Adoolessa 01/2017(TOI)- Waldaan fannoo diimaa Itiyoophiyaa ofiin kan hundeeffame ashaaraa namoomaa kaa’uuf xiyyeeffannoo kennuu akka qabu pirezidaanti Taayyee Atsqasillaasee hubachiisan. Waldichi waggoottan 90 darban hojiilee namoomaa fi gootummaa wayitii Itiyoophiyaan rakkinarra turte raawwateef maqaa mootummaa Itiyoophiyaan galateeffataniiru. Ayyaanni hundeeffama waggaa 90ffaa waldichaa mata duree “shaaraa tajaajila namoomaa waggaa 90 irra cehe” jedhuun kabajameera. To’ataan olaanaa waldichaa pirezidaant Taayyee Atsqasillaasee, pirezidaantonni duraanii Saahilawarq Zawudee fi Dr. Mulaatuu Tashoomaa, itti aantuun af-yaa’ii mana maree bakka bu’oota ummataa Loomii Badhoo dabalatee hooggantoonni mootummaa, ambaasaaddaroonni biyyoota garagaraa, bakka bu’oonni dhaaabilee idil addunyaa fi keessummoonni waamaman saganticharratti hirmaataniiru. To’ataan olaanaa waldichaa pirezidaant Taayyee Atsqasulaasee ergaa dabarsaniin, wayita Itiyoophiyaan qormaatarra jirtu kan dhalate ibsituu garalaafinaa fi tola ooltummaati jedhaniiru. Gochi waldichaas gocha birmadummaa fi namoomaa Itiyoophiyaa waliin kan walitti hidhate ta’uu kaasaniiru. Itiyoophiyaan waliigalteewwan namoomaa idil addunyaa osoo hinfudhatiin duras hawaasichi hojii namooma qabatamaan kan jiraate duudhaa namoomaa fi garalaafinaa ibsituusaa kan godhate ta’uu dubbataniiru. Waldichi tumaalee idil addunyaa fudhatee kan hundaa’e ta’uu eeranii, qormaata birmadummaa akkuma hundaa’een Itiyoophiyaa mudate damdamachuuf carraaqqii taasifamumiseensonni waldichaa aarsaa qaamaa fi lubbuu kaffaluun maqaansaanii gootummaan akka kaafamu dubbataniiru. Ummanni fi mootummaan Itiyoophiyaa ashaaraa namoomaa kanaaf galata guddaa akka qabu ibsaniiru. Wayitii ammaa akka Addunyaatti Al-Seerumaa fi namoomaaa ala ta’uun dabalaa akka jiru, kan ibsan pirezidaantichi, gargaarsi namootaa laafuun agarsiistuudha jedhaniiru. Kana gidduugaleeffachuun Waldaan Qaxxaamura Diimaa Itiyoophiyaa xiyyeeffannoo isaa fuuldura deeggarsa namoomaa ofiin raawwachuuf Dandeettii itti fufinsa qabu cimsachuun hojii hojjetamu ta’uu akka qabu hubachiisaniiru. Sadarkaa biyyoolessaatti nyaataan of danda’uuf, innoveeshiniinof gahoomsuuf halkanii fi guyyaa akkuma tattaafannu, gargaaramummaa dhiisuun fi lammiiwwan keenya miidhaman humna ofiin deeggaruuf dhimma birmadummaa godhannee yaaduu qabna jedhaniiru. Kanaafis hirkatummaa gargaarsaa jiru irraa adda bahuun ofiin raawwachuu danda’uun barbaachisaa ta’uu eeraniiru. Kanaafis sirna hirmaanaa fi iftoomina qabu, itti gafatamumaa qabu, qulqullina yaada hawwii keenya madaalu hordofuu qabna jedhaniiru. Fuulduratti waldichi wagga 100ffaa yeroo kabaju, bu’uura hawaasummaa babal’isuun, qulqullina yaadaan, qarshii fi beekumsaan of danda’ee, bu’uura seeraa yericha gitu qopheessee, Itiyoophiyaarra darbee Sabummaa Afriikaaf fakkeenya kan ta’e dhabbata guddaa ta’ee akka argamu xiyyeeffannnoon kennameera. Mootummaan Itiyoophiyaa deeggarsa waldichaaf taaassisu kaayyoo namoomaa duudhaa biyya keenya jiruun kan wal simu waan ta’eefi kan jedhan pirezidaantichi gargaarsi barbaachisu hunda kan itti fufu ta’uu ibsaniiru. Waldaan fannoo Diimaa Itiyoophiyaa caasaa isaa guutuu biyyaatti babal’isuun hojiiwwan namoomaa garaagaraa raawwachaa jiraachuu Pirezidaantiin waldichaa Abarraa Tolaa ibsaniiru. Waldichi kaayyoo isa galmaan ga’uuf gahumsa uumaa akka jiru eeruun, kanaafis deeggarsi mootummaa gudda ta’uu kaasaniiru. waldichi waggoota itti anaan kurnanitti lakkoofsa miseensotaa Miiliyoona 20n ga’uun baasii isaa mataa isaan danda’uuf karoora qabachuu beeksisaniiru

Adoolessa 01/2017 (TOI)-Bara Baajatichaatti Lammiileen kuma 23 ol dandeettii muuxannoon argataniin madaalamanii waraqaa beekamtii argachuiuu isaanii Ministeerri hojii fi ogummaa ibse. Muuxannoon Dandeettii argame hojiin beekamtii kennuu xiyyeeffannoon hojjetamaa jiraachuun ibsameera. Ministeera hojii fi ogummaatti dursituun hojii raawwachiiftuu sirna leenjii sadarkaa ogummaa fi madaallii ga’umsaa Maartaa Waldee TOI’f akka ibsanitti, sirni ogummaa Muuxannoodhaan argamaniif beekamtiin ittiin kennamu qophaa’eera. Haala kanaan bara baajatichaatti qajeelfamni madaallii beekamtiin ittiin kennamu qophaa’ee sadarkaa biyyoolessaatti hojimaatni walfakkaatu hojiirra ooluu jalqabuu hubachiisaniiru. Kanaanis bara baajatichaatti lammiilee kuma23 ol ta’aniif dandeettii muuxannoon argataniin madaalamanii waraqaa beekmtii argachuu isaanii dubbataniiru. Ogeeyyyiiwwan kun beekumsaa fi dandeettii barbaadamu guutuu isaaniin ulaagaa taa’aniin madaalamuun waraqaan beekamtii kennamaafii jiraachuu dubbataniiru. Kunis lammiileef bekumsa muuxannoon argatan irratti hundaa’uun Madaallii Mirkaneessa gahumsaa argachuun hojii saaniin caalaatti fayyadamoo akka ta’an taassifamaa jiraachuu ibsaniiru. Madaallichi Dameewwan Mootummaan dursi kenneef, kanneen ogeessonni itti heddummatan, akkasumas fedhii gabaa irratti hundaa’uun keennama jedhaniiru. Yeroo ammaa kana hojiin madaalii Dameewwan Ijaarsaa, Hojii Hoteelaa, Hojii weeldiingii fi kanneen birootiin hojjetamaa akka jiru eeraniiru, akkasumas ogummaawwan gabaa irratti barbaadaman 55 adda baasuun ulaagaaleen madaalii qophaa’uu ibsaniiru. Kanneen Madaallicha darbuu hin dandaeenye irra deebiin madaalamanii beekamtii akka argatan leenjiin ni kennama jedhaniiru. Ogeeyyiin beekamtii argatan gama isaaniin beekumsa muuxannoon argataniin madaalamanii waraqaa ragaa aragachuun isaanii fayyadamoo akka isaan godhe dubbataniiru. Hojii ijaarsaa kan hojjetan Obbo Aschaaloo Mollaallinyii fi Obbo Yihun Balaayineh Kanaan dura ogummaa muuxannoon gonfataniin madaalamanii beekmtii argachuu isaanii ibsaniiru. Kunis kan duraanii caalaa fayyadamoo akka isaan taassisee fi ogummaa isaanii fooyyesuuf akka isaan gargaare dubbataniiru. Madaalliin kun ejensiiwwan ga’umsaa fi madaallii naannoo waajiraalee ministeerucha jala jiraniin kennamaa waan jiruuf lammiileen ga’umsasaanii mirkaneessuu akka danda’an ibsameera.

Waxabajjii 30/2017(TOI)-Tajaajilli tola ooltummaa Daangaa qaxxaamuraa namoota deeggaruu irra darbee tokkummaa sabdaneessuumaa fi walitti hidhaminsa Aadaa kan jabeessudha jedhan dargaggootni tola Ooltotaa Daangaa Qaxxaamuran. Dargaggoonni Tola Ooltonni Naannoolee fi Bulchiinsota Magaalaa Hunda Irraa Walitti Dhufan Naannoo Tigraayitti Tajaajila Tola Ooltummaa Bilsaa kan Gannaa Kennuu Eegalaniiru. Dargaggoonni kun tibbana Naannoo Tigiraayitti Aanaa Indartaa ganda Aratootti boolla biqiltuun itti dhaabbatu qotuu fi Hojii Misoomaa biroo raawwataniiru. Dargaaggota Sagantaa Kana irratti hirmaatan kan TOI dubbise keessaa turtii Naannoo Tigiuraayi ganna kana Dabarsaaniin Hawaasa Tajaajiluu fi Hojii Misoomaa Adda Adaa Irratti Hirmaachuuf Qophii ta’uu Isaanii Ibsaniiru. Tajaajilli tola Ooltummaa Daanga Qaxxaamuraa namoota deeggaruu irra darbee tokkummaa sabdaneessummaa fi walitti hidhaminsa Aadaa haala cimsuun turtii taassisna jechuun dubbataniiru. Naannoo Oromiyaa irraa kan dhufe Dargaggoo Gabbisaa Nagaasuu fi Naannoo Amaaraa irraa kan dhufe dargaggoo Fiqiresab Alamuu, simannaa NaannooTigiraayitti Taassifameefiitti gammaduu isaanii ibsuun, turtii isaaniitiin hojii gaarii raawwachuunfi namoota harka qal’eeyyii deeggaruun dabarsuuf qophaa’uu isaanii ibsaniiru. Itiyoophiyaa keessaa Afaanota Hedduu, Aadaa fi bakkeewwan hawata Tuuristii waan jiraniif sababa Kanaan dargaggoonni turtii Isaanii Naannoo Tigiraayiin beekumsa adda addaa, Walitti dhufeenyaa aadaa, fi duudhaalee hawaasummaa akka waliirraa qooddatan ibsaniiru. Dargaggoon Dirree Dawaatii dhufe Falmataa Ahimad , Itiyoophiyaan Biyya Guddoo, uummata baay’ee fi kuufama qabeeeenya uumamaa kan qabdu waan taateef tajaajilli tola ooltummaa Daangaa Qaxxaamuraa xiqqoos ta’u akka beeknu nugaragaara jedheera. Naannoo Tigiraayitti Qabeenya uumamaa fi namtolchee, seenaawwan kan keessatti argaman, tajaajila tola ooltummaa kennuu kootii fi carraa daawwachuu argachuukootiif gammadeera jedhaeera. SNaannoo Itiyoophiyaa Kibbaarraa kan dhufte shamarree Maaragaa Mulugeetaa gamasheetiin, walooma ummataa fi tokkummaa biyyaa cimsuuf hojiiwwan daangaa qaxxaamuraa kan akkasii murteessaa ta’uu kaafteetti. Keessumaa dargaaggoonni kunneen turtii isaanii Yunvarsiitiin wal beekuuf carraa argatanis , qabeenya Tuurizimii fi aadaa sirnaan beekuuf daawwannaan humna guddaa qabaachuu ibsaniiru. Nageenya, Misoomaa fi tokkummaa sabdaneesummaa Itiyoophiyaa cimsiuuf tattaaffii taassifamu keessatti dargaggoonni qooda olaanaa kan qaban waan ta’eef haala Kanaan hojjechuu qabna jechuun dargaggoonni kunneen mirkaneessaniiru.

Waxabajjii 28/2017(TOI)- Waajjirri ministira muummee fi dhaabbileen isaaf itti waamaman manneen jireenyaa manguddootaaf naannoo Tigraayi magaalaa Wuquroo fi Maqaleetti ijaarsise kennan. Ijaarsi manneenii xumuramuusaatiin gorsaan dhimmoota nageenyaa biyyaalessaa ministira muummee Dr. Qana’aa Yaadataa bakkatti argamuun maneen kanneen jirattotaaf kennaniiru. Dhaabbileen kunneen manneen 5 Wuqurootti, manneen 15 ammoo Maqaleetti qulqullinaa fi hatattamaan xumursiisuun har’a jiraattotaaf kennamaniiru. Ijaarsa manneen 20’f birriin miiliyoona 23 caalu baasii taasifamuun beekameera.