Bitootessa 30/2016(TOI)- Nageenya naannoo keenyaaf gamtaan nidhaabanna jedhan Jiraattonni magaalaa Dasee hiriira deeggarsaa milkaa’inoota waggoota jahan darbaniif beekamtii kennu bahaniin Hiriirri magaalaa Dasee mata duree “nageenya naannoo keenyaaf gamtaan nidhaabanna” jedhuun adeemsifamaa jira. Hiroora deeggarsaa kanaan ergaawwan nu Itiyoophiyaanonni nageenyaa fi badhadhina guutuu biyya keenyaaf qooda keenya nibana, biyyaa fi ummata ilalchaa fi gocha badii finxaaleyyii muraasaan diigamu hinqabnu, hirmaannaan ummataa olaanaan badhaadhina Itiyoophiyaaf, biyya keenya olaantummaatti ceesisuuf hooggansa jijjiiramaa waliin ciminaan nidhaabanna jedhan hiriira deeggarsaa irratti darbaniiru. Jijjiiramni biyyaa Itiyoophiyaa kan baraaree fi jiraachuu keenya kan ittifufsiisedha, hidhi haaromsaa guddichi ibsituu tokkummaa fi cimina keenyaati, shira diinota keenyaa kan turee fi bookkisa ergamtuusaaniitiin imalli keenya badhaadhinaa hingufatu, Itiyoohiyaan injifannoo Adwaa haaromsaa jirti, injifannoo fi milkaa’inni ijaarsa hidha haaromsaa guddichaa ashaaraa deena qabeessa injifannoo abbootii keenyaa itti daballedha jedhuun ibsaniiru. Ergaawwan Bitootessi 24 guyyaa Itiyoophiyaan mataa olqabatte guyyaa seena qabeessadha, mootummaa kan yaade hojjetu kan jalqabe xumuru qabna, nageenyi keenya mana keenyaa jalqaba, nageenyaa fi tokkummaa biyya keenyaf waan nurraa barbaadamu nibaana, Waraana bakka bu’ummaatiin naannoo keenya diiguun hindanda’amu, nageenya naannoo keenyatti dhufaa jiru yeroo gabaabaatti nageenya waaraatti niceesifna jedhan darbaa jiru. Hawaasni barii jalqabee gandoonni baadiyyaa osoo hinhafiin kallattii hundaan Istaadiyeemii Hooxeetti walgahaa jira.

Bitootessa 30/2016(TOI)- Biyya ilaalchaa fi gocha badi humnoota finxaaleyyii muraasaan diigamu hinqabnu jedhan jiraattota godina Gondar Lixaa. Godinichatti jiraattonni bulchiinsa Gandaawuhaa hiriira deeggarsaa taasisaa jiru. Hiroora deeggarsaa kanarratti ergaawwan nu Itiyoophiyaanonni nageenyaa fi badhadhina guutuu biyya keenyaaf qooda keenya nibana, biyyaa fi ummata ilalchaa fi gocha badii finxaaleyyii muraasaan diigamu hinqabnu, hirmaannaan ummataa olaanaan badhaadhina Itiyoophiyaaf, biyya keenya olaantummaatti ceesisuuf hooggansa jijjiiramaa waliin ciminaan nidhaabanna jedhan hiriira deeggarsaa irratti darbaniiru. Kana malees jijjiiramni biyyaa Itiyoophiyaa kan baraaree fi jiraachuu keenya kan ittifufsiisedha, hidhi haaromsaa guddichi ibsituu tokkummaa fi cimina keenyaati, shira diinota keenyaa kan turee fi bookkisa ergamtuusaaniitiin imalli keenya badhaadhinaa hingufatu,Itiyoohiyaan injifannoo Adwaa haaromsaa jirti jedhan dhageessifamaa akka jiran odeeffannoon komunikeeshinii naannichaarraa arganne nimul’isa.

Bitootessa 30/2016 (TOI)- Hiriirri deeggarsaa bu’aalee mootummaan jijjiiramaa waggoota jahan darban galmeessiseef beekamtii kennu bulchiinsa sablammii Waag himiraamagaalaa Saqoxaatti taasifamaa jira. Ergaawwan “Nuitiyoophiyaanonni nageenyaa fi badhaadhina biyya keenyaaf qooda keenya nibaana, nageenyi keenya mana keenyrraa jalqaba, injifannoo fi milkaa’inni hidha haaromsaa guddichi ashaaraa seena qabeessa injifannoo abbootii keenyaa daballee kan itti galmeessifnedha, hirmaannaan ummataa olaanaan badhaadhina Itiyoophiyaaf” jedhan jedhan hiriira kanarratti mul’ataniiru. Bulchiinsa magaalaa Saqoxaan cinaatti aanaalee godinichaa keessattis hiriirri deeggarsaa jaarsoliin biyyaa, hojjettoota mootummaa, dubartoonnii fi dargaggoonni itti hirmaatan adeemsifamaa jira.

Bitootessa 30/2016(TOI)- Hiriirri jijjiirama biyyaa deeggaru magaalaa Hawaasaatti adeemsifamaa jira. Hirmaattonni hirira deeggarsaa kunneen ergaawwan “badhaadhina biyya keenyaaf gamtaan nidhaabanna, biyya keenya gara guddinaatti olbaasuuf hooggansa jijjiiramaa waliin cimnee nidhaabanna, jijjiirama itti nifufsiifna” jedhan dabarsaa jiru. Kutaaleen hawaasaa addaddaa magaalaa Hawaasaa fi godina Sidaamaa Kaabaa hiriira deeggarsaa kanarratti hirmaachaa jiru.

Bitootessa 28/2016(TOI) - Hojiilee misoomaa waggoota jahan darban raawwataman caalmaan itti fufsiisuuf hiriirri deeggarsaa jijjiiramaaf tumsu Naannoo Somaalee magaalaa Jigjigaatti bahameera. Hiriiricharratti Pirezidaantiin Naannoo Somaalee Obbo Musxafee Mohaammad waggoota jijjiiramaa jahan darbanitti gama hundaan bu’aalee gurguddoon argamaniiru jedhan. Hojiileen kunneenis cimanii akka itti fufan himaniiru. Hawaasnis tumsasaa cimsuu akka qabu dhaamaniiru. Hirmaattonni hiriirichaas jijjiirama qabatamaa dhufe deeggaruuf hiriira bahuu himaniiru. Bu’aa caaluufis akka tumsan dubbataniiru

Bitootessa 28/2016 (TOI) - Magaalaa Finfinneetti hiriirri namoonnii hedduun irraatti hirmaatan rakkoo nageenyaa tokko malee nagaan geggeeffamee xumuramuu Humni Waloo nageenyaa fi Tasgabbii beeksiseera. Humnichi qaamolee nageenyaa hiriirichi nagaan akka xumuramuuf gumaacha taasisaniifi itti gaafatamummaa isaanii karaa sirriin ba’atani galateeffateera. Hiriirri Addabaabayii Masqalaatti gaggeeffame kun karaa milkii fi naga qabeessaan akka xumuramu humni waloo nageenyaa fi tasgabbii dursee qophii barbaachisaa taasisuus eerera. Hiriira kana irratti hoggantoonni hojii mootummaa olaanoo, kutaaleen hawaasaa adda addaa kutaalee magaalichaarra walitti dhufan hedduun kan hirmaatan yoo ta'u hiriirichis rakkoo nageenyaa tokko malee nagaan geggeeffamee xumuramuu humnichi beeksiseera. Hiriirri kun akka nagaan xumuramuuf hawaasni humna nageenyaa cinaa dhaabbatee tumsa barame taasisaa turu eerera.

Bitootessa 28/2016(TOI) - Kantiibaan Magaalaa Finfinnee Aadde Adaanech Abeebeen jiraattota magaalattii hiriira ba’uun deeggarsaa isaanii argisiisan galateeffatan. Guyyaa har’aa jiraattoonni Magaalaa Finfinnee jijjiirama Ministira Muummee FDRI Dooktar Abiy Ahimadiin hogganamaa jiru waggaa 6ffaa sababeeffachuun hiriira deeggarsaa gaggeessuu ibsaniiru. Jijjiiramichi biyyattii kan fuulduratti tarkaanfachiisan hojiilee guguddaa fi obbolummaa sabdaneessaa dagagsuun tokkummaan kan miidhage ta’uu eeraniiru. Magaalaan Finfinnees Yaadannoo Injifannoo Adwaa dabaltee pirojektoota guguddaa eegaluun kan xumurte ta’uu, bakkeewwan hawwata tuuriizimii akkasumas haqa hawaasummaa mirkaneessuuf hojiilee namarratti xiyyeeffatanii eegalamaniin, jiraattota hedduuf dhiibbaan jireenyaa hir’achuun abdiin isaanii kan itti dagaage ta’uu Aadde Adaanech gama miidiyaa hawaasummaa isaaniin ibsaniiru. Fuuldurattis, Magaalaa Finfinnee fakkeenya badhaadhinaa, akka maqaa ishee miidhagduu fi jireenyaaf mijattuu taasisuuf, damee hundaan giddugala hawwattuu taasisuuf tattaaffiin taasifamu cimee itti fufa jedhaniiru. Jireettoota magaalatti yeroo mara deeggarsa isaanii argisiisanis kan kabajanii fi galateeffatan ta’uu Aadde Adanech ibsaniiru.        

Bitootessa 28/2016(TOI) - Magaalaa Finfinneetti mata duree ''Badhaadhina Biyya keenyaaf gamtaan ni dhaabbanna" jedhuun hiriirri jijjirama deeggaru geggeeffama jira. Hiriirri kun magaalaa Finfinnee addabaabayii masqalaatti geggeeffama kan jiru yoo ta'u jiraatoonni magaaluchaa hedduun irratti hirmaataniiru. Kanneen hiriira kanarratti hirmaatan ertaa deeggarsa hooggansa Ministirri Muummee kennaa jiran deeggaru qabatanii bahaniiru. Ergaa hiriirtonni qabatanii bahan keessaa " Nageenyi keenya mana tokkoon tokkoo keenya jira, Hidhi haaromsaa gudditti mallattoo jabinaa fi tokkummaa keenyaati, Biyya keenya gara badhaadhinaatti ceesisuuf hoggansa jijjiramaa waliin ni hiriirra" kanneen jedhan keessatti argamu.

Bitootessa 28/2016 (TOI) - Jiraattonni naannoo Hararii har’a ganama irraa eegalun hiriira jijjirama deeggaru geggeessaa jiru. Hiriira kana irratti jiraattonni, qonnaan bultoonni, hojjettoonni mootummaa fi namoonni biroon aanaalee naannichaa hundarraa hirmaataniiru. Hiriirtonni kunneen hooggansa Ministira Muummee doktar Abiy Ahimad jalatti jijjiirama waggoota jahan darban keessatti gama nageenyaa, misoomaa fi bulchiinsa gaariin argaman itti fufsiisuuf deeggarsa qaban ibsataniiru. Waggoota jahan darban naannichatti gama nageenyaa fi tasgabbiin, misooma hawaasummaa fi dinagdeetiin bu’aan gaariin argameera. Hiriirtonni kunneenis, "Nagaa keenyaaf waardiyyaa ni taana, jijjiirama jiru ni jabeeffanna, injifannoo keenya ni eeganna, milkaa'ina dabalataaf ni hojjenna, nagaan hundaaf, hunduu nagaaf waliin ni hojjenna!" ergaa jedhu qabatanii bahaniiru.

Bitootessa 28/2016 (TOI) - Jijjiramni biyyaaleessaa milkaa'ina hedduu magaalaa Finfinneef fidee kan dhufe ta'uu Itti aanaan Kantiibaa magaalaa Finfinnee obbo Jaanxiraar Abbaay himan. Waggaa jahaaf jijjirama sadarkaa biyyaatti taasifamee sababeeffachuun magaalaa Finfinneetti hiriirri nagaa'' Badhaadhina biyya keenyaaf gamtaan ni hojjenna'' jedhu magaalaa Finfinneetti geggeeffameera. Itti aanaan Kantiibaa magaalaa Finfinnee obbo Jaanxiraan Abbaay hiriira kanarratti argamuun haasaa taasisaniin; Jijjirama kana hordofuun hojiiwwaan misoomaa hedduun kan jiruu fi jireenya jiraatoota maalichaa jjjiran hojjetameera jedhaniiru. Jijjiramicha hordochuun hojjiwwan hojjetam keessaa Ijaarsi paarkiiwwanii, misoomaa fi babal’ina bu’uuraalee daandii, pirojektoota hawaasa irratti xiyyeeffatan, akkasumas hojiiwwan misoomaa biroon fayyadamummaa jiraattota magaalichaa mirkaneessaan hojjetamuu eeraniiru. Keessattuu, hojiin qaala'insa gatii tasgabbeessuuf deeggarsa maallaqaa gurguddaa kan taasifame ta'uu himanii; bu’aan hedduunis kanarraa argameera jedhaniiru. Manneen barnootaatti baratootaaf nyaata dhiheessuu hojii hojjetameen baratoonni hedduun fayyadamoo ta'uu ibsanii; deeggarsi meeshaalee barnootaas taasifamaa jira jedhaniiru. Jijjiramichi magaalaa Finfinneef milkaa'inoota hedduu kan fide ta'uu himanii jijjiramicha itti fufsiisuuf dirqama keenya bahuu qabna jedhaniiru.

Bitootessa 27/2016(TOI) - Marii biyyaaleessaaf aanaalee 850 irraa hojiin hirmaatota adda baasuu guutuummaatti xumuramuu Komishiiniin Marii Biyyaalessaa beeksise. Dubbi himaan Komishiinii Marii Biyyaalessaa Xibabuu Taaddasaa adeemsi marii biyyaalessaa maal irra akka jiru ilaalchisuun miidiyaaleef ibsa kenneera. Ibsa isaaniin bara 2015 irraa eegalee hojiin hirmaatoota adda baasuu, waltajjiiwwan bakka bu'oota galteewwaan ajandaaf ta'an walitti qabuu qabuurratti hirmaatan filachiisuu hojjetamuu eeraniiru. Adeemsa hanga ammatiinis aanaalee 850 irraa hojiin hirmaatoota adda baasuu guutummaatti xumuramuu ibsaniiru. Aanaalee 100'tti immoo hojiin kun yeroo dhihootti ni xumurama jedhaniiru. Naannoolee guutummaatti hojiin kun xumuramees Affaar, Beenishaangul Gumuz, Gambeellaa, Hararii, Sidaamaa, Kibba lixa Itoophiyaa, Kibba Itoophiyaa fi Jiddigala Itoophiyaatti jedhaniiru. Bulchiinsa magaalaa Dirre Dawaa fi Finfinneettis hojiin hirmaatoota adda baasuu xumurameera jedhaniiru. Naannoo Somaalee aanaalee 25 fi naannoo Oromiyaa aanaalee 70ttis xumuramaa jiraachuu ibsanii; gara fuula duraatti naannoo Amahaaraa fi Tigiraayitti ni raawwatama jedhaniiru. Marii biyyaalessaaf hirmaattoonni adda baafaman waltajjiiwwaan marii gara fuula duraatti qophaa'urratti kan hirmaatan ta'uu ibsaniiru. Dhaabbileen adda adda, Waldaaleen, Paartileen Siyaasaa fi kanneen warri biroo bakka buufatanis waltajjii ajandaa walitti qabuu irratti hirmaachuuf qophii akka taasisan hubachiisaniiru. Haala karoora qabameen naannolee fi bulchiinsa magaalootaatti bakka bu'oonni yeroo walfakaatatti marii kan taasisan ta'uus eeraniiru.

Bitootessa 27/2016(TOI)-Naannoo Oromiyaa godina Shawaa bahaa aanaa Boosat ganda Qaawwaatti daandiin sababa shororkeessaa Shaneen magaalaa Boolee kiiloo meetira 22 cufamee ture deebi’ee tajaajila kennuunsaa ibsame. Ajajaan olaanaa kutaa waraanichaa koloneel Geetinnat Jiraa akka jedhanitti, daandiin kun shororkeessaa Shaneen cufamee turus raayyaan qaxanaa kanatti erga bobba’ee asitti bu’uraaleen addaddaa hojii akka jalqaban gochuun danda’amuusaa odeeffannoon raayyaa ittisaarraa argame argame nimul’isa. Hoogganaan waajjira komunikeeshinii aanaa Boosat fi qindeessaan kilaastara Boolee obbo Yaasiin Feeqoo daandiin baname daandii muummee Jibutiin kan walittihidhate waan ta’eef oomishoota muduraa addaddaa gabaa baasuu fi hawaasa si’aayinaan kan keessummeessu waan ta’eef faayidaa olaanaa qaba jedhaniiru.

Bitooessa 27/2016(TOI)- Duulli garee shororkeessaa Shanee amma dhumaatti balleessuu fi nageenya qaxanichaamirkaneessuuf taasifamu ciminaan ittifufa jedhan ajajaan ajaja jiddugaleessaa Letenaal Jeneraal Zawuduu Balaay. Letenaal Jeneraal Zawuduu Balaay hooggantoota raayyaa fi bulchiinsa siviilii qaamota kooriiwwan ajaja jiddugaleessaa hundarraa fi ajaja lixaa koorii tokkoo waliin haala nageenyaa qaxanichaa yeroo ammaa firaawwii raayyaa ilaalchisuun marii taasisaniiru. Duula dhihoo kana qaxanicha kallattii hundaan taasifameen diinarratti tarkaanfiin cimaan fudhatamuu fi bu’aan olaanaa argamuusaa ibsanii, duulli garee shororkeessaa kana balleessuuf taasifamu cimee akka ittifufu dubbachuusaanii odeeffannoon raayyaa ittisaa nimul’isa. Hoogganaan olaanaa qajeelcha gamtaa ittisaa Letenaal Jeneraal Balaay Siyyum raayyaan qaxanichatti bobba’e dirqamasaa bahaa waan jiruuf nageenyi naannawichaa yeroo gara yerootti fooyya’aa dhufuun alatti hawaasni tasgabbaa’ee jireenyasaa gaggeessaa akka jiru argineerra jedhan. Godina Wallaggaa Lixaatti aanaaleen Begii fi Qondaalaa akkasumas godina Qeellam Wallaggaatti bulchitoonni aanaa Gidaamii fi qaamoleen nageenyaa maricharratti hirmaataniiru. Duula raayyaan halkanii fi guyyaa taasisaa jiruun haalli nageenyaa naannawasaanii baay’ee fooyya’uusaa fi ummannis yeroo yerootti odeeffannoo kennuu fi hojii addaddaatiin hirmaannaa taasisaa akka jiru dubbataniiru.

Bitootessa 27/2016(TOI) - Naannoo Gambeellaatti nageenyaa fi misooma waaraa mirkaneesuuf dhaabbileen amantii hirmaannaa isaanii cimsuu akka qaban Pirezidaantiin naannichaa obbo Umood Ujuluu hubachiisan. Waltajjiin marii nageenyarratti xiyyeeffate kan dhaabbileen amantii naannichaatti argaman irratti hirmaataan magaalaa Gambeellaatti geggeeffameera. Obbo Umood Ujuluu waltajjii kanarratti akka himaniitti; tokkummaa fi walooma uummtaa cimsuu keessatti gaheen dhaabbileen amantii qaban guddadha jedhaniiru. Dhaabbileen amantii tokkummaa fi waliin jireenyi uummata akka cimu taasisuun nageenyi waaraan naannichaatti itti fufnisaan akka jiraatuu fi uummanni qabeenya uumamaa naannichu qabu misoomsuun fayyadamuu akka qabu hojii hojjetamu keessatti hirmaanna isaanii cimsuu qabu jedhaniiru. Namoonnii tokko tokko miidiyaa hawaasaa fayyadamuun yaadama seenessa qeenxeen karaa itti gaafatummaa hin qabneen nageenyi naannichaa akka boora'u yaalii gochaa turuu eeranii; Dhaabbileen amantii seeneessa tokkummaa uummataa cimsu seenessa waloon obbolumma cimsuuf xiyyeeffannoo hojjechuu qabu jedhaniiru. Walatajjii marii kanarratti bakka bu'oonni dhaabbilee amantii naannicha keessaatti argamanii hirmaataniiru. See insights and ads Boost post All reactions: 22

Bitootessa 27/2016(TOI)፡-Naannoo Itiyoophiyaa Kibbaa magaalaawwan Diillaa fi Jiinkaatti mata duree nageenya keenyaaf waardiyyaa nidhaabanna, jijjiirama nicimsina” jedhuun hiriirri nagaa taasifamaa jira. Hiriira nagaa naannichatti godina Geedi’oo Diillaa fi godina Arrii Jiinkaatti taasifamaa jirurratti kutaaleen hawaasaa addaddaa hirmaataniiru. Waggoottan jijjiiramaa jahaan asitti bu’aaleen biyyattiitti argaman cimanii akka ittifufan akka deeggaran kanneen hiriira bahan ibaniiru. Kanneen hiriira nagaa bahan ergaawwan Yaalii walootiin nageenya keenya nimirkaneessina, tokkummaa keenya cimsinee badhaadhina Itiyoophiyaa nisaffisiifna, biyya keenya guddinatti ceesisuuf sochii taasifamu keessatti cimnee nidhaabanna, hidha haaromsaa Itiyoophiyaa guddicha tumsa keenyaan akkuma jalqabne nixumurra, milkaa’ina egereef waliin nihojjenna jedhan dabarsaa.

Bitootessa 27 / 2016(TOI)-Jiraattonni Dirreedawaa Mata duree “Tokkummaa cimsuun nageenyaa fi badhaadhina Itiyiohiyaa nimirkaneessina” jedhuun hiriira deeggarsaa taasisaa jiru. Jiraattonni baadiyyaa fi magaalaarraa walitti dhufan dhaadannoowwan waggoota jijjiiramaa jahan darban hooggansa cimaa doktar abiyyi Ahimadiin jijjiiramoota gama nageenyaa, misoomaa fi bulchiinsa gaariin argaman qabachuun hiriira nagaa taasisaa jiru. Kanneen keessaa nageenyi hundaaf hundi nageenyaaf, hooggansa cimaa hoogganaa keenya dktar Abiyyi Ahimadiin guddinaa fi badhaadhina keenya nimirkaneessina kan jedhan keessatti argamu. Bu’aawwan jijjiiramaan argaman sadarkaa olaanaatti ceesisuuf ministira muummee keenya cinaa hiriirree ga’ee keenya nibaana jedhaniiru. Jiraattota hiriira nagaa bahan keessaa adde Sintaayyoo Gabramadin TOItti akka himanitti, waggoottan jijjiiramaa jahan darbanitti Dirreedawaatti hojiilee misoomaa fi bulchiinsa gaariirratti jijjiiramoonni bu’uraa dhufaniiru. Ministirri muummee doktar Abiyyi Ahimad aangoo erga qabatanii kaaseetu gamtoominnii fi tokkummaan Dirreedawaa deebi’ee jijjiiramni galmaa’aa kan jiru jedhaniiru. Bu’aaleen jijjiiramaa kunneen cimsuun itti fufuuf, jaalalaa fi tumsa ministira muummeef qabnu agarsiisuufi har’a addababayiirratti kan argamne kan jedhe ammoo dargaggoo Gammachuu Mahaammadidha. Jiraattonni hiriira nagaa kana addababayii baabura lafoo Dirreedawaatti adeemsisaa jiru.. Ittaantuu af-yaa’ii mana maree bulchiinsa Dirreedawaa adde Fathiyaa Aden dabalatee miseensonni Kaabinee bulchiinsa Dirreedawaa, hooggantoonni paartii badhaadhinaa fi jaarsoliin biyyaa argamaniiru.

Bitootessa 26/2016(TOI)- Mootummaan jijjiiramaa waggoota jahan darban hojiilee qabatamaa badhaadhinaa fi faayidaa biyyaalessaa Itiyoophiyaa mirkaneessan hojjechuusaa ministirri tajaajila komunikeeshinii mootummaa doktar Laggasaa Tulluu ibsan. Ministirichi hojiilee jijjiiramaa waggoota jahaa, waliigaltee nageenyaa fi hojiilee misooma bonaarratti ibsa kennaniiru. Itiyoopphiyaan nagaa qabdu misoomashee dhugoomsuun olitti dhageettii Addunyaa fi Afriikaatti qabdu guddisuu fi faayidaa biyyaalessaashee eegsisuuf akka dandeessu ibsaniiru. Mootummaan jijjiiramaa ministira muummee doktar Abiyyi Ahimadiin durfamu waggoottan jahan darban nagaa fi tasgabbii buusuuf, dirree sabdaneessummaa keessummeessuu uumuuf hojiilee hedduu hojjeteera jedhan. Fakkeenyaaf gama siyaasaan imaammata haqa cehumsaa qopheessuusaa, komishinii marii biyyaalessaa hundeessuunsaa, dhaabbilee demokiraasii, haqaa fi nageenyaa irratti bu’aa qabatamaa fiduusaa kaasaniiru. Mootummaan jijjiiramaa sirna federaalizimii demokiraatawaa sabdaneessummaa hammataa qabatamaan lafa qabachiisuusaa ibsaniiru. Baatiin Bitootessaa fedhii jijjiiramuu Itiyoophiyaa kan itti dhugoomee fi imalli jijjiiramaa qabatamaan kan itti jalqabamedha jedhaniiru. Guddinni dinagdee quubsaan galmaa’uusaa, qabenyi biyyattii dachaan dabaluunsaa, rawwiin pirojektoota meeggaa fooyya’uun, guddinni dinagdee damee hundagaleessaa bu’aa argamsiisaa akka jiru eeraniiru. Milkaa’onni Qamadii bonee fi ashaaraa magariisaan argaman biyya jijjiiraa akka jiran dubbataniiru. Shiroonni keessaa fi alaa Itiyoophiyaa diiguuf taasifaman hooggansa cimaa fi qabsoo cimaan fashalaa’uusaanii kaasaniiru. Mootummaan jijjiiramaa gama dippilomaasiitiin dhageettii Itiyoophiyaa kan dabalan, faayidaa biyyaalessaa kan eegsisan, hojiilee hariiroo Afriikaa fi addunyaa hojjechuusaa ibsaniiru.

Bitootessa 26/2016(TOI)-Manni maree bakka bu’oota ummataa wixinee labsii eegumsa daataa dhuunfaa raggaase. Manni marichaa yaa’ii idilee 20ffaa waggaa sadaffaa har’a taa’een wixinee labsii eegumsa daataa dhuunfaarrattigabaasaa fi yaada murtee koree dhaabbataa dhimmoota misooma qabeenya namaa, bobbaa hojii fi teeknooloojii irraa dhihaateef dhaggeeffateera. Walittiqabaan koree dhaabbatichaa doktar Nagarii Leencoo qaamolee dhimmi ilaaluu fi ogeeyyota kutaa seeraa mana marichaa waliin wixinee labsii kanarratti mari’atameera jedhan. Wixineen labsii kun eegumsa daataa dhuunfaa ilaalchisuun dhimmoota bal’aa akka kaa’uu fi to’ataan miidhaa daataa dhuunfaa akka moggaafamu kan taasisu ta’uu ibsaniiru. Wixineen labsii kun daataan dhuunfaa wayita walitti qabamuu fi qiqindaa’u rakkoon daataa dhuunfaa akka hin uumamne shoora olaanaa qaba jedhan. Wixineen labsii kun sirni eegumsa daataa dhuunfaa sadarkaasaa eeggate Itiyoophiyaa keessatti diriirsuuf akka dandeessisu ibsaniiru. Miseensonni mana maree gamasaaniin dhimmoota Wixinichaarrati fooyya’uu qaba jedhan jaasaniiru. Manni marichaa labsii sirna eegumsa daataa dhuunfaa sadarkaa idil addunyaa eeggate diriirsuu nidandeessisa jedhe mormii tokko sagalee caalmaan raggaaseera.

Bitootessa 25/2016(TOI)- Itiyoophiyaa fi Puuntlaand hariiroo gama hedduu fooyyessuuf waliigaluunsaanii ibsame. De’eetaan ministira alaa ambaasaaddar Misgaanuu Argaa garee jila ministira olaanoo naallaqaa Puuntlaand Mahaammad Faaraahiin durfamu har’a waajjirasaaniitii simatanii haasofsiisaniiru. Mootummaan Puuntlaand haaraa filatame hariiroo biyyoota lamaanii Itiyoophiyaa waliin qabu cimsuuf fedhii akka qabu ibseera. Tumsa damee daldalaa, Invastimantii, inarjii fi bu’ura misoomaaf xiyyeeffannoo akka kennu eerameera. Itiyoophiyaan keessumaa deeggarsa damee nageenyaa fi barnootaan Puuntlaandiif taasisaa jirtu gareen jilaa kun galateeffateera. Itiyoophiyaan hariiroon Puuntlaand waliin qabdu akka cimu kutannoo akka qabdu ambaasaaddar Misgaanuun dubbataniiru. Mootummaan Puuntlaand filannoo milkaa’aa dhiheenya taasifteef de’eetaan ministiraa ergaa dabarsuusaanii odeeffannon ministeera dhimma alaarraa argame nimul’isa.

Bitootessa 25/2016(TOI) - Biyyoota miseensaa mana maree nageenyaa fi tasgabbii gamtaa Afriikaatti makamaniif simannaan taasifame. Simannaan kun Angoolaa, Botiswaanaa, Kotidevuwaar,Demokiraatiik Rippaabiliik Koongoo, Gibxi, Ekuwaatooriyaal Giinii, Gaambiyaa, Seraaliyoon, Taanzaaniyaa, fi Ugaandaadha. Sagantacharratti haasawa kan taasisan komishinariin komishinii dhimmoota siyaasaa, nageenyaa fi tasgabbii gamtaa Afriikaa ambaasaaddar Baankolee Adeeyyee, hojiiwwan ijoo manni mariachi waggoota 20 darban hojjetee fi jijjiiramoota dhufan dubbataniiru. Afriikaa sagaleen rasaasaa keessatti hindhagahamne dhugoomsuuf yaaliin bal’aan taasifamuu dubbatanii, ijaarsa dhaabbileerrattis hojmaanni haaraan didiirfamanii hojeeffamaniiru jedhan. Itiyoophiyaatti hojiilee nageenya waaraa fiduuf waliigaltee nageenyaa Afriikaa Kibbaa Piriitooriyaatti taasifamee fi rakkoolee Afriikaa Afriikaanotaan furuuf Afriikaa rasaasni keessatti hindhagahamne dhugoomsuuf hojjetaman fakkeenya eeraniiru. Manni maree nageenyaa fi tasgabbii gamtaa Afriikaa waggoota kurnan dhufanittis Afriikaatti walitti bu’iinsa ittisuurrattis xiyyeeffatee akka hojjetu mirkaneessaniiru. Ammas biyyoota miseensaa keessatti walitti bu’iinsonni akka mul’atan eeranii, keessumaa walitti bu’iinsi Sudaanitti ittifufe akka dhaabatu waamicha taasisaniiru. Afriikaatti shororkeessummaarratti qabsaa’uu, biyyoonni nageenyaa fi tasgabbiif tumsaan akka hojjetan deeggaruu, aadaa demokiraasii guddisuu fi dhimmoonni biroos xiyyeeffannoon nikennamaaf jedhaniiru. Akka lakkoofsa Awurooppaatti Bara 2030 galma Afriikaa sagaleen rasaasaa keessatti hindhagahamne dhugoomsuuf haatumsinu jechuun waamicha taasisaniiru. Biyyoonni miseensotaa mana maree kanatti makaman milkaa’ina galma kanaaf ga’eesaanii akka bahan gaafataniiru. Manni maree nageenyaa fi tasgabbii gamtaa Afriikaa biyyoota miseensotaa 15 akka qabu nibeekama.