ኣዲስ ኣበባ/ መጋቢት/30/ 2017 /ኢዜአ/ተፋሰሶት ንለውጢ ከባብያዊ አየር ተቓላዕቲ ብምዃኖም ንምሕላውን ንምክንኻንን ዝተዋደደ ሓበራዊ ትልሚ ከምዘድሊ ሚኒስቴር ማይን ኢነርጂን ኣገንዚቡ፡፡ ኣብ ሓሙሽተ ተፋሰሳት ዝትግበር “ብራይት” ዝተብሃለ ፕሮጀክት ምሕደራ ዝተዋደደ ተፋሰስ መርሃ ግብሪ ምጅማር ተኻይዱ። ሚኒስትር ዴኤታ ማይን ኢነርጂን ኣብርሃ ኣዱኛ (ዶ/ር) ከምዝበሉዎ፤ ዝተዋደደ ፕሮጀክት ምሕደራ ተፋሰስ ኣብ ተፋሰሳት ኣባይ፣ ኣዋሽ፣ ኦሞ ጊቤ፣ ቃላያት ሓጓፍ ሽንጥሮን ተከዘን ክትግበር ኢዩ፡፡ እቲ ፕሮጀክት ምሕደራ ተፋሰስ 11 ክልላት፣ 71 ዞባታትን 724 ወረዳታትን ዝሓቖፈ ከምዝኾነ እውን ኣብሪሆም፡፡

  ኣዲስ ኣበባ/ መጋቢት/20/ 2017 /ኢዜአ/ኣብ ክልል ኣምሓራ ብሄረሰብ ዋግ ህምራ ምምሕዳር ዞባ ዝቋላ፣ ደሃናን ካልኦት ወረዳታትን ንሓለዋ ሃፍቲ ተፈጥሮ ልዑል ጠመተ ብመሃብ እናተሰርሐ ይርከብ ክብሉ ምክትል ቀዳማይ ሚኒስትር ተመስገን ጥሩነህ ገሊፆም፡፡ እቶም ምክትል ቀዳማይ ሚኒስትር ኣብ ማሕበራዊ ሚድያ ገፆም÷ “ኣብ ከባቢ ብሄረሰብ ምምሕዳር ዋግ ህምራ ሕፅረት ዝናብ ብምህለው ሃፍቲ ተፈጥሮ ኣብ ምዕቃብ ብልዑል ፃዕሪ ተግባራዊ ክኸውን ኣለዎ” ኢሎም፡፡ ተፋሰስ ተከዘ ብመስኖ ናይ ምልማዕ ስራሕቲ በቢብርኩ ምስ ዝርከቡ ኣመራርሓታትን ተሳትፎ ማሕበረሰብ እቲ ከባቢን ርብርብ ዝሓትት ምዃኑ ሓቢሮም፡፡ እዞም ተስፋ ዝህቡ ጅማሮታት ምጥንኻር፣ ምስፋሕን ብቐፃልነት ክትግበሩን ከምዘለዎም ኣገንዚቦም፡፡

አብ ክልል አምሓራ ዞባ ደቡብ ወሎ ፉሉይ ወረዳ፣ አርጎባ ቃሉ፣ ደሴ ዙርያ ወረዳታት ለጋምቦን ተግበረ ሓለዋ ከባቢ ካብ ምፍላሕ ፈልሲ ጀሚሩ ልዑል ጠመተ ተዋሂብዎ ይስራሕ አሎ፡፡ አብ እዚ ተግባር ንዝተዋፈሩ ኩሎም ምስጋና ይግቦኦም። ንመሬት ምክንኻን እንትንኸእል እንረኸቦ ፍሉይ ውህብቶ ንዝኾነ ናይ ምንምባር ውሕስና ከምኡ እውን ብምግቢ ዓርስኻ ናይ ምኸአል ናፅነት እዩ-ምክትል ቀዳማይ ሚኒስትር ተመስገን ጥሩነህ

  አዲስ አበባ/ መጋቢት/ 13/2017 (ኢዜአ)፦ የዓለም ውሃ ቀን "የበረዶ ግግሮችን እንጠብቅ" በሚል መሪ ሀሳብ ዛሬ ይከበራል። ማዓልቲ ማይ ዓለም" ንዝተጋገረ በረድ ዓለም ንሓሉ" ብዝብል መሪሕ ሓሳብ ሎሚ ክኸበር እዩ ። ሚኒስትር ማይን ኢነርጂን ሀብታሙ ኢተፋ /ኢ/ር ዶ/ር/ንዕለት ማይ ዓለም አመልኪቶም አብ ማሕበራዊ ምትእስሳር ገፆም አብ ዘማሓላለፍዎ መልእኸቲ ንሃብቲ ማይ ምቑጣብ ፣ምክንኻን ን ምሕላውን ይግባእ ክብሉ ገሊፆም።

  ኣዲስ ኣበባ/ መጋቢት/12/ 2017 /ኢዜአ/መበል 14 ዝነኣድ ዕለተ ዓለም “ደኒን ምግቢን” ብዝብል መሪሕ ሓሳብ ኣብ ኣዲስ ኣበባ ይሳለጥ ኣሎ። ኣብ ዝሓለፉ ናይ ለውጢ ዓመታት ብዝተሳለጡ ስራሕቲ ልምዓት ሓምለዋይ ኣሰር ሃገራዊ ሽፋን ደኒ ክብ ምስ ምባሉ ጎናጎኒ ልምዓት ደኒ መሰረት ዘላቒ ውሕስነት ምግቢ ንክኸውን ድማ ብቐፃልነት ይስራሕ ከም ዘሎ ሚኒስትር ግብርና ግርማ ኣመንቴ(ዶ/ር) ኣብቲ መድረኽ ተዛሪቦም። እዚ ኣሃዝ ሽፋን ደኒ ክሳብ 2030 ናብ 30 ሚኢታዊ ክብ ንምባል ይስራሕ ከምዘሎ ተሓቢሩ። ዋና ዳይሬክተር ለምዓት ደኒ ኢትዮጵያ ከበደ ማሞ ብግደኦም፥ ሃፍቲ ደኒ ኢትዮጵያ ነክምዕብል፣ ዝዓረቑን ኣሲዳማ መሬታትን ንክምለሱ ቆላሕታ ከምዝተውሃበ ኣፍሊጦም።

  ኣዲስ ኣበባ/ መጋቢት/5/ 2017 /ኢዜአ/ ትካላት ፋይናንስ ለዉጢ ከበብያዊ አየር ንምክልኻል ኣብ ዝካየድ ፃዕሪ እጃሞም ንኸበርክቱ ሚኒስቴር ፕላንን ልምዓትን ፀዊዑ፡፡ “ትካላት ፋይናንስ ብብርኪ ዓለም ዘሎ ለውጢ ከባብያዊ አየር ንምክልኻል ፋይናንስ ከምፅኡ ትፅቢት ይግበረሎም” ብዝብል መሪሕ ሓሳብ ምስ ኩሎም ኣመራርሓ ትካላት ፋይናንስ ዘተ ኣሳሊጡ፡፡ ሚኒስትር ልምዓትን ፕላንን ፍፁም ኣሰፋ (ዶ/ር)÷ ኢትዮጵያ ለዉጢ ከባብያዊ አየር ንምክልኻል ተካይዶ ፃዕሪ ትካላት ፋይናንስ ዉሽጢ ዓዲ እጃሞም ክዋፅኡ ኣተሓሳሲበን፡፡ መንግስቲ ለዉጢ ከባብያዊ አየር ንምፅዋር ዘኽእሉ ግሁድ ተግባራት እናወገነ ይርከብ ዝበላ እተን ሚኒስትር÷ ኣብዝሓለፉ ሽዱሽተ ዓመታት ብዉፅኢታዊነት ዝተጉዓዘ ሓምለዋይ ኣሰር እዩ ኢለን፡፡ ትሩፋት ሌማትን ፍርያት መስኖ ሓጋይን ዉፅኢታዊ ስራሕቲ ዝተወገኑሎም ዓዉዲታት ምዃኑ ከም ኣብነት ምፅረሐን ኣብቲ ሚኒስቴር ዝተረኸበ ሓበሬታ ይገልፅ፡፡

 

  ኣዲስ ኣበባ/ መጋቢት/2/ 2017 /ኢዜአ/ኢትዮጵያ ካብ ባዕላ ሓሊፉ ንጎረባብቲ ሃገራት ኣብ ግምት ዘእተወ መእለይ ሓደገኛ ኬሚካላት ክትሃንፅ ምዃና ዋና ዳይሬክተር በዓል መዚ ሓለዋ ከባቢ ለሊሴ ነሜ (ኢ/ር) ገሊፀን፡፡ እተን ዋና ዳይሬክተር ከምዝገለፀኦ፤ ኢትዮጵያ ብመሰረት ዝፈረመቶም ዓለም ለኸ ስምምዓት ኣብ ሰብን ከባቢን ጉድኣት ዘብፅሑ ሓደገኛ ኬሚካላት ናብ ሃገር ከይኣትዉ ቁፅፅር እናገበረት ትርከብ። ትካላት ጥዕና፣ ኣቢያተ ትምህርቲን ካልኦት ትካላትን ኣድለይቲ ኬሚካላት ናብ ሃገር ከእትዉ ከምዝኽእሉ እውን ተዛሪበን። እቶም ኬሚካላት ናይ ኣገልግሎት ግዘኦም እንትሓልፍ ብግቡእ ክእለዩ ከምዝግባእ ብምግላፅ፤ እንተዘይተወጊዶም ኣብ ልዕሊ ሰብ፣ ጥዕናን ከባቢያዊ ስነ ምህዳርን ዝኸፍአ ጉድኣት ዘብፅሑ ከምዝኾኑ ኣገንዚበን። ብምዃኑ ድማ ኣገልግሎቶም ዝሓለፈ ኬሚካላት ዘእትዉ ትካላት ክእለዩ እናተገበረ ከምዝኾነ ተዛሪበን፡፡

  ኣዲስ ኣበባ/ለካቲት /28/2017 (ኢዜኣ) ኢትዮጵያ ለውጢ ከባብያዊ ኣየር ንምፅዋር ተሳልጦም ዘላ ስራሕቲ ውፅኢታዊ ንክኾኑ ዩኒቨርሲቲታት ብምርምርን መፅናዕትን ደገፍ ክገብሩ ትፅቢት ከምዝግበረሎም ሚኒስትር ፕላንን ልምዓትን ፍጹም ኣሰፋ(ዶ/ር) ገሊፀን። ሚኒስቴር ፕላንን ልምዓትን ምስ ዩኒቨርሲቲታት ፎረም ለውጢ ከባብያዊ ኣየር ንምምስራት ዝዓለመ ዘተ የሳልጥ ኣሎ። ሚኒስትር ፕላንን ልምዓትን ፍጹም ኣሰፋ(ዶ/ር) ኣብዚ እዋን ከምዝበልኦ፤ ብብርኪ ዓለም ለውጢ ከባብያዊ ኣየር ንምፅዋር ዝስርሑ ዘለዉ መርሃ ግብርታት ንምዕዋት ዩኒቨርሲቲታት ዝገብርዎ ምርምራት ኣጠናኺሮም ክቕፅልሉ ይግባእ። ኢትዮጵያ ለውጢ ከባብያዊ ኣየር ንምፅዋር ዘኽእሉ ስጉምትታት እናወሰደት ከምትርከብ ብምግላፅ፤ ስራሕቲ መርሃ ግብሪ ሓምለዋይ ኣሰር፣ልምዓት ሓለዋ ሃፍቲ ተፈጥሮ፣ኣማራፂ ተሓዳሲ ሓይሊ ምጥቃምን ምቕናስ ብኽለት ኣየርን ከም ኣብነት ፀሪሐን። ብተወሳኺ እውን መንግስቲ ለውጢ ከባብያዊ ኣየር ንምፅዋር ዝተፈላለዩ ፖሊሲታትን ስትራቴጂታትን ሓንፂፁ ተግባራዊ እናገበረ ከምዝርከብ ኣረዲአን። ተወካሊ ሚኒስቴር ትምህርቲ ኤባ ሚጀና (ዶ/ር) ብግደኦም፤ ዩኒቨርሲቲታት ኣብ ለውጢ ከባብያዊ ኣየር ዝስርሑ ዘለዉ ስራሕቲ ምርምርን መፅናዕትን ናብ ተግባር ንክኣትዉን እታዎት ፖሊሲ ንክኾኑን ክሰርሑ ትፅቢት ይግበረሎም ኢሎም። ስለዝኾነ እውን ቀፃልነት ዘለዎም ስራሕቲ ክሰርሑ ከምዘለዎም ገሊፆም።

  መቐለ/ለካቲት/ 27/2017 (ኢዜኣ) ኣብ ክልል ትግራይ ዝሳለጡ ዘለዉ ስራሕቲ ዕቀባ ሓመድን ማይን ስነ ምህዳር ከባቢ ካብ ምሕላው ሓሊፉ ስራሕ መስኖ ንክስፋሕፋሕ እናገበሩ ምዃኖም ቢሮ ሕርሻን ሃፍቲ ተፈጥሮን ግዝያዊ ምምሕዳር እቲ ክልል ገሊጹ። ምክትል ሓላፊ እቲ ቢሮን መተሓባባሪ ዘፈር ሃፍቲ ተፈጥሮን ውሕስና ምግብን ኣለምብርሃን ሃሪፈዮ፤ ልምዓት ሃፍቲ መስኖን እንሰሳትን ንምዕባይ ስራሕ ሓምለዋይ ልምዓት ምጥንኻር ወሳኒ ከምዝኾነ ሓቢሮም። ኣብቲ ክልል ቅድሚ ሕዚ ዝተሰርሑ ስራሕቲ ልምዓት ስነ ምህዳር እቲ ምህዳር ካብ ምቕያር ብተወሳኺ ስራሕ መስኖ ንክስፋሕፋሕን ቀረብ ቀለብ እንሰሳት ንክመሓየሽን ከምዝገበሩ ኣረዲኦም። ኣብ ናይ ሎሚ ዘበን ጎስጓስ ስራሕ ዕቀባ ሓመድን ማይን ኣብ ልዕሊ 1 ሽሕን 200 ወሓዝቲ ዝስራሕን ዝናብ ውሕጅ ኣልቦ ዝገብርን ኣሰራርሓ ተግባራዊ ከምዝተገበረ ገሊፆም። ድርቅን ለውጢ ከባብያዊ ኣየርን ብዘላቕነት ብምክልኻል ፍርያትን መፍረያይነትን ሕርሻን እንሰሳትን ንክውስኽ ሓለዋ ሃፍቲ ተፈጥሮ ማእኸል ዝገበረ ስራሕ ኣብ ኩሎም ወረዳታት እቲ ክልል ተጠናኺሩ ከምዝቐፀለ እውን ተዛሪቦም። ልምዓት ሓምለዋይ ኣሰር ምቕፃል መማረፂ ዘይብሉ ጉዳይ ከምዝኾነ ብምሕባር፤ ኣብቲ ዝሳለጥ ዘሎ ስራሕ ዕቀባ ሓመድን ማይን ሚኒስቴር ግብርና ብሞያ፣እታዎትን ፋይናንስን ዝጀመሮ ደገፍ ኣጠናኺሩ ንክቕፅለሉ ሓቲቶም። ኣብ ክልል ትግራይ ዞባ ማእኸላይ መተሓባበሪ ልምዓት ሃፍቲ ተፈጥሮ ወረዳ ሓውዜን ኣይተ ተኽላይ ኪዳነ ብግደኦም፤ ኣብቲ ስራሕ ዕቀባ ሓመድን ማይን ተሳትፎ ህዝቢ ተጠናኺሩ ከምዝቐፀለ ሓቢሮም። ኣብቲ ወረዳ በቢመዓልቱ ብማእኸላይ ልዕሊ 13 ሽሕ ማሕበረሰብ እናተሳተፈን ኣብቶም ጣብያታት ተሞኩሮ ልውውጥ እናተኻየደን ከምዝኾነ እውን ተዛሪቦም።

  ኣዲስ ኣበባ/ለካቲት/ 26/2017 (ኢዜኣ) ኣብ ኢትዮጵያ ድሕሪ እቲ ሃገራዊ ለውጢ ዝተሃነፁ ኣርባዕተ ዘበናዊ ራዳራት ኣብ ውሽጢ 250 ኪሎ ሜትር ራድየስ ቅልጡፍን እሙንን ሓበሬታ ትንበያ ኣየር እናሃቡ ከምዝኾኑ ኢንስቲትዩት ሚቲዎሮሎጂ ኢትዮጵያ ገሊፁ። ምክትል ዋና ዳይሬክተር ዘፈር ትንበያ ኢንስቲትዩት ሚቲዎሮሎጂ ኢትዮጵያ ኣሳምነው ተሾመ (ዶ/ር) ንኢዜኣ ከምዝበልዎ፤ ቅልጡፍን እሙንን ሓበሬታ ትንበያ ኣየር ንምእካብ ዘበናዊ ቴክኖሎጂ ኣድላይ እዩ። ኢትዮጵያ እዋኑ ዝሓለወ ቅልጡፍን እሙንን ሓበሬታ ሜቲዎሮሎጂ ንምቕራብ ቴክኖሎጂታት ኣብ ረብሓ እናውዓለት ከምዝኾነት ገሊፆም። ስለዝኾነ እውን ድሕሪ እቲ ሃገራዊ ለውጢ ዝተማልአ ሓበሬታ ትንበያ ኣየር ምሃብ ዘኽእሉ ነዚ ዘበን ዝምጥኑ ቴክኖሎጂታት ትንበያ ተሃኒፆም ኣብ ጥቕሚ ምውዓል ጀሚሮም እዮም ኢሎም። ኣብ ዝሓለፉ 3 ዓመታት እዚ ዘበን ዝበፅሖ ብርኪ ቴክኖሎጂ ዘርእዩ 310 መሳርሕታት ትንበያ ኣየር ተተኺሎም ኣብ ጥቕሚ ከምዝወዓሉ ተዛሪቦም። ቴክኖሎጅታት መመዝገቢታት ትንበያ ኣየር ህፁፅ ውሕጅን ድርቅን ቀዲምካ ንምትንባይን ስራሕቲ ቅድመ መጠንቀቕታ ንምስራሕን ዝለዓለ ኣስተዋጸኦ እናገበሩ ከምዝኾኑ ኣረዲኦም። ኣብ ኢትዮጵያ ድሕሪ እቲ ሃገራዊ ለውጢ ኣርባዕተ ዘበናዊ ራዳራት ኣብ ውሽጢ 250 ኪሎ ሜትሮ ራድየስ ኩነታት ፀባይ ኣየር ብምምዝጋብ ቅልጡፍን እሙንን ሓበሬታ ትንበያ ኣየር እናሃቡ ከምዝኾኑ ተዛሪቦም። ኣርቲፊሻል ኢንተለጀንስ ብምጥቃም ኣገልግሎት ብዝበለፀ ንምምዕባል ምስ ኢንስቲትዩት ኣርቲፊሻል ኢንተለጀንስ ኢትዮጵያ ብሓባር እናሰርሑ ከምዝኾኑ እውን ሓቢሮም። ብተወሳኺ እውን ኣብ ኣዲስ ኣበባ፣መቐለን ነገሌን ንትንበያ ዓውዲ ትራንስፖርት ኣየር ዝሕግዙ መመዝገብታት ብራኸ ነፈርቲ ተሃኒፆም ኣገልግሎት እናሃቡ እዮም ኢሎም።

  ኣዲስ ኣበባ/ለካቲት/22/ 2017 (ኤፍ ኤም ሲ)ኢትዮጵያ ማእኸል ስልጠና ዓለም ሚቲዎሮሎጂ ትካል ብምዃን ከምዝተመረፀት ኢንስቲትዩት ሚቲዎሮሎጂ ኢትዮጵያ ኣፍሊጡ። እቲ ኢንስቲትዩት ማእኸል ስልጠና ኣህጉር ኣፍሪካ ናብ ኢትዮጵያ ንምምፃእ እናገበሮ ዝነበረ ፃዕሪ ብትካል ሚቲዎሮሎጂ ዓለም ተቐባልነት ምርካቡ ተገሊፁ። እቲ ሕርያ ኢትዮጵያ ኩለመዳይ ስርሓቲ ንኽተተኣናግድ ከምዝሕግዝ ኢንስቲትዩት ሚቲዎሮሎጂ ኢትዮጵያ የመላኽት።

 

 

  ኣዲስ ኣበባ/ለካቲት/ 13/2017 (ኢዜኣ) መርሃ ግብርታት ወሰና ወሰን ሩባታት፣ልምዓት ኮሪደርን ሓምለዋይ ኣሰርን ብኽለት ለውጢ ከባብያዊ ኣየር ኣብ ምቕናስ ልዑል ኣስተዋፅኦ እናበርከቱ ከምዝኾኑ በዓል መዚ ሓለዋ ከባቢ ኢትዮጵያ ኣፍሊጡ። ማሕበር ሞያ ቶራሲክ ሶሳይቲ ኢትዮጵያ ምስ ሕማም ሳንባን ካልኦት ሕማማትን ተዛሚዶም ኣብ ዝፍጠሩ ሕማማት መተንፈሲ ዝሰርሕ ማሕበራዊ ትካል እዩ። እቲ ማሕበር ለውጢ ከባብያዊ ኣየር ኣብ መተንፈሲ ኣካላት ዘሕድሮ ዘሎ ፅልዋ ከመይ ምቕናስ ይከኣል ብዝብል መበል 11 ዓመታዊ ኮንፈረንስ ኣሳሊጡ። ኣብቲ መድረኽ ፤ ዋና ዳይሬክተር በዓል መዚ ሓለዋ ከባቢ ኢትዮጵያ ኢንጂነር ለሊሴ ነሜ፣ፕሬዚዳንት ማሕበር ሞያ ቶራሲክ ሶሳይቲ ኢትዮጵያ ዶክተር ራሄል ኣርጋውን ካልኦት መዳርግቲ ኣካላትን ተረኺቦም። ዋና ዳይሬክተር በዓል መዚ ሓለዋ ከባቢ ኢትዮጵያ ኢንጂነር ለሊሴ ነሜ፤ መንግስቲ ምስ ከባብያዊ ብኽለት ብዝተኣሳሰረ ዘጋጥም ፅልዋ ንምቕናስ ሰፋሕቲ ስራሕቲ እናሳለጠ እዩ ኢለን። ስለዝኾነ እውን ምስ ዝተፈላለዩ ትካላት ስምምዕ ብምፍፃም ኣብታ ሃገር ዘሎ ከባብያዊ ብኽለት ንምቕናስን ንፁህ ከባቢ ንምፍጣርን ዘኽእሉ ስራሕቲ ከምዝተሳለጡ ሓቢረን። ብተበግሶ ቀዳማይ ሚኒስትር ዐቢይ ኣሕመድ (ዶ/ር) ዝተጀመሩ መርሃ ግብርታት ወሰና ወሰን ሩባታት፣ልምዓት ኮሪደርን ሓምለዋይ ኣሰርን ብኽለት ለውጢ ከባብያዊ ኣየር ኣብ ምቕናስ ልዑል ኣስተዋፅኦ እናበርከቱ ከምዝኾነ ከም ኣብነት ፀሪሐን። ፕሬዚዳንት እቲ ማሕበር ዶክተር ራሄል ኣርጋው ብግደአን፤ ለውጢ ከባብያዊ ኣየር ኣብ ልዕሊ መተንፈሲ ኣካላት ብፍላይ ድማ ኣብ ልዕሊ ሳምባ ልዑል ጉድኣት ከምዘስዕብ ገሊፀን። እቲ ኮንፈረንስ፤ ኣብ ሕማማት ሳምቡእ፣ኣስሚ፣ሱር ዝሰደደ ኣካል መተንፈሲ፣ካንሰርን ተዛመድቲ ጉዳያት ጥዕናን ጠመተ ዝገበረ ከምዝኾነ ብምሕባር እቲ ሕብረተሰብ ኣብ ሕማማት መተንፈሲ ኣካላት ዘለዎ ግንዛበ ንምዕባይን ኣብቲ ሕማም ዝግበር ምርመራ ንምድጋፍን ዝዓለመ ከምዝኾነ ኣረዲአን።

  ኣዲስ ኣበባ/የካቲት/6/ 2017 /ኢዜአ/ኢትዮጵያ ብኩነታት ለውጢ ከባብያዊ አየር ዘይብዳህ ተመክሮ ፍሪያት ግብርናኣ ኣማቒላ። እቲ ተመክሮ፥ “ዓለም ለኸ መስኖን ብኩነታት ለውጢ ከባብያዊ አየር ዘይብዳህ መፍሪያይነትን” ብዝብል መሪሕ ሓሳብ ኣብ ኣዲስ ኣበባ ኣብ ዝካየድ ዘሎ ጉባኤ ኢያ ኣቕሪባ። ኣብቲ ጉባኤ፥ ፕሬዚዳንት ታዬ ኣፅቀስላሴ ሓዊሱ ሚኒስትራትን ተወከልቲ ዝተፈላለያ ሃገራትን ተሳቲፎም። ሚኒስትር ፕላንን ልምዓትን ፍፁም ኣሰፋ (ዶ/ር)፥ ኢትዮጵያ ኣብ ዘላቒ ልምዓትን ምፅዋር ለውጢ ከባብያዊ አየርን ተመዝግቦ ዘላ ውፅኢት ንተሳተፍቲ ኣቕሪበን። ኢትዮጵያ ኣብ ሓምለዋይ ኣሰርን ሓለዋ ከባቢን ጭቡጥ ዝበሃል ለውጢ ትትግብር ከምዘላ ሓቢሮም። ምክልኻል ለውጢ ከባብያዊ አየር ኣካል ናይዚ ትሕዝቶ ትልሚ ከምዝኾነ ሓቢረን። ክሳብ ሐዚ 40 ቢሊየን ፈልሲታት ብምትካል ሽፋን ደኒ እዛ ሃገር 6 ሚኢታዊ ክዓቢ ከምዝኸኣለ ኣገንዚበን።

  ኣዲስ ኣበባ/የካቲት/3/ 2017 /ኢዜአ/ዓለም ለኸ ጉባኤ መስኖን ለውጢከባብያዊ አየር ዘይብዳህ ልምዓትን ካብ 5 ክሳብ 7 ለካቲት 2017 ዓ.ም ኣብ ዝኽሪ ዓወት ዓድዋ ካካየድ ኢዩ፡፡ ኣብቲ መርሃ ግብሪ ካብ ዝተፈላለያ ሃገራት ዓለምን ትካላትን ዝተውፃእፅኡ ለዕሊ 1 ሺሕ ተሳተፍቲ ከምዝርከቡ ሚኒስቴር መስኖን ቆላማ ከባቢን ኣፍሊጡ፡፡ ኣብቲ ጉባኤ ኣብቲ ዓውዲ ዝስተውዓሉ ማሕለኻትን ዘለዉ ዓወታትን መሰረት ዝገበሩ ስራሕቲ ምርምር ከምዝቐርቡ ተሓቢሩ፡፡ ኢትዮጵያ ብምግቢ ርእሳ ንምኽኣል፣ ለውጢ ከባብያዊ አየር ንምክልኻልን ፍርያትን መፍረያይነትን ንምድንፋዕብ ኣብ ስራሕቲ መስኖ ዘመዝገበቶም ውፅኢታት ብተሞክሮ ከምዝቐርቡን ልምዲ ከምዝውሰኸሎምን ተገሊፁ።

  አዲስ አበባ/ የካቲት/ 03/2017(ኢዜአ)፦ ህንፀት ሓምለዋይ ኢኮኖሚ ኢትዮጵያ ንፅዕንቶ ለውጢ ከበብያዊ አየር ዘይብዳህ ተሞክሮ ዓለም ምኹኑ ዝድነቐ እዩ ክብሉ ትካላት ዓለም ለኸ መስኪሮም አብ ውድብ ሕቡራት ሃገራት ስምምዕነት ለውጢ ከባብያዊ አየር ማእከል ምትሕብባር ስፔሻሊስት ዕድጊት ዞባ ምብራቐን ደቡብ አፍሪካን አርባንስ ቤኒዋኒራ፤ኢትዮጵያ ፅዕንቶ ለውጢ ከባብያዊ አየር ንምንካይ ዞባውን ዓለም ለኸ ተራአ ሒዛ ትዋሳእ ከም ዘላ ገሊፆም። ኢትዮጵያ ንፅዕንቶ ለውጢ ከባብያዊ አየር ንምንካይ ብዘፈር አማራፂ ሓምለዋይ አሰርን ታሃዳሲ ሓይሊን ዕውት ሓምለዋይ ኢኮኖሚ ምህናፃ ዝድነቐ እዩ አሎም ። ንአልቦ ሞተርን ብኤሌክትሪክ ዝተደገፈ ስርዓት ትራንስፖርት ጠመተ ሂባ ንትግበራ ዓለም ለኸ ስምምዓትን ንምንካይ ልቀት በከልቲ ጋዛት ዘለዋ ቁሩብነት ከምዘርኢ አመልኪቶም። እቲ ስትራተጂ ብመስረት ስምምዕነት ንብረት አየር ፓሪስ ዕቑር ዓቐሚ ሃገር ንምጥቃም ከም ዝሕግዝውን ፀሪሖም። አብ መማረፂ ሓይሊ ታሃዳሲ ዝስርሑ ስርሓትታት ልምዓት ንዜጋታት ጥዕና ዘለዎ ከባቢ አብ ምፍጣር ዘይትካእ ተራ ከምዝህልዎ አገንዚቦም።

 

  ኣዲስ ኣበባ/ጥሪ/ 30/2017 (ኢዜኣ) ዓለም ለኸ ጉባኤ መስኖን ንለውጢ ከባብያዊ ኣየር ዘይቃላዕ መፍረያይነትን ካብ 5 ክሳብ 7 ለካቲት 2017 ዓ/ም ኣብ ኣዲስ ኣበባ መዘከርታ ዓወት ዓድዋ ክካየድ እዩ። ኣብቲ ጉባኤ፤ መራሕቲ ሃገራት፣ሰብ ሞያን ዝምልከቶም ኣካላትን ክሳተፉ እዮም። እቲ ጉባኤ፤ ንለውጢ ከባብያዊ ኣየር ዘይቃልዑ ትግበራ ፖሊሲታት ቴክኖሎጂ ንምሕንፃፅን ውሕስና ምግቢ ኣፍሪካ ንምርግጋፅን ጠመተ ዝገበረ ከምዝኾነ ካብ ሚኒስቴር መስኖን ከባብታት ቆላን ዝተረኸበ ሓበሬታ የመላኽት። እቲ ዘተ ከም መጨበጢ ግንዛበ ኮይኑ ከምዘገልግል እውን ተገሊፁ።