ኣዲስ ኣበባ/ሓምለ/18/ 2016 /ኢዜአ/ ንግዲ ባንክ ኢትዮጵያ ኣብ ዞባ ጎፋ ወረዳ ገዜ ጎፋ ቀበሌ ኬንቾ ሻቻ ጎዝዲ ብዘጋጠመ ሓደጋ ጋህሲ መሬት ጉድኣት ንዝበፅሖም ወገናት ሓሙሽተ ሚሊየን ብር ሓገዝ ገይሩ። እቲ ሓገዝ ገንዘብ ሓለፍቲ ስራሕን ሰራሕተኛታትን እቲ ባንኪ ብውልቆም እናገበሩዎ ካብ ዝርከቡ ሓገዝ ብተወሳኺ ዝተገበረ ከምዝኾነ ተገሊፁ፡፡

  ኣዲስ ኣበባ/ሓምለ/18/2016/ኢዜአ/ ኣብ ክልል ትግራይ ዝተጣየሸ ሓይሊ ዕማም ገበነኛታት ኣብ ትሕቲ ቐይዲ ብምእታው ስርሑ ክዛዝም ‘ዩ ክብሉ ምክትል ርእሰ ምምሕዳርን ሓላፊ ካብኔ ሴክሬተሪያት ሰላምን ፀጥታን ግዝያዊ ምምሕዳር ትግራይ ሌተናል ጀነራል ታደሰ ወረደ ገሊፆም፡፡ እቶም ሌ/ጀነራል 15 ሐምለ 2016 ዓ.ም ኣብ ዝሃብዎ ጋዜጣዊ መግለፂ ከም ዝበልዎ፤ ፀጥታን ሰላምን ትግራይ ውሑስ ንክኸውን ስራሕቲ ምጅማርና ገሊፅና ነይርና፤ብምዃኑ ድማ ከተማ መቐለ ማእኸል ዝገበሩ ዓበይቲ ገበናት ንምቁፅፃር እቲ ሓይሊ ዕማም እናተሰርሐ ‘ዩ። ቕድሚ ብዙሕ ዓማውቲ ዝተሰርሑ ገበናትን ኣብ ቐረባ እዋን ካብ 2013 ዓ.ም እስካዕ 2016 ዓ.ም ዝተፈፀሙ ከበድቲ ገበናት ብዝምለከት ናይ ምስሊ መረዳእታ ሒዝና ኢና፤ እዞም ገበነኛታት ናብ ሕጊ ብምቕራብ ኣብ ትሕቲ ቐይዲ ንኽውዕሉ እናተሰርሐ ‘ዩ ኢሎም። እቶምሌ/ጀነራል ምስ ውራር መሬት ተተሓሒዙ ግልፂ መረዳእታ ሒዝና ኢና ምስ በሉ፤መሬት ምሻጥን ምልዋጥን ጠጠው ንኽብል፤ዘይሕጋዊ ዕደላ መሬት ሕጋዊ ምግባር ከም ዘይከኣል ቕድም ክብል ብዘፍለጥናዮ መሰረት፤ዓርሱ ዝኽኣለ ሓይሊ ዕማም ተጣይሹ ስራሕቱ እናቐፀለ ‘ዩ ኢሎም። ብተመሳሳሊ ንግዲ ኮንትሮባንድን ብዘይሕጋዊ መገዲ ሰባት ዘዘዋውሩ ንምቁፅፃር ዝተጣየሸ ሓይሊ ዕማም ምህላዉ ብምጥቃስ፤ ኣብ ማሕበራዊ ሚዲያ ዝነጥፉ ውልቀ ሰባት ነዚ ዕላማ ንምፅላምን ኻሊእ ትርጉም ንምሃብ እንተፈተኑ ‘ውን እቲ ዝተጀመረ ስራሕ ጠጠው ከምዘይብል ክፈልጡ ይግባእ ክብሉ ኣጠንቂቖም። ናይቲ ሓይሊ ዕማም ዋና ኣካላት ፖሊስ፣ ምምሕዳር እቲ ከተማን ሰብ ሞያ ሕግን ከም ዝኾኑ ዝሓበሩ እቶም ሌ/ጀነራል፤እቲ ተጀሚሩ ዘሎ ስራሕቲ ፅቡቕ እናኸደ ‘ዩ ምስ በሉ፤ ነዚ ስራሕ ዘተዓናቕፉ ውልቀ ሰባት ከም ዘየዋፅኦምን ህዝቢ ድማ ኣፍቲ ተጀሚሩ ዘሎ ምኽባር ልዕልና ሕግን ምርግጋፅን ውሑስነት ሰላምን ንኽተሓባበር ዝረኸቦ መረዳእታ ንኸፍልጥ ተዛሪቦም። ስለ ዝኾነ ድማ ኣፍቲ ክልል ልዕልነት ሕጊ ንምርግጋፅ ዘፀግሙን ካልኦት ገበናት ክፍልፍል ዝዕድሙ ዘይሕጋዊ ተግባራት ኣብ ትሕቲ ቀይዲ ንምእታው ስራሕቲ ክቕፅሉ ‘ዮም ክብሉ ወሲኾም ሓቢሮም። ኮምሽን ፀረ ግዕዝይና ክልል ትግራይ ኮምሽነር ፍፁም ብርሃነ ብወገኖም፤ኣፍቲ ክልል ዝግበር ዘሎ ምፅራይ ገበን ናብ ሕጋውነት ዝወስድ ‘ዩ፤ እቲ ኣብ ምፅራይ ዘሎ ገበን ድማ ግዕዝይና ወይ ድማ ደረቕ ገበን ምዃኑ ተፃርዩ ዝፍለጥ ‘ዩ ክብሉ ተዛሪቦም።

  ኣዲስ ኣበባ/ ሓምለ/18/ 2016 /ኢዜአ/ምምሕዳር ከተማ ኣዲስ ኣበባ ንወረዳ ገዜ ጎፋ 45 ነጥቢ 5 ሚሊየን ብር ዝግገመት ሓገዝ ገንዘብን ናውቲን ከምዝለኣኸ ከንቲባ ኣዳነች ኣቤቤ ገሊፀን። እተን ከንቲባ ኣብ ማሕበራዊ ሚዲያ ገፀን ከምዘፍለጠኦ፥ ኣብ ክልል ደቡብ ኢትዮጵያ ዞባ ጎፋ ወረዳ ገዜ ጎፋ ቀበሌ ኬቾ ቀበሌ ብዘጋጠመ ሓደጋ ጋህሲ መሬት ንዝተጎድኡ ወገናት ዝኸውን ቀዳማይ ዙር ልዕሊ 45 ነጥቢ 5 ሚሊየን ብር ሰብኣዊ ሓገዝ ገንዘብን ናውቲን ናብቲ ቦታ ተላኢኹ። ካብ ሞንጎ ዝተለኣኹ ናይ ዓይነት ሓገዛት፤ ኣንቡላንስ፣ ንህፃናት ዝኾኑ ሃነፅቲ ምግቢታት፣ ሓገዝ ህፁፅ ሕክምና መውሀቢ መሳርሒታት፣ ኣፋውስ፣ እንሶላታትን ኮቦርታታን ከምዝርከቡሉ ፀሪሖም። ከንቲባ ኣዳነች ዜጋታት ብዝበፅሐ ሓደጋ ዝተሰመዐን መሪር ሓዘን ብምግላፅ፥ ምምሕዳር ከተማ ኣዲስ ኣበባ ህዝብን ኩሉ እዋን ኣብ ጎኑ ከምዝኾነ ኣረጋጊፀን።

  ኣዲስ ኣበባ/ ሓምለ/18/ 2016 /ኢዜአ/ኮሚሽን ኣመራርሓ ስራሕ ስግኣት ሓደጋ ኣብ ክልል ደቡብ ኢትዮጵያ ዞባ ጎፋ ወረዳ ገዜ ጎፋ ብዘጋጠመ ጋህሲ መሬት ጉድኣት ንዝበፅሖም ወገናት ሰብኣዊ ሓገዝ እናገበረ ከምዝኾነ ተገሊፁ። ኣገልግሎት ኮሙኒኬሽን መንግስቲ ካብቲ ኮሚሽን ዝተረኸበ ሓበሬታ ብምፅራሕ ከምዝሓበሮ፤ በቲ ሓደጋ 600 ዝኾኑ ዜጋታት ካብ መረበቶም ተመዛቢሎም። መንግስቲ ፌደራል በቲ ኮሚሽን ኣቢሉ ልዕሊ 3 ሺሕ ንዝኾኑ ዜጋታት 520 ኩንታል ምግቢን ምግቢ ተንከፍ ዘይኮኑ ናውቲን ብሓገዝ ኣቕሪቡ። ሕድሕድ ጥቕላል ንሓሙሽተ ሰባት ኣገልግሎት ዝህቡ 100 ምግቢ ተንከፍ ዘይኮኑ ናውቲ ዘጠቕለለ ምብፃሕ ከምዝኸኣለ ተገሊፁ። ብሓፈሻ ዛጊድ 5 ነጥቢ 7 ሚሊየን ብር ዝግመት ሰብኣዊ ሓገዝ ከምዝተገበረ ሓበሬታ እቲ ኣገልግሎት ኣመልኪቱ።

  ኣዲስ ኣበባ/ ሓምለ/18/ 2016 /ኢዜአ/ኢትዮ ቴሌኮም ኣብ ዞባ ጎፋ ብዘጋጠመ ሓደጋ ጋህሲ መሬት ንዝተጎድኡ ሓገዝ ንምትእኽኻብ ምስ ምክልኻልን ድልዉነት ሓደጋን ብምኹን ሓፂር ቁፅሪ መልእኽቲ ዕላዊ ገይሩ። እቲ ኩባንያ ዜጋታት ናብ 8091 ዝደለዩዎ መጠን ገንዘብ ብምልኣኽ ጉድኣት ዝበፅሖም ወገናት ምሕጋዝ ከምዝኽእሉ ኣፍሊጡ። ኢትዮ ቴሌኮም ኣብቲ ዞባ ወረዳ ገዜ ጎፋ ቀበሌ ኬንቾ ሻቻ ጎዝዲ ብዘጋጠመ ዘሕዝን ኣጋጣሚ ምኽንያት ህይወት ወገናት ብምሕላፉ ዝተሰመዖ ሓዝን ብምግላፅ ንስድራ ግዳያት፣ ንህዝቢ እቲ ክልልን መላእ ህዝቢ ኢትዮጵያን ፅንዓት ተመኒዩ። ኢትዮ ቴሌኮም ዜጋታት ናብ 8091 ዝደለዩዎ መጠን ገንዘብ ብምልኣኽ ጉድኣት ዝበፅሖም ወገናት ምሕጋዝ ከምዝኽእሉ ኣፍሊጡ። ኣዲስ ኣበባ/ ሓምለ/18/ 2016 /ኢዜአ/ኢትዮ ቴሌኮም ኣብ ዞባ ጎፋ ብዘጋጠመ ሓደጋ ጋህሲ መሬት ንዝተጎድኡ ሓገዝ ንምትእኽኻብ ምስ ምክልኻልን ድልዉነት ሓደጋን ብምኹን ሓፂር ቁፅሪ መልእኽቲ ዕላዊ ገይሩ። እቲ ኩባንያ ዜጋታት ናብ 8091 ዝደለዩዎ መጠን ገንዘብ ብምልኣኽ ጉድኣት ዝበፅሖም ወገናት ምሕጋዝ ከምዝኽእሉ ኣፍሊጡ። ኢትዮ ቴሌኮም ኣብቲ ዞባ ወረዳ ገዜ ጎፋ ቀበሌ ኬንቾ ሻቻ ጎዝዲ ብዘጋጠመ ዘሕዝን ኣጋጣሚ ምኽንያት ህይወት ወገናት ብምሕላፉ ዝተሰመዖ ሓዝን ብምግላፅ ንስድራ ግዳያት፣ ንህዝቢ እቲ ክልልን መላእ ህዝቢ ኢትዮጵያን ፅንዓት ተመኒዩ።

  ኣዲስ ኣበባ/ ሓምለ/17/ 2016 /ኢዜአ/ሚኒስትር ዴኤታ ጉዳያት ወፃኢ ኣምባሳደር ምስጋኑ ኣርጋ ብምክትል ሚኒስትር ጉዳያት ወፃኢ ኩባ ኢሊዮ ኢድዋርዶ ምስ ዝተመርሐ ልኡኽ ተዛቲዮም፡፡ ኣምባሳደር ምስጋኑ ኣብቲ እዋን ዘተ ኩባ ንኢትዮጵያ ኣብ ዝተፈላለዩ ዓውዲታት ሓገዝ እናገበረት ከምዝኾነት ኣብሪሆም፡፡ ኣብ ዓውዲታት ትምህርቲ፣ ንግዲ፣ ትራንስፖርት ኣየር፣ ምሕደራ ማይን ካልኦት ዓውዲታትን ክልተኣዊ ስምምዓት ምትግባር ከምዝግባእ እውን ገሊፆም፡፡ ኢሊዮ ኢድዋርዶ ብግደኦም ኩባ ምስ ኢትዮጵያ ዘለዋ ክልተኣዊ ርክብ ንምጥንኻር ቅርብቲ ከምዝኾነት ኣረጋጊፆም፡፡ ኢትዮጵያን ኩባን ክልተኣዊ ፖለቲካዊ ዘተ ንምግባር ስምምዕነት ከምዝተፈራረሙ እውን ሓበሬታ እቲ ሚኒስቴር የመላኽት፡፡

  ኣዲስ ኣበባ/ ሓምለ/17/ 2016 /ኢዜአ/ብ ለውጢ ከባብያዊ አየር ዘይህሰ ልምዓት ቡን ብዕቱብ እናተሰርሐ ይርከብ ክብሉ ሚኒስትር ሕርሻ ግርማ ኣመንቴ (ዶ/ር) ገሊፆም። እቶም ሚኒስትር ምስ ኦፊሰር ፕሮጀክት ፋይናስ ትካል ልምዓት ኢንዱስትሪ (ዩኒዶ) ውሕመ ዳፊና ዲሎቫ ኣብ ልምዓት ዘይህሰ ልምዓት ቡን ብሓባር ንምስራሕ ዘኽእሉ ጉዳያት ጠሚቶም ተዛቲዮም፡፡ ግርማ ኣመንቴ (ዶ/ር) ኣብቲ እዋን ዘተ÷ ኢትዮጵያ ብለውጢ ከባብያዊ አየር ዘይሳዓር ሓምለዋይ ልምዓት ንምህናፅ መርሃ ግብሪ ተኸላ ፈልሲ ሓምለዋይ ኣሰር እናካየደት ከምዝኾነት ገሊፆም፡፡ ፕሮጀክት ፋይናስ ትካል ልምዓት ኢንዱስትሪ (ዩኒዶ) ውሕመ ምስቲ ሚኒስቴር ቤት ዕዮ ብለውጢ ከባብያዊ አየር ዘይሳዓር ልምዓት ቡን ብሓባር ንምስራሕ ዘለዎ ቆራፅነት ከምዝነኣዳ ካብቲ ሚኒስቴር ዝረኸብናዮ ሓበሬታ የረድእ፡፡

  ኣዲስ ኣበባ/ ሓምለ/17/ 2016 /ኢዜአ/ሚኒስትር ጉዳያት ወፃኢ ኣምባሳደር ታዬ ኣፅቀ ስላሴ ምስ ፀሓፊ ጉዳያት ወፃኢን ዓለም ለኸን ስፔን ዲዬጎ ማርቲኔዝ ተዛቲዮም፡፡ ኣብ ዘተኦም ድማ÷ ነዊሕ ዓመታት ዝፀንሐ ክልተኣዊ ርክብ እተን ሃገራት ምጥንኻር ኣብ ዝከኣለሉ ኩነታት አመልኪቶም፡፡ ካብዚ ብተወሳኺ እውን ኣብ ዞባ ቀርኒ ኣፍሪካን ካልኦት ዓለም ለኸ ጉዳያትን ከምዝተዛተዩ ሓበሬታ እቲ ሚኒስቴር የመላኽት፡፡

  ኣዲስ ኣበባ/ ሓምለ/17/ 2016 /ኢዜአ/ኣብ ክልል ደቡብ ኢትዮጵያ ዞባ ጎፋ ወረዳ ገዜ ጎፋ ቀበሌ ኬንቾ ሳቻ ጎዝዲ ብዘጋጠመ ሓደጋ ጋህሲ መሬት ንዝተጎድኡ ወገናትን ስድረኦምን ኣድላዪ ደገፍ ይግበር ከምዘሎ ተገሊፁ። ካብ መንግስቲ ብተወሳኺ ናይ ሕብረተሰብ ናይ ምድግጋፍ ባህሊ ተጠናኺሩ ምቕፃሉ ሓላፊት ቢሮ ጉዳያት ኮሚኒኬሽን መንግስቲ እቲ ክልል ሰናይት ሰለሞን ገሊፀን። እቲ ደገፍ ተጠናኺሩ ንክቕፅል ፃውዒት ኣቕሪበን። ክሳብ ሐዚ ጉድኣት ዘጋጠሞም ወገናት ናይ ምድጋፍ፣ ብህይወት ዝተረፉ ሕክምና ንክረኽቡ ናይ ምግባር፣ ንጉድኣት ተቓላዕቲ ዝኾኑ ከባቢታት ዘለዉ ሰባት ናብ ካሊእ ቦታ ናይ ምዝዋር፣ ሰብኣዊ ደገፍ ምቅራብ ሓዊሱ ብዙሓት ተግባራት ይካየዱ ከምዘለው ኣብሪሀን።

  ኣዲስ ኣበባ/ ሓምለ/17/ 2016 /ኢዜአ/ቢሮ ሰላምን ፀጥታን ክልል ኣምሓራ ንኣማራፂ ሰላም ዝተኸፈተ በሪ ሐዚ እውን ኣይዕፆን ኢሉ። ሓላፊ ቢሮ ሰላምን ፀጥታን እቲ ክልል ኣይተ ደሳለኝ ጣሰው፥ ኩነታት ሰላምን ፀጥታን እቲ ክልል ዝጠመተ መግለፂ ሂቦም። ኣብ መግለፂኦም፥ ኣብቲ ክልል ዘላቒ ሰላም ንምንጋስ ብዙሓት ስራሕቲ ብምስርሖም እቲ ክልል ሐዚ ንዘለዎ ኣንፃራዊ ሰላም መብፅሑ ሓቢሮም። ህዝቢ እቲ ክልል ተረባሕነቱን ተሳታፉ ኩለ መዳይ ልምዓት ምዃኑን ዝድርቱ ኩነታት ሐዚ እውን ሙሉእ ንሙሉእ ዘይምእላዮም ተዛሪቦም። እቲ ፀገም ብሕጊ ናይ ምኽባር ስራሕ ጥራሕ ዝፍታሕ ዘይኮነስ መንግስቲ እቲ ክልል ኣማራፅታት ሰላም ብምዝርጋሕ ሞት ሰባት ንምትራፍን ናብ ዘላቒ ሰላም ንምብፃሕን ነቲ ህዝቢ ክሳብ ታሕቲ ወሪድካ ምዝታይ ከምዝተኽኣለ ገሊፆም። ዓበይቲ ዓዲ፣ መራሕቲ ሃይማኖት፣ ምሁራን፣ ፅዕንቶ ፈጠርቲ ውልቀ ሰባት፣ መናእሰይን ደቂ ኣኒስቲዮን ዝተሳተፉሎም ህዝባዊ ኮንፈረንስታት ሰላም ባህጊ ህዝቢ ፈሊኻ በምፍላጥ ብዘይሻራዊ ኣካል መፍትሒ ንክኾኑ ዘኽኣለ ዝሓሸ ኣማራፂ ሰላም ከምዝኾነ ተዛሪቦም። ሰላም ህዝቢ ኣምሓራ ዝረጋገፅ ይኹን ሕቶታቱ ዝፍትሑ ብሰለማዊ ኣማራፂ ብምዃኑ ምስ መንግስቲ ብምዃን ተቐራሪቦም ንክዛተዩ ንምግባር ህዝቢ ናይ ባዕሉ ካውንስል ሰላም ወዲቡ ዘተን ድርድርን ብምጥዕዓም ምስርሑ መንግስቲ ከም እወንታዊ ኣማራፂ ዝረኣዮ ከምዝኾነ ገሊፆም። ብዛዕባ ሰላም ዝሰብኩ ወገናት ዘሳቕዩን ዘንገላትዑን ጉጅለታት ዕጡቕ ከምዘለዉ ብምግላፅ፥ እቶም ጉጅለታት ኣብዚ ሰሙን ኣብ ከተማ ገርጨጭ 15 ነበርቲ ካብ መንበሪኦም ብምውፃእ ኣባላት ካውንስል ሰላም ኢኹም ብምባል ብዘሰቅቕ ኩነታት ከምዝቐተልዎም ኣብሪሆም። ግዳያት እቲ ግፍዒ ንዝኾኑ ስድራን ኣዝማድን ምፅንዕናዕ ተመኒዮም። ቢሮ ሰላምን ፀጥታን ክልል ኣምሓራ ንኣማራፂ ሰላም ዝተኸፈተ በሪ ሐዚ እውን ኣይዕፆን ኢሎም።

  ኣዲስ ኣበባ/ ሓምለ/17/ 2016 /ኢዜአ/ መገዲ ኣየር ኢትዮጵያ ኣብ ኣፍሪካን ማእኸላይ ምብራቕን ፅገና ነፈርቲ “ኤቲኣር”ን ስልጠና ምዕባይ ዓቕሚን ንምሃብ ዘኽእል ሰነድ ስምምዕነት ድልየት ከቲሙ። እቲ ስምምዕነት ኣገለግሎት ኤቲኣር ኣብ ኣፍሪካን ማእኸላይ ምብራቕን ብምስፋሕ ንምምሕዳራት ውሽጢ ዓዲ ዝሓሸ ደገፍ ኣብ ምሃብን ምዕባለ ዕዳጋ ክብ ኣብ ምባልን ልዑል ግደ ከምዘለዎ ተገሊፁ። እቲ ምትሕብባር፥ ማእኸል ፅገናን ስልጠናን ኢትዮጵያ ንኤቲኣር ፅገና ነፈርቲን ምጉልባት ዓቕሚን ኢሉውን ኣብዚ ዞባ ንዘለዉ ምምሕዳራት ኤቲኣር ቀረብ መለዋወጢ ብምዝርጋሕ ምላሽ ናይ ምሃብ እዋን ንምቕናስ ከምዝሕግዝ ተገሊፁ። ብመሰረት እዚ ዋና ኣፈፃሚ ስራሕ መገዲ ኣየር ኢትዮጵያ ኣይተ መስፍን ጣሰው፥ ዕላማ እቲ ስምምዕ ፍልጠትና ንምክፋልን መላእ ማሕበረሰብ ኣቪዬሽን ኣፍሪካን ማእኸላይ ምብራቕን ንምጥቃመን ከምዝኾነ ምግላፆም ኣብቲ ኩባኒያ ዝረኸብናዮ ሓበሬታ የረድእ።

ቀ/ሚ ኣቢይ ኣሕመድ(ዶ/ር) ኣብ ዞባ ጎፋ ብሰንኪ ዘጋጠመ ሓደጋ ጋህሲ መሬት ህይወቶም ብዝሰኣኑ ወገናት ዝተሰመዖም ሓዘን ገሊፆም ቀዳማይ ሚኒስትር ኣቢይ ኣሕመድ(ዶ/ር) ኣብ ክልል ደቡብ ኢትዮጵያ ዞባ ጎፋ ወረዳ ገዜ ቀበሌ ኬንቾ ሻቻ ጎዝዲ ብሰንኪ ዘጋጠመ ሃንደበታዊ ሓደጋ ጋህሲ መሬት ህይወቶም ብዝሰኣኑ ወገናት ዝተሰመዖም ዓምዩቕ ሓዘን ገሊፆም። እቶም ቀዳማይ ሚኒስትር ኣብ ማሕበራዊ ሚዲየኦም ኣብ ዘማሓላለፍዎ መልእኽቲ፥ “ኣብ ዞባ ጎፋ ወረዳ ገዜ ቀበሌ ኬንቾ ሻቻ ጎዝዲ ዘጋጠመ ሃንደበታዊ ሓደጋ ጋህሲ መሬት ብዙሓት ዜጋታት ህይወቶም ኣስኢኑ ኢዩ” ኢሎም። ብዘጋጠመ ዝኸፍአ ጉድኣት ዝተሰመዐኒ ዓምዩቕ ሓዘን እገልፅ ኢሎም። ነቲ ሓደጋ ስዒቡ ሓይሊ ዕማም ምክልኻል ሓደጋ ፌዴራል ኣብቲ ከባቢ ተዋፊሩ ጉድኣት እቲ ሓደጋ ንምንካይ ምርብራብ ይገበር ከምዘሎ ገሊፆም።

ምክትል ቀዳማይ ሚኒስትር ተመስገን ጥሩነህ ኣብ ዞባ ጎፋ ብሰንኪ ዘጋጠመ ሃንደበታዊ ሓደጋ ጋህሲ መሬት ህይወቶም ብዝሰኣኑ ወገናት ዝተሰመዖም ዓምዩቕ ሓዘን ገሊፆም ምክትል ቀዳማይ ሚኒስትር ተመስገን ጥሩነህ ኣብ ክልል ደቡብ ኢትዮጵያ ዞባ ጎፋ ወረዳ ገዜ ቀበሌ ኬንቾ ሻቻ ጎዝዲ ብሰንኪ ዘጋጠመ ሃንደበታዊ ሓደጋ ጋህሲ መሬት ህይወቶም ብዝሰኣኑ ወገናት ዝተሰመዖም ዓምዩቕ ሓዘን ገሊፆም። በቲ ሓደጋ ጉድኣት ንዘጋጠሞም ኣዝማድን ስድራን እቶም ግዳያት ኩሎም ምፅንዕናዕ እምነ ኢሎም። ኣብ ቀፃሊ እውን ብምኽኒያት እቲ ሓደጋ ጉድኣት ዘጋጠሞም ዜጋታት መሊስካ እግሪ ንምትካልን ግዳያት እቲ ሓደጋ ንምሕጋዝን መንግስቲ ኣድላዪ ደገፍ ክገብር ኢዩ ኢሎም።

  መንግስቲ ፌዴሪኢ ኣብ ክልል ደቡብ ኢትዮጵያ ዞባ ጎፋ ወረዳ ገዜ ቀበሌ ኬንቾ ሻቻ ጎዝዲ ብሰንኪ ዘጋጠመ ሃንደበታዊ ሓደጋ ጋህሲ መሬት ህይወቶም ብዝሰኣኑ ወገናት ዝተሰመዖም ዓምዩቕ ሓዘን ገሊፁ። ኣገልግሎት ኮሚኒኬሽን መንግስቲ ኣብ ዘውፀኦ መግለፂ፥ በቲ ዘጋጠመ ሓደጋ ካብ ምሕዛን ብተወሳኺ ጉድኣት ዘጋጠሞም ንምድጋፍ፣ ኣብቲ ጋህሲ ዝተቐበሩ ሰባት ናይ ምድላይን ስራሕቲ ምድሓን ህይወት ናይ ምፍፃምን ከምኡውን ጉድኣት ዘጋጠሞም ዜጋታት መሊስካ እግሪ ናይ ምትካልን ዘጋጠመ መጠን ጉድኣት ናይ ምልላይን ስራሕ ካብ ዝተፈላለዩ ኣካላት ዝተውፃእፅኡ ህፁፅ ዓይሊ ዕማም ምክልኻል ሓደጋ ብምጥያሽ ናብቲ ከባቢ ከምዝተልኣኸ ኣብሪሁ። መጠንን ሓፈሻዊ መረዳእታን እቲ ሓደጋ ኣብ ቀፃሊ ብዝተወደበ ኣገባብ ከምዝግለፅ ሓቢሩ። መንግስቲ ንስድራ ግዳያት ምፅንዕናዕ፣ ጉድኣት ኣካል ንዘጋጠሞም ቀልጢፎም ንክድሕኑ ይምነ ኢሉ። ምስ ኣብቲ ከባቢ ዘሎ መሓዉር መንግስቲ ብሓባር ብምዃን ኣድላዪ ስራሕቲ ምትካል እግሪ ኣጠናኺሩ ክቕፅል ኢዩ ኢሉ።

ኣብ ዞባ ጎፋ ቀበሌ ኬንቾ ሻቻ ጎዝዲ ብዘጋጠመ ሃንደበታዊ ሓደጋ ጋህሲ መሬት ኣብ ልዕሊ ህይወት ብዙሓት ዜጋታት ብዘጋጠመ ዝኸፍአ ሓደጋ ዝተሰመዐኒ ዓምዩቕ ሓዘን ብባዕለይን ብስም ምምሕዳር ኣዲስ ኣበባን እገልፅ። እቲ ሓደጋ ንዘጋጠሞም ዜጋታትን ቤተሰቦምን ምፅንዕናዕ እምነ። ኣብ ቀፃሊ ምስ ምምሕዳር እቲ ክልል ብምዃን ኣድላዪ ደገፍ ከምእንገብር እገልፅ- ከንቲባ ኣዳነች ኣቤቤ

ፕረዝዳንት ሳህለ ወርቅ ዘውዴ አብ ዞባ ጎፋ ወረዳ ገዜ ጎፋ ቀበሌ ኬንቾ ሻቻ ገዝዲ ብሰንኪ ምግሃስ መሬት ሂወቶም ንዝሳአኑ ወገናት ዝተሰመዐን መሪር ሓዘን ገሊፀን እቲ ሓደጋ ንዘጋጠሞም ዜጋታትን ቤተሰቦምን ምፅንዕናዕ እምነ-ፕረዝዳንት ሳህለ ወርቅ ዘውዴ

  ብሄራዊ ክልላዊ መንግስቲ ኦሮሚያ ኣብ ክልል ደቡብ ኢትዮጵያ ዞባ ጎፋ ብምኽንያት ምግሃስ መሬት ብዝበፅሐ ሕልፈት ህይወት ሰባት ዓሚቕ ሓዘን ዝተሰምዖ ምዃኑ እናገለፀ ንመንግስትን ህዝብን እቲ ክልል ፅንዓት ተመንዩ። እቲ ኣብ ልዕሊ ዜጋታትና ዝበፅሐ ጉድኣት ናይ ኹላትና ጉድኣት ምዃኑ እናገለፅና ብሄራዊ ክልላዊ መንግስትን ህዝብን ኦሮሚያ ኣብ ዘድሊ ኹሉ ኣብ ጎኒ መንግስትን ህዝብን እቲ ክልል ደው ከምዝብል ይገልፅ። ህዝብታት ሃገርና ኮነ ክልልና ነቲ ናይ ኽረምቲ ማይ ስዒቡ ብድንገት ካብ ዝፍጠሩ ሓደጋታት ዓርሱ ክሕልውን ስራሕቲ ቕድመ ጥንቃቐ ክሰርሕን ከምዘለዎ ፃውዒት የቕርብ።

  ኣዲስ ኣበባ/ ሓምለ/16/ 2016 /ኢዜአ/ኣብ ሰራዊት ምክልኻል ሃገር ብቑዕ ኣመራርሓ ንምፍጣር ካብ ዝኾነ እዋን ንላዕሊ ይስራሕ ኣሎ ክብሉ ላዕለዋይ ኢታማዦር ሹም ሰራዊት ምክልኻል ሃገር ፊልድ ማርሻል ብርሃኑ ጁላ ገሊፆም። ፊልድ ማርሻል ብርሃኑ ጁላ፥ ኣብ ዋር ኮሌጅ ሰራዊት ምክልኻል ንተመረቕቲ ተምሃሮ ሓፂር ኮርስ 2016 ዓ.ም መደረ መምርሒ አስሚዖም። እቶም ተመረቕቲ ናብ ምድብ ቦተኦም እንትኣትዉ ዝቐሰሙዎ ፍልጠት ናብ ተግባር ብምቕያር ብዘበናዊ ሰራዊት ህንፀት ናይ ባዕሎም ርኡይ ስራሕ ክሰርሑ ከምዘለዎም ገሊፆም። ሰራዊት ምክልኻል ሃገር ኣብ ስትራቴጂክ ኣመራርሓ ብቑዕ መራሒ ንምፍጣር ብብርኪ ትካል ትልሚ ቀሪፅካ ስርዓት ኣሰራርሓ ብምዝርጋሕ ስሩዕ ብዝኾነ መገዲ ዝሓሸ ኣመራርሓ ሰራዊት ንምፍጣር ካብ ዝኾነ እዋን ንላዕሊ ይስራሕ ከምዘሎ ተዛሪቦም። ኣብ ህንፀት ስርዓት ዘበናዊ ሰራዊት ብፍልጠትን ክእለትን ዝመርሕ ኣመራርሓን ተምሃራይን ምፍጣር ዝከኣል ከም መከላከያ ዋር ኮሌጅ ዝበሉ ትካላት ብምጥንኻርን ስርዓት ኣሰራርሓ ብምዝማንን ጠንካራ ሰራዊት ምህናፅን ካብ ዓሌታዊነት ዝፀረየ ልዕልነት ኣተሓሳስባ ዘለዎ ኣመራርሓ ምፍጣር ተኻኢሉ ኢዩ ኢሎም።

  ኣዲስ ኣበባ/ ሓምለ/16/ 2016 /ኢዜአ/ ባይቶ ወከልቲ ህዝቢ ኣብ ክልል ደቡብ ኢትዮጵያ ዞባ ጎፋ ወረዳ ገዜ ጎፋ ጣቢያ ኬንቾ ሳቻ ጎዝዲ ዘጋጠመ ሃንደበታዊ ሓደጋ ጋህሲ መሬት ስዒቡ ብዘጋጠመ ምጥፋእ ህይወት ሰባት ዝተሰመዖ መሪር ሓዘን ገሊፁ፡፡ እቲ ቤት ምኽሪ በቲ ሓደጋ ጉድኣት ንዝበፅሖም ስድራ ግዳያትን ፅንዓት ተመኒዩ።

  ኣዲስ ኣበባ/ ሓምለ/16/ 2016 /ኢዜአ/ ቤት ምኽሪ ፌዴሬሽን ኣብ ክልል ደቡብ ኢትዮጵያ ዞባ ጎፋ ወረዳ ገዜ ጎፋ ጣቢያ ኬንቾ ሳቻ ጎዝዲ ብዘጋጠመ ሓደጋ ጋህሲ መሬት ስዒቡ ብዝበፅሐ ጉድኣት ምጥፋእ ህይወት ሰባት ዝተሰመዖ ሓዘን ገሊፁ። ብምኽንያት እቲ ሓደጋ ጉድኣት ዝበፅሖም ዜጋታት መሊስካ ንምጥያሽ ምስ መንግስቲ እቲ ክልልን ማሕበረሰብ እቲ ከባቢን ብምዃን ናይ ባዕሎ ኣስተዋፅኦ ከምዝግር እውን ኣረጋጊፁ። ጉድኣት ንዝበፅሖም ዜጋታት ሙሉእ ፅንዓትን ጥንካረን ከምዝምነ ምግላፁ ካብቲ ቤት ምኽሪ ዝረኸብናዮ ሓበሬታ የረድእ፡፡