Ebla 22/2017(TOI )-Manni Maree Magaalaa Finfinnee walga’ii Ideleesaa har’a gaggeesseen Muudama adda addaa Raggaaseera. Manni marichaa walga’ii idilee 3ffaa bara hojii waggaa 4ffaa taa’eera. Manni marichaa walga’ii Idileesaa gaggeesseen Muudama hoggantoota Kantiibaan Magaalaa Finfinnee Adaanech Abeebeen dhiheessan mirkaneesseera. Haaluma Kanaan- 1.Aadde Qonjiit Dabalaa Olaa -Itti gaafatamtuu Biiroo dhimma Dubartootaa, Daa’immanii fi dhimma Hawaasummaa Bulchiinsa Magaalaa Finfinnee, 2/ Obbo Awwalee Mahammed Umar -Itti Gaafatamaa Biiroo Innooveeshinii fi Teekinolojii Bulchiinsa Magaalaa Finfinnee, 3/ Aadde Aayishaa Mahaammed Adam - Komishinara Komishinii Invastimantii Bulchiinsa Magaalaa Finfinnee, 4/ Injiinar Hiiywet Saamu’eel Tseggaayee - Daarektara olaanaa Abbaa Taayitaa ijaarsaa fi to’annoo Bulchiinsa Magaala Finfinnee ta’uun muudamaniiru.

Ebla 22/2017(TOI )- Biyyoonni Addunya hemisfara kibbaa tumsa waloo nagaa fi Badhaadhina addunyaa irratti tumsaan hojjechuu akka qaban ministirri dhimma alaa Dr. Geediyoon Ximootewoos ibsan. Walgahiin jalqabaa Ministiroota dhimma alaa BRICS Biraazil Riyoo De Jeneerootti, gaggeeffamaa ture golabameera. Mariin mata duree “qooda addunyaan hemisfara kibbaa tumsa biyyoota hedduu cimsuuf qabu” jedhuun walgahicharratti mariin taasifameera. Ministirri dhimma Alaa Dr. Geediyoon Ximootiwoos akka jedhanitti, biyyoonni Addunyaa gara kibbaa Al-loogummaa bu’ureffachuun Chaarteriin Dhaabbata Mootummoota Gamtoomanii bu’aa qabeessa karaa ta’een akka hojiirra oolu, hojjechuun gita bittaarratti qabsaa’uun fi walitti bu’insi karaa nagaa furamu qooda guddaa baheera. Hariirioon deeggarsaa fi Jaalalaa biyyoota gidduutti akka jiraatu, Mirgi Misoomuu akka kabajamu, nagaa fi tasgabbiin Addunyaaf shoora bahan kaasaniiru. Kufaatii Siyaasaa Sirna Bulchiinsa Addunyaa qoraa jiru ilaalchisuun yaada kennaniin, Addunyaan hemisfara kibbaa tumsa isaa caalmaatti jabeessuun nagaa fi badhaadhina Addunyaaf caalaatti hojjechuu qaba jedhaniiru. Biyyoonni Addunyaa Kibbaa Qonnaan, Misooma Anniisaan, Teekinooloojiin, Informeeshin Koominikeeshinii, Raayya ittisaan, daldalaa fi kanneen biroon, galma waloo biyyoota addunyaa hemisfara kibbaa dhugoomsuuf, hojjechuu akka qaban ibsaniiru. Ministirichi waltajicha cinatti Ministia Dhimma Alaa Chaayinaa Wangi yu waliin mari’ataniiru. Mariisaaniin tumsa waloo biyyoota lameenii Dinagdeen fi Daldalaan caalmaatti jabeessuu akka qaban kaasaniiru. Dabalataanis Dr.Geediyoon Ximootiwoos, Imireetota Araba gamtoomaniitti, Minstira Tumsa Idila Addunyaa Reem Al hashiiim fi Minstira Dhimma Alaa Taayiwaan Mariis Saangiyaabong waliin mari’ataniiru. Mariisaaniin Inisheetiivota dhimmoota waloo ta’an irratti tumsa gam-lamee babal’isuu fi jabeessuun hojiirra oolchuun haala danda’amu irratti marii’ataniiru. Minsistirichi Ministira dhimma Alaa Biraazil Maawuroo Viyeeraa fi ministira dhimma alaa Rusiya Sargee Laavroov waliin marii’achuun isaanii ni beekama. . Walga’ii biyyoota Biriiksi kan deeggaran Mistironni Dhimma Alaa biyyoota, Beelaruus, Voliviya, Kuubaa, Kaazaakistan, Maleezyiyaa, Naayjeeriyaa,Taayilaand,fi Uzbeekistaan, fi Yugaandaa hirmaachuu odeeffannoon Ministeera Dhimma Alaa irraa argame Mul’isa.

Ebla 22/2017 (TOI)-Manni Maree Magaalaa Finfinnee walga’ii Idilee 3ffaa bara hojii 4ffaa gaggeessaa jira . Waltajjicha irratti Miseensonni mana maree gaaffiiwwan adda addaa kan kaasan yoota’u, kantiibaa Adaanech Abeebee dabalatee hoggantoonni hojii isaan ilaallatu deebii fi ibsa kan itti kennan ta’a. Manni Marichaa oolmaa isaatiin baajata dabalataa kan raggaasissu yoo ta’u, muudama adda addaa akka raggaasus ni’eegama.

Ebla 21/2017(TOI)-Komishiniin marii biyyoolessaa waldhabdeewwan Itiyoophiyaa keessa jiran mariin bu’uura irraa furuuf tattaaffii taassisu keessatti qooda isaa bahaa jiraachuu waldaan barsiisota Itiyoophiyaa beeksise. Waldhabdeewwan Itiyoophiyaa keessatti mudachaa jiran mariitiin furuun akka danda’amuu komishiniin marii biyyoolessaa hunda’ee gara hojiitti galeera. Komishinichi erga hundaa’ee eegalee dhimmoota Murteessoo biyyaa irratti waldhabdee jiru mariin furuuf xiyyeffatee hojjechaa jira. Pirezidaantiin waldaa barsiisota Itiyoophiyaa Dr.Yohaannis Bantii TOI tiif akka ibsanitti, rakkoowwan jiran furuuf mariin ala furmaata fiduun hin danda’amu jedhaniniiru. Itiyoophiyaatti, Dhimmoota wal dhabde ta’an irratti marii’achuun furuuf adeemsa jiru deeggaruuf komishinii marii biyyoolessaa waliin walii galtee mallatteessuu ibseera. Qaamni kamiyyuu rakkoowwanii fi gaaffiiwwan kaasan mariitiin, karaa nagaa ta’een akka hiikan gochuun barbaachisaa ta’uu ibsaniiru. Itiyoophiyaatti waggoota dheeraaf rakkoowwan mudatan Afaan waraanaan furuuf yaaliin gaggeffamaa turus , furmaata fiduun akka hin danda’amne dubbataniiru. Waldhabdeewwan jiran bu’uura irraa furuuf waraanaan ala mariif dursa kennuun akka malu ibsaniiru. Pirezidaantichi qaamni dhimmi ilaallatu hundi komishinicha deeggaruun qooda isa bahuu qaba jechuun dhaamaniiru. Kanaafis, Naannoolee hundatti, milkaa’ina marichaaf sadarkaa Aanaa eegalanii miseensonni jiran deeggarsa gochaa jirachuu ibsaniiru. Marichi Itiyoophiyaaf barbaachisaa ta’uu ibsuun, haala caasaa barsiisotaan sadarkaan jiruu, Ajandaa adda baasuun komishinichaaf dhiheessuu ibsaniiru.

Ebla 21/2017 (TOI)-Itiyoophiyaan, Birazilii fi Ruusiyaa waliin Hariiroo gam–lamee fi tumsa qabduu cimsuuf kutannoo qabaachuu beeksisste. Wal-gahiin Ministeerota Dhimma Alaa 2025 Biriiksi Biraazil Riyodejenerotti gaggeeffamaa jira. Itiyoophiyaan Ministiroota dhimma Alaa isheetiin walgahicharratti hirmaachaa jirti. Ministirri Dhimma Alaa Dr. Geediyoon Ximootewoos walgahicha cinatti, Ministira dhimma Alaa Biraazil Mawuro Viyora fi Ministira Dhimma Alaa Ruusiyaa Sergee Lavroov waliin mari’ataniiru. Marii Viyora waliin taassisaniin Biraazil bara 2025tti Pirezidantii Biriiksi ta’uun hojii Milkaa’ina qabu raawwachuu ishee Itiyoophiyaan dinqisifattee, Itiyoophiyaanis kallattii Xiyyeffannoo irratti deeggarsa akka gootu ibsiteetti. Gareen lameen marii isaaniin dhimmoota waliin hojjechuu dandahan wabii nyaataa mirkaneessuu, omisha qonnaa, Riiformii Dhaabbiilee bulchiinsa Adunyaa, cehumsa Aniisaa fi sagantaa misooma bosonaa irratti marii’ataniiru. Ministir Mawuro Biraazil A.L.A bara 2024 pirezidantii garee biyyoota 20 yeroo turtetti inisheetivoota raawwacha turte kaasuun, Itiyoophiyaan deeggarsa gooteef galateeffatteetti. Itiyoophiyaan miseensa boordii farra Hiyyummaa fi Beela Addunyaa tahuun hojii hojjechaa jirtu akka fakkeenyaatti kaasaniiru. Haaluma wal fakkaatuun Ministirri dhimma Alaa Itiyoophiyaa Dr.Geediyoon Ximootewoos Ministira Dhimma Alaa Ruusiyaa Sergee Laavroov waliin turtii taasisaniin, Itiyoophiyaa fi Ruusiyaan tumsa hunda galeessa jabaachaa dhufuu ibsuun, walitti dhufeenya sana gara sadarkaa olaanaatti guddisuun akka qaban ibsaniiru. Sergee Laavroov gama isaaniin Ruusiyaan Itiyoophiyaa waliin hariiroo seenaa qabeessa qabdu tumsa gamlamee fi filannowwan deeggarsa jiran caalmaatti cimsuuf kutannoo qabaachuu ibsaniiru. Dr. Geediyoon Ximootewoos watajjicha cinaatti, gita isaanii biyyoota miseensa Biriiksi waliin marii gamlamee akka taassisan odeeffannoon Ministeera dhimma Alaa irraa argame nimul’isa.

Ebla 21/2017(TOI)-Manni maree bakka bu’oota ummataa walgahii idilee 27ffaa bara hojii waggaa 4ffaa har’a nitaa’a. Walgahii har’atiin wixinee labsii fayyaa fi nageenya beelladaa ilaalchisuun Koreen dhaabbataa dhimmoota qonnaa gabaasaa fi yaada murtoo mana mareef kan dhiheessu yoo ta’u, mariin booda akka raggaafamu eegama. Dabalataanis yaada murtoo gaggeessitoota koree dhaabbataa hir’atan muuduuf dhihaate ilaalee niraggaasa jedhameetu eegama.

Ebla 20/2017(TOI)- Bulchiinsa Magaalaa Finfinneetti Hojii Hojjetameen Milkaa’ina argamani itti fufsiisuuf xiyyeeffannoon akka hojjetamu Kantiibaan Adaanech Abeebee ibsan. Bulchiinsi magaala Finfinnee gamaggama hojii baatii sagali gaggeessuu eegaleera. Kantiibaan Magaala Finfinnee Adaanech Abeebee Magaalichatti hojiin fayyadamummaa hawaasa mirkaneessu raawwatamuu ibsuun, ciminoota jiran itti fufsiisuuf kan hojjetan ta’uu ibsaniiru. Gamaggama raawwii baatii ja’aa irratti dhimmoota komii hawaasaa ta’an adda baasuun furamuusaanii kan qoratan ta’uus eeraniiru. Akkasumas, karoora baatiwwan sadan hafanitti, karaa guutuu ta’een haala galma ga’u irratti walii galteerra akka gahamu ibsaniiru. Gabaasa raawwii hojii baatii sagalii kan dhiheessan Itti Gaafatamaan Biiroo karooraa fi misoomaa Magaalichaa Adam Nuur, raawwiin hojii baatiiwwan saglan darbanii dhibbentaa 93 tuqaa3 ta’uu dubbataniiru. Kanaanis dhaabbileen 29 tajaajiloota 347 teekinooloojiin deeggaramuun akka kennaman taassisuu ibsuun, carraa hojii ilaalchisee, lammiilee kuma 259 fi 710 carran hojii dhaabbiin uumamuu ibsaniiru. Dabalataanis baatiiwwan saglan darbanitti, galiin birrii biliyoona 160 tuqaa 91 sassaabamuu ibsaniiru. Tuuristoonni biyya keessaa miiliyeena 9 tuqaa 3 bakkeewwan hawwata tuuristii fi hambaawwan Magaalichaa daawwachuu isaanii dubbataniiru. Nageenya Magaalichaa Amansiisa gochuuf hojii qindoominaanhojjetamanii bu’aa qabeessa ta’uu ibsuun, hojiin misooma ittifufinsa qabu kan mirkaneessan, maqaa garii biyyaa kan jijjiranii hojetamuu dubbataniiru. Hojiin tajaajila foddaa/ giddugala/ tokkon kennamu itti quufinsa hawaasaa kan guddisan ta’uu kaasuun, hojiiwwan nama irratti xiyyeefatanii hojjetamanis, aadaa waliif qooduu akka dagaagu ta’uu danda’uu ibsaniiru. Waltajjiin gamaggamichaa guyya lamaaf kan turu yoo ta’u, kallattiiwwan fuulduraa ni kaa’amu jedhamee eegama.

Ebla 20/2017(TOI)-Jiraattonni bulchiinsichaa gumaacha yakka dursuun qolchuuf gumaachaa jiran cimsuun akka ittifufan Kantiibaa bulchiinsichaa Kadir Juhaar hubachiisan. Qaamolee waggaa afran darbaniif hojii raawwachiisaa tajaajila poolisii hawaasaa ta’uun tajaajilaniif kantiibaa Kadir Juhaar fi ajajaan olaanaa qajeelcha poolisii Dirree Dawaa Komishinar Alamuu Magraa bakka argamanitti beekamtii fi badhaasni kennameera. Kantiibaa Kadir Juhaar wayita kana akka jedhanitti, jiraattonni bulchiinsichaa qaamolee nageenyaa fi haqaan walta’uun gumaachi yakka dursanii qolchuuf jjjabeessaa ta’uu eeraniiru. Ajajaan olaanaa qajeelcha waliigalaa poolisii bulchiinsichaa Komishinar Alamuu Magraa gamasaaniin, manni marichaa yakki magaalattiitti akka hinbabal’anne hojiin qindoominaa hojjetamuu ibsaniiru. Hojii raawwachiiftonni fi miseensonni mana marichaa waldhabdeewwan uumamaa turan nageenyaan akka goolabaman gochuu fi yakka dursuun qolachuuf hojii bu’a qabeessa hojjechuusaanii yaadachiisaniiru. Qaamoleen beekamtii fi badhaafni kennameefii gaggeeffaman kabaja kennameefiif galateeffatanii fuulduras waan irraa eegamu akka bahan himaniiru.