Fulbaana 24/2019 (ENA): Itiyoophiyaan mirga birmadummaa, imaammata bishaanii fi seera addunyaa waliin walsimsiisuun hidha jallisii fi dhiyeessii bishaanii laga Magaci irratti ijaaraa jirtu gara xumuraa irra gahuu Ministirri Bishaanii fi Inarjii Injinar Habtaamuu Ittafaa (PhD) ibsaniiru. Ministirri Bishaanii fi Inarjii, Injinar Habtaamuu Ittafaa (PhD) turtii ENA waliin taasisaniin, akka himanitti, namoonni siyaasaa Masrii Itiyoophiyaan hidhaalee biyyoota yaa’a abbayyaa hin miine ijaaruuf eyyama isaanii gaafachuu akka qabdu kan dubbatan ta’uu eeruun, kana dubbachuun isaanii kan nama qaanessudha jedhani. Aanga'oonni kunniin seenaa hidha Aswaan duubatti deebi'anii ilaaluun hidha kana ijaaruu isaaniin dura Itiyoophiyaa mariisisuu fi dhiisuu isaanii akka yaadan gorsaniiru. Itti fayyadama laga Abbayyaa irratti ejjennoon Masriin qabdu yeroon kan darbee fi bara koloneeffataa ta’uu kan calaqqisiisu dha jedhan. "Nuti kan Abbayyaati, Abbayyis kan keenya" kan jedhan yoo ta’u warri Masirii, ilaalchi kun gumaacha Itiyoophiyaan bishaan laga Abbayyaa keessatti qabdu tuffachuu fi fedhii ummata Itoophiyaa kan gaddugaleeffate miti jedhani. Hidhi Haaromsa Guddichi Itiyoophiyaa adda durummaan humna elektirikii bishaanii maddisiisuuf kan ijaarame ta’uu ibsuun, Magac laga Abbayyaa irraa kan maddu yoo ta’u, miidhaa Gibxii irratti kan hin geessisne ta’uu ibsaniiru. Itoophiyaan bu’uuraalee bishaanii haala karoora biyyaalessaan misoomsuuf eeyyama qaama biraa kan gaafattu akka hin jirre eeraniiru. Itiyoophiyaan mirga abbaa biyyummaa misoomaaf qabdu hojiirra oolchuuf pirojektii misoomaa Magac akka fakkeenyaatti kaasaniiru. Ministirri Bishaanii fi Inarjii Itiyoophiyaan biyya birmadummaa qabdu mootummaa mataa ishee, sirnaa fi imaammata mataa ishee qabdu ta’uu ibsuun, Itiyoophiyaan hojii misoomaa isheef hayyama eenyuuyyuu akka hin barbaachifne dubbataniiru. Itiyoophiyaan hariiroo biyyoota yaa’a laga Abbayyaa waliin qabdu ilaalchisee ejjennoo qabdu fayyadamummaa waliinii irratti kan hundaa’e ta’uu dubbataniiru. Kanaaf sammuu koloneeffataa fi fedhiin bishaan qofaatti dhuunfachuu yeroon isaa akka darbe himaniiru. Obboloota keenya biyyoota yaa’a laga Abbayyaa jiran tilmaama keessa galchinee; biyyoota kanneen waliin guddachuu fi isaaniif yaaduu irratti kan hundaa’e ta’uu ibsaniiru. Mormiin pirojektoota misooma bishaanii Itiyoophiyaa yeroo dheeraaf deemaa akka ture yaadachiisuun, Masriin Itoophiyaa keessatti pirojektoota bishaanii bara 1950 fi 1960 irraa eegalee mormaa akka turte dubbataniiru. Deebiin Itiyoophiyaan qabeenya bishaanii ishee misoomsuun fedhii misooma bishaanii ishee guutuu fi gara fuulduraatti tarkaanfachuu akka ta’e ibsaniiru. Ibsi qondaaltonni Masrii yeroo adda addaa kennan sammuu koloneeffataa qajeeltoo hin taanee fi imaammata Kaayiroon hariiroo biyyoota Afrikaa waliin qabdu keessatti hordoftu ifatti kan agarsiisu ta’uu hubachiisaniiru. Itiyoophiyaan qabeenya bishaanii ishee qajeeltoo itti fayyadama bishaanii haqa qabeessaa fi madaalawaa ta’e irratti hundaa’uun misoomsuuf mirga birmadummaa akka qabdu ibsaniiru. Ijaarsi Hidha Aswaan Itiyoophiyaa osoo hin mariisisiin ykn hin hayyamin kan raawwatame ta’uu kan yaadachiisan Ministirri kun, Itiyoophiyaa osoo hin dabalatiin Masrii fi Sudaan gidduutti waliigalteen bishaan Abbayyaa bara 1959 kan raawwatame ta’uu ibsaniiru. Kunis qoodinsi bishaanii biyyoota lamaan qofaan akka murtaa’u taasiseera jedhan. Yeroo ammaa hidha haaromsa guddicha Itiyoophiyaa xumuruun hidhaalee biroo kan akka Magec fi kanneen biroo ijaaraa jirti. #Biyya_Guddoo #Uummata_Guddaa #Mul'ata_Guddaa #Ethiopia #ENA Afaan Oromoo# Miseensa Maatii ENA ta’aa : https://www.ena.et/web/links

Ammayyummaa fi guddina magaalotaa keessatti ijaarsaafi tajaajilli koriidaraa shoora guddaa fi tarsiimawaa taphata. Misoomni koriidaraa qofaatti sarara daandii fooyyessuu osoo hin taane, haaromsa dinagdee, hawaasummaa, miidhaginaa fi mala jireenya uummataa fooyyessuuf gahee olaanaa qaba. Magaalaan tokko sadarkaa idil-addunyaatti dorgomtuu fi jireenyaaf mijattuu akka taatuuf, akkasumas hawwata turizimii ta’uuf,yaa’insa turistootaa dabaluuf misoomni koriidaraa dhimma murteessaa fi isa olaanaadha. Mee gabaabsinee dhimma koriidaraa irratti isiniif haa dhiyeessinu. Misoomni koriidaraa faayidaalee hedduu qaba. Fayyadamummaa Hawaas-Dinagdee fi Haala Jireenya Hawaasaa Mijeessuu Misoomsi koriidaraa hojiiwwan madaallii jireenya uummataa ol kaasanii fi haala jireenya hawaasaa mijeessan keessaa isa tokkodha. Koriidaroonni ammayyaa tarsiimoon ijaaraman tajaajila daldalaa, bakka bashannanaa, bakkeewwan boqonnaa fi tajaajiloota adda addaa sarara tokko irratti walitti fiduun carraa hojii bal'aa hawaasaaf uumu. Kun immoo sochii dinagdee sa'aatii 24f gumaachuun sadarkaa galii fi dinagdee hawaasaa guddisa. Dabalataanis, daandiiwwan miilaa bal'aan, magariisummaanii fi mukkeeniin faayaman, tajaajila ibsaa ammayyaa dhiyeessuun hawaasni bakka qulqulluu fi tasgabbii qabutti akka walitti dhufu, bashannanuu fi imalu gargaara. Kun immoo haala jireenya jiraattota magaalotaa fooyyessuu fi tasgabbii hawaasummaa mirkaneessuu keessatti qooda guddaa qaba.   Nageenya Tiraafikaa fi Sochii Uummataa Tartiibessuu Gaheen koriidarri nageenya tiraafikaa fi wal-dhiibbaa uummataa hir'isuu keessatti qabu iddoo guddaa qaba. Daandiiwwan koriidaraa imaltoota lafoo, bishkiliitii fi konkolaatotaaf sarara adda baafame qabaachuu isaaniitiin balaa tiraafikaa hir'isuu keessatti shoora olaanaa taphatu. Kana malees, daandiin lafoo bal'aan fi mala qajeelcha hawaasaa ammayyaa ta'e uummanni bal'inaan osoo wal hin dhiibiin, haala nagaa fi bilisaan akka imalan gargaara.   Dabalataanis, sababa ummanni kan irra imalu hin qabneen konkolaataa waliin daandii tokkorra imalu ture hambisuun rakkoo gama kanaan dhufu hir’iseera. Miidhagina Magaalaa, Sadarkaa Idil-Addunyaa fi Hawwattummaa Turizimii Dabaluu keessatti Gahee Koriidarri qabu Koriidaroonni magaalaa guddina magaalaa dabaluu qofa osoo hin taane, halluu fi bifa ammayyaa magaalootaaf kennuun sadarkaa idil-addunyaatti akka dorgomtu taasisu. Qulqullina, magariisummaa, ibsaa ammayyaa fi ijaarsa aartii adda addaan faayamaniin dhiyeessuun magaalaa tokko iddoo hawwataa fi qulqulluu taasisa. Bakkeewwan kunniin turistonni idil-addunyaa akka magaalattii daawwataniif hawwata guddaa uumuun, tajaajila hooteelaa, aartii fi bakka bashannanaa adda addaan dabaalamuun galii turizimii irraa argamu guddisuun biyyaaf bu’aa olaanaa qaba. Magaalaan tokko fakkeenya idil-addunyaa akka taatuuf koriidarri bifa ammayyaawaa fi aadaa walitti qindeessuun dhiyeessuun faayidaa guddaa qaba.   Misoomni Koriidaraa magaalota biyya keenyaa keessatti haala miidhagaa fi adda ta’ee hawwattummaa qabuun ijaaramaa jira. Kunis akkaataa aadaa fi safuu ummataa eeggateen ijaaramuun isaa immoo hawwattummaa guddaa dabaluun alattis hawaasni naannichaa kan isaa akka ta’e itti amanuun dhalootaaf akka dabarsu kunuunsa taasisu gargaara. Misoomni koriidaraa wayita hawwasni hedduuminaan bahee aadaa adda baabahiitti kabajatu wal dhiphisuun akka hin uumamneef gahee olaanaa qaba. Daandiin dhiphachuun ummanni wal irra dhaabbachuun , wal ukkaamsuun balaan uumamuu ni mala’ Misoomni koriidaraa garuu kanneen haala olaanaan hambiseera.   Ayyaanota adda baabahiitti kabajaman keessaa tokko ayyaana Irreechaati. Ayyaanni Irreechaa keessummoota biyya keessaa fi biyya alaa miliyoona hedduutti lakkaahaman keessummeessa. Ummanni miliyoonaan tokkummaan,jaalalaa,waloomaan bahee kabajatu kana immoo nagaan bahee nagaan akka galuuf daandiin irra imalu mijachuun bu’aa olaanaa qaba. Magaalota ayyaanni Irreechaa hedduuminaan kabajamu keessaa magaalaan Bishooftuu ishee tokkdha. Magaalattiin yeroo ammaa kana keessummoota miliyoonaan lakkaahaman simatteetti. Dur daandiinishee dhiphaa fi imalaaf mijataa hin turre. Keessumaa immoo gaafa ummanni irreechaaf bahu baay’ee nama rakkisa ture. Garuu yeroo ammaa misooma koriidaraan daandiin ishee miidhaguun, miidhagina magaalattiif simboo addaa dabaluun cinatti keessummootaaf haala mijataa uumeera. Kan bahe nagaan akka galuuf haala mijeesseera.   Walumaagalatti, misoomni koriidaraa ijaarsa daandii qofa osoo hin taane, bu'uura guddina hawaas-dinagdee, qajeelfama tiraafikaa ammayyaa fi miidhagina magaalaati. Uummata wal-dhiibbaa daandii irraa ittisuun, nageenya imaltootaa mirkaneessuu bira darbee, magaalota hawwata turizimii fi dorgomtoota idil-addunyaa taasisuu keessatti shoora bakka bu'iinsa hin qabne taphata. Kanafuu, koriidara ammayyeessuu fi kunuunsuun haala jireenya hawaasaa fooyyessuuf tarsiimoowwan dursa kennamuufii qaban keessaa isa tokkodha.   #Biyya_Guddoo #Uummata_Guddaa #Mul'ata_Guddaa #Ethiopia #ENA Afaan Oromoo# Miseensa Maatii ENA ta’aa : https://www.ena.et/web/links

Fulbaana 21/2019 (ENA) - Itiyoophiyaan pirojektoota bishaanii Gibtsiin gufachiifamanii kasaaraawwanii fi carraalee misoomaa jala darban kan gamaaggamu koree biyyaalessaa hundeessuushee ministirri bishaanii fi inarjii Injiinar Habtaamuu Ittafaa beeksisan. Ministirri bishaanii fi inarjii Injiinar Habtaamuu Ittafaa ENA wliin turtii taasinaniin akka ibsanitti, hidha haaromsaa Itiyoophiyaa guddicha dabalatee pirojektoonni misoomaa Gibtsiin gufachiifaman 22 ol koree Kanaan adda baafamanii hojiitti galameera. Yaaddoowwan Itiyoophiyaa bara dheeraa misooma yaa’a Abbayyaarratti wal hin gitne ilaalchisee deeggarsi hayyootaa guddachaa dhufe jiraachuu himanii, kun ammoo kasaaraa dinagdee seenaa keessatti irra gahee fi carraalee misoomaa jala darbeef beenyaa akka argattu gaaffiishee ni cimsa jedhaniiru. Koreen haaraa hundeeffame kun pirojektootarratti ragaalee qindeessaa fi gaaffiiwwan beenyaa Itiyoophiyaan gaafattu bu’urasaanii qorachaa akka jiru ministirri Injiinar Habtaamuun dubbataniiru. Korichi ogeeyyota, ministiroota duraanii, gorsitootaa fi ogeeyyota seeraa kasaaraa qaqqabee fi kana furuuf kan gargaaran akkaataa itti dhiheeffamu qorachaa jiran akka of keessaa qabu eeraniiru. Yeroo ammaa hidha haaromsaa dabalatee pirojektoota Gibtsiin gufachiifaman ilaalchisee ragaawwan walitti qabamuusaanii dubbatanii, hawaasa addunyaa fuulduratti wantoota yakka ta’aniin Itiyoophiyaa doorsisuuf yaalaa turuusaanii kaasaniiru. Gamaaggamni Koreen kun gaggeessu akka hin hojjetamne kan taasifaman pirojektoota qofaa osoo hin taane tattaaffii eegumsa naannoo Itiyoophiyaan itti jirtuu fi bu’uraaleen bulchiinsa bishaanii faayidaa yaa’a gajjallaaf kennan akka xiinxalu ibsaniiru. Sagantaa biqiltuu ashaaraa magariisaatiin mukkeen biiliyoona 50 caalan dhaabamuusaanii yaadachiisanii, Baaroo, Abbayya fi Takazee dabalatee laggeen gurguddoorratti hojiin misooma sululaa gaggeeffamuu eeraniiru. Hojiiwwan eegumsa naannoo kunneen qabeenya bishaanii Itiyoophiyaa eeguu fi yaa’a Abbayyaa keessatti dhiibbaawwan haala qilleensaa qolachuuf gumaacha taasifte akka xiinxalu injiinar Habtaamuun ibsaniiru. Akkasumas hidhi haaromsaa guddichi yaa’a laga Abbaayyaa to’achuudhaan qooda guddaa inni qabu kan ibsan ministirichi, akkaataan hidhi kun itti hojjetame biyyoota yaa’a gadii balaa lolaarraa baraaruu fi yeroo roobni xiqqaatutti bishaan akka addaan hin cinne akka gargaaru ibsaniiru. Haalawwan roobaa elniinoon walqabatanii amma jiran bulchiinsa bishaanii qindaa’aa akka barbaachisu kan eeran ministirichi, yaa’a bishaanii to’achuun Sudaanii fi Gibtsi dabalatee biyyoota yaa’a gadiif faayidaa kennuu akka danda’u eeraniiru. Adeemsi Itiyoophiyaa boqonnaawwan ifa ta’an akka qabaatan akka ta’u, mari’achuunii fi walii galtee waloorra gahuun filmaata yoo ta’u, kanneen biroo ammoo Itiyoophiyaan tarkaanfiiwwan dabalataa kan taasisan beenyaa argachuuf filmaattota hordofamuu qaban akka ta’an ministirri injiinar Habtaamuun ibsaniiru.

Fulbaana 20/2019 (ENA): – Itoophiyaa fi Jaappaan misooma ruuzii ammayyeessuu fi oomishtummaa isaa guddisuuf waliigaltee deeggarsa Birrii miliyoona 300 fi miliyoona 75 mallatteessaniiru. Waliigalticha Ministirri Ministeera Maallaqaa Obbo Ahimad Shiidee fi Itoophiyaatti Ambaasaaddarri Jaappaan Shiibaataa Hiiroonooriin mallatteessaniiru. Sirna waliigalticha mallatteessuu irratti, oomishtummaa ruuzii guddisuu, jireenya lammiilee fooyyeessuu fi cehumsa teeknooloojii qonnaa saffisiisuun hojiiwwan xiyyeeffannoo olaanaa argatan ta’uu ibsameera. Dameen qonnaa cehumsa diinagdee, wabii midhaan nyaataa fi badhaadhina baadiyyaa mirkaneessuu keessatti gahee olaanaa qabaachuu Ministirri Maallaqaa Obbo Ahimad Shiideen ibsaniiru. Waliigalteen biyyoota lamaan gidduutti mallatteeffames hariiroo fi tumsa Itoophiyaa fi Jaappaan gidduu jiru caalaatti cimsuuf kutannoo waloo qaban kan agarsiisu ta’uu ragaan Ministeera Maallaqaarraa argame ni mul’isa.