Saayinsii fi Teeknooloojii - ENA Afaan Oromoo
Saayinsii fi teeknooloojii
Finfinnee magaalaa dargaggoonni qareeyyii badhaadhinaaf hojjetan horattu taasisuuf hojiin jalqabne cimee ittifufa-Kantiibaa Adaanech Abeebee
May 24, 2024 175
Caamsaa 16/2016 (TOI)- Finfinnee magaalaa dhaloonni itti qaramu, dargaggoota qareeyyii guddinaa fi badhaadhina waliigalaaf hojjetan horattu, fakkeenya badhaadhina biyya keenyaa gochuuf hojiin jalqabne cimee ittifufa jedhan kantiibaan magaalaa Finfinnee Adaanech Abeebee. Kantiibaa Adaanech agarsiisa barattoota saayinsii fi kalaqaa guutuu magaalaa saglaffaa mata duree “ dhaloonni hojii kalaqaan gabbate guddinaa fi badhaadhina waliigalaaf” jedhuun qophaa’e addababayii michoomaatti banuusaanii beeksisaniiru. Kantiibaa Adaanech Abeebee ergaa karaa fuula marsariitiisaanii dabarsaniin hojiileen hojjechaa jirru firii kennaa akka jiran hojiileen kalaqaa agarsiisarratti argine nuhubachiisaniiru jedhaniiru. Ijaarsa dhalootaaf xiyyeeffannoo olaanaa kennuun dhaloota rakkoo hiiku ijaaruu fi Finfinnee magaalaa dhaloonni itti qaramu, dargaggoota qareeyyii guddinaa fi badhaadhina waliigalaaf hojjetan horattu, fakkeenya badhaadhina biyya keenyaa gochuuf hojiin jalqabne cimee ittifufa jechuun ibsaniiru.
Galmeen dorgommii kennaa saayibarii buyyaalessaa bara 2016 jalqabame
May 24, 2024 178
Caamsaa 16/2016(TOI)- Galmeen dorgommii kennaa saayibarii buyyaalessaa har’a Caamsaa 16 irraa kaasee amma Caamsaa 30 bara 2016tti akka taasifamu bulchiinsi nageenya neetwoorkiiodeeffannoo beeksise. Bulchiinsichi galmee sagantaa dorgommii kennaa addaa saayibarii biyyaalessaa bara 2016 ilaalchisuun miidiyaaleef ibsa kenneera. Bulchiinsa nageenya neetwoorkii odeeffannootti daarektarri jiddugaleessa ga’ooma Saayibarii Bishaawu Bayyanaa wayita kana akka jedhanitti, bulchiinsichi waggoota lamaan darban dargaggoota filachuun leenjisee eebbisiiseera. Dorgommiin kennaa saayibarii biyyaalessaa kan bara 2016 sadarkaa biyyaalessaatti yeroo sadaffaaf akka adeemsifamu dubbataniiru. Galmeen dorgommii kennaa addaa Saayibarii har’a Caamsaa 16 bara 2016 irraa kaasee amma Caamsaa 30 bara 2016tti akka adeemsifamu himaniiru. Umuriinsaanii waggaa 11 irraa kaasee naannoo biyyatti hunda keessa kan jira kanneen fedhii fi dandeettii qaban galmaa’uu akka danda’an dubbataniiru. Dameen seekuriitii Saayibarii hanqina namaa olaanaa kan qabu ta’uu eeranii, kennaarratti hojjechuun dhimma filannoo akka hintaane ibsaniiru. Miidiyaaleen, dhaabbileen barnootaa, dameen dhuunfaa akkasumas dhaabbileen mootummaa ijoo ta’an qoodasaanii akka bahan waamicha taasisaniiru.
Misoomni dijitaalaa guddina biyyaa fi fayyadamummaa lammiilee hundaa mirkaneessuuf gahee olaanaa qaba
May 22, 2024 177
Caamsaa 14/2016 (TOI) - Misoomni dijitaalaa guddina biyyattii gara fuula duraa fi fayyadamummaa lammiilee hundaa mirkaneessuuf gahee olaanaa qaba jedhan itti aanaan Ministira Muummee FDRI obbo Tamsgeen Xurunee. Itti aanaan Ministira Muummee obbo Tamasgeen Xurunee ergaa karaa miidiyaa hawaasummaa isaanii dabarsaniin; har'a agarsiisa 2024 'Stride Ethiopia' kan saayinsii, teeknooloojii fi kalaqa irratti xiyyeeffate irratti hirmaannee, qooda fudhattoota mootummaa fi damee dhuunfaa waliin marii barbaachisaa ta'e gaggeessineerra jedhan. Addunyaan dijitaalaa hoji maata badaa duubatti nama harkisaan haaraan kan bakka buusa waan ta’eef jaarmiyaalee haala jijjiiramaa jiruuf deebii kennuu danda’an uumuun hojii eegaluun barbaachisaa ta’uu ibsaniiru. Itti aanaan Ministira muummee akka eeranitti; guddini dinagdee dijitaalaa hirmaannaa qooda fudhattoota hundaa akka barbaadus himaniiru. Dameen dhuunfaa, dhaabbileen barnoota olaanoo fi qooda fudhatoonni misoomaa mootummaa waliin qindoomuun misooma kanarratti hirmaachuu akka qaban hubachiisaniiru. Qooda fudhattoonni hundi itti gaafatamummaa biyyaalessaa isaanii bahachuun Itoophiyaa keessatti dijitaalaa Tiraansifoormeeshinii eegalame cimsuun ummanni irraa fayyadama akka ta'u waamicha taasisaniiru.
Ittaanaan ministira muummee Tamasgeen Xurunaa eksipoo Stiraayid Itiyoophiyaa daawwatan
May 22, 2024 129
Caamsaa 14/2016(TOI)- Ittaanaan ministira muummee Tamasgeen Xurunaa fi ministiroonni eksipoo Stiraayid Itiyoophiyaa daawwatan. Eksipoon Stiraayid Itiyoophiyaa 2024 Caamsaa 10 bara 2016 ministira muummee doktar Abiyyi Ahimadiin ifatti banamuunsaa nibeekama. Eksipoon waggaa waggaan adeemsifamu kun mata duree “Saayinsiin ulaa bana, teeknooloojiin walitti hidhamiinsa uuma, kalaqni fuulduratti tarkaanfachiisa” jedhuun amma Caamsaa 18 bara 2016tti golambaa saayinsiitti banaa ta’ee nitura. Eksipoon Straayid Itiyoophiyaa Saayinsii, teeknooloojii, kalaqaa fi dijitaalaayzeeshiniirratti xiyyeeffate dhaabbilee teeknooloojii fi kalaqaa hirmaachisuurratti argama. Dhaabbileen mootummaa fi dhuunfaa akkasumas staar aapponni hojiilee kalaqaa daawwannaaf dhiheessaniiru.
Yaa’iin damee Aveeshinii bara dhufuu sadaffaan Riyaaditti taa’amaa jira
May 21, 2024 174
Caamsaa 13/2016(TOI)- Yaa’iin damee Aveeshinii bara dhufuu sadaffaan magaalaa muummee Saa’udii Arabiyaa Riyaaditti taa’amaa jira. Jilli ministira geejjibaa fi loojistiksii doktar Alamuu Simeen durfamu Itiyoophiyaa bakka bu’uun hirmaachaa kan jiru yoo ta’u jilli kun mariiwwan gamlamee foramichaan cinaatti qaamolee addaddaa waliin akka mari’atu ni’eegama. Yaa’iin walitti hidhamiinsa idil addunyaa guddisuu fi damicharratti tumsaan hojjechuurratti xiyyeeffachuun nimari’ata jedhamee eegamu kun biyyoota hirmaattotaa fi dhaabbilee tumsoota Aveeshinii addaddaa 50 olii fi waliigalteewwan waliin hojjechuu nitaasifama jedhameera. Oomishtoonni Xiyyaaraa damee kanaakuma 5 caalan, dhaabbileen tajaajila balallii kennan, barnoota Aviyeeshinii fi jiddu galeessa ga’oomaa, hayyoonni akkasumas hooggantoonni dhaabbilee mootummootaa fi idil addunyaa damee kanarratti murtee kennan hirmaachaa jiru. Yaa’iin Aviyeeshinii idil addunyaa kun bara 2022 waliigalteewwan damee Aviyeeshinii 5o ta’an mallatteessuusaa odeeffannoon ministeera geejjibaa fi loojistiiksii nimul’isa.
Wixinee Labsii Nageenya Saayibarii Bu’uuraalee misoomaa ijoo irratti galtee walitti qabuuf waltajjiin marii gaggeeffamaa jira.
May 18, 2024 212
Caamsaa 10/2016 (TOI) Wixinee labsii nageenya saayibarii bu’uuraalee misoomaa ijoo irratti qooda fudhattoota waliin galtee walitti qabuuf waltajjiin marii Finfinneetti gaggeeffamaa jira. Hoggantoota bulchiinsa nageenya odeeffannoo, ogeeyyii seeraa fi saayibarii dabalatee qaamoleen affeeraman biroon waltajjicharratti hirmaachaa jiru. Itti aanaan Daarektara Olaanaa Damee Odeeffannoo Bulchiinsa Nageenya Odeeffannoo Haniimaan Lammaa; Nageenya saayibarii bu’uuraalee misoomaa mootummaa ijoo ta’an mirkaneessuudhaan haalli kennisa tajaajila lammiileef saffisaan kennuu danda’u uumamuu ibsaniiru. Qophiin wixinee labsii kanaa yeroo xumuramee hojiitti hiikamun sirna hojii ifa ta’e diriirsuun bu’uuraalee misoomaa mootummaa eegsisuun bu’aa guddaa akka qabu eeraniiru. Bulchiinsa Nageenya Odeeffannootti Hogganaa Kutaa Qorannoo fi Qophii Seera Saayibarii Obbo Fiqirasilaasee Geetaachoo; Itti fayyadamni lammiileen tajaajila dijitaalaarratti qaban guddachaa jira jedhaniiru. Wixinee Labsii kana raggaasisuun hojiitti galchuudhaan nageenyi saayibarii bu’uuraalee msoomaa mootummaa ijoo ta’anii eeguu fi haleellaa damicha keessatti dabalaa dhufe sadarkaa idil-addunyaatti qolachuun akka danda’amu ibsaniiru.
Tajaajilli fi qaqqabamummaa 'Ethio Sat' guddina olaanaa agarsiisaa jira.
May 14, 2024 203
Caamsaa 6/2016(TOI) - Tajaajilli fi qaqqabamummaa 'Ethio Sat' guddina olaanaa agarsiisaa jiraachuu Abbaan Taayitaa Miidiyaalee Itoophiyaa beeksise. Dhaabbanni 'Ethio Sat' maamilootaa fi qaamolee qooda fudhatoota waliin guddina indastiricharratti xiyyeeffachuun kora qorannoo magaalaa Finfinneetti geggeessa jira. Waltajjicharratti kan argaman Daarekterri olaanaa Abbaa Taayitaa Miidiyaalee Itoophiyaa obbo Mahaammad Idiris yeroo ammaa Ethio Sat irra dhaabbilee Televizhiinii Amantii,Daladalaa, uummataa fi kanneen biroof tajaajila kennaa jira jedhaniiru. Qaqqabamummaa Ethio Sat guddaa ta'uu eeranii; adeemsa hanga ammaatti ittiin dhufe irraa damdamachuunhojii gara fuula duraa irratti xiyyeeffachuu qaba jedhaniiru. Tattaaffii kanaafis abbaan taayitichaa deeggarsaa barbaachisu kan taasisu ta'uu beeksisaniiru. Itti aanaan daarektara Instiitiyutii Ji'oo Ispeeshaalii fi Saayinsii hawaa Itoophiyaa Beteheleem Nugusee , baasii guddaa Itoophiyaan saatalaayitiif baastu hiri'isuun cinaatti aadaa fi safuu biyyatti eegsisuu keessaatti gaheen Ethio Sat bahaa jiru olaanaadha jedhaniiru. Itoophiyaan saatalayitii kominikeeshinii mataa ishee akka qabattuuf hojjetama jirachuus himaniiru. Ethio Sat bara 2012 Waldaa Biroodkastaroota Itoophiyaa, Abbaa Taayitaa Biroodkastingii Itoophiyaa duraanii fi Instiitiyutii Tekinolojii fi saayinsii hawaa duraaniin kan hojiirra oolchaan yoo ta'u yeroo ammaa Chaanaaloota 136 ofitti hammatee kan jirudha. See insights and ads Boost post Like Comment Share
Itoophiyaan walitti dhufeenya Intarpool waliin qabdu cimsuuf fedha qabdi
Apr 25, 2024 436
Ebla 17/2016(TOI) - Itoophiyaan walitti dhufeenya Intarpol waliin qabdu caalaatti cimsuuf fedha kan qabdu ta'uu Poolisii Federaalaa Itoophiyaatti Itarpool Biyyaalessaa Poolsii Federaalaa fi Qajeelchi Tumsa Poolisii Idil-Addunyaa beeksise. Poolisiin Fedeeraalaa, Itoophiyaa Konfiraansii Waggaa Interpool Idil-addunyaa irratti hirmaachaa jira. Konfiraansiin kun Firaansi Magaalaa Liyoonitti taa’amaa jira. Konfiraansicha irratti Hogganaan Iterpool Biyyaalessaa Poolsii Federaalaa fi Qajeelcha Tumsa Poolisii Idil-Addunyaa Gargaaraan Komishinaraa Dajanee Baqqalaa hirmaachaa jiru. Gargaaraan Komishinaraa Dajanee Baqqalaa konfiraansichaan cinaatti qindeessitoota pirojektii babal’ina tajaajila interpoolii waliin mari’ataniiru.
Haleellaa Saayibarii ittisuuf biyyoonni miseensa ‘BRICS’ walta’iinsaa fi qindoominaan hojjechuu qabu jedhame
Apr 18, 2024 704
Ebla 10, 2016 (TOI)- Guddina teeknooloojii hordofee haleellaa saayibarii dabalaa dhufe ittisuuf biyyoonni miseensa ‘BRICS’ walta’iinsaa fi qindoominaan hojjechuu akka qaban akeekame. Yaa’iin “Working Group” 10ffaan Biyyoota miseensaa BRICS Raashiyaatti gaggeeffameera. Yaa’icharratti Itiyoophiyaa bakka bu’uun Daayrektarri Olaantuun Bulchiinsa Nageenya Odeeffannoo Aadde Tigisti Haamiidii fi jilli isaanii hirmaataniiru. Aadde Tigisti Haamiid akka jedhanitti, yeroo ammaa biyyooni miseensa ‘BRICS’ fi biyyoonni addunyaa dhimma haleellaa saayibariirratti xiyyeeffannaan hojjechaa jiru. Dhimmi nageenya odeeffannoo ajandaa murteessaa biyyootaa miseensa BRICS ta’ee itti fufuu akka qabu eeran. Biyyonnni miseensa garichaas dandeettii yaaddoowwan haleellaa dandamachuun isaanii cimsuun naannawaa dijitaalaa nageenyi isaa amansiisaa uumuu akka qaban ibsuu ragaan bulchiinsicharraa argame ni mul’isa. Yaa’ichaan biyyoonni miseensaa, nageenya kominikeeshinii fi odeeffannoo, waljijjiirraa odeeffannoo, yaaddoowwan nageenya saayibarii ittisuuf akkasumas muuxannoo waljijjiiruuf waliigalteerra ga’uun ibsameera. Aadde Tigisti waltajjiichaan cinaatti biyyoota miseensa garichaa waliin haalaa nageenyaa saayibariirratti hojjechuu danda’amurratti mari’achuun ibsameera.
Itoophiyaatti sirna bulchiinsa ammaayyaafis ta'ee argannoo saayinsiif sabdaneesummaan aadaa fi beekumsi dhalootaan biyya keessaa gahee olaanaa qabu.
Apr 16, 2024 517
Ebala 8/2016(TOI) - Itoophiyaatti sirna bulchiinsa ammaayyaafis ta'ee argannoo saayinsiif sabdaneesummaan aadaa fi beekumsi dhalootaan biyya keessaa gahee olaanaa qabaachuu namni damee qorannoo taasisuun beekaman tokko ibsan. Yuunivarsiitii Jinkaatti korri qorannoo Aadaa fi Seenaa irratti xiyyeeffate geggeeffameera. Kora qorannoo kanarratti kan hirmaataan Yuunivarsiitii Kaalfoorniyaatti qorataan Sooshaal Antiropolojii Pirofeesar Doonaald L Donaahaam akka himanitti; Itoophiyaan aadaawwanii fi beekumsoota xabboo hedduu ajaa'ibsiisoo qabdi. Itoophiyaa dabalatee biyyoota Afrikaa adda addaatti waggoota 50'f hojii qorannoo fi qo'annoo hojjechaa turuu himanii; qoarnnoo hawaasaa fi ilaalcha siyaasaa irratti Kitaaboota xiyyeeffatan hedduus barreesuu isaanii himaniiru. Waggoota qorannoo fi qo'annoof biyyoota Afrikaa keessa turan keessaa kan Itoophiyaa keessa turan guddaa ta'uu eeranii Itoophiyaan haala teesuma alafaa ja'ibsiisaa fi aadaa hedduun kan badhaatedha jedhaniiru. Qoratichi kora qorannoo kanarratti mata duree '' Hundeeffama Itoophiyaa fi beekumsoota xabboo walitti bu'insa furuuf'' jedhuun qorannoo dhiheesaniiru. Qoratichi qorannoo dhiheesaniin Itoophiyaatti sirna bulchiinsa ammaayyaafis ta'ee argannoo saayinsiif sabdaneesummaan aadaa fi beekumsi dhalootaan biyya keessaa gahee olaanaa qabu jedhaniiru. Itoophiyaatti walooma cimsuufi nageenya waaraa taasisuuf beekumsi xabboo karaa walitti bu'insa karaa aadaa furaniin gahee olaanaa qabu jedhaniiru. Duudhaawwan kana Yuunivarsiitonnii fi dhaabbileen qorannoo qorannoo fi qo'annoon gabbisuun fayidaarra oolchuu qabus jedhaniiru.
Dhaabbileen tajaajila miidiyaa hawaasummaa kennan haasawa jibbiinsaa ittisuuf hojii irraa eegamu hin hojjenne
Apr 16, 2024 432
Ebla 8/2016 (TOI) – Dhaabbileen tajaajila miidiyaa hawaasummaa kennan haasawa jibbiinsaa ittisuuf hojii irraa eegamu hin hojjenne ta'uu Abbaan Taayitaa Miidiyaalee Itoophiyaa beeksise. Abbaan Taayitaa Miidiyaalee Itoophiyaa gabaasa biyyaalessaa haasawa jibbiinsaa fi odeeffannoo sobaa miidiyaalee hawaasummaa ifoomsera. Odeeffannoon Sobaa fi Haasofni jibbiinsaa babal’achuun nageenya hawaasarratti dhiibaa uumuu gabaasa isaan ifa godheera. Maddii haasawaa jibbiinsaa miidiyaaleen hawaasaa qoodaan ijoon Abbootii Amantii tokko tokko, Aktiivistoota, qaamoleen siyaasaa fi rogeeyyiin miidiyaalee hawaasummaa fi qaamoleen dhuunfaa ta'uu gabaasa isaa kanaan ifoomseera. Haasofni jibbiinsaa kunneen saba, Amantii, afaan, eenyummaa, namoota dhuunfaa, garee, namoota bebbeekkamoo, namooa siyaasaa fi aanga’ootarratti kan xiyyeeffatan ta’uu abbaan taayitichaa gabaasa isaan eerera. Dhaabbileen tajaajila miidiyaa hawaasummaa dambii fi qajeelfama kabajuun itti gaafatamummaan hojjechuu akka qaban Abbaan Taayitaa Miidiyaalee Itoophiyaa gaafateera.
Itiyoo-telekoom hojiilee sirna dijitaalaa hammataa mirkaneessuuf jalqabe cimsee itti nifufa-Fireehiywoot Taammiruu
Apr 16, 2024 250
Ebla 08/2016(TOI)- ኢ Itiyoo-telekoom faayinaansii dabalatee hojiilee sirna dijitaalaa hammataa mirkaneessuuf jalqabe cimsee akka ittifufu hojiiraawwachiiftuun olaanaa Itiyoo –telekoom Fireehiywoot Taammiruu ibsan. Itiyoo-telekoom appilikeeshinii haaraa “Tele birr-ingeej” jedhamu kaleessa galgala ifoomseera. Maamiltoonni tajaajila Kanaan marii biizinasii kallattii nama dhuunfaa ykn garee taasisuuf odeeffannoowwan gabaa waljijjiiruuf, maallaqa erguu fi fudhachuuf akka dandeessisu ibsaniiru. Akkasumas dhimmoota biizinasii akkasumas hawaasummaa biroo barreeffamaan, suuraadhaan, sagaleedhaan, viidiyoo fi bifa sanadaan waljijjiiruu nidanda’u jedhaniiru. Kaampaanichi Itiyoophiyaa dijitaalaa damee hundaan dhugoomsuuf shojjetamaa jira jedhaniiru. Keessumaa sirna faayinaansii dijitaalaa qaqqabaa taasisuuf xiyyeeffatamee hojjetamaa akka jiru dubbataniiru. Haala Kanaan appilikeeshinii “teelee birr-Ingeej” cehumsa faayinaansii dijitaalaa keessatti dhaabbilee daldalaa, mootummaa fi mitmootummaa gochuun dirree dinagdee dijitaalaa babal’isuuf kan gargaarudha jedhaniiru. Kaampaanichi hojiilee bu’uraaleen misoomaa sadarkaa biyyaalessaatti ijaare Itiyoophiyaa dijitaalaa dhugoomsuuf jalqabaman gargaaruun shoorrisaanii olaanaa ta’uu dubbataniiru. Kaampaanichi fuulduras tajaajiloota dijitaalaa haaraa hojeessuuf akka hojjetu ibsaniiru. Itiyoo-telekoom karaa teelee birrii waggaa sadii dura hammattummaa faayinaansii dijitaalaa guddisuuf ifoomseen guyya guyyaatti gurgurtaa birrii biiliyoona 5 kan raawwatu yoo ta’u, waggoota 3 keessatti deddeebiin maallaqa birrii tiriiliyoonii 2 tuqaa 2 taasifameera.
Bu'aawwaan Artefishaal Intalajensiin gargaramuun Dijitaal Tiransfoormeeshiniirratti bu'aan fooyyee qabeessii akka argamuuf hojjetama jira.
Apr 12, 2024 320
Ebla 4/2016(TOI) - Bu'aawwaan Artefishaal Intalajensiin gargaramuun Dijitaal Tiransfoormeeshiniirratti bu'aan fooyyee qabeessii akka argamuuf hojjetama jira jedhan Itti aanaan Ministira Muummee obbo Tamasgeen Xurunee Finfinneetti kaleessa galgala roobootiin ''Dastaa'' jedhamtu ogeessaa muuziqaa Jaaz hangafaa Mulaatuu Astaaxiqee waliin ta'uun agarsiisa muuziqaa dhiheesiteetti. Agarsiisa muuziqaa kanarratti Itti aanaan Ministira Muummee Tamasgeen Xurunee dabalatee hoggantoonnii olaanoo hojii mootummaa, ogeeyyii hojii kalaqaa fi tekinolojiirratti bobba'an akkasuma keessummoonni waamichi taasifameef hirmaataniiru. Itti aanaan Ministira Muummee obbo Tamasgeen Xurunee wayita kana akka himanitti; Itoophiyaan Artefishaal Intalajensii fi ce'umsa tekinolojii irratti xiyyeeffannoon hojjechaa jirti. Artefishaal Intalajensiin kallattii xiyyeeffannoo addunyaa ta'uu eeranii keessaattu Itoophiyaattis ta'ee ardii Afrikaatti rakkoowwan wal xaxoo mudatan furuuf furmaata addaati jedhaniiru. Kanaaf mootummaan mana maree dijtaal tiransfoormeeshinii dhaabuun Artefishaal Intalajensii fi filannoowwaan dijitalaa biroo irratti xiyyeeffannoon hojjetama jira jedhaniiru. Artefishaal Intalajesii fayyadamuun roobotiiwwan akka ''Dastaa'' uumuun xiyyeeffannoon inarsa dijtaal tiraansifoormeshiinii kenname cimee itti fufa jedhaniiru.
Hojiin mootummaan Istaarti Appotaaf haala mijataa uumuuf hojjechaa jiru sosochiin damicha caalaatti akka si'atu kan taasisudha
Apr 9, 2024 149
Ebla 1/2016 (TOI) - Hojiin mootummaan 'Istaarti Appotaaf' haala mijataa uumuuf hojjechaa jiru sosochiin damicha caalaatti akka si'atu kan taasisudha jedhan Istaarti Apparoonnii TOI dubbise. Agarsiisni "Istaarit Appii Itoophiyaa'' kaleessa godahambaa Saayinsiitti bakka hoggantoonni mootummaa argamanitti banamee jira. Agarsiisa kanarratti dhaabbileen Istaart appii ta'an kan sadarkaa tokkoffaa irra jiran, sadarkaa tokkoffaa ce'anii fi gabaatti bahan , teeknooloojii odeeffannoo, qonna, fayyaa, barnoota, anniisaa, indaastirii, faayinaansii fi dameelee biroo irratti kan bobba’an bu’aa kalaqaa isaanii dhiyeessaniiru. Agarsiisa kanarratti appilikeeshinii dijitaalaa "Farm" jedhamu kan dhiyaate Meron Selshi; Appichi qonnaan bultoota galtee qonnaa fi dhiyeessitoota tajaajila makaanaayizeeshinii waliin wal qunnamsiisa. Dhaabbileen Istaari Appii kalaqoota haaraa qabatanii dhufan hawaasa biraan gahuuf yeroo dheeraa isaanitti fudhata. Akka isaan yeroo gabaabatti hawaasa bira gahaniif hojiileen mootummaan yeroo ammaa hojjechaa jiru kun kalaqa isaanii beeksisuuf kan gargaruu fi caalaatti akka hojjetanii yeroo gabaabatti hawaasa bira gahan kan isaan gargaruu ta'uu kanneen agarsiisa kanarratti hirmaatan himaniiru. Walumaa galatti hojiin mootummaan 'Istaarti Appotaaf' haala mijataa uumuuf hojjechaa jiru sosochiin damicha caalaatti akka si'atu kan taasisudha jedhan Istaarti Apparoonnii TOI dubbise kunneen.
Agarsiifnii Istaarti aappi Itoophiyaa (hoji uumtoota haaraa) godahambaa Saayinsiitti baname.
Apr 8, 2024 159
Bitootessa 30/2016(TOI) - Agarsiifnii Istaarti aappi Itoophiyaa (hoji uumtoota haaraa) godahambaa Saayinsiitti baname. Sirna banisaa agarsiisa kanarratti Ministirri Hojii fi ogummaa Mufaarihaat Kamiil, Ministirri Tekinolojii fi Innoveeshinii doktar Ballaxaa Mollaa, Ministirri Indastirii Malaakuu Alleebal fi hoggantoonni hojii mootummaa biroon argamaniiru. Agarsiisaa kanarratti hoji uumtoonni haaraan sadarkaa tokkoffaa, kan sadarkaa tokkoffaarraa ce'aan fi kan gara gabaatti bahan damee qonnaa, Infoormeeshiin tekinolojii, Fayyaa,Barnoota, Inarjii, Indastirii, Faayinaansii fi kanneen biroo irratti bobba'an ni hirmaatu jedhameera. Istaarti appoonni kunneen Bitootessa 30/2016 irraa eegalee hanga Ebla 20/2016'tti oomishitoota 500tti dhihaatan agarsiisa kanarratti kan dhiheessan ta'uun himameera.
Finfinneetti tajaajilli lafaa guutummaatti dijitaalatti jijjiirameera
Apr 1, 2024 213
Bitootessa 23/2016(TOI)- Finfinneetti tajaajilli lafaa guutummaatti dijitaalatti jijjiiramuusaa biiroon misooma lafaa fi bulchiinsaa Finfinnee beeksise. Hoogganaan biirichaa obbo Sisaay Geetaachoo ibsa miidiyaaf kennaniin biiroon kun tajaajilamtootaaf tajaajila ammayyaa fi mijataa kennuuf hojjechaa akka jiru ibsaniiru. Yeroo ammaa Faayiloonni kuma 700 dijitaalatti jijjiiramuusaanii ibsanii, sarvariirratti fe’amuusaaniis himaniiru. Tajaajiloonni 16 ammoo guutummaatti karaa onlaayinii waan jalqabameef maamiltoonni bakka jiranitti tajaajila argachuu akka danda’an ibsaniiru. Tajaajila kennitoota akka taatee murteessoo, teeleebirrii fi kan fakkaatan waliin ta’uun maamiltootaaf tajaajila fooyya’aa kennuun ittiquufiinsa dabaluuf hojjetamaa jira jedhan. Biiroon kun ‘siistama bulchiinsa odeeffannoo Teenuuyuur’ uumuun hojiirra oolchuu eibsanii, hojmaanni kun lammiileef tajaajila gurmaa’e kennuun bu’aqabeessa akka taasisu ibsaniiru.
Imalli Ce’umsa Dijitaalaa erga eegalamee akka biyyatti tarkaanfiiwwan murteessoo tarkaanfanneerra
Mar 26, 2024 239
Bitootessa 17/2016 (TOI)- Imalli Ce’umsa Dijitaalaa erga eegalamee akka biyyaatti tarkaanfiiwwan murteessoo tarkaanfanneerra jedhan Ministirri Muummee FDRI Dooktar Abiy Ahimad. “Dijitaal Itiyoophiyaa 2025” namootaa kalaqaaf deeggarsa argamsiisuu fi imalaa dijitaalaaf haalota mijatoo uumuun diinagdee dijitaalaan akka jajjabaannu dandeettii uumeera jedhan. Guyyaa har’aas gamaaggamaa raawwii karooraa bara giddugaleessaa gaggeeeffameen hanqinaalee jiran sakatta’uun akkasumas milkaa’ina imalaa kabajuuf carraa kan uume ta’uu Dooktar Abiy gama miidiyaa hawaasummaa isaaniin ibsaniiru.
Ministeerri Innoveeshinii fi teeknooloojii jiddugaleessa innoveeshinii ijaarsise eebbisiise
Mar 22, 2024 427
Bitootessa 13/2016(TOI)- Ministeerri Innoveeshinii fi teeknooloojii jiddugaleessa innoveeshinii ijaarsise eebbisiise. Jiddugaleessi innoveeshinii (Inooviis Ke Itiyoophiyaa) ministeerri Innoveeshinii fi teeknooloojii deeggarsa ejensii tumsa idil addunyaa Kooriyaan ijaarsise eebbisiiseera. Jiddugaleessichi paarkii ‘ICT’ keessatti kan ijaarame yoo ta’u, start aappotaa fi dargaggoota hojii uumtota Itiyoophiyaatti argaman hojiilee bu’ura misoomaa teeknooloojii fi innoveeshiiniin deeggaramanii hojjetan akka deeggaru ibsameera. De’eetaan ministiraa innoveeshinii fi teeknooloojii Baayyisaa Badhaadhaa haasawa waltajjicharratti taasisaniin jiddugaleessichi ijaarsa Itiyoophiyaa dijitaalaa keessatti qoodasaa akka bahu ibsaniiru. Keessumaa ogeeyyonni hojii uuman yaadota staart aappii gabbisuuf qooda olaanaa qaba jedhaniiru. Ittaanaa pirezidaantii ejensii tumsa idil addunyaa Kooriyaa(Kooyikaa) Doong Hoo Kiim gamasaaniin Kooyikaan Itiyoophiyaatti pirojektii kana keessatti hirmaachuusaa ibsaniiru. Ejensichi deeggarsi dameelee teeknooloojii fi innoveeshinii biroo keessatti taasisu cimsee akka itti fufu eeraniiru.
Yuunivarsiitiin Finfinnee tarsiimoo waggaa shanii milkeessuuf damee dhuunfaa waliin tumsaan nihojjeta-doktar Saamu’eel Kiflee
Mar 19, 2024 241
Bitootessa 10/2016(TOI)- Yuunivarsiitiin Finfinnee tarsiimoo waggaa shanii milkeessuuf galmoota qabaman keessaa damee dhuunfaa faayidaa biyyaalessaa qaban waliin tumsaan nihojjechuun isa tokko akka ta’e pirezidaantiin eeggataa yuunivarsiitichaa doktar Saamu’eel Kiflee ibsan. Yuunivariitichii fi gareen Faariis Teeknooloojii hojii qorannoo fi kalaqaan waliin hojjechuuf waliigaltee mallatteessaniiru. Pirezidaantiin eeggataa Yuunivarsiitichaa doktar Saamu’eel Kiflee fi hundeessaa fi hojii raawwachiisaan olaanaa garee Faariis Teeknooloojii Eliyaas Yirdaaw waliigalticha mallatteessaniiru. Doktar Saamu’eel wayita kana akka jedhanitti galmoota yuunivarsiitichi tarsiimoo waggaa shanii milkeessuuf qabaman keessaa dameelee dhuunfaa faayidaa biyyaalessaa qaban waliin tumsaan hojjechuun isa tokkodha jedhaniiru. Waliigalteen garee teeknooloojii Faariis waliin taasifame qaama tarsiimichaa ta’uu eeranii, qorannoo fi qu’annoon akkasumas kalaqarratti tumsaan nihojjeta jedhaniiru. Pirezidaantiin eeggataa kun akka jedhanitti waliigaltichi yaalii yaada kalaqaa barattootaa qabeenyatti jijjiiruuf taasifamuuf faayidaa olaanaa akka qabaatu ibsaniiru. Hundeessaa fi hojii raawwachiisaan olaanaa garee Faariif Teeknooloojii Eliyaas Yirdaaw gamasaaniin Yuunivarsiitiin Finfinnee dandeetti guddaa qabu fayyadamuuf waliigaltichi carraa gaarii ta’uusaa dubbataniiru. Garuchi pirojektoota teeknooloojiin walqabatan bocee hojjechaa akka jiru eeranii, waliigaltichi bu’a qabeessummaa teeknooloojii caalaatti niguddisa jedhaniiru.
Itiyoo telekoom hammattummaa dijitaalaan dubartoota ga’oomsuuf ‘inisheetiivii Konneektid Wuumeen waliin waliigatee mallatteesse
Mar 8, 2024 309
Guraandhala 29/2016(TOI)- Itiyoo telekoom hammattummaa dijitaalaan dubartoota ga’oomsuuf ‘inisheetiivii Konneektid Wuumeen waliin waliigatee mallatteesseera. Waliigalteen kun garaagarummaa sirna –saalaa dijitaalaa dhiphisuu fi hammattummaa dijitaalaa dubartootaa guddisuu akka dandeessisu eerameera. Hojii raawwachiiftuun muummee Itiyoo telekoom Fireehiwoot Taammiruu fi hooggantoota inisheetiivichaa waliin Ispeen Baarsaloonaatti waliigalticha mallatteessuusaanii odeeffannoo Itiyoo telekoomirraa argame nimul’isa. Waliigaltichi fayyadama intarneetii moobaayilii fi tajaajila maallaqa moobaayilii karaa teeleebirrii dubartootaa akka lakkoofsa Awurooppaa amma bara 2026tti guddisuuf akka ta’ee fi tajaajila intarneetii moobaayilii fi faayinaansii dijitaalaa hammataa dhiheessuuf kan xiyyeeffate dha. Adde Fireehiywoot akka jedhanitti kaampaanichi hanqina sirna saalaa dijitaalaa amma mul’atu dhiphisuuf tajaajilootaintarneetii moobaayilii fi faayinaanshaalii moobaayilii dubartootaan gahuuf dubartoonni dinagdee dijitaalaa keessatti hirmaattotaa fi fayyadamooakka ta’an kutannoon hojjechaa akka jiru ibsameera.