keessaa akka hin taane yeroo hubatamu, tumsi idil-addunyaa fi haqa qilleensaa mirkaneessuun murteessaa ta’a. Bu’aa Qabatamaa fi Gahee Idil-addunyaa Hojiileen Itoophiyaan Sagantaa Ashaaraa Magariisaa, dinagdee magariisaa, humna haaromfamaa fi qonna haala qilleensaa dandamatu irratti hojjechaa jirtu, rakkoo kana qolachuuf kutannoo qabdu kan mul’isan dha. Kana malees, biyyattiin muuxannoo ishee biyyoota biroo waliin qooduun, sagalee biyyoota guddachaa jiran waltajjiiwwan idil-addunyaa irratti dhageessisuu fi tumsa hawaasa addunyaa keessatti gahee ishee bahuuf xiyyeeffannoon hojjechaa jirti. Jijjiirama qilleensaa dandamachuun naannoo eeguu fi guddina dinagdee itti fufiinsa qabu mirkaneessuun wal irraa hin cinne. Kanaaf, waliigaltee sadarkaa addunyaa irratti taasifamu hojii qabatamaatti jijjiiruun, maallaqaa fi teeknoolojii barbaachisu biyyoota guddachaa jiraniif dhiheessuun murteessaa dha. Itoophiyaanis, hojiiwwan qabatamaa biyya keessatti jalqabde cimsuun, muuxannoo ishee addunyaatti qooduu fi tumsa idil-addunyaa keessatti gahee ishee bahuu irratti xiyyeeffannoo itti fufuun, furmaata rakkoo jijjiirama qilleensaatiif taasifamu keessatti gahee olaanaa bahaa jirti.
Baay’inaan Kan Dubbifaman
Bu'aan qormaata naannoo kutaa 8ffaa naannoo Oromiyaa beekkamuu Biiroon Barnootaa naannoo Oromiyaa beeksise.
Jan 5, 2021 299979
Finfinnee, Muddee 26, 2013 (TOI) - Bu'aan qormaata naannoo kutaa 8ffaa naannoo Oromiyaa beekkamuu Biiroon Barnootaa naannoo Oromiyaa beeksise. Qormaatni Sadaasa 30 hanga Muddee 2, 2013tti guutummaa Oromiyaatti kennamee ture bu'aan isaa beekkameera. Waraqaan deebii kallattii Oromiyaa hunda irraa Manneen Barnootaa kuma 8 ol-irraa aanaatti, aanaa irraa godinatti, godina irraa BBOtti sassaabamee torban 3 keessatti halkanii fi guyyaa shiftii 3n biiroo keessa bulaa hojjetamee har'a bu'aan isaa beekameera. Barattoota qormaata fudhatan kuma dhibba 4 ffi kuma 46 fi 907 keessa barattoonni kumni dhibbi 4 fi kumni 17 fi 411 yookaa % 93.4 darbaniiru.Barattootni kumni 29,fi 96 yookaa 6.6% kufuu isaanii maanaajimantiin Biiroo Barnoota Oromiyaa har'a murteesseera. Bu'aan qormaataa kun waajjiraalee barnootaa godinaalee 21 fi waajjiraalee barnootaa bulchiinsa magaalotaa 19n Oromiyaaf kara hooggantootaa 'telegram' dhaan ergamuu biirichi beekisieera. Waajjiraaleen kun bu'aa qormaataa kana gara aanaa isaaniitti dabarsuun , aanaaleen ammoo hardcopy isaa Manneen Barnootaa isaaniin borii kaasanii ni beeksisu jedhame.Torban dhufuu kaasee barnootni kutaa 9ffaa kan eegalu ta'uu ragaan Biiroo Barnootaa Oromiyaarraa argame ni muul'isa. Kaardii barataa dhuufaan maxxansee Biiroon Barnootaa Oromiyaa yeroo gabaabaa keessatti kan raabsu ta'uu beeksisera.
Waraanni Bilisummaa Oromoo (WBO)n zoonii Lixaa hawaasaan simatamaa jira
Feb 20, 2019 159856
Guraandhala 13/2011 Waraanni Bilisummaa Oromoo (WBO)n zoonii Lixaa guyyaa kaleessaatii kaasee hawaasaan simatamaa jira. Haaluma koreen teeknikaa fi araaraa akkasumas gumiin abbootii Gadaa waamicha dhiyeessaniin loltoonni Adda Bilisummaa Oromoo zoonii lixaa guyyaa kaleessaa irraa eegalee deebi'aa jira. Waraanni bilisummaa Oromoo guyyaa kaleessaa aanaa Manasibuu ganda Harawweetti qaama mootummaa fi abbootii Gadaatiin simatamaniiru. Guyyaa har'aas bifuma walfakkaatuun aanaa Beegii, Giddaa Ayyaanaa fi Baabboo Gambeelitti simannaan itti fufueera. Guyyoota Sadan kanatti simannaan erga taasifameefii booda gara kaampii qophaa'efiitti kan galan ta'uus walitti qabaan gumii abbootii Gadaa Bayyanaa Sanbatoo ‘BBC’ Afaan Oromootti himaniiru. Abbaa Gadaa Bayyanaa Sanbatoo akka himanitti, Zoonii Lixaarraa qofa loltoonni WBO Kuma 10 ol kan simataman ta'uu ibsaniiru. Simannaan WBO kun aanaalee garaa garaatti kan itti fufu yoo ta'u, miseensonni WBO iddoowwan biroo jiranis waamichi taasifameef simatamanii akka galantu eegama. Madda: OBN
Biiroon Barnootaa Oromiyaa firii qormaata kutaa 8ffaa bara 2014 ifoomse
Aug 31, 2022 37255
Hagayya 25/2014(TOI) - Bara barnootaa 2014tti barattoota kuma 451fi 25 qormaata naannoo kutaa 8ffaa fudhachuuf galmaa'an keessaa barattoonni kumni 443fi 526 qormaaticha fudhataniiru. Barattoota qoramaata fudhatan walii galaa keessaa barattoonni kumni 421fi 779 (%95.09) qabxii darbiinsaa argatanii gara kutaa 9ffaatti darbuu Hogganaa Ittaanaan BBO Obbo Girmaa Baay'isaa ibsa miidiyaaleef kennaniin ibsaniiru. Naannawaa horsiisee bulaan ala qabxii darbiinsaa dhiiraaf 50fi dubartootaaf 47 ta'uus himaniiru. Naannawaa horsiisiisee bulaatti ammoo qabxiin darbinsaa dhiiraaf 47 yoo ta'u, barattoota dubaraaf 44 ta'uufi qabxiin darbiinsa barattoota fedhii adda kan dhiiraa 44fi dubaraaf 41 ta'uu Obbo Girman himaniiru. Naannoo Oromiyaatti bara barnootaa 2015 barattoota miiliyoona 11 ol barsiisuuf galmeessi kan eegalameen yoo ta'u, Fulbaana 9/2015 guutummaa Oromiyaatti barnoonni ni eegalana. Barana barattoota miliyoona 7.5 ol sagantaa nyaataa manneen barnootaan fayyadamoo taasisuuf haaldureen xumuramuus ibsaniiru. Barattoonni baasii gara garaaf osoo hinsaaxilamin qabxii darbiinsaasaanii karaa toora interneetii http://oromia.ministry.et/#/home jedhuun ilaallachuu akka danda'an biirochi ibseera. DhPI irraa
Komishiniin Naamusaa fi Farra Malaammaltummaa Federaalaa 'Appilikeeshinii' namoonni eeruu kennaniifi ragaa kennaan itti fayyadamuu danda'an ifa godhe.
Mar 3, 2023 34124
Guraandhala 24/2015(TOI) - Komishiniin Naamusaa fi Farra Malaammaltummaa Federaalaa guyyaa har'aa 'Appilikeeshinii' namoonni eeruu ittiin kennaniifi ragaa ittiin eeraan fayyadamuu danda'an 'Public Feedback System' jedhamu ifa godhe. Komishinichi Bulchiinsa Nageenya Odeeffannoo waliin ta’uun Appilikeeshinii kana akka hojjete eerameera. Appichi afaanota biyya keessaa shaniin tajaajila kan kennu ta'uun himaeera. Komishinarri Komishinii Naamusaa fi Farra Malaammaltummaa Federaalaa Dooktar Saamu’eel Urqatoo akka jedhanitti, komishinichi hojiiwwan jijjiramaa hojjechaa jiru milkeesuuf teeknooloojiiwwan fayyadamaa jiraachuu ibsaniiru. Appilikeeshinichi hojii kan ariifachiisuufi haleellaa fi sodaachisaa ragaa eertootaa fi odeeffannoo kennitootarra gahu kan ittisu ta'uu himaniiru. Kana hordofuun hawaasni karaa appilikeshinii 'Public Feedback System'' yaada kennuudhaan itti gaafatamummaa biyyaalessaa isaa ba'uu qabu gaafataniiru. Daarektarri Olaanaa Bulchiinsa Nageenya Odeeffannoo Obbo Solomoon Sookaa akka jedhanitti, appilikeeshinii kana haleellaa saayibarii eegumsii cimaan kan taasifamuuf ta'uu himaniiru. Waajjira Ministira Muummeetti deetaan dhimmoota Kaabinee obbo Tasfaayee Dhaabaa akka jedhanitti, malaammaltummaa ittisuuf dhaabbanni tokko qofaan hojjetee milkaa'uu hin danda'u. Kanaaf lammileen hunduu miira itti gaafatamummaa qabuun malaan maltummaa ittisuuf hirmaachuu qabu jedhaniiru.
Gabaasa addaa
Itiyoophiyaan liqaa ishee hurgufachaa,abdii ishee horachaa gara fuula duraatti tarkaanfachaa jirti - Itti aanaa Ministira Muummee obbo Tamasgeen Xurunaa
Jun 9, 2026 24601
Waxabajji 2 /2018 (ENA): Itiyoophiyaan liqaa ishee hurgufachaa,abdii ishee horachaa gara fuula duraatti tarkaanfachaa jirti jedhani itti aanaan Ministira Muummee obbo Tamasgeen Xurunaa. Itti aanaan muummee ministiraa Pirojektoota misoomaa adda addaa magaalaa Woldiyaatti ijaaraman eebbisuun tajaajilaaf bananiiru. Yeroo eebba kanaatti pirojektoonni misoomaa eebbifaman imala biyyattiin gara fuulduraatti taasiftu kan agarsiisan yoo ta’u, guddinni Itiyoophiyaa eenyullee dhaabuu akka hin dandeenye kuni ragaadha jedhan. Itti aanaan ministira muummee kun ummanni magaalaa Woldiyaa finxaaleyyii fi qoqqoodinsa mormuudhaan kan beekamu ta’uu ibsuun, filannoon isaanii irra deddeebiin nagaa fi mootummaa cimaa ta’uu isaa kan argisiisu ta’uu ibsaniiru. Mootummaan baandota irratti qabsaa’aa jira jedhani. Waggoota 50 fi 60 darbaniif warri yaada dulloomaatiin qabaman guddina ariifataa biyyattii hubachuu akka hin dandeenyes ibsaniiru. Warri bosona keessa jiran jijjiirama guddaa biyyatti dhufe kan akka misooma koridarii, maaddii guutuu, pirojektoota misoomaa fi oomisha qamadii arguu akka hin dandeenye dubbataniiru. Misoomni koridarii magaalota keessatti gaggeeffamaa jiru dhimma bareedinaa qofa osoo hin taane magaalota ammayyeessuun sadarkaa jireenyaa ummataa ol kaasuuf kaayyoo ta’uu ibsaniiru. Magaalonni Itiyoophiyaa magaalota Baha Afriikaa fi addunyaa waliin dorgomuu akka qaban ibsaniiru; akkasumas tajaajila ammayyeessuuf tajaajilli giddugala tokkoo guutuu biyyattiitti babal’achaa akka jiru hubachiisaniiru. Manneen kitaabaa ummataa, manneen kitaabaa dijitaalaa fi kaffeewwan saayinsii magaalaa Woldiyaatti ijaaraman odeeffannoo guyyaa guyyaa irraa gara beekumsaa fi qorannoo gadi fagootti kan ceesisu ta’uu ibsaniiru. Mootummaan, abbootii qabeenyaa fi ummanni pirojektoota misoomaa eegalaman gara baadiyyaatti babal’isuun badhaadhina biyyattii dhugoomsuuf waliin hojjechuu akka qaban waamicha dhiyeessaniiru.
Yaa’ichi dhimmoota Afrikaarratti sagalee tokko dhageessisuun akka danda’amu carraa uumuudha
May 6, 2026 20482
Ebla 28/2018 (ENA)- Kaayyoon guddaan yaa’ii dhiibbaa uumtota miidiyaa hawaasaa Afriikaa (ASMIS) dhiibbaa uumtota jidduutti tumsa cimaa uumuudhaan dhimmoota Afrikaarratti sagalee tokko dhageessisuun akka danda’amu carraa uumuu akka ta’e qindeessaan Palsi oof Afriikaa(POA) obbo Barakat Sisaayi ibsan. Ajandaawwan Afriikaa qabsiisuu fi sagalee waloo dhageessisuuf carraa kan uumu ta’uu dabalanii ibsaniiru. Palsi oof Afriikaan (Pulse of Africa-POA) intarpiraayizii teknolojii E.ji.e waliin ta’uun mata duree “dhiibbaa uumtonni Afriikaa fooyyee qabduuf” jedhuun yaa’iin qophaa’u kun, Ebla 29 fi 30 2018 Finfinnee yaadannoo injifannoo Adwaatti ni gaggeeffama. Yaa’iin kun dhiibbaa uumtota miidiyaa hawaasaa jajjabeessuuf, dinagdee dijitaalaa cimsuuf, tumsa uumuu fi wiirtuu dijitaalaa gochuuf kan kaayyeffateha. Qopheessitoonni yaa’ii kanaa, dhiibbaa uumtonni miidiyaa hawaasaa Itiyoophiyaa yeroo yaa’ii kanaa maqaa gaarii biyyasaanii guddisuu fi tumsasaanii cimsuun haala danda’amurratti ibsa kennaniiru. Qindeessaan Palsi oof Afriikaa obbo Barakat Sisaayi wayita kana akka jedhanitti, Palsi Oof Afriikaan seenessa Afriikaa jallate jijjiiruuf kan hundeeffame miidiyaa Paan Afriikaati. Yaa’iin kun intarpiraayizii teeknooloojii E.ji.e waliin ta’uun qophaa’uusaa eeranii, qajeelfama “seenessa Afriikaa namoota keenyaan dubbachuu qabna” kan jedhu akka bu’uureffate ibsaniiru. Kaayyoon ijoo yaa’ii kanaas dhiibbaa uumtota jidduutti tumsa cumaa uumuun dhimmoota Afriikaarratti sagalee waloo dhageessisuuf carraa uumuu akka ta’e dubbataniiru. Ajandaan gamtaa Afriikaa 2063 karoora wagga 50 Afriikaan ittiin gaggeeffamtu ta’uu eeranii, ummattoota jidduutti walii galtee uumuuf dhiibbaa uumtonni miidiyaa hawaasaa waloomaan akka hojjetan carraa uumuuf waltajjichi faayidaa akka qabu ibsaniiru. Kanaaf yaa’iin kun Afriikonni galmoota ajandaasaanii milkeessuuf waltajjii waloon hojjetan ta’a jedhaniiru. Miidiyaan dijitaalaa waltajjii guddaa kan dinagdee sochoosudha kan jedhan obbo Barakat, dhiibbaa uumtonni miidiyaa hawaasaa karaa faayidaa qabuun akka itti fayyadaman hubannoo waloo uumuu akka barbaachisu hubachiisaniiru. Hojii raawwachiisaan intarpiraayizii E.ji.e obbo Gammadaa olaanaa gamasaaniin, yaa’iin kun maqaa gaarii Itiyoophiyaa akkasumas Afriikaa guddisuuf waltajjii murteessaa ta’uu dubbataniiru. Dhiibbaa uumtonni miidiyaa hawaasaa waa’ee qabiyyee uumuu, wa’ee ijaarsa seenessa Afriikaa fi waa’ee galmoota ajandaa 2063 ejjennoo ifaa akka qabatan godha jedhaniiru. Dhiibbaa uumtonni yaa’ii kanaaf biyyoota Afriikaa garagaraarraa filataman, qaqqabama miidiyaa hawaasaatiin qabanii fi maqaa gaarii Afriikaa guddisuuf gumaacha qabaniin madaalamanii kan filataman ta’uu mirkaneessaniiru.
