አዲስ አበባ/ሰነ/18/2016/ኢዜአ/ "ኣቶሚክ ንሰላምን ዕብየትን" ብዝብል ቴማ ጠመትኡ ኣብ ኑክሌር ቴክኖሎጂ ዝገበረ ዘተ እናተሳለጠ ይርከብ። ኣብቲ ዘተ ካብ ዓለም ለኸ ኤጄንሲ ኣቶሚክ ሓይልን ዝተፈላለዩ ሃገራት ኣፍሪካ ዝተውፃእፅኡ ምሁራን እቲ ዘፈርን ላዕለዎት ሓለፍቲ ስራሕ መንግስትን ተረኺቦም። ኣብቲ ዘተ ሚኒስትር ኢኖቬሽንን ቴክኖሎጅን ዶክተር በለጠ ሞላ ከምዝገለፅዎ፤ ኢትዮጵያ ሳይንስን ቴክኖሎጅን ኑክሌር ንሰላምን ዕብየትን ንምጥቃም ቑርፀኛ 'ያ ኢሎም። ንኑክሌር ሳይንስ ንሰላምን ዕብየትን ንምጥቃምን ዘተ ከምዝግበር ዝተዛረቡ እቶም ሚኒስትር፤ ኣብ ኣፍሪካ ቐፃልነት ዘለዎ ዕብየት ንምምፃእ ኑክሌር ቴክኖሎጂ ወሳኒ 'ዩ። ጠመተ ክወሃቦ ከምዝግባእ 'ውን ገሊፆም። ሚኒስቴር ኢኖቬሽንን ቴክኖሎጅን ኣብ ኹሉ ዘፈር ምህዞ ንምትብባዕመ መማሓየሺ ፖሊሲን ኣድላዪ መሰረተ ልምዓትን እናማሃዘ 'ዩ ምስ በሉ ጠመተ ክወሃቦ ከምዝግባእ 'ውን አገንዚቦም። ኣብቲ ዘተ ካብ ዓለም ለኸ ኤጄንሲ ኣቶሚክ ሓይልን ካብ ዝተፈላለዩ ሃገራት ኣፍሪካ ዝተውፃእፅኡ ምሁራን እቲ ዘፈርን ላዕለዎት ሓለፍቲ ስራሕ መንግስትን ተረኺቦም።

  አዲስ አበባ/ሰነ/17/2016/ኢዜአ/ ብቤት ዕዮ ስራሕን ክእለትን ምምሕዳር ከተማ ኣዲስ ኣበባ እናተኸበረ ዝርከብ ቴክኒክን ሞያን ሰሙን ኣካል ዝኾነ ፓናል ምይይጥ “ቴክኒክን ሞያን ንዘላቒ ልምዓት” ብዝብል መሪሕ ሓሳብ ሎሚ ኣብ መዘከርታ ዓዎት ዓድዋ እናተኻየደ ይርከብ። ኣብቲ መድረኽ ኣብቲ ዓውዲ ንነዊሕ ዓመት ስራሕን ልምድን ዘለዎም ሙሁራን መዛተይ ፅሑፍ እናቕረቡ ይርከቡ።

  አዲስ አበባ/ሰነ/15/2016/ኢዜአ/ ኣብ ማእኸል ኤግዝብሸን ኣዲስ ኣበባ ዝተሰናደየ መበል 14 ቐነ ከተማዊ ቴክኒክን ሞያን ትምህርትን ስልጠናን ከንቲባ ምምሕዳር ኣዲስ ኣበባ ወ/ሮ ኣዳነች ኣቤቤ ብወግዒከፊተንኦ። ኣብ ምምሕዳር ከተማ ኣዲስ ኣበባ ቤት ዕዮ ስራሕን ክእለትን ምስ ትካል ፕሬስ ኢትዮጵያ ብምትሕብባር ዘዳለዎ እዚ ቐነ ቴክኒክን ሞያን “ቴክኒክን ሞያን ንዘላቒ ልምዓት” ብዝብል መሪሕ ሓሳብ ካብ ሎሚ ጀሚሩ ክሳብ 20 ሰነ ከምዝሳለጥ ተሓቢሩ። ኣብቲ ዓውደ ርእይ ኣብታ ከተማ ዝርከባ ኮሌጃት ቴክኒክን ሞያን፣ ኢንተርፕራይዛት፣ ሰብ ዋና ፈጠራ መናእሰይ ምህርትን ሃገር ለኸ ስራሕትን ንምርኢት ቀሪቦም ። ኣብቲ መኽፈቲ መርሃ ግብሪ ከንቲባ ኣዳነች ኣቤቤ ሓዊሱ ብመዓርግ ምክትል ከንቲባ ሓላፊ ቤት ዕዮ ስራሕን ክእለትን ከተማ ኣዲስ ኣበባ ኣይተ ጥራቱ በየነ፣ ሚኒስትር ዲኤታ ስራሕን ክእለትን ኣይተ ሰለሞን ሶካ፣ ፕሬዝዳንት ኣካዳሚ ኣመራርሓ ኣዲስ ኣበባ ዶክተር ጣሰው ገብሬን ፃውዒት ዝተገበረሎም ኣጋይሽን ተራኺቦም።

  ኣዲስ ኣበባ/ ሰነ/14/ 2016 /ኢዜአ/ኣወሃህባ ኣገልግሎት ዘበናዊ ንምግባር ንቴክኖሎጂ መሰረት ሪፎርም ምግባር ይግባእ ክብሉ ምክትል ቀዳማይ ሚኒስትር ተመስገን ጥሩነህ ገሊፆም። እቶም ምክትል ቀዳማይ ሚኒስትር ኣብ ማሕበራዊ ሚዲየኦም ኣብ ዘመሓላለፍዎ መልእኽቲ፥ ዝበለፀ ተመክሮ ኣዘርቫጃን ብምውሳድ ብቴክኖሎጂ ዝተሓገዘ ኣገልግሎት ሓደ ማእኸል ንምሃብ ኣብ ዘኽእል ኩነታት ምስ ስትሪንግ ኮሚቴ ስቪል ሰርቪስ ኣባላትን ዝምልከቶም ኣካላትን ዘተ ኣካይድና ኢሎም።

  ኣዲስ ኣበባ/ ሰነ/13/ 2016 /ኢዜአ/ኣብ ኢትዮጵያ ዝተመዘገበ ኢኮኖሚያዊ ዕቤት ቀፃልነት ንኽህልዎ መፍረያይነት ዘዕብዩ ስራሕቲ ብትኹረት ክስራሕ ኢዩ ክብሉ ሚኒስትር ኣገልግሎት ኮሙኒኬሽን መንግስቲ ለገሰ ቱሉ (ዶ/ር) ገሊፆም፡፡ ኣፈፃፅማ ማክሮ ኢኮኖሚ 2016 ዓ.ም መንግስቲ ምስ ሰራሕተኛታት እቲ ኣገልግሎቱ ኣብ ዝተገበረ ዘተ እቶም ሚኒስትር ከምዝበሉዎ÷ እቲ ዕቤት ክቕፅል ንምግባር እናተተግበሩ ዝርከቡ ኢንሼቲቫት ብልዑል ኩነታት ክዓብዩ ኣለዎም፡፡ እቲ ዕቤት ኩለመዳይ ቀፃልነት ንኽህልዎ ኣብ ዓውዲታት ሕርሻ፣ ኢንዱስትሪ፣ መዓድን፣ ቱሪዝምን ቴክኖሎጂን ብዕቱብ ከምዝስራሕ ኣብሪሆም። ኢኮኖሚ ንኸዓቢ ሰላም ወሳኒ ስለዝኾነ መንግስቲ ዝጀመሮ ሰላም ናይ ምርግጋፅ ስራሕ ኣብ ኩሎም ከባቢታት ብዝሐሸን ብዝተጠናኸረ ኩነታትን ተግባራዊ ከምዝገብር እውን ገሊፆም፡፡

ኣዲስ ኣበባ/ ሰነ/6/ 2016 /ኢዜአ/ሲቪል ኣቪዬሽን ኢትዮጵያ አብ ዓውዲ ድሕንነት ኣቪዬሽን ዝኾነ ይኹን ስግኣት ከምዘይብሉ ብዓለም ለኸ ትካል ሲቪል ኣቪዬሽን ተረጋጊፁ። ብዓለም ለኸ ትካል ሲቪል ኣቪዬሽን ድርጅት ን10 መዓልቲታት ዝተገበረ ኦዲት ድሕንነት ኣቪዬሽን ኢትዮጵያ ተዛዚሙ። በዚ ድማ ሲቪል ኣቪዬሽን ኢትዮጵያ ድሕንነቱ ዝተሓለወ ከምዝኾነ ተጣሊሉ። ድሕሪ 12 ዓመታት ዝተኻየደ ኦዲት ውፅኢቱ ሎሚ መዓልቲ ዕላዊ ከምዝኾነ ኣብ ብሄራዊ ኣገልግሎት ሓበሬታን ድሕንነትን ዳይሬክተር ዋና መምርያ ድሕንነት ሲቪል ኣቪዬሽን ኣስራት ቀጀላ ኣብ ዝሃብዎ መግለፂ ተዛሪቦም። እቲ ኦዲት ኣብ ሸሞንተ ወሰንቲ ዓውዲታት ከምዝተኻየደ ብምሕባር÷ ኣብ ኩሎም ዓውዲታት ድሕንነቱ ዝተሓለወ ኮይኑ ከምዝተረኸበ ተዛሪቦም፡፡ ዓለም ለኸ መዕርፎ ነፈርቲ ቦሌ ሓዊሱ ኣብ ኤርፖርታትን ማዕቐፋት ሕጊን ኩለመዳይ ትዕዝብቲ ከምዝተገበረ ገሊፆም። ብኣይካኦ ዝተገበረ ኦዲት ድሕንነት ኣቪዬሽን ውፅኢቱ ኩለመዳይ ዕቤት ኢትዮጵያ ዘመላኽት ከምዝኾነ ተሓቢሩ።

  ኣዲስ ኣበባ/ ሰነ/6/ 2016 /ኢዘአ/ሀንፀት ዲጂታል ኢኮኖሚ ንምስላጥ ብመሰረት ዝተሰርሑ ስራሕቲ ዛጊድ 620 ኣገልግሎታት መንግስቲ ናብ ዲጂታል ስርዓት ኣትዮም ከብሉ ሚኒስትር ኢኖቬሽንን ቴክኖሎጂን ዶ/ር በለጠ ሞላ ገሊፆም። ቀዳማይ ሚኒስትር ኣቢይ ኣሕመድ(ዶ/ር) ኣብ ዝተረኸቡሉ ገምጋም ኣፈፃፅማ ስራሕ 100 መዓልታት ተሳሊጡ። በለጥ ሞላ (ዶ/ር)፥ ስትራቴጂን ፖሊስን ዲጂታል ተቐሪፁ ኣገልግሎት ትካላት መንግስቲ ናብ ኤሌክትሮኒክ ወይ ዲጂታል ስርዓት ንምህናፅ ጠመተ ብምሃብ ከምዝተሰርሐ ኣብቲ መድረኽ ገሊፆም። ክሳብ ሐዚ 620 ኣገልግሎታት መንግስቲ ናብ ዲጂታል ስርዓት ኣትዮም ኢሎም። ኣብ ቀፃሊ ኣገልግሎታት መንገስቲ ናብ ዲጂታል ስርዓት ናይ ምእታው ስራሕ ተጠናኺሩ ከምዝቕፅል እውን ተዛሪቦም። ቴሌኮም ሓዊሱ ኣብ ዝተፈላለዩ ዓውዲታት ሃገራዊ ጊጂታል ምንቅስቓስ ልዑል ለውጢ ዝመፅኣሉ ከምዝኾነ ሓቢሮም። ክሳብ ሐዚ ልዕሊ 6 ትሪሊየን ብር ምንቅስቓስ ዲጂታል ፋይናንስ ከምዝተገበረ ተዛሪቦም ።

  ኣዲስ ኣበባ/ ሰነ/6/ 2016 /ኢዜአ/ ዩኒቨርሲቲ ኣዲስ ኣበባ ን12 ምሁራን መዓርግ ሙሉእ ፕሮፌሰርነት ከምዝሃበ ኣፍሊጡ። እቶም ሙሁራን መዓርግ ሙሉእ ፕሮፌሰርነት ዝተውሃቦም ብውፅኢታውነት ምስትምሃር፣ ብዘሀተሙዎም መፅናዕታዊ ፅሑፋት፣ ንማሕበረሰብ ብዘበርከቱዎ ኣካዳሚያዊ ኣገልግሎትን ኣብቲ ዩኒቨርሲቲ ብዝነበሮም ትካላዊ ምምሕዳርን ብሓፈሻ ብዝነበሮም ውህላል ውፅኢት ከምዝኾነ ተሓቢሩ። ብመሰረት እዚ፡- ፕሮፌሰር ይምጡ በዝናሽ ወ/ኣማኑኤል ብሜዲካል ማይክሮ ባዮሎጂ ፕሮፌሰር ኣንተነህ በለጠ ብፍርማሴዩቲክስ ፕሮፌሰር ካሳሁን ተስፋዬ ብፕላንት ጄኔቲክስ ፕሮፌሰር ኣህመድ ሁሴን ብኣናሊቲካል ኬሚስትሪ ፕሮፌሰር ታደሰ እጓለ ብማይክሮባዮሎጂ ፕሮፌሰር ተክለሀይማኖት ሃ/ስላሴ ብፕላንት ባዮቴክኖሎጂ ፕሮፌሰር ተሾመ ሰንበታ ብኮንደንስድ ማተር ፊዝክስ ፕሮፌሰር እንጉዳይ ኣደመ ብመፅናዕቲ ካሪኩለም ፕሮፈፌሰር ሃብቴ ተኪኤ ብሜዲካል ኢንቶሞሎጂ ፕሮፌሰር ቃላብ ባዬ ብሂዩማን ኒውትሪሽን ፕሮፌሰር ሰለሞን ሙሉጌታ ብኣርባን ፕላኒንግ ፕሮፌሰር ሙሉጌታ ፍሰሃ ብመፅናዕቲ ፖሊዮኢንቨሮመንታል ሙሉእ መዓርግ ፕሮፌሰርነት ተዋሂቦም። ናብ ሙሉእ ፕሮፌሰርነት ካብ ሞንጎ ዝዓበዩ ክልተ ደቂ ኣንስትዮ ምሁራን ዝርከበኦም ምዃነን ሓበሬታ እቲ ዩኒቨርሲቲ የመላኽት፡፡

  ኣዲስ ኣበባ/ሰነ/ 3/2016 /ኢዜኣ/ ኣገልግሎት ስታስቲክስ ኢትዮጵያ ምስ ዝተፈላለዩ ትካላት መራኸብቲ ሓፋሽ ብሓባር ንምስራሕ ዘኽእሎ ስምምዕ ተፈራሪሙ። እቲ ስምምዕ፤ ዋና ፈፃሚ ስራሕ ኣመራርሓ ኣገልግሎት ስታስቲክስ ኢትዮጵያ ኣይተ ኤቢሳ ኣሰፋ ምስ ተወከልቲ ዝተፈላለዩ መራኸብቲ ሓፋሽ እዮም ፈሪመምዎ። ዋና ዳይሬክተር ኣገልግሎት ስታስቲክስ ኢትዮጵያ በከር ሻሌ (ዶ/ር) ኣብዚ እዋን ከምዝበልዎ፤ መበል 5ይ ዙር መፅናዕቲ ስነ ህዝብን ጥዕናን ንምክያድ ዝተፈላለዩ ስራሕቲ እናተሳለጡ እዮም። ኣብ ዝተፈላለዩ ከባብታት እታ ሃገር ተዘዋዊሮም ሓበሬታ ንዝእክቡ ኣካላት ስልጠና ናይ ምሃብ ስራሕ እናተሰርሐ ከምዝኾነ እውን ከም ኣብነት ገሊፆም። መፅናዕቲ ስነ ህዝብን ጥዕናን ውፅኢታዊ ንክኸውን መራኸብቲ ሓፋሽ ንማሕበረሰብ ግንዛበ ብምፍጣር ጭቡጥ ሓበሬታ ንክእከብ ክሕግዙ ኣለዎም ኢሎም። ስለዝኾነ እውን ሎሚ መዓልቲ ምስ መራኸብቲ ሓፋሽ ኣብ ስምምዕ ከምዝተበፅሐ ሓቢሮም።

  ኣዲስ አበባ/ ሰነ/1/ 2016 /ኢዜአ/መበል ራብዓይ ሃገራዊ ኮንፈረንስ መፅናዕቲን ምርምርን ኣብ ኣዲስ ኣበባ ይሳለጥ ኣሎ። እቲ ኮንፈረንስ፥ “ምርምር ንትራንስፎርሜሽን ዲጂታላይዜሽንን ከተማ” ብዝብል መሪሕ ሓሳብ ኢዩ ዝካየድ ዘሎ። ሃገር ተወዳዳሪትን ብቕዕቲን ንምግባር ውፅኢታት ምርምር ልዑል ግደ ከምዘለዎም ፕሬዚዳንት ኣካዳሚ ኣመራርሓ ኣዲስ ኣበባ ጣሰው ገብሬ (ዶ/ር) ተዛሪቦም። ላዕለዎት ሓለፍቲ ስራሕ ምምሕዳር እቲ ከተማን ካልኦት መዳርግቲ ኣካላትን ሓዊሱ ምሁራን እቲ ዓውዲ ኣብቲ መድረኽ ይሳተፉ ኣለዉ።

  አዲስ አበባ/ግንቦት/28/2016/ኢዜአ/ ኣብ መንጎ ኢትዮጵያውያን ኣብ ዝተሳለጠ ዓለም ለኸ ውድድር ሃካቶን "Reboot the earth” ሰዓራይ ዝኾነ ጉጅለ ኣብ ኣሜሪካ ኣብ ዝካየድ ውድድር ሃካቶን ንኢትዮጵያ ብምውካል ከምዝሳተፍ ሚኒስቴር ኢኖቬሽንን ቴክኖሎጅን ኣፍሊጡ። ኣብ ኢትዮጵያ ኣብ ዝተገበረ ውድድር ነቲ ሰዓራይ ጉጅለ ዋንጫን 10 ሽሕ ዶላርን ተበርኪቱ። ሚኒስቴር ኢኖቬሽንን ቴክኖሎጅን ምስ ትካል ምግብን ሕርሻን ሕቡራት መንግስታት ኢትዮጵያ ብምትሕብባር "Reboot the earth” ውድድር ሃካቶን ካብ ዝተፈላለዩ ከባቢታት ኢትዮጵያ ኣብ መንጎ ዝተውፃእፅኡ ተወዳደርቲ ሃካቶን ኣብ ኣዲስ ኣበባ ፓርኪ ኣይሲቲ ኢኖቪስኪ ኢትዮጵያ ኢንኩቤሽን ሴንተር ተኻይዱ። ኣብቲ ውድድር 11 ጉጅለታት ተሳቲፎም። ኣብ ውሽጢ 36 ሰዓት ንዝተውሃቦም ዕንቅፋት ብሶፍትዌር ኣቢሎም ንዝተፈጠረ ፀገም ኣብ ውሽጢ ሓፂር ግዜ ፍታሕ ብምቕማጥ እቲ ቐዳማይ ዝወፅአ ጉጅለ ኣብ ኣሜሪካ ከተማ ኒውዮርክ ናብ ዝካየድ ውድድር ሓሊፉ።

  ኣዲስ ኣበባ/ ግንቦት/26/ 2016 /ኢዜአ/መርሃ ግብሪ መኽፈቲ ስታርትኣፕ ኣዋርድስ ኢትዮጵያ ምክትል ቀዳማይ ሚኒስትር ተመስገን ጥሩነህ ኣብ ዝተረኸቡሉ ይሳለጥ ኣሎ። ኣብቲ መርሃ ግብሪ ምክትል ቀዳማይ ሚኒስትር ተመስገን ጥሩነህ ሓዊሱ ሚኒስትር ስራሕን ክእለትን ሙፈሪሃት ካሚልን ካልኦት ላዕለዎት ሓለፍቲ ስራሕ መንግስቲ፣ ዋና ፈፃሚ ስራሕ ዓለም ለኸ ስታርትአፕ ኣዋርድስ ኪም ባልን ተወከልቲ ዝተፈላለዩ ስታርትኣፕን ተረኺቦም። ሚኒስቴር ስራሕን ክእለትን ምስ ዓለም ለኸ ስታርትኣፕ ኣዋርድስ ብምትሕብባር ዝተሰናደአ መርሃ ግብሪን ብአታሓባባሪ ሚኒስቴር ኢኖቬሽንን ቴክኖሎጂን ዝተዳለወ ኢዩ። ስታርትኣፕ ኣዋርድስ ኢትዮጵያ ሎምን ፅባሕን ክካየድ እዩ። ኣብቲ መርሃ ግብሪ ዝተፈላለዩ ስታርትኣፓት ተወዳዲሮም ንዝተዓወቱ ሽልማት ከምዝወሃብ ሓበሬታ እቲ ሚኒስቴር የመላኽት።

  ኣዲስ ኣበባ/ ግንቦት/26/ 2016 /ኢዜአ/ሳፋሪኮም ኢትዮጰያ ን16 ሓፈሻዊ ኣብያተ ትምህርቲ ክልል ትግራይ ነፍሲወከፈን ዘውዕል 10 ላፕቶፕን 3 ራውተርን ብሓገዝ ንቢሮ ትምህርቲ እቲ ክልል ከምዘረከበ ተገሊፁ። ኣብ ሳፋሪኮም ኢትዮጵያ ጊዚያዊ ሓላፊ ዝምድናታትን ቁፅፅር ቢዝነስን ኣይተ ሲሳይ ዘሪሁን ኣብ ትግራይ ዝነበረ ኩናት ሲዒቡ ኣብያተ ትምህርቲ ሓዊሱ ብርክት ዝበሉ መሰረተ ልምዓት ዕንወት ከምዝበፅሖም ገሊፆም። ዘሎ ፀገም ንምፍታሕ ድማ ሳፋሪኮም ኢትዮጵያ ሓገዝ ናውቲ ትምህርቲን ዝተፈላለዩ እዋኑ ዝጠልቦም ቴክኖሎጂታትን ናብ ትግራይ እናተኣታተወ ከምዝኾነን ሓገዙ ከምዘጠናኽርን ሓቢሮም። እቲ ሓገዝ ዝተረከቡ ሓላፊ ቢሮ ትምህርቲ ክልል ትግራይ ኪሮስ ጉዕሽ (ዶ/ር)ብግደኦም÷ ሳፋሪኮም ኢትዮጵያ ፀገምን ዕንወትን ኣብያተ ትምህርቲ ትግራይ ተረዲኡ ንዝበርከቶ ንዋታዊ ሓገዝ ብምምስጋን፤ እቲ ሓገዝ ተጠናኺሩ ንኽቕፅልን ካልኦት ውን ክስዕብዎን ኣገንዚቦም። ሓገዝ ዝተገበረን ኣብያተ ትምህርቲ÷ ን6 ወርሒ ብዘይ ምንም ክፍሊት ናፃ ዋይፋይ ክጠቀማ ዕድል ዝፈጠረ ከምዝኾነ እውን ሓበሬታ ቢሮ ጉዳያት ኮሙዩኒኬሽን ግዚያዊ ምምሕዳር ክልል ትግራይ የመላኽት

  ኣዲስ ኣበባ/ግንቦት 23/2016 (ኢዜኣ) ናይ ኢትዮጵያ ዜና ኣገልግሎት(ኢዜአ)ን ኢንስቲትዩት ሚቲዎሮሎጂ ኢትዮጵያን ብሓባር ንምስራሕ ዘኽእሎም መረዳድኢ ስምምዕነት ተፈራሪሞም። እቲ ስምምዕ፤ ምክትል ዋና ፈፃሚ ስራሕ ኢዜኣ ቤተልሔም ኣበባውን ዋና ዳይሬክተር ኢንስቲትዩት ሚቲዎሮሎጂ ኢትዮጵያ ፈጠነ ተሾመን እዮም ፈሪመምዎ። ዋና ዳይሬክተር ኢንስቲትዩት ሚቲዎሮሎጂ ኢትዮጵያ ፈጠነ ተሾመ ኣብዚ እዋን ከምዝበልዎ፤ እቲ ኢንስቲትዩት ሓበሬታታት ትንበያ ኣየር ብምትእኽኻብን ብምትንታንን ኣብ እዋኑ ንክባፅሑ እናሰርሐ ይርከብ። ጎና ጎኒ እውን ንተጠቀምቲ ኣገልግሎት ፀባይ ኣየር ሳይንሳውን ፅሬት ዘለዎን ሓበሬታ ፀባይ ኣየር ተበፃሒ ንምግባር እቲ ኢንስቲትዩት ምምሕያሻት ኣሰራርሓ ከምዝገበረ ኣረዲኦም። ሓበሬታታት ፅሬት ዘለዎ ፀባይ ኣየር ተበፃሒ ንምግባር እጃም ሚድያን ኮሚዩኒኬሽንን ልዑል ምዃኑ ብምሕባር ሎሚ መዓልቲ ምስ ኢዜኣ ስምምዕ ከምዝገበረ ገሊፆም። እቲ ስምምዕ፤ ክልቲኦም ትካላት ብምትሕብባርን ብምውዳድን ዝተውሃቦም ሃገራዊ ልኡኽቶ ንምውፃእ ከምዝሕግዝ እውን ሓቢሮም። ምክትል ዋና ፈፃሚ ስራሕ ኢዜኣ ቤተልሔም ኣበባው ብግደአን፤ ኢዜኣ ተበፃሕነቱ ብምስፍሕፋሕ ሓበሬታታት ብስፍሓት ንዜጋታት እናባፅሐ ይርከብ ኢለን። እቲ ስምምዕ፤ ኢዜኣ ዘለዎ ተበፃሕነት፣ልምድን ሓይሊ ሰብን ብምጥቃም ፅሬት ዘለዎ ሓበሬታ ፀባይ ኣየር ንምዝርጋሕ ከምዘኽእል ገሊፀን።

  ኣዲስ ኣበባ/ ግንቦት/22/ 2016 /ኢዜአ/አብ ክልል ትግራይ ዩኒቨርስቲ ዓዲግራት ምስ ሚኒስቴር ሰላም ብምትሕብባር "ንእዋኑ ዝምጥን ሓርበኝነት ንህብረ ብሄራዊ ሓድነት" ብዝብል መሪሕ ቃል መድረኽ ዘተ ኣካይዱ። ብመኽፈቲ መደረ ምክትል ፕሬዝዳንት እቲ ዩንቨርስቲ ገብረኪዳን ተስፋይ (ዶ/ር) ዝጀመረ እንትኸውን÷ ክልተ መዛተዪ ፅሑፋት ቀሪቦም ልዝብ ተገይሩሎም። ተሳተፍቲ እቲ መድረኽ ኣብ ዝቐረቡ ፅሑፋት ዘለዎም ሕቶ፣ተወሳኺ ሓሳብ፣ ከምኡ እውን ትዕዝብቶም ከምዘቕረቡን ካብ ኣመራርሓን ማነጅመንትን እቲ ዩንቨርስቲ ምላሽን መብርሂን ከምዝተውሃበሉ ካብቲ ዩኒቨርሲቲ ዝረኸብናዮ ሓበሬታ የመላኽት። ኣብ ዋና ቀፅሪ ዩንቨርስቲ ዓዲግራት ኣብ ዝተኻየደ መድረኽ÷ መራሕቲ ሃይማኖት፣ መንግስታዊ ኣመራርሓ፣ ዝተፈላለዩ ክፋላት ሕብረተሰብ ከተማ ዓዲግራት፣ ኣባላት ማኔጅመንት እቲ ዩንቨርስቲ፣ ከምዝተሳተፉሉ ተገሊፁ።

  ኣዲስ ኣበባ/ግንቦት 21/2016 (ኢዜኣ) ሓለፍቲ ስራሕ መራኸብቲ ሓፋሽ ምንቅስቓስ ስራሕ በዓል መዚ መራኸብቲ ሓፋሽ ኢትዮጵያ ጎብንዮም። ሓለፍትን ተወከልትን ስራሕ መራኸብቲ ሓፋሽ ህዝብን ንግድን ትካላዊ ምንቅስቓስ ስራሕን ስዳሮታት ለውጥን በዓል መዚ መራኸብቲ ሓፋሽ ኢትዮጵያ ተዓዚቦም። ዋና ዳይሬክተር እቲ በዓል መዚ መሐመድ እድሪስን ካልኦት ሓለፍቲ ስራሕ እቲ በዓል መዝን፤ ኣብ ውሽጢ ክፍልታት ስራሕ እቲ በዓል መዚ ክትትል፣ደገፍ፣ቁፅፅርን ምምሕዳርን መራኸብቲ ሓፋሽ ከምኡ እውን ትካላዊ ምንቅስቓስ ስራሕን ስዳሮታት ለውጥን እቲ ትካል ኣጎብንዮምዎም።

  ኣዲስ ኣበባ/ ግንቦት/19/ 2016 /ኢዜአ/ኢትዮጵያውያን ተምሃሮ መበል ሳልሳይ ዓለም ለኸ ውድድር ፍፃመ ኣይሲቲ ሁዋዌ ተዓዊቶም። ኣብ ቻይና ከተማ ሼንዘን ብትራክ ኮምፒውቲንግ ዝተሳተፉ ሰለስተ ኢትዮጵያውያን ተምሃሮ ሳልሳይ ሽልማት ምስ ጉጅለ ማሌዢያ፣ ሜክሲኮን ኬንያን ተማቒሎም። እቲ ውድድር ካብ 14 ክሳብ 18 ገንቦት 2016 ዓ.ም ካብ መላእ ዓለም ዝተውፃእፅኡ ተምሃሮ ኣብ ዝተሳተፍሉ ኢዩ ተሳሊጡ። ካብ ዩንቨርስቲታት ኣርባ ምንጭን ሳይንስን ቴክኖሎጂን ኣዲስ ኣበባን ዝመፅኡ ተምሃሮ ዝተወከልሉ ጉጅለ ኢትዮጵያ ኣብቲ ውድድር ብምስታፍ ከምዝተዓወተ ኣብ ሚኒስቴር ትምህርቲ ዝረኸብናዮ ሓበሬታ የረድእ።

  ኣዲስ ኣበባ/ግንቦት 17/2016 (ኢዜኣ) ሚኒስቴር ኢኖቬሽንን ቴክኖሎጂን ስራሕቲ ምርምር፣ሽግግር ቴክኖሎጅን ኢኖቬሽንን ብምትሕብባር ንምስላጥ ዘኽእል መረዳድኢ ስምምዕ ምስ ዩኒቨርሲቲታት ጅማ፣ድሬዳዋ፣ሃዋሳን ደብረብርሃንን ተፈራሪሙ። ሚኒስትር ኢኖቬሽንን ቴክኖሎጂን በለጠ ሞላ(ዶ/ር) ኣብዚ እዋን ከምዝበልዎ፤ እቲ ስምምዕ ኣብ ማእኸል ኢንኩቤሽን ኢኖቪዝ-ኬን ዩኒቨርሲቲታትን ዘለው ዓቕምታት ኣዋዲዱ ብምጥቃም ኣብቲ ዓውዲ ለውጢ ንምምፃእ ዝዓለመ እዩ። ፕሬዚዳንት ዩኒቨርሲቲ ድሬዳዋ ኡባህ ኣደም(ዶ/ር) ኣብቲ ስነ ስርዓት ፊርማ፤ እቲ ስምምዕ ዩኒቨርሲቲታት ስራሕ ልምዓት ሓይሊ ሰቦም ብዝተዋደደ መንገዲ ንምስራሕ ግደ ኣለዎ ኢሎም። ዩኒቨርሲቲታት ዘለዎም ዓቕሚ ኣብ ልምዓት ኢኮኖሚ ሃገር ንምውዓል በዚ መልክዕ ተሓባቢርካ ምስራሕ ውፅኢታዊ ስራሕቲ ንምስራሕ ከምዝሕግዝ ዝተዛረቡ ድማ ፕሬዚዳንት ዩኒቨርሲቲ ጅማ ጀማል ኣባ ፊጣ(ዶ/ር) እዮም። ምክትል ፕሬዚዳንት ምርምርን ሽግግር ቴክኖሎጅን ዩኒቨርሲቲ ሃዋሳ ታፈሰ ማትዮስ(ዶ/ር)፤ እቲ ኒቨርሲቲ ኣብ ፈጠራ፣ምርምርን ቴክኖሎጅን ስራሕቲ ንምስራሕ ዘለዎ ልዑል ድሌት ብምሕባር እዚ ድማ ዘለው ዓቕምታት ከይባኽኑ ይሕግዝ ኢሎም። ምክትል ፕሬዚዳንት ምርምርን ሽግግር ቴክኖሎጅን ዩኒቨርሲቲ ደብረብርሃን ዩኒቨርሲቲ ኣዝመራው ኣየሁ(ዶ/ር) ብግደአን፤ እቲ ዩኒቨርሲቲ ምስቲ ሚኒስቴር ብርክት ዝበሉ ውፅኢታዊ ስራሕቲ እናሳለጠ ምፅንሑ ሓቢረን። እዚ ስምምዕ እውን እቶም ዝነበሩ ስራሕቲ ምትሕብባር ካብ ምጥንኻር ብተወሳኺ እቲ ዩኒቨርሲቲ ዘለዎ ዓቕሚ ንክጥቀም ከምዝሕግዞ ኣረዲአን።

  አዲስ አበባ/ግንቦት/16/2016/ኢዜአ/ ቤት ምኽሪ ብሄራዊ ዲጂታል ትራንስፎርሜሽን ትግበራ ኣብ ቀዳማይ ስሩዕ ኣኼብኡ ዘቐመጦም ኣንፈታት ምግምጋሙ ምክትል ቀዳማይ ሚኒስትር ተመስገን ጥሩነህ ገሊፆም። ኣብ ቀፃሊ ድማ ኣብ ዲጂታል ምህዳር ዝወፅኡ ፖሊሲታት፣ ስትራቴጂታት፣ ኣዋጃት፣ ደምብታት፣ መምርሕታት ኣሰራርሓታትን ኻልኦት ዶክመንትታትን ሕዚ ምስ ዘሎ ንኹሉ ዝሓቖፈ ሪፎርም መንግስቲ፣ ምስ ቕልጡፍ ዕብየት ኢኮኖሚን ዲጂታል ቴክኖሎጅን ሃገርና ዝናበቡን ዝጠዓዓሙን ምዃኖም ተፀኒዑ ንክቐርብ ኣንፈት ከም ዝተቐመጠ ሓቢሮም። እቶም ምኸትል ቀዳማይ ሚኒስትር እቲ ቤት ምኽሪ ንልምዓት ፓርኪ IT 'ውን ዝጎብነየ እንትኸውን ንዘለዉዎ ውሱናት ዕንቅፋታት ብምፍታሕ ተሳትፎ ውልቃዊ ዘፈርን ምስ መንግስቲ ዘለዎ ምትሕብባርን ምድግጋፍን ዘጠናኽር ቑመና ንኽላበስ ንምግባር ምስ መዳርግቲ ኣካላት ምስራሕ ከምዝግባእ ኣብ ሓባራዊ ምርድዳእ ተበፂሑ ኢሎም። አስዒቦም ኣብ ፓርኪ IT ኣብ ዘፈር ዳታ ሴንተር ኣብ ዝተዋፈሩ ክልተ ትካላትን ኣብ ማእኸል ኢንኩቤሽንን ዑደት ገይርናዝበሉ ምኸትል ቀዳማይ ሚኒስትር ተመስገን ዝተመልከትናዮም ትካላት ኣብቲ ዘፈር ንዝተዋፈሩ ኣካላት ኣድላዪ ዘበለ መሰረተ ልምዓት ኣማሊኦም ምድላው ካብ ምዝዛሞም ሓሊፎም ንዓማዊሎም ግልጋሎት ምሃብ ምጅማሮም ተመልኪትና ብምበል አረዲኦም። ብሓፈሻ ኣብቲ ፓርኪ ዝረኣይናዮ ምንቅስቓስ ስራሕ ንስትራቴጂ ዲጂታል 2025 ጋህዲ ንምግባር ትካል እናተሃነፀ ምዃኑ ዘመላኽት 'ዩ።

አብ ቀረባ ዕላዊ ዝኾነ መፅሓፍ ሓዊሱ ንመደረ ቀዳማይ ሚኒስትር አብይ አሕመድ ዝሓዙ ዓመታዊ ቅፃት መፅሓፍ አብ ድረ ገፅ ተፃዒኖም ንንባብ ቁሩባት ኮይኖም አለዉ