Adoolessa 9/ 2018 (ENA) : Hoggansa dinagdee carraawwan misoomuu, humna namaa fi beekumsa qindoominaan hogganee badhaadhina qabatamaa sadarkaa hundatti mirkaneessu ijaaruudhaan waan hundaan ofdanda’uuf hojjechuu qabna jedhan pirezidaantiin Mootummaa Naannoo Oromiyaa obbo Shimallis Abdiisaa. Gamaaggamni raawwii hojii Mootummaa fi Paartii bara 2018 guyyaa sadan darbaniif magaalaa Adaamaatti adeemsifamaa ture kallattii hojii Pirezidaantiin MNO obbo Shimallis Abdiisaa kennaniin xumurameera.   Pirezidaantiin Mootummaa Naannoo Oromiyaa obbo Shimallis Abdiisaa xumura waltajjii gamaaggama raawwii hojii Paartii fi Mootummaa bara 2018 irratti argamuun yaada kennaniin, imaammatoonniifi tarsiimoowwan yaadama ida’amuu irraa maddan gurmaa’insa paartii, mootummaa fi hirmaannaa ummataa qindoomina qabuun hojiirra oolaa jiraachuu isaatiin galmoonni imalli badhaadhinaa dhugoomaa akka jiran ibsaniiru. Kunis raawwii hojii bara 2018 keessatti qabatamaadhaan kan ife ta’uu ibsuun, injifannoowwan galmaa’aa jiran kun itti fufiinsa qabaachuun waan hundaan of danda’uuf, hoggansi dinagdee carraawwan misoomuu jiran, humna namaa fi beekumsa walitti qindeesse hogganu ijaaramuu akka qabu dhaamaniiru. Barri 2019 Waan hundaan of danda’uudhaaf karoora ofdanda’uu waggoottan shanan dhufanii raawwachuu kan itti jalqabamu ta’uu kan ibsan Pireezidaanti Shimallis, galmoota karoora of danda’uu kana dhugoomsuuf, carraawwan misooma dandeessisan, humna namaa, qabeenya uumamaa, faayinaansii fi carraawwan faayinaansii jiran qindoominaan hoggananii dinagdeetti jijjiiruuf hojjechuun dhimma xiyyeeffannaa addaa barbaadu akka ta’e akeekaniiru. Carraawwan kanniin gara badhaadhina qabatamaatti jijjiiruuf immoo, hoggansa dinagdeetu barbaachisa kan jedhan Pireezidaant Shimallis, hoggansa dinagdee jechuun, carraawwan misoomuu jiran kan hubatu, oomishtummaa guddisuuf karoorsee kan hojjetu, dorgomtummaa kan sirnoomsu, qusannaa fi invastimantii kan bal’isu, bu’aa qabeessummaa ummataa, dhaabbilee fi dhaheessummaa kan dagaagsu ta’uu ibsaniiru. Hoggansi dinagdee kunis oomisha biyya keessaa(GDP), carraa hojii, badhaadhina sadarkaa maatiitti uumuufi invastimantii babal’iseen madaalamuu akka qabu eeraniiru. Kana gochuudhaan waggoottan shanan dhufan keessatti, baajetaan, nageenyaan, bu’uura misoomaan, ogummaadhaan,gaggeessummaafi wabii nyaataan of danda’uuf xiyyeeffannaa addaatiin hojjechuuf qaamni hundi bakka jirutti gahee isaa akka bahachuu qabu dhaamaniiru.   Hogganaan Waajjira Paartii Badhaadhinaa Damee Oromiyaa Obbo Kaffaaloo Tafarraa gama isaanitiin, galmoonni imala badhaadhinaa milkeessuuf halkanii fi guyyaa hojjechuu kan gaafatan ta'uu eeruun, raawwiin hojii Paartii fi Mootummaa bara 2018 agarsiiftuu akka ta’an ibsaniiru. Imalli badhaadhinaa waggoottan darbanii qormaatilee hedduun kan guutame ta’ullee, hoggansaa fi paartiin keenya seenaa hojjechuuf akeekanii hojjechaa turuu isaanitiin, qormaatilee gara carraatti jijjiiruun ijaarsa biyyaa keessatti bu’uura cimaa hin sochoone kaa’uu danda’eera jedhan. Injifannoowwan kanniin itti fufsiisuuf, horata gaggeessummaa ummanne, carraawwan misoomuu bal’aa qabnuu fi humna namaa yaadama ida’amuutiin masakame qindeessinee hogganamuun injifannoo caalmaa waan hundaan of danda’uu keessatti galaa nuuf ta’u galmeessuuf sadarkaa hundatti gahumsa ol’aanaadhaan socho’uun akka barbaachisu jechuun dhaamuu isaanii odeeffannoon Biiroo Kominikeeshinii Oromiyaa ni mul'isa. #Ena Afaan Oromoo #TOI #Ena#

Adoolessa 8/2018(ENA): Sirna jalqabsiisuu Marii Biyyaalessaa seena-qabeessa ta’e kanarratti argamuuf carraa argachuun koo guddaa naboonsisa jedhan Ministirri Muummee Dr. Abiyyi Ahimad. Yaa’iin guddichi torbeewwan afran dhufaniif hirmaattota kuma afur galma tokko keessatti walitti qabu kun, taatee seenaa Itoophiyaan harka mataasheetiin seenaa haaraa barreessuuf qalamaafi waraqaa itti argattedha jedhan karaa miidiyaa hawaasummaa isaaniin ergaa dabarsaniin. Maraammartoo adeemsa siyaasaa Itoophiyaa jecha humnaatiin eegalee tarkaanfii humnaatiin goolabamu cabsinee waliin dubbachuufi marii’achuudhaan yeroo itti bakka buusnu irratti argamna jedhani. Komiishinaroota Komiishinii Marii Biyyaalessaa imala guddaa kana milkeessan, gumaacha isaaniif galata guddaan dhiyeessa jedhaniiru. Yaa’iin adeemsa ajandaa walittiqabuu jalaa gara oliitti lammiilee kuma dhibbatti lakka’aman hirmaachisuu irratti hundaa’e kun salphaatti kan irra hin deebi’amneefi seenaa ammayyaa Itoophiyaa keessatti kaayyoo guddaafi kabajamaa kan qabudha. Kanaanis qormaatilee keenya gara carraa gaariitti jijjiiruudhaan aadaa aangoo nagaadhaan walii dabarsuu ni itichina jedhani. Guyyaa har’aa sanyiiwwan gaarii dhaloota egereef darbu ni facaafna; firii inni kennurraas ijoolleen keenya akka fayyadaman ni taasifna. Marii kanarratti yoo hirmaannu, mandara keenya keessaa baanee Itoophiyaaf wayita marii’annu, ijoollee keenyaaf jennee isaaniin yaanne yeroo walmarii’annu bu’aansaa baay’ee milkaa’aa ni ta’a jedhani. ‎waliin taanee abdii, dhiifamaafi waliin jiraachuu haa dhaabnu; mariifi dhiifama biyya keessatti godhamuun rakkoowwan keenya hiikuudhaan biyya keenya gidduu-seentummaa alaarraa haa eegnu. Hirmaattonni hundi bu’aa seena-qabeessa Itoophiyaaf gaarii, Afrikaaf barumsa ta’u, Itoophiyaanota hundaaf immoo boqonnaa fidu akka galmeessisanin waamichakoo dhiyeessa jedhani. Itoophiyaan tattaffii ijoolleesheetiin sodaatamteefi kabajamtee bara baraan haajiraattu! Ministira Muummee Dr. Abiyyi Ahimad  

Adoolessa 8/2018(ENA): Bakka Buutuu Olaanaa Imaammata Dhimma Alaafi Nageenyaa Gamtaa Awurooppaa, Kaja Kallas har'a simadhee haala milkaa'aa ta'een marii'anneerra jedhan Ministirri Muummee Dr. Abiyyi Ahimad ergaa miidiyaa hawaasummaa isaaniin dabrsaniin. Walittidhufeenya Gamtaa Awurooppaafi Afrikaa gidduu jiru cimsuurratti kan marii'anne yoo ta'u, faayidaawwan waloofi dhimmoota ijoo dusri kennamuuf irratti xiyyeeffannee yaada waljijjiirreerra jedhaniiru. Dabalatanis, marii keenya dhimmoota naannawaa xiyyeeffannoo barbadan irratti gooneen, akkaataa itti walta'insa dinagdee caalaatti guddisuufi babal'isuun danda'amu irratti marii'anneerra jechuun ergaa dabrsaniiru. #Ena Afaan Oromoo #TOI #Ena#

Adoolessa 8/2018(ENA): Sirna jalqabsiisuu Marii Biyyaalessaa seena-qabeessa ta’e kanarratti argamuuf carraa argachuun koo guddaa naboonsisa jedhan Ministirri Muummee Dr. Abiyyi Ahimad. Yaa’iin guddichi torbeewwan afran dhufaniif hirmaattota kuma afur galma tokko keessatti walitti qabu kun, taatee seenaa Itoophiyaan harka mataasheetiin seenaa haaraa barreessuuf qalamaafi waraqaa itti argattedha jedhan karaa miidiyaa hawaasummaa isaaniin ergaa dabarsaniin. Maraammartoo adeemsa siyaasaa Itoophiyaa jecha humnaatiin eegalee tarkaanfii humnaatiin goolabamu cabsinee waliin dubbachuufi marii’achuudhaan yeroo itti bakka buusnu irratti argamna jedhani. Komiishinaroota Komiishinii Marii Biyyaalessaa imala guddaa kana milkeessan, gumaacha isaaniif galata guddaan dhiyeessa jedhaniiru. Yaa’iin adeemsa ajandaa walittiqabuu jalaa gara oliitti lammiilee kuma dhibbatti lakka’aman hirmaachisuu irratti hundaa’e kun salphaatti kan irra hin deebi’amneefi seenaa ammayyaa Itoophiyaa keessatti kaayyoo guddaafi kabajamaa kan qabudha. Kanaanis qormaatilee keenya gara carraa gaariitti jijjiiruudhaan aadaa aangoo nagaadhaan walii dabarsuu ni itichina jedhani. Guyyaa har’aa sanyiiwwan gaarii dhaloota egereef darbu ni facaafna; firii inni kennurraas ijoolleen keenya akka fayyadaman ni taasifna. Marii kanarratti yoo hirmaannu, mandara keenya keessaa baanee Itoophiyaaf wayita marii’annu, ijoollee keenyaaf jennee isaaniin yaanne yeroo walmarii’annu bu’aansaa baay’ee milkaa’aa ni ta’a jedhani. ‎waliin taanee abdii, dhiifamaafi waliin jiraachuu haa dhaabnu; mariifi dhiifama biyya keessatti godhamuun rakkoowwan keenya hiikuudhaan biyya keenya gidduu-seentummaa alaarraa haa eegnu. Hirmaattonni hundi bu’aa seena-qabeessa Itoophiyaaf gaarii, Afrikaaf barumsa ta’u, Itoophiyaanota hundaaf immoo boqonnaa fidu akka galmeessisanin waamichakoo dhiyeessa jedhani. Itoophiyaan tattaffii ijoolleesheetiin sodaatamteefi kabajamtee bara baraan haajiraattu! Ministira Muummee Dr. Abiyyi Ahimad #Ena Afaan Oromoo #TOI #Ena#

Adoolessa 8/2018(ENA) - Yaa’iin marii biyyaalessaa Itiyoophiyaa dhaloota dhufuuf biyya cimtuu fi amansiiftuu ijaaruuf carraa guddaa ta’uusaa komishinariin olaanaa komishinii marii biyyaalessaa Itiyoophiyaa piroofeesar Masfin Ar’ayaa ibsan. Yaa’iin marii biyyaalessaa Itiyoophiyaa ministirri muummee Dr. Abiyyi Ahimad bakka argamanitti dammaqinaan eegalameera. Waltajjiin seena qabeessi kun Itiyoophiyaa keessatti boqonnaa haaraa kan banuu fi dhhalootaaf kan darbu ta’uun ibsameera. Komishinariin olaanaa komishinii marii biyyaalessaa Itiyoophiyaa piroofeesar Masfin Ar’ayaa baniinsa yaa’ichaarratti dubbii dubbataniin, yaa’ichi kallattii imala siyaasaa fi hawaasummaa biyya keenyaa qajeelaa kan taasisu ta’uu dubbataniiru. Itiyoophiyaan seenaa bara dheeraa fi miidhagina heddumminaa kan qabdu ta’uu eeranii, fulla’insaan itti fufsiisuuf garaagarummaan yaadaa fi waldhabdeen qormaata itti ta’anii turaniiru jedhaniiru. Keessumaa gaaffileen siyaasaa fi sirnaa waggoottaniif kuufaman har’as nageenya lammiilee fi tokkummaa biyyaa qoraa jiru jedhaniiru. Garaagarummaan yaadaa qofaasaa rakkoo akka hin taanee fi ilaalchonni garagaraa qama jireenya demokiraasii keenyaa ta’uu kan ibsan komishinarri olaanaa kun, rakkoon kun kan eegalu garaagarummaa kanneen mariin osoo hin taane humnaan, walitti bu’iinsaan ykn wal ajjeesuun furuuf yoo yaalamu akka ta’e beeksisaniiru. Rakkoolee hidda jabeeffatan humnaan, yeroof qabbaneessuun ykn adeemsa adda qooduutiin fulla’insaan furuun akka hin danda’amne seenaan kan nu barsiise ta’uu cimsanii kaasaniiru. Furmaanni egeree fi qofeessi marii biyyaalessaa amanamaa, hammataa, ifaa fi saayinsaawaa ta’e gaggeessuu ta’uu ibsaniiru. Yaa’iin kun garaagarummaa jiru karaa qaroomeen qabachuun waliin jiraachuu kan nu dandeessisu waltajjii sirna itti diriirsinu dha jechuun dubbataniiru. Kana malees wal dhaggeeffachuu, dhukkuba nama biraa hubachuu, godaannisa seenaa turan haquu fi carraa biyyaa egereerratti walii galtee kan uumu fayyinni biyyaa kan itti raawwatamu akka ta’e dubbataniiru. Yaa’iin kun dhaloota dhufuuf biyya cimtuu fi amansiiftuu ijaaruu kan dandeessisu carraa guddaa akka uumus hubachiisaniiru.

Adoolessa 8/2018 (ENA): Yaa’iin Marii Biyyaalessaa kan biyya baraaru, kan fayyadu, kan ijaaruu fi barootaaf kan yaadatamu seenaa barreessuuf carraa ta’uu kan uumudha jedhan Ministirri Muummee Dr. Abiyyi Ahimad. Sirni baniinsa Yaa’ii Marii Biyyaalessaa Itiyoophiyaa magaalaa Finfinnee Giddugala Walgahii konveenshinii Idil Addunyaa Addis keessatti gaggeeffamaa jira. Ministirri Muummee Dr. Abiyyi Ahimad dhaamsa kana irratti dabarsaniin, Yaa’iin Marii Biyyaalessaa bal’ina, adeemsaa fi bu’aa isaatiin seenaa ammayyaa Itiyoophiyaa keessatti kaayyoo fi dalagaa guddaa akka qabu ibsaniiru. Waltajjiin kun waltajjii bal’aa lammiilee Itiyoophiyaa bakka bu’aniif qophaa’e ta’uu hubachiisuudhaan, carraan kuni seenaa Itiyoophiyaa kan jijjiiruu fi carraa guddaa ta’uu himani. Waltajjiin har’aa kun seenaa biyya baraaruu fi ijaaru barreessuuf carraa guddaa kan kennu ta’uus dubbataniiru. Warri carraa kanatti hin fayyadamnee fi irra deddeebiin akka hin dhufne hin hubanne seenaa biyya ijaaruu dhiisanii diigu akka barreessan yaadachiisaniiru. Kanaaf carraan marii seena qabeessa ta’e kun salphaatti dhufuu waan hin dandeenyeef irra deebi’amuu waan hin dandeenyeef, ijoolleen keenya carraa ijoolleen keenya dhaban akka hin dhabneef nutis ta’e warri nu dura dhufan kabaja guddaadhaan kabajuu qabna jedhan. Hirmaattonni marii kanaa milkaa’ina konfiraansii marii kanaaf miira itti gaafatamummaa fi obsa ol’aanaadhaan gahee isaanii akka bahatan waamicha dhiyeessaniiru.‎ #Ena Afaan Oromoo #TOI #Ena#

Adoolessa 8/2018 (ENA): Manni Maree Naannoo Hararii walga’ii idilee isaa boru irraa eegalee akka gaggeessu ibsameera. Afa-yaa’iin Mana Maree Naannichaa Sulxaan Abduusalaam har’a ibsa kennaniin akka beeksisanitti; manni marichi walga’ii idilee 10ffaa bara hojii waggaa 5ffaa yaa’ii marsaa 6ffaa boru irraa eegalee ni gaggeessa. Yaa’ii mana maree guyyoota lamaaf turu kanaan, gabaasni raawwii hojii qaamolee raawwachiiftuu kan bara bajataa 2018 dhiyaatee irratti akka mari’atamu ibsaniiru. Gabaasa raawwii hojii dhiyaatu kana miseensonni mana marichaa erga irratti mari’atanii booda ni raggaasisu jedhamee eegama. Manni maree naannichaa, gabaasa raawwii hojii Mana murtii walii galaa fi waajjira Odiitera Muummee naannichaa kan bara 2018 dhiyaatee akka irratti marii’atamu ibsaniiru. Kana malees, wixineen bajataa mootummaa naannichaa kan bara 2019 mana mareetiif dhiyaatee erga irratti mari’atamee booda ni ragga’a jedhamee akka eegamu Afa-yaa’iiin kun dubbataniiru. Dhumarrattis, manni marichaa labsiwanii fi muudamoota adda addaa dhiyaatani ni raggaasisa jedhamee akka eegamu eeraniiru.

Adoolessa 7/2018 (ENA)- Ministirri muummee Dr. Abiyyi Ahimad har’a Oliiseenguun Obasaanjoo waajjirasaaniitti simatanii mari’ataniiru. Jala bulti marii biyyaalessaa seena qabeessaatti, michuu Itiyoophiyaa kan ta’an angafticha Oliiseeguun Obasaanjoo waliin marii taasisuusaanii ministirri muummee Dr. Abiyyi Ahimad ergaasaaniirratti barreessaniiru. Yeroo itti aanu marii biyyaalessaa ilaalchisuun mari’achuuf akkasumas hojiilee Kanaan dura raawwatan irraa ogummaa horachuun kan danda’ame yoo ta’u, keessumaa adeemsa nageenyaa Biyaafiraan gaggeessuudhaan muuxannoo horatan qooduusaanii ibsaniiru. Kun ammoo tokkummaa fi imala nageenyaa Itiyoophiyaan mariidhaan mirkaneessitu irratti barumsa guddaa kan kennu ta’uu dubbataniiru. Itiyoophiyaan gumaacha tilmaamuun hin danda’amne kan Obasaanjoon gumaachaniif yoomiyyuu ni galateeffatti jedhan ministirri muummee ergaa dabarsaniin.