ENA - ENA Afaan Oromoo
Tamsaasa Kallatti:
Angafoota Oduu
Yunvarsitichi omishtummaa guddisuuf teekinooloojiiwwan qonnaa hawaasaaf dhaqqabsiisaa jira
Jun 17, 2026 529
Waxabajjii 10/2018 (ENA)- Yunivarsiitiin Arsii omishtummaa guddisuuf teekinoolojiiwwan qonnaa dhaqqabamaa gochuun fayyadamummaa hawaasaatiif xiyyeeffannoodhaan hojjechaa akka jiru beeksise. Pirezidaantiin Yunivarsiitii Arsii Dr.Fiqaaduu Mitikuu ENA’f akka ibsanitti; Yunivarsiitichi omishtummaa guddisuuf teekinoolojiiwwan qonnaaf gargaaran dhaqqabamaa gochuun fayyadamummaa hawaasaatiif hojjechaa jira. Keessattuu Yunvarsiitichi sagantaa maaddii guutuu milkeessuuf tajaajila ekisteenshinii qonnaa qotee bulaaf dhaqqabsiisuu irratti hojjechaa jira jedhanii jiru. Kanaanis dargaggoota hojii dhabeyyii fi qotee bultootaaf cuuciiwwan lukkuu dhiyeessuun fayyadamaa gochaa akka jiru eeranii, humna isaatiin cuuciiwwan lukkuu hawaasaaf dhaqqabamaa gochaa jiraachuu ibsaniiru. Dabalataanis, Yunivarsiitichi lukkuuwan kuma 3 ol galchuun hanqaaquu kuma 40tti dhiyaatu gabaaf dhiyeessaa akka jiru hubachiisaniiru. Sanyii saawwan aannanii fooyya'an qonnaan bulaaf dhaqqabamaa gochuuf, sanyii kormaa hormaata gaarii qaban mala diqaalomsuutiin (artificial insemination) fayyadamummaa qotee bulaa mirkaneessuuf hojjechaa jiraachuu ibsaniiru. Kanaanis hojii sanyii beelladootaa fooyyessuu bu'a qabeessa gochuuf, warshaa nyaata horii qopheessu hundeessuun hojii gaarii hojjechaa jira jedhaniiru. Gama biraatiin, sanyiiwwan qamadii, xaafii fi Aajjaa omisha gaarii kennuu danda'an sadii qotee bulaaf dhaqqabamaa gochuu isaa ibsaniiru. Haaluma kanaan sanyii filatamaan kuntaala kuma 1 ol qonnaan bulaaf akka dhaqqabu taasifamuu kan ibsan pirezidaantichi, yeroo ammaa kanatti jallisii Bonaatiin lafa hektaara 12 irratti sanyiin filatamaan qamadii misoome walitti qabamaa jira jedhaniiru. Yunvarsiitichi tarsiimoo misooma qonnaa deeggaruuf hojiiwwan hojjechaa jiru malees, hawaasa fayyaalessa ijaaruuf carraaqqii taasifamu deeggaruuf hojjechaa akka jiru dabalanii ibsaniiru.
Misoomni Koriidaraa Magaalaa Bishooftuu haala jireenya hawaasaa qabatamaan kan jijjiireefi fayyadamummaa ummataa kan mirkaneessedha
Jun 17, 2026 393
Waxabajjii 10/2018 (ENA): Misoomni Kooridarii Magaalaa Bishooftuu haala jireenya hawaasaa qabatamaan jijjiiree fayyadamummaa isaanii kan mirkaneessedha jedhan itti Aanaan Kantiibaa Bulchiinsa Magaalattii Obbo Gazzaanyi Dajanee. Ka'umsi misooma koridaraa magaalota mijataa taasisuu, bareechuu fi jireenya jiraattotaa ammayyeessuuf kaayyeffate waan ta’eef, Bishooftuunis Finfinneetti dhiyoo kan jirtu kana hordofaa jirti. Itti Aanaan Kantiibaa Magaalaa Bishooftuu Obbo Gazzaanyi Dajanee akka jedhanitti, magaalattii iddoo jireenyaa filatamaa fi wiirtuu turizimii taasisuuf karoorri qophaa’ee xiyyeeffannoodhaan hojjetamaa jira. Pirojektii Misooma Koridaraa marsaa jalqabaa fi lammaffaa irratti daandii asfaaltii, biskileetii fi miilaa kiiloo meetira dhibba tokkoo fi kudha torba ijaaramuu ibsaniiru. Magaalattii bakka adda addaatti utubaawwan ismaartii kaa’amuu, kaameeraan nageenyaa kaa’amuu, paarkiiwwan adda addaa xumuramuun tajaajilaaf banaa ta’uu hubachiisaniiru. Misoomni koridarii kun yaada jiraattota naannoo isaanii eeguu, balfa sirnaan gatuu, misooma magariisaaf xiyyeeffannoo kennuun jijjiirama fideera jedhan. Akkasumas qilleensa qulqulluu, bakka bashannanaa fi yaa’insa tiraafikaa qajeelfama qabu uumuun fayyaa qaamaa fi sammuu jiraattotaa eeguu akka gargaare ibsaniiru. Itti aanaan kantiibaan kun akka jedhanitti, misooma koridarii kanaan lafti heektaara 336 magariisa ta’uu ibsaniiru. Sarara tajaajila ibsaa ammayyaa dabalatee bu’uuraaleen biroo hojii daldalaa sa’aatii 24 hojjechiisuu dandeessisuun galii magaalichaa haalaan akka dabalu himaniiru. Magaalattiin guddina galii waggaa dhibbeentaa 66 galmeessisaa akka turtes eeruun, ji'oota kudha tokko darban qofatti birrii biiliyoona 14.3 akka ta'e beeksisaniiru. Misoomni koridarii fi seektaroota biroo jiraattota magaalaa hedduudhaaf carraa hojii kan uuman ta’uu ibsanii, hanga ammaatti lammiilee kuma 66 ta’aniif carraan hojii dhaabbataa damee adda addaatiin uumamuusaa ibsaniiru. Misoomni koridarii kun akkaataa jireenya hawaasaa ammayyeessuun bu’uuraalee misoomaa fayyadamummaa mirkaneessu uumuu danda’eera jedhan. Itti aanaan kantiibaa magaalattii misoomni koridarii marsaa sadaffaa magaalattii cimee itti fufuu beeksisaniiru. #TOI #ENA Afaan Oromoo #
Godinichatti misooma qamadii babal’isuun wabii nyaataa qonnaan bulaa mirkaneessuuf xiyyeeffannoon kennameera
Jun 17, 2026 299
Waxabajjii10/2018 (ENA)- Godina Boorana Bahaatti misooma qamadii qonna Arfaasaan babal’isuun wabii nyaataa qonnaan bulaa mirkaneessuuf xiyyeeffannoon addaa kennamuusaa Waajjirri Qonnaa Godinichaa ibseera. Waajjirichatti dursaan garee Misooma Midhaanii Obbo Liiban Booruu, godinichatti qonna Arfaasaatiin lafti hektaara kuma 176 fi 223 ta’u qamadii, xaafii, baaqelaa fi boqqolloodhaan misoomuu isaa beeksisaniiru. Kanneen keessaa lafti hektaara kuma 61 fi 643 ta’u misooma qamadiitiin kan facaafamee yoo ta’u, kunis wabii nyaataa qonnaan bulaa mirkaneessuuf hojjetamaa akka jiru dubbataniiru. Misooma qamadii kanaan oomishtummaa qonnaan bulaa guddisuuf, hojmaata qonnaa ammayyaa’aa hojiirra oolchuu malees, sanyiin filatamaafi xaa’oon yeroon qonnaan bulaaf akka dhiyaatu ta’uusaa ibsaniiru. Godinichatti lafa qamadiidhaan facaafame keessaa harki caalaan isaa kilaastaraa fi tooraan kan facaafame yoo ta’u, kanaanis midhaanichi yeroo ammaa haala gaarii irra akka jiru dubbataniiru. Godinichatti qonnaan bulaa fi horsiisee bulaa kuma 42 fi 130 ol hirmaachisuun, lafa qamadiidhaan misoomee irraa oomishni kuntaala miliyoona 1 fi kuma 365 ol akka eegamu beeksisaniiru. Godinichatti qonnaan bultootaa fi horsiisee bulaa eeggattummaa fi deeggarsa jalaa baasuun gara oomishtummaatti ceesisuuf hojimaata qonnaa ammayyeessuuf hojjetamaa akka jiru eeranii, deeggarsi ogeeyyiis taasifamaa jiraachuu ibsaniiru. Qonnaan bulaa qonna Arfaasaa kanarratti hirmaatan keessaa, jiraataan ganda Goobichaa Aanaa Liiban, Obbo Abdii Nuur akka jedhanitti, hojimaata qonnaa ammayyaa’aa fayyadamuun lafa isaanii hektaara sadii irratti qamadii misoomsaa jiraachuu ibsaniiru. Misooma qamadii kanaan oomishaa fi oomishtummaa dabaluuf kilaastaran qotuun isaanii fi midhaanichi yeroo ammaa haala gaariirra jiraachuu ibsaniiru. Aanichi sanyii filatamaa, xaa’oo fi tiraaktara yeroon dhiyeessuun hojii isaanii haala sirriidhaan raawwachuuf akka isaan dandeessise eeraniiru. Jiraataan ganda kanaa Obbo Warquu Allabaachoo, qonna Arfaasaa kanaan lafa hektaara sadii qamadii misoomsan irraa oomisha gaarii akka abdatan dubbataniiru. Deeggarsa ogeessa qonnaatiin misooma qamadii hojjechuun haala gaarii irra jiraachuu ibsuun, wabii nyaataa isaanii mirkaneessuuf akka isaan dandeessisu dubbataniiru. Ragaan Waajjira Qonnaa Godina Boorana Bahaa irraa argame akka agarsiisutti, godinichatti walakkessa Bitootessaarraa eegalee hanga Eeblaatti yeroo bokkaa fi facaasaa yoo ta’u, walakkaa Adoolessaa irraa hanga Hagayyaatti ammoo yeroo oomishni walitti qabamu dha.
Sagantaan tola ooltummaa gannaa dargaggoonni misooma biyyaa keessatti qoodasaanii akka bahan taasisaa jira
Jun 17, 2026 457
Waxabajjii10/2018 (ENA)- Sagantaan tola ooltummaa gannaa dargaggoonni misooma biyyaa fi guddina fulla’aa keessatti shoora isaanii akka ba’an taasisuu keessatti gumaacha guddaa taasisasaa akka jiru Ministeerri Dubartootaa fi Dhimma Hawaasummaa beeksise. Sagantaan tola ooltummaa gannaa bara 2018 kanaas dandeettii walitti ida’ameen raawwachuuf qophiin barbaachisaan taasifamuu isaa ibsaniiru. Sagantaan tajaajila tola ooltummaa gannaa waltajjii guddaa dargaggoota miliyoonaan lakkaa'aman hirmaachisuun, hojiiwwan faayidaa hawaasummaa fi diinagdee qaban hedduu kan itti raawwatamanidha. Sagantichi keessumattuu yeroo gannaa manneen barnootaa cufaa ta'anitti, dargaggoonni yeroo, beekumsa fi humna isaanii hojiiwwan biyyaaf fayyadan irratti akka oolchan gochuuf kaayyoo kan godhatedha. Sochii biyyaalessaa waggoottan darban biyya keenya keessatti hojiirra oolaa jiru kanaan, dargaggoonni dameewwan tajaajilaa waliigala 14 irratti tajaajila kennaa jiru. Hojiiwwan kanneen akka Ashaaraa Magariisaa,Tajaajila wal’aansa bilisaa,Dhiiga arjoomuu, Tajaajila Nageenya tiraafikaa, Barnootaa,haaromsa manneen maanguddootaa fi harka qalleeyyii fi kanneen biroorratti hirmaataniiru. De’eetaan Ministeera Dubartootaa fi Dhimma Hawaasummaa Muunaa Ahimad turtii ENA waliin taasisaniin; sagantaan tajaajila tola ooltummaa ganna hojiirra oolaa jiru dargaggoonni beekumsaa fi humna isaanii hojii uummata isaaniif fayyadu irratti akka oolchan dandeessisaa jiraachuu dubbataniiru. Aadaan gaarummaa biyya keenya keessatti akka gabbatu gochuu keessatti waggoottan darban xiyyeeffannoon irratti hojjetamee bu’aan argamaa jiraachuu kaasaniiru. Keessumattuu xiyyeeffannoon fi fakkeenyummaan Ministirri Muummee Dr. Abiyyi Ahimad tajaajila tola ooltummaa gannaatiif kennan namoota hedduuf kaka'umsa uumuu isaa ibsaniiru. Waliigala jijjiiramichaa as lakkoofsi hirmaattota tola ooltummaa baay'ee dabaluu isaa mirkaneessaniiru. Fakkeenyaaf, Hirmaannaan Dargaggootaa bara 2010 Miliyoona 10 tuqaa 8 kan ture bara 2017 gara Miliyoona 25 guddachuusaa akkasumas fayyadamummaan hawaasummaa 13tuqaa 6 ture gara miiliyoona 53tti ol guddachuusaa eeraniiru. Kunis damee kanaan jijjiirama ilaalchaa guddaa fiduun akka danda'ame agarsiistudha, jedhan De’eetaan Ministirichaa. Sagantaa tola ooltummaa ganna bara 2018 kanaan dameewwan tajaajilaa 14n akkuma eegamanitti ta'anii; keessumattuu Ashaaraa Magariisaa, Ijaarsa nageenyaa, haaromsa manneen maanguddootaa fi harka qal’eeyyii akkasumas ijaarsa dhalootaa irratti xiyyeeffannoo addaatiin akka hojjetamu De’eetaan Ministirichaa hubachiisaniiru
Tarsiimoon misooma magariisaa Itiyoophiyaan damee hundaan guddina saffisiisuun milkaa’ina argamsiisaa jira
Jun 17, 2026 504
Waxabajjii 10/2018 (ENA): Tarsiimoon misooma magariisaa Itiyoophiyaan damee hundaan guddina saffisiisuun milkaa’ina argamsiisaa jira jedhan hoji gaggeessaan olaanaa Koorporeeshinii Misooma Paarkii Industirii Dr. Fissahaa Yittaagasuu. Dhaabbanni Tajaajila Elektirikaa Itiyoophiyaa Korporeeshinii Misooma Paarkii Industirii waliin ta’uun yeroo ammaa buufata chaarjii konkolaataa elektirikii guddaa Zoonii Diinagdee Addaa Qilinxoo keessatti ijaarame eebbisaa jira. Sagantaa kanarratti De’eetaan Ministeera Geejjibaa fi Loojistikii Bara’oo Hasan, hoji gaggeessaan olaanaa dhaabbata elektirikaa Itiyoophiyaa Injinar Geetuu Garramaa fi keessummoonni affeeraman biroon argamaniiru. Hojii gaggeessaan olaanaa Koorporeeshinii Misooma Paarkii Industirii Dr. Fissahaa Yittaagasuu buufanni chaarjii konkolaataa elektirikaa kan yeroo isaa eeggatee fi barbaachisaa ta’uu ibsaniiru. Kunis qaama imaammata diinagdee magariisaa Itiyoophiyaan hordofaa jirtu ta’uu hubachiisaniiru. Daandiin misooma magariisaa Itiyoophiyaa damee hundaan guddina saffisiisuun milkaa’ina argachaa jiraachuus hubachiisaniiru. Kanneen keessaa tokko konkolaattota elektirikaa ta’uu ibsuun, gara fuulduraatti fedhii konkolaattota elektirikaa guutuuf buufataaleen chaarjii babal’achuu akka qaban hubachiisaniiru. Buufatni chaarjii konkolaataa elektirikii har’a eebbifame tarkaanfii yeroo murteessaa ta’etti fudhatamedha jedhan. Kunis faalama qilleensaa kan dhabamsiisu ta’uun cinatti faayidaa olaanaa qaba jedhani. Dhaabbileen kunneen walitti dhufeenya cimaa akka qaban ibsuun; waliin hojjechuu isaaniis itti fufuu isaanii mirkaneessaniiru. #TOI #ENA Afaan Oromoo #
Kan mul'ate
Yunvarsitichi omishtummaa guddisuuf teekinooloojiiwwan qonnaa hawaasaaf dhaqqabsiisaa jira
Jun 17, 2026 529
Waxabajjii 10/2018 (ENA)- Yunivarsiitiin Arsii omishtummaa guddisuuf teekinoolojiiwwan qonnaa dhaqqabamaa gochuun fayyadamummaa hawaasaatiif xiyyeeffannoodhaan hojjechaa akka jiru beeksise. Pirezidaantiin Yunivarsiitii Arsii Dr.Fiqaaduu Mitikuu ENA’f akka ibsanitti; Yunivarsiitichi omishtummaa guddisuuf teekinoolojiiwwan qonnaaf gargaaran dhaqqabamaa gochuun fayyadamummaa hawaasaatiif hojjechaa jira. Keessattuu Yunvarsiitichi sagantaa maaddii guutuu milkeessuuf tajaajila ekisteenshinii qonnaa qotee bulaaf dhaqqabsiisuu irratti hojjechaa jira jedhanii jiru. Kanaanis dargaggoota hojii dhabeyyii fi qotee bultootaaf cuuciiwwan lukkuu dhiyeessuun fayyadamaa gochaa akka jiru eeranii, humna isaatiin cuuciiwwan lukkuu hawaasaaf dhaqqabamaa gochaa jiraachuu ibsaniiru. Dabalataanis, Yunivarsiitichi lukkuuwan kuma 3 ol galchuun hanqaaquu kuma 40tti dhiyaatu gabaaf dhiyeessaa akka jiru hubachiisaniiru. Sanyii saawwan aannanii fooyya'an qonnaan bulaaf dhaqqabamaa gochuuf, sanyii kormaa hormaata gaarii qaban mala diqaalomsuutiin (artificial insemination) fayyadamummaa qotee bulaa mirkaneessuuf hojjechaa jiraachuu ibsaniiru. Kanaanis hojii sanyii beelladootaa fooyyessuu bu'a qabeessa gochuuf, warshaa nyaata horii qopheessu hundeessuun hojii gaarii hojjechaa jira jedhaniiru. Gama biraatiin, sanyiiwwan qamadii, xaafii fi Aajjaa omisha gaarii kennuu danda'an sadii qotee bulaaf dhaqqabamaa gochuu isaa ibsaniiru. Haaluma kanaan sanyii filatamaan kuntaala kuma 1 ol qonnaan bulaaf akka dhaqqabu taasifamuu kan ibsan pirezidaantichi, yeroo ammaa kanatti jallisii Bonaatiin lafa hektaara 12 irratti sanyiin filatamaan qamadii misoome walitti qabamaa jira jedhaniiru. Yunvarsiitichi tarsiimoo misooma qonnaa deeggaruuf hojiiwwan hojjechaa jiru malees, hawaasa fayyaalessa ijaaruuf carraaqqii taasifamu deeggaruuf hojjechaa akka jiru dabalanii ibsaniiru.
Misoomni Koriidaraa Magaalaa Bishooftuu haala jireenya hawaasaa qabatamaan kan jijjiireefi fayyadamummaa ummataa kan mirkaneessedha
Jun 17, 2026 393
Waxabajjii 10/2018 (ENA): Misoomni Kooridarii Magaalaa Bishooftuu haala jireenya hawaasaa qabatamaan jijjiiree fayyadamummaa isaanii kan mirkaneessedha jedhan itti Aanaan Kantiibaa Bulchiinsa Magaalattii Obbo Gazzaanyi Dajanee. Ka'umsi misooma koridaraa magaalota mijataa taasisuu, bareechuu fi jireenya jiraattotaa ammayyeessuuf kaayyeffate waan ta’eef, Bishooftuunis Finfinneetti dhiyoo kan jirtu kana hordofaa jirti. Itti Aanaan Kantiibaa Magaalaa Bishooftuu Obbo Gazzaanyi Dajanee akka jedhanitti, magaalattii iddoo jireenyaa filatamaa fi wiirtuu turizimii taasisuuf karoorri qophaa’ee xiyyeeffannoodhaan hojjetamaa jira. Pirojektii Misooma Koridaraa marsaa jalqabaa fi lammaffaa irratti daandii asfaaltii, biskileetii fi miilaa kiiloo meetira dhibba tokkoo fi kudha torba ijaaramuu ibsaniiru. Magaalattii bakka adda addaatti utubaawwan ismaartii kaa’amuu, kaameeraan nageenyaa kaa’amuu, paarkiiwwan adda addaa xumuramuun tajaajilaaf banaa ta’uu hubachiisaniiru. Misoomni koridarii kun yaada jiraattota naannoo isaanii eeguu, balfa sirnaan gatuu, misooma magariisaaf xiyyeeffannoo kennuun jijjiirama fideera jedhan. Akkasumas qilleensa qulqulluu, bakka bashannanaa fi yaa’insa tiraafikaa qajeelfama qabu uumuun fayyaa qaamaa fi sammuu jiraattotaa eeguu akka gargaare ibsaniiru. Itti aanaan kantiibaan kun akka jedhanitti, misooma koridarii kanaan lafti heektaara 336 magariisa ta’uu ibsaniiru. Sarara tajaajila ibsaa ammayyaa dabalatee bu’uuraaleen biroo hojii daldalaa sa’aatii 24 hojjechiisuu dandeessisuun galii magaalichaa haalaan akka dabalu himaniiru. Magaalattiin guddina galii waggaa dhibbeentaa 66 galmeessisaa akka turtes eeruun, ji'oota kudha tokko darban qofatti birrii biiliyoona 14.3 akka ta'e beeksisaniiru. Misoomni koridarii fi seektaroota biroo jiraattota magaalaa hedduudhaaf carraa hojii kan uuman ta’uu ibsanii, hanga ammaatti lammiilee kuma 66 ta’aniif carraan hojii dhaabbataa damee adda addaatiin uumamuusaa ibsaniiru. Misoomni koridarii kun akkaataa jireenya hawaasaa ammayyeessuun bu’uuraalee misoomaa fayyadamummaa mirkaneessu uumuu danda’eera jedhan. Itti aanaan kantiibaa magaalattii misoomni koridarii marsaa sadaffaa magaalattii cimee itti fufuu beeksisaniiru. #TOI #ENA Afaan Oromoo #
Godinichatti misooma qamadii babal’isuun wabii nyaataa qonnaan bulaa mirkaneessuuf xiyyeeffannoon kennameera
Jun 17, 2026 299
Waxabajjii10/2018 (ENA)- Godina Boorana Bahaatti misooma qamadii qonna Arfaasaan babal’isuun wabii nyaataa qonnaan bulaa mirkaneessuuf xiyyeeffannoon addaa kennamuusaa Waajjirri Qonnaa Godinichaa ibseera. Waajjirichatti dursaan garee Misooma Midhaanii Obbo Liiban Booruu, godinichatti qonna Arfaasaatiin lafti hektaara kuma 176 fi 223 ta’u qamadii, xaafii, baaqelaa fi boqqolloodhaan misoomuu isaa beeksisaniiru. Kanneen keessaa lafti hektaara kuma 61 fi 643 ta’u misooma qamadiitiin kan facaafamee yoo ta’u, kunis wabii nyaataa qonnaan bulaa mirkaneessuuf hojjetamaa akka jiru dubbataniiru. Misooma qamadii kanaan oomishtummaa qonnaan bulaa guddisuuf, hojmaata qonnaa ammayyaa’aa hojiirra oolchuu malees, sanyiin filatamaafi xaa’oon yeroon qonnaan bulaaf akka dhiyaatu ta’uusaa ibsaniiru. Godinichatti lafa qamadiidhaan facaafame keessaa harki caalaan isaa kilaastaraa fi tooraan kan facaafame yoo ta’u, kanaanis midhaanichi yeroo ammaa haala gaarii irra akka jiru dubbataniiru. Godinichatti qonnaan bulaa fi horsiisee bulaa kuma 42 fi 130 ol hirmaachisuun, lafa qamadiidhaan misoomee irraa oomishni kuntaala miliyoona 1 fi kuma 365 ol akka eegamu beeksisaniiru. Godinichatti qonnaan bultootaa fi horsiisee bulaa eeggattummaa fi deeggarsa jalaa baasuun gara oomishtummaatti ceesisuuf hojimaata qonnaa ammayyeessuuf hojjetamaa akka jiru eeranii, deeggarsi ogeeyyiis taasifamaa jiraachuu ibsaniiru. Qonnaan bulaa qonna Arfaasaa kanarratti hirmaatan keessaa, jiraataan ganda Goobichaa Aanaa Liiban, Obbo Abdii Nuur akka jedhanitti, hojimaata qonnaa ammayyaa’aa fayyadamuun lafa isaanii hektaara sadii irratti qamadii misoomsaa jiraachuu ibsaniiru. Misooma qamadii kanaan oomishaa fi oomishtummaa dabaluuf kilaastaran qotuun isaanii fi midhaanichi yeroo ammaa haala gaariirra jiraachuu ibsaniiru. Aanichi sanyii filatamaa, xaa’oo fi tiraaktara yeroon dhiyeessuun hojii isaanii haala sirriidhaan raawwachuuf akka isaan dandeessise eeraniiru. Jiraataan ganda kanaa Obbo Warquu Allabaachoo, qonna Arfaasaa kanaan lafa hektaara sadii qamadii misoomsan irraa oomisha gaarii akka abdatan dubbataniiru. Deeggarsa ogeessa qonnaatiin misooma qamadii hojjechuun haala gaarii irra jiraachuu ibsuun, wabii nyaataa isaanii mirkaneessuuf akka isaan dandeessisu dubbataniiru. Ragaan Waajjira Qonnaa Godina Boorana Bahaa irraa argame akka agarsiisutti, godinichatti walakkessa Bitootessaarraa eegalee hanga Eeblaatti yeroo bokkaa fi facaasaa yoo ta’u, walakkaa Adoolessaa irraa hanga Hagayyaatti ammoo yeroo oomishni walitti qabamu dha.
Sagantaan tola ooltummaa gannaa dargaggoonni misooma biyyaa keessatti qoodasaanii akka bahan taasisaa jira
Jun 17, 2026 457
Waxabajjii10/2018 (ENA)- Sagantaan tola ooltummaa gannaa dargaggoonni misooma biyyaa fi guddina fulla’aa keessatti shoora isaanii akka ba’an taasisuu keessatti gumaacha guddaa taasisasaa akka jiru Ministeerri Dubartootaa fi Dhimma Hawaasummaa beeksise. Sagantaan tola ooltummaa gannaa bara 2018 kanaas dandeettii walitti ida’ameen raawwachuuf qophiin barbaachisaan taasifamuu isaa ibsaniiru. Sagantaan tajaajila tola ooltummaa gannaa waltajjii guddaa dargaggoota miliyoonaan lakkaa'aman hirmaachisuun, hojiiwwan faayidaa hawaasummaa fi diinagdee qaban hedduu kan itti raawwatamanidha. Sagantichi keessumattuu yeroo gannaa manneen barnootaa cufaa ta'anitti, dargaggoonni yeroo, beekumsa fi humna isaanii hojiiwwan biyyaaf fayyadan irratti akka oolchan gochuuf kaayyoo kan godhatedha. Sochii biyyaalessaa waggoottan darban biyya keenya keessatti hojiirra oolaa jiru kanaan, dargaggoonni dameewwan tajaajilaa waliigala 14 irratti tajaajila kennaa jiru. Hojiiwwan kanneen akka Ashaaraa Magariisaa,Tajaajila wal’aansa bilisaa,Dhiiga arjoomuu, Tajaajila Nageenya tiraafikaa, Barnootaa,haaromsa manneen maanguddootaa fi harka qalleeyyii fi kanneen biroorratti hirmaataniiru. De’eetaan Ministeera Dubartootaa fi Dhimma Hawaasummaa Muunaa Ahimad turtii ENA waliin taasisaniin; sagantaan tajaajila tola ooltummaa ganna hojiirra oolaa jiru dargaggoonni beekumsaa fi humna isaanii hojii uummata isaaniif fayyadu irratti akka oolchan dandeessisaa jiraachuu dubbataniiru. Aadaan gaarummaa biyya keenya keessatti akka gabbatu gochuu keessatti waggoottan darban xiyyeeffannoon irratti hojjetamee bu’aan argamaa jiraachuu kaasaniiru. Keessumattuu xiyyeeffannoon fi fakkeenyummaan Ministirri Muummee Dr. Abiyyi Ahimad tajaajila tola ooltummaa gannaatiif kennan namoota hedduuf kaka'umsa uumuu isaa ibsaniiru. Waliigala jijjiiramichaa as lakkoofsi hirmaattota tola ooltummaa baay'ee dabaluu isaa mirkaneessaniiru. Fakkeenyaaf, Hirmaannaan Dargaggootaa bara 2010 Miliyoona 10 tuqaa 8 kan ture bara 2017 gara Miliyoona 25 guddachuusaa akkasumas fayyadamummaan hawaasummaa 13tuqaa 6 ture gara miiliyoona 53tti ol guddachuusaa eeraniiru. Kunis damee kanaan jijjiirama ilaalchaa guddaa fiduun akka danda'ame agarsiistudha, jedhan De’eetaan Ministirichaa. Sagantaa tola ooltummaa ganna bara 2018 kanaan dameewwan tajaajilaa 14n akkuma eegamanitti ta'anii; keessumattuu Ashaaraa Magariisaa, Ijaarsa nageenyaa, haaromsa manneen maanguddootaa fi harka qal’eeyyii akkasumas ijaarsa dhalootaa irratti xiyyeeffannoo addaatiin akka hojjetamu De’eetaan Ministirichaa hubachiisaniiru
Tarsiimoon misooma magariisaa Itiyoophiyaan damee hundaan guddina saffisiisuun milkaa’ina argamsiisaa jira
Jun 17, 2026 504
Waxabajjii 10/2018 (ENA): Tarsiimoon misooma magariisaa Itiyoophiyaan damee hundaan guddina saffisiisuun milkaa’ina argamsiisaa jira jedhan hoji gaggeessaan olaanaa Koorporeeshinii Misooma Paarkii Industirii Dr. Fissahaa Yittaagasuu. Dhaabbanni Tajaajila Elektirikaa Itiyoophiyaa Korporeeshinii Misooma Paarkii Industirii waliin ta’uun yeroo ammaa buufata chaarjii konkolaataa elektirikii guddaa Zoonii Diinagdee Addaa Qilinxoo keessatti ijaarame eebbisaa jira. Sagantaa kanarratti De’eetaan Ministeera Geejjibaa fi Loojistikii Bara’oo Hasan, hoji gaggeessaan olaanaa dhaabbata elektirikaa Itiyoophiyaa Injinar Geetuu Garramaa fi keessummoonni affeeraman biroon argamaniiru. Hojii gaggeessaan olaanaa Koorporeeshinii Misooma Paarkii Industirii Dr. Fissahaa Yittaagasuu buufanni chaarjii konkolaataa elektirikaa kan yeroo isaa eeggatee fi barbaachisaa ta’uu ibsaniiru. Kunis qaama imaammata diinagdee magariisaa Itiyoophiyaan hordofaa jirtu ta’uu hubachiisaniiru. Daandiin misooma magariisaa Itiyoophiyaa damee hundaan guddina saffisiisuun milkaa’ina argachaa jiraachuus hubachiisaniiru. Kanneen keessaa tokko konkolaattota elektirikaa ta’uu ibsuun, gara fuulduraatti fedhii konkolaattota elektirikaa guutuuf buufataaleen chaarjii babal’achuu akka qaban hubachiisaniiru. Buufatni chaarjii konkolaataa elektirikii har’a eebbifame tarkaanfii yeroo murteessaa ta’etti fudhatamedha jedhan. Kunis faalama qilleensaa kan dhabamsiisu ta’uun cinatti faayidaa olaanaa qaba jedhani. Dhaabbileen kunneen walitti dhufeenya cimaa akka qaban ibsuun; waliin hojjechuu isaaniis itti fufuu isaanii mirkaneessaniiru. #TOI #ENA Afaan Oromoo #
POA English
Pulse Of Africa - English Language
Your news, current affairs and entertainment channel
Join us on
POA Arabic - عربي
Pulse Of Africa - Arabic Language
قناتكم الاخبارية و الترفيهية
Join us on
Siyaasa
.jpg)
Hojiiwwan misooma, nageenyaa fi fedhii biyyaalessaa eegsisuun eegale cimsinee itti fufna - paartilee siyaasaa
Jun 16, 2026 1636
Waxabajjii 9/2018 (ENA) - Miseensonni mana maree waloo paartilee siyaasaa Naannoo Hararii hojiiwwan misooma biyyaa, nageenyaa fi fedhii biyyaalessaa eegsisuu cimsanii akka itti fufan beeksisan. Haalaa bu'ura seeraa Mana Maree Waloo Paartilee Siyaasaa Itiyoophiyaa itti hundaa'een, dhimmoota gurguddoo biyyaalessaa fi naannoo irratti garaagarummaa jiru mariidhaan furuun, ajandaawwan waloo irratti waliin hojjechuun ijaarsa sirna dimokiraasii ta’ee fudhatama. Haaluma wal fakkaatuun Manni Maree Waloo Paartilee Siyaasaa Naannoo Harariis dhimma misoomaa, nageenyaa fi fedhii biyyaalessaa irratti ejjennoo waloo calaqqisiisuunsaa, naannichatti aadaa siyaasaa fayyaalessaa fi walitti dhihaatu guddisuuf carraaqqii taasifamaa jiruuf agarsiistuu dha. Miseensota mana maree waloo keessaa bakka bu'aan Dhaabbata Dimookraasii Hararii (HADIID) Obbo Huseen Suleeymaan akka jedhanitti; paartilee gidduu garaagarummaan ilaalchaa yoo jiraates, misooma biyyaa fi naannoo akkasumas nageenyaaf hojiiwwan bifa tumsaatiin raawwatamaa jiran cimsanii akka ittifufan ibsaniiru. Keessattuu, carraaqqii gaaffiin Ulaa galaanaa Itiyoophiyaa deebii sirrii akka argatuuf tattaaffii taassifamuu fi pirojektoota gurguddoo biyyaalessaa biroo irratti ejjennoo wal fakkaataa kan qaban ta'uu isaanii Obbo Huseen cimsanii ibsaniiru. Humnoota nageenya biyyaa booressuu fi fedhii biyyaalessaa dhabsiisuuf gurmaa'anii socho'an paartiin isaanii dammaqinnaan hordofaa akka jiru kan eeran Obbo Huseen; humnoota kanneen ummata waliin ta'uun kutannoodhaan akka irratti qabsaa’an beeksisaniiru. Walitti qabaan Mana maree waloo paartilee siyaasaa naannoo Hararii fi bakka bu'aan Paartii tokkummaa biyyaalessaa Itiyoophiyaa Hasannat Mummee gama isaaniitiin paartiin isaanii misooma, nageenyaa fi fedhii biyyaalessaa Itiyoophiyaa dursa kan kennuu fi gochawwan biyya diiganirratti kan qabsa’anidha. Nagaya fi misooma waaraa biyyaatiif garaagarummaa malee qindoominaan ni hojjanna, kan jedhan Aadde Hasanat, keessattuu hojii humnoota finxaaleyyii kan biyyaaf yaaddoo ta'an manni marichi dammaqinnaan hordofaa fi ejjennootiin kan qabsaoo ta'uusaanii dubbataniiru. Naannichatti paartilee dorgomtoota socho'an waliin walitti dhufuun fi mari'achuun misooma waaraa, nageenyaa fi guddina hunda galeessa naannichaa irratti paartiin isaanii qindoominaan hojjechaa jira kan jedhan immoo miseensa mana maree waloo fi bakka bu'aa EZEMA Maatileet Zawuduu ti. Humnoonni biyya jeequu fi fedhii biyyaalessaa dhabsiisuuf yaalan taateewwan darbe irraa kan hin barannee fi uummataaf kan hin yaadne ta'uu eeruun gocha kana irraa akka of qusatanii fi mariin walitti dhihaatanii dantaa uummataa mirkaneessuuf waliin hojjechuun akka irra jiru dubbataniiru. Naannichatti yeroo kamiyyuu caalaa dameewwan misoomaa adda addaa fi hojiiwwan dantaa biyyaa kabachiisan irratti garaagarummaa siyaasaa dhiisuun waliin hojjetamaa jira kan jedhan immoo, Paartii Badhaadhinaa Damee Naannoo Hararitti Daarektara Ijaarsa Aadaa Dimokiraasii Obbo Hasan Abdiiti. Misoomaa fi nageenya naannichaa mirkaneessuun biyyattii gara fuulduraatti tarkaanfachiisuuf hojii eegalame cimsanii akka itti fufanis dabalanii ibsaniiru.
Naannoo Oromiyaatti hidhattoonni duraanii karaa nagaatti deebi’an ajandaasaanii komishinii marii biyyaalessaa Itiyoophiyaaf kennan
Jun 16, 2026 751
Waxabajjii 9/2018 (ENA)- Naannoo Oromiyaatti hidhattoonni duraanii karaa nagaatti deebi’an ajandaasaanii komishinii marii biyyaalessaa Itiyoophiyaaf kennan. Hidhattoonni naannoo Oromiyaatti karaa nagaatti deebi’an waltajjii yaa’ii marii biyyaalessaa ajandaa walitti qabuu fi hirmaattota fo’achuu guyyoota lamaaf magaalaa Adaamaatti gaggeessaniiru. Hidhattonni duraanii hedduun karaa nagaatti deebi’an waltajjii ajandaa walitti qabuurratti argamaniiru. Hidhattoonni duraanii itti aantuu komishinata muummee marii biyyaalessaa Itiyoophiyaa Hiirut G/Sillaaseef ajandaasaanii kennaniiru.
.jpg)
Itiyoophiyaan tekinoolojiidhaan deeggaramtee filannoo nagaa fi milkaa'aa Afriikaaf fakkeenya ta'u gaggeessuun ishee kan dinqisiifatamu dha
Jun 15, 2026 2034
Waxabajjii 8/2018 (ENA)- Itiyoophiyaan tekinoolojiidhaan deeggaramtee filannoo nagaa fi milkaa'aa Afriikaaf fakkeenya ta'u gaggeessuun ishee kan dinqisiifatamu ta'uu Itiyoophiyaatti Ambaasaddarri Hindii Aniil Kumar Rayi ibsan. Itiyoophiyaan caamsaa 24 bara 2018 filannoo walii galaa dhabileen Ardii fi Riijinii kanneen akka Gamtaa Afriikaa (AU) fi IGAD taajjabdoota filannoo bobbaasuun filannoo walabaa fi dimokiraatawaa ta'uu isaa mirkaneessan gaggeessuun ishee ni yaadatama. Tajjabdoonni biyya keessaas filannoo kanaan keessatti kan hirmaatan yoo ta'u, mana maree Dhaabbilee Hawaasa Siivilii Itiyoophiyaa dhaabbilee 55 of keessatti qabatu, filannoon walii galaa 7ffaan hirmaachisaa, walabaa fi dimokiraatawaa ta'uu isaa taajjabuusaanii ibseera. Boordiin Filannoo biyyaalessa Itiyoophiyaa, dhaabbileen nageenyaa, haqaa fi dimookiraasii filannichi loogiirraa bilisaa fi dandeettii dhaabbataan/gahumsa/ akka gaggeeffamu gochuu isaanii taajjabuu mirkaneessaniiru. Itiyoophiyaatti Ambaasaddarri Hindii Aniil Kumar Rayi ENA waliin turtii taasisaniin, Ummatni fi Mootummaan Itiyoophiyaa filannoo guutuu milkaa'aa ta'e gaggeessuu isaanii ibsaniiru. Ministirri Muummeen Dr. Abiyyi Ahimad filannoon dura filannoo hirmaachisaa ta'e gaggeessuuf haala waadaa galaniin, mootummaan dimokiraasummaa filannichaaf qophii duraa irraa kaasee haala mijeessuusaa dinqisiifataniiru. Filannicha Itiyoophiyaanonni hedduun sagalee isaanii kan kennan, hirmaannaa ho’aan dubartootaa fi dargaggootaa kan itti mul'ate ta’uu ibsaniiru. Dhaabbileen akka Gamtaa Afriikaa fi IGAD taajjabdoota filannoo bobbaasuun filannichi nageenyaa fi haqa qabeessa ta'uu mirkaneessuun isaanii dimokiraatawaa ta'uu isaa kan agarsiisu ta’uu raajeffachuun ibsaniiru. Itiyoophiyaan galmee kaadhimamtootaa fi filattootaa irraa kaasee teknoolojiidhaan deeggaramee, filannoo walaba, nagayaafi dimokiraatawaa Afriikaaf fakkeenya ta'u gaggeessuu dandeeyseettijedhaniiru. Dhumarratti Ambaasaddarichi , dhimmi Afriikaa Afriikaanotaan furamuu qaba, jechuun kanaafis, filannoo Itiyoophiyaa keessatti taajjabdoonni Gamtaa Afriikaa fi IGAD bobba'uun isaanii agarsiiftuu ta’uu ibsaniiru.
Garaagarummaa fi gaaffii qaban karaa nagaa dhiyeessuun agarsiiftuu qaroominaati dha- Koomishinara Olaanaa Piroofeesar Masfin Ara’ayaa
Jun 15, 2026 1807
Waxabajjii 8/2018 (ENA): Garaagarummaa fi gaaffii qaban karaa nagaa dhiyeessuun agarsiiftuu ogummaa qaroominaati jedhan Komishinarri Olaanaan Komishinii Marii Biyyaalessaa Itiyoophiyaa Piroofeesar Masfin Ara’ayaa. Komishiniin Marii Biyyaalessaa Itiyoophiyaa hidhattoota duraanii Mootummaa Naannoo Oromiyaa keessatti hidhatanii booda karaa nagaa hawaasatti makaman waliin marii Adaamaatti gaggeessaa jira. Haasaa baniinsaa isaanii keessatti Komishinarri Olaanaan Komishinichaa Piroofeesar Masfin Ara’ayaa hidhattoonni duraanii nagaaf dursa kennuu fi daandii nagaa filachuun deebi’uu murteessuu isaanii galateeffataniiru. Garaagarummaa fi gaaffii qaban karaa nagaa dhiyeessuun qaroomina ogummaa kan mul’isu ta’uu ibsuun, waliigaltee biyyaalessaa waaraa biyyattii keessatti uumuuf filannoo karaa nagaa ta’uu ibsaniiru. Komishinichi konfiraansii marii biyyaalessaa isa guddaa Adoolessa 8, 2018 irraa eegalee akka gaggeessu beeksiseera. Kanaafis konfiraansii marii biyyaalessaa guddichi akka gaggeeffamuuf adeemsa marii hirmaachisaa fi hunda hammatee ajandaa uumuu fi marii hirmaachisaa marsaa adda addaatiin raawwachuun isaa ni beekama. #ENA_Afaan_Oromoo #ENA
.jpg)
Komishiniin Marii Biyyaalessaa Itiyoophiyaa Hirmaannaa Marichaaf Waamicha Dhiyeesse
Jun 15, 2026 1350
Waxabajjii 8/2018 (ENA): Komishiniin Marii Biyyaalessaa Itiyoophiyaa konfiraansii marii xumuraa Adoolessa 8/ 2018 irraa eegalee kan gaggeeffamuuf lammiileen biyyattii hundi akka isa cinaa dhaabbatuuf waamicha dhiyeesse. Seenaa biyya keenyaa keessatti yeroo jalqabaatiif komishinichi dhimmoota Itiyoophiyota guutuu Itiyoophiyaa fi biyya alaa jiran dhimmoota wal dhabsiisu irraa walitti qabuun, walii galtee waaraarra gahuuf yaada galtee walitti qabaa turuun isaa ni yaadatama. Ajandaawwan kanneen irratti yaada sadarkaa biyyaatti kan qopheessu Yaa’iin Marii Biyyaalessaas Adoolessa 8, 2018 irraa eegalee Finfinneetti konfiraansii marii biyyaalessaa gaggeessuuf qophii xumureera. Kanaaf komishinichi lammiileen Itiyoophiyaa hundi taatee seena qabeessa kana deeggaruun itti gaafatamummaa biyyaalessaa akka bahatan waamicha dhiyeesseera. Komishinichi bakka bu’oonni hawaasaa fi qooda fudhattoonni filataman walgahii milkaa’aa fi bu’a qabeessa ta’e mirkaneessuuf qophii barbaachisu hunda akka taasisanis dhaameera. #ENA_Afaan_Oromoo #ENA
Manni Maree Waloo Paartilee Siyaasaa Milkaa'ina Marii Biyyaalessaatiif Deeggarsa taasisu cimsee itti fufa
Jun 12, 2026 4188
Waxabajjii 5/2018 (ENA): Manni Maree waloo Paartilee Siyaasaa Itiyoophiyaa keessatti waliigaltee biyyaalessaa nageenyi isaa mirkanaa’e fi sirna dimokiraasii cimaa ijaaruuf murteessaa ta’e, milkaa’ina isaaf deeggarsa taasisu cimsee itti fufa jedhan walitti qabaan Mana Marichaa obbo Salamoon Ayyalaa. Komishiniin marii biyyaalessaa Itiyoophiyaa dhaabbata walabaa Labsii Lakk. 1265/2014’n kan hundaa’e yoo ta’u, nageenya waaraa biyyattii keessatti buusuuf hojjechaa jira. Hanga ammaatti aanaa irraa eegalee hawaasa guutuu, paartilee siyaasaa, waldaalee siivikii, hayyootaa fi qooda fudhattoota hunda hirmaachisuun hojii ijaarsa ajandaa bal’aa raawwateera. Dhaabbatichi yeroo ammaa kana ajandaawwan qindaa’an kanaan gara marsaa barbaachisaa itti aanutti ce’uuf, yeroo dhiyootti konfiraansii biyyaalessaa guddicha gaggeessuuf qophii xumuraa isaa xumuree jira. Walitti qabaan Mana Maree waloo Paartilee Siyaasaa Itiyoophiyaa obbo Solomoon Ayyalaa marii biyyaalessaa eegalame waliigaltee biyyaalessaa uumuu fi misooma mirkaneessuu keessatti gahee addaa qaba jedhan. Biyyattiin gufuuwwan jaarraa hedduuf turan irraa gara misoomaa marsaa haaraatti ce’uuf mariin biyyaalessaa murteessaa ta’uu hubachiisuun, kanaaf filannoo guddaa fi amanamaa ta’uu akeekaniiru. Manni Maree Waliinii adeemsa marii kanarratti dammaqinaan hirmaachuu bira darbee ajandaawwan biyyaalessaa paartilee siyaasaa irraa walitti qabaman marsaa lamatti Komishinii Marii Biyyaalessaa Itiyoophiyaaf dhiyeessuu isaa himaniiru. Rakkooleen yeroo dheeraaf Itiyoophiyaanota gidduutti waliigaltee dhabuu uume, konfiraansii marii biyyaalessaa guddicha, kan yeroo dhiyootti ni gaggeeffama jedhamee eegamu irratti, dhaabbataadhaan akka furamu amantaa guutuu akka qabanis ibsaniiru. Filannoo waliigalaa bara 2018 fi milkaa’ina marii biyyaalessaa hordofuun Manni Maree Waloo Paartilee Siyaasaa karoora addaatiin hundeeffamuu isaa kan ibsan obbo Salamoon, komishinichi itti gaafatamummaa guddaadhaan sadarkaa kanarra ga’uu isaatiif dinqisiifannaa qaban ibsaniiru. Paartileen walitti dhufeenya hojii dhiyeenyaa fi itti gaafatamummaa biyyaalessaa komishinicha waliin qaban cimsanii akka itti fufan kan akeekan yoo ta’u, yeroo murteessaa kanatti hubannoo waloo bu’uura kaa’uuf carraa ta’uu hubachiisaniiru. Akkasumas, Manni Maree Waloo adeemsa biyyaalessaa seena qabeessaa fi abdachiisaa ta’e kana dammaqinaan deeggaruun, biyyattiin siyaasa hirmaachisaa hin taane hudhee biyya qabaa kan ture irraa gara marsaa haaraa tasgabbii fi ijaarsa sirna dimokiraasiitti akka ceetuuf gumaacha taasisa jedhan. #ENA_Afaan_Oromoo #TOI #ENA
.jpg)
Pirezidaanti Taayye Atsqasillaasee Ambaasaddaroota biyyoota lamaan yeroo hojii isaanii xumuran gaggeessan
Jun 10, 2026 5112
Waxabajjii 3/2018 (ENA)- Pirezidantiin Riippabilika Dimookiraatawaa Federaala Itiyoophiyaa Taayye Atsqasillaasee, ambaasaddara Luksembargi Itiyoophiyaa turan ZyaanKiraawuzarii fi ambaasaddora Emireetota Araba Gamtoomanii Mohaammad Saaleem Alraashiidii hojii isaanii xumuran gaggeessaniiru. Hariiroon dippilomaasii firii qabeessaa fi milkaa'aan biyyoota kanneen gidduu jiru cimee akka ittifufu ibsameera. Ambaasaddarri Luksembargi Itiyoophiyaatti turan ZyaanKiraawuzari yaada isaanii ENA’f kennan, yeroo turtiisaaniitti hojiiwwan tumsa dippilomaasii biyyoota lamaanii cimsan hojjechuusaanii dubbataniiru. Hojiiwwan tumsa dinagdee Itiyoophiyaa fi Luksembarg gara sadarkaa olaanaatti ceesisuuf hojjetamanis milkaa'aa akka turan kaasaniiru. Kanaanis, sagantaa leenjii dandeettii ogummaawwan faayinaansii fi dinagdee gabbisu qopheessuun, biyyoota lamaan gidduutti wal-jijjiiraan muuxannoo bu'a qabeessi taasifamuu isaa ibsaniiru. Michummaan cimaan biyyoota lamaanii gara fuulduraattis dameewwan tumsa dinagdee magariisaa fi misooma faayinaansiitiin cimee akka ittifufu amantaa qaban ibsaniiru. Fooyya'iinsi dinagdee gooroo Itiyoophiyaa xiyyeeffannoo kaampaaniwwan Luksembargi hawwachuun abdii guddaa kan kennu ta'uus dubbataniiru. Kaampaaniiwwan Luksembargis adeemsa jijjiirama carraawwan gabaa fi invesitimentii Itiyoophiyaa ilaaluun hirmaannaa isaanii akka guddisan dhaamsa dabarsaniiru.
.jpg)
Manni maree bakka bu’oota ummataa boru wal gahii idilee ni gaggeessa
Jun 10, 2026 4003
Waxabajjii 3/2018 (ENA)-Manni maree bakka bu’oota ummataa 6ffaa bara hojii wagga shanaffaa walgahii idilee 25ffaa akka gaggeessu beeksise. Wal gahii kanaanis, ibsa bajataa wixinee bajataa bara bajataa 2019 ilaalchisuun ministirri maallaqaa Ahimad Shidee dhiheessan irratti ni mari’ata. Marii Kanaan boodas labsii wixinee bajataa koree dhaabbataa dhimmoota pilaanii, bajataa fi fayinaansiif akka qajeelchu ni eegama jedhamuusaa odeeffannoon mana marichaa ni mul’isa.
Siyaasa
Hojiiwwan misooma, nageenyaa fi fedhii biyyaalessaa eegsisuun eegale cimsinee itti fufna - paartilee siyaasaa
Jun 16, 2026 1636
Waxabajjii 9/2018 (ENA) - Miseensonni mana maree waloo paartilee siyaasaa Naannoo Hararii hojiiwwan misooma biyyaa, nageenyaa fi fedhii biyyaalessaa eegsisuu cimsanii akka itti fufan beeksisan. Haalaa bu'ura seeraa Mana Maree Waloo Paartilee Siyaasaa Itiyoophiyaa itti hundaa'een, dhimmoota gurguddoo biyyaalessaa fi naannoo irratti garaagarummaa jiru mariidhaan furuun, ajandaawwan waloo irratti waliin hojjechuun ijaarsa sirna dimokiraasii ta’ee fudhatama. Haaluma wal fakkaatuun Manni Maree Waloo Paartilee Siyaasaa Naannoo Harariis dhimma misoomaa, nageenyaa fi fedhii biyyaalessaa irratti ejjennoo waloo calaqqisiisuunsaa, naannichatti aadaa siyaasaa fayyaalessaa fi walitti dhihaatu guddisuuf carraaqqii taasifamaa jiruuf agarsiistuu dha. Miseensota mana maree waloo keessaa bakka bu'aan Dhaabbata Dimookraasii Hararii (HADIID) Obbo Huseen Suleeymaan akka jedhanitti; paartilee gidduu garaagarummaan ilaalchaa yoo jiraates, misooma biyyaa fi naannoo akkasumas nageenyaaf hojiiwwan bifa tumsaatiin raawwatamaa jiran cimsanii akka ittifufan ibsaniiru. Keessattuu, carraaqqii gaaffiin Ulaa galaanaa Itiyoophiyaa deebii sirrii akka argatuuf tattaaffii taassifamuu fi pirojektoota gurguddoo biyyaalessaa biroo irratti ejjennoo wal fakkaataa kan qaban ta'uu isaanii Obbo Huseen cimsanii ibsaniiru. Humnoota nageenya biyyaa booressuu fi fedhii biyyaalessaa dhabsiisuuf gurmaa'anii socho'an paartiin isaanii dammaqinnaan hordofaa akka jiru kan eeran Obbo Huseen; humnoota kanneen ummata waliin ta'uun kutannoodhaan akka irratti qabsaa’an beeksisaniiru. Walitti qabaan Mana maree waloo paartilee siyaasaa naannoo Hararii fi bakka bu'aan Paartii tokkummaa biyyaalessaa Itiyoophiyaa Hasannat Mummee gama isaaniitiin paartiin isaanii misooma, nageenyaa fi fedhii biyyaalessaa Itiyoophiyaa dursa kan kennuu fi gochawwan biyya diiganirratti kan qabsa’anidha. Nagaya fi misooma waaraa biyyaatiif garaagarummaa malee qindoominaan ni hojjanna, kan jedhan Aadde Hasanat, keessattuu hojii humnoota finxaaleyyii kan biyyaaf yaaddoo ta'an manni marichi dammaqinnaan hordofaa fi ejjennootiin kan qabsaoo ta'uusaanii dubbataniiru. Naannichatti paartilee dorgomtoota socho'an waliin walitti dhufuun fi mari'achuun misooma waaraa, nageenyaa fi guddina hunda galeessa naannichaa irratti paartiin isaanii qindoominaan hojjechaa jira kan jedhan immoo miseensa mana maree waloo fi bakka bu'aa EZEMA Maatileet Zawuduu ti. Humnoonni biyya jeequu fi fedhii biyyaalessaa dhabsiisuuf yaalan taateewwan darbe irraa kan hin barannee fi uummataaf kan hin yaadne ta'uu eeruun gocha kana irraa akka of qusatanii fi mariin walitti dhihaatanii dantaa uummataa mirkaneessuuf waliin hojjechuun akka irra jiru dubbataniiru. Naannichatti yeroo kamiyyuu caalaa dameewwan misoomaa adda addaa fi hojiiwwan dantaa biyyaa kabachiisan irratti garaagarummaa siyaasaa dhiisuun waliin hojjetamaa jira kan jedhan immoo, Paartii Badhaadhinaa Damee Naannoo Hararitti Daarektara Ijaarsa Aadaa Dimokiraasii Obbo Hasan Abdiiti. Misoomaa fi nageenya naannichaa mirkaneessuun biyyattii gara fuulduraatti tarkaanfachiisuuf hojii eegalame cimsanii akka itti fufanis dabalanii ibsaniiru.
Naannoo Oromiyaatti hidhattoonni duraanii karaa nagaatti deebi’an ajandaasaanii komishinii marii biyyaalessaa Itiyoophiyaaf kennan
Jun 16, 2026 751
Waxabajjii 9/2018 (ENA)- Naannoo Oromiyaatti hidhattoonni duraanii karaa nagaatti deebi’an ajandaasaanii komishinii marii biyyaalessaa Itiyoophiyaaf kennan. Hidhattoonni naannoo Oromiyaatti karaa nagaatti deebi’an waltajjii yaa’ii marii biyyaalessaa ajandaa walitti qabuu fi hirmaattota fo’achuu guyyoota lamaaf magaalaa Adaamaatti gaggeessaniiru. Hidhattonni duraanii hedduun karaa nagaatti deebi’an waltajjii ajandaa walitti qabuurratti argamaniiru. Hidhattoonni duraanii itti aantuu komishinata muummee marii biyyaalessaa Itiyoophiyaa Hiirut G/Sillaaseef ajandaasaanii kennaniiru.
Itiyoophiyaan tekinoolojiidhaan deeggaramtee filannoo nagaa fi milkaa'aa Afriikaaf fakkeenya ta'u gaggeessuun ishee kan dinqisiifatamu dha
Jun 15, 2026 2034
Waxabajjii 8/2018 (ENA)- Itiyoophiyaan tekinoolojiidhaan deeggaramtee filannoo nagaa fi milkaa'aa Afriikaaf fakkeenya ta'u gaggeessuun ishee kan dinqisiifatamu ta'uu Itiyoophiyaatti Ambaasaddarri Hindii Aniil Kumar Rayi ibsan. Itiyoophiyaan caamsaa 24 bara 2018 filannoo walii galaa dhabileen Ardii fi Riijinii kanneen akka Gamtaa Afriikaa (AU) fi IGAD taajjabdoota filannoo bobbaasuun filannoo walabaa fi dimokiraatawaa ta'uu isaa mirkaneessan gaggeessuun ishee ni yaadatama. Tajjabdoonni biyya keessaas filannoo kanaan keessatti kan hirmaatan yoo ta'u, mana maree Dhaabbilee Hawaasa Siivilii Itiyoophiyaa dhaabbilee 55 of keessatti qabatu, filannoon walii galaa 7ffaan hirmaachisaa, walabaa fi dimokiraatawaa ta'uu isaa taajjabuusaanii ibseera. Boordiin Filannoo biyyaalessa Itiyoophiyaa, dhaabbileen nageenyaa, haqaa fi dimookiraasii filannichi loogiirraa bilisaa fi dandeettii dhaabbataan/gahumsa/ akka gaggeeffamu gochuu isaanii taajjabuu mirkaneessaniiru. Itiyoophiyaatti Ambaasaddarri Hindii Aniil Kumar Rayi ENA waliin turtii taasisaniin, Ummatni fi Mootummaan Itiyoophiyaa filannoo guutuu milkaa'aa ta'e gaggeessuu isaanii ibsaniiru. Ministirri Muummeen Dr. Abiyyi Ahimad filannoon dura filannoo hirmaachisaa ta'e gaggeessuuf haala waadaa galaniin, mootummaan dimokiraasummaa filannichaaf qophii duraa irraa kaasee haala mijeessuusaa dinqisiifataniiru. Filannicha Itiyoophiyaanonni hedduun sagalee isaanii kan kennan, hirmaannaa ho’aan dubartootaa fi dargaggootaa kan itti mul'ate ta’uu ibsaniiru. Dhaabbileen akka Gamtaa Afriikaa fi IGAD taajjabdoota filannoo bobbaasuun filannichi nageenyaa fi haqa qabeessa ta'uu mirkaneessuun isaanii dimokiraatawaa ta'uu isaa kan agarsiisu ta’uu raajeffachuun ibsaniiru. Itiyoophiyaan galmee kaadhimamtootaa fi filattootaa irraa kaasee teknoolojiidhaan deeggaramee, filannoo walaba, nagayaafi dimokiraatawaa Afriikaaf fakkeenya ta'u gaggeessuu dandeeyseettijedhaniiru. Dhumarratti Ambaasaddarichi , dhimmi Afriikaa Afriikaanotaan furamuu qaba, jechuun kanaafis, filannoo Itiyoophiyaa keessatti taajjabdoonni Gamtaa Afriikaa fi IGAD bobba'uun isaanii agarsiiftuu ta’uu ibsaniiru.
Garaagarummaa fi gaaffii qaban karaa nagaa dhiyeessuun agarsiiftuu qaroominaati dha- Koomishinara Olaanaa Piroofeesar Masfin Ara’ayaa
Jun 15, 2026 1807
Waxabajjii 8/2018 (ENA): Garaagarummaa fi gaaffii qaban karaa nagaa dhiyeessuun agarsiiftuu ogummaa qaroominaati jedhan Komishinarri Olaanaan Komishinii Marii Biyyaalessaa Itiyoophiyaa Piroofeesar Masfin Ara’ayaa. Komishiniin Marii Biyyaalessaa Itiyoophiyaa hidhattoota duraanii Mootummaa Naannoo Oromiyaa keessatti hidhatanii booda karaa nagaa hawaasatti makaman waliin marii Adaamaatti gaggeessaa jira. Haasaa baniinsaa isaanii keessatti Komishinarri Olaanaan Komishinichaa Piroofeesar Masfin Ara’ayaa hidhattoonni duraanii nagaaf dursa kennuu fi daandii nagaa filachuun deebi’uu murteessuu isaanii galateeffataniiru. Garaagarummaa fi gaaffii qaban karaa nagaa dhiyeessuun qaroomina ogummaa kan mul’isu ta’uu ibsuun, waliigaltee biyyaalessaa waaraa biyyattii keessatti uumuuf filannoo karaa nagaa ta’uu ibsaniiru. Komishinichi konfiraansii marii biyyaalessaa isa guddaa Adoolessa 8, 2018 irraa eegalee akka gaggeessu beeksiseera. Kanaafis konfiraansii marii biyyaalessaa guddichi akka gaggeeffamuuf adeemsa marii hirmaachisaa fi hunda hammatee ajandaa uumuu fi marii hirmaachisaa marsaa adda addaatiin raawwachuun isaa ni beekama. #ENA_Afaan_Oromoo #ENA
Komishiniin Marii Biyyaalessaa Itiyoophiyaa Hirmaannaa Marichaaf Waamicha Dhiyeesse
Jun 15, 2026 1350
Waxabajjii 8/2018 (ENA): Komishiniin Marii Biyyaalessaa Itiyoophiyaa konfiraansii marii xumuraa Adoolessa 8/ 2018 irraa eegalee kan gaggeeffamuuf lammiileen biyyattii hundi akka isa cinaa dhaabbatuuf waamicha dhiyeesse. Seenaa biyya keenyaa keessatti yeroo jalqabaatiif komishinichi dhimmoota Itiyoophiyota guutuu Itiyoophiyaa fi biyya alaa jiran dhimmoota wal dhabsiisu irraa walitti qabuun, walii galtee waaraarra gahuuf yaada galtee walitti qabaa turuun isaa ni yaadatama. Ajandaawwan kanneen irratti yaada sadarkaa biyyaatti kan qopheessu Yaa’iin Marii Biyyaalessaas Adoolessa 8, 2018 irraa eegalee Finfinneetti konfiraansii marii biyyaalessaa gaggeessuuf qophii xumureera. Kanaaf komishinichi lammiileen Itiyoophiyaa hundi taatee seena qabeessa kana deeggaruun itti gaafatamummaa biyyaalessaa akka bahatan waamicha dhiyeesseera. Komishinichi bakka bu’oonni hawaasaa fi qooda fudhattoonni filataman walgahii milkaa’aa fi bu’a qabeessa ta’e mirkaneessuuf qophii barbaachisu hunda akka taasisanis dhaameera. #ENA_Afaan_Oromoo #ENA
Manni Maree Waloo Paartilee Siyaasaa Milkaa'ina Marii Biyyaalessaatiif Deeggarsa taasisu cimsee itti fufa
Jun 12, 2026 4188
Waxabajjii 5/2018 (ENA): Manni Maree waloo Paartilee Siyaasaa Itiyoophiyaa keessatti waliigaltee biyyaalessaa nageenyi isaa mirkanaa’e fi sirna dimokiraasii cimaa ijaaruuf murteessaa ta’e, milkaa’ina isaaf deeggarsa taasisu cimsee itti fufa jedhan walitti qabaan Mana Marichaa obbo Salamoon Ayyalaa. Komishiniin marii biyyaalessaa Itiyoophiyaa dhaabbata walabaa Labsii Lakk. 1265/2014’n kan hundaa’e yoo ta’u, nageenya waaraa biyyattii keessatti buusuuf hojjechaa jira. Hanga ammaatti aanaa irraa eegalee hawaasa guutuu, paartilee siyaasaa, waldaalee siivikii, hayyootaa fi qooda fudhattoota hunda hirmaachisuun hojii ijaarsa ajandaa bal’aa raawwateera. Dhaabbatichi yeroo ammaa kana ajandaawwan qindaa’an kanaan gara marsaa barbaachisaa itti aanutti ce’uuf, yeroo dhiyootti konfiraansii biyyaalessaa guddicha gaggeessuuf qophii xumuraa isaa xumuree jira. Walitti qabaan Mana Maree waloo Paartilee Siyaasaa Itiyoophiyaa obbo Solomoon Ayyalaa marii biyyaalessaa eegalame waliigaltee biyyaalessaa uumuu fi misooma mirkaneessuu keessatti gahee addaa qaba jedhan. Biyyattiin gufuuwwan jaarraa hedduuf turan irraa gara misoomaa marsaa haaraatti ce’uuf mariin biyyaalessaa murteessaa ta’uu hubachiisuun, kanaaf filannoo guddaa fi amanamaa ta’uu akeekaniiru. Manni Maree Waliinii adeemsa marii kanarratti dammaqinaan hirmaachuu bira darbee ajandaawwan biyyaalessaa paartilee siyaasaa irraa walitti qabaman marsaa lamatti Komishinii Marii Biyyaalessaa Itiyoophiyaaf dhiyeessuu isaa himaniiru. Rakkooleen yeroo dheeraaf Itiyoophiyaanota gidduutti waliigaltee dhabuu uume, konfiraansii marii biyyaalessaa guddicha, kan yeroo dhiyootti ni gaggeeffama jedhamee eegamu irratti, dhaabbataadhaan akka furamu amantaa guutuu akka qabanis ibsaniiru. Filannoo waliigalaa bara 2018 fi milkaa’ina marii biyyaalessaa hordofuun Manni Maree Waloo Paartilee Siyaasaa karoora addaatiin hundeeffamuu isaa kan ibsan obbo Salamoon, komishinichi itti gaafatamummaa guddaadhaan sadarkaa kanarra ga’uu isaatiif dinqisiifannaa qaban ibsaniiru. Paartileen walitti dhufeenya hojii dhiyeenyaa fi itti gaafatamummaa biyyaalessaa komishinicha waliin qaban cimsanii akka itti fufan kan akeekan yoo ta’u, yeroo murteessaa kanatti hubannoo waloo bu’uura kaa’uuf carraa ta’uu hubachiisaniiru. Akkasumas, Manni Maree Waloo adeemsa biyyaalessaa seena qabeessaa fi abdachiisaa ta’e kana dammaqinaan deeggaruun, biyyattiin siyaasa hirmaachisaa hin taane hudhee biyya qabaa kan ture irraa gara marsaa haaraa tasgabbii fi ijaarsa sirna dimokiraasiitti akka ceetuuf gumaacha taasisa jedhan. #ENA_Afaan_Oromoo #TOI #ENA
Pirezidaanti Taayye Atsqasillaasee Ambaasaddaroota biyyoota lamaan yeroo hojii isaanii xumuran gaggeessan
Jun 10, 2026 5112
Waxabajjii 3/2018 (ENA)- Pirezidantiin Riippabilika Dimookiraatawaa Federaala Itiyoophiyaa Taayye Atsqasillaasee, ambaasaddara Luksembargi Itiyoophiyaa turan ZyaanKiraawuzarii fi ambaasaddora Emireetota Araba Gamtoomanii Mohaammad Saaleem Alraashiidii hojii isaanii xumuran gaggeessaniiru. Hariiroon dippilomaasii firii qabeessaa fi milkaa'aan biyyoota kanneen gidduu jiru cimee akka ittifufu ibsameera. Ambaasaddarri Luksembargi Itiyoophiyaatti turan ZyaanKiraawuzari yaada isaanii ENA’f kennan, yeroo turtiisaaniitti hojiiwwan tumsa dippilomaasii biyyoota lamaanii cimsan hojjechuusaanii dubbataniiru. Hojiiwwan tumsa dinagdee Itiyoophiyaa fi Luksembarg gara sadarkaa olaanaatti ceesisuuf hojjetamanis milkaa'aa akka turan kaasaniiru. Kanaanis, sagantaa leenjii dandeettii ogummaawwan faayinaansii fi dinagdee gabbisu qopheessuun, biyyoota lamaan gidduutti wal-jijjiiraan muuxannoo bu'a qabeessi taasifamuu isaa ibsaniiru. Michummaan cimaan biyyoota lamaanii gara fuulduraattis dameewwan tumsa dinagdee magariisaa fi misooma faayinaansiitiin cimee akka ittifufu amantaa qaban ibsaniiru. Fooyya'iinsi dinagdee gooroo Itiyoophiyaa xiyyeeffannoo kaampaaniwwan Luksembargi hawwachuun abdii guddaa kan kennu ta'uus dubbataniiru. Kaampaaniiwwan Luksembargis adeemsa jijjiirama carraawwan gabaa fi invesitimentii Itiyoophiyaa ilaaluun hirmaannaa isaanii akka guddisan dhaamsa dabarsaniiru.
Manni maree bakka bu’oota ummataa boru wal gahii idilee ni gaggeessa
Jun 10, 2026 4003
Waxabajjii 3/2018 (ENA)-Manni maree bakka bu’oota ummataa 6ffaa bara hojii wagga shanaffaa walgahii idilee 25ffaa akka gaggeessu beeksise. Wal gahii kanaanis, ibsa bajataa wixinee bajataa bara bajataa 2019 ilaalchisuun ministirri maallaqaa Ahimad Shidee dhiheessan irratti ni mari’ata. Marii Kanaan boodas labsii wixinee bajataa koree dhaabbataa dhimmoota pilaanii, bajataa fi fayinaansiif akka qajeelchu ni eegama jedhamuusaa odeeffannoon mana marichaa ni mul’isa.
Hawaasummaa
Sagantaan tola ooltummaa gannaa dargaggoonni misooma biyyaa keessatti qoodasaanii akka bahan taasisaa jira
Jun 17, 2026 457
Waxabajjii10/2018 (ENA)- Sagantaan tola ooltummaa gannaa dargaggoonni misooma biyyaa fi guddina fulla’aa keessatti shoora isaanii akka ba’an taasisuu keessatti gumaacha guddaa taasisasaa akka jiru Ministeerri Dubartootaa fi Dhimma Hawaasummaa beeksise. Sagantaan tola ooltummaa gannaa bara 2018 kanaas dandeettii walitti ida’ameen raawwachuuf qophiin barbaachisaan taasifamuu isaa ibsaniiru. Sagantaan tajaajila tola ooltummaa gannaa waltajjii guddaa dargaggoota miliyoonaan lakkaa'aman hirmaachisuun, hojiiwwan faayidaa hawaasummaa fi diinagdee qaban hedduu kan itti raawwatamanidha. Sagantichi keessumattuu yeroo gannaa manneen barnootaa cufaa ta'anitti, dargaggoonni yeroo, beekumsa fi humna isaanii hojiiwwan biyyaaf fayyadan irratti akka oolchan gochuuf kaayyoo kan godhatedha. Sochii biyyaalessaa waggoottan darban biyya keenya keessatti hojiirra oolaa jiru kanaan, dargaggoonni dameewwan tajaajilaa waliigala 14 irratti tajaajila kennaa jiru. Hojiiwwan kanneen akka Ashaaraa Magariisaa,Tajaajila wal’aansa bilisaa,Dhiiga arjoomuu, Tajaajila Nageenya tiraafikaa, Barnootaa,haaromsa manneen maanguddootaa fi harka qalleeyyii fi kanneen biroorratti hirmaataniiru. De’eetaan Ministeera Dubartootaa fi Dhimma Hawaasummaa Muunaa Ahimad turtii ENA waliin taasisaniin; sagantaan tajaajila tola ooltummaa ganna hojiirra oolaa jiru dargaggoonni beekumsaa fi humna isaanii hojii uummata isaaniif fayyadu irratti akka oolchan dandeessisaa jiraachuu dubbataniiru. Aadaan gaarummaa biyya keenya keessatti akka gabbatu gochuu keessatti waggoottan darban xiyyeeffannoon irratti hojjetamee bu’aan argamaa jiraachuu kaasaniiru. Keessumattuu xiyyeeffannoon fi fakkeenyummaan Ministirri Muummee Dr. Abiyyi Ahimad tajaajila tola ooltummaa gannaatiif kennan namoota hedduuf kaka'umsa uumuu isaa ibsaniiru. Waliigala jijjiiramichaa as lakkoofsi hirmaattota tola ooltummaa baay'ee dabaluu isaa mirkaneessaniiru. Fakkeenyaaf, Hirmaannaan Dargaggootaa bara 2010 Miliyoona 10 tuqaa 8 kan ture bara 2017 gara Miliyoona 25 guddachuusaa akkasumas fayyadamummaan hawaasummaa 13tuqaa 6 ture gara miiliyoona 53tti ol guddachuusaa eeraniiru. Kunis damee kanaan jijjiirama ilaalchaa guddaa fiduun akka danda'ame agarsiistudha, jedhan De’eetaan Ministirichaa. Sagantaa tola ooltummaa ganna bara 2018 kanaan dameewwan tajaajilaa 14n akkuma eegamanitti ta'anii; keessumattuu Ashaaraa Magariisaa, Ijaarsa nageenyaa, haaromsa manneen maanguddootaa fi harka qal’eeyyii akkasumas ijaarsa dhalootaa irratti xiyyeeffannoo addaatiin akka hojjetamu De’eetaan Ministirichaa hubachiisaniiru
Naannoo Hararitti tajaajila tola ooltummaa Ganna bara kanaa irratti pirojektoonni misoomaa birrii miiliyoona 200tti tilmaamamu ni hojjetamu
Jun 17, 2026 197
Waxabajjii 10 /2018 (ENA): Biiroon Dubartoota, Daa’immanii fi Dargaggoota naannichaa tajaajila tola ooltummaa Ganna bara kanaa irratti pirojektoonni misoomaa Birrii miiliyoona 200tti tilmaamamu Naannoo Hararitti akka hojjetamu beeksise. Itti Aantuun Hoggantuu Biiroo Dubartoota, Daa'immanii fi Dargaggoota Naannichaa Aadde Maftuhaa Aliiy yaada ENA’f kennaniin akka himanitti, hojii tola ooltummaa ji'oota Gannaa naannichatti hojjetamaa tureen bu'aa hedduun galmaa'uu ibsaniiru. Haala kanaan dargaggoonni deggersaa fi tumsaan guddinni argamuu akka danda’amu qabatamaan agarsiisuu danda’aniiru jedhani. Tajaajila tola ooltummaa Ganna bara kanaa naannichatti kennamu irratti dargaggoonni tilmaamaan kuma 47 akka hirmaatan ibsuun kunis kan bara darbee akka caalu dubbatani. Lakkoofsi dargaggoota tola ooltota tajaajila tola ooltummaa kanarratti hirmaatan waggaa waggaan dabalaa akka jiru himaniiru. Naannichatti ji’oota Gannaa dhaabbii biqiltuu, gargaarsa nyaataa, tajaajila fayyaa, barnoota sirreeffamaa, arjooma dhiigaa, akkasumas haaromsaa fi suphaa manneen namoota harka qalleeyyii ta’an dabalatee dameelee 14 keessatti tajaajilli tola ooltummaa ni raawwatama jedhan. Bara kana keessattuu ijaarsa, haaromsa, suphaa manaa namoota harka qalleeyyii naannichaaf gaggeessuuf karoorfamuu ibsaniiru. Bara kana tajaajila tola ooltummaa kanaan hojiin misoomaa Birrii miiliyoona 200tti tilmaamamu ni hojjetama jedhaniiru. #Abdii haa dhaabnu #TOI #ENA Afaan Oromoo #Ashaaraamagariisaa #GreenLegacy
.jpg)
Hojiiwwan tola ooltummaa garagaraa magaalaa Finfinneetti hojjetaman
Jun 17, 2026 205
Tola ooltummaan rakkoolee hawaasummaa, dinagdee fi naannawaa furuuf kan gargaaru hojii namoomaati. Magaalaa Finfinneetti sagantaaleen tajaajila tola ooltummaa baatii gannaa fi bonaa bocamanii tola ooltota, dureeyyii, dargaggootaa fi jiraattota magaalaa hirmaachisuun danda’ameera. Tola ooltonni humnasaanii, maallaqasaanii, yeroo fi beekumsasaanii akka gumaachan gochuuf tajaajiloota namoomaa garagaraa karaa qindaa’een hawaasaaf kennaa jiru. Tola ooltonni rakkoo uumamaa fi nam tolcheen uumamu, qormaataa fi haala rakkisaa keessatti adda durummaan qaqqabuudha. Sagantaawwan tola ooltummaa ijoon 15 ol magaalaa Finfinneetti bocamanii hojjetamaniin aadaa fi qaqqabummaan tajaajila tola ooltummaa guddachaa dhufeera. Hojiilee tola ooltummaa Kanaan hojiin tola ooltummaa birrii biiliyoona 55 tuqaa 7 ol raawwatamaniiru. Waggaa waggaadhaan jiddu galeessaan tola ooltota miiliyoona 2 tuqaa 6 ol hirmaachisuudhaan irra deddeebiidhaan kutaalee hawaasaa garagaraa miiliyoona 9 tuqaa 3 ta’an fayyadamoo gochuun danda’ameera. Hojiilee tola ooltummaa Finfinneetti hojjetaman keessaa sagantaa ijaarsa manaatiin maneen kuma 46 fi 441 ijaaramanii maanguddootaa fi kanneen biyyaaf oolmaa oolaniif kennamaniiru. Irra deddeebiidhaan namoonni miiliyoona 6 tuqaa 1 maaddii qooddataniiru. Sagantaa deeggarsa daa’immaniitiin daa’imman maatiisaanii dhaban kuma 2 fi 351 deeggarsa addaatiin fayyadamaniiru. Lammiileen kaffalanii waldhaanamuu hin dandeenye kuma 525 fi 531 tolaan waldhaanamaniiru. Dhiigni yuunitii kuma 354 fi 938 tola ooltotaan kan gumaachame yoo ta’u, barattoota kuma 632 fi 497’f barnoonni dabalataa fi deeggarsi leenjii taasifameera. Waggaa waggaan tola ooltonni kuma 20 ol nageenya tiraafika daandii, sagantaawwan tola ooltummaa ogummaa irratti hirmaatanii odeeffannoon waajjira kantiibaa ni mul’isa. Sagantaan tola ooltummaa duudhaa wal gargaarsaa fi wal deeggarsaa magaalattii keessa ture guddisuurra darbee lammiilee harka qalleeyyiif wabi ikan ta’e sagantaa namoomaati. See less
.jpg)
Yunivarsiitichi Hojii baruuf barsiisuun cinaatti hojiiwwan rakkoo hawaasaa furaniif xiyyeeffannoo kennee hojechaa jira
Jun 17, 2026 247
Waxabajjii 10 /2018 (ENA) -Yunivarsiitiin Madda Walaabuu hojii baruu fi barsiisuu cinaatti, rakkoolee hawaasa naannichaa furuuf hojiilee adda addaa raawwachaa jiraachuusaa beeksise. Yunivarsiitiin Madda Walaabuu abbootii amantii, abbootii Gadaa fi miseensota Poolisii Tiraafikaa Magaalaa Roobeerraa walitti babba’aniif waltajjii hubannoo uumuu balaa tiraafikaa hir’isuuf kaayyeffate gaggeesseera. Waltajjicharratti kan argaman Daayiretarri Qorannoo, Tajaajila Hawaasaa fi Ce’umsa Teeknoolojii Yuniversiitichaa Dr. Mahammad Jamaal akka ibsanitti, dhaabbatichi hojii baruu fi barsiisuun cinaatti hojiilee rakkina hawaasaa bu’uura godhatan irratti hojjechaa jira. Qorannoowwan ogeeyyii Yuniversiitichaan yeroo yeroon gaggeeffamanii yaada furmaataa dhiyeessan bu’uura godhachuun, bu’aa qorannichaa gara pirojektiitti jijjiiruun hawaasaan gahuuf xiyyeeffannoo guddaan hojjetamaa akka jirus yaadachiisaniiru. Keessattuu, balaa tiraafikaa naannichatti mudatu hir’isuuf leenjiiwwan hubannoo uumuu qooda fudhattootaaf kennamaniin bu’aan jajjabeessaan argamaa jiraachuu kan ibsan daayirektarichi, rakkoo kana furuuf leenjiin dandeettii raawwachiisummaa cimsu kun itti fufa jedhaniiru. Waltajjicharratti leenjii hubannoo uumuu kan kennan Dr. Geetaachoo Damisee dhimmicharratti yoo dubbataniin, leenjiiwwan walitti fufiinsa qaban poolisoota tiraafikaa ,Seera kabachiiftotaa fi qooda fudhattoota biroof kennaman balaa tiraafikaa hir’isuuf gumaacha guddaa akka taasisan ibsaniiru. Kanaafuu, qooda fudhatonni hubannoo argatanitti fayyadamuun balaa tiraafikaa naannoo isaaniitti miidhaa hawaasummaa adda addaatiif sababa tahe ittisuuf gahee isaanii akka bahan gaafataniiru. To’ataan Tiraafika Magaalaa Roobee itti aanaa Saajinii Ahimad Nagaash gama isaaniitiin, balaa kana ittisuuf carraaqqii taasifamu keessatti tumsa qooda fudhattootaa cimsuun alatti, hojiin to'annoo nageenya geejjibaas hojjetamaa jiraachuu dubbataniiru. Hariiroon itti fufiinsa Yunivarsiitichi qooda fudhattoota biroo waliin eegale rakkoo kana hiikuuf deeggarsa guddaa akka tahe eeranii, milkaa'ina hojichaatiif konkolaachiftootaas ta'e lafoo deemtonni seera nageenya daandii kabajuun balaa irraa of eeguu akka qaban dhaamaniiru. Hirmaattonni waltajjichaa yaada kennaniin; yunivarsiitichi miidhaa balaan tiraafikaa geessisu hir’isuuf carraaqqii taasisaa jiru akka milkaa’uuf gahee fi itti gaafatamummaa isaanii akka bahan mirkaneessaniiru.
Diinagdee
Misoomni Koriidaraa Magaalaa Bishooftuu haala jireenya hawaasaa qabatamaan kan jijjiireefi fayyadamummaa ummataa kan mirkaneessedha
Jun 17, 2026 393
Waxabajjii 10/2018 (ENA): Misoomni Kooridarii Magaalaa Bishooftuu haala jireenya hawaasaa qabatamaan jijjiiree fayyadamummaa isaanii kan mirkaneessedha jedhan itti Aanaan Kantiibaa Bulchiinsa Magaalattii Obbo Gazzaanyi Dajanee. Ka'umsi misooma koridaraa magaalota mijataa taasisuu, bareechuu fi jireenya jiraattotaa ammayyeessuuf kaayyeffate waan ta’eef, Bishooftuunis Finfinneetti dhiyoo kan jirtu kana hordofaa jirti. Itti Aanaan Kantiibaa Magaalaa Bishooftuu Obbo Gazzaanyi Dajanee akka jedhanitti, magaalattii iddoo jireenyaa filatamaa fi wiirtuu turizimii taasisuuf karoorri qophaa’ee xiyyeeffannoodhaan hojjetamaa jira. Pirojektii Misooma Koridaraa marsaa jalqabaa fi lammaffaa irratti daandii asfaaltii, biskileetii fi miilaa kiiloo meetira dhibba tokkoo fi kudha torba ijaaramuu ibsaniiru. Magaalattii bakka adda addaatti utubaawwan ismaartii kaa’amuu, kaameeraan nageenyaa kaa’amuu, paarkiiwwan adda addaa xumuramuun tajaajilaaf banaa ta’uu hubachiisaniiru. Misoomni koridarii kun yaada jiraattota naannoo isaanii eeguu, balfa sirnaan gatuu, misooma magariisaaf xiyyeeffannoo kennuun jijjiirama fideera jedhan. Akkasumas qilleensa qulqulluu, bakka bashannanaa fi yaa’insa tiraafikaa qajeelfama qabu uumuun fayyaa qaamaa fi sammuu jiraattotaa eeguu akka gargaare ibsaniiru. Itti aanaan kantiibaan kun akka jedhanitti, misooma koridarii kanaan lafti heektaara 336 magariisa ta’uu ibsaniiru. Sarara tajaajila ibsaa ammayyaa dabalatee bu’uuraaleen biroo hojii daldalaa sa’aatii 24 hojjechiisuu dandeessisuun galii magaalichaa haalaan akka dabalu himaniiru. Magaalattiin guddina galii waggaa dhibbeentaa 66 galmeessisaa akka turtes eeruun, ji'oota kudha tokko darban qofatti birrii biiliyoona 14.3 akka ta'e beeksisaniiru. Misoomni koridarii fi seektaroota biroo jiraattota magaalaa hedduudhaaf carraa hojii kan uuman ta’uu ibsanii, hanga ammaatti lammiilee kuma 66 ta’aniif carraan hojii dhaabbataa damee adda addaatiin uumamuusaa ibsaniiru. Misoomni koridarii kun akkaataa jireenya hawaasaa ammayyeessuun bu’uuraalee misoomaa fayyadamummaa mirkaneessu uumuu danda’eera jedhan. Itti aanaan kantiibaa magaalattii misoomni koridarii marsaa sadaffaa magaalattii cimee itti fufuu beeksisaniiru. #TOI #ENA Afaan Oromoo #
Godinichatti misooma qamadii babal’isuun wabii nyaataa qonnaan bulaa mirkaneessuuf xiyyeeffannoon kennameera
Jun 17, 2026 299
Waxabajjii10/2018 (ENA)- Godina Boorana Bahaatti misooma qamadii qonna Arfaasaan babal’isuun wabii nyaataa qonnaan bulaa mirkaneessuuf xiyyeeffannoon addaa kennamuusaa Waajjirri Qonnaa Godinichaa ibseera. Waajjirichatti dursaan garee Misooma Midhaanii Obbo Liiban Booruu, godinichatti qonna Arfaasaatiin lafti hektaara kuma 176 fi 223 ta’u qamadii, xaafii, baaqelaa fi boqqolloodhaan misoomuu isaa beeksisaniiru. Kanneen keessaa lafti hektaara kuma 61 fi 643 ta’u misooma qamadiitiin kan facaafamee yoo ta’u, kunis wabii nyaataa qonnaan bulaa mirkaneessuuf hojjetamaa akka jiru dubbataniiru. Misooma qamadii kanaan oomishtummaa qonnaan bulaa guddisuuf, hojmaata qonnaa ammayyaa’aa hojiirra oolchuu malees, sanyiin filatamaafi xaa’oon yeroon qonnaan bulaaf akka dhiyaatu ta’uusaa ibsaniiru. Godinichatti lafa qamadiidhaan facaafame keessaa harki caalaan isaa kilaastaraa fi tooraan kan facaafame yoo ta’u, kanaanis midhaanichi yeroo ammaa haala gaarii irra akka jiru dubbataniiru. Godinichatti qonnaan bulaa fi horsiisee bulaa kuma 42 fi 130 ol hirmaachisuun, lafa qamadiidhaan misoomee irraa oomishni kuntaala miliyoona 1 fi kuma 365 ol akka eegamu beeksisaniiru. Godinichatti qonnaan bultootaa fi horsiisee bulaa eeggattummaa fi deeggarsa jalaa baasuun gara oomishtummaatti ceesisuuf hojimaata qonnaa ammayyeessuuf hojjetamaa akka jiru eeranii, deeggarsi ogeeyyiis taasifamaa jiraachuu ibsaniiru. Qonnaan bulaa qonna Arfaasaa kanarratti hirmaatan keessaa, jiraataan ganda Goobichaa Aanaa Liiban, Obbo Abdii Nuur akka jedhanitti, hojimaata qonnaa ammayyaa’aa fayyadamuun lafa isaanii hektaara sadii irratti qamadii misoomsaa jiraachuu ibsaniiru. Misooma qamadii kanaan oomishaa fi oomishtummaa dabaluuf kilaastaran qotuun isaanii fi midhaanichi yeroo ammaa haala gaariirra jiraachuu ibsaniiru. Aanichi sanyii filatamaa, xaa’oo fi tiraaktara yeroon dhiyeessuun hojii isaanii haala sirriidhaan raawwachuuf akka isaan dandeessise eeraniiru. Jiraataan ganda kanaa Obbo Warquu Allabaachoo, qonna Arfaasaa kanaan lafa hektaara sadii qamadii misoomsan irraa oomisha gaarii akka abdatan dubbataniiru. Deeggarsa ogeessa qonnaatiin misooma qamadii hojjechuun haala gaarii irra jiraachuu ibsuun, wabii nyaataa isaanii mirkaneessuuf akka isaan dandeessisu dubbataniiru. Ragaan Waajjira Qonnaa Godina Boorana Bahaa irraa argame akka agarsiisutti, godinichatti walakkessa Bitootessaarraa eegalee hanga Eeblaatti yeroo bokkaa fi facaasaa yoo ta’u, walakkaa Adoolessaa irraa hanga Hagayyaatti ammoo yeroo oomishni walitti qabamu dha.
.jpg)
Qoodni adda duree Itiyoophiyaan konkolaattota Elektiriikiirratti bahachaa jirtu bu’ura amansiisaarra dhaabachaa jira
Jun 17, 2026 254
Waxabajjii 10/2018 (ENA) - Qoodni adda duree Itiyoophiyaan konkolaattota Elektiriikiirratti bahachaa jirtu bu’ura amansiisaarra ijaaramaa akka jiru de’eetaan ministiraa geejjibaa fi lojistiksii Bari’oo Hasan ibsan. Buufanni konkolaataan Elektiriikii chaarji itti ta’u kan tajaajilli elektiriikii Itiyoophiyaa korporeeshinii misooma paarkiiwwan industirii waliin ta’uun zoonii dinagdee addaa eebbisiiseera. De’eetaan ministiraa geejjibaa fi lojistiksii Bari’oo Hasan wayita kana ergaa dabarsaniin, Itiyoophiyaan buufataalee konkolaattonni elektiriikii chaarjii itti guuttatan babal’isaa jirti. Yeroo ammaa buufataaleen konkolaattonni Elektiriikii chaarii itti guuttana si’ataa ta’an bal’inaan ijaaramaa jiraachuu eeraniiru. Itiyoophiyaan hojiirra oolamaa jijjiirama haala qilleensaaf deebii kennaa akka jirtus eeraniiru. Buufanni kun akka dhugoomu qaamolee gumaacha taasisaniin galateeffataniiru.
Manni Maree Naannoo Hararii (Kaabineen) fooyya'iinsa baajata raggaasise
Jun 17, 2026 245
Waxabajjii 10/2018 (ENA): Manni Maree Naannoo Hararii (Kaabineen) raawwii karoora ji’oota 11 bara baajataa 2018 bu’uura godhachuun fooyya’iinsa baajata isaaf dhiyaate walgahii idilee isaa irratti raggaasiseera. Kaabineen Naannichaa fooyya’iinsa baajata Birrii miiliyoona 301 fi kuma 693 fi 178 Biiroo Maallaqaa fi Tumsa Diinagdee naannichaatiin dhiyaate irratti mari’atee raggaasiseera. Fooyya’iinsi baajataa kun pirojektoota raawwii fiizikaalaa fi faayinaansii gadi aanaa qaban adda baasuun dhimmoota faayidaa diinagdee fi hawaasummaa olaanaa qabaniifi hanqina baajataaf akka oolu himama. Yeroon bara baajataa hafe pirojektoota raawwii gadi aanaa qaban adda baasuun gamaaggamuun hojiiwwan dursa kennaniif akka oolus hubatameera. Kaabinichis fooyya’iinsa baajataa itti dhiyaates sagalee guutuun raggaasiseera. Kaabineen naannichaas dhimmoota adda addaa irratti mari’atee kallattii kaa’uu odeeffannoon ENA’n komunikeeshinii naannichaa irraa argate ni mul’isa. #TOI #ENA Afaan Oromoo #
Viidiyoo
Saayinsii fi teeknooloojii
Yunvarsitichi omishtummaa guddisuuf teekinooloojiiwwan qonnaa hawaasaaf dhaqqabsiisaa jira
Jun 17, 2026 529
Waxabajjii 10/2018 (ENA)- Yunivarsiitiin Arsii omishtummaa guddisuuf teekinoolojiiwwan qonnaa dhaqqabamaa gochuun fayyadamummaa hawaasaatiif xiyyeeffannoodhaan hojjechaa akka jiru beeksise. Pirezidaantiin Yunivarsiitii Arsii Dr.Fiqaaduu Mitikuu ENA’f akka ibsanitti; Yunivarsiitichi omishtummaa guddisuuf teekinoolojiiwwan qonnaaf gargaaran dhaqqabamaa gochuun fayyadamummaa hawaasaatiif hojjechaa jira. Keessattuu Yunvarsiitichi sagantaa maaddii guutuu milkeessuuf tajaajila ekisteenshinii qonnaa qotee bulaaf dhaqqabsiisuu irratti hojjechaa jira jedhanii jiru. Kanaanis dargaggoota hojii dhabeyyii fi qotee bultootaaf cuuciiwwan lukkuu dhiyeessuun fayyadamaa gochaa akka jiru eeranii, humna isaatiin cuuciiwwan lukkuu hawaasaaf dhaqqabamaa gochaa jiraachuu ibsaniiru. Dabalataanis, Yunivarsiitichi lukkuuwan kuma 3 ol galchuun hanqaaquu kuma 40tti dhiyaatu gabaaf dhiyeessaa akka jiru hubachiisaniiru. Sanyii saawwan aannanii fooyya'an qonnaan bulaaf dhaqqabamaa gochuuf, sanyii kormaa hormaata gaarii qaban mala diqaalomsuutiin (artificial insemination) fayyadamummaa qotee bulaa mirkaneessuuf hojjechaa jiraachuu ibsaniiru. Kanaanis hojii sanyii beelladootaa fooyyessuu bu'a qabeessa gochuuf, warshaa nyaata horii qopheessu hundeessuun hojii gaarii hojjechaa jira jedhaniiru. Gama biraatiin, sanyiiwwan qamadii, xaafii fi Aajjaa omisha gaarii kennuu danda'an sadii qotee bulaaf dhaqqabamaa gochuu isaa ibsaniiru. Haaluma kanaan sanyii filatamaan kuntaala kuma 1 ol qonnaan bulaaf akka dhaqqabu taasifamuu kan ibsan pirezidaantichi, yeroo ammaa kanatti jallisii Bonaatiin lafa hektaara 12 irratti sanyiin filatamaan qamadii misoome walitti qabamaa jira jedhaniiru. Yunvarsiitichi tarsiimoo misooma qonnaa deeggaruuf hojiiwwan hojjechaa jiru malees, hawaasa fayyaalessa ijaaruuf carraaqqii taasifamu deeggaruuf hojjechaa akka jiru dabalanii ibsaniiru.
Tajaajilli Mana galmeewwanii fi Manneen kitaabaa Itiyoophiyaa qabeenya barreeffamaa gara diijitaalaatti jijjiiruu eegale
Jun 16, 2026 806
Waxabajjii 9/2018 (ENA) - Tajaajilli Mana galmeewwanii fi Manneen Kitaabaa Itiyoophiyaa sirna mana kitaabaa ammayyaa diriirsuuf kan gargaaru, qabeenya barreeffamootaa gara diijitaalaatti jijjiiruun hojii isaa ifatti eegaleera. Marsaa jalqabaatiin fuulawwan miiliyoona 20 gara diijitaalaatti jijjiiruuf hojiin akka hojjetamu ibsameera. Sirna jalqabsiisa kana irratti Ministirri Innoveeshinii fi Teeknoolojii Dr. Balaxaa Mollaa, Ministira Aadaa fi Ispoortii Shawwit Shaankaa, Daarektara Tajaajila Mana galmeewwanii fi Manneen Kitaabaa Biyyaalessaa Itiyoophiyaa Sartsee Fireesibihaatii fi keessummoonni affeeraman biroon argamaniiru. Itiyoophiyaa ammayyaa uumuu fi dinagdee diijitaalaa guutuu ta'e dhugoomsuuf hojiileen hedduun hojjetamaa jiraachuu ibsaniiru. Fakkeenyaaf, hojmaata waraqaa irraa gara diijitaalaatti ce'uu fi qabeenya seenaa gara kuusaa diijitaalaatti galchuun dhaloota dhufutti dabarsuu hojjetamaa jira jedhaniiru. Imalli tajaajilli mana galmeewwanii fi Manneen Kitaabaa Itiyoophiyaa jalqabe kun qaama tarsimoo Diijitaala Itiyoophiyaa 2030 akka ta'ee fi fuuldurattis dameewwan hundaan cimmee akka itti fufu ministirittin kaasaniiru. Qabeenya biyyaa mana kitaabichaa keessatti argaman eeguu fi kunuunsuun dhaloota dhufutti dabarsuuf hojiin diijitaalaasheenii kun murteessaa ta'uu isaas ibsaniiru. Ministirri Aadaa fi Ispoortii Sheewit Shaankaa gama isaaniitiin, Tajaajilli Mana galmeewwanii fi Manneen kitaabaa Itiyoophiyaa wiirtuu seenaan, aadaanii fi eenyummaan biyyaa itti galmeeffamee jiru ta'uu ibsaniiru. Hojiin diijitaalaayizeeshinii jalqabame kun seenaa keenya dhaloota dhuftuuf amanamummaan dabarsuu fi namni barbaade hundi ragaa barbaadu salphaatti akka argatu kan dandeessisudha jedhan. Daarektarri Tajaajila Mana galmeewwanii fi Manneen Kitaabaa Itiyoophiyaa Sartsee Fireesibihaat, tajaajilichi waggoottan 83'n dabran keessatti ragaalee seenaa hedduu galmeessuu fi olkaa'uudhaan dhalootaaf dabarsaa turuu isaa yaadachiisaniiru. Hojiin qabeenya barreeffamaa gara diijitaalaatti jijjiiruu amma hojjetamaa jiru kun, qabeenya ragaa biyyattii walitti qabuu fi gurmeessuun dhaloota dhuftuuf dabarsuuf akka gargaaru dubbataniiru. Kunis namni kamiyyuu ragaalee karaa diijitaalaa salphaatti akka argatu carraa uuma jedhaniiru. Ragaaleen seenaa waraqaa irratti barreeffaman sababa yeroo dheerachuu fi hanqina qabiinsatiin akka hin badnee fi akka hin mancaane, eegumsa waaraa gochuuf kan dandeessisu ta'uu isaas dubbataniiru.
Tajaajilli wiirtuu tokkoo Masoob Jimmaa tajaajilamtootaaf tajaajila si’ataa kennuurra darbee kaka’umsa hojii hojjettootaa guddiseera
Jun 15, 2026 1541
Waxabajjii 8/2018 (ENA) - Godina Jimmaatti wiirtuleen tajaajila bakka tokkoo masoob, hawaasaaf tajaajila ariifataa fi qulqullina qabu kennuu bira darbee, kaka'umsa hojii hojjettootaa guddisuunsaa ibsame. Wiirtuleen kunniin ogeeyyii dandeettii qabaniin gurmaa’uu fi hojimaata ammayyaa’aa hordofuun isaanii, hojjettootaafis ta'e tajaajilamtootaaf boqonnaa guddaa ta’uunsaa ibsameera. Ogeeyyiin Masoob tajaajila wiirtuu tokkoo Limmuu Gannat Riidaa Kamaalii fi Adaal Haayilemaariyaam akka jedhanitti, tajaajilli wiirtichatti hawaasaaf kennan kakka'umsa hojii isaanii akka dabale ibsaniiru. Wiirtichi teknoolojiidhaan kan gurmaa'e waan ta’eef ariitii tajaajila dabaluun olitti, yeroo qaalii hojjettootaa fi hawaasaa qusachuu dandeessiseera. Haaluma wal fakkaatuun, ogeeyyiin wiirtuu Jimmaa Abdulnuuraa Abbaatamaamii fi Samiiraa Hasan gama isaaniitiin, bakki hojii mijataan uumamuunsaa komii tajaajilamtootaa malee tajaajila ariifataa kennuuf akka isaan dandeessise ibsaniiru. Godinichatti dhiyyeenya kana tajaajila kan jalqabe tajaajilli wiirtuu tokkoo Masoob, Aanaa Oomoo Naaddaa Magaalaa Asandaaboo keessatti tajaajilaa kan jiran Maaramee Baqqalaa fi Anwaar Abbaadiiggaa, hawaasaaf dammaqinaa fi ciminaan tajaajila kennaa akka jiran dubbataniiru. Haalli hojii mijataan umamuun hojjettoonni osoo hin nuffiin murannoodhaan akka hojjetan gochuu isaa kan eeran ogeeyyiin kunniin, kanaanis rakkoon dhiyeessii tajaajilaa kan waggoota dheeraaf gaaffii uummataa ture guutummaatti furamuu isaa addeessaniiru. Wiirtuu kanatti tajaajila argachuuf kan dhufe Musxafaa Abdurahimaan gamasaaniin, naannoo isaaniitti wiirtuun ammayyaa akkasii banamuunsaa baay'ee akka isa gammachiise ibsee, gara wiirtichaa yeroon seenu jalqaba keessummummaa irraa kaasee simannaan ogeeyyii fi ariitiin isaanii gammachuu guddaa namaaf kenna, jedheera. Tajaajila Eeyyama konkolaachisummaa argachuuf kan dhufe ta’uu ibsuun Jamaal Abdurahmaan, Wiirtichi dhimma hundumaa caalaa hawaasatti kan dhiyaatee fi gaaffii waggoota dheeraaf tureef deebii kan kenne ta'u dubbateera. Jiraattuun magaalaa Jimmaa Beetemaqdas Amhaa tajaajila wiirtuu magaalichatti argamutti waraqaa dhalootaa baafachuuf kan dhufte yoo ta'u, tajaajila hundumaa wiirtuu tokko keessatti argachuu isheetiin gammaduu ishee ibsiteetti. Itti Aanaa itti gaafatamaa fi Itti Gaafatamaan Damee Teknoolojii tajaajila Wiirtuu tokkoo Masoob, Magaalaa Jimmaa Jamaal Saalii, tajaajilli wiirtichatti kennamu tajaajilamaa qofaaf osoo hin taane hojjettootaafis madaala gammachuu ta'uu isaa ibsaniiru. Hawaasni yeroofi qarshiisaa qusatee tajaajila ariifataa argatee deebi'uu isaa fi tajaajila kennameen quufeen deebii gaarii inni kennu hojjetaaf kakka'umsa guddaa uumuusaa ibsaniiru.
Haalli rooba gannaa guyyoota 10 dhufanii maal fakkaata
Jun 12, 2026 2093
Waxabajjii 5/2018(ENA)-Guyyoota kudhan itti aanan bakkeewwan rooba gannaa argatan, akkasumas kibbaa fi kibba bahaa biyyattiitti roobni xiqqaa hanga jiddugaleessaa akka eegamu inistiitiyuutiin mitiworoloojii Itiyoophiyaa beeksise. Inistiitiyuutichi ibsa ENA’f ergeen akka hubachiisetti, haalli miitiwoorooloojii roobni akka uumamu godhan keessumaa kutaalee biyyattii walakkeessa lixaarratti cimina ni qabaatu. Sababa Kanaan haalli qilleensaa jiidhaan baay’inaanis ta’e tamsaasaan guyya guyyaan kutaalee biyyattii kibba lixaa, lixaa fi Kaaba lixaatti babl’achaa ni deema jedheera. Haala Kanaan rooba xiqqaa amma jiddugaleessaa akka argatan raagni kan mul’isu yoo ta’u kutaalee biyyattii jiddu galeessa, bahaa fi kibbatti rooba xiqqaa ni argatu jedheera. Guyyoota itti aanan cimina miitiwoorooloojiirraa ka’uun biyyattii bakkeewwa rooba gannaa argatanii fi kibbaa fi kibba bahaa biyyattiitti rooba xiqqaa amma jiddu galeessaa akka argatan ibseera. Dabalataanis miitiwoorooloojii darbee darbee qaamolee bishaanii fi qilleensa naannawaa keessatti ciman irraa ka’uun kibba lixaa fi lixa biyyattii rooba cimaa ni argatu jedheera. Humna aduu olaanaan wal qabatee keessumaa aduun guyyaa kutaa biyyattii Affaar, kibba bahaa, Kaaba, lixaa fi kibba lixaa tti digirii seelshiyeesii 32 amma 41 ol akka ta’u raagni jiru akka agarsiisu eereera. Ciidhi kun qonna gannaa, bakkeewwan midhaan Arfaasaa biqilchanitti haala mijataa uuma jedheera. Guyyoota kudhan dhufan sululoota biyyattii rooba gannaa fayyadamanitti bishaan lafa gubbaa xiqqaa amma guddaatti akka argatan ni eegama jedheera. Haala Kanaan Abbayyaan, Baaroo Akooboo gara gubbaa fi jiddu galeessaa, Oomoo Gibeen, Suululli qinxaabaa gara gubbaa sululoota Gannaalee Daawwaa bakka muraasatti bishaan lafa gubbaa jiddu galeessaa amma guddaatti ni argatu jedheera. Takazeen irra caalaan, Abbayya gara gubbaa fi gara gadii bakka xiqqaatti, Hawaas gara gubbaa fi jiddu galeessaa, Oomoo Gibeen, Baaroo Akooboon, Gannaalee Daawwaan, Waabee Shabalee fi sululoonni qinxaamaa bishaa lafa gubbaa xiqqaa amma jiddugaleessaatti akka argatan ibseera.
Ispoortii
Atileetota lafaa dhufeeyyii filachuu fi hordofuuf sirna dijitaalaatti fayyadamuun xiyeeffannoon kennameera
Jun 17, 2026 317
Waxabajjii 10/2018 (ENA): Federeeshiniin Atileetiksii Itiyoophiyaa sirna dijitaalaa haaraa ataileetota lafaa dhufeeyyii filachuu fi hordoffiif tajaajilu dhaabbataadhaan hiiku hojiirra oolchuuf hojjechaa jiraachuu beeksise. Akkasumas, teeknooloojiin dijitaalaa dhimmoota umurii wajjin walqabatan furuu keessatti gahee olaanaa akka qabu agarsiiseera. Itiyoophiyaan biyya atileetota gootota taate, injifannoo ijoolleen ishee galmeessisaniin maqaa ishee beekamtii fi alaabaa ishee dirree addunyaa irratti ol kaasaa jirti. Haa ta'u malee yeroo dhiyoo asitti bu'aan eegamu gama atileetiksiitiin galmaa'uu dhabuun isaa ni himama. Milkaa’ina atileetiksii idil-addunyaa Itiyoophiyaa eegsisuuf jecha atileetota itti aanan oomishuun dhimma xiyyeeffannoo argachuu qabu ta’uun isaa ifaadha. Hojii gaggeessaan olaanaa Federeeshinii Atileetiksii Itiyoophiyaa Dr. Amansiisaa Kabbadaa ENA waliin turtii taasisaniin akka himanitti, milkaa’ina itti fufiinsa qabu damichaa mirkaneessuuf atileetota dargaggoota irratti xiyyeeffachuun hojii hin hafnee fi murteessaa ta’uu ibsaniiru. Kanaaf Federeeshiniin Atileetiksii atileetota itti aanan bu’a qabeessa ta’anii fi biyyaaf ulfina fidan oomishuuf tooftaalee adda addaa qopheessaa fi hojiirra oolchaa akka jiru akeekaniiru. Federeeshinichi pirojektoonni akka biyyaatti hordofu sirna madaallii wal irraa hin cinne akka hordofan hojii jalqabuu isaa, akkasumas bu’a qabeessummaan pirojektootaa guddifamee atileetota dargaggoota oomishuuf akka ta’e hubachiisaniiru. Sirni haaraan kun rakkoolee adeemsi madaallii gaarii hin taanee fi pirojektoota keessatti deeggarsa maallaqaa yeroodhaan argachuu dhabuun mul’atu fureera jechuun hubachiisaniiru. Pirojektoota keessatti atileetota dargaggootaa itti dhiyeenyaan hordofuu fi atileetota gahumsa qaban oomishuuf sirni dijitaalaa hojiirra oolaa jiraachuu akeekaniiru. Sirni dijitaalaa kun keessumaa gufuulee umuriin walqabatan sirreessuun atileetiin tokko umurii isaaf malu irraa akka hirmaatu kan taasisu ta’uu ibsaniiru. Sirni dijitaalaa kun guutumaan guututti hojirra yommuu oolu dargaggoota atileetota gahumsa qaban akka dorgomanii fi biyya bakka bu’an jajjabeessuu keessatti ga’ee ol’aanaa qaba jedhaniiru. #TOI #ENA Afaan Oromoo #
Waancaa Addunyaa irratti biyyi Afriikaa Kootdivuwaar Milkoofteetti
Jun 15, 2026 1009
Waxabajjii 8 /2018 (ENA): Sagantaa lammaffaa ramaddii shanaffaa Waancaa Addunyaa FIFA 23ffaa irratti Kootdivowar Ikuwaadooriin 1 fi 0'n mo’atteetti. Tapha halkan walakkaa Istadiyeemii Fiilaadelfiyaatti taasifameen, taphataan jijjiiramee seene Amaadii Diyaaloo daqiiqaa 90ffaa irratti goolii injifannoo lakkoofsiseera. Biyyi Afriikaa Kootdivowar tapha kanaan carraawwan goolii argamsiisan fooyya'oo ta'an uumtee turte. Ikuwaadoor dambalii kubbaa harka qabaachuu irratti caalmaa haa qabaattu malee, yaalii goolii kallattii isaa eege tokko qofa qofa taasifteetti. Kootdivowaar Waancaa Addunyaa baranaatiin biyya Afriikaa injifannoo galmeessite ishee jalqabaa taateetti. Seenaa Waancaa Addunyaa keessatti yeroo jalqabaatiif biyyoonni Afriikaa 10 hirmaachaa jiru. Ramaddii Shanaffaa kanaan tapha kaleessa taasifame biraatiin, Jarman Kuraasa’aan 7 fi 1n injifatteetti. Gara fuulduraatti taphni ramaddii Jarmanii fi Kootdivowaar gidduutti taasifamu kan eegamu dha. Ikuwaadoor fi Kuraasaa’oo sagantaa ramaddii lammaffaa kanaan tapha biraa kan taasisan ta'a.
Neezerlaandisii fi Jaappaan qixa adda bahan
Jun 15, 2026 611
Waxabajjii 8 /2018 (ENA): Sagantaa Waancaa Addunyaa FIFA 23ffaa irratti Neezerlaandisii fi Jaappaan lama fi lamaan qixa bahan. Istaadiyaamii Daalaasitti tapha jalqabaa Ramaddii 6ffaa galgala taasifameen,Varjiil VaanDaayik fi Kireesensiyoo Saamarviil Neezerlaandisiitiif galchiiwwan lakkoofsiseera. Keetoo Naakamuraa fi Daachii Kaamaadaa immoo galchiiwwan Jaappaaniif galchaniiru. Galchiin Kaamaadaa daqiiqaa 88ffaa irratti lakkoofsise Jaappaaniin qixa taasiseera. Gooliiwwan afran keessatti galchan, tapha walakkaa lammaffaa keessa sochii gaarii taasifameeni. Biyyoonni lamaan ramaddii 6ffaa keessatti qabxiisaanii jalqabaa argataniiru. Ramaddii kanaan biyyi Siwiidin fi Tuuniziyaa waliin barii sa'aatii 11:00 irratti Istadiyaamii Moontireeyitti tapha isaanii taasisaniiru.
Milkaa'inni Bu'uraalee Misooma iddoowwan ispoortii Finfinnee carraa guddattoonni dandeettii ispoortii isaanii itti cimsatan uumeera
Jun 14, 2026 1375
Waxabajjii 7/2018 (ENA) — Milkaa'inni bu'uraalee misooma iddoowwan ispoortii Finfinnee, guddattoonni gahumsa ispoortii isaanii akka gabbifatan bu'uura guddaa kaa'uusaa Biroon Dargaggootaa fi Ispoortii Magaalaa Finfinnee beeksise. Magaalittii keessatti pirojektoonni koriidaraa fi lageen qarqaraa miidhagoon ijaaraman, bu'uraaleen misooma iddoowwan ispoortii hedduun akka ijaaraman dandeessiseera. Iddoowwan ispoortii ijaaraman kunneenis, naamusaa fi eenyummaa dargaggoota magaalattii ijaaruun, dandeettii ispoortii isaanii akka gabbifataniif haala mijataa uumeera. Kunis hanqina iddoowwan ispoortii furuudhaan, dameewwan ispoortii hundaan dargaggoota bakka bu'oo ta'anii fi gahumsa qaban horachuuf haala mijataa uumaa jira. Hogganaan Biiroo Dargaggootaa fi Isportii Finfinnee Obbo Assagidaw Hayilagoorgis ENA'f akka ibsanitti; milkaa'inni misooma magaalattii ijaarama bu'uraalee misooma ispoortiitiif haala mijataa uumuu isaa eeraniiru. Bu’aan Misooma miidhagsuu Finfinnee kunis, ispoortessitoota dorgamtootaa fi gahumsa qaban horachuu kan dandeessisan, gidduu galaa fi iddoowwan ispoortii bu'a-qabeeyyii ta'an akka ijaaraman gochuu isaa dubbataniiru. Kanaanis, jijjiirama biyyaalessaa booda, guddattoota ispoortessitoota gahumsaa fi qulqullina qaban horachuu kan dandeessisan, bakkeewwan shaakala ispoortii kuma 2 fi 581 ijaaramuusaanii dubbataniiru. Ijaarsi iddoowwanii fi gidduugalli ispoortii kunis, manneen barnootaa, dhaabbilee leenjii ogummaa fi teeknikaa, dhaabbata fayyaa dabalatee, naannawa jireenya uummataa keessattis pirojektoonni bu'uraalee misooma ispoortii hirmaachisoo ta'an ijaaramuusaanii hubachiisaniiru. Gidduugalli leenjii fi iddoowwan ispoortii magaalattii, isportessitoota bakka bu'oo horachuu bira dabree, faayidaa hawaasummaa fi dinagdee damee hedduu argamsiisaa akka jiran kaasaniiru. Lammii naamusa gaariin bocame horachuu keessattis, dargaggoonni fi ijoolleen yeroo isaanii bakka hin mallee fi faayidaa hin qabneerraa akka fageeffatan haala mijataa uumuusaa eeraniiru. Iddoowwan ispoortii Finfinnee kanneen ammayyaa fi sadarkaa isaanii eeggatan, Itiyoophiyaan dorgommiiwwan idil-addunyaa keessummeessuuf dandeettii akka argattu kan taasisan ta'uusaa ibsaniiru. Yeroo ammaas, gidduugala leenjii fi iddoowwan ispoortii kanaan guddattoonni leenjifaman, gara kilaboota adda addaa fi garee biyyaalessaatti sadarkaa isportii ol'aanaatti ce'aa akka jiran ibsaniiru. Kunis, misooma isportii Itiyoophiyaa keessatti faayidaa guddaa buusuun, guddattonni dandeettii ispoortii isaanii akka gabbifatan bu'uura kaa'amuu isaa kan agarsiisudha jedhaniiru. Gara fuulduraattis, ispoortessitoota bakka bu'oo horachuu kan dandeessisan, hojiin ijaarsa bu'uraalee misooma giddugala leenjii fi iddoowwan ispoortii cimsee kan itti fufu ta'uu mirkaneessaniiru.
Eegumsa naannoofi haala qilleensaa
Tarsiimoon misooma magariisaa Itiyoophiyaan damee hundaan guddina saffisiisuun milkaa’ina argamsiisaa jira
Jun 17, 2026 504
Waxabajjii 10/2018 (ENA): Tarsiimoon misooma magariisaa Itiyoophiyaan damee hundaan guddina saffisiisuun milkaa’ina argamsiisaa jira jedhan hoji gaggeessaan olaanaa Koorporeeshinii Misooma Paarkii Industirii Dr. Fissahaa Yittaagasuu. Dhaabbanni Tajaajila Elektirikaa Itiyoophiyaa Korporeeshinii Misooma Paarkii Industirii waliin ta’uun yeroo ammaa buufata chaarjii konkolaataa elektirikii guddaa Zoonii Diinagdee Addaa Qilinxoo keessatti ijaarame eebbisaa jira. Sagantaa kanarratti De’eetaan Ministeera Geejjibaa fi Loojistikii Bara’oo Hasan, hoji gaggeessaan olaanaa dhaabbata elektirikaa Itiyoophiyaa Injinar Geetuu Garramaa fi keessummoonni affeeraman biroon argamaniiru. Hojii gaggeessaan olaanaa Koorporeeshinii Misooma Paarkii Industirii Dr. Fissahaa Yittaagasuu buufanni chaarjii konkolaataa elektirikaa kan yeroo isaa eeggatee fi barbaachisaa ta’uu ibsaniiru. Kunis qaama imaammata diinagdee magariisaa Itiyoophiyaan hordofaa jirtu ta’uu hubachiisaniiru. Daandiin misooma magariisaa Itiyoophiyaa damee hundaan guddina saffisiisuun milkaa’ina argachaa jiraachuus hubachiisaniiru. Kanneen keessaa tokko konkolaattota elektirikaa ta’uu ibsuun, gara fuulduraatti fedhii konkolaattota elektirikaa guutuuf buufataaleen chaarjii babal’achuu akka qaban hubachiisaniiru. Buufatni chaarjii konkolaataa elektirikii har’a eebbifame tarkaanfii yeroo murteessaa ta’etti fudhatamedha jedhan. Kunis faalama qilleensaa kan dhabamsiisu ta’uun cinatti faayidaa olaanaa qaba jedhani. Dhaabbileen kunneen walitti dhufeenya cimaa akka qaban ibsuun; waliin hojjechuu isaaniis itti fufuu isaanii mirkaneessaniiru. #TOI #ENA Afaan Oromoo #
Ashaaraa magariisaatiin cichuunii fi jabaatanii hojjechuun gootummaa yeroon barbaadu
Jun 17, 2026 191
Ministirri muummee Dr. Abiyyi Ahimad sagantaa ashaaraa magariisaa baranaa mata duree “Abdii haa dhaabnu” jedhuun Bishooftuutti eegalchiisaniiru. Sagantaan kun birmadummaa fi badhaadhina kan mirkaneessu inisheetiiviibiyyaalessaa ta’uusaas wayita kana ibsaniiru. Kana malees kallattii misoomaa isa murteessaa birmadummaa bosonaa, midhaanii fi hunda galeessaati. Ashaaraa magariisaa baranaatiin biqiltuuwwan biiliyoona 8 kan qophaa’e yoo ta’u, egeree magariisaaf, hundi keenya abdii haa dhaabnu jechuun biyyaaf dhaamaniiru. • Inisheetiivii biqiltuu dhaabuun olitti faayidaa dacha qabu Biqiltuuwwan Inisheetiivii ashaaraa magariisaatiin biqiltuuwwan mandhalee, kuduraa fi muduraa faayidaa dinagdee qaban, mukeen miidhaginaaf oolan, lafti muka malee hafe akka bayyanatu kan gargaaranii fi baay’ina bosonaa guddisuun qilleensi naannawaa akka sirraa’u gumaacha olaanaa የgumaachaa jiran kan ittiin dhaabamanidha. Adeemsa Kanaan biyyoon dhiqamu hir’ateera, balaan lolaa hir’ateera, lubbu qabeeyyiin manca’aa jira hir’ateera, lafti qullaattihafaa jiru hir’ateera, qaamni bishaanii lolaan guutamuu fi baduurraa baraaramaa jira, gama biraan ammoo oomishnii fi oomishtummaan dabaleera. Boru bu’aan kana caalu akka dhufu har’a Itiyoophiyaanonni fayyadama ummataa kan mirkaneessu sagantaa ashaaraa magariisaa irratti baay’inaan hirmaachuun irraa eegama. Ashaaraan magariisaa erga eegalamee kaasee waggoota darban biqiltuuwwan biiliyoona 48 caalu dhaabuun bosonni jijjiirama biyyaa dura dhibbantaa 17 tuqaa 2 ture yeroo ammaa gara dhibbantaa 23 tuqaa 6tti guddateera. Ummanni sagantaa ashaaraa magariisaa dhimma uumama kunuunsuu qofa osoo hin taane, dhimma birmadummaa dinagdee biyyaa fi wabii nyaataa mirkaneessuus godhamee fudhatamuu qaba. Faayidaan hunda galeessi kun qabatamaan mul’achaa kan jiru inisheetiiviin ashaaraa magariisaa ministira muummee Dr. Abiyyi Ahimadiin bara 2011 eegalamuunsaa ni yaadatama.
.jpg)
Godina Baaleetti qophiin biqiltuu ashaaraa magariisaa ummata hirmaachise taasifamaa jira
Jun 16, 2026 813
Waxabajjii 9/2018 (ENA)-Naannoo Oromiyaa godina Baaleetti qophiin biqiltuu ashaaraa magariisaa ummanni itti hirmaate taasifamaa jiraachuu waajjirri qonnaa godinichaa ibse. Sagantaan ashaaraa magariisaa baranaa bakka ministirri muummee Dr. Abiyyi Ahimadii fi hoggantoonni mootummaa olaanoon argamanitti eegalameera. Barana biqiltuu biiliyoona 8 dhaabuuf galma qabame milkeesuuf hojii sosochii biyyaalessaa taasifamurratti Itiyoophiyaanonni kutaa hawaasaa hunda keessatti argaman tumsa guddaa akka godhan ministirri muummee Dr. Abiyyi Ahimad dhaamuunsaanii ni yaadatama. Biqiltuu sagantaa ashaaraa magariisaa baranaatiin dhaabamu milkeessuuf naannoo Oromiyaa godina Baaleetti hawaasa hirmaachisuun hojjetamaa jira. Itti aanaa hogganaan waajjira qonnaa godinichaa obbo Mu’awiyyaa Fu’aad ENA’f akka ibsanitti, waggoottan darban godinichatti hawaasa hirmaachisuun hojii hojjetameen lafa muka malee hafe bosona gochuun bu’aan qabatamaan argameera. Hojii kana itti fufsiisuuf ganna kana kan dhaabamu biqiltuu miiliyoona 229 buufata biqiltuu mootummaa, waldaalee fi dhuunfaatti qopheessuun itti fufeera. Amma ammaatti biqiltuun miiliyoona 211 ol, boolloon miiliyoona 194 kan qophaa’an yoo ta’u hojiin hafe hojjetamaa jiraachuu beeksisaniiru. Biqiltuuwwan mandhalee fi biyya alaa qophaa’uusaanii kan ibsan ammoo waajjirichatti dursaa garee sululaa fi misooma bosomaa obbo Tasfaayee Oliiqaati. Naannawichatti waggaatti al lama gannaa fi Arfaasaa kan roobu yoo ta’u, biqiltuun dhaabamu kana hubannoo keessa kan galche ta’uu eeraniiru. Biqiltuuwwan dhaabaman keessaa Gaattiraa, Heexoo, Waddeessa, Birbirsa, Giraaviiliyaa, nyaata loonii fi mukeen gaaddisaaf oolan yoo ta’u, harki 8 nyaata namaaf kan oolan kuduraa fi Muduraadha. Bulchaan aanaa Harannaa Bulluq obbo Ibraahim Hasan ummanni aanichaa ongeef akka hin saaxilamne hawaasa hirmaachisuuf tattaaffiin itti fufuu ibsaniiru. Haala Kanaan rooba Arfaasaatti gargaaramuun harka 60, biqiltuuwwan dhaabuuf qophaa’an miiliyoona 25 keessaa harka 80 kan caalu dhaabamuu beeksisaniiru.
Biqiltuuwwan Biiliyoonni 8 ol dhaabbiif qophaa’an- Dr. Abiyyi Ahimad
Jun 13, 2026 1978
Waxabajjii 6/2018 (ENA): Biqiltuuwwan biiliyoonni 8 ol dhaabbiif qophaa’aniiru jedhan Ministirri Muummee FDRI Dr. AbiyYI Ahimad. Dr. Abiyyi miidiyaa hawaasummaa isaaniin ergaa dabarsaniin, Waktii Sagantaa Ashaaraa Magariisaa irratti argamna ,Biqiltuuwwan biiliyoonni 8 ol dhaabbiif wayita qophaa’anitti, Egeree Magariisa taateef hundi keenya abdii dhaabnaa jedhan. #ENA_Afaan_Oromoo #TOI #ENA
Baay’inaan Kan Dubbifaman
Bu'aan qormaata naannoo kutaa 8ffaa naannoo Oromiyaa beekkamuu Biiroon Barnootaa naannoo Oromiyaa beeksise.
Jan 5, 2021 275417
Finfinnee, Muddee 26, 2013 (TOI) - Bu'aan qormaata naannoo kutaa 8ffaa naannoo Oromiyaa beekkamuu Biiroon Barnootaa naannoo Oromiyaa beeksise. Qormaatni Sadaasa 30 hanga Muddee 2, 2013tti guutummaa Oromiyaatti kennamee ture bu'aan isaa beekkameera. Waraqaan deebii kallattii Oromiyaa hunda irraa Manneen Barnootaa kuma 8 ol-irraa aanaatti, aanaa irraa godinatti, godina irraa BBOtti sassaabamee torban 3 keessatti halkanii fi guyyaa shiftii 3n biiroo keessa bulaa hojjetamee har'a bu'aan isaa beekameera. Barattoota qormaata fudhatan kuma dhibba 4 ffi kuma 46 fi 907 keessa barattoonni kumni dhibbi 4 fi kumni 17 fi 411 yookaa % 93.4 darbaniiru.Barattootni kumni 29,fi 96 yookaa 6.6% kufuu isaanii maanaajimantiin Biiroo Barnoota Oromiyaa har'a murteesseera. Bu'aan qormaataa kun waajjiraalee barnootaa godinaalee 21 fi waajjiraalee barnootaa bulchiinsa magaalotaa 19n Oromiyaaf kara hooggantootaa 'telegram' dhaan ergamuu biirichi beekisieera. Waajjiraaleen kun bu'aa qormaataa kana gara aanaa isaaniitti dabarsuun , aanaaleen ammoo hardcopy isaa Manneen Barnootaa isaaniin borii kaasanii ni beeksisu jedhame.Torban dhufuu kaasee barnootni kutaa 9ffaa kan eegalu ta'uu ragaan Biiroo Barnootaa Oromiyaarraa argame ni muul'isa. Kaardii barataa dhuufaan maxxansee Biiroon Barnootaa Oromiyaa yeroo gabaabaa keessatti kan raabsu ta'uu beeksisera.
Waraanni Bilisummaa Oromoo (WBO)n zoonii Lixaa hawaasaan simatamaa jira
Feb 20, 2019 134664
Guraandhala 13/2011 Waraanni Bilisummaa Oromoo (WBO)n zoonii Lixaa guyyaa kaleessaatii kaasee hawaasaan simatamaa jira. Haaluma koreen teeknikaa fi araaraa akkasumas gumiin abbootii Gadaa waamicha dhiyeessaniin loltoonni Adda Bilisummaa Oromoo zoonii lixaa guyyaa kaleessaa irraa eegalee deebi'aa jira. Waraanni bilisummaa Oromoo guyyaa kaleessaa aanaa Manasibuu ganda Harawweetti qaama mootummaa fi abbootii Gadaatiin simatamaniiru. Guyyaa har'aas bifuma walfakkaatuun aanaa Beegii, Giddaa Ayyaanaa fi Baabboo Gambeelitti simannaan itti fufueera. Guyyoota Sadan kanatti simannaan erga taasifameefii booda gara kaampii qophaa'efiitti kan galan ta'uus walitti qabaan gumii abbootii Gadaa Bayyanaa Sanbatoo ‘BBC’ Afaan Oromootti himaniiru. Abbaa Gadaa Bayyanaa Sanbatoo akka himanitti, Zoonii Lixaarraa qofa loltoonni WBO Kuma 10 ol kan simataman ta'uu ibsaniiru. Simannaan WBO kun aanaalee garaa garaatti kan itti fufu yoo ta'u, miseensonni WBO iddoowwan biroo jiranis waamichi taasifameef simatamanii akka galantu eegama. Madda: OBN
Biiroon Barnootaa Oromiyaa firii qormaata kutaa 8ffaa bara 2014 ifoomse
Aug 31, 2022 25906
Hagayya 25/2014(TOI) - Bara barnootaa 2014tti barattoota kuma 451fi 25 qormaata naannoo kutaa 8ffaa fudhachuuf galmaa'an keessaa barattoonni kumni 443fi 526 qormaaticha fudhataniiru. Barattoota qoramaata fudhatan walii galaa keessaa barattoonni kumni 421fi 779 (%95.09) qabxii darbiinsaa argatanii gara kutaa 9ffaatti darbuu Hogganaa Ittaanaan BBO Obbo Girmaa Baay'isaa ibsa miidiyaaleef kennaniin ibsaniiru. Naannawaa horsiisee bulaan ala qabxii darbiinsaa dhiiraaf 50fi dubartootaaf 47 ta'uus himaniiru. Naannawaa horsiisiisee bulaatti ammoo qabxiin darbinsaa dhiiraaf 47 yoo ta'u, barattoota dubaraaf 44 ta'uufi qabxiin darbiinsa barattoota fedhii adda kan dhiiraa 44fi dubaraaf 41 ta'uu Obbo Girman himaniiru. Naannoo Oromiyaatti bara barnootaa 2015 barattoota miiliyoona 11 ol barsiisuuf galmeessi kan eegalameen yoo ta'u, Fulbaana 9/2015 guutummaa Oromiyaatti barnoonni ni eegalana. Barana barattoota miliyoona 7.5 ol sagantaa nyaataa manneen barnootaan fayyadamoo taasisuuf haaldureen xumuramuus ibsaniiru. Barattoonni baasii gara garaaf osoo hinsaaxilamin qabxii darbiinsaasaanii karaa toora interneetii http://oromia.ministry.et/#/home jedhuun ilaallachuu akka danda'an biirochi ibseera. DhPI irraa
Komishiniin Naamusaa fi Farra Malaammaltummaa Federaalaa 'Appilikeeshinii' namoonni eeruu kennaniifi ragaa kennaan itti fayyadamuu danda'an ifa godhe.
Mar 3, 2023 23379
Guraandhala 24/2015(TOI) - Komishiniin Naamusaa fi Farra Malaammaltummaa Federaalaa guyyaa har'aa 'Appilikeeshinii' namoonni eeruu ittiin kennaniifi ragaa ittiin eeraan fayyadamuu danda'an 'Public Feedback System' jedhamu ifa godhe. Komishinichi Bulchiinsa Nageenya Odeeffannoo waliin ta’uun Appilikeeshinii kana akka hojjete eerameera. Appichi afaanota biyya keessaa shaniin tajaajila kan kennu ta'uun himaeera. Komishinarri Komishinii Naamusaa fi Farra Malaammaltummaa Federaalaa Dooktar Saamu’eel Urqatoo akka jedhanitti, komishinichi hojiiwwan jijjiramaa hojjechaa jiru milkeesuuf teeknooloojiiwwan fayyadamaa jiraachuu ibsaniiru. Appilikeeshinichi hojii kan ariifachiisuufi haleellaa fi sodaachisaa ragaa eertootaa fi odeeffannoo kennitootarra gahu kan ittisu ta'uu himaniiru. Kana hordofuun hawaasni karaa appilikeshinii 'Public Feedback System'' yaada kennuudhaan itti gaafatamummaa biyyaalessaa isaa ba'uu qabu gaafataniiru. Daarektarri Olaanaa Bulchiinsa Nageenya Odeeffannoo Obbo Solomoon Sookaa akka jedhanitti, appilikeeshinii kana haleellaa saayibarii eegumsii cimaan kan taasifamuuf ta'uu himaniiru. Waajjira Ministira Muummeetti deetaan dhimmoota Kaabinee obbo Tasfaayee Dhaabaa akka jedhanitti, malaammaltummaa ittisuuf dhaabbanni tokko qofaan hojjetee milkaa'uu hin danda'u. Kanaaf lammileen hunduu miira itti gaafatamummaa qabuun malaan maltummaa ittisuuf hirmaachuu qabu jedhaniiru.
Gabaasa addaa
Itiyoophiyaan liqaa ishee hurgufachaa,abdii ishee horachaa gara fuula duraatti tarkaanfachaa jirti - Itti aanaa Ministira Muummee obbo Tamasgeen Xurunaa
Jun 9, 2026 4310
Waxabajji 2 /2018 (ENA): Itiyoophiyaan liqaa ishee hurgufachaa,abdii ishee horachaa gara fuula duraatti tarkaanfachaa jirti jedhani itti aanaan Ministira Muummee obbo Tamasgeen Xurunaa. Itti aanaan muummee ministiraa Pirojektoota misoomaa adda addaa magaalaa Woldiyaatti ijaaraman eebbisuun tajaajilaaf bananiiru. Yeroo eebba kanaatti pirojektoonni misoomaa eebbifaman imala biyyattiin gara fuulduraatti taasiftu kan agarsiisan yoo ta’u, guddinni Itiyoophiyaa eenyullee dhaabuu akka hin dandeenye kuni ragaadha jedhan. Itti aanaan ministira muummee kun ummanni magaalaa Woldiyaa finxaaleyyii fi qoqqoodinsa mormuudhaan kan beekamu ta’uu ibsuun, filannoon isaanii irra deddeebiin nagaa fi mootummaa cimaa ta’uu isaa kan argisiisu ta’uu ibsaniiru. Mootummaan baandota irratti qabsaa’aa jira jedhani. Waggoota 50 fi 60 darbaniif warri yaada dulloomaatiin qabaman guddina ariifataa biyyattii hubachuu akka hin dandeenyes ibsaniiru. Warri bosona keessa jiran jijjiirama guddaa biyyatti dhufe kan akka misooma koridarii, maaddii guutuu, pirojektoota misoomaa fi oomisha qamadii arguu akka hin dandeenye dubbataniiru. Misoomni koridarii magaalota keessatti gaggeeffamaa jiru dhimma bareedinaa qofa osoo hin taane magaalota ammayyeessuun sadarkaa jireenyaa ummataa ol kaasuuf kaayyoo ta’uu ibsaniiru. Magaalonni Itiyoophiyaa magaalota Baha Afriikaa fi addunyaa waliin dorgomuu akka qaban ibsaniiru; akkasumas tajaajila ammayyeessuuf tajaajilli giddugala tokkoo guutuu biyyattiitti babal’achaa akka jiru hubachiisaniiru. Manneen kitaabaa ummataa, manneen kitaabaa dijitaalaa fi kaffeewwan saayinsii magaalaa Woldiyaatti ijaaraman odeeffannoo guyyaa guyyaa irraa gara beekumsaa fi qorannoo gadi fagootti kan ceesisu ta’uu ibsaniiru. Mootummaan, abbootii qabeenyaa fi ummanni pirojektoota misoomaa eegalaman gara baadiyyaatti babal’isuun badhaadhina biyyattii dhugoomsuuf waliin hojjechuu akka qaban waamicha dhiyeessaniiru.
Yaa’ichi dhimmoota Afrikaarratti sagalee tokko dhageessisuun akka danda’amu carraa uumuudha
May 6, 2026 9767
Ebla 28/2018 (ENA)- Kaayyoon guddaan yaa’ii dhiibbaa uumtota miidiyaa hawaasaa Afriikaa (ASMIS) dhiibbaa uumtota jidduutti tumsa cimaa uumuudhaan dhimmoota Afrikaarratti sagalee tokko dhageessisuun akka danda’amu carraa uumuu akka ta’e qindeessaan Palsi oof Afriikaa(POA) obbo Barakat Sisaayi ibsan. Ajandaawwan Afriikaa qabsiisuu fi sagalee waloo dhageessisuuf carraa kan uumu ta’uu dabalanii ibsaniiru. Palsi oof Afriikaan (Pulse of Africa-POA) intarpiraayizii teknolojii E.ji.e waliin ta’uun mata duree “dhiibbaa uumtonni Afriikaa fooyyee qabduuf” jedhuun yaa’iin qophaa’u kun, Ebla 29 fi 30 2018 Finfinnee yaadannoo injifannoo Adwaatti ni gaggeeffama. Yaa’iin kun dhiibbaa uumtota miidiyaa hawaasaa jajjabeessuuf, dinagdee dijitaalaa cimsuuf, tumsa uumuu fi wiirtuu dijitaalaa gochuuf kan kaayyeffateha. Qopheessitoonni yaa’ii kanaa, dhiibbaa uumtonni miidiyaa hawaasaa Itiyoophiyaa yeroo yaa’ii kanaa maqaa gaarii biyyasaanii guddisuu fi tumsasaanii cimsuun haala danda’amurratti ibsa kennaniiru. Qindeessaan Palsi oof Afriikaa obbo Barakat Sisaayi wayita kana akka jedhanitti, Palsi Oof Afriikaan seenessa Afriikaa jallate jijjiiruuf kan hundeeffame miidiyaa Paan Afriikaati. Yaa’iin kun intarpiraayizii teeknooloojii E.ji.e waliin ta’uun qophaa’uusaa eeranii, qajeelfama “seenessa Afriikaa namoota keenyaan dubbachuu qabna” kan jedhu akka bu’uureffate ibsaniiru. Kaayyoon ijoo yaa’ii kanaas dhiibbaa uumtota jidduutti tumsa cumaa uumuun dhimmoota Afriikaarratti sagalee waloo dhageessisuuf carraa uumuu akka ta’e dubbataniiru. Ajandaan gamtaa Afriikaa 2063 karoora wagga 50 Afriikaan ittiin gaggeeffamtu ta’uu eeranii, ummattoota jidduutti walii galtee uumuuf dhiibbaa uumtonni miidiyaa hawaasaa waloomaan akka hojjetan carraa uumuuf waltajjichi faayidaa akka qabu ibsaniiru. Kanaaf yaa’iin kun Afriikonni galmoota ajandaasaanii milkeessuuf waltajjii waloon hojjetan ta’a jedhaniiru. Miidiyaan dijitaalaa waltajjii guddaa kan dinagdee sochoosudha kan jedhan obbo Barakat, dhiibbaa uumtonni miidiyaa hawaasaa karaa faayidaa qabuun akka itti fayyadaman hubannoo waloo uumuu akka barbaachisu hubachiisaniiru. Hojii raawwachiisaan intarpiraayizii E.ji.e obbo Gammadaa olaanaa gamasaaniin, yaa’iin kun maqaa gaarii Itiyoophiyaa akkasumas Afriikaa guddisuuf waltajjii murteessaa ta’uu dubbataniiru. Dhiibbaa uumtonni miidiyaa hawaasaa waa’ee qabiyyee uumuu, wa’ee ijaarsa seenessa Afriikaa fi waa’ee galmoota ajandaa 2063 ejjennoo ifaa akka qabatan godha jedhaniiru. Dhiibbaa uumtonni yaa’ii kanaaf biyyoota Afriikaa garagaraarraa filataman, qaqqabama miidiyaa hawaasaatiin qabanii fi maqaa gaarii Afriikaa guddisuuf gumaacha qabaniin madaalamanii kan filataman ta’uu mirkaneessaniiru.