Ebla 23 /2016(TOI) - Hojiin nageenya Indastirii mirkaneesuu, oomishitummaa guddisuu, hojiirratti nageenyummaa mirkaneesuu fi mirgaa fi fayidaa hojjetootaa kabachiisuu cimee kan itti fufu ta'uu Ministirri Hojii fi Ogummaa aadde Mufiryaat Kamiil beeksisan. Guyyaan idil addunyaa Hojjetootaa akka Itoophiyaatti yeroo 49ffaaf akka idil addunyaatti immoo yeroo 135ffaaf ''Nageenyaa fi qaala'insa jireenyaaf furmaata barbaanna'' mata duree jedhuun kabajama jira. Sagantaa magaalaa Finfinneetti qophaa'e irratti Ministirri Hojii fi Ogummaa aadde Mufariyaat Kamiil dabalatee hoggantoonni hojii mootummaa, bakka bu'oonni waldaalee hojjetootaa fi kanneen biroon hirmaataniiru. Ministirri Hojii fi Ogummaa Mufariyaat Kamiil sagantaa kanarratti ergaa dabarsaniin; hojiin mirgaa fi fayidaa hojjetoota kabachiisuu akkasuma bakka hojiitti nageenyummaa isaanii mirkaneesuu cimee itti fufa jedhaniiru. Fayyadamummaa hojjetoota mirkaneesuuf gaaffiiwwaan dhihaatan qorannoo irratti hundaa'uun adeemsaan deebisuuf qajelfamoonni qophaa'anii hojiirra oolaa jirachuu eeraniiru. Mirgaa fi Fayidaa hojjetoota karaa waaraa ta'een kabachiisuuf fedhiiwwaan haaraa bu'uura godhachuun hojiin rifoormii hojjetamee gara hojiitti galaa jirachuus himaniiru. Pirezidaantiin Konfidireeshinii Waladaalee Hojjetoota Itoophiyaa Kaasahuun Foolloo mirgaa fi fayidaa hojjetoota kabachiisuuf mootummaa waliin qindoominaan hojjetama jira jedhaniiru. Mirgaa fi fayidaa hojjetoota kabachiisuu bira darbee oomishitummaa Indastiriiwwanii guddisuuf kallattiin dandeesisu kaa'amee hojiirra oolaa jirachuus eeraniiru.    

Doktar Abiy Ahimad ayyaana sooma hiikaa sababeeffachuun hojjettota galii gadi aanaa qabanii fi daa’immaan maatii hin qabneef maaddii qoodan Ebla 22/2016(TOI) - Ministirri Muummee FDRI doktar Abiy Ahimad ayyaana sooma hiikaa sababeeffachuu hojjettota Waajjira Ministira Muummee galii gadi aanaa qabanii fi daa’immaan maatii hin qabnee Waajjirichi guddisaa jiruuf maaddii qoodaniiru.

Ebla 22/2016 (TOI) - Yeroo gabaabaa keessatti balaa fayyaa hawaasa qunnamu to’achuuf tumsii fi qindoominni qooda fudhattootaa cimuu qaba jedhan Ministirri Fayyaa doktar Maqidas Dhaabaa. Pirezidaantiin naannoo Somaalee obbo Mustafee Muhaammad balaa fayyaa hawaasa qunnamuu danda'urratti dursanii karoorsuu fi baajata barbaachisu qopheesuu irrattis xiyyeeffannoon hojjetama jira jedhaniiru. Waltajjiin balaawwan fayyaa tasaa mudatan ittisuu fi deebii kennuurratti xiyyeeffatee Naannoo Somaalee Magaalaa Jigjigaatti gaggeffamaa jira. Waltajjichi mata duree "Sirna Fayyaa Hawaasaa cimaa ta'e ijaarsa sirna Fayyaa deebii Hatattamaa balaa tasaaf"jedhuun gaggeeffamaa kan jiru yoo ta'u qaamoleen hoggansaa irratti hirmaachaa jiru. Waltajjicharratti kan argaman Ministirri Ministeerri Fayyaa doktar Maqdas Dhaabaan, balaan fayyaa ariifachiisaan erga yeroo dhihoo asii biyya keenyaa fi sadarkaa idil-addunyaatti dabalaa jira. Akkaa fakkeenyaattis dhukuboota akka weeraraattti ka'an keessaa Vaayirasii Koroonaa, Koleeraa fi Gifiraa kaasaniiru. Balaawwan fayyaa hawaasaa yeroo gabaabaa keessatti biyya keenya keessatti mul’achaa jiranii fi mudachuu malan to’achuuf tumsii fi qindoominni qooda fudhattootaa cimuu akka qabu ibsaniiru. Duulli teletoonii dijitaalaa 'Itoophiya qulqulluu' jedhu fooyya'iinsaa fi guddina damee fayyaatiif gumaacha olaanaa akka taasisu eeranii; Lammiileen hundi duula kana irratti akka hirmaattan waamicha taasisaniiru. Waltajjicharratti kan argaman Pirezidaantiin naannoo Somaalee obbo Musxafee Muhaammad balaa fayyaa hawaasa qunnamuu danda'urratti dursanii karoorsuu fi baajata barbaachisu qopheesuu irrattis xiyyeeffannoon hojjetama jira jedhaniiru. Daarektarri Olaanaa Inistiitiyuutii Fayyaa Itoophiyaa doktar Masaay Hayiluu gama isaaniin; Inistiitiyuutichi bara darberraa eegalee weerara dhibee koleeraa aanaalee hedduutti mudate harka caalaa to'achuu himaniiru. Dhukkubni busaa sadarkaa weerara osoo hin gahin to’achuuf akka biyyaatti Agoobarri miliyoona 19 ol raabsamuu eeraniiru. Dhukkuba koleeraa ittisuu fi to’achuuf namoota miiliyoona 10 oliif talaalliin kennamuus himaniiru. Dhukkuba Gifiraa talaalliin ittisuuf Daa’imman miiliyoona 14 ta’aniif talaalliin kennamuus eeraniiru. Waltajjicharratti Ministirri Fayyaa Federaalaa, Inistiitiyuutii Fayyaa Itoophiyaa, hoggantoonni biiroolee fayyaa naannolee fi bulchiinsa magaalaa hundaafi qooda fudhattoonni biroo hirmaachaa jiru.

Ebla21/2016(TOI)- Hawaasa, naannawaa fi lammii jijjiirame uumuun aarsaa gaafata jedhan ministirri tajaajila komunikeeshinii mootummaa doktar Laggasaa Tulluu. Hawaasni sosochii daandii qulqulluu-jireenya fallaalessaa jedhutti makamuun deeggarsa akka taasisu ministirichi waamicha dhiheessaniiru. Doktar Laggasaan ergaa fuula marsariitiisaaniirratti barreessaniin akka ibsanitti, sosochiin “daandii qulqulluu-jireenya fayyaalessaa” jedhu hojii misooma kooridaraa keessaa tokkodha. Karoorri kun biyya keenyatti eegumsa fayyaa fi lammii oomishaa gama uumuutiin jijjiirama bu’uraa kan fidudha jechuun ibsaniiru. Kanaaf tattaaffii, obsa, kan jalqabame yeroon xumuruu, karoora itti aanuuf qophaa’uu nubarbaachisa jedhaniiru. Rakkannees ta’u bara keenyatti gumaacha barbaachisu wayita taasifnu dhaloota boruuf bu’uura keenya kan jedhan ministirichi, hawaasni karaa lakkoofsa erraga baankii 1000623230248 amma danda’e akka gumaachu waamicha taasisaniiru.