ኣዲስ ኣበባ/ሰነ/ 7/2017 (ኢዜኣ) ቀዋሚ ኤግዚቪሽን ሙዜም ሳይንስ ናይ ፅባሕ ኢትዮጵያ እንሰርሐሉን እንሃንፀሉን ዓብይ ሃፍቲ ዝሓዘ እዩ ክብሉ ቀዳማይ ሚኒስትር ዐቢይ ኣሕመድ(ዶ/ር) ገሊጾም። ቀዳማይ ሚኒስትር ዐቢይ ኣሕመድ(ዶ/ር) ኣብ ዝተረኸብሉ ክፍሊ ቀዋሚ ኤግዚቪሽን ሙዜም ሳይንስ ብዕሊ ተኸፊቱ። እቲ ኤግዚቪሽን፤ ኣብ ኣርቴፊሻል ኢንተሊጀንስ፣ለውጢ ከባያዊ ኣየርን ምላሽ ኢትዮጵያን፣ግብርና፣ሓይሊ ማይን ኢነርጅን፣ኤሮኖቲክስን ኣቪየሽንን ጠመተ ዝገበሩ 5 ምድባት ዓውደ ርእይ ዝሓዘ እዩ። ቀዳማይ ሚኒስትር ዐቢይ ኣሕመድ(ዶ/ር) ኣብዚ እዋን፤ ህንፃ ሙዚየም ሳይንስ ቅድሚ ከባቢ ክልተ ዓመት ተሃኒፁ ብግዝያዊ ኤግዚቪሽን ምምራቑ ኣዘኻኺሮም። እቲ ቀዋሚ ኤግዚቪሽን ልዑል ሃፍቲ ከምዝሓተተ ብምሕባር፤ ብጣዕሚ ጠቓሚ ነገር ዝሓዘ ከምዝኾነን እንሰርሀሉ ሙዚየም ኣብዚ እዩ ዘሎ ክብሉን ገሊፆም። ኢትዮጵያውያን ፅባሕ ምስራሕን ምልዋጥን እንተደልዮም ደቆም ናብዚ ኤግዚቪሽን ከምፅእዎም ከምዝግባእ እውን ሓቢሮም። ቆልዑ ኣብቲ ሙዚየም ዘለዉ ነገራት ብተግባር ብምርኣይ ናይ ፅባሕ መንነቶም ምስራሕን ናይ ፅባሕ ድሌቶም ጋህዲ ምግባርን ይኽእሉ እዮም ኢሎም። እቲ ኤግዚቢሽን ንቆልዑ ዓብይ በረከት ሒዙ ከምዝመፀ ዝገለፁ እቶም ቀዳማይ ሚኒስትር፤ መንኣሰይ ቴክኖሎጂ ብኣግባቡ ንክጥቀሙን ኢሉ እውን ፈጣርቲ ንክኾኑን በሪ ዝኸፍት ከምዝኾነ ኣረዲኦም። እዚ እናርኣየ ዝዓበየ ውላድ ጥበብን ፍልጠትን ብምምዕባል ፅባሕ ሃገሩ ዝሕልው፣ሃገሩ ዘማዕብል፣ሃገሩ ዘልምዕን ዘፅንዕን እዩ ዝኸውን ክብሉ እውን ሓቢሮም። ብተወሳኺ እውን መማህራን፣ተመራመርትን ፅባሕ ምስራሕ ዝደልዩ ሰባትን ኩሎም እዚ ኤግዚቪሽን ንክጉብንዩ ፃውዒት ገይሮም። እቶም ቀዳማይ ሚኒስትር፤ ንህንፀት እቲ ቀዋሚ ኤግዚቪሽን ደገፍ ንዝገበሩ ሃገራትን ዓለም ለኸ ትካላትን ኣመስጊኖም።

  ኣዲስ ኣበባ/ሰነ/ 7/2017(ኢዜኣ) ቀዳማይ ሚኒስትር ዐቢይ ኣሕመድ(ዶ/ር) ኣብ ዝተረኸብሉ ክፍሊ ቀዋሚ ኤግዚቢሽን ሙዜም ሳይንስ ብዕሊ ተኸፊቱ። እቲ ክፍሊ፤ ኣብ ኣርቴፊሻል ኢንተሊጀንስ፣ለውጢ ከባያዊ ኣየርን ምላሽ ኢትዮጵያን፣ግብርና፣ሓይሊ ማይን ኢነርጅን፣ኤሮኖቲክስን ኣቪየሽንን ጠመተ ዝገበሩ 5 ምድባት ዓውደ ርእይ ዝሓዘ እዩ። እዚ ድማ ሃገርና ሳይንስን ቴክኖሎጅን ንምጥቃም ዘለዋ ድሌት ዘርኢ እዩ ክብል ቤት ፅሕፈት ቀዳማይ ሚኒስትር ኣፍሊጡ። ብተወሳኺ እውን ኣብ ሃገርና ፈላማይ ዝኾነ ሉላዊ ኣዳራሽ ምርኢት ቅርፂ ህዋ ዕላዊ ኮይኑ ክብል ገሊፁ። ኣብ ልዕሊ 1000 ሜትሮ ስኬር ሜትሮን 36 ሜትር ዲያሜትርን ሒዙ ዝዓረፈ እቲ ኣዳራሽ ነዚ ዘበን ብዝምጥን ቴክኖሎጂ መርኣዪ ዲጂታል ምስሊ 4k ዝተገጠመሉ ከምዝኾነ ገሊፁ። ፍልጠት ንምድህሳስ፣ንምምሃርን ንምንቕቓሕን ምችው ዝኾነ ሙዜም ሳይንስ ንጎብነይቲ ክፍቲ ከምዝኾነ እውን እቲ ቤት ፅሕፈት ሓቢሩ። ህዝቢ እውን መፃኢ ተስፋ ሳይንስን ቴክኖሎጅን ኢትዮጵያ መፂኡ ንክዕዘብ እቲ ቤት ፅሕፈት ዓዲሙ።

  ወላይታ ሶዶ/ግንቦት /22/2017 (ኢዜኣ) ብመራኸብቲ ሓፋሽ ኣተኣኻኻቢ ትረኻ ንምስራፅ ብዝተሰርሐ ስራሕ ውፅኢት ከምዝተመዝገበ ሚኒስትር ዲኤታ ሚኒስቴር ኣገልግሎት ኮሙኒኬሽን መንግስቲ ተስፋሁን ጎበዛይ ተዛሪቦም። እቶም ሚኒስትር ዲኤታ “ዘበነ ድሕረ ሓቂ ብሓቅን ፍልጠትን” ኣብ ትሕቲ ዝብል መሪሕ ሓሳብ ንኣመራርሓን ሰብ ሞያን ሚድያ ክልል ደቡብ ኢትዮጵያ ስልጠና ኣብ ዝሃብሉ እዋን ከምዝበልዎ፤ መራኸብቲ ሓፋሽ ሓቂ ሒዞም ዘለዎም ፅልዋ ንምርግጋፅ ክሰርሑ ኣለዎም። እዚ ዘበን ሓቂ ዝተፈተነሉን ስምዒት ኮርኮርቲ ዛዕባታት ጎሊሆም ዝረኣይሉን ስለዝኾነ ስኑዕ ሓበሬታታት ንምክልኻል ተወሳኺ ዓቕሚ ምፍጣር ኣድላይ እዩ ኢሎም። ጠንካራ ኢኮኖሚ ዝሃነፀትን ሕብረ ብሄራዊ ሓድነታ ዝተሓለወትን ሃገር ንምህናፅ ገዛኢ ተረኽ ምስራፅ ዘኽእል ስራሕ ሚድያ ምስራሕ ከምዝግባእ እውን ተዛሪቦም። ስለዝኾነ ድማ ዓውዲ ሚድያ ኣብ ዝሓለፉ ክልተ ዓመታት ብሄራዊ ተረኽ ኣብ ምስራፅ ዝነኣድ ውፅኢት ከምዝተመዝገበ ሓቢሮም። ኣመራርሓን ሰብ ሞያን ሚድያ ሓቃውነት ኢትዮጵያን ኣብ ውሽጢ ብዝሃነት ዘሎ ሕብርን ፅባቐን ኣጉሊሆም ንከውፅኡ ዘኽእል ዓቕሚ ንምጥንኻር ዝግበር ስራሕ ተጠናኺሩ ክቕፅል እዩ ኢሎም።

  ኣዲስ ኣበባ/ግንቦት /20/2017 (ኢዜኣ) ኣብ 10 ትካላት ፌዴራል፣ክልላትን ምምሕዳር ከተማታትን ዝተሃነፁ ክፍልታት መሳለጢ ስማርት ኮሙኒኬሽን ኣገልግሎት ተመሪቖም ምሃብ ጀሚሮም። እቶም ክፍልታት መሳለጢ ስማርት ኮሙኒኬሽን ኣብ ዝተፈላለዩ ከባብታት ዝርከቡ ዝምልከቶም ኣካላት ብቐሊሉ ንክራኸቡን ስርሖም ንከሳልጡን ዘኽእሉ እዮም። ሚኒስትር ኢኖቬሽንን ቴክኖሎጅን በለጠ ሞላ(ዶ/ር)፤ እቶም ሎሚ ስራሕ ዝጀመሩ ክፍልታት መሳለጢ ስማርት ኮሙኒኬሽን ነዚ ዘበን ዝምጥን ቴክኖሎጂ ዝተማልአሎምን ፅሬቱ ብዝሓለወ መንገዲ ዝተሃነፁን እዮም ኢሎም። እቶም ማእኸላት ዝተቐላጠፈን ዝተማእኸለን ርክብ ስራሕ ከምዝፈጥሩ ብምሕባር፤ ብኣግባቡ ምጥቃምን ንነዊሕ እዋን ኣገልግሎት ንክህቡ እቶም መሰረተ ልምዓታት ምሕላውን ከምዝግባእ ኣረዲኦም። ኣብ ቤት ምኽሪ ወከልቲ ህዝቢ ኣካቢ ቀዋሚ ኮሚቴ ጉዳያት ወፍሪ ስራሕ ሓይሊ ሰብን ቴክኖሎጅን ነገሪ ሌንጮ(ዶ/ር) ብግደኦም፤ እቶም ክፍልታት መሳለጢ ስማርት ኮሙኒኬሽን ሓበሬታ ንምልውዋጥ ርኡይ ኣስተዋፅኦ ዘለዎም እዮም ኢሎም። ዲጂታል ኢትዮጵያ ጋህቢ ዝገብሩ መሰረተ ልምዓታት እናተሰርሑ ከምዝኾኑ ዝገለፁ ሚኒስትር ዲኤታ ሚኒስቴር ኢኖቬሽንን ቴክኖሎጂን ይሽሩን ኣለማየሁ(ዶ/ር)፤ እቶም ክፍልታት መሳለጢ ስማርት ኮሙኒኬሽን ዝተፈላለዩ ስራሕቲ፣ኣኼባታትን ስልጠናታትን ግዜን ወጻእን ብዝቑጥቡ መልክዑ ብቐሊሉ ምምራሕ ዘኽእሉ ዘበናዊ ቴክኖሎጂታት ከምዝተዘርገሐሎም ተዛሪቦም።

  ኣዲስ ኣበባ/ ግንቦት/20/ 2017 /ኢዜኣ/ ቀዳማይ ሚኒስትር ኣብይ ኣሕመድ (ዶ/ር) ኣብ ኢንስቲትዩት ስፔስ ሳይንስን ጂኦስፓሻልን ኢትዮጵያ ዑደት ኣካይዶም። እቲ ኢንስቲትዩት ካብ መሬት ክሳብ ህዋ ዘለው መረዳእታታት ብምትንታን ስራሕቲ ምርምር ዘካይድ ትካል ምዃኑ ካብ ቤት ፅሕፈት ቀዳማይ ሚኒስትር ዝተረኸበ ሓበሬታ የረድእ። ስራሕቲ ምርምር ብሳይንሳዊ መገዲ እናተንተኑ ብቅድመ ትንበያን ስራሕቲ ትካላት ብምስራሕ ንዝምልከቶም ትካላት ክጥቀምሉ የኽእል ተባሂሉ፡፡ ጂኦ ስፓሻል መፅናዕቲ ምርምር ኣብ ዝተፈላለዩ ዓውድታት ዝተወደበ ምዃኑ ተገሊፁ፡፡ ሎሚ ኣብ ዑደትም ኣብ ክፍሊታት ስራሕቱ ዝካየዱ መረዳእታ ትንተናን ስራሕቲ ምርምርን ምልከታ ምገባሩ ካብ ቤት ፅሕፈት ቀዳማይ ሚኒስትር ዝተረኸበ ሓበሬታ የረድእ፡፡

  ኣሶሳ/ግንቦት/ 20/2017 (ኢዜኣ) ስራሕቲ ምምዕባል ዓውዲ ኢኖቬሽንን ቴክኖሎጅን ተጠናኺሩ ከምዝቐፀለ ሚኒስትር ኢኖቬሽንን ቴክኖሎጅን በለጠ ሞላ(ዶ/ር) ገሊፆም። እቶም ሚኒስትር ብብርኪ ሃገር ስራሕ ዝጀመሩ 24 ክፍልታት መሳለጥቲ ስማርት ኮሙኒኬሽን ኣብ ከተማ ኣሶሳ ተረኺቦም ሎሚ ኣጀሚሮም። እቲ ዘጀመርዎ ክፍልታት ስማርት ኮሙኒኬሽን ኣብ 10 ትካላት ፌዴራል፣ኩሎም ክልላትን ምምሕዳር ከተማታትን ከምዝኾነ ተገሊፁ። ሚኒስትር ኢኖቬሽንን ቴክኖሎጅን በለጠ ሞላ(ዶ/ር) ኣብዚ እዋን ከምዝበልዎ፤ መንግስቲ ዓውዲ ቴክኖሎጂ ብምምዕባል ዜጋታት ዝተቐላጠፈን ወጻኢ ቆጣብን ኣገልግሎት ንክረኽቡ ንምግባር እናተሰርሐ እዩ። እቶም ክፍልታት ስማርት ኮሙኒኬሽን ኣብ ዝተፈላለዩ ከባብታት ዝርከቡ ዝምልከቶም ኣካላት ብቐሊሉ ንክራኸቡን ስርሖም ንከሳልጡን ዘኽእሉ ከምዝኾኑ ሓቢሮም። ምጅማር ስራሕ እቶም ክፍልታት ስማርት ኮሙኒኬሽን ኢትዮጵ ንዝሓዘቶ ህንፀት ዲጂታል ኢኮኖሚ መርኣያ ከምዝኾኑ ብምግላፅ፤ ኣብ ቀፃሊ እውን እቲ ዓውዲ ኣብ ኩለመዳያዊ ረብሓ ሃገር ዝህልዎ ኣስተዋጽኦ ንምዕባይ ብትኹረት ክስራሕ እዩ ኢሎም። ኣብቲ መርሃ ግብሪ መጀመሪ፤ ላዕለዎት ኣመራርሓ እቲ ሚኒስቴርን እቲ ክልልን ተረኺቦም።

  ጂንካ/ግንቦት/ 19/2017 (ኢዜኣ) ንውፅኢታውነት ወፍሪ ምጥፋእ ዓሶ መራኸብቲ ሓፋሽ ኣብ ሕብረተሰብ ግንዛበ ኣብ ምፍጣር እጃሞም እናተዋፅኡ ከምዝኾነ ቢሮ ጥዕና ክልል ደቡብ ኢትዮጵያ ገሊፁ። ቢሮ ጥዕና ክልል ደቡብ ኢትዮጵያ “ኣብ ወፍሪ ምጥፋእ ዓሶ እጃም መራኸብቲ ሓፋሽ” ኣብ ትሕቲ ዝብል መሪሕ ሓሳብ ኣብ ከተማ ጂንካ ዘተ ኣሳሊጡ። ኣብ ቢሮ ጥዕና እቲ ክልል ተወካሊ ዳይሬክቶሬት ምክልኻል ሕማም ኣይተ ዘሪሁን ደሳለኝ ኣብዚ እዋን ከምዝበልዎ፤ ከም ሃገር ኣብ 2030 ሕማም ዓሶ ንምጥፋእ ትልሚ ተታሒዙ ርብርብ እናተገበረ እዩ። ኣብ 36 ወረዳታት እቲ ክልል እዚ ሽቶ ንምዕዋት ፃዕሪ እናተገበረ ከምዝኾነ ሓቢሮም። ኣብዚ ዓመት ፅልዋ ሕማም ዓሶ ኣብ ዘለዎም ከባብታት ኣብ 120 ሽሕ ገዛውቲ ምንፋሕ ጸረ ኬሚካል ከምዝተሳለጠ ብምሕባር፤ ኣብ 4 ወረዳታት ድማ ልዕሊ 248 ሽሕ ዛንዚራ ዓራት ከምዝተኸፋፈሉ ተዛሪቦም። እቲ ስራሕ ምክልኻል ሕማም ዓሶ ሰብ ሞያ ሚድያ ብምጥቃም ግንዛበ ሕብረተሰብ ብምዕባይ ስራሕቲ ምድፋንን ምፍሳስን ማይ ዝዓቖሩ ቦታታት ከምዝተሳለጡ ኣረዲኦም። ውፅኢታውነት እዚ ስራሕ ንምቕፃል ምስ መራኸብቲ ሓፋሽ ምዝታይ ከምዘድለየ እውን ገሊጾም። ኣብቲ ኣብ ከተማ ጂንካ ዝሳለጥ ዘሎ መድረኽ ምክክር፤ ካብ ናይ ኢትዮጵያ ዜና ኣገልግሎት፣ፋና ሚድያ ኮርፖሬት፣ቴሌቪዥን ደቡብን ኣብቲ ክልል ዝርከቡ ጣብያታት ሬድዮን ዝተውፃእፅኡ ጋዜጠኛታት ተረኺቦም።

  አዲስ አበባ/ግንቦት/ 19/2017 (ኢዜአ)፦አብ 2017 ንብሄራዊ ስልጠና ሳይበር ምስታፍ ንእትደልዩ ሰብ ተሰጥኦ እስጋብ ግንቦት 24 ንኸትምዝገቡ ምምሕዳር ኢንፎርሜሽን መረብ ደሕንነት ኢንሳ ፃውዒት ኣቐሪቡ ኣሎ። ኢንሳ ኣብ ዝሓለፊ ሰለስተ ተኸታተልቲ ዓመታት ብዓውዲ ሳይበር ድሕንነት ፍሉይ ተሰጥኦ ዘለዎም ሰገናት ብምስልጣን ናብ ትካሉን ካልኦት ሳይበር ኢንዱስትሪታትን ንክፅንበሩ ገይሩ ኢዩ። ሎሚ ዘበን ድማ ንመበል ራብዓይ ዙር ኢትዮጵያ ካብ ቀዳማይ ደረጃ ተምሃሮ ክሳብ ተመረቕቲ ዩንቨርስቲ ፍሉይ ተሰጥኦ ዘለዎም ብምሕራይ ንምስልጣን ምድላው ከምዝተገበረ ዳይሬክተር ማእኸል ምርምር ሳይበር እቲ ትካል ቢሻው በየነ ገሊፆም። ብመሰረት እዚ ብሳይበር ድሕንነት፣ ኢምቤድድ ሲስተም፣ ኤሮስፔስን ተመሳሰልቲ ዓውዲታትን ፍሉይ ተሰጥኦን ባህግን ዘለዎም ብ www.talent.insa.gov.et ንክምዝገቡ ፃውዒት ኣቕሪቦም። ሉእላውነት ሳይበር ሃገር ዘኽብሩ መናእሰይ ንምፍራይ እቲ ስልጠና ልዑል ረብሓ ከምዘለዎ ብምግላፅ፥ ብፍላይ ስልጠና ኮደርስ 5 ሚሊየን ዝወሰዱ ሰገናት ተቐባልነቶም ልዑል ከምዝኾነ ተዛሪቦም።

  ኣዲስ ኣበባ/ግንቦት/16/2017/ኢዜኣ/ዑደት ቀዳማይ ሚኒስትር ዐብይ ኣሕመድ (ዶ/ር) አብ ፈረንሳይ ፣ፓሪስ፣ እንዱስትሪ አብ አርቴፊሻል ኢንተሊጀንስን ቴክኖሎጂን ዝጠመተ ነይሩ። ቀዳማይ ሚኒስትር ኣቢይ ኣሕመድ (ዶ/ር) ኣብ ፈረንሳይ ፣ ፓሪስ ዝገበርዎ ዑደት ኢንደስትሪ ኣብ ቴክኖሎጂን ኣርቴፊሻል ኢንተሊጀንስን ጠመተ ዝገበረ ምንባሩ ታሓቢሩ። ምስ ጉጅለ ልኡኾም ብሞዃን 'ስቴሽን ኤፍ' ዝተብሃለ ኣብ ዓለም ግዙፍ ማእኸል መፈልፈሊ ስታርት ኣፕ ቢዝነስ ውልቀ ቴክኖሎጂ ተመልኪቶም። ስታርት ኣፕ ኢትዮጵያ ኣብ ጅማሮ ዘሎ እኳ እንተኾነ ሙሉእ ፍልጠት ቴክኖሎጂ ዝወነኑ መናእሰይ ዝሓዘ ከምኡውን ጠንካራ ዓቕሚ እናርኣየ ኣብ ምዕባይ ብዘሎ ምትእስሳር ዲጂታል ዝምራሕ ዘሎ ኢዩ። መንግስቲ ከም “ዲጂታል ኢትዮጵያ 2025” ዝበሉ ስትራቴጂታት ንምቕራፅ ስጉምቲታት ኣብ ምውሳድ ይርከብ። እዚ ድማ ስታርት ኣፕ ብፍላይ ብፋይናንስ ቴክኖሎጂ፣ ግብርና ቴክኖሎጂ፣ ኢ-ኮሜርስ ዕዳጋ ምቹእ ኩነታት ንምፍጣር ዝዓለመ ኢዩ። ብተወሳኺ ኣዋጅ 'ስታርት ኣፕ' ዝተብሃለ ኩለ መዳይ ኣዋጅ ብምውፃእ ንምንቅስቓስ ስታርት ኣፕ ማዕቐፍ ሕጊን ትካልን ብምውፃእ ውሱን ዝኾነ ቀረብ ገንዘብ ዘስፍሕ፣ ፈተና ቁፅፅርን ካሊእን ንምሕላፍ ዘኽእል ኩነታት ተፈጢሩ ኣሎ። እቶም ቀዳማይ ሚኒስትር ብቴክኖሎጂ 5Gን 6Gን፣ ሳይበር ድሕንነት፣ ኣርቴፊሻል ኢንተሊጀንስን ኦፕቲካል ምትእስሳርን ማዕኸል ዝኾነ ዋና ቤትዕዮ ኖኪያ-ፈረንሳይ እውን ርእዮም። እቲ ዑደት ናይ fiber sensing ቀረብ፣ ሜላ ሓይሊ ቁጠባን 5G ላብራቶሪን ዘካተተ እንትኸውን፥ እዚ ድማ ኣብቲ ዓውዲ ፈጠራ፣ ህንፀት መሰረተ ልምዓትን ዘርፍ ዘለል ምትሕብባርን ንኢትዮጵያ ዋጋ ዘለዎም ተሞክሮታት ዝተረኸበሎም ኢዮም። ኣብ መወዳእታ ቀዳማይ ሚኒስትር ዓብይ ኣሕመድ(ዶ/ር) ኣብ ፈረንሳይ ዝርከብ ታሌ ማእከል ምርምርን ቴክኖሎጂን ዑደት ገይሮም። እዚ ኣብ ብዝሃ ዘርፍ ዝንቀሳቐስ ናይ ታሌ ግሩፕ ምርምር ትካል ንኩባንያ ዓለም ለኸ ናይ ምርምር ፃዕሪ እምነ ኩርናዕ ኮይኑ ዘገልግል ማእኸል እንትኸውን ኣብ ዓውድታት ኤሮስፔስ፣ መከላከያን ኣርቴፊሻል ኢንተሊጀንስን ዝጠመተ ኢዩ።

  አዲስ አበባ/ ግንቦት /16/2017(ኢዜአ)፦ኢትዮጵያ ንምብቃዐ ስግግር ቴክኖሎጅን ባዓል ሞያን ምስ ብራዚል ተቐራሪባ ክትሰርሕ ምኹና አንፈት ከምተቐመጠ ምክትል ቀዳማይ ሚኒስትር ተመስገን ጥሩነህ ገሊፆም። ምክትል ቀዳማይ ሚኒስትር ተመስገን ጥሩነህ ኣብ ማሕበራዊ ድረ ገፆም ኣብ ዘስፈርዎ መልእኸቲ አብ ብራዚል ግዝኣት ሳኦ ፓውሎ ዝርከቡ ዝተፈላለዩ ኩባንያታት ንምንቐስቓስ ስራሖም ተመልኪትና ዕውት ዝኾነ ዘተ ኣካይድና ኢሎም። ንራእይ ‎ዲጂታል ኢትዮጵያ ክውን ንምግባር ብፈጠራን ቴክኖሎጅን ዝተደገፈ ስራሕ ምትግባር ዝጀመረት ኢትዮጵያ ምስ መሰል ትካላት ብሓባር ናይ ምስራሕ መርህ ትስዕብ ኢሎም ። ፓርክ ፈጠራ ቴክኖሎጂ ብራዚል መንግስቲ ኢትዮጵያ ንቴክኖሎጂን ፈጠራን ዝሃቦ ጠመተ አድኒቑ ክብሉ እውን ገሊፆም። አብ ቐፃሊ አብ ምብቃዕ ባዓል ሞያን ስግግር ቴክኖሎጂን ተቐራሪብና እንሰርሓሎም አንፈታት ኣቐሚጥና ኢሎም።

 

  ኣዲስ ኣበባ/ ግንቦት/15/ 2017 /ኢዜኣ/ኣብ ኣዲስ ኣበባ ንኣርባዕተ መዓልቲታት እናተኻየደ ዝቐነየ ጉባኤ ኣይዲ ፎር ኣፍሪካ 2025 ሎሚ መዓልቲ ተዛዚሙ። እቲ ጉባኤ ኣብ ህንፀት ዲጂታል መንነት ብምድሃብ ዝተፈላለያ ሃገራት ልውውጥ ተሞክሮ ኣካይደናሉ። ዲጂታል መንነት ሃገራት ኩለመዳይ ተረባሕነት ዜጋታት ንኸረጋግፃ ዘቀላጥፍ ከምዝኾነ እውን ኣብ ዝተኻየዱ ልዝባት ተሓቢሮም። ኢትዮጵያ ጉባኤ ኣይዲ ፎር ኣፍሪካ 2025 ብዓወት ክተተኣናግድ ከምዝኸኣለት መስራቲ ኣይዲ ፎር ኣፍሪካ ጆሴፍ ኣቲክ (ዶ/ር) ተዛሪቦም። ኣብ መዛዘሚ እቲ መርሃ ግብሪ ዝተኻየዱ ልዝባት ዕዉት ተሞክሮታት ዝተወሰዱሎም ከምዝኾኑ ዝገለፁ እንትኾኑ፤ ዝቕፅል ጉባኤ ኣብ ኮትዲቯር ኣቢጃን ከምዝካየድ ዕላዊ ተይሮም።

  ሃረር/ግንቦት /15/2017 (ኢዜኣ) ሰብ ሞያ ሚድያን ኮሙኒኬሽንን ኣብ ዝሰርሕዎም ፀብፃባት ገዛእቲ ተረኻት ብምጽናዕ ሕብረ ብሄራዊ ሕውነትን ሓድነትን ከጠናኽሩ ይግባእ ክብሉ ሓላፊ ቤት ፅሕፈት ፓርቲ ብልፅግና ጨንፈር ክልል ሃረሪ ኣይተ ጌቱ ወዬሳ ገሊፆም። “ዘበነ ድሕረ ሓቂ ብፍልጠትን ሓቅን” ኣብ ትሕቲ ዝብል መሪሕ ሓሳብ ንኣመራርሓ ክልል ሃረሪ፣ሰብ ሞያ ሚድያን ኮሙኒሚኬሽንን ስልጠና ምሃብ ተጀሚሩ። ሓላፊ ቤት ፅሕፈት ፓርቲ ብልፅግና ጨንፈር ክልል ሃረሪ ኣይተ ጌቱ ወዬሳ ኣብዚ እዋን ከምዝበልዎ፤ መንግስቲ ዘሳልጦም ስራሕቲ ልምዓትን ሰናይ ምምሕዳርን ናብ ህዝቢ ንክበፅሕ ኣብ ምግባር እጃም ሰብ ሞያ ሚድያን ኮሙኒኬሽንን ዝለዓለ እዩ። ኣብዚ ሕዚ እዋን ፅሬት ኣመለኻኽታ ብምጽራይን ኣብ ሓቂ ዝተመስረተ ሓበሬታ ናብ ህዝቢ ብምብፃሕን ዝተጀመሩ ስራሕቲ ምጥንኻር ከምዝግባእ እውን ተዛሪቦም። ብፍላይ ድማ ገዛኢ ተረኽ ዝሃንፁ፣ንሕብረ ብሄራዊ ሕውነት፣ንዲሞክራስን ህንፀት ትካልን ሃናፅን ጠቓምን ሓበሬታታት ምቕራፅን ተግባራዊ ዝኾነ ስራሕ ምስራሕን ይግባእ ኢሎም። እቲ ስልጠና፤ ሰብ ሞያ ሚድያን ኮሙኒኬሽንን ገዛኢ ተረኻት ብምፅናዕ ሕብረ ብሄራዊ ሕውነትን ሓድነትን ኣብ ምጥንኻር ዝተጀመሩ ስራሕቲ ኣጠናኺሮም ንከቐፅሉ ዝሕግዝ እዩ ኢሎም። ኣብ ዘፈር ርክብ ህዝብን ዓለም ለኸን ፖርቲ ብልፅግና ዳይሬክተር ርክብ ህዝቢ ወይዘሪት ፈዲላ ቢያ ብግደአን፤ ኣብ ጉዕዞ ብልጽግና ዝተትሓዘ ራኢ ኣብ ሽቶኡ ንምብጻሕ ዘበነ ድሕረ ሓቂ ዝተረድአ ስራሕ ሚድያን ኮሙኒኬሽንን ኣድላይ እዩ ኢለን። ሰብ ሞያ ሚድያን ኮሙኒኬሽንን ከምኡ እውን እቲ ኣመራርሓ ኣብዚ ሕዚ እዋን ዝሳለጡ ዘለዉ ስራሕቲ ልምዓትን ሕብረ ብሄራዊ ሕውነትን ኣሓትን ከጠናኽሩ ከምዝግባእ ኣረዲአን። ኣብቲ ንሰለስተ መዓልቲ ዝፀንሕ ስልጠና ኣብቲ ክልል ዝርከቡ ሰብ ሞያ ሚድያን ኮሙኒኬሽንን ከምኡ እውን ኣመራርሓ እቲ ክልል እናተሳተፉ እንትኸውን ኣብቲ እዋን ምክትል ዋና ፈፃሚ ስራሕ ብሮድካስቲንግ ኮርፖሬሽን ኢትዮጵያ ወይዘሪት ሰናይት ሀይሌ መበገሲ ፅሑፍ ዘተ ኣቕሪበን።

  ኣዲስ ኣበባ/ግንቦት /12/2017(ኢዜኣ) ኣብ ውሽጢ ቀረባ ዓመታት ዲጂታል መንነት ተስፋ ወሃቢ ካብ ዝኾነ ፈጠራ ናብ መሰረታዊ ዓምዲ ዲጂታል ትራንስፎርሜሽን ተመሓይሹ እዩ ክብሉ ቀዳማይ ሚኒስትር ዐቢይ ኣሕመድ(ዶ/ር) ገሊፆም። ድሕሪ ሕዚ ኣማራፂ ዘይኮነስ ሰባት ምስ ኣገልግሎታት፣ ማሕበረሰባት፣ትካላትን መንግስትታትን ዘራኽብ ኣድላይ መሰረተ ልምዓት ከምዝኾነ እውን እቶም ቀዳማይ ሚኒስትር ኣብ ማሕበራዊ ምትእስሳር ገፆም ሓቢሮም። “ቅድሚ 5 ዓመት ብራኢ ዲጂታል ኢትዮጵያ 2025 እናተመራሕና ኣድላይ ውሳነ ወሲንና ኢና” ክብሉ እውን ፀሪሖም። እዚ ድማ ዘበናዊ፣ሓቛፊ፣መሰረት ዘለዎን ክሰፍሕ ዝኽእልን ዲጂታል ስርዓት መንነት ምህናፅ ከምዝኾነ ብምግላፅ፤ ንሕድ ሕድ ዜጋ ከምዝባፃሕ ኣረዲኦም። እዚ ስርዓት ‘ፋይዳ’ ኢልና ንፅውዖ፤ ፋይዳ ካርዲ ጥራሕ ኣይኮነን እውን ኢሎም። ውልቃዊ ሓበሬታ ወልቀ ሰባት ምስጢራውነቱ ብምሕላውን ኣድላይ ዝኾነ ጥራሕ ብምክፋልን መንነቶም ዘረጋግፅ ፍሉይ መፍለዪ ቁፅሪ እዩ ክብሉ እውን ኣገንዚቦም።

  ኣዲስ ኣበባ/ግንቦት/ 12/2017 (ኢዜኣ) ኢትዮጵያ ኣብ ዲጂታል ኢኮኖሚ ኣፍሪካ ኣብ ትገብሮ ንቑሕ ተሳትፎ ፋይዳ ወሳኒ እጃም ከምዘለዎ ቀዳማይ ሚኒስትር ዐቢይ ኣሕመድ(ዶ/ር) ገሊፆም። ኣብ ዲጂታል መንነት ዝጠመተ ዓመታዊ ሓፈሻዊ ጉባኤ ኣይዲ ፎር ኣፍሪካ ኣብ ኣዲስ ኣበባ ምክያድ ጀሚሩ። ቀዳማይ ሚኒስትር ዐቢይ ኣሕመድ(ዶ/ር) ኣብዚ እዋን ከምዝበልዎ፤ ዲጂታል ኢትዮጵያ ክውን ንምግባር ዲጂታል መንነት ምርግጋፅ ወሳኒ እዩ። ኢትዮጵያ ንኹሉ ተጠቃሚ ዝገብር ዘበናዊ፣ሓቛፍን መሰረታውን መፍለይ ስርዓት ዲጂታል መንነት ከምዝዘርገሐት እውን ሓቢሮም። ፋይዳ ካርዲ ጥራሕ ዘይኮነስ ፍሉይ ዝኾኑ ቁፅርታት ዝሓዘን መንነት ዝረጋገፀሉን ከምዝኾነ ዝገለፁ እቶም ቀዳማይ ሚኒስትር፤ ክሳብ ሕዚ ን15 ሚልዮን ዜጋታት ተበፃሒ ከምዝተገበረ ገሊፆም። ፋይዳ ፋይናንስ፣ ጥዕና፣ ትምህርቲ፣ ቴሌኮም፣ኣገልግሎታት ህዝቢ ምስ ማሕበራዊ ውሕስና ብምትእስሳር ተኣማኒ ዝኾነ ኩነታት ንህዝቢ ንምፍጣር እናተሰርሐ ከምዝኾነ ኣረዲኦም። ፋይዳ ኣብ ኢትዮጵያ ቅልጡፍ ዝኾነ ዲጂታል ኢኮኖሚ ንምህናፅ ዓብይ ኣስተዋፅኦ ከምዘለዎ ብምሕባር፤ ነፃ ዞባ ንግዲ ኣፍሪካ ክውን ንምግባር ወሳኒ እጃም ከምዘለዎ ተዛሪቦም። ተሳተፍቲ ናብቲ ዝመፅሉ ከባቢ ወይ ድማ ዓዶም እንትምለሱ እውን ኩሉ ሰብ ዘተኣማምን ዲጂታል መንነት መፍለዪ ንክህልዎ ብቆራፅነት ክሰርሑ ከምዝግባእ ሓቢሮም። ኣብቲ መድረኽ፤ ቀዳማይ ሚኒስትር ዐቢይ ኣሕመድ (ዶ/ር) ሓዊሱ ኣፈ ጉባኤ ቤት ምኽሪ ፌዴሬሽን ኣገኘሁ ተሻገር፣ፕሬዚዳንት ላዕለዋይ ቤት ፍርዲ ፌደራል ቴዎድሮስ ምህረት፣ከንቲባ ምምሕዳር ከተማ ኣዲስ ኣበባ ኣዳነች ኣቤቤ፣ላዕለዎት ሓለፍቲ ስራሕ መንግስቲ፣ኣምባሳደራት ዝተፈላለያ ሃገራትን ተወከልቲ ዓለም ለኸ ትካላትን ተረኺቦም።

 

  ኣዲስ ኣበባ/ ግንቦት/12/ 2017 /ኢዜኣ/ዓቕሚ ምፍጣር መናእሰይ ንምጉልባት ዝተጀመረ ፃዕሪ ክጠናኸር ከምዘለዎ ኢንስቲትዩት ስልጠና ቴክኒክን ሞያን ሓቢሩ ኣብ መናእሰይ ዘሎ ዓቕሚ ምርምርን ሓደሽቲ ነገራት ናይ ምፍጣርን ዓቕሚ ንምጉልባት ክስራሕ ከምዝግባእ ኢንስቲትዩት ስልጠና ቴክኒክን ሞያን አመላኸቱ። ዋና ዳይሬክተር እቲ ኢንስቲትዩት ብሩክ ከድር (ዶ/ር) ምስ ፋና ሚዲያ ኮርፖሬሽን ኣብ ዝገበሩዎ ፃንሒት÷ ትካላት ቴክኒክን ሙያን ልምምድ ስግግር ቴክኖሎጂ ንኽህሉ ብዘሎ ዓቕሚን ክእለትን ዓቕሚ ፈጠራ መናእሰይ፤ ፀገማት ንምፍታሕ እናተሰርሐ ከምዝኾነ ገሊፆም። ኣብ ትካላት ቴክኒክን ሙያን ካብ ወፃኢ ዝኣትዉ ፍርያታት ናይ ምትካእ ዓቕሚ ምድንፋዕ ዘኽእል ስራሕ እናተሰርሐ ከምዝኾነ ብምሕባር÷ ኣብ መናእሰይ ዘሎ ዓቕሚ ምርምርን ሓደሽቲ ነገራት ናይ ምፍጣርን ዓቕሚ ርኡይ ኣፍልጦን ግንዛበን ክወሃቦ ኣመልኪቶም። እዚ ንምዕባይ ኢኒሼቲቭ ስታርት ኣፕ ሓዊሱ እናተተግበሩ ዝርከቡ መደባት ኢትዮጵያ ኣብ ዓውዲ ኢኮኖሚ ርእሳ ንኽትክእል ዝግበር ፃዕሪ ከምዝኾነ ኣብሪሆም።

  ኣዲስ ኣበባ/ ግንቦት/12/ 2017 /ኢዜአ/ፀገም ፈታሕቲ ዝኾኑ ሓደሽቲ ስራሕቲ ምርምርን ቴክኖሎጂን ብምስራሕ ፀገም ሃገር ክፈትሓ ከምዝግባእ ምክትል ፕሬዚዳንት ምርምርን ስግግር ቴክኖሎጂን ወራሽ ጌታነህ (ፕ/ር) ገሊፆም። ኣብቲ የኒቨርሲቲ ምክትል ፕሬዚዳንት ምርምርን ስግግር ቴክኖሎጂን ወራሽ ጌታነህ (ፕ/ር) ዩኒቨርሲቲታት ፀገም ፈታሕቲ ዝኾኑ ስራሕቲ ምርምርን ቴክኖሎጂን ክሰርሓ ከምዘለወን ገሊፆም። ዩኒቨርሲቲ ኣዲስ ኣበባ እውን ኣብቲ ዓውዲ ትኹረት ገይሩ እናሰርሐ ከምዝርከብ ብምሕባር÷ “ስራሕቲ ምርምርን ቴክኖሎጂን ናብ ማሕበረሰብ ተበፃሕቲ ንኽኾኑ ዝተፈላለዩ ስራሕቲ እናሰርሐ ይርከብ” ኢሎም። ኣብቲ ዩኒቨርሲቲ ዝስርሑ ስራሕቲ ምርምርን ቴክኖሎጂን ብብርኪ ዓለም ኣፍልጦኦም እናወሰኸ ምምፅኡ ብምግላፅ÷ ፀገም ኣብ ዝፈትሑ ፈጠራታት ዓቕሚ ምህናፅ ከምዘድሊ ኣመልኪቶም። እቲ ዩኒቨርሲቲ ኣብ ቀረባ እዋን ናብ ርእሰ ምሕደራ ብምስግጋሩ እቲ ትካል ናይ ባዕሉ ፕሮግራም ብምሕንፃፅ ብቦርድ እናፅደቐ ስራሕቲ እናሰርሐ ከምዝርከብ ሓቢሮም። እዚ ድማ ኣብ ዝሓለፉ ዓመታት ኣብቲ ዩኒቨርሲቲ ዝነበሩ ፀገማት ብምፍታሕ ብዙሓት ስራሕቲ ንምስራሕ ከምዘኽአለ ገሊፆም።

ኣዲስ ኣበባ/ ግንቦት/11/ 2017 /ኢዜኣ/ዩኒቨርሲቲ ኣዲስ ኣበባ ኣብ ውፅኢታት ምርምርን ፈጠራ ቴክኖሎጂን ትኹረት ብምግባር እናሰርሐ ምዃኑ ገሊፁ፡፡ ካብ ሎሚ መዓልቲ ጀሚሩ ክሳብ 15 ግንቦት 2017 ዓ.ም ዝቐንዐ ቅነ ኤክስፖ ምርምርን ቴክኖሎጂን ስነስርዓት መኽፈቲ ኣብ ቢሾፍቱ ኣብ ዝርከብ ኮሌጅ ሕክምና እንስሳትን ሕርሻን ዩኒቨርሲቲ ኣዲስ ኣበባ ተኻይዱ። ምክትል ፕሬዚዳንት ምርምርን ስግግር ቴክኖሎጂን ዩኒቨርሲቲ ኣዲስ ኣበባ ወራሽ ጌታነህ (ፕ/ር) ኣብቲ እዋን ከምዝበሉዎ÷ እቲ ዩኒቨርሲቲ ኣብ ስራሕቲ ምርምርን ቴክኖሎጂን ትኹረት ብምግባር እናሰርሐ ይርከብ። ኣብ ኢትዮጵያ ዓውዲ ሕርሻ ንኸዓቢ ምስ ዝምልከቶም ኣካላት እናሰርሐ ከምዝኾነ ብምሕባር÷ እቲ ዩኒቨርሲቲ ውሕስና ምግቢ ኢትዮጵያ ንምርግጋፅ ብመንግስቲ ብዝተቐመጠ ኣንፈት ኣብ ስራሕቲ ትሩፋት ሌማት እናሰርሐ ከምዝኾነ ተዛሪቦም። ቀንዲ ዕላማ እቲ ዩኒቨርሲቲ ካብ ዝኾነ ኣገልግሎት ምምሃር ምስትምሃር ብተወሳኺ ኣብ ምርምርን ውፅኢታት ፈጠራ ቴክኖሎጂን ትኹረት ብምግባር ንዕቤት ሃገር ልዑል ግደ እናተዋፀአ ከምዝርከብ እውን ኣመልኪቶም። ንዝሓለፉ 4 ዓመታት ውፅኢታት ፈጠራ ዓመታዊ ኤክስፖ ቴክኖሎጂ ብምስንዳእ ተበፃሒ እናገበረ ምፅንሑ ኣዘኻኺሮም።