ENA - ENA Afaan Oromoo
Tamsaasa Kallatti:
Angafoota Oduu
Naannoo Harariitti biqiltuuwwan miiliyoona 1.7 ol dhaabuuf qophaa'aniiru
May 28, 2026 317
Caamsaa 20/2018 (ENA): Sagantaa Ashaaraa Magariisaa bara kanaatiin biqiltuuwwan miiliyoona 1.7 ol dhaabuuf qophaa’uu Biiroon Misooma Qonnaa Naannichaa beeksise. Akka Itti Gaafatamaa Itti Aanaa Biiroo Misooma Qonnaa Naannichaa obbo Nasraddiin Ahimad himanitti, Ganna bara kanaa Sagantaa Ashaaraa Magariisaatiin biqiltuun miiliyoona 1.7 ol ni dhaabama jedhani. Biqiltuu dhaabamuu qabu keessaa miiliyoona 1.5 ol biqiltuu kuduraafi muduraa fi bosona ta’uu ibsaniiru. Isaan keessaa kuma 200 ol biqiltuu nyaata beeyladaaf oolu ta’uus ibsaniiru. Hojiin naannichatti iddoowwan buufataalee biqiltoowwaniitti lammiilee hedduudhaaf carraa hojii akka uume eeraniiru. Sagantaa Ashaaraa Magariisaan hanga ammaatti hojiiwwan hojjetaman bu’a qabeessa akka ta’an kan eeran yoo ta’u,kunis uwwisa bosona naannichaa dabaluu fi fayyadamummaa diinagdee lammiilee fooyyessuu kan danda’e ta’uu ibsaniiru. #ENA_Afaan_Oromoo #ENA
Sagantaa Asharaa Magariisaan biqiltoota faayidaa hedduu qaban dhaabuuf qophiin taasifameera
May 28, 2026 204
Caamsaa 20/2018(ENA): Sagantaa Asharaa Magariisaa baranaatiin biqiltoota faayidaa hedduu qaban dhaabuuf qophiin taasifamuu Waajjirri Qonnaa Godina Shawaa Bahaa beeksiseera. Itti aanaan itti gaafatamaa waajjirichaa obbo Abinnat Zagayyee ENA’f akka ibsanitti; erga sagantaan Asharaa Magariisaa ifoomee eegalee biqiltoonni faayidaa garaa garaa qaban dhaabamaniiru jedhani. Kunis, fayyadamummaa diinagdee qonnaan bultootaa qabatamaan mirkaneessuudhaan bu'aa argamsiisuu isaa eeranii, oomishaa fi omishtummaa midhaanii guddisuuf gumaacha olaanaa gochuu isaa akka fakkeenyaatti eeraniiru. Sagantaa Asharaa Magariisaa baranaatiifis biqiltoonni misooma bosonaa fi faayidaa diinagdee qaban miliyoona 269.5 ta'an buufataalee biqiltootaa aanaalee hundaa keessatti qophaa'uu isaanii mirkaneessaniiru. Barana lafa hektaara kuma 45 fi 563 irratti hojiin biqiltuu dhaabuu akka gaggeeffamus himaniiru.
Magaalaa Jimmaatti Dargaggoota carraan hojii mijateefii fayyadamummaan isaanii guddateera
May 28, 2026 282
Caamsaa 20/2018(ENA): Magaalaa Jimmaatti dargaggoonni dameewwan hojii adda addaa irratti bobba'an of bira dabranii lammilee biroof carraa hojii uumuu isaanii ibsan. Magaalattiitti carraa hojii dargaggootaa bal'isuuf leenjiiwwan qonnaa, teeknoolojii fi daldalaa kennuudhaan, bakkeewwan hojii fi gurgurtaa dhiyeessuu, akkasumas hidhata gabaa uumuu kessatti bu'aawwan abdachiisaan galmaa’a jiru. Magaalattii keessatti dargaggoonni ENA’f yaada kennan Abdurahiim Naasir akka ibsetti; bulchiinsi magaalichaa carraa hojii isaaf mijeessetti fayyadamee maashinoota daabboo tolchan qulqullina qabaniin oomishee gabaaf dhiyeessaa jira. Maashinoonni kunniin meeshaalee daabboo tolchuuf alaa galfaman bakka bu'uudhaan sharafa alaa hanbisuu bira darbanii, anniisaa (humna) kan qusatan waan ta'aniif gabaa irratti filatamaa ta'uunsaa ibseera. Kuni ammoo galii isaa dabaluurra darbee, dargaggoota biroof carraa hojii uumuuf kan gargaare ta'uu eeraniiru. Haaluma walfakkaatuun, boorsaa ammayyaa fi bu'aalee gogaa oomishanii gabaaf dhiyeessaa kan jiran dargaggoota Darsoollinyi Shimallisii fi Habtaamuu Gaaddisaa ni caqasamu. Dargaggoonni kunniin akka ibsanitti, bu'aaleen gogaa isaan oomishan bifaaniis ta'ee qulqullinaan fedhii maamiltootaa kan guutan waan ta'aniif gabaa irratti dorgomaa ta'uu danda'aniiru. Hojii isaanii caalaatti bal'ifachuufis bulchiinsi magaalichaa liqii fi bakka hojii akka mijeesseef dubbataniiru. Itti gaafatamaan waajjira Carraa hojii Uumuu fi Ogummaa obbo Abdulhamiid Nuuraddiin gama isaaniitiin akka ibsanitti, magaalattii keessatti carraa hojii dargaggootaa bal'isuuf sheedonni hojii fi gurgurtaa hedduun ijaaramaniiru. Kanaanis bara baajata kana keessatti dargaggoota waldaaleen kuma 3 ol jalatti hammatamanii gurmaa'an kumni 20 fi 160’f carraa hojii uumuuf karoorfamee, karoora kana caalatti raawwachuun dargaggoota kuma 28 fi 500 fayyadamoo gochuun danda'ameera. Milkaa'ina dargaggootaa caalaatti deeggaruuf dhiyeessiin leenjii fi liqii mijaahuu kan ibsan itti gaafatamaan kun bara baajata kanaatti hanga ammaatti tajaajilli liqii birrii biliyoona 1.5 dhiyaachuu isaa eeraniiru. Dargaggootaaf carraa hojii bal'isuufis sheedonni kanneen akka maashina bunaa falfalu, daabboo fi buddeena tolchuu, hojii gogaa fi mukaa, akkasumas oomishaalee bakka bu'oo biroo oomishuuf gargaaran kennamuu isaanii dabalanii ibsaniiru. Dargaggoonni hojiitti galan oomishaalee isaanii gatii madaalawaan hawaasaaf dhiyeessuu bira dabranii, oomishaalee alaa galaman biyya keessatti bakka bu'aa oomishuudhaan sharafa alaa biyyattii qusachuu danda'uu isaaniis obbo Abdulhamiid ibsaniiru.
Milkaa’ina adeemsa marii biyyaalessaaf gumaachi kutaaleen hawaasaa adda addaa taasisaa jiran olaanaadha
May 28, 2026 294
Caamsaa 20/2018 (ENA): Milkaa’ina adeemsa marii biyyaalessaaf gumaachi kutaaleen hawaasaa adda addaa taasisaa jiran olaanaadha jedhan Koomishinarri Olaanaa Komishinii Marii Biyyaalessaa Itiyoophiyaa Piroofeesar Masfin Ara’ayaa. Komishiniin marii biyyaalessaa Itiyoophiyaa wixinee ajandaawwan konfiraansii biyyaalessaa guddicha irratti qooda fudhattoota dhimmi ilaallatuuf dhiyaatan irratti marii galtee walitti qabuu gaggeessaa jira. Kanuma waliin Koomishinarri Olaanaan Komishinichaa Piroofeesar Masfin Ara’ayaa adeemsi ajandaa walitti qabuu milkaa’aa ta’uu ibsuun, milkaa’ina adeemsa marii kanaaf gumaachi kutaaleen hawaasaa adda addaa taasisaa jiran olaanaa ta’uu eeraniiru. Adeemsa marii kanarratti qaamonni bakka bu’ummaan hirmaatan adeemsa ajandaa walitti qabuu, akkasumas haala kanaan adeemsi ajandaa qabuu naannolee hundaafi bulchiinsa magaalota lamaan keessatti raawwatamaa tureera. Adeemsi ajandaa walitti qabuu kun hirmaannaa dhaabbilee fi waldaalee, bakka bu’oota hawaasa godinaa, paartilee siyaasaa, diyaaspooraa, dhaabbilee mootummaa fi qooda fudhattoonni biroo haala karoorfameen milkaa’inaan raawwatamuusaa ibsaniiru. Itti dabaluunis, kunis Yaa’ii Marii Biyyaalessaa dhufuuf bu’uura kaa’eera jedhan. Adeemsi marii biyyaalessaa keessatti adeemsi ajandaa walitti qabuu marsaa xumuraa irra akka jirus Komishinarri Olaanaa beeksisaniiru. Itiyoophiyaatti waliigaltee biyyaalessaa uumuuf ergama guddaan hojjechaa kan jiru Komishiniin marii biyyaalessaa Itiyoophiyaa konfiraansii biyyaalessaa guddicha gaggeessuuf hojjechaa jiraachuu ibsaniiru. Komishinichi adeemsa ijaarsa ajandaa kutaalee biyyattii adda addaa fi kutaalee hawaasaa keessatti raawwatamaa turan ifatti xumuree, yeroo ammaa ajandaawwan ijoo Gumii Biyyaalessaa qooda fudhattoota adda addaatiif dhiyeessuun galteewwan dabalataa walitti qabuuf adeemsa irra jira. Marsaa haaraa amma adeemsifamaa jiru kana keessatti Komishinichi wixinee ajandaalee qopheessee qindeesse qooda fudhattoota hirmaataniif dhiyeessaa akka jiru akeekaniiru. Komishiniin Marii Biyyaalessaa adeemsa ijaarsa galteewwan kana erga xumuree booda, yaada haaraa argate of keessatti hammatee, ajandaa Marii Biyyaalessaa isa dhumaa fi ijoo ni dhiheessa. Ajandaan qindaa’e kun Yaa’ii Marii Biyyaalessaa seena qabeessa, bakka bu’oonni guutuu biyyattii irraa dhufan irratti kan dhiyaatu ta’uu fi kan mari’atamu ta’uus akeekaniiru. Komishinichi ajandaawwan marii Yaa’ii Biyyaalessaaf qophaa’an wixineessuu fi argamuu irratti hojjechuu akka itti fufu beeksiseera. Konfiraansii Marii Biyyaalessaa irratti hirmaattonni kuma afur ol Finfinneetti waan walga’aniif milkaa’ina isaaf deeggarsa hundaa barbaachisa jedhaniiru. #ENA_Afaan_Oromoo #ENA
Yuunivarsiitiin Haramaayaa Teekinooloojiiwwan Qorannoo Fayyadamummaa Hawaasaa guddisan dagaagsaa jira
May 28, 2026 256
Caamsaa 20/2018(ENA): Yuunivarsiitiin Haramaayaa Teekinooloojiiwwan qorannoo fayyadamummaa Hawaasaa guddisan dagaagsaa jiraachuu beeksiseera. Yuunivarsiitichi yaa'ii gamaggama qorannoo fi hirmaannaa hawaasaa waggaa 43ffaa mata duree "kalaqa naannoof mijatuu fi eegumsa ikkooloojii ijaarsa Hawaasaa cimaatiif " jedhuun gaggeessaa jira. Itti-aanaan Pirezidaantii Qorannoo fi dhimma Hawaasaa Yuunivarsiitichaa Dr. Yisihaaq Yuusuf waltajjicharratti akka himanitti, Yuunivarsiitichi dameewwan qonnaa, Fayyaa, Teeknoolojii, Barnoota, Seeraa, Saayinsii Hawaasaa fi hojiiwwan qorannoo biroo irratti hojjechaa jira jedhani. Keessattuu barana Yuunivarsiitichi Pirojektoota 116 irratti hojii qorannoo gaggeessaa akka jiru eeranii, isaan keessaa 42 xumuramuu isaanii dubbataniiru. Hojiiwwan qorannoo fi Teeknoolojii Yuunivarsiitichi baajata birrii biliyoona 1 ol ramadee hojjechaa jiru kunis fayyadamummaa hawaasaa mirkaneessaa akka jiru beeksisaniiru. Yuunivarsiitichi barana teeknoolojiiwwan qonnaa 95 ol qonnaan bulaaf raabsuu isaas ibsaniiru. Yuunivarsiitichi eegumsaa fi bulchiinsa qabeenya uumamaa ilaalchisee Bulchiinsa Dirree Dhawaa, Hara Haramaayaa, Addeellee, Dhangaggoo fi suluulawwan biroo irratti hojiiwwan qindaa'oon hojjetamaa jira jedhaniiru. Gama tajaajilaa fi hirmaannaa hawaasaatiin, lammiilee kuma 150 ol ta'aniif tajaajila seeraa bilisaa kennuu dabalatee damee Fayyaa, Barnootaa fi kanneen biroon hojiiwwan jajjabeessaan hojjetamuu isaanii kaasaniiru. Waltajjiin gamaggamaa kun hojiiwwan jajjabeessoo Yuunivarsiitichi hojjechaa jiru itti fufsiisuu fi hanqinoota mul'atan furuuf kan gargaaru ta'uun eerameera. Yaa'ii qorannoo fi hirmaannaa hawaasaa Yuunivarsiitichi yeroo 43ffaaf gaggeessu kanaan firiiwwan qorannoo 32 dhiyaatanii mariin irratti ni taasifama jedhameera. Yaa'ii guyyoota sadiif qophaa’e kana irratti hayyoonnii fi qorattoonni Yuunivarsiitichaa, Manneen hojii seektaraa, qooda fudhattootaa, akkasumas bakka bu'oonni hawaasaa, Abbootii Gadaa fi Haadholiin Siinqee hirmaachaa jiru.
Kan mul'ate
Naannoo Harariitti biqiltuuwwan miiliyoona 1.7 ol dhaabuuf qophaa'aniiru
May 28, 2026 317
Caamsaa 20/2018 (ENA): Sagantaa Ashaaraa Magariisaa bara kanaatiin biqiltuuwwan miiliyoona 1.7 ol dhaabuuf qophaa’uu Biiroon Misooma Qonnaa Naannichaa beeksise. Akka Itti Gaafatamaa Itti Aanaa Biiroo Misooma Qonnaa Naannichaa obbo Nasraddiin Ahimad himanitti, Ganna bara kanaa Sagantaa Ashaaraa Magariisaatiin biqiltuun miiliyoona 1.7 ol ni dhaabama jedhani. Biqiltuu dhaabamuu qabu keessaa miiliyoona 1.5 ol biqiltuu kuduraafi muduraa fi bosona ta’uu ibsaniiru. Isaan keessaa kuma 200 ol biqiltuu nyaata beeyladaaf oolu ta’uus ibsaniiru. Hojiin naannichatti iddoowwan buufataalee biqiltoowwaniitti lammiilee hedduudhaaf carraa hojii akka uume eeraniiru. Sagantaa Ashaaraa Magariisaan hanga ammaatti hojiiwwan hojjetaman bu’a qabeessa akka ta’an kan eeran yoo ta’u,kunis uwwisa bosona naannichaa dabaluu fi fayyadamummaa diinagdee lammiilee fooyyessuu kan danda’e ta’uu ibsaniiru. #ENA_Afaan_Oromoo #ENA
Sagantaa Asharaa Magariisaan biqiltoota faayidaa hedduu qaban dhaabuuf qophiin taasifameera
May 28, 2026 204
Caamsaa 20/2018(ENA): Sagantaa Asharaa Magariisaa baranaatiin biqiltoota faayidaa hedduu qaban dhaabuuf qophiin taasifamuu Waajjirri Qonnaa Godina Shawaa Bahaa beeksiseera. Itti aanaan itti gaafatamaa waajjirichaa obbo Abinnat Zagayyee ENA’f akka ibsanitti; erga sagantaan Asharaa Magariisaa ifoomee eegalee biqiltoonni faayidaa garaa garaa qaban dhaabamaniiru jedhani. Kunis, fayyadamummaa diinagdee qonnaan bultootaa qabatamaan mirkaneessuudhaan bu'aa argamsiisuu isaa eeranii, oomishaa fi omishtummaa midhaanii guddisuuf gumaacha olaanaa gochuu isaa akka fakkeenyaatti eeraniiru. Sagantaa Asharaa Magariisaa baranaatiifis biqiltoonni misooma bosonaa fi faayidaa diinagdee qaban miliyoona 269.5 ta'an buufataalee biqiltootaa aanaalee hundaa keessatti qophaa'uu isaanii mirkaneessaniiru. Barana lafa hektaara kuma 45 fi 563 irratti hojiin biqiltuu dhaabuu akka gaggeeffamus himaniiru.
Magaalaa Jimmaatti Dargaggoota carraan hojii mijateefii fayyadamummaan isaanii guddateera
May 28, 2026 282
Caamsaa 20/2018(ENA): Magaalaa Jimmaatti dargaggoonni dameewwan hojii adda addaa irratti bobba'an of bira dabranii lammilee biroof carraa hojii uumuu isaanii ibsan. Magaalattiitti carraa hojii dargaggootaa bal'isuuf leenjiiwwan qonnaa, teeknoolojii fi daldalaa kennuudhaan, bakkeewwan hojii fi gurgurtaa dhiyeessuu, akkasumas hidhata gabaa uumuu kessatti bu'aawwan abdachiisaan galmaa’a jiru. Magaalattii keessatti dargaggoonni ENA’f yaada kennan Abdurahiim Naasir akka ibsetti; bulchiinsi magaalichaa carraa hojii isaaf mijeessetti fayyadamee maashinoota daabboo tolchan qulqullina qabaniin oomishee gabaaf dhiyeessaa jira. Maashinoonni kunniin meeshaalee daabboo tolchuuf alaa galfaman bakka bu'uudhaan sharafa alaa hanbisuu bira darbanii, anniisaa (humna) kan qusatan waan ta'aniif gabaa irratti filatamaa ta'uunsaa ibseera. Kuni ammoo galii isaa dabaluurra darbee, dargaggoota biroof carraa hojii uumuuf kan gargaare ta'uu eeraniiru. Haaluma walfakkaatuun, boorsaa ammayyaa fi bu'aalee gogaa oomishanii gabaaf dhiyeessaa kan jiran dargaggoota Darsoollinyi Shimallisii fi Habtaamuu Gaaddisaa ni caqasamu. Dargaggoonni kunniin akka ibsanitti, bu'aaleen gogaa isaan oomishan bifaaniis ta'ee qulqullinaan fedhii maamiltootaa kan guutan waan ta'aniif gabaa irratti dorgomaa ta'uu danda'aniiru. Hojii isaanii caalaatti bal'ifachuufis bulchiinsi magaalichaa liqii fi bakka hojii akka mijeesseef dubbataniiru. Itti gaafatamaan waajjira Carraa hojii Uumuu fi Ogummaa obbo Abdulhamiid Nuuraddiin gama isaaniitiin akka ibsanitti, magaalattii keessatti carraa hojii dargaggootaa bal'isuuf sheedonni hojii fi gurgurtaa hedduun ijaaramaniiru. Kanaanis bara baajata kana keessatti dargaggoota waldaaleen kuma 3 ol jalatti hammatamanii gurmaa'an kumni 20 fi 160’f carraa hojii uumuuf karoorfamee, karoora kana caalatti raawwachuun dargaggoota kuma 28 fi 500 fayyadamoo gochuun danda'ameera. Milkaa'ina dargaggootaa caalaatti deeggaruuf dhiyeessiin leenjii fi liqii mijaahuu kan ibsan itti gaafatamaan kun bara baajata kanaatti hanga ammaatti tajaajilli liqii birrii biliyoona 1.5 dhiyaachuu isaa eeraniiru. Dargaggootaaf carraa hojii bal'isuufis sheedonni kanneen akka maashina bunaa falfalu, daabboo fi buddeena tolchuu, hojii gogaa fi mukaa, akkasumas oomishaalee bakka bu'oo biroo oomishuuf gargaaran kennamuu isaanii dabalanii ibsaniiru. Dargaggoonni hojiitti galan oomishaalee isaanii gatii madaalawaan hawaasaaf dhiyeessuu bira dabranii, oomishaalee alaa galaman biyya keessatti bakka bu'aa oomishuudhaan sharafa alaa biyyattii qusachuu danda'uu isaaniis obbo Abdulhamiid ibsaniiru.
Milkaa’ina adeemsa marii biyyaalessaaf gumaachi kutaaleen hawaasaa adda addaa taasisaa jiran olaanaadha
May 28, 2026 294
Caamsaa 20/2018 (ENA): Milkaa’ina adeemsa marii biyyaalessaaf gumaachi kutaaleen hawaasaa adda addaa taasisaa jiran olaanaadha jedhan Koomishinarri Olaanaa Komishinii Marii Biyyaalessaa Itiyoophiyaa Piroofeesar Masfin Ara’ayaa. Komishiniin marii biyyaalessaa Itiyoophiyaa wixinee ajandaawwan konfiraansii biyyaalessaa guddicha irratti qooda fudhattoota dhimmi ilaallatuuf dhiyaatan irratti marii galtee walitti qabuu gaggeessaa jira. Kanuma waliin Koomishinarri Olaanaan Komishinichaa Piroofeesar Masfin Ara’ayaa adeemsi ajandaa walitti qabuu milkaa’aa ta’uu ibsuun, milkaa’ina adeemsa marii kanaaf gumaachi kutaaleen hawaasaa adda addaa taasisaa jiran olaanaa ta’uu eeraniiru. Adeemsa marii kanarratti qaamonni bakka bu’ummaan hirmaatan adeemsa ajandaa walitti qabuu, akkasumas haala kanaan adeemsi ajandaa qabuu naannolee hundaafi bulchiinsa magaalota lamaan keessatti raawwatamaa tureera. Adeemsi ajandaa walitti qabuu kun hirmaannaa dhaabbilee fi waldaalee, bakka bu’oota hawaasa godinaa, paartilee siyaasaa, diyaaspooraa, dhaabbilee mootummaa fi qooda fudhattoonni biroo haala karoorfameen milkaa’inaan raawwatamuusaa ibsaniiru. Itti dabaluunis, kunis Yaa’ii Marii Biyyaalessaa dhufuuf bu’uura kaa’eera jedhan. Adeemsi marii biyyaalessaa keessatti adeemsi ajandaa walitti qabuu marsaa xumuraa irra akka jirus Komishinarri Olaanaa beeksisaniiru. Itiyoophiyaatti waliigaltee biyyaalessaa uumuuf ergama guddaan hojjechaa kan jiru Komishiniin marii biyyaalessaa Itiyoophiyaa konfiraansii biyyaalessaa guddicha gaggeessuuf hojjechaa jiraachuu ibsaniiru. Komishinichi adeemsa ijaarsa ajandaa kutaalee biyyattii adda addaa fi kutaalee hawaasaa keessatti raawwatamaa turan ifatti xumuree, yeroo ammaa ajandaawwan ijoo Gumii Biyyaalessaa qooda fudhattoota adda addaatiif dhiyeessuun galteewwan dabalataa walitti qabuuf adeemsa irra jira. Marsaa haaraa amma adeemsifamaa jiru kana keessatti Komishinichi wixinee ajandaalee qopheessee qindeesse qooda fudhattoota hirmaataniif dhiyeessaa akka jiru akeekaniiru. Komishiniin Marii Biyyaalessaa adeemsa ijaarsa galteewwan kana erga xumuree booda, yaada haaraa argate of keessatti hammatee, ajandaa Marii Biyyaalessaa isa dhumaa fi ijoo ni dhiheessa. Ajandaan qindaa’e kun Yaa’ii Marii Biyyaalessaa seena qabeessa, bakka bu’oonni guutuu biyyattii irraa dhufan irratti kan dhiyaatu ta’uu fi kan mari’atamu ta’uus akeekaniiru. Komishinichi ajandaawwan marii Yaa’ii Biyyaalessaaf qophaa’an wixineessuu fi argamuu irratti hojjechuu akka itti fufu beeksiseera. Konfiraansii Marii Biyyaalessaa irratti hirmaattonni kuma afur ol Finfinneetti waan walga’aniif milkaa’ina isaaf deeggarsa hundaa barbaachisa jedhaniiru. #ENA_Afaan_Oromoo #ENA
Yuunivarsiitiin Haramaayaa Teekinooloojiiwwan Qorannoo Fayyadamummaa Hawaasaa guddisan dagaagsaa jira
May 28, 2026 256
Caamsaa 20/2018(ENA): Yuunivarsiitiin Haramaayaa Teekinooloojiiwwan qorannoo fayyadamummaa Hawaasaa guddisan dagaagsaa jiraachuu beeksiseera. Yuunivarsiitichi yaa'ii gamaggama qorannoo fi hirmaannaa hawaasaa waggaa 43ffaa mata duree "kalaqa naannoof mijatuu fi eegumsa ikkooloojii ijaarsa Hawaasaa cimaatiif " jedhuun gaggeessaa jira. Itti-aanaan Pirezidaantii Qorannoo fi dhimma Hawaasaa Yuunivarsiitichaa Dr. Yisihaaq Yuusuf waltajjicharratti akka himanitti, Yuunivarsiitichi dameewwan qonnaa, Fayyaa, Teeknoolojii, Barnoota, Seeraa, Saayinsii Hawaasaa fi hojiiwwan qorannoo biroo irratti hojjechaa jira jedhani. Keessattuu barana Yuunivarsiitichi Pirojektoota 116 irratti hojii qorannoo gaggeessaa akka jiru eeranii, isaan keessaa 42 xumuramuu isaanii dubbataniiru. Hojiiwwan qorannoo fi Teeknoolojii Yuunivarsiitichi baajata birrii biliyoona 1 ol ramadee hojjechaa jiru kunis fayyadamummaa hawaasaa mirkaneessaa akka jiru beeksisaniiru. Yuunivarsiitichi barana teeknoolojiiwwan qonnaa 95 ol qonnaan bulaaf raabsuu isaas ibsaniiru. Yuunivarsiitichi eegumsaa fi bulchiinsa qabeenya uumamaa ilaalchisee Bulchiinsa Dirree Dhawaa, Hara Haramaayaa, Addeellee, Dhangaggoo fi suluulawwan biroo irratti hojiiwwan qindaa'oon hojjetamaa jira jedhaniiru. Gama tajaajilaa fi hirmaannaa hawaasaatiin, lammiilee kuma 150 ol ta'aniif tajaajila seeraa bilisaa kennuu dabalatee damee Fayyaa, Barnootaa fi kanneen biroon hojiiwwan jajjabeessaan hojjetamuu isaanii kaasaniiru. Waltajjiin gamaggamaa kun hojiiwwan jajjabeessoo Yuunivarsiitichi hojjechaa jiru itti fufsiisuu fi hanqinoota mul'atan furuuf kan gargaaru ta'uun eerameera. Yaa'ii qorannoo fi hirmaannaa hawaasaa Yuunivarsiitichi yeroo 43ffaaf gaggeessu kanaan firiiwwan qorannoo 32 dhiyaatanii mariin irratti ni taasifama jedhameera. Yaa'ii guyyoota sadiif qophaa’e kana irratti hayyoonnii fi qorattoonni Yuunivarsiitichaa, Manneen hojii seektaraa, qooda fudhattootaa, akkasumas bakka bu'oonni hawaasaa, Abbootii Gadaa fi Haadholiin Siinqee hirmaachaa jiru.
POA English
Pulse Of Africa - English Language
Your news, current affairs and entertainment channel
Join us on
POA Arabic - عربي
Pulse Of Africa - Arabic Language
قناتكم الاخبارية و الترفيهية
Join us on
Siyaasa
Filannoo walii galaa 7ffaa yeroo karoorfame keessatti gaggeessuuf qophiin hundi xumurameera
May 26, 2026 1917
Caamsaa 18/2018 (ENA): Filannoo waliigalaa 7ffaa yeroo karoorfametti gaggeessuuf qophiileen barbaachisoo ta’an hundi xumuramuu isaanii Walitti qabduun Booridii Filannoo Biyyaalessaa Itiyoophiyaa Meelaatwarqi Haayiluu ibsaniiru. Yeroon callisaa (silent period) caamsaa 20 irraa eegalee kan jalqabu waan ta'eef, paartileen siyaasaa hundi yeroo gabaabaa hafe kanatti fayyadamuun hojii duula na filadhaa isaanii akka xumuran waamicha dhiyeessaniiru. Walitti qabduun Boordii Filannoo biyyaalessaa Itiyoophiyaa Meelaatwarqi Haayiluu, qophii waliigalaa filannoo 7ffaan walqabatee taasifame ilaalchisuun miidiyaaleef ibsa laataniiru. Ibsa isaaniitiin Boordichi filannicha yeroo karoorfame keessatti haala milkaa'ina qabuun gaggeessuuf qophii hundaa xumuruun gara boqonnaa dhumaatti ce’uu isaa ibsaniiru. Boordichi galmeessa kaadhimamtoota paartilee siyaasaa fi adeemsa galmeessa filattootaa, dabalataan buufataalee filannoo addaa dabalatee yeroo kaahametti raawwachuu isaa eeraniiru. Adeemsa kanaan dura jiruun meeshaalee filannoo gurmeessuu fi gara naannoolee filannootti geejjibsiisuun hojiin hojjetamuu ibsuun, boordichi kana haala saffisa qabuun raawwachuuf xiyyeeffannoo guddaa kennee hojjechuu isaa ibsaniiru. Ummanni filataa ta'e hubannoo gahaa akka argatu gochuuf, falmiiwwan dhimmoota adda addaa irratti Afaanota shaniin waltajjiiwwan qophaa’an 19 miidiyaaleen akka darban taasifameera jedhan. Dabalataan, qoodinsa sa'aatii qilleensaa bilisaa ilaalchisee sa'aatii raadiyoo 782.5, sa'aatii TV, 520 fi gaazeexaan dhimma 576 paartileef kennamuu isaa ibsaniiru. Milkaa'ina adeemsa filannoof dhaabbileen miidiyaa 64 fi gaazeexessitoonni kuma 1 fi 814 beekamtii gabaasa hojjachuu argachuu isaanii ibsaniiru. Boordichi qaamolee gartummaa siyaasaa irraa bilisa ta'an ramaduun, komiiwwan adeemsicha keessatti ka'an haala loogii irraa bilisa ta'een keessummeessaa turuu isaas eeraniiru. Yeroon yaada callisaa filannichaa caamsaa 20 irraa eegalee kan jalqabu waan ta'eef, paartileen siyaasaa hundi yeroo gabaabaa hafe kanatti duula na filadhaa isaanii akka xumuran walitti qabduun boordichaa waamicha dhiyeessaniiru. Filattoonnis gabatee yeroo kaa'ame bu'uureffachuun, caamsaa 24 guyyaa filannoo buufataalee filannoo isaaniitti argamuun mirga Heera Mootummaan isaaniitti fayyadamuun sagalee akka kennan dhaamsa dabarsaniiru.
Manni Maree Ministirootaa murtoowwan garaagaraa dabarse
May 26, 2026 990
Caamsaa 18/2018(ENA): Manni Maree Ministirootaa walga’ii idilee 55ffaa gaggeesseen dhimmoota garaagaraa irratti mari’achuun murtoo dabarseera. Haaluma kanaan: 1.Manni marichaa jalqaba irratti kan mari’ate waliigalteewwan deeggarsaafi liqaa faayinaansii lama irratti. kan jalqabaa hojiirra oolmaa pirojektii fooyyessii nyaataafi haala jireenyaa horsiisee bultootaaf oolu Baankii Misooma Afrikaa irraa waliigaltee Doolaara miiliyoona 46 fi kuma 300 irrattidha. Kan lammaffaa hojiirra oolmaa pirojektii seeftineetii boqonnaa 6ffaa kan oolu Waldaa Misoomaa Idil-addunyaa irraa waliigaltee ‘SDR’ Miiliyoona 100 fi miiliyoona 46 fi kuma 100 irrattidha. Manni Marichaa waliigalteewwan kunneen imaammata bulchiinsa liqaa biyyattii waliin kan walsiman ta’uu mirkaneessuun wixineewwan waliigaltee liqaa kunneen Mana Maree Bakka Bu’oota Ummataaf akka dabarfamaniif sagalee guutuun murteesseera. 2.Manni Marichaa itti aansuun wixinee labsii bulchiinsa taaksii federaalaa fooyyessuuf dhiyaate irratti mari’ateera. Labsiin bulchiinsa taaksii lakkoofsi 983/2008 bahee ittiin hojjetamaa kan ture ta’us, biyyattiitti waggoottan darban keessa jijjiiramoonni diinagdee hedduun waan raawwatamaniif sirna bulchiinsa taaksii muuxannoowwan idil-addunyaa yeroo ammaa waliin walsimsiisuuf, waliigaltee dhabuu taaksii karaa haqa qabeessa, nagaafi ariitiin furuu fi hojmaata itti gaafatamummaafi iftoomina qabu mirkaneessuuf akkasumas seerota taaksii raawwachiisuuf wixinichi qophaa'eera. Manni Marichaas wixinee labsii kanarratti bal’inaan erga mari’ateen booda galteewwan itti dabaluun Mana Maree Bakka Bu’oota Ummataaf akka darbu sagalee guutuun murteesseera. 3.Manni marichaa wixinee labsii dhaabbata biiznasii qonnaa irratti. Damee qonnaa hojmaata baratame keessaa gara sirna biiznasiin durfamuutti ceesisuuf, dandeettii gabaa amansiisuu oomishtoota xixiqqoo guddisuuf, sona dabaluufi walitti hidhamiinsa galtee industirii uumuuf, dandeettii fooyya’aa kan qaban ce’umsa gara giddugaleessaatti taasisan seeraan deeggaruuf, wabii nyaataa mirkaneessuufi carraa hojii uumuuf hammattoo seeraa ta’ee akka tajaajiluuf wixineen kun qophaa’ee dhiyaateera. Manni marichaas wixinee kanarratti bal’inaan erga mari’ateen booda galteewwan itti dabaluun Mana Maree Bakka Bu’oota Ummataaf akka darbu sagalee guutuun murteesseera. 4.Manni Marichaa wixinee labsii gabaa kaarboonii Itiyoophiyaa irrattis mari’ateera. Tarsiimoo gabaa kaarboonii Itiyoophiyaa gara hojiitti hiikuuf, invastimantii magariisaafi ce’umsa teeknooloojiif haala mijataa uumuuf, hojmaatileefi adeemsota bittaafi gurgurtaa kaarboonii murteessuuf, hawaasaafi naannawaa pirojektiin kaarboonii jiru irra miidhaan akka hin geenye hojmaatilee diriirsuuf, hojmaata galii kaarboonii irraa argamu mootummaa, misoomsitootaafi hawaasa naannawaa akkasumas qaamolee qooda fudhattoota gidduutti karaa haqa qabeessaan qooduuf kan dandeessisu diriirsuufi waliigalteewwan idil-addunyaafi waadaawwan Itiyoophiyaan gadi lakkifama gaazota ho’a of keessatti qabatanii hir’isuufi warreen kaan waliin tumsaan bahachuuf seenteef hammattoo seeraa ta’ee akka tajaajiluuf wixinichi qophaa’uun mana marichaaf dhiyaateera. Manni Marichaas wixinee labsii kanarratti bal’inaan erga mari’ateen booda galteewwan dabaluun Mana Maree Bakka Bu’oota Ummataaf akka darbu sagalee guutuun murteesseera. 5. Wixineen Labsii Istaatistiksii Itiyoophiyaa dhimma biraa manni marichaa irratti mari'atedha. Bilisummaa ogummaa Tajaajila Istaatistiksii Itiyoophiyaa mirkaneessuuf, qooda hojii fi hojmaata qaamolee to'ataa fi raawwataa bifa ifa ta'een gargar baasuuf, tumsa oomishtoota istaatistiksii ofiishaalaa hunda gidduu jiru cimsuuf, iccitummaa ragaalee eeguuf, qulqullina bu'aalee istaatistiksii fooyyessuuf, dandeettii dhaqqabummaa isaanii mirkaneessuu fi hojmaatawwan biyyaalessaa fi qajeeltoowwan sadarkaa istaatistiksii idil-addunyaa waliin wal-simsiisuuf akka dandeessisutti wixineen labsii kun qophaa'ee dhiyaateera. Manni marichaas wixinee labsii kana irratti bal'inaan erga mari'atee booda, yaada dabalataa itti laachuun Mana Maree Bakka Bu'oota Uummataatti akka darbu sagalee guutuun murteesseera. 6. Manni Marichaa Wixinee Imaammata Inarjii irratti mari’ateera Imaammatichi riifoormii diinagdee mandhalee , karoora misooma waggaa kudhanii ,tarsimoo misooma diinagdee fi imaammata biroo wajjiim walsimee dhiyeessii inarjii biyyattii gatii muraasaan misoomsuun Inarjii itti fufiinsa, amanasiisaa, nageenyi isaa eegame,gatii madalawaa fi dorgomaa akka jiraatuufi fayyadamummaa lammiilee mirikaneessuuf akka dandeessisu wixinichi qophaa’ee Mana Marichaaf dhiyaateera. Manni Marichaa Imaammaticharratti bal’inaan erga mari’atee booda galteewwaniin dabaaluun Manni Marichaa guyyaa raggasiseerraa eegale hojiirra akka ooluuf sagalee guutuun murteesseera. 7. Manni Marichaa kan mari’ate . wixinee imaammata Dubartoota gahoomsuu fi Walqixxummaa Sirna koorniyaa irrattidha. Imaammatichi Sirni koorniyaa walmadaaluu dhabuun fi dhimmoota biroof ciyyeeffannoo gahaa kennuuf ,haleelllawwaan koorniyaarratti xiyyeeffatanii sirnaan ittisuufi eegumsaaf deebii kennuuf , dubartoota qaama miidhatoota xiyyeeffannoo adda barbadaaniif xiyyeeffannoo kennuufi Dubartoota rakkoolee garagaraaf saaxilamoo ta’aniif deebii gahaa kennuuf akka dandeessisuuf waliigatleewwan Idil addunyaa fi Itiyoophiyaan simattee waliin walsimsiisuun wixinichi qophaa’ee dhiyaachuu Mana Marichaaf dhiyaateera. Manni Marichaa Wixinee imaammatichaa irratti erga mari’atee booda galteewwan dabaaluun guyyaa manni marichaa raggasiseerraa eegalee hojiirra akka oolu sagalee guutuun murteesseera. 8. Itti aansuun Manni Marichaa kan mari’atee Wixinee labsii Inshuraansii irrattidha Amanamummaa Inshuraansii gabaa cimsuuf, haqummaa, nageenyi isaa kan mirkanaa’ee fi Ishuraansiin gaba tasghabbii qabu akka jiraatuufi gabaa Inshuraansii to’achuufi dursuuf kan dandeessisu hammattoo seeraa ta’ee akka tajaajilu Wixineen labsii qophaa’uun Mana Marichaaf dhiyaateera. Manni Marichaa Wixinnee labsicharratti mari’achuun galteewwan dabaaluun Mana Maree Bakka Bu’oota Ummataaf akka darbuu sagalee guutuun murteesseera. 9. Manni Marichaa Wixinee Imaammata Daldala Itiyoophiyaa irratti mari’ateera. Sirna Daldalaa biyyaa keessaa fi idil addunyaa sirnaan hogganuuf, hanqinaalee gabaa jiran furuufi hanqinaalee guutuuf tattaaffii taasifamu cimsuuf, hirkatummaa biyyattiin oomishaalee biyya alaarratti qabdu hir’isuun, dorgomtummaa oomishaalee dabaluuf, ulaagaalee nageenya oomishaalee baasuuf, fi sirna daldalaa seera qabeessaa diriirsuuf dorgomtummaan Industirii biyyaa keessa akka guddisaniifi hudhaalee damichaa furuuf wixinichi qophaa’e Mana Marichaaf dhiyaateera. Manni Marichaas Imaammaticharratti mari’achuun galteewwan dabaaluun guyyaa manni marichaa raggaasiseerraa eegalee hojiirra akka oolu murteesseera. 10. Manni marichaa kaayyoo, aangoo fi hojii Abbaa Taayitaa Boba'aa fi Inerjii murteessuuf wixinee labsii fooyya'iinsaa dhiyaate irratti mari'ateera. Abbaan taayitichaa hojii fi itti gaafatamummaa seeraan kennameef bifa ga’umsa qabuun akka bahatuuf wixineen fooyya'iinsa labsii kun qophaa'ee dhiyaateera. Manni marichaas bal'inaan erga mari'atee booda, yaada galtee itti dabaluun, labsiin kun guuyyaa gaazeexaa Federaalaa Nagaariiti irratti maxxanfamee bahe irraa eegalee akka hojiirra oolu sagalee guutuun murteesseera. 11. Qaamolee seeraan mirgi namummaa kennameef odeeffannoo abbaa qabeenyummaa faayyadamoo ta’an iftoomsuuf wixinee labsii dhiyaate irrattis mari’ateera. Labsii maallaqa yookaan qabeenya gocha yakkaan argame seera qabeessa fakkeessanii dhiyeessuu fi shororkeessummaa maallaqaan deeggaruu ittisuu fi to'achuuf bahe haala sirriin raawwachiisuuf akka dandeessisuuf wixineen labsii kun qophaa'ee mana marichaaf dhiyaateera. Manni marichaas wixinee labsii dhiyaate irratti bal'inaan erga mari'atee booda, yaada dabaalataa galtee ta’u dhiyeessuun, labsiin kun guyyaa Gaazeexaa Nagariit Federaalaa irratti maxxanfamee bahu irraa eegalee akka hojiirra oolu sagalee guutuun murteesseera. 12. Dhimmi manni marichaa irratti mari'ate kan biraan ammo wixinee labsii sirna nyaataa irratti. Dhiibbaa yaraa dhukkubootni hanqina sirna soorataan walqabatan fayyaa, barnoota, naannoo, oomishtummaa, hariiroo hawaasummaa fi diinagdee biyyaa irratti fidan hir'isuu fi balleessuuf hojiiwwan dandeessisan raawwachuuf, caasaa sadarkaa biyyaalessaatti hojii kana qindeessu uumuuf; qabeenya bifa itti fufiinsa qabuun ramaduu fi hirmaannaa hawaasaa guddisuuf, biyyi keenya waadaalee idil-addunyaa galtee fi galma sirna nyaataa fi soorataa kaa'aman milkeessuuf akka utubaa seeraa ta'ee akka tajaajiluuf wixineen labsichaa qophaa'ee dhiyaateera. Manni marichaas wixinee labsii kana irratti bal'inaan erga mari'atee booda, yaada dabalataa galchuun gara Mana Maree Bakka Bu'oota Uummataatti akka darbu sagalee guutuun murteesseera. 13. Dhuma irratti manni marichaa wixinee labsii deeggarsa baajataa mootummaan yuunivarsiitiiwwan ofiin of-bulchaniif kennamu raawwachiisuuf dhiyaate irrattidha. Deeggarsi baajataa yuunivarsiitii ofiin of-bulchuuf mootummaa irraa kennamu sirna deeggarsa baajata waliigalaa beekamaa irratti akka hundaa'u gochuuf, itti gaafatamummaa faayinaansii, haqummaafi bu'aa qabeessummaa mirkaneessuuf, qooda baasii ofii ofiin uwwifachuu yeroo gara yerootti guddisuuf, dhaabbilee gidduutti haala baruu-barsiisuu wal-madaalu, qulqullina tajaajilaa fi haqa qabeessummaa mirkaneesseen hojiiwwan itti gaafatamummaa guutuu qaban akka raawwatan dandeessisuuf wixineen labsii kun qophaa'ee mana marichaaf dhiyaateera. Manni marichaas wixinee labsii kana irratti bal'inaan erga mari'atee booda yaada dabalataa galchuun, guyyaa Gaazeexaa Federaalaa Nagaariit irratti maxxanfamee bahe irraa eegalee akka hojiirra oolu sagalee guutuun raggaasiseera.
Paartii biyyaa fi uummataaf ta'a jennu filachuuf guyyaa sagalee kenninsaa eeggachaa jirra– Jiraattota Magaalaa Harar
May 26, 2026 1088
Caamsaa 18/2018 (ENA): Paartii biyyaa fi uummataaf ni fayyada jennu filachuuf qophoofneerra jechuun jiraattonni Magaalaa Harar ibsan. Filannoo waliigalaa 7ffaan, lammiilee hedduun sagalee kennuuf kaardii fudhatanii fi paartileen siyaasaa adda addaa keessatti hirmaatan, Caamsaa 24 bara 2018 kan gaggeeffamu ta'uun ni beekama. Jiraattota Magaalaa Harar kanneen kaardii filannoo fudhatanii filannichaaf qophaa'an keessaa ENA’f kan yaada kennan, mirga demookiraasii keenya fayyadamuun paartii biyyaa fi uummataaf ta'u filachuuf guyyaa sagalee kenninsaa eeggachaa jirra jedhaniiru. Jiraattota magaalattii keessaa aadde Asiraat Wubsheet fi Kaaliid Yuusuf; kaardii filannoo fudhannetti fayyadamuun sagalee keenyaan murteessuuf qophoofneerra jechuun dubbataniiru. Adeemsi filannoo ibsituu mirga demookiraasii lammiilee ta'uu kaasuun, hamma kaardii filannoo fudachuuf hirmaatan sanatti sagalee kennuudhaanis mirkaneessuuf qophaa'uu isaanii ibsaniiru. Jiraattuun magaalattii biroon Alfiyaa Abdoosh; guyyaa sagalee kenninsaa sanatti keessumaa paartii dhimma fayyadamummaa waliigala dubartootaaf hojjetu filachuuf qophaa'uu ibsaniiru. Gama biraatiin jiraataan magaalattii obbo Assaggid Shifarraa filannichi paartii biyyaa fi uummataaf ni fayyada jedhan kan itti filatanii fi sagalee isaaniitiin kan murteessan waan ta'eef, filachuuf qophaa'uu isaanii dubbataniiru.
Duulli filannoo Paartii Badhaadhinaa fi hiriirri deeggarsa ummataa magaalaa Hawaasaatti geggeeffamaa jira
May 26, 2026 988
Caamsaa 18/2018 (ENA): Duulli filannoo Paartii Badhaadhinaa fi hiriirri deeggarsa ummataa naannoo Sidaamaa ganama har’aa irraa eegalee magaalaa Hawaasaatti adeemsifamaa jira. Kutaaleen hawaasaa adda addaas ganama har’aa kana Istaadiyeemii Idil-addunyaa Hawaasaatti argamuun Paartii Badhaadhinaaf deeggarsa qaban agarsiisaniiru.
.jpg)
Duulli na filadhaa fi hiriirri deeggarsa Paartii Badhaadhinaa Magaalaa Boongaatti gaggeeffamaa jira
May 26, 2026 1002
Caamsaa18/2018 (ENA): Naannoo Ummattoota Kibba Lixa Itiyoophiyaatti filannoo biyyaalessaa 7ffaa ilaalchisuun duulli nafiladhaa fi hiriirri deeggarsa Paartii Badhaadhinaa Magaalaa Boongaa keessatti gaggeeffamaa jira. Duulli nafiladhaa fi hiriirri deeggarsa paartichaa kan kanaan dura godinaalee naannichaa hundatti gaggeeffamaa ture, har'a bakka bu'oonni hawaasaa godinaalee hundarraa walitti dhufanii argamanii istaadiyeemii Magaalaa Boongaa keessatti sagantaan xumuraa gaggeeffamaa jira. Hirmaattonni hiriirichaa dhaadannoowwan akka "Filannoo nagaa fi dimookiraasii ijaarsa mootummaa cimaatiif! , Jijjiirama dhufeef beekamtii ni kennina!", "Itiyoophiyaa gara biyya fakkeenyummaattii" fi dhaadannoowwan biroo kanneen biroo dhageessisaa jiru. Saganticharratti hoggantoonni olaanoon naannichaa fi godinichaa, kutaaleen hawaasaa aanaalee fi bulchiinsa magaalota Godina Kafaa adda addaa irra walitti babba'an, akkasumas miseensonni baandii aartii aadaa hirmaachaa jiru.
Magaalaa Jinkaatti duulli nafiladhaa fi hiriirri deeggarsa Paartii Badhaadhinaa gaggeeffamaa jira.
May 26, 2026 952
Caamsaa 18/2018 (ENA):Magaalaa Jinkaatti duulli nafiladhaa fi hiriirri deeggarsa uummataa Paartii Badhaadhinaa gaggeeffamaa jira. Paartiin Badhaadhinaa filannoo waliigalaa 7ffaaf mata duree "Itiyoophiyaa gara biyya fakkeenyummaatti" jedhuun sagantaa xumura duula na filadhaa Magaalaa Jinkaa keessatti gaggeessaa jira. Miseensonnii fi deeggartoonni paartichaa daandiiwwan gurguddoo magaalattii fi Istaadiyeemii hunda galeessa Jinkaa keessatti uummanni hedduun argamuun deeggarsaa fi michummaa Paartii Badhaadhinaaf qaban ibsaa jiru. Sagantaa xumura duula nafiladhaa fi deeggarsa uummataa kana irratti Af-yaa'ii Mana Maree Naannoo Kibbaa Itiyoophiyaa Alamaayyoo Bawudiin dabalatee hoggantoonni olaanoon paartichaa, miseensonniifi deeggartoonni argamaniiru.
Duulli filannoo fi hiriirri deeggarsa Paartii Badhaadhinaa Walaayittaa Sooddootti geggeeffamaa jira
May 26, 2026 946
Caamsaa 18/2018 (ENA): Duulli filannoo fi hiriirri deeggarsa Paartii Badhaadhinaa Walaayittaa Sooddootti geggeeffamaa jira. Hiriira deeggarsa kana irratti dargaggoonni, dubartoonnii fi kutaaleen hawaasaa biroo hirmaachaa jiru. Deeggartoonni kunneen yeroo ammaa gara Istaadiyeemii hundagaleessa Walaayittaa Sooddootti imalaa kan jiran yoo ta’u, deggersa dhaabichaaf qabanis ergaa dabarsaa jiru.
Duulli filannoo Paartii Badhaadhinaa fi hiriirri deeggarsa ummataa Dirree Dhawaatti geggeeffamaa jira
May 26, 2026 944
Caamsaa 18/2018 (ENA): Sagantaan xumuraa duula filannoo Paartii Badhaadhinaa bulchiinsa Dirree Dhawaatti hiriira deeggarsa ummataa guddaan adeemsifamaa jira. Guyyaa har'aa miseensonnii fi deeggartoonni Paartii Badhaadhinaa godinaalee baadiyyaa fi magaalaa bulchiinsa kanaa daandii gurguddoo magaalattii keessa hiriira bahuun, dhaamsa qabatanii imaluun deeggarsa dhaabichaaf qaban ibsaa jiru. Paartiin Badhaadhinaa; dhaaba Itiyoophiyaa gara biyya fakkeenyummaatti jijjiirudha; kaayyoon keenya mootummaa cimaa ijaaruudha kan jedhaniifi ergaawwan biroo deeggartoonni qabatanii bahuun dhageessisaa jiranidha. Hiriira deeggarsa kanarratti ergaaleen dabarfaman, bulchiinsi Dirree Dhawaa pirojektoota misoomaa fi bulchiinsa gaarii jajjabeessaan ummata fayyadamoo taasisan hojiirra oolchaa turuusaa ibsaniiru. Hoggantoonni waajjira paartichaa Dirree Dhawaa, hoggantoonni waajjira kantiibaa fi miseensonni kaabinee hiriira deeggarsaa fi sagantaa xumuraa duula filannoo irratti hirmaataniiru. #ENA_Afaan_Oromoo #ENA
Siyaasa
Filannoo walii galaa 7ffaa yeroo karoorfame keessatti gaggeessuuf qophiin hundi xumurameera
May 26, 2026 1917
Caamsaa 18/2018 (ENA): Filannoo waliigalaa 7ffaa yeroo karoorfametti gaggeessuuf qophiileen barbaachisoo ta’an hundi xumuramuu isaanii Walitti qabduun Booridii Filannoo Biyyaalessaa Itiyoophiyaa Meelaatwarqi Haayiluu ibsaniiru. Yeroon callisaa (silent period) caamsaa 20 irraa eegalee kan jalqabu waan ta'eef, paartileen siyaasaa hundi yeroo gabaabaa hafe kanatti fayyadamuun hojii duula na filadhaa isaanii akka xumuran waamicha dhiyeessaniiru. Walitti qabduun Boordii Filannoo biyyaalessaa Itiyoophiyaa Meelaatwarqi Haayiluu, qophii waliigalaa filannoo 7ffaan walqabatee taasifame ilaalchisuun miidiyaaleef ibsa laataniiru. Ibsa isaaniitiin Boordichi filannicha yeroo karoorfame keessatti haala milkaa'ina qabuun gaggeessuuf qophii hundaa xumuruun gara boqonnaa dhumaatti ce’uu isaa ibsaniiru. Boordichi galmeessa kaadhimamtoota paartilee siyaasaa fi adeemsa galmeessa filattootaa, dabalataan buufataalee filannoo addaa dabalatee yeroo kaahametti raawwachuu isaa eeraniiru. Adeemsa kanaan dura jiruun meeshaalee filannoo gurmeessuu fi gara naannoolee filannootti geejjibsiisuun hojiin hojjetamuu ibsuun, boordichi kana haala saffisa qabuun raawwachuuf xiyyeeffannoo guddaa kennee hojjechuu isaa ibsaniiru. Ummanni filataa ta'e hubannoo gahaa akka argatu gochuuf, falmiiwwan dhimmoota adda addaa irratti Afaanota shaniin waltajjiiwwan qophaa’an 19 miidiyaaleen akka darban taasifameera jedhan. Dabalataan, qoodinsa sa'aatii qilleensaa bilisaa ilaalchisee sa'aatii raadiyoo 782.5, sa'aatii TV, 520 fi gaazeexaan dhimma 576 paartileef kennamuu isaa ibsaniiru. Milkaa'ina adeemsa filannoof dhaabbileen miidiyaa 64 fi gaazeexessitoonni kuma 1 fi 814 beekamtii gabaasa hojjachuu argachuu isaanii ibsaniiru. Boordichi qaamolee gartummaa siyaasaa irraa bilisa ta'an ramaduun, komiiwwan adeemsicha keessatti ka'an haala loogii irraa bilisa ta'een keessummeessaa turuu isaas eeraniiru. Yeroon yaada callisaa filannichaa caamsaa 20 irraa eegalee kan jalqabu waan ta'eef, paartileen siyaasaa hundi yeroo gabaabaa hafe kanatti duula na filadhaa isaanii akka xumuran walitti qabduun boordichaa waamicha dhiyeessaniiru. Filattoonnis gabatee yeroo kaa'ame bu'uureffachuun, caamsaa 24 guyyaa filannoo buufataalee filannoo isaaniitti argamuun mirga Heera Mootummaan isaaniitti fayyadamuun sagalee akka kennan dhaamsa dabarsaniiru.
Manni Maree Ministirootaa murtoowwan garaagaraa dabarse
May 26, 2026 990
Caamsaa 18/2018(ENA): Manni Maree Ministirootaa walga’ii idilee 55ffaa gaggeesseen dhimmoota garaagaraa irratti mari’achuun murtoo dabarseera. Haaluma kanaan: 1.Manni marichaa jalqaba irratti kan mari’ate waliigalteewwan deeggarsaafi liqaa faayinaansii lama irratti. kan jalqabaa hojiirra oolmaa pirojektii fooyyessii nyaataafi haala jireenyaa horsiisee bultootaaf oolu Baankii Misooma Afrikaa irraa waliigaltee Doolaara miiliyoona 46 fi kuma 300 irrattidha. Kan lammaffaa hojiirra oolmaa pirojektii seeftineetii boqonnaa 6ffaa kan oolu Waldaa Misoomaa Idil-addunyaa irraa waliigaltee ‘SDR’ Miiliyoona 100 fi miiliyoona 46 fi kuma 100 irrattidha. Manni Marichaa waliigalteewwan kunneen imaammata bulchiinsa liqaa biyyattii waliin kan walsiman ta’uu mirkaneessuun wixineewwan waliigaltee liqaa kunneen Mana Maree Bakka Bu’oota Ummataaf akka dabarfamaniif sagalee guutuun murteesseera. 2.Manni Marichaa itti aansuun wixinee labsii bulchiinsa taaksii federaalaa fooyyessuuf dhiyaate irratti mari’ateera. Labsiin bulchiinsa taaksii lakkoofsi 983/2008 bahee ittiin hojjetamaa kan ture ta’us, biyyattiitti waggoottan darban keessa jijjiiramoonni diinagdee hedduun waan raawwatamaniif sirna bulchiinsa taaksii muuxannoowwan idil-addunyaa yeroo ammaa waliin walsimsiisuuf, waliigaltee dhabuu taaksii karaa haqa qabeessa, nagaafi ariitiin furuu fi hojmaata itti gaafatamummaafi iftoomina qabu mirkaneessuuf akkasumas seerota taaksii raawwachiisuuf wixinichi qophaa'eera. Manni Marichaas wixinee labsii kanarratti bal’inaan erga mari’ateen booda galteewwan itti dabaluun Mana Maree Bakka Bu’oota Ummataaf akka darbu sagalee guutuun murteesseera. 3.Manni marichaa wixinee labsii dhaabbata biiznasii qonnaa irratti. Damee qonnaa hojmaata baratame keessaa gara sirna biiznasiin durfamuutti ceesisuuf, dandeettii gabaa amansiisuu oomishtoota xixiqqoo guddisuuf, sona dabaluufi walitti hidhamiinsa galtee industirii uumuuf, dandeettii fooyya’aa kan qaban ce’umsa gara giddugaleessaatti taasisan seeraan deeggaruuf, wabii nyaataa mirkaneessuufi carraa hojii uumuuf hammattoo seeraa ta’ee akka tajaajiluuf wixineen kun qophaa’ee dhiyaateera. Manni marichaas wixinee kanarratti bal’inaan erga mari’ateen booda galteewwan itti dabaluun Mana Maree Bakka Bu’oota Ummataaf akka darbu sagalee guutuun murteesseera. 4.Manni Marichaa wixinee labsii gabaa kaarboonii Itiyoophiyaa irrattis mari’ateera. Tarsiimoo gabaa kaarboonii Itiyoophiyaa gara hojiitti hiikuuf, invastimantii magariisaafi ce’umsa teeknooloojiif haala mijataa uumuuf, hojmaatileefi adeemsota bittaafi gurgurtaa kaarboonii murteessuuf, hawaasaafi naannawaa pirojektiin kaarboonii jiru irra miidhaan akka hin geenye hojmaatilee diriirsuuf, hojmaata galii kaarboonii irraa argamu mootummaa, misoomsitootaafi hawaasa naannawaa akkasumas qaamolee qooda fudhattoota gidduutti karaa haqa qabeessaan qooduuf kan dandeessisu diriirsuufi waliigalteewwan idil-addunyaafi waadaawwan Itiyoophiyaan gadi lakkifama gaazota ho’a of keessatti qabatanii hir’isuufi warreen kaan waliin tumsaan bahachuuf seenteef hammattoo seeraa ta’ee akka tajaajiluuf wixinichi qophaa’uun mana marichaaf dhiyaateera. Manni Marichaas wixinee labsii kanarratti bal’inaan erga mari’ateen booda galteewwan dabaluun Mana Maree Bakka Bu’oota Ummataaf akka darbu sagalee guutuun murteesseera. 5. Wixineen Labsii Istaatistiksii Itiyoophiyaa dhimma biraa manni marichaa irratti mari'atedha. Bilisummaa ogummaa Tajaajila Istaatistiksii Itiyoophiyaa mirkaneessuuf, qooda hojii fi hojmaata qaamolee to'ataa fi raawwataa bifa ifa ta'een gargar baasuuf, tumsa oomishtoota istaatistiksii ofiishaalaa hunda gidduu jiru cimsuuf, iccitummaa ragaalee eeguuf, qulqullina bu'aalee istaatistiksii fooyyessuuf, dandeettii dhaqqabummaa isaanii mirkaneessuu fi hojmaatawwan biyyaalessaa fi qajeeltoowwan sadarkaa istaatistiksii idil-addunyaa waliin wal-simsiisuuf akka dandeessisutti wixineen labsii kun qophaa'ee dhiyaateera. Manni marichaas wixinee labsii kana irratti bal'inaan erga mari'atee booda, yaada dabalataa itti laachuun Mana Maree Bakka Bu'oota Uummataatti akka darbu sagalee guutuun murteesseera. 6. Manni Marichaa Wixinee Imaammata Inarjii irratti mari’ateera Imaammatichi riifoormii diinagdee mandhalee , karoora misooma waggaa kudhanii ,tarsimoo misooma diinagdee fi imaammata biroo wajjiim walsimee dhiyeessii inarjii biyyattii gatii muraasaan misoomsuun Inarjii itti fufiinsa, amanasiisaa, nageenyi isaa eegame,gatii madalawaa fi dorgomaa akka jiraatuufi fayyadamummaa lammiilee mirikaneessuuf akka dandeessisu wixinichi qophaa’ee Mana Marichaaf dhiyaateera. Manni Marichaa Imaammaticharratti bal’inaan erga mari’atee booda galteewwaniin dabaaluun Manni Marichaa guyyaa raggasiseerraa eegale hojiirra akka ooluuf sagalee guutuun murteesseera. 7. Manni Marichaa kan mari’ate . wixinee imaammata Dubartoota gahoomsuu fi Walqixxummaa Sirna koorniyaa irrattidha. Imaammatichi Sirni koorniyaa walmadaaluu dhabuun fi dhimmoota biroof ciyyeeffannoo gahaa kennuuf ,haleelllawwaan koorniyaarratti xiyyeeffatanii sirnaan ittisuufi eegumsaaf deebii kennuuf , dubartoota qaama miidhatoota xiyyeeffannoo adda barbadaaniif xiyyeeffannoo kennuufi Dubartoota rakkoolee garagaraaf saaxilamoo ta’aniif deebii gahaa kennuuf akka dandeessisuuf waliigatleewwan Idil addunyaa fi Itiyoophiyaan simattee waliin walsimsiisuun wixinichi qophaa’ee dhiyaachuu Mana Marichaaf dhiyaateera. Manni Marichaa Wixinee imaammatichaa irratti erga mari’atee booda galteewwan dabaaluun guyyaa manni marichaa raggasiseerraa eegalee hojiirra akka oolu sagalee guutuun murteesseera. 8. Itti aansuun Manni Marichaa kan mari’atee Wixinee labsii Inshuraansii irrattidha Amanamummaa Inshuraansii gabaa cimsuuf, haqummaa, nageenyi isaa kan mirkanaa’ee fi Ishuraansiin gaba tasghabbii qabu akka jiraatuufi gabaa Inshuraansii to’achuufi dursuuf kan dandeessisu hammattoo seeraa ta’ee akka tajaajilu Wixineen labsii qophaa’uun Mana Marichaaf dhiyaateera. Manni Marichaa Wixinnee labsicharratti mari’achuun galteewwan dabaaluun Mana Maree Bakka Bu’oota Ummataaf akka darbuu sagalee guutuun murteesseera. 9. Manni Marichaa Wixinee Imaammata Daldala Itiyoophiyaa irratti mari’ateera. Sirna Daldalaa biyyaa keessaa fi idil addunyaa sirnaan hogganuuf, hanqinaalee gabaa jiran furuufi hanqinaalee guutuuf tattaaffii taasifamu cimsuuf, hirkatummaa biyyattiin oomishaalee biyya alaarratti qabdu hir’isuun, dorgomtummaa oomishaalee dabaluuf, ulaagaalee nageenya oomishaalee baasuuf, fi sirna daldalaa seera qabeessaa diriirsuuf dorgomtummaan Industirii biyyaa keessa akka guddisaniifi hudhaalee damichaa furuuf wixinichi qophaa’e Mana Marichaaf dhiyaateera. Manni Marichaas Imaammaticharratti mari’achuun galteewwan dabaaluun guyyaa manni marichaa raggaasiseerraa eegalee hojiirra akka oolu murteesseera. 10. Manni marichaa kaayyoo, aangoo fi hojii Abbaa Taayitaa Boba'aa fi Inerjii murteessuuf wixinee labsii fooyya'iinsaa dhiyaate irratti mari'ateera. Abbaan taayitichaa hojii fi itti gaafatamummaa seeraan kennameef bifa ga’umsa qabuun akka bahatuuf wixineen fooyya'iinsa labsii kun qophaa'ee dhiyaateera. Manni marichaas bal'inaan erga mari'atee booda, yaada galtee itti dabaluun, labsiin kun guuyyaa gaazeexaa Federaalaa Nagaariiti irratti maxxanfamee bahe irraa eegalee akka hojiirra oolu sagalee guutuun murteesseera. 11. Qaamolee seeraan mirgi namummaa kennameef odeeffannoo abbaa qabeenyummaa faayyadamoo ta’an iftoomsuuf wixinee labsii dhiyaate irrattis mari’ateera. Labsii maallaqa yookaan qabeenya gocha yakkaan argame seera qabeessa fakkeessanii dhiyeessuu fi shororkeessummaa maallaqaan deeggaruu ittisuu fi to'achuuf bahe haala sirriin raawwachiisuuf akka dandeessisuuf wixineen labsii kun qophaa'ee mana marichaaf dhiyaateera. Manni marichaas wixinee labsii dhiyaate irratti bal'inaan erga mari'atee booda, yaada dabaalataa galtee ta’u dhiyeessuun, labsiin kun guyyaa Gaazeexaa Nagariit Federaalaa irratti maxxanfamee bahu irraa eegalee akka hojiirra oolu sagalee guutuun murteesseera. 12. Dhimmi manni marichaa irratti mari'ate kan biraan ammo wixinee labsii sirna nyaataa irratti. Dhiibbaa yaraa dhukkubootni hanqina sirna soorataan walqabatan fayyaa, barnoota, naannoo, oomishtummaa, hariiroo hawaasummaa fi diinagdee biyyaa irratti fidan hir'isuu fi balleessuuf hojiiwwan dandeessisan raawwachuuf, caasaa sadarkaa biyyaalessaatti hojii kana qindeessu uumuuf; qabeenya bifa itti fufiinsa qabuun ramaduu fi hirmaannaa hawaasaa guddisuuf, biyyi keenya waadaalee idil-addunyaa galtee fi galma sirna nyaataa fi soorataa kaa'aman milkeessuuf akka utubaa seeraa ta'ee akka tajaajiluuf wixineen labsichaa qophaa'ee dhiyaateera. Manni marichaas wixinee labsii kana irratti bal'inaan erga mari'atee booda, yaada dabalataa galchuun gara Mana Maree Bakka Bu'oota Uummataatti akka darbu sagalee guutuun murteesseera. 13. Dhuma irratti manni marichaa wixinee labsii deeggarsa baajataa mootummaan yuunivarsiitiiwwan ofiin of-bulchaniif kennamu raawwachiisuuf dhiyaate irrattidha. Deeggarsi baajataa yuunivarsiitii ofiin of-bulchuuf mootummaa irraa kennamu sirna deeggarsa baajata waliigalaa beekamaa irratti akka hundaa'u gochuuf, itti gaafatamummaa faayinaansii, haqummaafi bu'aa qabeessummaa mirkaneessuuf, qooda baasii ofii ofiin uwwifachuu yeroo gara yerootti guddisuuf, dhaabbilee gidduutti haala baruu-barsiisuu wal-madaalu, qulqullina tajaajilaa fi haqa qabeessummaa mirkaneesseen hojiiwwan itti gaafatamummaa guutuu qaban akka raawwatan dandeessisuuf wixineen labsii kun qophaa'ee mana marichaaf dhiyaateera. Manni marichaas wixinee labsii kana irratti bal'inaan erga mari'atee booda yaada dabalataa galchuun, guyyaa Gaazeexaa Federaalaa Nagaariit irratti maxxanfamee bahe irraa eegalee akka hojiirra oolu sagalee guutuun raggaasiseera.
Paartii biyyaa fi uummataaf ta'a jennu filachuuf guyyaa sagalee kenninsaa eeggachaa jirra– Jiraattota Magaalaa Harar
May 26, 2026 1088
Caamsaa 18/2018 (ENA): Paartii biyyaa fi uummataaf ni fayyada jennu filachuuf qophoofneerra jechuun jiraattonni Magaalaa Harar ibsan. Filannoo waliigalaa 7ffaan, lammiilee hedduun sagalee kennuuf kaardii fudhatanii fi paartileen siyaasaa adda addaa keessatti hirmaatan, Caamsaa 24 bara 2018 kan gaggeeffamu ta'uun ni beekama. Jiraattota Magaalaa Harar kanneen kaardii filannoo fudhatanii filannichaaf qophaa'an keessaa ENA’f kan yaada kennan, mirga demookiraasii keenya fayyadamuun paartii biyyaa fi uummataaf ta'u filachuuf guyyaa sagalee kenninsaa eeggachaa jirra jedhaniiru. Jiraattota magaalattii keessaa aadde Asiraat Wubsheet fi Kaaliid Yuusuf; kaardii filannoo fudhannetti fayyadamuun sagalee keenyaan murteessuuf qophoofneerra jechuun dubbataniiru. Adeemsi filannoo ibsituu mirga demookiraasii lammiilee ta'uu kaasuun, hamma kaardii filannoo fudachuuf hirmaatan sanatti sagalee kennuudhaanis mirkaneessuuf qophaa'uu isaanii ibsaniiru. Jiraattuun magaalattii biroon Alfiyaa Abdoosh; guyyaa sagalee kenninsaa sanatti keessumaa paartii dhimma fayyadamummaa waliigala dubartootaaf hojjetu filachuuf qophaa'uu ibsaniiru. Gama biraatiin jiraataan magaalattii obbo Assaggid Shifarraa filannichi paartii biyyaa fi uummataaf ni fayyada jedhan kan itti filatanii fi sagalee isaaniitiin kan murteessan waan ta'eef, filachuuf qophaa'uu isaanii dubbataniiru.
Duulli filannoo Paartii Badhaadhinaa fi hiriirri deeggarsa ummataa magaalaa Hawaasaatti geggeeffamaa jira
May 26, 2026 988
Caamsaa 18/2018 (ENA): Duulli filannoo Paartii Badhaadhinaa fi hiriirri deeggarsa ummataa naannoo Sidaamaa ganama har’aa irraa eegalee magaalaa Hawaasaatti adeemsifamaa jira. Kutaaleen hawaasaa adda addaas ganama har’aa kana Istaadiyeemii Idil-addunyaa Hawaasaatti argamuun Paartii Badhaadhinaaf deeggarsa qaban agarsiisaniiru.
Duulli na filadhaa fi hiriirri deeggarsa Paartii Badhaadhinaa Magaalaa Boongaatti gaggeeffamaa jira
May 26, 2026 1002
Caamsaa18/2018 (ENA): Naannoo Ummattoota Kibba Lixa Itiyoophiyaatti filannoo biyyaalessaa 7ffaa ilaalchisuun duulli nafiladhaa fi hiriirri deeggarsa Paartii Badhaadhinaa Magaalaa Boongaa keessatti gaggeeffamaa jira. Duulli nafiladhaa fi hiriirri deeggarsa paartichaa kan kanaan dura godinaalee naannichaa hundatti gaggeeffamaa ture, har'a bakka bu'oonni hawaasaa godinaalee hundarraa walitti dhufanii argamanii istaadiyeemii Magaalaa Boongaa keessatti sagantaan xumuraa gaggeeffamaa jira. Hirmaattonni hiriirichaa dhaadannoowwan akka "Filannoo nagaa fi dimookiraasii ijaarsa mootummaa cimaatiif! , Jijjiirama dhufeef beekamtii ni kennina!", "Itiyoophiyaa gara biyya fakkeenyummaattii" fi dhaadannoowwan biroo kanneen biroo dhageessisaa jiru. Saganticharratti hoggantoonni olaanoon naannichaa fi godinichaa, kutaaleen hawaasaa aanaalee fi bulchiinsa magaalota Godina Kafaa adda addaa irra walitti babba'an, akkasumas miseensonni baandii aartii aadaa hirmaachaa jiru.
Magaalaa Jinkaatti duulli nafiladhaa fi hiriirri deeggarsa Paartii Badhaadhinaa gaggeeffamaa jira.
May 26, 2026 952
Caamsaa 18/2018 (ENA):Magaalaa Jinkaatti duulli nafiladhaa fi hiriirri deeggarsa uummataa Paartii Badhaadhinaa gaggeeffamaa jira. Paartiin Badhaadhinaa filannoo waliigalaa 7ffaaf mata duree "Itiyoophiyaa gara biyya fakkeenyummaatti" jedhuun sagantaa xumura duula na filadhaa Magaalaa Jinkaa keessatti gaggeessaa jira. Miseensonnii fi deeggartoonni paartichaa daandiiwwan gurguddoo magaalattii fi Istaadiyeemii hunda galeessa Jinkaa keessatti uummanni hedduun argamuun deeggarsaa fi michummaa Paartii Badhaadhinaaf qaban ibsaa jiru. Sagantaa xumura duula nafiladhaa fi deeggarsa uummataa kana irratti Af-yaa'ii Mana Maree Naannoo Kibbaa Itiyoophiyaa Alamaayyoo Bawudiin dabalatee hoggantoonni olaanoon paartichaa, miseensonniifi deeggartoonni argamaniiru.
Duulli filannoo fi hiriirri deeggarsa Paartii Badhaadhinaa Walaayittaa Sooddootti geggeeffamaa jira
May 26, 2026 946
Caamsaa 18/2018 (ENA): Duulli filannoo fi hiriirri deeggarsa Paartii Badhaadhinaa Walaayittaa Sooddootti geggeeffamaa jira. Hiriira deeggarsa kana irratti dargaggoonni, dubartoonnii fi kutaaleen hawaasaa biroo hirmaachaa jiru. Deeggartoonni kunneen yeroo ammaa gara Istaadiyeemii hundagaleessa Walaayittaa Sooddootti imalaa kan jiran yoo ta’u, deggersa dhaabichaaf qabanis ergaa dabarsaa jiru.
Duulli filannoo Paartii Badhaadhinaa fi hiriirri deeggarsa ummataa Dirree Dhawaatti geggeeffamaa jira
May 26, 2026 944
Caamsaa 18/2018 (ENA): Sagantaan xumuraa duula filannoo Paartii Badhaadhinaa bulchiinsa Dirree Dhawaatti hiriira deeggarsa ummataa guddaan adeemsifamaa jira. Guyyaa har'aa miseensonnii fi deeggartoonni Paartii Badhaadhinaa godinaalee baadiyyaa fi magaalaa bulchiinsa kanaa daandii gurguddoo magaalattii keessa hiriira bahuun, dhaamsa qabatanii imaluun deeggarsa dhaabichaaf qaban ibsaa jiru. Paartiin Badhaadhinaa; dhaaba Itiyoophiyaa gara biyya fakkeenyummaatti jijjiirudha; kaayyoon keenya mootummaa cimaa ijaaruudha kan jedhaniifi ergaawwan biroo deeggartoonni qabatanii bahuun dhageessisaa jiranidha. Hiriira deeggarsa kanarratti ergaaleen dabarfaman, bulchiinsi Dirree Dhawaa pirojektoota misoomaa fi bulchiinsa gaarii jajjabeessaan ummata fayyadamoo taasisan hojiirra oolchaa turuusaa ibsaniiru. Hoggantoonni waajjira paartichaa Dirree Dhawaa, hoggantoonni waajjira kantiibaa fi miseensonni kaabinee hiriira deeggarsaa fi sagantaa xumuraa duula filannoo irratti hirmaataniiru. #ENA_Afaan_Oromoo #ENA
Hawaasummaa
Milkaa’ina adeemsa marii biyyaalessaaf gumaachi kutaaleen hawaasaa adda addaa taasisaa jiran olaanaadha
May 28, 2026 294
Caamsaa 20/2018 (ENA): Milkaa’ina adeemsa marii biyyaalessaaf gumaachi kutaaleen hawaasaa adda addaa taasisaa jiran olaanaadha jedhan Koomishinarri Olaanaa Komishinii Marii Biyyaalessaa Itiyoophiyaa Piroofeesar Masfin Ara’ayaa. Komishiniin marii biyyaalessaa Itiyoophiyaa wixinee ajandaawwan konfiraansii biyyaalessaa guddicha irratti qooda fudhattoota dhimmi ilaallatuuf dhiyaatan irratti marii galtee walitti qabuu gaggeessaa jira. Kanuma waliin Koomishinarri Olaanaan Komishinichaa Piroofeesar Masfin Ara’ayaa adeemsi ajandaa walitti qabuu milkaa’aa ta’uu ibsuun, milkaa’ina adeemsa marii kanaaf gumaachi kutaaleen hawaasaa adda addaa taasisaa jiran olaanaa ta’uu eeraniiru. Adeemsa marii kanarratti qaamonni bakka bu’ummaan hirmaatan adeemsa ajandaa walitti qabuu, akkasumas haala kanaan adeemsi ajandaa qabuu naannolee hundaafi bulchiinsa magaalota lamaan keessatti raawwatamaa tureera. Adeemsi ajandaa walitti qabuu kun hirmaannaa dhaabbilee fi waldaalee, bakka bu’oota hawaasa godinaa, paartilee siyaasaa, diyaaspooraa, dhaabbilee mootummaa fi qooda fudhattoonni biroo haala karoorfameen milkaa’inaan raawwatamuusaa ibsaniiru. Itti dabaluunis, kunis Yaa’ii Marii Biyyaalessaa dhufuuf bu’uura kaa’eera jedhan. Adeemsi marii biyyaalessaa keessatti adeemsi ajandaa walitti qabuu marsaa xumuraa irra akka jirus Komishinarri Olaanaa beeksisaniiru. Itiyoophiyaatti waliigaltee biyyaalessaa uumuuf ergama guddaan hojjechaa kan jiru Komishiniin marii biyyaalessaa Itiyoophiyaa konfiraansii biyyaalessaa guddicha gaggeessuuf hojjechaa jiraachuu ibsaniiru. Komishinichi adeemsa ijaarsa ajandaa kutaalee biyyattii adda addaa fi kutaalee hawaasaa keessatti raawwatamaa turan ifatti xumuree, yeroo ammaa ajandaawwan ijoo Gumii Biyyaalessaa qooda fudhattoota adda addaatiif dhiyeessuun galteewwan dabalataa walitti qabuuf adeemsa irra jira. Marsaa haaraa amma adeemsifamaa jiru kana keessatti Komishinichi wixinee ajandaalee qopheessee qindeesse qooda fudhattoota hirmaataniif dhiyeessaa akka jiru akeekaniiru. Komishiniin Marii Biyyaalessaa adeemsa ijaarsa galteewwan kana erga xumuree booda, yaada haaraa argate of keessatti hammatee, ajandaa Marii Biyyaalessaa isa dhumaa fi ijoo ni dhiheessa. Ajandaan qindaa’e kun Yaa’ii Marii Biyyaalessaa seena qabeessa, bakka bu’oonni guutuu biyyattii irraa dhufan irratti kan dhiyaatu ta’uu fi kan mari’atamu ta’uus akeekaniiru. Komishinichi ajandaawwan marii Yaa’ii Biyyaalessaaf qophaa’an wixineessuu fi argamuu irratti hojjechuu akka itti fufu beeksiseera. Konfiraansii Marii Biyyaalessaa irratti hirmaattonni kuma afur ol Finfinneetti waan walga’aniif milkaa’ina isaaf deeggarsa hundaa barbaachisa jedhaniiru. #ENA_Afaan_Oromoo #ENA
Ejensiin Geejjiba Oromiyaa Nageenya tiraafikaa mirkaneessuuf hojjechaa jira
May 28, 2026 331
Caamsaa 20/2018(ENA): Ejensiin Geejjiba Oromiyaa Nageenya tiraafikaa mirkaneessuuf hojjechaa jiraachuu beeksise. Hojmatilee adda addaa hojiirra oolchuun nageenya tiraafikaa mirkaneessuuf hojjechaa jiraachuu ibseera. Hojmaatileen kunniin haala dizaayinii daandii mijeessuu, konkolaataa gahumsa qabuu fi daandii mijataa ta’e naannicha keessatti uumuufi kan gargaaru ta’uun ibsameera. Ejensichatti Daarektarri Daarektoreetii dhiheessii fi bobbii Geejjiba uummataa obbo Misbahuddin Abdulmaajid balaan tiraafikaa yeroo ammaa sadarkaa Addunyaatti haala yaaddessaarra jiraachuu ibsuun yeroo ammaa akka biyya keenyaatti balaan kun ulfaataa ta’uu ibsaniru. Akka Oromiyaatti Waggaatti, namootni kuma tokkoofi dhibba sadii ol balaa tiraafikaan lubbuu isaanii kan dhaban yoo ta’u, qabeenyi miliyoonaan lakkaa’amu kan manca’u ta’uu ibsaniirudha. Balaa tiraafikaa yeroo ammaa ga’aa jiru hir’isuuf hubannaan hawaasaaf maneen barnootaarratti, bakka afooshaalee adda addaa fi hawaasni hedduumminaan argamutti kennuun bal’inaan hojjetamaa jiraachuu eeraniiru. Dabalataanis balaa yeroo ammaa kana qaqqabaa jiruuf harki caalu dogongora konkolaachiftootaan kan uumamu ta’uu Ejensichi balaa tiraafikaa hir’isuuf gahumsa konkolaachiftootaarratti bal’inaan hojjechaa jiraachuu ibsaniiru. Gahumsa kana mirkaneesuuf dhaabbata Leenjii konkolaachiftootaa daree fi dirree keesatti kennamu kaameeraa hordoffii ‘CCTV’’n kallattiin hordoffii taassisaa jiraachuu ibsaniiru. Kunis hanqina gahumsaa fi ragaa sobaa ammaan dura ture hanbisuusaa ibsaniiru. Ejensiin Geejiba Oromiyaa hojii bara 2018 hojjeteen rikaardii adabbii fi kaffaltii onlaayinii gochuun tuttuqqaarraa bilisa taasisuusaa bu’aan aragmuu dubbataniiru. Haaluma wal fakkaatuun Oromiyaa keessatti taarifni konkolaataa Kiiloomeetiraa fi sadarkaa wal fakkaatuun bahe hojiirra oolchuun Oro-tikkeettii hojiirra oolchuun tajaajila geejjibaa si’ataa fi ammayyaa’aa fi nageenyummaansaa mirkanaa’e hojiirra oolchuuf hojiin bal’aan hojjetamaa jiraachuu obbo Misbahuddin Abdulmaajid ibsaniiru. Dabalataanis rakkoo geejibaan wal qabatee mudatuuf hawaasni eeruu akka kennuuf sara bilbila bilisaa 8656 diriirsuun hojiin bal’aan hojjetamaa jiraachuu himaniiru. Kanaanis eeruu uummanni kenneen konkolaattonni seera tiraafikaa cabsuun kuma 1 fi 57 ol adabamuu ibsuun, kana keessaa konkolaattota 97 sarara bobbiisaaniirraa guyyaa 15 hanga baatii tokkoo haquu danda’uu ibsaniiru. Ejensichi Nageenya tiraafikaa mirkaneessuuf mallattoolee adda addaa ,daandii cinaatti ibsaa tiraafikaa dhaabuu ,iddoowwan daandii rakkoo qaban ilaaluun qaama dhimmi ilaallatu waliin ta’uun akka suphamu taasisaa jirachuus ibsaniiru. Nageenya tiraafikaa mirkaneessuuf qaamolee adda addaa waliin hojjechuun akka barbaachisu eeruun obbo Misbahiddin, Ejensiin Geejjiba Oromiyaas Dhaabbata Idil-Addunyaa “Bloomberg Philanthropies Initiative for Global Road Safety” waliin ta’uun nageenya tiraafikaa naannichaa mirkaneessuu fi hojmaata haarawaa hojiirra oolchuun hoojjechaa jiraachuu himaniiru. Nageenya Tiraafikaa mirkaneessuuf hawaasnis gaheesaa bahachuu akka qabu dhaamaniiru.(EGO)irraa
Ayyaanni kun yeroo warra rakkatan gargaarru, tokkummaa fi walooma keenya cimsinudha - Hordoftoota amantaa Islaamaa Harar
May 27, 2026 891
Caamsaa 19/2018 (ENA): Ayyaanni Iid al-Adaha (Arafaa) yeroo warra rakkatan gargaarru, tokkummaa fi walooma keenya cimsinu dha jedhan hordoftoonni amantaa islaamaa Harar. Naannoo Hararitti ayyaanni Iid al-Adahaa Istaadiyeemii Imaam Ahmad Harar keessatti kan kabajame yoo ta’u, pireesidaantiin naannichaa obbo Ordiin Badirii, hooggantoonni olaanoo fi hordoftoonni amantichaa argamaniiru. Hordoftoonni amantaa islaamaa ENA waliin turtii taasisan, ayyaanicha wal deeggaruun waan qaban warra rakkataniif qooduun akka kabajan ibsaniiru. Maawaardii Muhiyeddiin akka ibsitutti, ayyaana kana warra rakkatan gargaaruun ayyaaneffanna jetteetti. Keessumattuu namoota harka qalleeyyii naannoo isaanii gammachiisuun ayyaana kana waliin akka dabarsan dubbatteetti. Abdulaziz Abdiis akkasuma Iid al-Adahaa wal gargaaruun akkaataa barsiisa Islaamaatiin kabajna jedhaniiru. Akka dargaggeessi Abdulaziiz jedhutti, innii fi hiriyyoonni isaa daa'imman abbaa fi haadha hin qabne, maanguddootaa fi namoota naannoo sana jiran biroo nyaachisuu fi deeggaruun ayyaana kana dabarsuudhaaf akka jedhan dubbataniiru. Hordoftuu amantaa islaamaa kan biraa Mustariyaa Aadam akka jedhanitti, ayyaanni kun yeroo namni hundi waliin itti gammadu waan ta’eef maatii fi ollaa isaanii waliin gammachuudhaan akka dabarsan dubbataniiru. Dargaggoo Huseen Abdii akka jedhutti Iid al-Adahaa ayyaana waliif qooduun, akkasumas tokkummaa cimsuun kabajamudha; Namoota beela'an nyaachisuun, warra daaran daara baasuun, warra rakkatan gargaaruun ayyaana kana akka dabarsu dubbateera. #ENA_Afaan_Oromoo #ENA
Ministirri Muummee Dr. Abiyyi Ahimd Buufata Xiyyaaraa Gadaa Nagallee Booranaa Eebbisan
May 27, 2026 821
Caamsaa 19/2018 (ENA): Ministirri Muummee Dr. Abiyyi Ahimad har’a Buufata Xiyyaaraa haaraa Gadaa Nagallee Booranaa, bakka gahumsa Daandiin Qilleensaa Itiyoophiyaa biyya keessaa 24ffaa ta’e ifatti eebbisan. Buufata Xiyyaaraa Haaraa Gadaa Nagallee Booranaa , bakka gahumsa buufata xiyyaaraa biyya keessaa 24ffaa Daandii Qilleensaa Itiyoophiyaa ta'e ifatti eebbifneerra jechuun ergaa dabarsaniiru. Buufatni xiyyaaraa ammayyaa kun xiyyaarota ammayyaa kanneen akka Booyingi Maaksii ‘Boeing 737 Max’ qabachuu kan danda’u yoo ta’u, torbanitti balalii sadii kan keessummeessu ta’a. Kunis mul’ata daldalaa fi turizimii biyya keessaa fi daangaa qaxxaamuraa guddisuu qaba. Tokkoon tokkoon buufata xiyyaaraa haaraan ijaarru fageenya dhiphisuun walitti hidhaminsa uuma jedhani. Kunis walitti dhufeenya ni uuma, dandeettii dinagdee naannoo ni kakaasa, ummata keenya walitti dhiheessa jedhaniiru. Daandiin qilleensaa keenya, boonsa Afrikaa ta’e fi waggaa 80ffaa isaa kabaju, dhuguma (The New Spirit of Africa!”). “Hafuura Haaraa Afriikaa!” jechuun ibsani.
Diinagdee
Magaalaa Jimmaatti Dargaggoota carraan hojii mijateefii fayyadamummaan isaanii guddateera
May 28, 2026 282
Caamsaa 20/2018(ENA): Magaalaa Jimmaatti dargaggoonni dameewwan hojii adda addaa irratti bobba'an of bira dabranii lammilee biroof carraa hojii uumuu isaanii ibsan. Magaalattiitti carraa hojii dargaggootaa bal'isuuf leenjiiwwan qonnaa, teeknoolojii fi daldalaa kennuudhaan, bakkeewwan hojii fi gurgurtaa dhiyeessuu, akkasumas hidhata gabaa uumuu kessatti bu'aawwan abdachiisaan galmaa’a jiru. Magaalattii keessatti dargaggoonni ENA’f yaada kennan Abdurahiim Naasir akka ibsetti; bulchiinsi magaalichaa carraa hojii isaaf mijeessetti fayyadamee maashinoota daabboo tolchan qulqullina qabaniin oomishee gabaaf dhiyeessaa jira. Maashinoonni kunniin meeshaalee daabboo tolchuuf alaa galfaman bakka bu'uudhaan sharafa alaa hanbisuu bira darbanii, anniisaa (humna) kan qusatan waan ta'aniif gabaa irratti filatamaa ta'uunsaa ibseera. Kuni ammoo galii isaa dabaluurra darbee, dargaggoota biroof carraa hojii uumuuf kan gargaare ta'uu eeraniiru. Haaluma walfakkaatuun, boorsaa ammayyaa fi bu'aalee gogaa oomishanii gabaaf dhiyeessaa kan jiran dargaggoota Darsoollinyi Shimallisii fi Habtaamuu Gaaddisaa ni caqasamu. Dargaggoonni kunniin akka ibsanitti, bu'aaleen gogaa isaan oomishan bifaaniis ta'ee qulqullinaan fedhii maamiltootaa kan guutan waan ta'aniif gabaa irratti dorgomaa ta'uu danda'aniiru. Hojii isaanii caalaatti bal'ifachuufis bulchiinsi magaalichaa liqii fi bakka hojii akka mijeesseef dubbataniiru. Itti gaafatamaan waajjira Carraa hojii Uumuu fi Ogummaa obbo Abdulhamiid Nuuraddiin gama isaaniitiin akka ibsanitti, magaalattii keessatti carraa hojii dargaggootaa bal'isuuf sheedonni hojii fi gurgurtaa hedduun ijaaramaniiru. Kanaanis bara baajata kana keessatti dargaggoota waldaaleen kuma 3 ol jalatti hammatamanii gurmaa'an kumni 20 fi 160’f carraa hojii uumuuf karoorfamee, karoora kana caalatti raawwachuun dargaggoota kuma 28 fi 500 fayyadamoo gochuun danda'ameera. Milkaa'ina dargaggootaa caalaatti deeggaruuf dhiyeessiin leenjii fi liqii mijaahuu kan ibsan itti gaafatamaan kun bara baajata kanaatti hanga ammaatti tajaajilli liqii birrii biliyoona 1.5 dhiyaachuu isaa eeraniiru. Dargaggootaaf carraa hojii bal'isuufis sheedonni kanneen akka maashina bunaa falfalu, daabboo fi buddeena tolchuu, hojii gogaa fi mukaa, akkasumas oomishaalee bakka bu'oo biroo oomishuuf gargaaran kennamuu isaanii dabalanii ibsaniiru. Dargaggoonni hojiitti galan oomishaalee isaanii gatii madaalawaan hawaasaaf dhiyeessuu bira dabranii, oomishaalee alaa galaman biyya keessatti bakka bu'aa oomishuudhaan sharafa alaa biyyattii qusachuu danda'uu isaaniis obbo Abdulhamiid ibsaniiru.
Dhaamsa Ministira Muummee Dr. Abiyyi Ahmad:
May 27, 2026 1089
Ijaarsi hidha jallisii Aanaa Goomolee Godina Booranaatti karaa Pirojektoota Jallisii Finnaa Oromiyaatiin xumuramuun isaa jijjiirama qilleensaa keessatti bu’uuraalee bishaanii mirkaneessuu keessatti milkaa’ina guddaa ta’uu ibsameera. Bu’uuraaleen misoomaa baay’ee barbaachisaa ta’e kun Dasee Gooraatti kuufama bishaanii olaanaa meetir kiyuubii miiliyoona 100 fi miiliyoona 90 ol qabachuu kan danda’u yoo ta’u, dhiyeessiin bishaanii amansiisaafi walitti fufiinsa qabu akka jiraatu taasisa. Kunis dhiyeessii bishaanii amanamaa fi itti fufiinsa qabu mirkaneessa. Kana malees, pirojektoonni kunneen lafa qonnaa hektaara kuma 14 fi 500 ol jallisiin misoomsuun, maatii tokkoon tokkoon isaanii kallattiin deeggaruun, oomisha nyaataa guddisuun, qabeenya bishaanii beeyladaaf gahaa ta’e mirkaneessuuf dandeettii guddaa qabu. #ENA_Afaan_Oromoo #ENA
Jijjiiramni qonnaa Godina Boorana Bahaa keessatti adeemsifamaa jiru kun imala Itiyoophiyaan gara wabii nyaataan of danda’uutti taasiftuuf ragaa guddaadha - Ministira Muummee Dr. Abiyyi Ahmad
May 27, 2026 781
Caamsaa 19/2018 (ENA): Ministirri Muummee Dr. ABIYYI Ahimad jijjiiramni qonnaa Godina Boorana Bahaa keessatti mul’achaa jiru Itiyoophiyaan gara nyaataan of danda’uutti imala taasiftuuf ragaa guddaadha jedhan. Ministirri Muummee ergaa isaaniin yeroo kana qofa keessatti qonnaan bultoonni ciccimoon lafa heektaara kuma 176 fi 223 ol misoomsaa kan jiran yoo ta’u, kana keessaa kuntaala miiliyoona 3.1 ol oomishuuf akka eegamu beeksisaniiru. Hojiin misooma qonnaa kun maatii kuma 101 ol hirmaachisuun tiraaktaroota ammayyaa fayyadamuun hojjetamaa akka jiru Ministirri Muummee ibsuun, “Qonna kilaastaraan qindaa’een dandeettii qabnu gara oomishtummaatti jijjiiraa jirra” jedhan. Ministirri Muummee Dr. Abiyyi Ahimad akka ibsanitti, kilaastara qamadii bal’aa Godina Boorana Bahaa Aanaa Liiban keessatti argamu irraa kaasee hanga midhaan gurguddaa xaafii, boqqolloo fi Boloqqeetti, dhiyeessii nyaataa biyya keenya keessaa mirkaneessuuf imala irra akka jirru ragaa agarsiiftuu ta’uu dubbataniiru. #ENA_Afaan_Oromoo #ENA
Godina Shawaa Kaabaa Aanaa Waacaaleetti Pirojektoonni Misoomaa garaa garaa eebbifamuun tajaajilaaf banaa ta’an
May 26, 2026 838
Caamsaa 18/2018 (ENA): Naannoo Oromiyaa Godina Shawaa Kaabaa Aanaa Waacaaleetti Pirojektoonni Misoomaa garaa garaa fayyadamummaa hawaasaa mirkaneessan eebbifamuun tajaajilaaf banaa ta’aniiru. Aanichatti pirojektoonni baajata Mootummaa fi hirmaannaa hawaasaan hojjetaman 18 qarshii miiliyoona 186 oliin ijaaramaan xumuramuun tajaajilaaf ga’aniiru. Sirna eebbaa kanarratti Waajjira Paartii Badhaadhinaa Damee Oromiyaatti Itti Gaafatamaa Biiroolee Oromiyaa obbo Huseen Fayyisoo, Itti Aanaan Bulchaa Godina Shawaa Kaabaa obbo Gabayyoo Habtee dabalatee , hoggantoonni Godinaa fi Aanaa akkasumas keessummoonni garaa garaa fi kutaan hawaasaa adda addaa argamiiru. Sagantaa eebbaa kanarratti Waajjira Paartii Badhaadhinaa Damee Oromiyaatti Itti Gaafatamaa Biiroolee Oromiyaa obbo Huseen Fayyisoo bu'uurri mootummaa gurmaa'insa Gandaa ta'uu fi iddoowwan hawaasni tajaajila si'ataa,ammayyaa'aa, qulqullina qabuu yeroon barbaadu argatee jireenya gaarii itti jiraatu ta’uu ibsaniiru. Itti Aanaan Bulchaa Bulchiinsa Godina Shawaa Kaabaa obbo Gabayyoo Habtee mootummaan jijjiiramaa waggoottan saddeettanitti biyya hirkattummaa jalaa baasuuf innisheetivoota bocee hojiitti hiikuun jijjiiramni guddaan argamuu dubbataniiru. Waajjiraalee Gandoota dabalatee Piroojaktoonni garaagaraa Aanicha keessatti ijaaramaa turan gaaffii fi fedhii hawaasaa deebisuun rakkoolee kenniinsa tajaajila bu’uura irraa kan hiikan ta’uu Bulchaan Aanaa Waacaalee obbo Siyyum Kabbadaa ibsaniiru. Waajjira koomunikeeshinii Aanaa Waacaaleerraa
Viidiyoo
Saayinsii fi teeknooloojii
Yuunivarsiitiin Haramaayaa Teekinooloojiiwwan Qorannoo Fayyadamummaa Hawaasaa guddisan dagaagsaa jira
May 28, 2026 256
Caamsaa 20/2018(ENA): Yuunivarsiitiin Haramaayaa Teekinooloojiiwwan qorannoo fayyadamummaa Hawaasaa guddisan dagaagsaa jiraachuu beeksiseera. Yuunivarsiitichi yaa'ii gamaggama qorannoo fi hirmaannaa hawaasaa waggaa 43ffaa mata duree "kalaqa naannoof mijatuu fi eegumsa ikkooloojii ijaarsa Hawaasaa cimaatiif " jedhuun gaggeessaa jira. Itti-aanaan Pirezidaantii Qorannoo fi dhimma Hawaasaa Yuunivarsiitichaa Dr. Yisihaaq Yuusuf waltajjicharratti akka himanitti, Yuunivarsiitichi dameewwan qonnaa, Fayyaa, Teeknoolojii, Barnoota, Seeraa, Saayinsii Hawaasaa fi hojiiwwan qorannoo biroo irratti hojjechaa jira jedhani. Keessattuu barana Yuunivarsiitichi Pirojektoota 116 irratti hojii qorannoo gaggeessaa akka jiru eeranii, isaan keessaa 42 xumuramuu isaanii dubbataniiru. Hojiiwwan qorannoo fi Teeknoolojii Yuunivarsiitichi baajata birrii biliyoona 1 ol ramadee hojjechaa jiru kunis fayyadamummaa hawaasaa mirkaneessaa akka jiru beeksisaniiru. Yuunivarsiitichi barana teeknoolojiiwwan qonnaa 95 ol qonnaan bulaaf raabsuu isaas ibsaniiru. Yuunivarsiitichi eegumsaa fi bulchiinsa qabeenya uumamaa ilaalchisee Bulchiinsa Dirree Dhawaa, Hara Haramaayaa, Addeellee, Dhangaggoo fi suluulawwan biroo irratti hojiiwwan qindaa'oon hojjetamaa jira jedhaniiru. Gama tajaajilaa fi hirmaannaa hawaasaatiin, lammiilee kuma 150 ol ta'aniif tajaajila seeraa bilisaa kennuu dabalatee damee Fayyaa, Barnootaa fi kanneen biroon hojiiwwan jajjabeessaan hojjetamuu isaanii kaasaniiru. Waltajjiin gamaggamaa kun hojiiwwan jajjabeessoo Yuunivarsiitichi hojjechaa jiru itti fufsiisuu fi hanqinoota mul'atan furuuf kan gargaaru ta'uun eerameera. Yaa'ii qorannoo fi hirmaannaa hawaasaa Yuunivarsiitichi yeroo 43ffaaf gaggeessu kanaan firiiwwan qorannoo 32 dhiyaatanii mariin irratti ni taasifama jedhameera. Yaa'ii guyyoota sadiif qophaa’e kana irratti hayyoonnii fi qorattoonni Yuunivarsiitichaa, Manneen hojii seektaraa, qooda fudhattootaa, akkasumas bakka bu'oonni hawaasaa, Abbootii Gadaa fi Haadholiin Siinqee hirmaachaa jiru.
Appiin Mirkaneessa Qulqullina Omishaa Raawwii Daldala Itiyoophiyaa Fooyyessa – Dr. Kaasahun Goofee
May 21, 2026 2376
Caamsaa 13/2018 (ENA): Appiin mirkaneessa qulqullina oomishaa haaraan kun raawwii daldala Itiyoophiyaa ni fooyyessa jedhan Ministirri Daldalaa fi walitti hidhaminsa Naannawaa Dr. Kaasahun Goofee. Ministirri Daldalaa fi walitti hidhaminsa naannawaa Dr. Kaasahun Goofee fi Daarektarri Olaanaa Inistiitiyuutii sadarkaalee Itiyoophiyaa Dr. Masarat Baqqalaa sirna eebbaa appii qulqullina oomishaa onlaayiniin mirkaneessu irratti hirmaataniiru. Kanuma waliin Ministirri Daldalaa fi walitti hidhaminsa naannawaa Dr. Kaasahuun Goofee qulqullina oomishaa fi tajaajilaa mirkaneessuun xiyyeeffannoo mootummaa Itiyoophiyaa ta’uu ibsaniiru. Jijjiirama waggoota darban keessatti sirni daldalaa Itiyoophiyaa ammayyeessuun raawwii bu’a qabeessa ta’een qulqullina olaanaa akka argatu ibsaniiru. Appiin haaraan qulqullina oomishaa onlaayiniin mirkaneessuus tajaajilaafi qulqullina oomishaa raawwii fooyya’aa ta’een qajeelchuuf akka gargaaru himaniiru. Yeroo ammaa kana tajaajilli hedduun Ministeera Daldalaa fi walitti hidhaminsa naannawaatiin karaa dijitaalaa kennamaa akka jirus hubachiisaniiru. Kunis sirna daldala Itiyoophiyaa ammayyeessuuf gahee olaanaa taphachaa akka jiru ibsaniiru. Appilikeeshiniin mirkaneessa qulqullina omishaa Inistiitiyuutii sadarkaalee Itiyoophiyaan qopheesse daldala al-ergii fi galtee haalaan akka mijeessuus ibsaniiru. #ENA_Afaan_Oromoo #ENA
Lakkooftuuwwan sirna ammayyaa ( ismaartii) fi iftoomina qabu hojiirra oolchuun qisaasama anniisaa hir’isuun danda’ameera
May 20, 2026 1586
Caamsaa 12/2018 (ENA): Tajaajilli Humna Ibsaa Itiyoophiyaa Lakkooftuuwwan sirna ammayyaa ( ismaartii) fi iftoomina qabu hojiirra oolchuun qisaasama anniisaa hir’isuun danda’ameera jedhe. Tajaajilichatti Daarektarri Sagantaa Raabsaa fi Otoomaashinii Tasfaayee Hirphaa ENAtti akka himanitti, Tajaajilichi tajaajila ibsaa amanamaa, jijjiiramaa fi dhaqqabamaa ta’e kennuudhaaf lakkooftuu ammayyaa( ismaartii ) dabalatee hojiiwwan adda addaa hojiirra oolchaa jira jedhani. Kanaafis lakkooftuuwwan ismaartii kuma 500 kan bitame yoo ta’u, akka biyyaatti lakkooftuu kuma 160 dhaabamuu ibsaniiru. Lakkooftuuwwan ismaartii kaa’aman keessaa kuma 140 marsaa tokkoo yoo ta’u, kanneen hafan ammoo marsaa sadii ta’uu ibsuun; kunis cimee itti fufa jedhaniiru. Tajaajila kana daran babal’isuuf lakkooftuuwwan ammayyaa 300,000 biyyattii keessatti hojiirra kan oolu ta’uu ibsaniiru. Lakkooftuuwwan ismaartii teeknooloojiiwwan maamiltoonni rakkoo tokko malee kaffaltii akka raawwatan taasisu ta’uu himaniiru. Fayyadamtoonni anniisaa hangamii akka fayyadaman akka hubatan kan gargaaran yoo ta’u, fayyadama anniisaa isaanii hubachuu fi itti fayyadama hin barbaachifne hir’isuun anniisaa qusachuu akka danda’an dubbataniiru. Komii maamiltootaa lakkooftuu waliin walqabatanii fi itti fayyadama anniisaa waliin walqabatee ka’u guutummaatti kan dhabamsiisu ta’uu ibsuun; dhaabbatichi odeeffannoo itti fayyadama anniisaa irratti harkifannaa fi dogoggora dubbisuu irraa kan ka’e maallaqa akka hin dhabne kan taasisu ta’uu ibsaniiru. Lakkooftuuwwan ismaartii gosa hanna lakkooftuu kamiyyuu ykn hayyama malee seenuu kallattiin kutaa to’annoo giddugaleessaatti gabaasuuf dandeettii akka qaban himaniiru. Tajaajilli kun ciccitiinsa ibsaa ittisuuf hojii eegalame keessatti akka gargaaru eeranii; lakkooftuun kun yeroo humni ibsaa guddaan addaan citu balaa akka hin mudanneef sirna humna cufuu danda'u akka qabu eeraniiru. Riijinii Finfinnee Bahaatti Giddugala Tajaajila Elektirikii Lakkoofsa Saddeetitti hojiigaggeessaa kan ta’an Dirribaa Abdiisaa akka himanitti; Giddugalichi jiraattotaa fi maamiltootaaf lakkooftuu ammayyaa(ismaartii) abbaa feezii tokkoo fi sadii dhaabaa jira jedhani. Teeknooloojiin lakkooftuu ammayyaa ( ismaartii) haaraa ta’uu ibsuun; Tajaajila kana ilaalchisee hojiin hubannoo uumuu bal’aan hawaasaaf hojjetamaa jira jedhani. #ENA_Afaan_Oromoo #ENA
.jpg)
Milkaa’ina Tarsiimoo Dijitaalaa Itiyoophiyaa 2030’f hojii misooma humna namaa fi kalaqaa ni cimsina
May 20, 2026 1315
Caamsaa 12/2018 (ENA): Tarsiimoo Dijitaalaa Itiyoophiyaa 2030 galmaan ga’uuf hojii misooma humna namaa fi kalaqaa damichaa cimsuu itti fufna jedhan Pireezidaantonni Yuunivarsiitii ENA waliin turtii taasisan. Tarsiimoon Dijitaalaa Itiyoophiyaa 2030 Muddee 2018 Ministira Muummee Dr. Abiyyi Ahimad ifoomsuun isaanii ni yaadatama. Tarsiimoon kun waggoota shanan dhufan keessatti networkii dhaloota 5ffaa (5G) guutummaatti argachuu, eenyummaa dijitaalaa babal’isuu fi ogummaa dijitaalaa lammiilee leenjisuu irratti kan xiyyeeffatedha. Tarsiimoo Dijitaalaa Itiyoophiyaa 2030 keessatti dhaabbileen barnoota olaanoo ce’umsaa fi kalaqa teeknooloojii saffisiisuun dandeettii dijitaalaa lammiilee guddisuu keessatti gahee qabu. Akka pirezidaantonni yunivarsiitii EZA’n turtii waliin taasise ibsanitti, Dijiitaalaayizeeshiniif haala mijeessuufi galmoota Dijitaalaa Itiyoophiyaa 2030 galmaan gahuuf misooma humna namaa irratti hojjachaa jiru. Pireezidaantiin Yuunivarsiitii Jimmaa Dr. Jamaal Abbaafiixaa tarsiimoon Dijitaalaa Itiyoophiyaa bara 2025 hojiirra oole yunivarsiitichaaf haala mijataa uumeera jedhan. Yuunivarsiitichi Ministeera Barnootaa waliin ta’uun barnoota teeknooloojiin deeggaramee fi sirna dijitaalaa qindeessuun hojjechaa jira. Yuunivarsitichi hojiirra oolmaa dijitaalaayizeeshinii haala mijeessuuf misooma humna namaa irratti hojjachaa jiraachuu ibsaniiru. Giddugala misooma kalaqa yunivarsiitichaa keessatti hojiiwwan kalaqaa hubannoo namtolchee irratti xiyyeeffatan hojjetamaa akka jiran himaniiru. Yuunivarsiitichi bu’a qabeessummaa Dijitaalaa Itiyoophiyaa 2030 keessatti gahee isaa bahaa jira jedhan. Pireezidaantiin Yuunivarsiitii Gondar Dr. Asraat Atsadawayin gama isaaniitiin akka himanitti, bu’a qabeessummaa hojiirra oolmaa tarsiimoo Dijitaalaa Itiyoophiyaa 2025 keessatti yunivarsiitichi gahee isaa ba’eera. Yuunivarsitichi hojiirra oolmaa Dijitaalaa Itiyoophiyaa 2030 haala mijeessuuf misooma humna namaa irratti hojjachaa jiraachuu ibsuun, sagantaalee barnootaa Nageenya Saayibarii hubannoo namtolchee (Artificial Intelligence) barsiisuu eegaluusaa ibsaniiru. Sagantaa barnootaa jijjiirama dijitaalaa waliin walqabatu banuuf hojjetamaa akka jirus akeekaniiru. Yuunivarsiitii Hawaasaatti itti aanaan pireezidaantii qorannoo fi walta’iinsaa Dr. Taaffasaa Maatiyoos akka ibsanitti, yuunivarsiitichi galma koodaroota miiliyoona 5 oomishuuf galma ga’uuf gahee isaa bahaa jira jedhani. Yuunivarsiitichi hojii isaa irra caalaa isaa dijiitaala gochuu ibsuun, itti dabaluunis yunivarsitichi tarsiimoo Dijitaalaa Itiyoophiyaa 2030 galmaan ga’uuf kutannoon hojjechaa jira jedhan. #ENA_Afaan_Oromoo #ENA
Ispoortii
Finfinneetti namuusa dargaggootaa guddisuu fi dandeettii ispoortii kan guddisan bu'uuraaleen misoomaa bal'aan ijaaramaniiru - Kantiibaan Adaanech Abeebee
May 24, 2026 1702
Caamsaa 16/2018 (ENA): Finfinneetti namuusa dargaggootaa guddisuu fi dandeettii ispoortii kan guddisan bu'uuraaleen misoomaa bal'aan ijaaramaniiru Kantiibaan Adaanech Abeebee jedhani. Kantiibaan Adaanech Abeebeen Istaadiyeemii Hawaasa Lammii kutaa magaalaa Boolee naannoo Garjiitti ijaarame eebbisuun tajaajilaaf bananiiru. Deeggarsa maallaqaa Kaapteen Abarraa Lammiin kan ijaarame istaadiyeemiin kun dirree kubbaa miilaa, daandii fiigichaa, teessoo daawwattootaa akka roobnif aduun nama hin mine qabu, manneen daldalaa carraa hojii dargaggootaaf oolu, manneen qulqullinaafi mana fincaanii, jimnaaziyeemii fi mana kuusaa of keessaa qaba. Ergaa kana sababeeffachuun dabarsaniin kantiibaan magaalattii aadde Adaanech Abeebeen; Bu’uuraalee ispoortii babal’isuun dhaloota fayya qabeessaa fi oomishtummaa qabu uumuu keessatti gahee olaanaa akka qabu ibsaniiru. Bu’uuraaleen ispoortii bakka bashannanaa mijataa uumuun alattis lammii qaamaa fi xiinsammuu fayyaa qabu bocuuf gargaaruu akka danda’an himaniiru. Bulchiinsi magaalattii keessatti wiirtuuwwan ispoortii fi dirree tapha ammayyaa hedduu ijaaree ummanni akka fayyadamu taasisuu eeraniiru. Ijaarsi wiirtuuwwan ispoortii hirmaannaa dargaggoota ispoortii irratti dabaluu eegale itti fufuus mirkaneessaniiru. Kaappiteen Abarraa Lammii tajaajila kana fakkaatu hawaasaaf ijaarsisanii dabrsanii kennuun isaanii kan galateeffataman ta’uu eeruun,hawaasnis kunuunsaa fi eegumsa gochuu akka qabu dhaamaniiru.
Itiyoophiyaan dorgommii tarkaanfii kiiloo meetira 20 koorniyaa lamaaniinuu warqee injifatte
May 16, 2026 2746
Caamsaa 8/2018 (ENA): Shaampiyoonaa Atileetiksii Afrikaa 24ffaan Gaanaa Akiraatti gaggeeffamaa jiru har’a guyyaa 5ffaa isaa qabateera. Atileet Misgaanaa Waaqumaa dhiirotaan dorgommii tarkaanfii kiiloo meetira 20 injifateera. Waancaa Shaampiyoonaa Afrikaa yeroo lammataaf walitti aansuun sadarkaa tokkoffaa bahuun kabaja isaa eeggachuu danda’eera. Atileetiin Itiyoophiyaa kan biraa Abdulsalaam Abdulwahib sadarkaa sadaffaa bahuun biyya isaatiif meedaaliyaa naasii injifateera. Dubartootaan atileet Wubaalem Shigguxee dorgommii tarkaanfii kiiloo meetira 20 tokkoffaa bahuun meedaaliyaa warqee injifatteetti. Dorgommii wal fakkaatuun atileet Hiwot Ambaawu 4ffaa yoo baatu,atileet Maaree Bitawu ammoo 8ffaa bahuun xumurteetti. Bu'aa kana hordofuun lakkoofsi meedaaliyaa warqee Itiyoophiyaan injifatte shan gaheera. Itiyoophiyaan shaampiyoonaa kanaan hanga ammaatti walumaa galatti meedaaliyaa 11 kan injifatte yoo ta’u, warqee shan, meetii tokkoo fi naasii shan, walumaa galatti meedaaliyaa 11 argatteetti. Shaampiyoonichi boru xumurama. #ENA_Afaan_Oromoo #TOI #ENA
.jpg)
Dorgommiiwwan Shaampiyoonaa Atileetiksii Afriikaa Atileetonni Itiyoophiyaa irratti hirmaatan
May 15, 2026 1937
Caamsaa 7/2018 (ENA)-Shaampiyoonaan Atileetiksii Afriikaa 24ffaa Gaanaa Akiraatti gaggeeffamaa jiru har’a guyyaa afraffaa qabateera. Galgala sa’aatii 2 fi daqiiqaa 5tti dorgommiin xumuraa dubartootaa meetira 10000 ni gaggeeffama. Asaffuu Abrihaa, Simrat Barhee fi Zeyin Ayyeliny Itiyoophiyaa bakka bu’uun dorgommicharratti ni hirmaatu. Atileet Zeyin Ayyeliny dorgommii dubartootaa meetira 5000’n meedaaliyaa naasaa mo’achuunshee ni yaadatama. Atileet Geetaahuun Taaddasaa dorgommii gulaallii gufachiisaa dhiirotaa meetira 110 irraati ni hirmaata. Itiyoophiyaan shaampiyoonaa Kanaan amma ammaatti meedaaliyaa warqee sadii, meetii tokkoo fi naasa sadii walumaa gala meedaaliyaa torba mo’atteetti. Shaampiyoonaan Atileetiksii kun iftaan xumurama.
Jilli Itiyoophiyaa Shaampiyoonaa Atileetiksii Afrikaa 24ffaaf gara Akiraatti qajeele
May 10, 2026 2702
Caamsaa 2/2018 (ENA): Jilli Itiyoophiyaa Shaampiyoonaa Atileetiksii Afrikaa Gaanaa Akiraatti gaggeeffamu irratti hirmaatu har’a ganama gara iddoo sanaatti deemeera. Jilli kun dubartoota 31 fi dhiirota 32, walumaa galatti atileetota 63, akkasumas leenjistoota 12 of keessaa qaba. Kana malees jilli kun ogeeyyii fayyaa 3, ogeeyyii miidiyaa sadii, dursaa garee teeknikaa fi ofiishaalonni jaha imala kana irratti argamaniiru. Shaampiyoonaan Atileetiksii Afrikaa 23ffaa Kaameeruun magaalaa Dowaalaatti gaggeeffameen Itiyoophiyaan warqee 5,meetii 4 fi naasa 1 walumaa galatti meedaaliyaa 10 argachuun Afrikaarraa sadarkaa 4ffaa qabattee kan xumurte yoo ta’u,bara kanas bu’aa fooyya’aa galmeessisuuf qophoofteetti. Federeeshiniin Atileetiksii Itiyoophiyaa shaampiyoonaa kun Caamsaa 4 hanga Caamsaa 9, 2018tti akka gaggeeffamu beeksiseera. #Ena Afaan Oromoo #TOI #ENA
Eegumsa naannoofi haala qilleensaa
Naannoo Harariitti biqiltuuwwan miiliyoona 1.7 ol dhaabuuf qophaa'aniiru
May 28, 2026 317
Caamsaa 20/2018 (ENA): Sagantaa Ashaaraa Magariisaa bara kanaatiin biqiltuuwwan miiliyoona 1.7 ol dhaabuuf qophaa’uu Biiroon Misooma Qonnaa Naannichaa beeksise. Akka Itti Gaafatamaa Itti Aanaa Biiroo Misooma Qonnaa Naannichaa obbo Nasraddiin Ahimad himanitti, Ganna bara kanaa Sagantaa Ashaaraa Magariisaatiin biqiltuun miiliyoona 1.7 ol ni dhaabama jedhani. Biqiltuu dhaabamuu qabu keessaa miiliyoona 1.5 ol biqiltuu kuduraafi muduraa fi bosona ta’uu ibsaniiru. Isaan keessaa kuma 200 ol biqiltuu nyaata beeyladaaf oolu ta’uus ibsaniiru. Hojiin naannichatti iddoowwan buufataalee biqiltoowwaniitti lammiilee hedduudhaaf carraa hojii akka uume eeraniiru. Sagantaa Ashaaraa Magariisaan hanga ammaatti hojiiwwan hojjetaman bu’a qabeessa akka ta’an kan eeran yoo ta’u,kunis uwwisa bosona naannichaa dabaluu fi fayyadamummaa diinagdee lammiilee fooyyessuu kan danda’e ta’uu ibsaniiru. #ENA_Afaan_Oromoo #ENA
Sagantaa Asharaa Magariisaan biqiltoota faayidaa hedduu qaban dhaabuuf qophiin taasifameera
May 28, 2026 204
Caamsaa 20/2018(ENA): Sagantaa Asharaa Magariisaa baranaatiin biqiltoota faayidaa hedduu qaban dhaabuuf qophiin taasifamuu Waajjirri Qonnaa Godina Shawaa Bahaa beeksiseera. Itti aanaan itti gaafatamaa waajjirichaa obbo Abinnat Zagayyee ENA’f akka ibsanitti; erga sagantaan Asharaa Magariisaa ifoomee eegalee biqiltoonni faayidaa garaa garaa qaban dhaabamaniiru jedhani. Kunis, fayyadamummaa diinagdee qonnaan bultootaa qabatamaan mirkaneessuudhaan bu'aa argamsiisuu isaa eeranii, oomishaa fi omishtummaa midhaanii guddisuuf gumaacha olaanaa gochuu isaa akka fakkeenyaatti eeraniiru. Sagantaa Asharaa Magariisaa baranaatiifis biqiltoonni misooma bosonaa fi faayidaa diinagdee qaban miliyoona 269.5 ta'an buufataalee biqiltootaa aanaalee hundaa keessatti qophaa'uu isaanii mirkaneessaniiru. Barana lafa hektaara kuma 45 fi 563 irratti hojiin biqiltuu dhaabuu akka gaggeeffamus himaniiru.
Haala teessuma istaatistiksii fi bifa Itiyoophiyaa mataa ofiitiin ibsuun birmadummaa odeeffannootiif ragaadha.
May 20, 2026 2317
Caamsaa 12 /2018 (ENA): Haala teessuma istaatistiksii fi bifa Itiyoophiyaa mataa ofiitiin ibsuun birmadummaa odeeffannootiif ragaadha jedhani Daarektarri Olaanaa Tajaajila Istaatistiksii Itiyoophiyaa Dr. Bakar Shaalee. Yaa’iin Biyyaalessaa mata duree “Birmadummaa Odeeffannoo Bilisummaa Imaammataaf” jedhuun qophaa’e bakka MM Dr. Abiyyi Ahimad fi hoggantoonni olaanoo mootummaa argamanitti gaggeeffameera. Ministirri Muummee Dr. Abiyyi Ahimad yeroo konfiraansii kana ifatti banan ergaa dabarsan keessatti odeeffannoon qabeenya tarsiimoo bara kanaa fi mootummaa cimaa ijaaruuf utubaa birmadummaa ijoo ta’uu dubbataniiru. Odeeffannoon qaamolee biyya biraa irratti hirkate hawwii biyyaalessaa keenya galmaan gahuu waan hin dandeenyeef; Daataa ofii walitti qabuu fi xiinxaluun birmadummaa imaammataa mirkaneessuuf qabeenya murteessaa ta’uu ibsaniiru. Daarektarri Olaanaa Tajaajila Istaatistiksii Itiyoophiyaa Dr. Bakar Shaalee ENAtti akka himanitti, dhaabbati isaanii ragaa istaatistiksii haala hawaasummaa fi dinagdee biyyattii sirritti calaqqisiisu maddisiisaa jira jedhani. Dhaabbatichi irra caalaa ragaa istaatistiksii ofiisaa maddisiisuudhaan akka bu’uura murteessitootni, karooraa fi tooftaalee misoomaatti fayyadamuu danda’an ta’uus eeraniiru. Haaromsi diinagdee erga jijjiiramni dhufee galmaa’ee fi saffisi dijiitaalaayizeeshinii biyyattii baay’ee kan nama dinqisiisu ta’uu hubachiisuun, guddinni waliigalaa Itiyoophiyaan agarsiisaa jirtu dandeettii misooma humna namaa fi dandeettii ogeessota ishee haalaan dabalaa akka jiru ibsaniiru. Yeroo ammaa guddinni hubannoo namtolchee biyyattii keessatti mul’achaa jiru sadarkaa biyyoonni Afriikaa biroo baratanii fakkeessuun danda’amu irra ga’uu ibsaniiru. Beekumsaa fi dandeettii teeknooloojii kana fayyadamuun fuula dhugaa biyyattii istaatiksii fi bifa ishee ibsuun birmadummaa odeeffannootiif ragaa ta’uus hubachiisaniiru. Yeroo ammaa gahumsi odeeffannoo funaanuufi xiinxaluu Tajaajila Istaatistiksii Itiyoophiyaa olaanaa ta’uu himaniiru. #ENA_Afaan_Oromoo #ENA
Ashaaraa Magariisaa bara kanaaf hanga ammaatti biqiltuun biiliyoona 8.6 ol qophaa’eera – Ministeera Qonnaa
May 19, 2026 1622
Caamsaa 11/2018 (ENA): Sagantaa Ashaaraa Magariisaa bara kanaatiif hanga ammaatti biqiltuun biiliyoona 8.6 ol qophaa’uu Ministeerri Qonnaa beeksise. Sagantaan Ashaaraa Magariisaa dhiibbaa jijjiirama qilleensaa hir’isuu fi wabii nyaataa mirkaneessuu keessatti faayidaa kallattii hedduu argamsiisaa jira. Sagantaan Ashaaraa Magariisaa bara 2011 kaka’umsa Ministira Muummee Dr. Abiyyi Ahimad tiin eegalame, gama biqiltoota biyya keessaa fi qabeenya uumamaa eeguu, dhiibbaa hamaa jijjiirama qilleensaa ittisuu fi wabii nyaataa lammiilee mirkaneessuun jijjiirama adda duree fideera. Waggoota torban darban keessatti hojiiwwan hojjetaman keessatti bu’aan jajjabeessaan galmaa’eera; sagantichaan biqiltuu biiliyoona 48 dhaabuun uwwisa magariisa biyyattii haalaan guddisuu danda’eera. Misoomni Ashaaraa Magariisaa Itiyoophiyaa kunuunsa qabeenya uumamaa bira darbee bu’aa hedduu kan fide yoo ta’u, jijjiirama qilleensaa hir’isuun gama diinagdee, hawaasummaa fi dippilomaasii biyyaalessaa fi idil-addunyaatiin bu’aa adda addaa Itiyoophiyaaf argamsiisaa jira. Sagantaa Ashaaraa Magariisaa torbaffaa bara kana gaggeeffamuuf akka biyyaatti qophiin bal’aan taasifamaa jira. Hojii Gaggeessaa Olaanaa Ministeera Qonnaa Kutaa Misooma, Kunuunsaa fi Itti Fayyadama Qabeenya Uumamaa obbo Faanosee Mokonnon turtii ENA waliin taasisaniin akka himanitti, waggoota torban darban keessatti hojiin Ashaaraa Magariisaa irratti hojjetamaa turee fi bu’aa jajjabeessaan galmaa’e kanaaf ragaa guddaadha jedhani. Sagantaan Ashaaraa Magariisaa bara kanaa xumura marsaa lammaffaa ta’uu kan ibsan Hojii Gaggeessaa Olaanaan kun, muuxannoo hojiirra oolmaa Ashaaraa Magariisaa kanaan duraa irraa argame irratti hundaa’uun, karoorri bara kanaa lakkoofsaan ol’aanaa ta’uu ibsaniiru. Haaluma kanaan biqiltuuwwan biliyoona 8.5 dhaabuuf hojiin bal’aan hojjetamuusaa, yeroo ammaa kanas hojiin qophii dhaabbii kanaaf barbaachisu xumuramaa akka jiru eeruun, haala ikoloojii irratti hundaa’uun filannoon biqiltuu raawwatamuus eeraniiru. Hojiin boolla biqiltuu dhaabuuf qopheessuu yeroo ammaa bal’inaan hojjetamaa akka jirus hubachiisaniiru. Sagantaan Ashaaraa Magariisaa amma lammiilee hedduu biratti aadaa ta’aa akka jiruu fi lakkoofsi hirmaattotaa yeroodhaa gara yerootti haalaan dabalaa akka jiru ibsaniiru. Sagantaan Ashaaraa Magariisaa taatee guddaa biyyaalessaa tokkummaan qabatamaan itti mirkanaa’aa jiru waan ta’eef ummanni guutuun miira itti gaafatamummaa fi aantummaadhaan irratti hirmaachaa jira jedhan. Hojiiwwan dhaabbii bara kanaaf hojjetaman keessaa dhibbeentaan 40 mukkeen bosona biyya keessaa irratti kan xiyyeeffate yoo ta’u, dhibbeentaan 60 ammoo biqiltuuwwan firii fi dinagdeen gatii guddaa qaban kanneen wabii nyaataa fi faayidaa roga hedduu biroof oolu ta’uu hubachiisaniiru. #ENA_Afaan_Oromoo #ENA
Baay’inaan Kan Dubbifaman
Bu'aan qormaata naannoo kutaa 8ffaa naannoo Oromiyaa beekkamuu Biiroon Barnootaa naannoo Oromiyaa beeksise.
Jan 5, 2021 268219
Finfinnee, Muddee 26, 2013 (TOI) - Bu'aan qormaata naannoo kutaa 8ffaa naannoo Oromiyaa beekkamuu Biiroon Barnootaa naannoo Oromiyaa beeksise. Qormaatni Sadaasa 30 hanga Muddee 2, 2013tti guutummaa Oromiyaatti kennamee ture bu'aan isaa beekkameera. Waraqaan deebii kallattii Oromiyaa hunda irraa Manneen Barnootaa kuma 8 ol-irraa aanaatti, aanaa irraa godinatti, godina irraa BBOtti sassaabamee torban 3 keessatti halkanii fi guyyaa shiftii 3n biiroo keessa bulaa hojjetamee har'a bu'aan isaa beekameera. Barattoota qormaata fudhatan kuma dhibba 4 ffi kuma 46 fi 907 keessa barattoonni kumni dhibbi 4 fi kumni 17 fi 411 yookaa % 93.4 darbaniiru.Barattootni kumni 29,fi 96 yookaa 6.6% kufuu isaanii maanaajimantiin Biiroo Barnoota Oromiyaa har'a murteesseera. Bu'aan qormaataa kun waajjiraalee barnootaa godinaalee 21 fi waajjiraalee barnootaa bulchiinsa magaalotaa 19n Oromiyaaf kara hooggantootaa 'telegram' dhaan ergamuu biirichi beekisieera. Waajjiraaleen kun bu'aa qormaataa kana gara aanaa isaaniitti dabarsuun , aanaaleen ammoo hardcopy isaa Manneen Barnootaa isaaniin borii kaasanii ni beeksisu jedhame.Torban dhufuu kaasee barnootni kutaa 9ffaa kan eegalu ta'uu ragaan Biiroo Barnootaa Oromiyaarraa argame ni muul'isa. Kaardii barataa dhuufaan maxxansee Biiroon Barnootaa Oromiyaa yeroo gabaabaa keessatti kan raabsu ta'uu beeksisera.
Waraanni Bilisummaa Oromoo (WBO)n zoonii Lixaa hawaasaan simatamaa jira
Feb 20, 2019 127030
Guraandhala 13/2011 Waraanni Bilisummaa Oromoo (WBO)n zoonii Lixaa guyyaa kaleessaatii kaasee hawaasaan simatamaa jira. Haaluma koreen teeknikaa fi araaraa akkasumas gumiin abbootii Gadaa waamicha dhiyeessaniin loltoonni Adda Bilisummaa Oromoo zoonii lixaa guyyaa kaleessaa irraa eegalee deebi'aa jira. Waraanni bilisummaa Oromoo guyyaa kaleessaa aanaa Manasibuu ganda Harawweetti qaama mootummaa fi abbootii Gadaatiin simatamaniiru. Guyyaa har'aas bifuma walfakkaatuun aanaa Beegii, Giddaa Ayyaanaa fi Baabboo Gambeelitti simannaan itti fufueera. Guyyoota Sadan kanatti simannaan erga taasifameefii booda gara kaampii qophaa'efiitti kan galan ta'uus walitti qabaan gumii abbootii Gadaa Bayyanaa Sanbatoo ‘BBC’ Afaan Oromootti himaniiru. Abbaa Gadaa Bayyanaa Sanbatoo akka himanitti, Zoonii Lixaarraa qofa loltoonni WBO Kuma 10 ol kan simataman ta'uu ibsaniiru. Simannaan WBO kun aanaalee garaa garaatti kan itti fufu yoo ta'u, miseensonni WBO iddoowwan biroo jiranis waamichi taasifameef simatamanii akka galantu eegama. Madda: OBN
Biiroon Barnootaa Oromiyaa firii qormaata kutaa 8ffaa bara 2014 ifoomse
Aug 31, 2022 22211
Hagayya 25/2014(TOI) - Bara barnootaa 2014tti barattoota kuma 451fi 25 qormaata naannoo kutaa 8ffaa fudhachuuf galmaa'an keessaa barattoonni kumni 443fi 526 qormaaticha fudhataniiru. Barattoota qoramaata fudhatan walii galaa keessaa barattoonni kumni 421fi 779 (%95.09) qabxii darbiinsaa argatanii gara kutaa 9ffaatti darbuu Hogganaa Ittaanaan BBO Obbo Girmaa Baay'isaa ibsa miidiyaaleef kennaniin ibsaniiru. Naannawaa horsiisee bulaan ala qabxii darbiinsaa dhiiraaf 50fi dubartootaaf 47 ta'uus himaniiru. Naannawaa horsiisiisee bulaatti ammoo qabxiin darbinsaa dhiiraaf 47 yoo ta'u, barattoota dubaraaf 44 ta'uufi qabxiin darbiinsa barattoota fedhii adda kan dhiiraa 44fi dubaraaf 41 ta'uu Obbo Girman himaniiru. Naannoo Oromiyaatti bara barnootaa 2015 barattoota miiliyoona 11 ol barsiisuuf galmeessi kan eegalameen yoo ta'u, Fulbaana 9/2015 guutummaa Oromiyaatti barnoonni ni eegalana. Barana barattoota miliyoona 7.5 ol sagantaa nyaataa manneen barnootaan fayyadamoo taasisuuf haaldureen xumuramuus ibsaniiru. Barattoonni baasii gara garaaf osoo hinsaaxilamin qabxii darbiinsaasaanii karaa toora interneetii http://oromia.ministry.et/#/home jedhuun ilaallachuu akka danda'an biirochi ibseera. DhPI irraa
Komishiniin Naamusaa fi Farra Malaammaltummaa Federaalaa 'Appilikeeshinii' namoonni eeruu kennaniifi ragaa kennaan itti fayyadamuu danda'an ifa godhe.
Mar 3, 2023 19768
Guraandhala 24/2015(TOI) - Komishiniin Naamusaa fi Farra Malaammaltummaa Federaalaa guyyaa har'aa 'Appilikeeshinii' namoonni eeruu ittiin kennaniifi ragaa ittiin eeraan fayyadamuu danda'an 'Public Feedback System' jedhamu ifa godhe. Komishinichi Bulchiinsa Nageenya Odeeffannoo waliin ta’uun Appilikeeshinii kana akka hojjete eerameera. Appichi afaanota biyya keessaa shaniin tajaajila kan kennu ta'uun himaeera. Komishinarri Komishinii Naamusaa fi Farra Malaammaltummaa Federaalaa Dooktar Saamu’eel Urqatoo akka jedhanitti, komishinichi hojiiwwan jijjiramaa hojjechaa jiru milkeesuuf teeknooloojiiwwan fayyadamaa jiraachuu ibsaniiru. Appilikeeshinichi hojii kan ariifachiisuufi haleellaa fi sodaachisaa ragaa eertootaa fi odeeffannoo kennitootarra gahu kan ittisu ta'uu himaniiru. Kana hordofuun hawaasni karaa appilikeshinii 'Public Feedback System'' yaada kennuudhaan itti gaafatamummaa biyyaalessaa isaa ba'uu qabu gaafataniiru. Daarektarri Olaanaa Bulchiinsa Nageenya Odeeffannoo Obbo Solomoon Sookaa akka jedhanitti, appilikeeshinii kana haleellaa saayibarii eegumsii cimaan kan taasifamuuf ta'uu himaniiru. Waajjira Ministira Muummeetti deetaan dhimmoota Kaabinee obbo Tasfaayee Dhaabaa akka jedhanitti, malaammaltummaa ittisuuf dhaabbanni tokko qofaan hojjetee milkaa'uu hin danda'u. Kanaaf lammileen hunduu miira itti gaafatamummaa qabuun malaan maltummaa ittisuuf hirmaachuu qabu jedhaniiru.
Gabaasa addaa
Yaa’ichi dhimmoota Afrikaarratti sagalee tokko dhageessisuun akka danda’amu carraa uumuudha
May 6, 2026 4205
Ebla 28/2018 (ENA)- Kaayyoon guddaan yaa’ii dhiibbaa uumtota miidiyaa hawaasaa Afriikaa (ASMIS) dhiibbaa uumtota jidduutti tumsa cimaa uumuudhaan dhimmoota Afrikaarratti sagalee tokko dhageessisuun akka danda’amu carraa uumuu akka ta’e qindeessaan Palsi oof Afriikaa(POA) obbo Barakat Sisaayi ibsan. Ajandaawwan Afriikaa qabsiisuu fi sagalee waloo dhageessisuuf carraa kan uumu ta’uu dabalanii ibsaniiru. Palsi oof Afriikaan (Pulse of Africa-POA) intarpiraayizii teknolojii E.ji.e waliin ta’uun mata duree “dhiibbaa uumtonni Afriikaa fooyyee qabduuf” jedhuun yaa’iin qophaa’u kun, Ebla 29 fi 30 2018 Finfinnee yaadannoo injifannoo Adwaatti ni gaggeeffama. Yaa’iin kun dhiibbaa uumtota miidiyaa hawaasaa jajjabeessuuf, dinagdee dijitaalaa cimsuuf, tumsa uumuu fi wiirtuu dijitaalaa gochuuf kan kaayyeffateha. Qopheessitoonni yaa’ii kanaa, dhiibbaa uumtonni miidiyaa hawaasaa Itiyoophiyaa yeroo yaa’ii kanaa maqaa gaarii biyyasaanii guddisuu fi tumsasaanii cimsuun haala danda’amurratti ibsa kennaniiru. Qindeessaan Palsi oof Afriikaa obbo Barakat Sisaayi wayita kana akka jedhanitti, Palsi Oof Afriikaan seenessa Afriikaa jallate jijjiiruuf kan hundeeffame miidiyaa Paan Afriikaati. Yaa’iin kun intarpiraayizii teeknooloojii E.ji.e waliin ta’uun qophaa’uusaa eeranii, qajeelfama “seenessa Afriikaa namoota keenyaan dubbachuu qabna” kan jedhu akka bu’uureffate ibsaniiru. Kaayyoon ijoo yaa’ii kanaas dhiibbaa uumtota jidduutti tumsa cumaa uumuun dhimmoota Afriikaarratti sagalee waloo dhageessisuuf carraa uumuu akka ta’e dubbataniiru. Ajandaan gamtaa Afriikaa 2063 karoora wagga 50 Afriikaan ittiin gaggeeffamtu ta’uu eeranii, ummattoota jidduutti walii galtee uumuuf dhiibbaa uumtonni miidiyaa hawaasaa waloomaan akka hojjetan carraa uumuuf waltajjichi faayidaa akka qabu ibsaniiru. Kanaaf yaa’iin kun Afriikonni galmoota ajandaasaanii milkeessuuf waltajjii waloon hojjetan ta’a jedhaniiru. Miidiyaan dijitaalaa waltajjii guddaa kan dinagdee sochoosudha kan jedhan obbo Barakat, dhiibbaa uumtonni miidiyaa hawaasaa karaa faayidaa qabuun akka itti fayyadaman hubannoo waloo uumuu akka barbaachisu hubachiisaniiru. Hojii raawwachiisaan intarpiraayizii E.ji.e obbo Gammadaa olaanaa gamasaaniin, yaa’iin kun maqaa gaarii Itiyoophiyaa akkasumas Afriikaa guddisuuf waltajjii murteessaa ta’uu dubbataniiru. Dhiibbaa uumtonni miidiyaa hawaasaa waa’ee qabiyyee uumuu, wa’ee ijaarsa seenessa Afriikaa fi waa’ee galmoota ajandaa 2063 ejjennoo ifaa akka qabatan godha jedhaniiru. Dhiibbaa uumtonni yaa’ii kanaaf biyyoota Afriikaa garagaraarraa filataman, qaqqabama miidiyaa hawaasaatiin qabanii fi maqaa gaarii Afriikaa guddisuuf gumaacha qabaniin madaalamanii kan filataman ta’uu mirkaneessaniiru.
.jpg)
Poolisiin Magaalaa Finfinnee Tajaajilasaa guddina Magaala waliin wal-simsiisee guddisuuf teekinooloojii ammayyaa fi humna namaa gahoome gurmeessuun hojiisaa cimsee itti fufeera
Nov 22, 2025 5424
Sadaasa 13/2018(TOI )-Poolisii Magaalaa Finfinnee Tajaajilasaa guddina magaala waliin wal-simsiisee guddisuuf Teekinooloojii Ammayyaa fi humna namaa gahoomeen hojii gurmeessuusaa cimsee itti fufuu Kantiibaan Bulchiinsa Magaala Finfinnee Adaanechi Abeebee ibsan. Qajeelchi Kolleejjii Poolisii Magaala Finfinnee yeroo jalqabaatiif humnasaan kaadimamtoota qodaaltota leenjise eebbisiiseera. Sirna eebbaa kanarratti Kantibaan Magaala Finfinnee Adaanechi Abeebee, Itti Aanaan Komishinar jeneraaliin Poolisii federaalaa Malaakuu Fantaa, Ajaajaa qajeelcha poolisii waliigalaa magaalaa Finfinnee Komishinar Geetuu Argaaw fi keessummoonni waamichi tassifameefii argamaniiru. Kantibaa Adaanech Abeebee wayita kana akka dubbatanitti, xiyyeeffannoo guddan Bulchinsichaa Dinagdee jiraattota magaalichaa ijaaruu fi jireenya hawaasummaa fooyyessuun misooma fulla’aa fi bulchiinsa gaarii, badhaadhina hunda galeessa mirkaneessuudha. Magaalittii jireenyaa fi hojiif kan mijatte akka taatuu fi dorgomaa idil-addunyaa fi filatamtuu, magaala konfiraansii taassisuuf bu’aa qabeessummaan hojiiwwan misoomaa eeggalamanii cimanii itti fufuu beeksisaniiru. Hojiiwwan misooma kunneen fulla’aa gochuuf nagaa fi tasgabbin mirkanaa’uun murteessaa fi dhimma ijoo ta’uu hubachiisaniiru. Gama Kanaan Qajeelchi Poolisii Magaala Finfinnee Nageenyaa fi tasgabbii magaalittii mirkaneessuuf hojiiwwan jijiiramaa hojjechaa jiru kan jajjabeeffamu ta’uu dubbataniiru. Qajeelchichi guddina magaalichatti argamaa jiru u’uureffachuun tajaajilasaa guddisuuf teekinooloojii ammayyaa fi humna namaa gahoomeen of gurmeessuun hojiisaa hojjechuu dubbataniiru. Kunis ergama poolisiif kenname sirnaan raawwachuuf kan isa dandeessisu ta’uu ibsaniiru. Gama Kanaan Qajeelchichi humna namaa gahoome horachuu dabalatee teekinoolojin of gurmeessuuf hojjechaa turuu mirkaneessaniiru. Qondaaltonni eebbifamtoonni nagaa fi tasgabbii magaalittii eegsisuuratti itti gaafatamummaa guddaa qabaachuusaanii kaasuun seeraa fi sirna magaala kabachiisuun kutannoon akka hojjetan hubachiisaniiru.