Paartiin Izeemaa Yaa’ii Waliigalaa Idilee 2ffaa gaggeessu eegale

Waxabajjii 28/2017(TOI)-Paartiin Haqa Hawaasummaa Itiyoophiyaa (Izeemaa) ya’ii walii galaa Idilee 2ffaa gaggeessuu eegaleera.

Yaa’ii guyyaa lamaaf  turu  kanarraatti  mata duree ‘’yaadaan nimorkanna waa’ee biyyaaf waliintumsina” jedhuun  filannoo  gaggeessitoota paartii dabalatee wantoonni biroon akka raawwataman ibsameera.

 Waltajjicha irratti haasaa kan taassisan  Ministira Barnootaa fi dura taa’aan Izeemaa Pirofeesar Birhaanuu Naggaa Izeemaan dhaabbata ejjennoo cimaa qabu biyyaaf dursa kan laatu dha jedhaniiru.

Izeemaan guutuu biyyaatti paartii bakka bu’aa qabuu fi akka biyyaatti deeggaramuu danda’udha.

Yeroo filannoo dhufutti paartii siyaasaa cimaa yaadaan dorgomu ta’ee hirmaata jechuun ibsaniiru.

Walitti qabaan Mana Maree Waloo Paartiilee Siyaasa Salamoon Ayyalee, paartiileen siyaasaa bu’uura biyya tokkoo waan ta’aniif qindoominaan hojjechuu akka qaban EBCn gabaaseera. 

Jijiirama biyyoolessaa  hordofuun paartiileen siyaasaa paartii Biyya Bulchu waliiin   dhiheenyatti waliin mariiyachuu danda’uu isaanii fi Dirreen Siyaasa Jijiiraameera jechuun   Paartii Badhaadhinaatti Hogganaa Damee Ijaarsa Aadaa Dimokiraasii  obbo  Mallas  Alamuu  ibsaniiru.

  Itti dabaluunis  Paartiin Badhaadhinaa Izeemaa waliin hariiroo qajeeltoo irratti hundaa’een    biyyaaf waliin hojjechuuf  kutannoo qaba jedhaniiru.