Ayfaafay Mexxat Yaysiiseenimih Taamoomiy Akkuk Geytimta Diggooseloonum Qaafiyat Malaak Dr. Mekades Xabba Qaddosse - ENA Qafar Afa
Ayfaafay Mexxat Yaysiiseenimih Taamoomiy Akkuk Geytimta Diggooseloonum Qaafiyat Malaak Dr. Mekades Xabba Qaddosse
Addis Ababa Ximolik 6 Sanat 2017 (ENA)
Qaafiyat Malaak Dr. Mekades Xabba Qaafiyat langil Qimbiseenih yanin Ayfaafay Mexxat yaysiiseenimih Taamoomi diggooseloonum Qaddosse.
Qaafiyat Malaak Kee Rakaakayittek Qaafiyat Biiroorak Fayyale Miraaciinuk agaarad gudgud Harar Magaalal Qimbiseh Geytimta.
Ta gudgudul geytinteh tan Qaafiyat Malaak Dr. Meqhdes Xabba, Gaba kaleh yan 2017 Baajet sanat Qaafiyat langil assakat le Taamoomi Tekkeh tanim ascassuk Qaafiyat Ayfaafittel Mexxat yaysiiseenimih Taamoomi Fooca fan Diggoosak gexeloonum Diggosse.
Technolojit Qokkolsimak Mango taamoomi aysiiseloonum kee geytimteh tan xalootitte Diggoosak, tumbulleeh tan Coocitte kaaduy, sitta elle catak massoosak taamitaanam faxximtah tanim kassisse.
Hararih Rakaakayak Qaafiyat Biiroh Saqal Dr. Qabdi Amiin Isi le katuk iyyeemih, Ken rakaakayal Qaafiyat siirat yaysiiseenimil assakat le taamoomi tekkem kassiisak Ciggiilak Ummattah yaceenih yanin Ayfaafay Technolojit Qokkolsimak Mexxat le ayfaafay aceeloonum Yescesse.
Namma ayroh gideh gexsitu waah yan agaarad gudgud 2017 baajet sanatih addat tekkeh tan taamoomi Kusaaqisak ciggilta afkanitte elle daffeeseloonum Timixxige.