Bitootessa 2/2018 (ENA)– Tajaajilli Geejiba Galaanaa fi Loojistiiksii Itiyoophiyaa sochii daldala Al-ergii fi Alaagalanii saffisiisuurrati ergamasaa cimsee itti fufuusaa hojii gaggeessaa olaanaan Invastimanti Holdingii Itiyoophiyaa doktar Buruuk Taayyee dubbatan.   Tajaajilli Geejiba Galaanaa fi Loojistiiksii Itiyoophiyaa,Konkolaattota Fe’umsaa gurguddoo amayaa’aa 100 hojii eegalchiiseera.   Boba’aa deeggarsa mootummaan guddaan dhihaatu walitti hidhaminsa hanga gurgurtaa gatii tilmaamameen alatti, daldaltoota seeraan ala gurguran irratti tarkaanfiin fudhatamuu eegaleera. Akka doktar Biruuk Taayyee ibsanitti; dhaabbilee Holdiingichaa jala jiran keessaa tokko kan ta'e Tajaajilli Geejjiba Galaanaa fi Loojistikii Itiyoophiyaa, badhaadhinaa fi guddina Itiyoophiyaa waliin kan wal gitu sadarkaa olaanaadhaan dirqamasaa akka ba’uuf qindoominaan hojjetamaa jira jedhaniiru.   Sochii daldala Al-ergii fi Alaa galan saffisiisuuf dhaabbata qooda murteessaa qabu, gurmaa’insaa fi hoj-maata ammayaa’aan deeggaruun tajaajila si’ataa fi olaanaa akka kennuuf hojiiwwan hojjetamaa jiran bu’aa qabeessa ta’uusaanii ibsaniiru. Guyyaa har’aa Konkolaattota Fe’umsaa gurguddoo amayaa’aa 100 hojii eegalan agarsiistuu kana ta’uu eeruun, gara fuulduraatti Gaazii Uumamaa Itiyoophiyaan qabdu kan fayyadaman Konkolaattota Fe’umsaa gurguddoo amayaa’aa 100 gara hojiitti galchuuf qophiin taasifamuu dubbataniiru. Hojiiwwan hojjetamaa jiran hanqina konkolaattota fe'umsaa furuun, damichaan dhaabbata filatamaa Afriikaa ta'uuf imala taasifamu kan milkeessan ta'uu ibsuuniiru. Deeggarsii fi xiyyeeffannoon Dhaabbatichaaf taasifamu cimee akka ittifufu eeruun, konkolaattota fe'umsaa gurguddoon hojii eegalan kun ergama Ambaasaddarummaa Itiyoophiyaa ogummaa fi dandeettii olaanaa fi naamusni ogummaa guutuu ta'een akka ba'atan dhaamaniiru.   Hojii raawwachiisaa Olaanaa Geejjiba Galaanaa fi Loojistikii Itiyoophiyaa Injiinar Abdulbashir Shamsuu gamasaaniin; xiyyeeffannoo fi deggarsi dhaabbatichaaf kenname, socho’iiwwan Al-ergii fi Alaa galan dandeettii fi kutannoo olaanaadhaan galmaan gahuuf dandeessisaa akka jiru dubbataniiru.

Bitootessa 2/2018(ENA)- Boba’aa deeggarsa mootummaatiin dhihaatu kanneen gatii fi bakka gurgurtaatiin alatti karaa seeraan ala gurguran irratti tarkaanfiin cimaan fudhatamuu eegaluu Ministirri maallaqaa Ahimad Shidee beeksisan. Ministirri maallaqaa ibsa gaazexessotaaf kennaniin,mootummaa haala addunyaa jijjiiramaa keessatti dhiibbaa ummatarra gahu xiqqeessuuf doolaara biiliyoonatti lakkaa’amu deeggarsa taasisaa jira jedhaniiru. Mootummaan boba’aa ummata biraan gahuuf wagga waggaan sharafa alaa doolaara biiliyoona 4 tuqaa 2 ol ramaduun hojjechaa jiraachuu beeksisaniiru. Sirreeffamni gatii kaleessa taasifame gatii boba’aa addunyaa mootummaan bitu waliin wal bira yoo ilaalamu xiqqaa ta’uu dubbataniiru. Boba’aa mootummaan kutannoo guddaan dhiheessaa jiru gatii kaa’amee fi bakka gurguramuu qabutti gurguramaa akka hin jirre qorannoon mirkanaa’uu ibsaniiru. Haala Kanaan qaamolee seeraan ala hawaasarratti dhiibbaa uumanii fi kanneen isaaniin wal ta’anii socho’an irratti tarkaanfiin fudhatamuu eegale cimee itti fufa jedhan. Hawaasnis gochoota seeraan alaa akkasii yoo arge eeruu kennuu akka qabu dhaamaniiru.

Bitootessa2/2018(ENA)– Misooma koriidara baadiyyaan Manneen Modeelaa ijaaramaa jiran haala jireenya keenyaa jijjiireera jedhani jiraattonni naannoo Hararii. Misoomni Koriidaraa Magaalota Naannooleetti hojjetamaa jiran Magaala qulqulluu fi mijattuu uumaa jira. Naannichatti aanaalee baadiyyaa hundatti sagantaa misooma koriidaraan hojiin qe’ee modeelaa ijaaramanii babal’isuun akka hojjetaman itti aantuun Bulchaa Naannoo Hararii Roozaa Umar dubbatan. Jiraattonni Naannichaa yaadasaanii ENA’f kennan akka ibsanitti, naannichatti Manneen Misooma koriidara baadiyyaan ijaaraman haala jireenyaa ammayaa’aa akka hordofnu nu taasiseera jedhaniiru. Naannichatti aanaa Soofii ganda Burqaa kan jiraatan obbo Jamaal Bakar akka ibsanitti, misooma koriidaraa fi qe’een modeela naannosaaniitti ijaarame naannoosaanii miidhagsuurra darbee, kan duraarra jireenya fooyya’aa jiraachuu akka eegalan isaan taasisuu dubbatani.   Kanaafis, Ministirri Muummee Doktar Abiyyi Ahimad Hoggantoota Naannichaa galateeffataniiru. Jiraataan aanichaa biroon obbo Abdurra’uuf Adam gamasaaniin, hojiin misooma koriidaraa baadiyyaa naannoo jireenya baadiyyaa mijataa uumuun fayyadamoo isaan taasisuu dubbataniiru. Qe’een modeelaa mootummaan nuuf ijaare naannoo kana bareechee jira; Ministira Muummee Doktar Abiyyi Ahimad waliinis asitti wal arginee waliin dabarsuu keenyatti baay'ee gammadneerra jedhaniiru. Itti aantuun Bulchaa Naannoo Hararii aadde Roozaa Umar ENA’f akka ibsanitti, naannichatti haala jireenya qonnaan bulaa jijjiiruun jireenya fooyya’aa akka jiraatuuf kan dandeessisu hojiiin misooma koriidara baadiyyaa hojjetamaa jira jedhani. Kanaanis hojiin ijaarsa daandii Misooma Koriidaraan Magaalattiitti hojjetaman gandoota baadiyyaa waliin wal- quunnamsiisuun bal’inaan hojjetamaa jiraachuu kaasaniiru. Keessumaa manneen Modelaa aanaa Soofii Ganda Burqaatti ijaaraman baasii xiqqaadhaan meeshaalee naannoo sanatti argamanitti fayyadamanii manni jireenyaa moodela ta'e ijaaramuu akka danda'u kan agarsiise ta'uu dubbataniiru. Naannichatti baatiiwwan sadan itti aananitti misooma koriidara baadiyyaan Manneen Modeelaa 250 ijaaruun hojiin babal’isuu ni hojjetama jedhaniru. Hojiin ganda moodeelaa, babal’isuu faayyadamummaa bu’uuraalee misoomaa giddu-gala godhatee fi haala qindaa’een raawwatamu kun, mootummaa qofa osoo hin taane jiraattotas kan hirmaachise ta'uu akka danda'u eeraniiru. Gidduu kana Ministira Muummee Doktar Abiyyi Ahimad , Giiftii Duree Zinnaash Taayyaachoo fi Hoggantoonni hojii olaanoon Federaalaa Naannoo Hararii daawwachuunsaanii ni yaadatama.

Bitootessa 1/2018 (ENA): Hojiileen misoomaa Dirree Dawaa fi naannawa ishee keessatti hojjetamaa jiran, kutannoo mootummaan misoomaaf qabu kan agarsiisudha jedhan jiraattonni naannichaa. Jalqaba torbichaa Ministirri Muummee Dr. Abiyyi Ahimad, Giiftii Duree Zinnaash Taayyaachoo fi hoggantoonni olaanoo mootummaa biroo hojiiwwan misoomaa adda addaa Dirree Dawaa fi naannawaa ishee daawwataniiru. Hojiiwwan misoomaa bulchiinsa Dirree Dawaa keessatti hojjetaman keessaa mana kitaabaa ammayyaa Immartaa sagantaa maaddii dhalootaanii fi gurgurtaa kitaaba ida’amuun ijaarame, Tajaajila iddoo tokkoo Dirree Dawaa, misooma koridarii, ijaarsa magaalaa deebisanii ijaaruu fi misooma kuduraalee fi fuduraalee ganda baadiyyaa Ganda Rigee kanneen eeramani dha. Ministirri Muummee Dr. Abiyyi Ahimad ergaa dabarsaniin, Mul’anni har’a kaa’ame dhaloota dhufuuf akka darbu hojiirra ooluu akka qabu dubbataniiru. Haaluma kanaan hojiiwwan misoomaa Dirree Dawaa fi naannawa ishee keessatti hojjetamaa jiran jalqabbii abdachiisaa ta’uu hubachiisuun itti fufuu akka qaban dubbataniiru. Daawwannaa Ministira Muummee Dr. Abiyyi Ahimad ilaalchisee yaada isaanii ENA’f kan kennan jiraattonni magaalaa Dirree Dawaa fi naannawaa ishee tattaaffii cimaa mootummaan taasiseen hojiiwwan misoomaa gama hundaan hojjetamaa jiran irratti abdii guddaa qabna jedhan. Namoota yaada kennan keessaa aadde Araksan Mahammad; daawwannaan Ministira Muummee kun hojiiwwan naannoo sanatti hojjetaman kallattiin madaaluu kan dandeessise yoo ta’u, kunis hooggansaafis ta’e ummataaf gara fuula duraatiif humna kan kennu ta’uu ibsaniiru. Hojiin misoomaa Dirree Dawaa fi naannawaa ishee keessatti hojjetamaa jiru mootummaan misoomaaf kutannoo qabatamaan qabu kan agarsiise ta’uu kan himan jiraattuun kun, milkaa’ina itti fufiinsa qabuuf ga’ee keenya ni baana jedhan. Yaada isaanii ENA’f kan kennan jiraataan kan biraan obbo Abdurahmaan Ahmad gama isaaniin; Waggoota jijjiramaa kana keessatti Piroojektoonni misoomaa adda addaa Dirree Dawaa fi naannawaa ishee keessatti hojjetamani fayyadamummaa hunda galeessa kan mirkaneessanidha jedhani. Obbo Abdurahmaan daawwannaan Ministira Muummee kun piroojektoota misoomaa kanaafis beekamtii kan kennu ta’uu ibsuun, itti fufiinsa isaanii mirkaneessuuf waliin hojjenna jedhaniiru. Daawannaan Miinistira Muummee fi turtiin hawaasa waliin taasisan jiraattota biratti gammachuu fi jaalala guddaa kan uume ta’uu ibsuun, bu’aan bulchiinsii fi jiraattonni koridaraa fi misooma biroo keessatti galmaan ga’an daran itti fufsiisuuf hamilee akka isaaniif uume kan ibsan immoo obbo Mahaammad Alii jiraataa Dirree Dawaa dha. Aadde Ardoo Mahaammad jiraattuu ganda baadiyyaa Ganda Rigee yoo ta’an, daawwannaan Ministira Muummee Dr. Abiyyi Ahimad taasisan hamilee kan isaaniif kenne ta’uu himani. Jiraataan naannoo sanaa kan biraa obbo Eeliyaas Dallalanyi, Ministirri Muummee Dr. Abiyyi Ahimad jijjiirama Dirree Dawaa daawwachuun gara fuulduraatti guddinaa fi misooma Dirree Dawaaf ciminaan akka hojjennu nu jajjabeessa jedhan. Ministirri Muummeen Doktar Abiyyi Ahimad, Dirree Dawaa alatti pirojektoota misoomaa adda addaa magaalaa Harar fi naannawaa ishee daawwatanii akka turan ni beekama.