Waxabajjii 22/2018 (ENA) : Hojiin tajaajila lamummaa yeroo Gannaa fayyadamummaa hawaasaa harka qalleeyyii dabaluun cinaatti, hirmaannaa hawaasni misoomarratti qabu dabalaa dhufuu Bulchiinsi Godina Baalee beeksise. Hojiin tajaajila lamummaa yeroo Gannaa aanota Godinichaa kurnan keessatti har'a eegalamee jira. Sirna baninsa hojii taajila lamummaa magaalaa Goorootti eegalame kanarratti Ittigaafatamaan Siyaasa Paartii Badhaadhinaa damee Godina Baalee Obbo Seeyfaddiin Hasan akka jedhanitti, tajaajilli lammummaa yeroo Gannaa fayyadamummaa hawaasaa harka qalleeyyii dabaluun cinaatti hirmaannaa hawaasni misoomarratti qabu dabalaa dhufuu dubbataniiru.   Hojii tajaajila lamummaa yeroo Gannaa kanaanis ijaarsa manneen harka qalleeyyii kuma 2 ol dabalatee hojiilee namoomaa hedduun guyyoota 60 keessatti hojjachuuf karoorfamuus akeekan. Hojii tajaajilaa kanaanis tola ooltota miliyoona 1.3 ol ta'an hirmaachisuun lammiilee harka qalleeyyii hedduu fayyadamoo taasisuuf hojitti galamuu yaadachiisan. Tajaajila kanaanis baasii sanduuqa mootummaarraa bahuu malu birrii bilioona 14.5tti tilmaamamu akka hanbisu dubbataniiru. Bulchaan Aanaa Gooroo obbo Isheetu Taklee gama isaaniitiin , tajaajilli lamummaa yeroo gara yerootti geeggeffamuun fayyadamummaa hawaasaa fooyyessuun cinatti hirmaannaa hawaasni misoomarratti qabu dabalaa dhufuu dubbatan. Tajaajila lamummaa bara kanaatiinis Gandoota aanicha 29 keessatti ijaarsi manneen harka qalleeyyii dabalatee hojiin namoomaa hedduun kan hojjatamu ta'uu dubbatan. Harka qalleeyyii ijaarsi mana jireenyaa eegalameef keessaa qaroo dhabeeyyii Obbo Adam Aloo yaada kennaniin, mana jireenyaa isaaniif eegalametti hedduu gamaduun galateeffataniiru.

Ajandaa Lakkoofsa 1: Ijaarsa Biyyaa 1.1 Dhimmoota eenyummaa fi abbaa biyyummaa 1.2 Seenaa fi eenyummaa 1.3 Eenyummaa fi duudhaalee waliinii kan biyyaalessaa (dhimmoota duudhaalee ilaallatanis dabalatee) 1.4 Ijaarsa biyyaa fi dhimmoota bulchiinsa sabdaneessummaa 1.5 Dhimmoota Afaanii 1.6 Dhimmoota eegumsa aadaa, seenaa fi hambaa akkasumas dhimmoota biroo hudduu Ajandaa Lakkoofsa 2: Caasaa fi gurmaa’insa Mootummaa akkasumas Sirna Siyaasaa, bakka bu'iinsa Siyaasaa fi sirna filannoo 2.1 Caasaa fi gurmaa’insa Mootummaa 2.1.1 Caasaa mootummaa fi akaakuu sirna bulchiinsaa 2.1.2 Mirga hiree ofii ofiin murteeffachuu 2.1.3 Hiika saboota, sablammootaa fi ummattootaa 2.1.4 Bara aangoo hojii hoggantoota mootummaa Federaalaa fi Naannolee 2.1.5 Hariiroo mootummaa Federaalaa fi Naannolee; qoodinsa aangoo, federaalizimii fiisikaalaa fi qoodinsa qabeenyaa mootummoota Federaalaa fi Naannolee 2.1.6 Bulchiinsaa fi daangaa naannolee; hundeeffama naannolee haaraa fi daangaa bulchiinsa naannolee 2.1.7 Caasaa fi shoora qaama seera baastuu 2.1.8 Aangoo Heera Mootummaa hiikuu 2.1.9 Sirna fooyya'iinsa Heera Mootummaa 2.2 Dhimmoota bakka bu'iinsa siyaasaa fi Sirna Filannoo 2.2.1 Sirna filannoo biyyattii 2.2.2 Sirna paartilee baay'ee (multi-party system) 2.2.3 Caasaa paartilee siyaasaa 2.2.4 Gahee hojii mootummaa fi paartii biyya bulchaa jiruu adda baasuu 2.2.5 Hundeeffama caasaa naannoolee filannoo 2.2.6 Itti fayyadama qabeenya mootummaa paartilee siyaasaa Ajandaa Lakkoofsa 3: Magaalota Federaalaa (Finfinnee fi Dirree Dhawaa) 3.1 Dhimma Finfinnee 3.1.1 Eenyummaa seeraa Finfinnee; walitti dhufeenya Finfinneen naannoo Oromiyaa waliin qabduu fi dhimma qooda baajata magaalaa Finfinnee 3.1.2 Dhimma Magaalaa Guddoo Federaalaa 3.1.3 Dhimma poolisii fi mana murtii Finfinnee 3.1.4 Daangaa Finfinnee fi moggaasa maqaa bakkootaa 3.1.5 Afaan hojii Finfinnee 3.1.6 Hambaa seenaa Finfinnee fi dhimma hammattummaa 3.2 Dhimma Dirree Dhawaa 3.2.1 Eenyummaa seeraa Dirree Dhawaa 3.2.2 Haala bulchiinsa Egeree Dirree Dhawaa, bakka bu'iinsa ummata ishee fi walitti dhufeenya Naannoo Oromiyaa fi Naannoo Somaalee waliin qabdu 3.2.3 Bakka bu'iinsa Dirree Dhawaa mootummaa Federaalaa keessatti; dhimma bakka bu'iinsa Dirree Dhawaan Mana Marii Federeeshinii keessatti qabaattu Ajandaa Lakkoofsa 4: Dhimmoota Amantaa,Hambaalee Seenaa fi Araara Ilaallatan 4.1.1 Sekwulaarizimii (addaan ba'uu amantii fi mootummaa) fi bilisummaa amantii gidduutti madaallii fayyaalessa eeguu 4.1.2 Bilisummaa amantii fi daangaa isaa 4.1.3 Eegumsa dhaabbata amantii hordoftoota lakkoofsa xiqqaatanii 4.1.4 Dhimma duudhaalee aadaa fi amantii waliin walitti bu'an 4.2 Haaloo Seenaa fi dhimmoota Araaraa 4.2.1 Qollifamuu seenaa fi fayyadamummaa addaa 4.2.2 Adeemsa araaraa fi beekamtii kennuu 4.3 Walitti dhufeenyaa fi waliin jireenya amantiiwwan gidduu jiru ilaalchisee 4.3.1 Wal-dhabdee amantiiwwan gidduu jiranii fi furmaata isaanii 4.3.2 Toftaalee marii amantiiwwan gidduu jiru jabeessuu 4.4 hariiroo Amantiin jireenya ummataa fi walitti dhufeenya hawaasummaa keessatti qabu 4.4.1 Shoora amantiin dhaabbilee ummataa keessatti qabu 4.4.2 Waltajjiiwwan amantii, miidiyaa fi mariiwwan ummataa 4.4.3 Ittifayyadama sagalee dhaabbilee amantii fi mirga hawaasaa Ajandaa Lakk 5: Ijaarsa Dhaabbilee, Olaantummaa Seeraa fi Mirgoota Namoomaa 5.1 Mirga Namoomaa 5.1.1 Bu’uura Heeraa fi Seeraa Eegumsa Mirgoota Namoomaa 5.1.2 Mirga Buqqaatota Biyya Keessaa 5.1.3 Mirga Garee Qaama Miidhamtootaa, Namoota Saaxilamoo fi garee qoqqobaman 5.1.4 Eegumsa Mirgoota Namoomaa Waldhabdee fi Haala Nagaa Keessatti 5.1.5 Bu’uuraalee Dhaabbilee Eegumsa Mirgoota Namoomaa Cimsuu 5.1.6 Dhimmoota Itiyoophiyaanota Biyya Alaa (Diyaaspooraa) jiraatan. Mirga lammummaa dachaa fi dhimmoota biroof beekamtii kennuu 5.2 Olaantummaa seeraa 5.2.1 Olaantummaa seeraa (seera qabeessummaa) 5.2.2 Walqixxummaa seera duratti 5.2.3 Itti gaafatamummaa 5.2.4 Dhaqqabamummaa Haqaa 5.3 Ijaarsa dhaabbilee 5.3.1 Bilisummaa, walabummaa fi dhaqqabummaa dhaabbilee dimokiraasii 5.3.2 Walabummaa fi itti gaafatamummaa dhaabbilee haqaa 5.3.3 Walabummaa, bilisummaa fi gurmaa’ina dhaabbilee nageenyaa 5.3.4 Madaallii, walabummaa fi itti gaafatamummaa damee mootummaa sadan 5.3.5 Giddu-galeessummaa dhaabbilee, walabummaa fi itti gaafatamummaa miidiyaa 5.3.6 Bilisummaa, gahee fi itti gaafatamummaa jaarmiyaalee hawaasa siivikii Ajandaa lakk.6: - Dhimma hawaas-dinagdee fi qonnaan bultootaa fi horsiiseebultootaa 6.1 Dhimmoota hawaas-dinagdee 6.1.1 Dhimma dubartootaa fi dhimmoota kanaan walqabatan 6.1.2 Bulchiinsa qabeenyaafi Raabsa qabeenya haqa qabeessa 6.1.3 Qabeenya lafaa fi abbummaa 6.1.4. Bakka bu’ummaa lakkoofsa ummataa fi bulchiinsa hunda hammate 6.1.5 Tajaajila hawaasummaa (fayyaa, barnootaa fi sadarkaa jireenyaa) . 6.1.6 Mirga hojjetaa fi haala hojii haqa qabeessa 6.1.7 Misooma itti fufiinsa qabuu fi eegumsa naannoo 6.1.8 Mirga qabeenya uumamaa fi faayidaa qooduun 6.1.9 Diinagdee, invastimantii fi oomishtummaa hunda hammate 6.1.10 Wabii hawaasummaa fi carraa hojii 6.2.2. Qonnaan bultootaa fi horsiisee bultootaa 6.2.1 Hirmaannaa fi walqixxummaa qonnaan bultootaa fi horsiisee bultootaa guddisuu 6.2.2 Galteewwan qonnaa yeroo fi haqa qabeessa ta’een argachuu ilaalchisee. 6.2.3 Jecha 'Qubattoota' jedhu Heera Mootummaa keewwata 40 keewwata xiqqaa 5 fi keewwata 41 keewwata xiqqaa 8 irratti ibsame fooyyessuu 6.2.4 Carraa gabaa bilisaa fi walitti hidhamiinsa gabaa uumuu 6.2.5 Misooma waliinii fi deeggarsa dinagdee hawaasa qonnaan bulaa fi horsiiseebultootaa 6.2.6 Imaammata misoomaa jireenya horsiisee bultootaa irratti xiyyeeffate Ajandaa lakk.7: Malaammaltummaa fi bulchiinsa gaarii 7.1 Rakkoolee bulchiinsa gaarii fi dhimmoota malaammaltummaa. 7.2 Sirna farra malaammaltummaa ijaaruu 7.3 Sirna bulchiinsa gaarii ijaaruu 7.4 Tajaajila mootummaa haqa qabeessa 7.4.1 Tajaajila mootummaa haqa qabeessaa fi hunda hammate 7.4.2 Ramaddii fi qacarrii humna namaa dandeettii irratti hundaa’e Ajandaa Lakk 8: Ijaarsa Nageenyaa 8.1 Sababoota waldhabdee fi karaalee itti hiikan 8.2 Waldhabdee fi garee hidhate ilaalchisee 8.3 Bu’uura nagaa itti fufiinsa qabu 8.4 Malawwan aadaa waldhabdee hiikuu beekamtii kennuu, cimsuu fi ammayyaadhaan walitti makuu 8.4.1 Beekkamtii aadaa fi bu’uura seeraa 8.4.2 Dhimma araaraa fi dhiifamaa 8.4.3 Dhukaasa dhaabuu fi waliigaltee nagaa 8.4.4 Haqaa ce’umsaa 8.5.5. Adeemsa nagaa ijaaruu keessatti gahee dhaabbilee amantaa Komishinii Marii Biyyaalessaa Itiyoophiyaa

Waxabajjii 21/2018 (ENA): Eebbifamtoonni Yunivarsiitii Baahir Daar beekumsa barnoota isaaniitiin argatanii fi bu’aa gaariin galmeessan amanamummaadhaan biyya tajaajiluuf bu’uura ta’uu ibsaniiru. Yunivarsiiticha irraa barnoota akkaawuntiingii fi faayinaansiin kan eebbifame Izraa Andu’aalam qabxii 4 galmeessisuun waancaa badhaafameera.   Fedhii fi kutannoo cimaan ofii isaa, maatii isaa fi biyya isaa gargaaruuf kutannoo inni qabu akka milkaa’uuf bu’uura ta’uu himeera. Hojii barbaaduu caalaa beekumsa yeroo barnootaa fi walitti dhufeenya hawaasummaa argate walitti dhufeenya hawaasummaa isaa waliin walitti qindeessuun hojii mataa ofii uumuuf qophaa’uu isaa ibseera. Kutaa Barnoota Manaajimantii keessaa 3.98 galmeessisuun badhaasicha kan injifatte Maahleet Maatabeen yeroo yunivarsiiticha keessa turtetti hojii cimaa hojjetteen milkaa'ina akka argatte dubbatteetti.   Yeroo ishee ogummaadhaan fayyadamuu fi cimtee barachuun ishee milkaa'ina akka argattu ishee taasisuu dubbatteetti. Namoonni biroos seenaa milkaa'ina ishee akka hordofan gorsiteetti. Hojii barbaaduu dhiistee dandeettii kana guddifachuun hojii uummattee hojjechuuf karoorfachuu ishee dubbatteetti.

Waxabajjii 21/2018 (ENA): Eebbifamtoonni qabxii olaanoon eebbifaman Yunivarsiitii Amboo damee ogummaa isaaniitiin ciminaa biyya isaanii tajaajiluuf qophii ta’uu ibsaniiru. Yuunivarsiitiin Amboo kaleessa barattoota 930 damee barnootaa adda addaatiin digrii tokkoffaa, lammaffaa fi sadaffaan eebbiseera. Eebbifamtoonni qabxii olaanoo kuni ENA’f yaada kennan beekumsaa fi dandeettii waggoota darban keessatti horatan hojiitti hiikuuf qophaa’uu isaanii mirkaneessaniiru. Yuunivarsiiticha kutaa qoricha beeyladaatiin qabxii 3.95 fi meedaaliyaa argachuun kabajaan kan eebbifame Heenook Darajjee yeroo ofii sirnaan yoo fayyadaman, galma ifa ta’ee fi cimina yoo qabaaan kaayyoo ofii galmaan ga’uun rakkisaa hin ta’u jedheera. "Damee ogummaa ani jaalladhu irratti kabajaan eebbifamuu kootti baay'een gammada," kan jedhu Heenook , Guddina biyyaa saffisiisuun damee ogummaa isaatiin ciminaa fi walqixxummaan hawaasa tajaajiluuf qophii ta’uu ibseera. Kana malees, eebbifamtichi beekumsaa fi dandeettii yeroo yunivarsiiticha keessa turetti argate fayyadamuun, carraa hojii mataa isaa uumuun of jijjiiruuf qophii ta’uu ibseera. Gama biraatiin dameema barnootaa kanaan barattoota dubaraa dippaartimantii sana keessa jiran keessaa sadarkaa olaanaa 3.78’n eebbifamte Tsiggee Chubaaroo, waliin dubbisuu fi qo’achuun danda’uun bu’aa fooyya’aa akka argamsiise dubbatteetti. Qormaata hunda darbuu fi milkaa'uu danda'uu isheetiin gammachuu guddaa ishee qooddatteetti. Itti dabaluunis damee ogummaa isheetiin ciminaan hawaasa tajaajiluuf qophii guutuu ta’uu ibsiteetti. Gama biraatiin ammoo, beekumsa ogummaa yeroo yunivarsiiticha keessa ture keessatti argateen hojii mataa isaa uumuun ofii fi biyya isaa jijjiiruuf karoorfachuusaa Saayinsii Kompiitaraatiin kan eebbifame Lalisaa Milikeesaa dubbatera. Barattoonni biroo yeroo isaaniitti ogummaadhaan yoo itti fayyadaman bu’aa fi gammachuu akka qabaatan dubbateera.