Guraandhala 10/2018(ENA)- Har’a Pireezidaantiin Mootummaa Turkiyyee Rajiip Xayip Erdogaan, yaadannoo injifannoo Adwaa kan boonsaa ummata gurraacha hundaa ta’e daawwatanii, siidaa gootota bilisummaa ummata gurraachaaf aarsaa kaffalan jalatti abaaboo kaa’aniiru.   Pirezidaanti Rajiip Xayip Erdogaan dachee madda dhala namaa kan taate Itiyoophiyaa fi magaalaa keenya bareedduu Finfinneetti turtii taasiftan bu’a qabeessa akka isiniif ta’u maqaa koo fi maqaa bulchiinsa magaalichaan hawwii onneerraa madde siniifan hawwa jedhani miidiyaa hawaasummaa isaaniin egaa dabarsaniin kantiibaa adaanech abeebeeN.

Guraandhala 10/2018 (ENA)- Ministirri Bishaanii fi Inarjii, Doktar Injiinar Habtaamuu Ittafaa akka ibsanitti, hojiileen Itiyoophiyaan damee bishaanii fi qulqullina naannootiin galmeessite ajandaa ardii galmaan ga’uuf bu’uura guddaa ta’uu dubbatan. Yaa’iin Gamtaa Afrikaa 39ffaan Guraandhala 7 fi 8/2018 mata duree “Dhiyeessii fi Qulqullina Bishaanii Itti Fufiinsa Qabu Mirkaneessuu; Galmoota Ajandaa 2063’f” jedhuun akka gaggeeffame ni beekama. Ministirri kun turtii ENA waliin taasisaniin akka ibsanitti, Afrikaan qabeenya bishaaniitiin kan eebbifamte taatus, ammallee ardii addunyaa biroo waliin wal bira qabamtee gaafa ilaalamtu waliin gahinsa bishaan dhugaatii fi anniisaa irratti xiqqaa ta’uu hubachiisaniiru. Yaa’iin Hoggantootaa Gamtaa Afrikaa 39ffaa bishaanii fi qulqullina naannoo irratti xiyyeeffatee gaggeeffame, fedhii yeroo ammaa fi itti fufiinsa qabu guutuuf ardii kanaaf baay’ee barbaachisaa ta’uu ibsaniiru. Qajeelfamni kun biyyoonni miseensa ta’an qabeenya bishaanii isaanii jijjiirama diinagdee fi nageenya uummata isaaniif akka fayyadamaniif kaka’umsa guddaa kan uumu ta’uu himan. Itiyoophiyaan bu’aa damee bishaanii fi qulqullina naannootiin galmeessite galma ga’iinsa ajandaa ardii kanaatiif bu’uura guddaa akka ta’es hubachiisaniiru. Hojii gama kanaan hojjetameen bu’aa argame keessaa ummanni biyyattii gara miliyoona 80tti dhiyaatu bishaan dhugaatii qulqulluu irraa fayyadamoo ta’uu danda’uu ibsaniiru. Ministirri kun qabeenyi bishaanii madda dhiyeessii anniisaa biyyattii isa ijoo ta’uu hubachiisuun, kanaaf hidhi Haaromsa Guddichi Itiyoophiyaa fakkeenya guddaa dha jedhan. Finfinneen magaalaa waggaa waggaan hoggantoota Gamtichaa kan ajaa'ibsiiftu ta'uu eeruun Ministirri kun, hojiin bishaanii fi qulqullina naannoo magaalattii keessatti hojjetamaa jiru kan lafarratti qabatamaan mul’ataa jiru ta’uu eeraniiru. Kun immoo bu’aan Itiyoophiyaan qabatamaan agarsiisaa jirtu, jecha bira darbee, biyyoota Afrikaa biroof barumsaa fi muuxannoo guddaa kan kennu ta’uu ibsan.

Gurndhala 9/2018 (ENA) - Naanno Oromiyaatti bara kana bakkewwaan gahumsaa tursitiif oolan misoomsuuf hojii hojjetameen milkaa’inni hedduun argamuu Biroon Aadaa fi Tuurizimii Oromiyaa beeksisee. Biirichatti Daarektarri Misooma Sona Aadaa obbo Olaanaa Tashoomaa ENAtti akka himanitti; Naannichatti yeroo dheeraaf dameen turizimii xiyyeeffannoon osoo hin kennamiifiin turuu ibsaniiru. Mootummaan naannichaa erga jijjiramaa asii xiyyeeffannoo addaan hojiiwwan bakka gahumsa turizimii adda baasuu, misoomsuu fi beeksisuurratti hojjeteen milkaa'inni guddaan argamuu himaniiru. Keessattu waggoota lamaan darbaan godinaalee Oromiyaa hundatti sadarkaa jedhamuu danda'uun bakkeewwan hawata turizimii akka misooman hawaasni gaafataa ture akka inisheetiviitti qabatamee bu’uuraleen misoomaa akka guutanii fi misoomfamuu taasifamuu eeraniiru. Kanneen keessaas Godina Buunnoo Beddelleetti kan argamu Fincaa'aa Daagaa Waaj, Goina Iluu Abbaa Booraa Fincaa’aa Soor, Magaalaa Naqamteetti kan argamu Haroo Sorgaa, Magaalaa Jimmaatti haroo booyyeerra, Shawaa bahaa Haroo qooqaa fi Basqaarratti, godina Harargee bahaatti hojiin dhagaa Baabbileerratti, godinni Baalee hojiin Paarkiiwwan gaarreen Baalee irratti hojjetamaa jiru akka fakkeenyaatti kan eeraman ta'uu ibsaniiru. Hojiiwwan hojjetaman kanaanis bakkeewwan gahumsa tursitii baay'inaa fi qulqullinaan dabaluun danda'amuu qofaa osoo hin taane lammilee hedduufis carraa hojii uumuu himaniiru. Akkasumas daawwattoota harkisuu fi tursiisuuf bu’uraalee misoomaa guutuun cinatti bakkeewwan kanatti haala aadaa nyaataa fi uffannataa, sirbaa fi kanneen biroo irratti bal’inaan hojjechuun naannichatti biyya keessaas ta’e alaa dhufanii Oromiyaa daawwatan dabalaa deemaa jira jechuun dubbataniiru. Gama biraan naannichatti hojiin bakkeewwan gahumsa tursitii kanaan dura turan tursitiif mijataa gochuu fi bakkeewwan ikkoo turizimii qorannoon adda baasuu xiyyeffannoon hojjetamuu eeraniiru. Akka naannichaatti bara kana iddoowwan gahumsa tursitii 372 adda baasuun misoomsuuf karoorfamee hojjetama jiraachuu eeraniiru. Haala kanaan baatiwwan ja'an darbanitti bakkeewwan hawwata turistii 120 ol misoomanii tajaalila kennaa jiru jedhan. Naannichaatti hojiiwwan iddoowwan ikoo turizimii adda baasuu hojjetameenis milkaa’innii argamuu eeranii keessaatti paarkiiwwan adda addaa haaraan akka hundeeffamuu fi kanneen kanaan dura hundaa'anii xiyyeeffannoo hin arganneef xiyyeeffannoon kennameefi bulchiinsi isaanii sirreeffamuu ibsaniiru. Paarkiiwwan akka naannootti haaraa hundeeffaman keessaas Godina Gojiitti kan argamu Paarkii Baddaa Magaadaa fi Godina Iluu Abbaa Booraatti kan argamu Paarkii Yaayyoo kan eeramudha jedhaniiru. Naannichatti bakkeewwan gahumsa tursitii baay'inaan dabaluun danda'ameera. Gama biraan Mootummaan naannichaa Komishiinii Turizimii Oromiyaa akka hundaa’u taasisiisuun qabeenyi turzimii naannichaa dhaadhessaa cimaa akka argatu, qaqqabamummaa fi qulqullinii hojii beeksisaa Turizimii nannichaa akka dabaluu danda’uu taasisuus himaniiru.

Guraandhala 8/2018 (ENA)- Caffeen Oromiyaa labsii dhaqqabamummaa tajaajila haqaa dabaluuf kan kaayyeffate muudama abbootii seeraa fi labsii walgahii idilee isaa irratti raggaasiseera. Walgahiin idilee 10ffaa Caffee naannoo Oromiyaa marsaa 6ffaa waggaa 5ffaa ajandaawwan adda addaa irratti mari'achuu fi labsii adda addaa raggaasisuun xumurame. Kana waliin Manni Maree Naannoo Oromiyaa labsii dhaqqabamummaa tajaajila haqaa dabaluuf kan kaayyeeffate muudama abbootii murtii aanaa raggaasisuun xumureera. Hogganaan Biiroo Abbaa Alangaa Waliigalaa Mootummaa Naannoo Oromiyaa obbo Guyyoo Waariyoo wixinee labsii kanarratti yaa’ichaaf ibsa kennaniin, labsiin dhaqqabamummaa haqaa dhugoomsuuf kaayyeffate ragga’uusaa ibsaniiru. Tajaajilli seeraa bilisaa kun amantaa lammiileen sirna haqaa biyya isaanii irratti qaban guddisuuf, haqaa argachuuf bu’uura kaa’uu fi lammiileen sababa hanqina maallaqaatiin tajaajila kana akka hin dhabne gochuun kan kaayyeffate ta’uu eeraniiru. Akkasumas labsiin kun lammiilee abukaatoo dhaabbachuuf humna hin qabne dabalatee dubartoota, daa’immanii fi maanguddoota fayyadamoo kan taasisu bu’uura seeraa fi hojmaata kan of keessatti hammate ta’uu himaniiru. Mineensonni Caffee marii bal’aa erga taasisanii booda, labsiin tajaajila seeraa bilisaa lakkoofsa 264/2018 akka rakkaasifame ibsani hogganaan kuni.   Haaluma walfakkaatuun manni marichaa muudama abbootii murtii hojii raawwachiiftuu fi aanaa raggaasiseera. Pireezidaantiin Mana Murtii Waliigalaa Oromiyaa obbo Gaazaalii Abbaasimal abbootii murtii muudaman mana marichaaf wayita dhiyeessan akka ibsanitti, kenniinsa haqaa fi haqaa naannichaa sirreessuuf humna namaatiin damicha cimsuun murteessaa ta’uu dubbatani. Hirmaannaa abbootii murtii dubartootaa dirree kanarratti cimsuuf tattaaffiin taasifamaa akka jiru eeruun, abbootii murtii aanaa 88 har’a Caffeen muudaman keessaa 26 abbootii murtii dubartoota ta’uu ibsaniiru. Kana malees manni marichaa muudama Aadde Roozaa Biyyaan Hoggantuun Biiroo Dargaggootaa fi Ispoortii Oromiyaa taasisuun raggaasiseera. Gama biraatiin Caffeen malaammaltummaan kan shakkaman obbo Gammachuu Dabalaa Gannatii irraa mirga himatamuu dhabuu kaasuun isaa ni yaadatama.