Ebla 29/2016(TOI) - Ministiroonni Bishaanii biyyoota miseensa IGAD yaa'ii ministiroota bishaanii irratti hirmaachuuf har'a ganama naannoo Somaalee magaalaa Jijjigaa galaniiru. Ministira Bishaanii fi Inarjii injinar doktar Habtaamuu Ittaafaa dabalatee, ministiroonni bishaanii Keeniyaa, Sudaan Kibbaa,Ugaandaa fi Jibutii yeroo isaan buufata xiyyaara Jijjigaa gahan pirezidaantiin naannoo Somaalee Musxafee Mahaammad simannaa taasisaniifiru. Walajiin marii naannichatti qophaa'ee kun naannicha aanaa Shabaleetti kan hojjetamu fi biyyoota qaxanichaa keessa lammilee jiraatan fayyadamoo kan taasisu itti fayyadama bishaan lafa jalaa daangaa ce'uu irratti kan mari'atu yoo ta'u marii kanarratti ministiroota bishaanii dabalatee UNICEF fi dhaabbileen deeggarstoota biroon argamuu ragaan Ministeera Bishaanii fi Inarjiirra argame ni mul'isa.

Ebla 29/2016 (TOI) – Sosochiin Itiyoophiyaan haa oomishtuu dandeettii Oomishtummaa Indaastirii biyya keessa guddisuu Pireezidaantoonni naannolee ibsan. Sosochichi oomisha alaa galu kan biyya keessaan bakka buusuuf baa’inaa fi qulqullinaan oomishanii gabaaf dhiyeessurratti boqonna haara banuu Itti Aanaan Pireezidaantii Naannoo Ummattoota Kibba Lixa Itoophiyaa Dooktar Injinar Nagaash Waageeshoon ibsaniiru. Sosochiin Itoophiyaan haa oomishtuu naannichatti aadaa hojii fi oomisha biyya keessaa fayyadamuurratti jijjiirama olaanaa fiduu Pireezidaantiin Naannoo Kibba Itoophiyaa Obbo Xilahuun Kabbaddaan eeraniiru. Jijjiirama biyyaalessaa booda dameewwan Invastimantii, Indaastirii fi misooma magaalaan bu’aa jajjabeessaan galmaa’uu Pireezidaantiin Naannoo Somaalee Obbo Musxafee Mahaammad gama isaaniin himaniiru. Sosochiin Itoophiyaan haa oomishtuu damee misooma Indaastirii cimaa uumuu fi hudhaalee damichaan turun furuu Pireezidaantiin Naannoo Afaar Obbo Awwal Aarbaan dubbataniiru. Sosochichaan naannoo Afaaritti Indaastirii Keemikaalaa dabalatee Indaastiriiwwan oomishaa xixiqqaa, Giddugaleessaa fi Olaanoon 100 ol gara hojiitti galuu ibsaniiru.

Ebla 29/2016 (TOI) - Hojii Misooma Koriidarii magaalaa Finfinneetti hojjetama jiru osoo baatiin gannaa hin galiin ariitiin xumuruun tajaajilaaf geesisuuf xiyyeeffannoo addaan hojjetama jirachuu Itti aanaan Kantiibaa magaalichaa obbo Jaanxiraar Abbaay himan. Kaabineen bulchiinsa magaalaa Finfinnee Bitootessa 15/2016 bara hojii sadaffaa yaa'ii idilee 8ffaa irratti karoora Misooma koriidarii murteesuun gara hojiitti galuun ni yaadatama. Haaluma kanaan Araat kiiloo, Piyaasaa fi naannaawwaa iqicha yaadannoo Aduwaa, Addabaabayii Araat kiiloo karaa Imbaasii Ingilizii, Magganaanyaa, Meeksikoo,Saar beet karaa addabaabayii Gootaraa, addabaabayii Walloo safar Araat kiiloodhaa Addabaabayii masqalaa fi Riqicha Boolee, Magganyaadhaa hanaga Addis Afrikaa Konveeshiin/Jiddigala Igizibiishiniin bakka misoomni Koriidarii irratti hojjetamu ta'uu ragaan waajjira Kantiibaa magalichaarra argame ni mul'isa. Misoomni koriidarii kun kutaalee magaalaa Araadaa, Lidataa, Qirqoos, Laaftoo fi Boolee kan of keessaatti hammatu yoo ta'u hojii misoomaa kanaan hojiin milkaa'an hojjetamuun ibsameera. Itti aanaan Kantiibaa magaalaa Finfinnee obbo Jaanxiraar Abbaay TOI'tti akka himanitti hojii misooma koriidarii kanaan hojii misooma daandii hojjetamu cinaatti misoomni magariisaa fi bakka hawaasni waloon itti tajaajilamu, bakka bashananaa, Tirmanaalota Atobisii fi taaskiiwwanii, daandii lafoo fi riqichoota lafoon ittiin daandii qaxxaamurus hojjetama jira. Misoomni kun karoora magaalichaa waliin karaa wal simuun mala ammayyaa ittiin dhangala'aan dhabamsiifamuus kan of keessaa qabu ta'uu eeraniiru. Raawwiin hojii misooma kunis haala gaariirra akka jiru obbo Jaanxiraar ibsaniiru. Misooma Koriidarii kan osoo waqtiin gannaa hin galiin xumuruun tajaajila kennuu akka jalqaban tattaaffiin guddaan taasifama jirachuu himanii; hojiin kun ariitii ittiin deemaa jiruun yoo hojjetame yeroo gabaabaa keessaatti kan xumuramu ta'uu himaniiru. Hoggantoonni bulchiinsa magaalichaa fi koreen qindeesituu hojii kanaa hojii misooma koriidarii kana yeroo yeroon gamaggamuun ariitiin hojiin isaa akka xumuramu hojjechaa jiru jedhaniiru.

Ebla 29/2016 (TOI) – Kaantibaan Magaalaa Finfinnee Aadde Adaanach Abeebeen Yaadannoo Injifannoo Adwaatti argamuun qaamolee Misooma Koriidarii hojjetaa jiran jajjabeessaniiru. Hojjettoota, Kontiraaktaroota, Gorsitootaa fi hoggantoota guyyoota ayyaanaa dabalatee sa’aatii 24 hojiilee misooma Koriidarii hojjetaa jiran hunda galateeffataniiru. Daandiwwan lafa deemtootaa fi Tajaajila Geejjibaaf mijatoo akka ta’an, bu’uuraaleen misoomaa ummataa akka guutaman, Finfinnee akka maqaa ishee qulqulluu, mijjattuu fi hawwattuu taasiisuuf qaamolee itti gaafatamummaan dadhabbii malee hojjetan hunda maqaa Ummata magaalichaan galateeffataniiru. Aadde Adaanach, Finfinnee mallattoo Badhaadhina Afrikaa taasiisuuf hojjechuu itti fufna jedhan fuula miidiyaa hawaasummaa isaaniin.

Ebla 24/2016 (TOI) – Keeniyaatti hojjettoonni Embaasii Itoophiyaa sosochii ‘ Itiyoophiyaa qulqulluu’ Ministirri Muummee FDRI Doktar Abiy Ahimad mata duree 'Daanndii Qulqulluu – jireenya fayyaaqabeessaf’ jedhuun ifoomsanitti makamaniiru. Hojjettoonni kunneen waliigala Birrii kuma 130 fi 500 gumaachuun sosochichatti makamuu ragaan Embaasicharraa argame ni mul’isa.

Ebla 24/2016 (TOI) - Boordiin Invastimantii Oromiyaa naannichaatti dureeyyoonni kuma 3 fi 700 ol hojii invastimatii adda addaarratti akka boba'aniif murteesse. Hogganaan Biiroo Invastimatii fi Indatirii Oromiyaa obbo Ahimad Indiris murtee boordii invastimantii naannichaa ilaalchisuun miidiyaaleef ibsa kennaniiru. Obbo Ahimad ibsa isaaniin boordichi walga'ii jiddu kana taa'een invastimatiiwwaan misooma naannichaa ariifachiisuuf ni gargaaru jedhaman gara hojiitti akka galan murtee dabarsuu beeksisaniiru. Haaluma kanaan dureeyyoonni kuma 3 fi 747 dameewwaan hojii invastimatii gargaraa irratti kan boba'an ta'uu himaniiru. Dureeyyoota kana keessa 1200 ol biyya keessa fi alaa yoo ta'an kaan immoo inrapiraayizoota, waldaalee, qonnaan bultootaa fi horsiifate bultoota kaappitaala gahaa galmeessan ta'uu himaniiru. Dureeyyoonni hojii invastimantii irratti akka bobba'aniif Boordiin Invastimantii Oromiyaa murteeseef kunneen kaappitalaa birrii biliyoona 148 kan galmeessan yoo ta'u yeroo gara hojiitti galan lammilee kuma 500 oliif carra hojii kan uuman ta'uus obbo Ahimad Idiris ibsaniiru. Dureeyyoota hojii invastimatii kanneenitti boba'aniif lafti irratti hojii invastimantii irratti boba'an hojjetan heektaarri kuma 35 qophaa'uu himanii, lafti kunis guyyoota 45 keessaatti dabarfamee kannemaaf jedhaniiru. Dureeyyoonni kunneen gara hojiitti galuuf kanfaltii liiziif kanfalamu birrii biliyoona shan mootummaaf kan kanfalan ta'uus eeraniiru.

Ebla 24/2016 (TOI) - Agarsiifni ''Itoophiyaa haa oomishituu'' kan indastiriiwwaan oomishaa biyya keessaa fi alaa irratti hirmaatan Caamsaa 1/2016 irraa eegalee guyyoota shaniif walitti aansuun galma Barkumeetti kan geggeeffamu ta'uu Ministeerri Indastirii beeksise. Agarsiifni dandeettii oomishtummaa indaastiriiwwan agarsiisuudhaan walitti hidhamiinsa gabaa birrii biiliyoona 3tti tilmaamamu uumuuf kan kaayyeffate ta’uu ibsameera. Deetaan Ministira Indastirii obbo Taarreqeny Bulultaa agarsiisa kana ilaalchisuun miidiyaaleef ibsa kennaniiru. Ibsa isaaniin agrsiisa GalmaBarkumeetti gaggeeffamu kanarratti indaastiriiwwan omishaa biyya keessaa fi alaa, daawwattoota idil-addunyaa fi keessummoota affeeraman dabalatee namoonni kumni 50 ol ni hirmaatu jedhaniiru. Agarsiisa kanaafis qophiin barbaachisaa ta'ee tasifamuu ibsaniiru. Agrsiisa Itoophiyaan haa oomishituu kanarratti indaastiriiwwan xixiqqaa fi giddu galeessaa 80 fi indastiriiwwaan oomisha olaanoo 120 ni hirmaatus jedhaniru. Agrsiisfini qophaa'ee kun dandeettii indaastiriwwanii agarsiisuudhaan carraa gabaa fi walitti dhufeenya uumuuf ni gargara jedhaniiru. Agarsiisa kanarratti oomishaalee gogaa fi bu'aa gogaa, huccuu, oomishaalee nyaataa fi mukaa, keemikaalotaa fi konkolaattota dabalatee oomishaaleen adda addaa akka dhiyaatanis eeraniiru.

Ebla 24/2016 (TOI) – Piroojektoonni Maddii biyyaan hojjetaman naannolee Oromiyaa, Amaaraa fi Kibba Itiyoophiyaaf dabarfamaniiru. Piroojektoonni kunneen sagantaa walharkaa fuudhinsaa har'a Waajjira Ministira Muummeetti gaggeeffameen naannolee kanneeniif dabarfamaniiru. Piroojektoonni Maaddii Biyyaa Ministira Muummee FDRI Dooktar Abiy Ahimadiin raawwataman kunneen har’a mootummoota naannoleef kennamuu ragaan Waajjira Ministira Muummee FDRI irraa argame ni mul’isa. Gama biroon Piroojektoota Loojiiwwanii Sagantaa Maaddii biyyaan hojjetaman Daandiin Qilleensaa Itiyoophiyaa gama Hoteela Iskaay Laayitiin akka raawwachiisu waliigalteen mallattaa’uu eerameera. Piroojektoonni sadi jechuunis Piroojektiin Loojii Ikkoo Turiziimii Wancii, Loojii Halaalaa Keellaa, Cabaraa Curcuraa fi Loojiin Danaa Arbaa eebbifamuun kan yaadatamu yoo ta’u, Piroojektiin Gorgoraa xumurarra ga’eera jedhame. Piroojektoonni kunneen hojii kalaqaan kan guutaman, haalan hogganamuun qulqullinaa fi saffisaan hojjetamuun fageenyaa gaarii kan ta'aniidha. Daandiin Qilleensaa Itiyoophiyaa tajaajila fooyya’aa kennuurra darbee hojii kana akka hogganu itti gaafatamummaa fudhachuun isaa caalmaatti beekkamuun bakka ga’umsa turizimii idil-addunyaa ta’uuf carraa gaarii qabaata jedhameera. +4 See insights and ads Boost post All reactions: 22

Hoggantoonnii fi hojjetoonni Tajaajila Oduu Itoophiyaa sosochii '' Daandii Qulqulluu - Jireenya fayya qabeessafitti'' dabalaman. Ebla 23/2016(TOI) - Hoggantoonnii fi hojjetoonni Tajaajila Oduu Itoophiyaa sosochii '' Daandii Qulqulluu - Jireenya fayya qabeessafitti'' dabalamuun deeggarsa taasisan. Hoggantoonnii fi hojjetoonni TOI Ministira Muummee FDRI doktar Abiy Ahimadiin mata duree '' Daandii Qulqulluu - Jireenya fayya qabeessaaf'' jedhuun kan ifoome sosochi Itoophiyaa qulqulluu deeggaruufidha. Sosochiin kun miidhagina magaalaa fi fayyaa hawaasaa eeguu keessaatti gahee olaanaa waan qabuuf deeggarsi kun itti fufinsaan ni taasifama jedhaniiru.

Hoggantoonnii fi hojjetoonni Tajaajila Oduu Itoophiyaa sosochii '' Daandii Qulqulluu - Jireenya fayya qabeessafitti'' dabalaman. Ebla 23/2016(TOI) - Hoggantoonnii fi hojjetoonni Tajaajila Oduu Itoophiyaa sosochii '' Daandii Qulqulluu - Jireenya fayya qabeessafitti'' dabalamuun deeggarsa taasisan. Hoggantoonnii fi hojjetoonni TOI Ministira Muummee FDRI doktar Abiy Ahimadiin mata duree '' Daandii Qulqulluu - Jireenya fayya qabeessaaf'' jedhuun kan ifoome sosochi Itoophiyaa qulqulluu deeggaruufidha. Sosochiin kun miidhagina magaalaa fi fayyaa hawaasaa eeguu keessaatti gahee olaanaa waan qabuuf deeggarsi kun itti fufinsaan ni taasifama jedhaniiru.

Ebla 23 /2016(TOI) - Poolisiin Federaalaa sosochii '' Daandii Qulqulluu - Jireenya Fayyaa qabeessaafitti'' dabalame. Poolisiin Federaala Itoophiyaa sosochichaaf deeggarsa birrii kuma 50 taasiseera. Poolisiin Federaalaa Itoophiyaa sosochiin kun miidhagina magaalaa fi fayyaa hawaasaa eeguu keessaatti fayidaa olaanaa kan qabu ta'uu eeruun hawaasni hundi hirmaanna cimaa akka taasisu waamicha taasiseera.

Ebla 23/2016 (TOI) - Xaa'oon oomisha bara 2016/2017'f oolu kumtaalli miliyoonni 12 ol alaa imaalchifamuun buufata doonii Jibutii gahuu Korporeshiniin Hojiiwwaan Qonnaa Itoophiyaa beeksise. Xaa'oo buufata doonichaa gahe keessaas kumtaalli miliyoonni 11 fi kumni 79 fi 21 gara biyyaatti galfamee karaa waldaalee bu'uuraa qonnaan bultootaf dhihaachaa jira jedhera. Guyyaa kaleessaas dooniin xaa'oo biyyoo Baaronii NPS kumtaala kuma 636 fi 600 feete buufata doonii Jibutii gahuu Korporeeshinichi eerera. Dabalataan guyyoota 11 keessaatti xaa'oon biyyoo Baaroon NPS jedhamu kumtaalli kumni 543 buufata doonii kana ni gaha jedhamee kan eegamu ta'uu odeeffannoon Korporeshinicharra argame ni mul'isa.

Ebla 22/2016 (TOI) - Pirezidaantiin naannoo Beenishaangul Gumuz Obbo Ashaadlii Hasan sosochii "Daandii Qulqulluu - Jireenya Fayyaa qabeessatti" dabalamaniiri. Obbo Ashadiliin sosochiif deeggarsa birri kuma 15 taasisaniiru. Hoggantoonni fi hawaasni naannichaa sadarkaa sadarkaan jiran hanga humna isaanii deeggaruun milkaa’ina sochii kanaatiif gumaacha akka godhanis obbo Ashadiliin waamicha taasisaniiru.

Ebala 22/2016(TOI) - Naannoo Oromiyaatti ji'oota salgan daraban pirojeektoonni Invastimatii kuma 3'tti dhihaatan gara hojiitti galuu Biiroon Indastirii fi Invastimantii naannichaa beeksise . Hogganaan Biirichaa obbo Ahimad Indirisi TOI'tti akka himanitti; ji'oota salagan darban naannichatti hojiin hoii invastimatii naannichaa si'eesuu danda'an hedduun hojjetamaniiru. Kanaanis pirojeektoonni invastimantii kuma 2 fi 945 gara hojiitti galuu himaniiru. Pirojeektonni kunis bal'inaan damee indastirii, qonna fi tajaajilaa irratti ta'uu himaniiru. Pirojeektonni kunneen lammilee kuma 225'f carra hojii uumuus hogganichi himaniiru. Dureeyyoota gara hojii invastimatiitti galaniif rakkoo dhiheesii lafa dabalataa, faayinaansii fi dhiheesii annisaa furuuf tattaffiin taasifamaa jiras jedhaniiru. Haaluma kanaan lafa heekataara kuma 44 hojii babal'ina invastimatiif dureeyyoota haara gara hojii invastimatiitti galanii fi kanneen manufakcharinigiirratti bobba'aniif dabarfamee kennamuu eeraniiru. Dabalataan Biirichi kaappitaala birrii biliyoona 144 kan galmeessaan dureeyyoota haaraa 3500 simachuun dhimmi isaanii boordii invastimantiif dhiheesuuf qophiin taasifamaa jiraachuu himaniiru. Inavstimatiiwwaan haaraa keessaa 745 kan ta'an damee indastirii manufakcharinigii irratti bobba'uuf fedhii kan qaban ta'uu dubbataniiru. Pirojeektoonni invastimatii kunneen guutummaatti yeroo hojiitti galan lammilee kuma 500 ta'aniif carraa hojii uumuu kan danda'anidha jedhaniiru.

Ebla 22/2016(TOI) - Ministirri Muummee FDRI doktar Abiy Ahimad adeemsa hojii misooma Koriidarii irratti hoggantoota bulchiinsa magaalaa Finfinnee fi hoggantoota hojii misooma koriidarii waliin mari'atan. Doktar Abiy Ahimad ergaa karaa miidiyaa hawaasummaa isaanii qoodaniin ji'a tokkoon dura adeemsi hojii misooma koriidarii maal irra akka jiru gamaggamnee turre jedhaniiru. Har'as hoggantoota bulchiinsa magaalaa Finfinnee fi hoggantoota hojii misooma koriidarii waliin wal arguun tarkaanfiiwwaan hojii keenya waliin wal qabatan irratti marii cimaa taasifneerra jedhaniiru. Hojiiwwaan kun dhimma ijaarsaa qofaa miti, kan bira darbee magaalaa keenya mijattuu, si'attuu fi tattaaffii naannaawwaa mana jireenyaa waareesuutti jijjiruu dha jedhaniiru. Miidhagina guddisuu, magariisumaa babal'isuu akkasuma bu'uura misoomaa fooyyesuun fayyaa uummata keenyaa eeguu qofaa osoo hin taane carraa hojiis uumaa jirra jedhaniiru. +5 See insights and ads Boost post Like Comment Share  

Ebla 22/2016(TOI) - "Itoophiyaan haa oomishitu, nus haa shamatannuu'' mata duree jedhuun guyyoota shaniif kan turu agarsiifni fi baazariin sosochii Itoophiyaan haa oomishituu 3ffaa fi Indastiriiwaan oomishaa Dirre Dawaatti geggeeffamuu jalqabeera. Agarsiifinii fi baazaariin kunis Ministira Indastirii Malaakuu Alleebal, af- yaa'ii mana maree bulchiinsa magaalaa Dirre Dawaa aadde Fatiyaa Adaan fi Kantiibaan bulchiinsa magaalaa Dirre Dawaa obbo Kadir Juhaariin banameera. Ministirri Indastirii Malaakuu Allebal wayita kana bu'aa indatiriiwwaan oomishaa kan ta'an oomisha biyya alaa kan bakka bu'aan oomishaalee biyya keessaatti oomishamanii fi konkolaatoota magaalaa Dirre Dawaatti qindaa'an daawwachuun jajjabeessaniiru. Agarsiisaa qophaa'e kanarratti indatiriiwwaan oomishaa fi kollejjiwwaan tekinikaa fi ogummaa 40 irratti kan hirmaatan yoo ta'u keessaattu oomishaaleen oomisha biyya alaa bakka bu'an kan biyya keessaatti oomishaman agrsiisaaf bal'inaan dhihaataniiru. Sosochiin kun walitti dhufeenya Kollejjootaa fi Indastiriiwwaan jidduu jiru cimsuun gahee olaanaa qaba jedhameera.

Ebla 22/2016(TOI) - Itoophiyaatti oomishitummaa misooma qonnaa guddisuuf dhiheesiin faayinaansii fi qaqqababummaan murteessaa ta'uu Ministirri Qonnaa doktar Girmaa Amantee beeksisan. Ministirri Qonnaan faayinaansii qonnaa ilaalchisuun hoggantoota fi ogeeyyoota dhaabbilee faayinaansii waliinFinfinneetti mari'achaa jira. Waltajjii marichaarratti kan argaman ministirri qonnaa doktar Girmaa Amantee dhiheesiin faayinaansii fi qaqqabamummaa qonnaa fi misooma baadiyaa babbal'isuun dhimmaa ijoodha jedhaniiru. Kanaaf damee hojii qonnaaf dhiheessii liqaa mijeesuu fi caalaatti fooyya'uu akka qabu eeranii; kana keessaatti dhaabbileen faayinaansii gahee isaanii bahuu qabu jedhaniiru. Dhaabbileen Faayinaansii akkuma bittaa fi dhiheesii xaa'oof liqaa dhiheessaan qonnaan bulaaf kallattin liqaa dhiheesuu irratti hojjechuu qabu jedhaniiru. Qonnaan bulaan qabeenya isaa socho'uu qabsiisuun liqaa akka argatu qajeelfamni baaknkiin biyyaalessaa baase karaa sirriin hojiirra ooluu akka qabu dubbataniiru. Qonnaan bulaan mirga lafa fayyadamuu qabuun wabiidhaaf fayyadamee liqaa argachuu qajeelfamni dandeesisu yeroo dhihootti murtaa'ee gara hojiitti ni gala jedhaniiru. Gama biraan inshuraansiin damee qonnaaf kennamuu naannawwaa tokko tokkootti sadarkaa yaalirra jiraachuu eeranii; gara fuula duraatti guutummaatti hojiitti kan galuu ta'uu himaniiru. Damee qonnaa ammayyeesuu fi guddisuuf inshuraansiin qonnaan murtessaa ta'uu himanii; bizinaasii fi invastimantiin qonnaa babal'achuu qaba jedhaniiru. Dhaabbileen Faayinaansii damicha liqaa fi inshuraansiin deeggaruun gahee isaanii olaanaa ta'e bahuu qabu jedhaniru. Mariicharratti damee qonnaa irratti hoggantoonni fi ogeeyyiin, hoggantoonni olaanoo dhaabbilee faayinaansii fi kanneen biroon hirmaataniiru.

Ebla 22/2016 (TOI) - Pirezidaantiin naannoo Sidaamaa obbo Dastaa Lendaamoo sosochii Daandii Qulqulluu - Jireenyaa fayyaqabeessaaf'' jedhutti dabalaman. Obbo Dataa Lendaamoon sosochii kanaaf deeggarsa birrii kuma 10 taasisaniiru. Namni hunduu sosochii kanatti dabalamuun deeggarsa barbaachisaa akka taasisu pirezidaantichi waamicha taasisaniiru.

Ebla 21/2016(TOI) - Gamoon Mana Amantii Kirsitaana Ortodoksii Tewaahidoo sababa misooma Koriidariin kaafamee ture hojiin deebisanii ijaaruu har’a eegalamuu Kantiibaan magaalaa Finfinnee Aadde Adaanach Abeebeen ibsan. Paatiriyaarikii Mana Amantii Ortodoksii Tewaahidoo Eebbifamoo Abunee Maatiyaas, Kantiibaa Magaalaa Finfinnee Aadde Adaanach Abeebee dabalatee hoggantoonni bulchiinsa magaalaa Finfinnee fi dura buutoonni amantichaa bakka argamanitti har’a hojiin deebisanii ijaaruu eegalamuu eerameera. Manni Amantii Kirsitaana Ortodoksii Tewaahidoo magaalaan Finfinnee Pilaanii fi dizzaayiniin ishee eeguun akka misoomtuu fi pilaanii misoomaa fooyya’aa akka qabaattu tumsa taasiisaa jiraachuu Kantibaan Magaalaa Finfinnee Aadde Adaanach Abeebeen himaniiru. Guyyaa har’aa Gamoo ammayyaa Abbaa darbii 4 ijaaruuf hojiin eegalamuu dubbataniiru. Baasiin ijaarsa gamichaa guutummaan guutuutti bulchiinsa magaalaa Finfinneen kan uwwifamu ta’uu eerameera.

Ebla 21/2016(TOI)- Hojiin misooma kooriidaraa Finfinnee miidhagduu, qulqulluu fi jireenyaaf mijatte uumuuf jalqabne jiraattotaaf carraa gaarii uumuusaa Kantiibaa Adaanech Abeebee ibsan. Bulchiinsi magaalaa Finfinnee qorannoo hojii raawwii karoora baatii sagalii bara 2016 adeemsisaa ture xumureera. Kantiibaa Adaanech Abeebee odeeffannoo fuula marsariitiisaaniirratti baasaniin, baatiiwwan sagal darban qormaataan gamatti Finfinnee akkuma maqaashee miidhagduu jiraattotasheef mijattuu akkasumas jiddugaleessa hawattuu tuurizimii idil addunyaa gochuuf pirojektoota jalqabaman hatattamaan jalqabnee xumuruun ummata keenyaaf tajaajilaaf banaa taasifneerra jedhan. Qorannichi baatiiwwan hafanitti cimina keenya eegnee hanqinoonni sababasaanii waliin adda baafamanii hojii bu’a qabeessa caaluuf kan kakaasu ta’uu eeraniiru. Baatiiwwan hafanitti kenniinsa tajaajilaa hojii bu’aqabeessa caaluuf kakaasan akkasumas madda komii jiraattotaa kan ta’an si’ataa fi magaalattii madaalu irratti jijjiirama bu’uraa fiduuf akka hojjetamu ibsaniiru. Hojiileen namarratti xiyyeeffatanii baatiiwwan darban raawwataman dhiibbaa jireenyaa jiraattotaa salphisanii abdii kan horatan ba’aa namoota hedduu kan salphisan imimmaan dadhabootaa fi imaanaa biyyaa kan bahanii kan haqan ta’uusaanii eeraniiru. Hojiileen dijitaalaayizeeshinii lafaa fi hojiin galii walitti qabuu hojiilee bu’aa itti argannedha jedhan kantiibaa Adaanech.