Hoggantoonnii fi hojjetoonni Tajaajila Oduu Itoophiyaa sosochii '' Daandii Qulqulluu - Jireenya fayya qabeessafitti'' dabalaman. Ebla 23/2016(TOI) - Hoggantoonnii fi hojjetoonni Tajaajila Oduu Itoophiyaa sosochii '' Daandii Qulqulluu - Jireenya fayya qabeessafitti'' dabalamuun deeggarsa taasisan. Hoggantoonnii fi hojjetoonni TOI Ministira Muummee FDRI doktar Abiy Ahimadiin mata duree '' Daandii Qulqulluu - Jireenya fayya qabeessaaf'' jedhuun kan ifoome sosochi Itoophiyaa qulqulluu deeggaruufidha. Sosochiin kun miidhagina magaalaa fi fayyaa hawaasaa eeguu keessaatti gahee olaanaa waan qabuuf deeggarsi kun itti fufinsaan ni taasifama jedhaniiru.

Hoggantoonnii fi hojjetoonni Tajaajila Oduu Itoophiyaa sosochii '' Daandii Qulqulluu - Jireenya fayya qabeessafitti'' dabalaman. Ebla 23/2016(TOI) - Hoggantoonnii fi hojjetoonni Tajaajila Oduu Itoophiyaa sosochii '' Daandii Qulqulluu - Jireenya fayya qabeessafitti'' dabalamuun deeggarsa taasisan. Hoggantoonnii fi hojjetoonni TOI Ministira Muummee FDRI doktar Abiy Ahimadiin mata duree '' Daandii Qulqulluu - Jireenya fayya qabeessaaf'' jedhuun kan ifoome sosochi Itoophiyaa qulqulluu deeggaruufidha. Sosochiin kun miidhagina magaalaa fi fayyaa hawaasaa eeguu keessaatti gahee olaanaa waan qabuuf deeggarsi kun itti fufinsaan ni taasifama jedhaniiru.

Ebla 23 /2016(TOI) - Poolisiin Federaalaa sosochii '' Daandii Qulqulluu - Jireenya Fayyaa qabeessaafitti'' dabalame. Poolisiin Federaala Itoophiyaa sosochichaaf deeggarsa birrii kuma 50 taasiseera. Poolisiin Federaalaa Itoophiyaa sosochiin kun miidhagina magaalaa fi fayyaa hawaasaa eeguu keessaatti fayidaa olaanaa kan qabu ta'uu eeruun hawaasni hundi hirmaanna cimaa akka taasisu waamicha taasiseera.

Ebla 23/2016 (TOI) - Xaa'oon oomisha bara 2016/2017'f oolu kumtaalli miliyoonni 12 ol alaa imaalchifamuun buufata doonii Jibutii gahuu Korporeshiniin Hojiiwwaan Qonnaa Itoophiyaa beeksise. Xaa'oo buufata doonichaa gahe keessaas kumtaalli miliyoonni 11 fi kumni 79 fi 21 gara biyyaatti galfamee karaa waldaalee bu'uuraa qonnaan bultootaf dhihaachaa jira jedhera. Guyyaa kaleessaas dooniin xaa'oo biyyoo Baaronii NPS kumtaala kuma 636 fi 600 feete buufata doonii Jibutii gahuu Korporeeshinichi eerera. Dabalataan guyyoota 11 keessaatti xaa'oon biyyoo Baaroon NPS jedhamu kumtaalli kumni 543 buufata doonii kana ni gaha jedhamee kan eegamu ta'uu odeeffannoon Korporeshinicharra argame ni mul'isa.

Ebla 22/2016 (TOI) - Pirezidaantiin naannoo Beenishaangul Gumuz Obbo Ashaadlii Hasan sosochii "Daandii Qulqulluu - Jireenya Fayyaa qabeessatti" dabalamaniiri. Obbo Ashadiliin sosochiif deeggarsa birri kuma 15 taasisaniiru. Hoggantoonni fi hawaasni naannichaa sadarkaa sadarkaan jiran hanga humna isaanii deeggaruun milkaa’ina sochii kanaatiif gumaacha akka godhanis obbo Ashadiliin waamicha taasisaniiru.

Ebala 22/2016(TOI) - Naannoo Oromiyaatti ji'oota salgan daraban pirojeektoonni Invastimatii kuma 3'tti dhihaatan gara hojiitti galuu Biiroon Indastirii fi Invastimantii naannichaa beeksise . Hogganaan Biirichaa obbo Ahimad Indirisi TOI'tti akka himanitti; ji'oota salagan darban naannichatti hojiin hoii invastimatii naannichaa si'eesuu danda'an hedduun hojjetamaniiru. Kanaanis pirojeektoonni invastimantii kuma 2 fi 945 gara hojiitti galuu himaniiru. Pirojeektonni kunis bal'inaan damee indastirii, qonna fi tajaajilaa irratti ta'uu himaniiru. Pirojeektonni kunneen lammilee kuma 225'f carra hojii uumuus hogganichi himaniiru. Dureeyyoota gara hojii invastimatiitti galaniif rakkoo dhiheesii lafa dabalataa, faayinaansii fi dhiheesii annisaa furuuf tattaffiin taasifamaa jiras jedhaniiru. Haaluma kanaan lafa heekataara kuma 44 hojii babal'ina invastimatiif dureeyyoota haara gara hojii invastimatiitti galanii fi kanneen manufakcharinigiirratti bobba'aniif dabarfamee kennamuu eeraniiru. Dabalataan Biirichi kaappitaala birrii biliyoona 144 kan galmeessaan dureeyyoota haaraa 3500 simachuun dhimmi isaanii boordii invastimantiif dhiheesuuf qophiin taasifamaa jiraachuu himaniiru. Inavstimatiiwwaan haaraa keessaa 745 kan ta'an damee indastirii manufakcharinigii irratti bobba'uuf fedhii kan qaban ta'uu dubbataniiru. Pirojeektoonni invastimatii kunneen guutummaatti yeroo hojiitti galan lammilee kuma 500 ta'aniif carraa hojii uumuu kan danda'anidha jedhaniiru.

Ebla 22/2016(TOI) - Ministirri Muummee FDRI doktar Abiy Ahimad adeemsa hojii misooma Koriidarii irratti hoggantoota bulchiinsa magaalaa Finfinnee fi hoggantoota hojii misooma koriidarii waliin mari'atan. Doktar Abiy Ahimad ergaa karaa miidiyaa hawaasummaa isaanii qoodaniin ji'a tokkoon dura adeemsi hojii misooma koriidarii maal irra akka jiru gamaggamnee turre jedhaniiru. Har'as hoggantoota bulchiinsa magaalaa Finfinnee fi hoggantoota hojii misooma koriidarii waliin wal arguun tarkaanfiiwwaan hojii keenya waliin wal qabatan irratti marii cimaa taasifneerra jedhaniiru. Hojiiwwaan kun dhimma ijaarsaa qofaa miti, kan bira darbee magaalaa keenya mijattuu, si'attuu fi tattaaffii naannaawwaa mana jireenyaa waareesuutti jijjiruu dha jedhaniiru. Miidhagina guddisuu, magariisumaa babal'isuu akkasuma bu'uura misoomaa fooyyesuun fayyaa uummata keenyaa eeguu qofaa osoo hin taane carraa hojiis uumaa jirra jedhaniiru. +5 See insights and ads Boost post Like Comment Share  

Ebla 22/2016(TOI) - "Itoophiyaan haa oomishitu, nus haa shamatannuu'' mata duree jedhuun guyyoota shaniif kan turu agarsiifni fi baazariin sosochii Itoophiyaan haa oomishituu 3ffaa fi Indastiriiwaan oomishaa Dirre Dawaatti geggeeffamuu jalqabeera. Agarsiifinii fi baazaariin kunis Ministira Indastirii Malaakuu Alleebal, af- yaa'ii mana maree bulchiinsa magaalaa Dirre Dawaa aadde Fatiyaa Adaan fi Kantiibaan bulchiinsa magaalaa Dirre Dawaa obbo Kadir Juhaariin banameera. Ministirri Indastirii Malaakuu Allebal wayita kana bu'aa indatiriiwwaan oomishaa kan ta'an oomisha biyya alaa kan bakka bu'aan oomishaalee biyya keessaatti oomishamanii fi konkolaatoota magaalaa Dirre Dawaatti qindaa'an daawwachuun jajjabeessaniiru. Agarsiisaa qophaa'e kanarratti indatiriiwwaan oomishaa fi kollejjiwwaan tekinikaa fi ogummaa 40 irratti kan hirmaatan yoo ta'u keessaattu oomishaaleen oomisha biyya alaa bakka bu'an kan biyya keessaatti oomishaman agrsiisaaf bal'inaan dhihaataniiru. Sosochiin kun walitti dhufeenya Kollejjootaa fi Indastiriiwwaan jidduu jiru cimsuun gahee olaanaa qaba jedhameera.

Ebla 22/2016(TOI) - Itoophiyaatti oomishitummaa misooma qonnaa guddisuuf dhiheesiin faayinaansii fi qaqqababummaan murteessaa ta'uu Ministirri Qonnaa doktar Girmaa Amantee beeksisan. Ministirri Qonnaan faayinaansii qonnaa ilaalchisuun hoggantoota fi ogeeyyoota dhaabbilee faayinaansii waliinFinfinneetti mari'achaa jira. Waltajjii marichaarratti kan argaman ministirri qonnaa doktar Girmaa Amantee dhiheesiin faayinaansii fi qaqqabamummaa qonnaa fi misooma baadiyaa babbal'isuun dhimmaa ijoodha jedhaniiru. Kanaaf damee hojii qonnaaf dhiheessii liqaa mijeesuu fi caalaatti fooyya'uu akka qabu eeranii; kana keessaatti dhaabbileen faayinaansii gahee isaanii bahuu qabu jedhaniiru. Dhaabbileen Faayinaansii akkuma bittaa fi dhiheesii xaa'oof liqaa dhiheessaan qonnaan bulaaf kallattin liqaa dhiheesuu irratti hojjechuu qabu jedhaniiru. Qonnaan bulaan qabeenya isaa socho'uu qabsiisuun liqaa akka argatu qajeelfamni baaknkiin biyyaalessaa baase karaa sirriin hojiirra ooluu akka qabu dubbataniiru. Qonnaan bulaan mirga lafa fayyadamuu qabuun wabiidhaaf fayyadamee liqaa argachuu qajeelfamni dandeesisu yeroo dhihootti murtaa'ee gara hojiitti ni gala jedhaniiru. Gama biraan inshuraansiin damee qonnaaf kennamuu naannawwaa tokko tokkootti sadarkaa yaalirra jiraachuu eeranii; gara fuula duraatti guutummaatti hojiitti kan galuu ta'uu himaniiru. Damee qonnaa ammayyeesuu fi guddisuuf inshuraansiin qonnaan murtessaa ta'uu himanii; bizinaasii fi invastimantiin qonnaa babal'achuu qaba jedhaniiru. Dhaabbileen Faayinaansii damicha liqaa fi inshuraansiin deeggaruun gahee isaanii olaanaa ta'e bahuu qabu jedhaniru. Mariicharratti damee qonnaa irratti hoggantoonni fi ogeeyyiin, hoggantoonni olaanoo dhaabbilee faayinaansii fi kanneen biroon hirmaataniiru.

Ebla 22/2016 (TOI) - Pirezidaantiin naannoo Sidaamaa obbo Dastaa Lendaamoo sosochii Daandii Qulqulluu - Jireenyaa fayyaqabeessaaf'' jedhutti dabalaman. Obbo Dataa Lendaamoon sosochii kanaaf deeggarsa birrii kuma 10 taasisaniiru. Namni hunduu sosochii kanatti dabalamuun deeggarsa barbaachisaa akka taasisu pirezidaantichi waamicha taasisaniiru.

Ebla 21/2016(TOI) - Gamoon Mana Amantii Kirsitaana Ortodoksii Tewaahidoo sababa misooma Koriidariin kaafamee ture hojiin deebisanii ijaaruu har’a eegalamuu Kantiibaan magaalaa Finfinnee Aadde Adaanach Abeebeen ibsan. Paatiriyaarikii Mana Amantii Ortodoksii Tewaahidoo Eebbifamoo Abunee Maatiyaas, Kantiibaa Magaalaa Finfinnee Aadde Adaanach Abeebee dabalatee hoggantoonni bulchiinsa magaalaa Finfinnee fi dura buutoonni amantichaa bakka argamanitti har’a hojiin deebisanii ijaaruu eegalamuu eerameera. Manni Amantii Kirsitaana Ortodoksii Tewaahidoo magaalaan Finfinnee Pilaanii fi dizzaayiniin ishee eeguun akka misoomtuu fi pilaanii misoomaa fooyya’aa akka qabaattu tumsa taasiisaa jiraachuu Kantibaan Magaalaa Finfinnee Aadde Adaanach Abeebeen himaniiru. Guyyaa har’aa Gamoo ammayyaa Abbaa darbii 4 ijaaruuf hojiin eegalamuu dubbataniiru. Baasiin ijaarsa gamichaa guutummaan guutuutti bulchiinsa magaalaa Finfinneen kan uwwifamu ta’uu eerameera.

Ebla 21/2016(TOI)- Hojiin misooma kooriidaraa Finfinnee miidhagduu, qulqulluu fi jireenyaaf mijatte uumuuf jalqabne jiraattotaaf carraa gaarii uumuusaa Kantiibaa Adaanech Abeebee ibsan. Bulchiinsi magaalaa Finfinnee qorannoo hojii raawwii karoora baatii sagalii bara 2016 adeemsisaa ture xumureera. Kantiibaa Adaanech Abeebee odeeffannoo fuula marsariitiisaaniirratti baasaniin, baatiiwwan sagal darban qormaataan gamatti Finfinnee akkuma maqaashee miidhagduu jiraattotasheef mijattuu akkasumas jiddugaleessa hawattuu tuurizimii idil addunyaa gochuuf pirojektoota jalqabaman hatattamaan jalqabnee xumuruun ummata keenyaaf tajaajilaaf banaa taasifneerra jedhan. Qorannichi baatiiwwan hafanitti cimina keenya eegnee hanqinoonni sababasaanii waliin adda baafamanii hojii bu’a qabeessa caaluuf kan kakaasu ta’uu eeraniiru. Baatiiwwan hafanitti kenniinsa tajaajilaa hojii bu’aqabeessa caaluuf kakaasan akkasumas madda komii jiraattotaa kan ta’an si’ataa fi magaalattii madaalu irratti jijjiirama bu’uraa fiduuf akka hojjetamu ibsaniiru. Hojiileen namarratti xiyyeeffatanii baatiiwwan darban raawwataman dhiibbaa jireenyaa jiraattotaa salphisanii abdii kan horatan ba’aa namoota hedduu kan salphisan imimmaan dadhabootaa fi imaanaa biyyaa kan bahanii kan haqan ta’uusaanii eeraniiru. Hojiileen dijitaalaayizeeshinii lafaa fi hojiin galii walitti qabuu hojiilee bu’aa itti argannedha jedhan kantiibaa Adaanech.

Ebla 19/2016(TOI)- Kantiibaan bulchiinsa magaalaa Finfinnee Adaanech Abeebee pirojektii ijaarsa misooma mandara mana jireenyaa Lagahaar jalqabsiisaniiru. Kantiibaa Adaanech Abeebee dabalatee hooggantoonni olaanoo bulchiinsa magaalichaa fi hooggantoonni Giift Rii isteet sagantaa jalqabsiisaa kanarratti argamaniiru. Pirojektiin ijaarsaa yeroo gabaabaa keessatti akka xumuramu ibsame kun kan ijaaramu tumsa bulchiinsa magaalaa Finfinnee fi Giift riil Isteetiinidha. Pirojektii Kanaan walumaa gala manneen ammayyaa kuma 12 kan ijaaraman yoo ta’u, marsaa jalqabaatiin manneen kuma 4 akka ijaaraman ibsameera. Manneen ijaaraman keessaa kuma 3 fi 540 mana jireenyaa 460 ammoo manneen

Ebla 19/2016(TOI)- Jilli mootummaa federaalaa fi hooggantoota olaanoo naannoo Amaaraa ittaanaa ministira muummee Tamasgeen Xurunaan durfamu hojiilee misoomaa naannawichatti argaman daawwachuuf Kombolchaa dhaqaniiru. Jilli kun magaalaa Kombolchaa wayita gahu hooggantoota olaanoo naannoo Amaaraa fi jiraattota magaalichaan simatameera. Ittaanaan ministira muummee Tamasgeen Xurunaa odeeffannoo fuula marsariitiisaaniirratti barreessaniin turtii keenyaan hojiilee misoomaa addaddaa naannawichatti argaman nidaawwanna jedhaniiru. Miseensonni jilichaa turtii Kombolchaatti taasisaniin hojiilee misoomaa magaalichatti hojjetamaa jiran akka daawwatan ni’eegama. Jilli ittaanaa ministira muummee Tamasgeen Xurunaan gaggeeffamu ittaanaa pirezidaantii paartii badhaadhinaa Adam Faaraah dabalatee hooggantoonni olaanoo federaalaa fi naannoo ofkeessaa qaba.

Ebla 19/2016(TOI)- Bulchiinsi magaalaa Finfinnee raawwii hojii baatii sagalii qorachaa jira Kantiibaan bulchiinsa magaalaa Finfinnee Adaanech Abeebee ofdeeffannoo fuula marsariitiisaaniirratti baasaniin raawwii hojii keenyaa kan baatii sagalii qorachaa jirra jedhaniiru.

Ebla 18/2016(TOI)፡-Bulchaa bulchiinsaa naannoo Amaaraa obbo Araggaa Kabbadaa fi ministirri jallisii fi naannawoota gammoojjii injiinar Ayishaa Mahaammad dabalatee Miseensonni hooggansaa olaanoo federaalaa fi naannoo hojiilee invastimantii fi misoomaa magaalaa Gondaritti hojiilee misoomaa daawwachaa jiru. Hoogganaan komunikeeshinii bulchiinsa magaalaa Gondar obbo Abbabaa Laaqoo akka dubbatanitti, magaalichatti nageenya kabachiisuurra darbee hojiilee misoomaa fayyadama ummataa mirkaneessan hojjetamaa jiru. Gaaffii misoomaa ummata magaalichaa deebisuuf bajata birrii biiliyoona 1 tuqaa 8n pirojektoonni ijaarsaa addaddaa hojjetamaa akka jiran ibsaniiru. Sochiin hojii hidha jallisii fi bishaan dhugaatii Magac kan mootummaa federaalaatiin hojjetamaa jiru qaama daawwannichaa akka ta’e beekameera. Dabalataanis sochiin invastimantii magaalichaa fi hojiin dureeyyii dhuunfaa s akkasuma. Miseensonni hooggansaa olaanoo federaalaa, naannichaa fi bulchiinsa magaalichaa daawwannaa kanarratti hirmaachaa jiru.

Ebla 18/2016 (TOI)- Misoomni kooriidaraa Finfinneetti hojjetamaa jiru dhaloota dhufu ilaalcha keessa kan galchee fi magaalattii fakkeenya badhaadhinaa gochuuf ijaaramaa akka jiru Kantiibaan magaalaa Finfinnee Adaanech Abeebee dubbatan. Manni maree magaalaa Finfinnee yaa’ii idilee 3ffaa bara hojii waggaa 3ffaa adeemsisaa jira. Kantiibaan magaalaa Finfinnee Adaanech Abeebee raawwii misooma kooridaraa guyyoota 45 ilaalchisuun gabaasa dhiheessaniiru. Haala Kanaan misoomni kooriidaraa fi deemisanii misoomsuu dhaloota dhufu yaada keessa galchuun hojjetaman qulqullinaa fi si’aayinaan hojjetamaa akka jiran dubbataniiru. Bulchiinsi magaalichaa Finfinnee miidhagduu fi jiraattotaaf mijooftuu taasisuuf akkaataa filannoorratti waadaa galeen bu’uraalee misoomaa haaraa karoorsee hojjechuun fi kan tura haaromsuun halkanii fi guyyaa hojjechaa akka jiru kantiibaa Adaanech dubbataniiru. Bu’uraalee misoomaa bara dheeraa turan ammayyeessuuf, haaromsuu fi fayyadama haqa qabeessa jiraattotaa mirkaneessuuf misoomni kooriidaraa jalqabamuusaa dubbataniiru. Hojiin magaalatiin magaalaa dippilomaasii, Afriikaa, magaalaa muummee Itiyoophiyaa, buufata dinagdee fi hawaasummaa ta’uushee madaalu hojjetamaa akka jiru ibsaniiru. Kana keessaa misoomni kooriidaraa kan eeramudha jedhaniiru. Misooma kooriidaraa shananiin, manneen kuma 5 fi 135 kaasuun bakkicha qulqulleessuun misoomaaf qophii gochuun akka danda’ame ibsaniiru. Amma ammaatti kanneen misoomaaf jecha kaafaman harka 80 ol beenyaa, manaa jirenyaa fi bakka hojii kennuun keessummeeffamaniiru. Kanneen misoomaaf jecha kaafaman mannni jireenyaa fooyya’aa, lafti, beenyaan, bakki hojii, Sheedonni, baasii geejjibaa, beenyaan hamilee akka kennameef eeraniiru. Kana malees akkaataa qorannoo misooma kooriidaraatiin kanneen misoomsuu danda’aniif mirgi kennameefii akasumas manneen jireenyaa dhuunfaa kaafaman amma mana ijaarratanitti baasii kiraa manaa akka argatan gochuun kan hojeeffamedha. Misooma kana halkanii fi guyyaa hojjechuun baatii sadii keessatti xumuruuf karoorfamuu dubbataniiru. Misoomni kooriidaraa kun yeroo ammaa namoota kuma 1 fi 485f hojii dhaabbataa, namoota kuma 13 fi 784f carraa hojii yeroo walumaa gala namoota kuma 15 fi 269f carraa hojii uumuu beeksisaniiru. Ijaarsi misooma kooriidaraa kun wayita xumuramu carraa hojii amma uumame caalaa harka 51 akka dabalu dubbataniiru. Hojiin kun tumsaan, qindoominaa fi walhubachuun hatattamaa fi qulqullinaan kan hojjetamu waan ta’eef kun biyya keenyaaf aadaa hojii haaraa uumeera jedhan. Ministirri muummee doktar Abiyyi Ahimad Finfinnee fakkeenya badhaadhinaa gochuuf hojii hojjetamaa jiru kana yaada maddisiisuurraa amma deeggarsaa fi hordoffiitti gumaacha taasisaniif galateeffataniiru. Rakkoolee misooma kanarratti mudatanii fi odeeffannoowwan dogoggoraa hatattamaan sirreessuu fi hawaasni dhugaa jiru hubatee misoomicha akka deeggaru hojiin hojjetame kan galateeffamudha jedhan.

Ebla 18/2016(TOI)- Ikoo paarkiin gurgurtaa kitaaba dhaloota ida’amuutiin naannoo Harariitti ijaaramaa jiru tuuristoota hawachuun guddina damichaa akka saffisiisu ibsame. Bulchaan bulchiinsa naannoo Hararii obbo Ordiin Badrii fimiseensonni mana maree bulchiinsa naannichaa pirojektoota bu’ura misoomaa addaddaa magaalaa fi baadiyyaa naannichaatti ijaaramaa jiran kaleessaa kaasee daawwachaa jiru. Bulchaan bulchiinsichaa wayita daawwannichaa akka jedhanitti, tuurizimiin akka jajjabaatu mootummaan naannichaa xiyyeeffannoo olaanaa kenneera. Hojiileen mhagaalaa Harar tuuristootaan filatamtuu akka taatu hojjetamaa jiran ciminaan akka ittifufan ibsaniiru. Iddoowwan hawata turizimii naannicha keessatti argaman akka misooman mootummaan xiyyeeffatee hojjechaa akka jiru bulchaan bulchiinsichaa dubbataniiru. Ijaarsi pirojektii Ikoo paarkii Harar galii gurgurtaa dhaloota ida’amuurraa argameen ijaaramaa jiru si’achaa akka jirus ibsaniiru. Pirjektichi wayita xumuramu agarsiisa waraabessa sooruun gamatti naannichi iddoo tuurizimii akka ta’u nidandeessisa, kanaanis madda galii guddaa fida jechuusaanii odeeffannoon biiroo komunikeeshinii naannichaa ni’agarsiisa. Bulchaan bulchiinsa naannichaa obbo Ordiin Badrii, paartii badhaadhinaatti hoogganaan waajjira naannoo Hararii obbo Geetuu Wayyeessaa, ittaantuun bulchituu bulchiinsa naannichaa adde Roozaa Umar dabalatee hooggantoonni waajjiraalee sektaraa daawwannicharratti argamaniiru.

Ebla 18/2016(TOI)- Akkaadaamiin ga’ooma hooggansaa Afriikaa fi ministeerri magaalaa fi bu’ura misoomaa waloon hojjechuuf waliigalan. Akkaadaamiin ga’ooma hooggansaa Afriikaa fi ministeerri magaalaa fi bu’ura misoomaa dhimmoota garagaraarratti waloon hojjechuuf waliigaltee mallatteessaniiru. Pirezidaantiin akkaadaamii ga’ooma hooggansaa Afriikaa obbo Zaadiig Abrahaa fi ministirri magaalaa fi bu’ura misoomaa adde Caaltuu Saanii waliigaltee kana mallatteessaniiru. Waliigalteen dhaabbilee lamanii sagantaa misooma hooggansaa, sirna hooggansaaf beekamtiin itti kennamuu fi jiddugaleessa yaanni itti kennamu hundeessuu akka ofkeessaa qabu eerameera. Waliigaltichi dandeettii hooggantoota magaalaa gaggeessanii gabbisuu fi sirna gabbisa dandeettii hoogganaa irratti hojii bal’aa hojjechuu kan dandeessisudha jedhameera. Akkasumas hooggantoota misooma magaalaarratti hojiilee fooyyee qabu hojjetaniif beekamtii fi badhaasa kennuu akka ofkeessaa qabu eerameera. Dabalataanis jiddugaleessa misooma magaalaarratti yaadota fooyya’oo qorannoorratti hundaa’an dhiheessuuf kan dandeessisan jiddugaleessa yaanni itti kennamu hundeessuu akka ofkeessaa qabu ibsameera.

Ebla 17/2016(TOI)- miseensonni mana maree bulchiinsa magaalaa Finfinnee pirojektoota misooma kooriidaraa daawwachaa jiru. Miseensonni mana marichaa ganama har’aa Finfinnee sararoota misooma kooriidaraa shanitti pirojektichi maalirra akka gahe ilaalaniiru. Kana malees manneen jireenya namoonni misoomaaf kaafaman ittigalan daawwataniiru.