ኣዲስ ኣበባ/ ሚያዝያ/26/ 2016 /ኢዜአ/ ርእስ ምምሕዳር ክልል ኦሮሚያ አይተ ሽመልስ አብዲሳ በዓል ትንሳኤ ምኽኒያት ብምግባር ናይ እንኳዕ ኣብፀሐኩም መልእኽቲ ኣመሓላሊፎም። ርእሰ ምምሕዳር ክልል ኦሮሚያ ሽመልስ ኣብዲሳ ፣ ኣብ ዘመሓላለፍዎ መልእኽቲ፥ እየሱስ ክርስቶስ ንደቂ ሰባት ፍቕሪ፣ ምፍታው፣ ንሰላምን ነፃነትን መስዋእቲ ምዃን ኣብነት ብምዃን ኣርእዩና ኢዩ ኢሎም። ብተወሳኺ በዓል ትንሳኤ እየሱስ ክርስቶስ ንደቂ ሰባት ዘለዎ ፅኑዕ ፍቕሪ ኣብ መስቀል ተሰቒሉ ዘርኣየሉ፣ ፍቕሪን ምሕረትን ንደቂ ሰባት ዝሃበሉ፣ መንደቕ ፅልእን ምፍልላይን ብምፍራስ ንደቂ ሰባት ዘድሓነሉ ከምዝኾነ ኣብሪሆም። ስለዝኾነ በዓል ትንሳኤ እንትነኽብር፥ ልቦናና ንምሕረት፣ ይቕሬታን ሰላምን ብምኽፋትን ብዝተፈላለዩ ተፈጥሮኣዊን ሰብ ስራሕን ምኽኒያታት ኣብ ፀገም ንዝርከቡ ወገናትና ብምሕጋዝን ክኸውን ኣለዎ ክብሉ ገሊፆም። ኣንደበትናን ተግባርናን ኣብ ምንጋስ ሰላምን ምርግጋፅ ህንፀት ሃገርን ክኸውን ከምዝግባእ እውን ኣገንዚቦም።

  ኣዲስ ኣበባ/ ሚያዝያ/26/ 2016 /ኢዜአ/ኣብ ብርሃነ ትንሳኤ ኩላህና ንሃገርናን ህዝብናን ልኡኻት ሰላም ንኹን ክብሉ ሊቀጳጳስ ካቶሊካዊት ቤተክርስቲያን ኢትዮጵያ ብፁእ ካርዲናል ኣቡነ ብርሃነኢየሱስ ገሊፆም። ብፁእ ካርዲናል ኣቡነ ብርሃነኢየሱስ መልእኽቲ በዓል ትንሳኤ ምኽኒያት ብምግባር ናይ እንኳዕ ኣብፀሐኩም መልእኽቲ ሰናይ ትምኒት ኣመሓላሊፎም። ኣብ መልእኽቶም፥ ንክርስቲያን ልዑል ሚስጢርን ብስራት ትንሳኤ ኢዩ ኢሎም። ህይወት ደቂ ሰባት ዝዛዘም ከምዘይኮነ እነሆ ምልዓል ክርስቶስ ኢዩ ዘምህረና ክብሉ ገሊፆም። እነሆ ንጉስ ዓለም ተላዒሉ ኣሎ እሞ ንቀበሎ፣ ነኽብሮን ነመስግኖን ክብሉ ተዛሪቦም። ኣብ ብርሃነ ትንሳኤ ኩላህና ንሃገርናን ህዝብናን ልኡኻት ሰላም ንኹን ክብሉ እውን ፃውዒት ኣቕሪቦም። መውፅኢ ቁልፊ ፀገማትና ሰላም ጥራሕ ኢዩ ዝበሉ ብፁእ ካርዲናል ኣቡነ ብርሃነኢየሱስ፥ ንሰላም ንፀልይ፤ ጎይታ ሰላምን ፍቕሪን ኣብ ትንሳኤኡ ይሃበና ኢሎም።

  ኣዲስ ኣበባ/ሚያዝያ /26/2016 (ኢዜኣ) ርእሰ ምምሕዳር ክልል አምሓራ አይተ አረጋ ከበደ ንበዓል ትንሳኤ መልእኽቲ እንኳዕ ኣብፀሐኩም ኣመሓላሊፎም። በዓል ትንሳኤ ንኩሎም ህዝብታት ኢትዮጵያ ናይ ሰላም፣በረኸት፣ምትሕስሳብን ፍቕርን በዓል ንክኸውን ሰናይ ትምኒቶም ገሊፆም።

  ኣዲስ ኣበባ/ሚያዝያ 26/2016 (ኢዜኣ) ርእሰ ምምሕዳር ክልል ቤንሻንጉል ጉሙዝ አሻድሊ ሀሰን ንበዓል ትንሳኤ መልእኽቲ እንኳዕ ኣብፀሐኩም ኣመሓላሊፎም። በዓል ትንሳኤ ንኩሎም ህዝብታት እቲ ክልል ከምኡ እውን ኢትዮጵያውያን ናይ ሰላም፣በረኸት፣ምትሕስሳብን ፍቕርን በዓል ንክኸውን ሰናይ ትምኒቶም ገሊፆም።

  ኣዲስ ኣበባ/ ሚያዝያ/26/ 2016 /ኢዜአ/ምምሕዳር ኣዲስ ኣበባ 907 ዝተሃነፁን ዝተሓደሱን ኣባይቲ ንነበርቲ ኣመሓላሊፉ። ከንቲባ ምምሕዳር ኣዲስ ኣበባ ኣዳነች ኣቤቤ ኣብ ማሕበራዊ ሚዲየአን ኣብ ዘመሓላለፎኦ መልእኽቲ፥ ንናብራ ምቹዋት ዘይነበሩ ብምፍራስ ኣብ ሓፂር እዋን ዝሃነፅናዮምን ዘሐደስናዮምን ኣባይቲ በዓል ትንሳኤ ምኽኒያት ብምግባር እንኳዕ ኣብፀሐኩም እናበልና ንነበርቲ ኣማሓላሊፍና ኢለን። ብተወሳኺ ሓደሽቲ ህንፀታት ሎሚ መዓልቲ ከምዘጀመራ ገሊፀን። እቶም ኣባይቲ ዝተሃነፁ ብርክት ዝበሉ ሓለይቲ ሰብ ሃፍቲ ብምትሕብባር ኢዩ ኢለን። ፃውዒት ምምሕዳር ኣዲስ ኣበባ ብምቕባል ማሕበራዊ ሓላፍነቶም ንዝተዋፅኡ ሰብ ሃፍቲ እታ ከተማ አመስጊነን።

  ኣዲስ ኣበባ/ሚያዝያ 26/2016 (ኢዜኣ) ርእሰ ምምሕዳር ህዝብታት ደቡብ ምዕራብ ኢትጵያ ዶክተር ኢንጅነር ነጋሽ ዋጌሾ ንበዓል ትንሳኤ መልእኽቲ እንኳዕ ኣብፀሐኩም ኣመሓላሊፎም። ዶክተር ኢንጅነር ነጋሽ ዋጌሾ ኣብ መልእኽቶም፤ በዓል ትንሳኤ እየሱስ ክርስቶስ መንደቕ ምፍልላይን ፅልእን ብምፍራስ ንወዲሰብ ዘድሐነሉ እዩ ኢሎም። በዓል ትንሳኤ እየሱስ ክርስቶስ ንደቂ ሰባት ዘለዎ ፅኑዕ ፍቕሪ ኣብ መስቀል ዘርኣየሉ ከምኡ እውን ይቅርታን ምሕረትን ንደቂ ሰባት ዝሃበሉ እዩ ክብሉ ወሲኾም ገሊፆም። በዓል ትንሳኤ፤ እየሱስ ክርስቶስ ደቂ ሰባት ካብ ፀልማት ናብ ብርሃን ነፃ ንምውፃእ ዋጋ ዝኸፈለሉ ስለዝኾነ ዓቕሚ ዘይብሎም ብምሕጋዝን ብምክፋልን ክነኽብሮ ኣለና ክብሉ እውን ፃውዒት ኣቕሪቦም። በዓል ትንሳኤ ንኩሎም ህዝብታት እቲ ክልል ከምኡ እውን ኢትዮጵያውያን ናይ ሰላም፣በረኸት፣ምትሕስሳብን ፍቕርን በዓል ንክኸውን ሰናይ ትምኒቶም ገሊፆም።

  ጋምቤላ/ሚያዝያ 26/2016 (ኢዜኣ) ርእሰ ምምሕዳር ክልል ጋምቤላ ኣይተ ኡሞድ ኡጁሉ ንበዓል ትንሳኤ መልእኽቲ እንኳዕ ኣብፀሐኩም ኣመሓላሊፎም። እቶም ርእሰ ምምሕዳር ኣብ ዘመሓላለፍዎ መልእኽቲ፤ ህዝበ ክርስትያን ኣብ እዋን ዓብይ ፆም ክገብሮም ዝፀንሐ ተግባራት ምትሕዝዛንን ምትሕግጋዝን እቲ ፆም ምስተፈትሐ እውን ኣጠናኺሩ ክቕፅለሉ ከምዘለዎ ኣተሓሳሲቦም። ንመላእ ተኸተልቲ እምነት ክርስትና እቲ በዓል ናይ ሰላም፣ሓድነት፣ምትሕስሳብ፣ሓጎስን ፍቕርን በዓል ንክኸውን ሰናይ ትምኒቶም ብምግላፅ እቲ ህዝቢ በዓል እንተኽብር ሰላም ከባቢኡ ብምሕላው ክኸውን ከምዝግባእ ገሊፆም።

  ኣዲስ ኣበባ/ ሚያዝያ/26/ 2016 /ኢዜአ/ምክትል ፕሬዚዳንት ፓርቲ ብልፅግና ኣይተ ኣደም ፋራህ በዓል ትንሳኤ ምኽንያት ብምግባር መልእኽቲ ናይ እንኳዕ ኣብፀሐኩም ኣመሓላሊፎም። ኣብ መልእኽቶም፥ ንመላእ ሰዓብቲ እምነት ክርስትና ብሙሉኡ እንኳዕ ናብ በዓል ትንሳኤ ብሰላም ኣብፀሐኩም ኢሎም። እቲ በዓል፥ ናይ ሰላም፣ ፍቕሪ፣ ሓድነትን ምክእኣልን ንክኸውን ሰናይ ትምኒቶም ገሊፆም።

  ኣዲስ ኣበባ/ሚያዝያ 26/2016 (ኢዜኣ) ርእሰ ምምሕዳር ብሄራዊ ክልላዊ መንግስቲ ሲዳማ ኣይተ ደስታ ሌዳሞ ንመላእ ተኸተልቲ እምነት ክርስትና ንበዓል ትንሳኤ መልእኽቲ እንኳዕ ኣብፀሐኩም ኣመሓላሊፎም። እቶም ርእሰ ምምሕዳር፤ ኢየሱስ ክርስቶስ ንሓጥያትን በደልን ደቂ ሰባት ይቕረ በሃላይነቱ፣ፍቕሩን ትሕትንኡን ነብሱ ክሳብ ምሃብ ብመስቀል ቀራንዮ ኣርእዩ እዩ ኢሎም። በዓል ትንሳኤ፤ መድሓኒትና እየሱስ ክርስቶስ ንምሕረት ናይ ኩላትና ሓጥያት ክብል ኣብ መስቀል ዝተሰቐለሉ፣ ኣብ መንጎ ደቂ ሰባትን እግዚኣብሄርን ዝነበረ መንደቕ ፅልእን ሞትን ብምፍራስ ዳግማይ ዘልኣለማዊ ሂወት ዝሃበሉ መዓልቲ ስለዝኾነ ንመላእ ተኸተልቲ እምነት ክርስትና ነዚ ዓብይ መንፈሳዊ በዓል እንኳዕ ኣብፀሐኩም ክብል ይደሊ ክብሉ ሰናይ ትምኒቶም ምግላፆም ካብ ቤት ፅሕፈት ፕሬዚዳንት እቲ ክልል ዝተረኸበ ሓበሬታ ይሕብር። እየሱስ ክርስቶስ ንደቂ ሰባት ብመስቀሉ ፍቕሪ፣ትሕትና፣ሰናይ ስራሕን ርሕሩሕነትን ከምኡ እውን ንካልኦት ክንብል መስዋእቲ ምኽፋልን ስለዘምሃረና ኣብ ከባቢና ዘለው ዓቕሚ ዘይብሎምን ዓበይትን ወገናት ብምሕጋዝን ዘለና ብምክፋልን እቲ በዓል ብሓጎስ ክነኽብሮ ኣለና ክብሉ እውን ገሊፆም።

  ኣዲስ ኣበባ/ሚያዝያ 26/2016 (ኢዜኣ) ርእሰ ምምሕዳር ክልል ደቡብ ኢትዮጵያ ኣይተ ጥላሁን ከበደ ንበዓል ትንሳኤ መልእኽቲ እንኳዕ ኣብፀሐኩም ኣመሓላሊፎም። እቶም ርእሰ ምምሕዳር ኣብ ዘመሓላለፍዎ ሰናይ ትምኒት፤ በዓል ትንሳኤ እየሱስ ክርስቶስ ንደቂ ሰባት ዘለዎ ፍፁም ፍቕርን ክብርን ብሕማማቱ፣ስቕለቱ፣ሞቱን ትንሳኤኡን ዝገለፀሉ እዩ ኢሎም። እዚ በዓል ህዝበ ክርስትያን ብፆም፣ስግዳንን ምስጋናን ዘኽብርዎ፣ብንስሃን ንፁህ ህሊናን ናብ ፈጣሪኦም ዝቐርብሉ ዓብይ በዓል ምዃኑ ፍሉይን ተናፋቕን ይገብሮ ክብሉ ወሲኾም ገሊፆም። ብመሰረት ኣስተምህሮ እየሱስ ክርስቶስ ፅልኢ ኣጥፊእና ፍቕሪ ብምትካል፤ ሓዴና ንካልኦትና ዓቕምን ጉልበትን እናኾንና ብምትሕስሳብ ዝጀመርናዮ ጉዕዞ ሰላም፣ምክእኣልን ብልፅግናን ክውን ንክኸውን መላእ ህዝቢ እቲ ክልል ተጊሁ ንክሰርሕ ፃውዒት ኣቕሪቦም። እቶም ርእሰ ምምሕዳር ኣብ ማሕበራዊ ምትእስሳር ገፆም ኣብ ዘመሓላለፍዎ መልእኽቲ፤ ንመላእ ተኸተልቲ እምነት ክርስትና እንኳዕ ንበዓል ትንሳኤ ብሰላም ኣብፀሐኩም ብምባል እቲ በዓል ናይ ሰላም፣ፍቕርን ሓድነትን በዓል ንክኸውን ተመንዮም።

  ኣዲስ ኣበባ/ሚያዝያ 26/2016 (ኢዜኣ) ርእሰ ምምሕዳር ክልል ማእኸላይ ኢትዮጵያ ኣይተ እንዳሻው ጣሰው ንመላእ ተኸተልቲ እምነት ክርስትና ንበዓል ትንሳኤ መልእኽቲ እንኳዕ ኣብፀሐኩም ኣመሓላሊፎም። እቶም ርእሰ ምምሕዳር ኣብ መልእኽቲ ሰናይ ትምኒቶም፤ ዝሓለፉ እዋናት ፀሎትን ፆምን ተኸተልቲ እቲ እምነት ሂወት ብምሕዳስ ፈሪሃ እግዚኣብሄር ዝተላበሰ ስብእናን ሞራልን ንምጥንኻር ርኡይ እጃም ዝተፃወቱ እዮም ኢሎም። እቶም ርእሰ ምምሕዳር ኣብ መልእኽቶም፤ እቲ በዓል ናይ በረኸትን ሰላምን ንክኸውን ምምናዮም ካብ ቢሮ ኮሚዩኒኬሽን መንግስቲ እቲ ክልል ዝተረኸበ ሓበሬታ የመላኽት።

  ኣዲስ ኣበባ/ሚያዝያ 26/2016 (ኢዜኣ) መንግስቲ ክልል ሃረሪ ንመላእ ተኸተልቲ እምነት ክርስትና ንበዓል ትንሳኤ መልእኽቲ እንኳዕ ኣብፀሐኩም ኣመሓላሊፉ። ህዝበ ክርስትያን እቲ በዓል እንተኽብር ዝተፀገሙ ብምሕጋዝ ከምኡ እውን እቲ ልሙድ ናይ ምትሕዝዛንን ምትሕግጋዝን ባህሉ ብምትግባር ንከኽብር መንግስቲ እቲ ክልል ፃውዒት ኣቕሪቡ። መንግስቲ እቲ ክልል፤ እቲ በዓል ናይ ሰላም፣ሓድነት፣ምትሕስሳብ፣ሓጎስን ፍቕርን ንክኸውን ከምዝተመነየ ካብ ቢሮ ኮሚዩኒኬሽን መንግስቲ እቲ ክልል ዝተረኸበ ሓበሬታ የመላኽት።

  ኣዲስ ኣበባ/ ሚያዝያ/26/ 2016 /ኢዜአ/ትንሳኤ ኣብ መንጎ ተስፋ አልቦ ዝመስሉ ኩነታት ዝተረኸበ ብስራት ኢዩ ኣፈ ጉባኤ ቤት ምኽሪ ፌዴሬሽን ኣገኘሁ ተሻገር ገሊፆም። ኣፈ ጉባኤ ኣገኘሁ ተሻገር በዓል ትንሳኤ ምኽኒያት ብምግባር ንመላእ ሰዓብቲ እምነት ክርስትና ናይ እንኳዕ ኣብፀሐኩም መልእኽቲ ኣመሓላሊፎም። ኣብ መልእኽቶም፥ ትንሳኤ “ምልዓል ምትንሳእ” ወይ “መሊስካ ሂወተ ምዝረእ ደው ምባል” ኢዩ ኢሎም። ትንሳኤ ካብ ሕስረት ናብ ክብሪ፣ ካብ መርገም ናብ በረከት፣ ካብ ምስኣን ናብ ምርካብ፣ ካብ ሞትን ጎስቅልናን ናብ ሓዱሽ ህይወትን ልዕልናን ብምሽግጋር ባዕልኻ ክኢልካ ፀኒዕኻ ደው ምባል ዘምህረና ኢዩ ክብሉ ገሊፆም። ኢትዮጵያ ከም ሃገር ንዘበናት ንሕማማ ዝሕክም፣ ፆራ ዝፆር፣ ክብራ ዝምልስ ትውልዲ ስለዘድለየ ብብዙሕ መስዋእቲ ለውጢ ከምዝተወለደ ገሊፆም። ነቲ ለውጢ ስዒቡ ዝፀልመተ ዝመስል ብብርሃን እናደመቐ፣ ልቋም እናተፈትሐ፣ ፀድፊ እናተደላደለ፣ ማዕበል እናሰኸነ ምኻዱ ኩላህና እናረጋገፅናዮ ዘርከብ ሓቂ ኢዩ ኢሎም። ኢትዮጵያ ዘጋጥሙዋ ዘለዉ ፈተናታት ተፃዊራ ብተዓዋታይነትን ክብሪን ከም እትሳገር ካብ ትንሳኤ ክንመሃር ይግበአና ክብሉ ገሊፆም።

  አዲስ አበባ/ሚያዚያ/25/2016/ኢዜአ/ብሰዓብቲ እምነት ኽርስትና በቢዓመቱ ዝኽበር በዓል ስቕለት እየሱስ ክርስቶስ እናተኸበረ ይርከብ። እቲ በዓል በቢኣብያተ እምነት ብዝተፈላለዩ መርሃ ግብርታት እናተኸበረ እዩ። እቲ በዓል ብቤተ ኽርስትያን ኦርቶዶክስ ተዋህዶ ኢትዮጵያ፣ ካቶሊካዊት ቤተ ክርስትያንን ብሕብረት ወንጌላውያን ኣብያተ ክርስትያናትን ብስግደት፣ ፆም፣ ፀሎትን ዝማሬን እናተኸበረ ይርከብ። ብቤተ-ኽርስትያን ኦርቶዶክስ ተዋህዶ ኢትዮጵያ ብፍላይ 'ውን ኣብ መንበረ ፖትርያርክ ገዳም ቅድስተ ቅዱሳን ማርያም፤ ብብፁእ ወቅዱስ ኣቡነ ማትያስ ቀዳማዊ ፓትርያርክ ርእሰ ሊቃነ ጳጳሳት ዘኢትዮጵያ፣ ሊቃነ ጳጳሳት ኣበውን ምእመናንን ኣብ ዝተረኸብሉ እቲ በዓል ብፀሎትን ስግደትን እናተኸበረ ይርከብ። ኣብ ዕለተ ስቕለት ንዝተኻየዱ ተግባራት እናተሓሰበ 'ውን ስርዓት ስግደት ክካየድ 'ዩ።

 

  ኣዲስ ኣበባ/ ሚያዝያ/25/ 2016 /ኢዜአ/ንልዕሊ 18 ሺህ ነበርቲ ባሕር ዳር ውህብቶ በዓል ብጥረ ገንዘብን ዓይነትን ደገፍ ተገይሩ። እቲ ሓገዝ ብሓፈሻ 9 ሚሊየንን 833 ሺሕን ብር ከምዝኾነ ተገሊፁ።` ጥረ ገንዘብ ሓዊሱ፥ ሓርጭ፣ ዘይቲ፣ ደርሆ፣ ኣልባሳትን ካሊእን ዘካተተ ደገፍ ኢዩ። እቲ ዝተውሃበ ውህብቶ ባዓል ካብ ዝተፈላለዩ መዳርግቲ ኣካላትን ክፋላት ማሕበረሰብን ዝተኣከበ ከምዝኾነ ካብ ኮሚኒኬሽን እቲ ክልል ዝረኸብናዮ ሓበሬታ የረድእ።

  አዲስ አበባ/ሚያዚያ/25/2016/ኢዜአ/ኣመራርሓታት እቲ ቤት ምኽርን ሰራሕተኛታት እቲ ቤት ፅሕፈትን 247 ሽሕን 900 ብር ብምውፃእ ናብ “ፅሩይ_ጎደና - ናብራ_ምስ ጥዕና ተፀንቢሮም ። ብኻልእ ወገን ኣመራርሓታትን ሰራሕተኛታትን ቤት ዕዮ ሚኒስቴር ትራንስፖርትን ሎጂስቲክስን ከምኡ 'ውን ተፀዋዕቲ ትካላት 331 ሽሕን 780 ብር ወፃኢ ብምግባር ናብ “ፅሩይ_ጎደና - ናብራ_ምስ ጥዕና ተፀንቢሮም። ብተመሳሳሊ ኣመራርሓታትን ሰራሕተኛታትን ሚኒስቴር ኢንዱስትሪን ተፀዋዕቲ ትካላትን ልዕሊ 100 ሽሕ ብር ድጋፍ ገይሮም ናብ “ፅሩይ_ጎደና - ናብራ_ምስ ጥዕና ተፀንቢሮም።

ኣዲስ ኣበባ/ ሚያዝያ/25/ 2016 /ኢዜአ/ስነ ስርዓት በዓል ስቕለት ኢየሱስ ክርስቶስ ብመላእ ሰዓብቲ እምነት ክርስትና ኣብ መላእ ሃገር ይኽበር ኣሎ። ብፍላይ ድማ ኣብ ኦርቶዶክስ ተዋህዶ ቤተ ክርስርትያን ኢትዮጵያን ካቶሊካዊት ቤተ ክርስትያንን ብስግደትን ፆምን ዝኽበር ዘሎ እንትኸውን፥ ኣብ ሕብረት ወንጌላውያን ኣቢያተ ክርስቲያን እውን ብዝተፈላለዩ ስነ-ስርዓታት እናተዘከረ ክውዕል ኢዩ። እተን ኣቢያተ ክርስትያናት፥ ኢየሱስ ክርስቶስ ንወዲ ሰብ ክብል ዝተቐበሎም መከራታት ንምዝካር ዝተፈላለዩ መንፈሳዊ ትምህርቲታት የቕርባ ኣለዋ።

 

  አዲስ አበባ/ሚያዚያ/24/2016/ኢዜአ/ዝመፅእ በዓል ትንሳኤ ብድምቀት ንክኽበር እኹል ምድላው ከምዝተገበረ ምምሕዳር ከተማ ኣዲስ ኣበባ ኣፍሊጡ። ኮሚሽን ኣመራርሓ ስራሕ ስግኣት ሓውን ሃንደበት ሓደጋን ምምሕዳር ከተማ ኣዲስ ኣበባ፣ ግልጋሎት ኤሌክትሪክ ኣዲስ ኣበባን ኤጄንሲ ምምሕዳር ፅርየት ኣዲስ ኣበባን ንምድላው ዝመፅእ በዓል ትንሳኤ ምኽንያት ብምግባር ሓባራዊ መግለፂ ሂቦም። ብመዓርግ ሓላፊ ቢሮ ምኽትል ዋና መካየዲ ስራሕ ምምሕዳር ከተማ ኣዲስ ኣበባ ኣይተ ተፈራ ሞላ ከምዘፍለጥዎ፤ በዓል ትንሳኤ ብድምቀት ንክኽበር እኹል ምድላው ተገይሩ። ኮሚቴ ተጣይሹ ክሳብ ታሕተዋይ መሓውር ብምዝርጋሕ እናተሰርሐ 'ዩ ኢሎም። በቢዘፈሩ ምቁርራፅ ግልጋሎት ንኸየጋጥም እኹል ሓይሊ ሰብን ዝተፈላለዩ መሰረተ ልምዓታትን ተማሊኦም። ሎሚዓመት ካብቲ ኻልእ ግዜ ብዝተፈለየ መልክዑ ዝተጠናኸረ ማይ ብምህላዉ ሕብረተሰብ ጥንቃቐ ክገብር ከምዘለዎ ተዛሪቦም።