Mudde 23/ 2018(ENA)- Ministirri muummee doktar Abiyyi Ahimad pirezidaantii Faransaayi Imaanu’eel Maakroon waliin mari’achuusaanii ibsan.

Mudde 23/2018 (ENA) - Imalli kallattii badhaadhina diinagdee keenyaa hundarraa hundaatiin, hundaaf akka ta’u ni hojjenna jedhan Sadarkaa itti aanaa Ministira Muummeetti itti aanaatti Hogganaan Giddugala Qindeessa Ijaarsa Sirna Dimookiraasii fi Pirezidaantii itti aanaan Paartii Badhaadhinaa obbo Adam Faaraah. Akka obbo Adam Faaraah jedhanitti, Mootummaan Ida’amuu yaadama Ida’amuutiin qajeelfamu gaheewwan dinagdee afur irratti xiyyeeffata. Haaluma kanaan inni jalqabaa kallattii diinagdee damee hedduu hojiirra oolchuu ta’uu eeranii, ce’umsa caaseffamaa fiduuf diinagdee magariisaa haalota jijijjiiramoo dandamatu ijaaruun badhaadhina Itiyoophiyaa kan saffisiisu dha jedhan. Inni lammaffaa kallattii qooda fudhattoota hedduu ta’uu eeruun, qaamoleen diinagdee keessatti qooda qaban itti gaafatamummaa qeenxee fi waloo haalaan akka bahatan kan taasifamu ta’uu himaniiru. Adeemsa kana keessatti Mootummaan gahee adda duree kan bahatu ta’uu eeranii, dameewwan dameen dhuunfaa keessatti hin hirmaanne keessatti Mootummaan dammaqinaan invast kan taasisu ta’uu eeraniiru. Kan sadaffaan kallattii fayyadamummaa dameewwan hedduu ta’uu fi diinagdee hundi haqummaan fayyadamuu fi keessatti hirmaatu uumuudha jedhan. Haaluma Kanaan hundaaf carraa qixa ta’e uumuun hirmaannaa fi sosochii diinagdee saffisiisuun bu’aa isaarraa hundi haqummaan akka fayyadamuuf haala mijeessuu ta’uu eeranii, hojiin imalli badhaadhina keenyaa hundarraa hundaan, hundaaf akka ta’u gochuu ni hojjetama jechuun ibsaniiru. Kallattii arfaffaan tumsa Riijinii fi Idil-addunyaa cimsuu ta’uu ibsanii, badhaadhina gama maraa mirkaneessuun kan danda’amu warreen kaan waliin waltumsuun ta’uu himaniiru. Walitti hidhamiinsa dinagdeetiin, faayidaa waloorratti waloon hojjechuun, sirni haqa qabeessi akka jiraatu gochuunii fi oomishaaleen biyya keessaa gabaa addunyaa irratti carraa fooyya’aa akka argataniif tumsaan hojjechuuf xiyyeeffannoon kennamuu ibsaniiru. #Ena Afaan Oromoo #ENA#TOI

Mudde 22/2018(ENA)-Walii galteewwan Hogantoota Itiyoophiyaa fi Hindi gidduutti taassifaman hojiirra oolchuu fi michummaa tarsiimo’aa biyyoota lamaanii cimsuuf hojjetamaa jiraachuu Itiyoophiyaatti Ambaasaaddarri Hindi Aniil Kumaar Raay ibsan. Hariiroon biyyoota lamaanii gara michummaa tarsiimo’aatti guddachuun daldalaa fi dinagdeerra darbee bal’ina tumsa isaanii ni babal’isa jedhaniiru. Itiyoophiyaatti Ambaasaaddarri Hindi Aniil kumar Raay ENA waliin turtii taasisaniin akka ibsanitti, Itiyoophiyaa fi Hindi biyyoota hariiroo yeroo dheeraa waliin qabanidha. Itiyoophiyaan hinditti Gidduugala Aadaa biyyoota Afriikaa keessaa biyya qabdu ta’uu eeruun, Aadaa Itiyoophiyaa Hinditti caalaatti beeksisuuf akka hojjetamu dubbataniiru. Daandiin qilleensa Itiyoophiyaa torbanitti balallii 40 ol Hinditti akka taasisu kan beeksisan Ambaasaaddarichi, Ambaasaaddara Aadaa Itiyoophiyaa jechuun dhaabbaticha jajataniiru. Daawwannaa Ministira Muummee Nariindiraa Moodii hordofee hariiroon Itiyoophiyaa fi Hindii gara michummaa tarsiimo’aatti guddachuu dubbataniiru. Hariiroon biyyoota lamaanii gara michummaa tarsiimo’aatti guddachuu daldalaa fi Dinagdeerra darbee baay’ina tumsaa isaanii kan babal’isuu ta’uu eeraniiru. Daawwanicha hordofee Biyyoonni lamaan Gumurukiin, Hojii nageenya kabachiisuun, gidduugala daataa Ministeera dhimma alaa Itiyoophiyaa ijaaruu dabalatee walii galteewwaan adda addaa mallatta’uu yaadataniiru. Hariiroon biyyootaa gara michummaa Tarsiimo’aatti guddachuun tumsa kibba kibbaa kan cimsuu fi biyyoonni tumsa idil- Addunyaa qaban kan dagaagsu ta’uu hubachiisaniiru. Lakkoofsa Itiyoophiyaanota carraa barnootaa Hinditti argatanii dachaan guddisuuf waliigalteerra ga’amuu kaasaniiru. Biyyoonni waloon hojjechuuf hojiiwwan walii galan raawwachuu fi michummaa tarsiimo’aasaanii cimsuuf rood maappiin qophaa’aa jiraachuu ibsaniiru.  

Mudde 21/2018(ENA)- Adeemsi marii biyyaalessaa ijaarsa mootummaa cimaa fi waliigaltee biyyaalessaaf bu’ura kan kaa’u boqonnaa murteessaarra gahuusaa mana maree bakka bu’oota ummataatti ministirri itti waamamaa mootummaa doktar Tasfaayee Beeljigee ibsan. Mana maree bakka bu’oota ummataatti ministirri itti waamamaa mootummaa doktar Tasfaayee Beeljigee turtii ENA waliin taasisaniin, yeroo ammaa hojiileen ijaarsa mootummaa cimaa si’achiisan hojjetamaa jiru jedhaniiru. Kanaaf ammoo marii biyyaalessaa hundi itti hirmaatu gaggeessuuf, filannoo nagaa fi demokiraatawaa taasisuuf, biyya olaantummaan seeraa keessatti dagaage ijaaruuf akkasumas rakkoolee jiran karaa nagaa furuuf dursi kennamee hojjetamaa jiraachuu dubbataniiru. Seenaa bara dheeraa Itiyoophiyaa keessatti walii galteen biyyaalessaa dhabamuun, rakkoo jiran karaa qaroomeen furuu dhabuu fi ilaalchi siyaasaa boodatti hafaa cabiinsa mootummaa biyyaalessaa mul’atan ta’uu kaasaniiru. Adeemsa marii biyyaalessaa milkeessuun, filannoo karaa milkaa’een gaggeessuu, rakkoolee karaa nagaa furuun, olaantummaa seeraa mirkaneessuun biyya Itiyoophiyaanota hundaaf geessu ijaaruuf ni gargaara jedhaniiru. Adeemsi marii biyyaalessaa bu’a qabeessa ta’uunsaa rakkooleen Itiyoophiyaa turan akka furaman kan ibsan ministirri itti waamamaa mootummaa, cabiinsa Itiyoophiyaa gama suphuutiin shoora olaanaa akka bahatu dubbataniiru. Mariin kun dhimmoota walii galtee biyyaalessaaf murteessaa ta’an irratti walii galuuf waan gargaaruuf hundi dammaqinaan hirmaachuu akka qabu eeranii, dhimmoota walitti bu’iinsaaf ka’umsa ta’an karaa qaroomeen furuuf filmaata sirrii ta’uusaa ibsaniiru. Mariin biyyaalessaa ijaarsa mootummaa biyyaalessaaf, nageenya fulla’aa fi walii galtee biyyaalessaaf bu’ura kan itti kaa’u boqonnaa murteessaarra gaheera jedhaniiru. Marii biyyaalessaa milkaa’aa raawwachuudhaan heera mootummaa lammiileen hundi itti walii galan dhugoomsuu fi dhimmoota murteessaa ta’anirratti waliigaltee uumuuf waan gargaaruuf hirmaannaa cimaa nama hundaa akka gaafatu dubbataniiru. Aadaa siyaasaa Itiyoophiyaa isa boodatti hafaa jijjiiruuf, aadaa nageenyaa gaarii ijaaruuf akkasumas Itiyoophiyaanonni qabeenya uumamaasaaniin hojjetanii akka jijjiiramanii fi biyya badhaate akka ijaaran bu’ura ni kaa’a jedhaniiru. Dabalataanis naannoo Tigraayitti ajandaa walitti qabuu fi hirmaattota adda baasuuf qophiin taasifamuusaa eeranii, kanaafis qooda fudhattoota naannichaa garagaraa waliin mariin taasifamuu gabaasota mana mareef dhihaaterraa hubachuun akka danda’ame dubbataniiru.

Mudde 21/2018(ENA)- Ijaarsa Sirna dimokiraasi cimsuuf hojiiwwan eegalaman bu’aa qabeessa akka ta’aniif dhaabbilileen Hawaasa Sivilii Qoodasaanii bahuu akka qaban sadarkaa Itti Aanaa Kantiibaa Bulchiinsa Magaalaa Finfinneetti Itti gaafatamaan gidduugala Qindeessaan Ijaarsa Sirna Dimokiraasii Mogas Baalchaa ibsan. Mata duree “ Aadaa Ijaarsa Sirna Dimokiraasii irratti qooda dhaabbilee hawaasa sivilii “ jedhuun Dhaabbilee Hawaasa Sivilii Magaalaa Finfinnee jiraniif leenjiin kennamaa jira. Sagantaa leenjichaarratti Abbootiin Amantaa, Jaarsoliin biyyaa fi bakka bu’oonni dhaabbilee hawaasa sivilii kutaa Magaalaa adda addaa keessa walitti dhufan hirmaachaa jiru. Sadarkaa Itti Aanaa Kantiibaa Bulchiinsa Magaalaa Finfinneetti Itti gaafatamaan gidduugala Qindeessaa Ijaarsa Sirna Dimokiraasii Mogas Baalchaa wayita sana akka jedhanitti, Mootummaan nageenya, Misoomaa fi Dimokiraasii mirkaneessuuf xiyyeeffannoon hojjechaa jira. Kanaafis dhaabbileen cimoon barbaachisoo ta’uu eeruun, cimina dhaabbileef qoodni dhaabbilee hawaasa sivilii olaanaa ta’uu ibsaniiru. Adeemsi Ijaarsa biyya kan milkaa’u humnaa fi walitti bu’insaan osoo hin ta’iin, garaagarummaa mariin karaa nagaan hiikuunii fi olaantummaa yaadaaf bitamuuni jedhaniiru. Shaakalli dimokiraasii kana fakkaatan akka dagaaganiif hirmaannaan Hawaasa Sivilii murteessaa ta’uu eeruun, kanaafis qoodasaanii cimsuu akka qaban hubachiisaniiru. Mootummaan fayyadamummaa hawaaaa mirkaneessuuf sadarkaa biyyoolessaatti Dhaabbilee Hawaasa Sivilii fi waltajjiin qindooma qooda fudhattootaa hundaa’uu dubbataniiru. Waltajjiin kun sadarkaa Magaalaa Finfinneetti hundaa’uu ibsuun, waltajjii kanarratti dhaabbileen hawaasa sivilii gurmaa’anii Magaalaa Finfinneetti socho’aa jiran hirmaachuu akka qaban ibsaniiru. Gidduugala Damee Ijaarsa sirna Dimokiraasii Magaalaa Finfinneetti Itti gaafatamaa Aadaa Ijaarsa sirna dimokiraasii Doktar Mi’eessoo Elemaa gamasaaniin, leenjichi dhaabbilee hawaasa sivilii Magaalicha jiran caalaatti qoodasaanii akka bahan guddisuuf ta’uu eeraniiru.

Mudde 21/2018(ENA)- Ijaarsa Sirna dimokiraasii cimsuuf hojiiwwan eegalaman bu’aa qabeessa akka ta’aniif dhaabbilileen Hawaasa Sivilii qoodasaanii bahuu akka qaban sadarkaa itti aanaa Kantiibaa Bulchiinsa Magaalaa Finfinneetti itti Gaafatamaan Gidduugala Qindeessaan Ijaarsa Sirna Dimokiraasii Mogas Baalchaa ibsan. Mata duree "Aadaa Dimokiraasii Ijaaruu Keessatti Gahee Dhaabbilee Hawaasa Siivilii" “ jedhuun Dhaabbilee Hawaasa Sivilii Magaalaa Finfinnee jiraniif leenjiin kennamaa jira. Sirna leenjichaarratti abbootiin amantaa, jaarsoliin biyyaa fi bakka bu’oonni dhaabbileen hawaasa sivilii kutaa magaalaa adda addaa keessa walitti dhufan hirmaachaa jiru. Sadarkaa Itti Aanaa Kantiibaa Bulchiinsa Magaalaa Finfinneetti itti gaafatamaan Gidduugala Qindeessaan Ijaarsa Sirna Dimokiraasii Mogas Baalchaa wayita sana akka jedhanitti, Mootummaan nageenya, Misoomaa fi Dimokiraasii mirkaneessuuf xiyyeeffannoon hojjechaa jira. Kanaafis dhaabbileen cimoon barbaachisoo ta’uu eeruun, cimina dhaabbileef qoodni dhaabbilee hawaasa sivilii olaanaa ta’uu ibsaniiru. Adeemsi ijaarsa biyya kan milkaa’u humnaa fi walitti bu’insaan osoo hin ta’iin, garaagarummaa jiru mariin, karaa nagaan hiikuunii fi olaantummaa yaadaaf bitamuuni jedhaniiru. Shaakalli dimokiraasii kana fakkaatan akka dagaaganiif hirmaannaan Hawaasa Sivilii murteessaa ta’uu eeruun, kanaafis gahee isaanii cimsuu akka qaban hubachiisaniiru. Mootummaan fayyadamummaa hawaaaa mirkaneessuuf sadarkaa biyyoolessaatti Dhaabbilee Hawaasa Sivilii fi waltajjiin qindoomina qooda fudhattootaa hundaa’uu dubbataniiru. Waltajjiin kun sadarkaa Magaalaa Finfinneetti hundaa’uu ibsuun, waltajjii kanarratti dhaabbileen hawaasa sivilii gurmaa’anii Magaalaa Finfinneetti socho’aa jiran hirmaachuu akka qaban ibsaniiru. Giddugala Qindeessaa Ijaarsa Sirna Demokraasii magaalaa Finfinnee itti Gaafatamaa Damee Ijaarsa Aadaa Dimokiraatawaa doktar Mi’eessoo Eleemaa gama isaaniin akka jedhanittii, leenjiin kun gahee jaarmiyaalee waldaalee siivikii magaalittii keessatti qaban daran guddisuuf kan akeeke ta’uu hubachiisaniiru. Kaayyoon leenjichaa inni biraan mootummaa fi dhaabbilee gidduutti tumsa cimaa uumuun fayyadamummaa ummataa mirkaneessuu akka ta’es ibsaniiru.

  Mudde 19/2018(ENA) - Gareen Tihinag hojii deebisanii dhaabuu gufachiisuun buqqaatota siyaasaaf itti fayyadamaa jira jedhe Paartiin Dimookiraatawaa Simirriit. Garee isaa seeraan alaa qindeessuun deeggarsi namoomaa akka buqqaatota hin qaqqabne taasisaa jira jedhe. Miseensa Mana Maree fi Damee Miidiyaa fi Komunikeeshinii Paartii Dimokiraatawaa Simirriit kan ta’an obbo Xa’aamee Araddoom ENA waliin turtii taasisaniin akka himanitti gareen seeraan alaa naannoo Tigraay keessa socho’aa jiru buqqaatonni gara qe’ee isaaniitti akka deebi’an gufuu ta’eera. Gareen seeraan alaa kunneen buqqaatota doorsisuun rakkoo fi beela keessa isaan galcheera jedhani. Dabalataaniis gareen seeraan alaa kuni deeggarsa lammiilee buqqaatotaaf ergamu saamuun ofiif oolchachuun, namoota mirga isaanii gaafatan immoo sodaachisuun miidhaaf isaan saaaxilaa jira jedhaniiru. Yeroo ammaa kanatti naannoo Tigraay keessumaa dahannoo buqqaatotaa keessatti rakkoo hammaataa gahaa jiruuf garee seeraan alaa kanatu sababa ta’eera jedhani. Gareen seeraan alaa kun rakkoo, du'aa fi hammeenya buqqaatotaa itti fufsiisaa jira waan ta’eef; keessumattuu qaamonni adda addaa gargaarsi namoomaa fi dhiheessiin naannicha seenu kallattiin fayyadamtoota bira akka gahu taasisuu akka qaban hubachiisaniiru obbo Xa’aameen. Gareen seeraan alaa kuni siyaasa hamaa isaa adeemsifachuuf hammeenya gara jabeenyaan raawwatu, rakkoon hawaasa Tigraay akka itti fufu taasisaa jira jedhaniiru.

  Mudde 19/2018(ENA) -Itiyoophiyaatti waliigaltee biyyoolessaa galmaan ga’uuf lammiileen hundi Marii Biyyoolessaa dhiyaate carraa gaarii kana fayyadamuu akka qaban Manni Maree Dhaabbilee Hawaasa Siivilii ibseera. Komishiniin Marii Biyyaalessaa Itiyoophiyaa ajandaa qindeessuun, hojiiwwan galteewwan ajandichaaf ta’an walitti qabuun Yaa’ii Marii Biyyaalessaa walii galaaf kan ta’u qophaa’aa jiraachuu ibsuun isaa kan yaadatamudha. Pireezidaantiin Mana Maree Dhaabbilee Waldaalee Siivilii Itiyoophiyaa Ahimad Huseen akka jedhanitti, lammiileen Itiyoophiyaa waliin marii taasisuun ajandaa waloo irratti waliigaltee irra gahuu dadhabuun biyyattiin gatii kaffalaa turte. Kanaaf dur biyyattiin ittiin rakkachaa kan turte yeroo ammaa ajandaa biyyaalessaa walitti qabuun,walii galtee biyyaalessaaf shoora olaanaa qaba waan ta’eef carraa gaarii ta’uu ibsaniiru. Mariin biyyoolessaa olaantummaa yaada irratti hundaa’e gaggeessuun waliigaltee biyyaalessaa cimsu Itiyoophiyaa keessatti sirna dimokiraasii guddatee fi haala siyaasaa hunda hirmaachise uumuun barbaachisaa ta’uus ibsaniiru. Adeemsi Marii Biyyaalessaa hirmaachisaa, hunda kan hammate, amanamaa ta’uu isaa mirkaneessuuf, adeemsa marii duraa gaggeeffameef deeggarsa gaarii taasisaa akka jiranis eeraniiru. Hundeessituu fi daayreektarri dhaabbata ‘Tarkaanfii Sasteenabil Divilopmantii’ Warqinash Beegii akka jedhanitti adeemsa ajandaa walitti qabuu fi adda baasuu keessatti hirmaannaa dubartootaa guddisuuf deeggarsa taasisaa jiraachuu ibsaniiru.   Adeemsa Marii Biyyoolessaa keessatti dubartoonni dammaqinaan hirmaachuu, ajandaa walitti qabuu fi adeemsa marii irratti hirmaachuu, ajandaa waliigaltee biyyaalessaa barbaadu komishinichaaf dhiyeessuu ibsaniiru. Barreessaan ‘Alliyaansii Biiweeldiingii Yuuz Piis Waayibuuntuu’ Siisay Taarraqanyi akka jedhanitti, Marii Biyyaalessaa ajandaa adda baasuufi hirmaattota adda baasuu hojiileen hirmaannaa dargaggootaa cimsuu danda’u hojjetamaa jira.   Gara fuula duraatti, milkaa’ina yaa’ii Marii Biyyoolessaa Itiyoophiyaa guddichaatiif deeggarsa barbaachisu hunda akka itti fufanis mirkaneessaniiru.