Ministirri Muummee haasawaa eebba tarminaala xiyyaaraa irratti dabarsaniin Carraa gara misoomaatti haa jijjiirru jedhani. Haasaan isaaniis akka armaan gadiitti dhiyaateera:   Boohaa jiraachuurra,umurii guutuunii, Maaliif hin qunxuuxu mirgi bitaadhaanii? Kuni walaloo Abbaa Nuuruuti. Magaalaa Bahaar Daar keessa obbo Ahimad Walloo ykn Abbaa Nuuruu kan jedhaman daldalaa Zayitaa turani. Maqaan Daldala Zayitichaa isaanii Afaan Amaaraan Qibee Leminee jedhama ture. Kunis hiikni isaa Zayitiin dhadhaa gadi akka hin taane kan agarsiisudha. Manguddoon kuni daldalaa zayitaa ta’uun alatti waan ittiin beekaman amala tokko qabu turani. Innis namoota galiidhaan isaan gadi jiruuf hojii uumuun ni gargaaru turani. Kunis isaan zayita kennuun warri irraa fuudhan immoo zayiticha qinxaaboon gurguraa,maallaqa isaa erga gurguranii deebisuufii turani. Maanguddoon kuni gaarummaa isaaniin nama baay’ee beekamoo turani. Namoota Maanguddoon kinu deeggaran keessaa dubartiin tokko jiru turani. Haati kuni yeroo hunda dhaqanii zayita fudhatu; gurguranii deebi’anii maallaqicha deebisanii zayita fudhatu. Yeroo hunda gaafa dhaqan garuu ni boo’u turani. Yeroo hundaa osooma boohanii zayita irraa fuudhanii qinxaaboon gurguru. Haalli kuni Abbaa Nuuruutti bitaa gallaan maaliif yeroo hunda gaafa dhuftanii maallaqa naaf kennitanii deebitan boossuu jedhee gaafata. Haati kunis akkas jedhanii deebisaniif,ijoollota laman qaba; ilmi inni tokko zayita isan isin irraa liqaan fudhadhu dhama’ee dadhabee gurguree maallaqa isaa naaf fida. Garuu ilmi koo inni biroon immoo haala ilaallatee dhokatee maallaqa sana na jalaa qisaasessa. Ilmi koo inni tokko na gargaara; inni kan biraan immoo na dhadhabsiisa jedhani. Kanaafi yeroo hunda gaddi natti dhagahama; kanan gadduu fi kanan boohu jedhanii deebisaniifi. Yeroo kana dhagahan obbo Ahimad Walloon, walaloo tokko walaleessanii jedhama. Kunis akkas jedha Afaan Amaaraan ’’Qanyuu yeserraahuun, Giraa kaa ferresee,hulluum xoomaadaarii,honee yaageree sawu’’ jedhanii jedhama. Achumaan itti dabaluun walaloo kan biraa ‘’ Aalqisoo kemenoor idimee zamanuunii, ayixonexixim woy qanyuu giraawuunii jedhanii’’ jedhama. Kana jechuun mirgi bitaadhaan yoo hin qunxuuxne, mirgi yoo bitaadhaan hin abboomne; tasgabbeessuu yoo hin dandeenye, Abdiiwwan argine, yaaliiwwan argine baduu danda’u. Yeroon nu hin darbiin; Barri nu hin darbiin; Carraa Gaafa argannu itti haa fayyadamnu; Carraa yeroo argannu Misooma itti haa hojjennu jedhani ergaa isaaniin Ministirri Muummee Dr. Abiyyi Ahimad.   #Ena Afaan Oromoo #TOI #Ena #

Adoolessa 30/2018 (ENA) Fooyya’insa Dinagdee gooroo Mootummaan Itoophiyaa hojiirra oolchaa jiru gufachiisuuf warra socho’anii fi qabeenya biyyaa warra saamaniirratti mootummaan tarkaanfii fudhachaa jiraachuu beeksise. Ministirri Tajaajila Komunikeeshinii Mootummaa FDRI Aadde Ennaataalam Mallasaa har’a ibsa miidiyaaf kennaniin; Itoophiyaan waggoota darbanitti guddinaa fi misooma saffisaa mirkaneessuuf hojiiwwan bal’aan hojjetamuu isaanii ibsuun, kanaanis bu’aawwan biyyaalessaa bal’aanii fi dinqisiisoon galmaa’uu ibsaniiru.Haa ta’u malee, adeemsa kana keessa bu’aan kun guutummaatti karaa salphaa kan dhufe akka hin taane hubachiisaniiru. Hudhaalee biyyaalessaa fi Idil-Addunyaa adda addaan olitti hojiin Al-seerummaa fi malaammaltummaan qormaata misoomaa guddaa ta’ee turuusaa Ministirri kun ibsaniiru. Akka ibsa Ministira kanaatti, rakkoon al-seerummaa qaama tokko qofaaf kan daangeffame osoo hin taane, kutaa hawaasaa bal’aa kan qabatuu fi keessaa fi Alaan humnoonni gurmaa’anii socho’aa turuu dubbataniiru. Kunis Hawaasa Daldalaa, Dhaabbilee misoomaa, caasaa mootummaa, dhuunfaawwanii fi tajaajilamtoota dabalatee bifa gurmaa'een bal'inaan kan mul'atudha. Qaamoleen kun fooyya’insa dinagdee Mandhaalee to’annoo ala gochuuf sirna faayinaansii fi daldala keessa seenuun shira dinagdee olaanaa raawwachaa turaniiru kan jedhan Aadde Ennaataalam; gochi kun biyyattiin sharafa alaa akka dhabdu, daballii gatii seeraan alaa fi kontirobaandiin akka hammaatu, akkasumas meeshaalee dhiyeessii fi fayyadamaarratti hanqina nam-tolchee akka uumamu taasisuu isaa yaadachiisaniiru. Shira gurmaa’aa kana dhaabamsisuuf mootummaan fi qaamoleen seeraa dhimmi ilaallatu opeereeshinii bal’aa gaggeessaniin shira kana fashaleessuun danda’amuu ibsaniiru. Gama biraatiin, caasaa mootummaa tajaajila kennanii fi qaama bulchiinsaa, akkasumas dhaabbilee uummataa keessatti hattuu uummata keessa dhokatan qulqulleessuurratti mootummaan tarkaanfii murteessaa fudhachaa jiraachuu kan beeksisan Aadde Ennaataalam; qabeenya uummataarratti saamicha olaanaa raawwatanii fi shira dhaabbataarratti hirmaatan gaggeessitootaa fi qaamolee faayidaa waliin hidhata qabanirratti tarkaanfiin cimaan fudhatamuu ibsaniiru. Keessattuu dameewwam ijoo keessatti yakka raawwatamerratti qorannoo bal’aan taasifamee akkasumas itti-gaafatamummaan mirkanaa'eera. Kana malees, dhaabbilee mootummaa da’oo taasifachuun namoota qabeenya uummataa saaman, malaammaltummaa raawwatanii fi shira dhaabbataa hojjetan irratti tarkaanfiin cimaa fudhatamaa akka jiru ibsameera. Tarkaanfiiwwan fudhataman keessaa kanneen Fooyya'iinsa diinagdee gufachiisuuf carraaqan dhaabbileen dhiyeessii oomishaalee bu'uuraa 13 ta'an oomisha kuusuun hanqina uumanii gatiin akka ol ka'u taasisaa turan akeekkachiifamaniiru. Dhaabbilee daldalaa seeraan ala oomishaalee kuusaan 7,000 ol ta'an irratti akka cufaman taasisuurraa eegalee tarkaanfiin akka gaafataman taasisuu fudhatameera. Faayinaansii fi sharafa alaan walqabatee namootni Itoophiyaa keessaafi biyya alaas jiraatan 169 gabaa Seeraan alaa keessatti hirmaatan seeraan akka gaafataman ta'aniiru. Namoonni 36 maallaqa herrega baankii gowwoomsaan fudhatan to'annoo jala oolanii herregni isaanii cufameera. Appilikeeshinoonni Kiriptoo Kaaraansii 7 seeraan ala itti fayyadamaa turan guutummaatti dhorkamaniiru. Dhaabbileen Qumaara taphachiisan 38 gibira mootummaan argachuu qabu dhoksan fi maallaqa seeraan ala sochoosan irratti tarkaanfiin fudhatamee qabeenyi isaanii to'atameera. Damee Albuudaa keessattuu Warqee karaa seeraan alaa baasuun wal-qabatee hojjettootni mootummaa, qaamolee nageenyaa, oomishtootaafi lammiilee biyya alaa dabalatee 183 ta'an warqee kontiro baandiin baasan irratti tarkaanfiin seeraa fudhatameera. Warqeen seeraan ala, meeshaaleen warqee itti madaalanii fi baasan, maallaqni biyya alaa fi meeshaaleen waraanaa to'annoo jala oolaniiru. Boba'aa fi loojistiksii hoggantoonni hojii mootummaa 38 xalayaa sobaa qopheessuun fi boba'aa dhoksuun yakka raawwatan seeraan akka gaafataman ta'aniiru. Namoota dhuunfaa fi dhaabbilee 650 ol daldala boba'aa seeraan ala irratti hirmaatan irratti tarkaanfiin fudhatameera. Bittaa xaa’oon walqabates hoggantoonni Ministeera Qonnaa xaa'oo qulqullina hin qabnee fi yeroon isaa darbe bituu keessatti hirmaatan seeraan akka gaafataman ta'aniiru. Dhimma Humna Elektirikaa Itoophiyaan walqabatuun hoggantoonni olaanoo 4 dhaabbilee ‘data mining’ 36 waliin waliigaltee humna elektirikaa seeraan ala mallatteessan irratti tarkaanfiin fudhatameera. Namoota humna elektirikaa hatan irrattis tarkaanfiin seeraa fudhatamuun akka adeemsa seeraan gaafataman taasifameera. Ministeera Hojii fi Ogummaatti Hoggantoonni fi hojjettoonni 8 hojii lammiilee gara biyya alaa erguu irratti malaammaltummaa fi matta'aa fudhachuu keessatti hirmaatan to'annoo jala oolaniiru. Daldaltoonni 44 to’atamuun, dhaabbileen eeyyama seeraan ala qabanis cufamaniiru. Gama Galii fi Gumurukaan Namoota gibira mootummaa hir'isan, ragaa sobaa qopheessan fi sirna odeeffannoo balleessan keessaa shakkamtoonni 109 adda baafamanii, isaanii keessaa 91 to'annoo jala oolaniiru. Ministirri Tajaajila Komunikeeshinii Mootummaa Aadde Innaataalam Mallasaa miidiyaaf kennaniin ergaa dabarsaniin mootummaan malaammaltummaa fi saamicha qabeenya mootummaa balleessuuf kutannoo cimaa qabaachuu ibsanii, uummannis malaammaltummaa saaxiluun, matta'aa diduun fi al-seerummaa balaaleffachuun mootummaa cinaa dhaabbachuun gahee isaa akka bahatu waamicha dhiyeessaniiru.

Ministirri Muummee Abiyyi Ahimad (PhD) fi Giiftii Duree Zinnaash Taayyaachoon hoggantoota olaanoo waliin ta’uun iddoowwan misoomaa ijoo magaalaa Baahir Daar daawwataniiru.   Daawwannaan isaanii hojiiwwan misoomaa magaalattiin dandeettii fi abdachiisaa ta’an kan ibsan yoo ta’u, pirojektoonni misooma tarsiimoo kunneen fayyadamummaa jiraattota ishee mirkaneessuu, turizimii fi dinagdee haaromsuu uumuu, akkasumas gahee magaalattiin giddugala daldalaa fi invastimantii biyyaalessaa ta’uun qabdu daran kan cimsu ta’uu ibsameera.   Riifoormii teeknooloojii Mana Murtii Waliigalaa Naannoo Amaaraa gaggeeffamaa jirus dawwataniiru. #Ena Afaan Oromoo #TOI #Ena #

Adoolessa 30/2018 (ENA): Hambaa idil addunyaa kan ta’e paarkiin biyyaalessa Gaarreen Baalee misoomsuunii fi madda galii itti fufinsa qabu taasisuuf waliin hojjechuun barbaachisaa ta’uu daarektarri Olaanaa Abbaa Taayitaa eegumasa Bineensota Bosonaafi fi Kunuunsa Itoophiyaa obbo Kumarraa Waaqjiraa ibsani. Workshopiin Karoora Bulchiinsa Waggaa Kudhanii Paarkii Biyyaalessaa Gaarreen Baalee (2027-2036) irratti mari’achuuf Baalee Roobeetti qooda fudhattoota waliin gaggeeffamaa jira. Waltajjicharratti Daarektarri Olaanaa Abbaa Taayitichaa obbo Kumarraa Waaqjiraa haasawa taasisaniin, waggoota darban keessatti paarkiiwwan biyyaalessaa fi iddoowwan eegumsa argatan keessatti hojii qindoominaan hojjetamaa tureen qormaanni paarkiiwwan mudatu hir’achuusaa ibsaniiru. Waggoota darbanitti bulchiinsa federaalaa, naannoo fi paarkii qindoominaan tattaaffii taasisaniin qormaanni paarkicha mudate hir’achuu isaa ibsaniiru. Akkasumas, dheedichi garmalee, bosona ciruu fi qubsumni seeraan alaa rakkoowwan jiraachuu paarkiiwwanii qormaata ta’aa turan keessaa tokko ta’uu fi yeroo ammaa hojii qindoominaan hojjetamaa jiruun hir’achaa akka jiran akeekaniiru. Bulchaan olaanaa godina Baalee obbo Abdulhaakim Alii akka jedhanitti, bulchiinsi paarkii biyyaalessaa fi heddummina lubbu qabeeyyii isaa sirnaan akka eegamu ciminaan hojjechatamaa jira. Kaayyoon guddaan karoora hoggansa waggaa kudhanii qophaa’aa jiru paarkicha eeguu fi misoomsuun fayyadamummaa hawaasa naannoo itti fufiinsa qabu mirkaneessuudha jedhan. Bulchiinsi paarkicha misoomsuu fi tiksuuf qooda fudhattoota sadarkaa sadarkaan jiran waliin ta’uun akka itti fufu akeekaniiru. Maastar pilaaniin mariif dhiyaate qooda fudhattoota hunda hirmaachisuun, filannoowwanii fi qormaata adda baasuun, furmaata itti kennuun itti gaafatamaan Paarkii Biyyaalessaa Gaarreen Baalee obbo Shaamil Kadir himaniiru. Dhaabbata Barnoota, Saayinsii fi Aadaa Dhaabbata Mootummoota Gamtoomanii (UNESCO)’n galmaa’ee hambaalee Itoophiyaa keessaa tokko kan ta’e Paarkiin Biyyoolessaa Gaarreen Baalee, Gadmsaa fi jeedala diimtuu dabalatee bineensota bosonaa bal’aa kan qabudha. #Ena Afaan Oromoo #TOI #Ena #

Guyyaa har’aa babal’iinsa buufata xiyyaaraa Baahir Daar Dajjaazmaach Balaay Zallaqaa eebbisneerra. Har’a mooraa xiyyaaraa idil-addunyaa Dajjaazmaach Balaay Zallaqaa Baahir Daaritti tarmiinaala haaraa eebbifneerra. Kunis mooraa xiyyaaraa balal’iinsaa Itoophiyaa isa murteessaa ta’e kanaaf seenaa guddaa fi milkaa’ina guddaadha. Pirojeektiin kun tarmiinaala ammayyaa qofa ta’uu isaa olitti hiika guddaa qaba. Baahir Daar qormaatilee dhiyeenya kana mudatan booda, ijaarsi buufata kanaa xumuramee tajaajila eegaluun isaa agarsiistuu ciminaa, fooyya’iinsaa fi invastimantii itti fufiinsa qabu mirkaneessudha. Tarmiinal haaraan kun bakka buufata xiyyaaraa bal’aa, bu’uuraalee misoomaa ammayyaa, daandiiwwan seensa/ba’iinsaa hojjetamanii fi meeshaalee ammayyaa kan of keessatti hammatedha. Kunis dandeettii simannaa buufata xiyyaaraa kanaa fooyyessuudhaan fedhii imaltoota naannichaa guddachaa jiru kan guutu ta’uun, imaltootaafis tajaajila mijataa fi ariifachiisaa kenna.   Tarminaalli haaraan kun jijjiirama magaalaan haaressaa jiru kana waliin simsiisuun, Baahir Daariin balali’iinsa idil-addunyaa fi biyya keessaatiif bakka murteessaa fi wiirtuu biraa ishee taasisa. Magaalaan si’ooftuun Baahir Daar faayidaa diinagdee argamsiiftu mirkaneessuuf, uummanni naannichaa nageenya isaa eeggachuu kan itti fufu ta’uu akka qabu abdiin qaba. #Ena Afaan Oromoo #TOI #Ena #