Qafár rakaakayal karmâ roobut takke buqreh caddol 45 Alfik daga takke buqrê daddoosih taamoomi akkuk geytimtam yiysixxigen

Addis Ababa Ximolik 6 Sanat 2017 (ENA)

Qafár rakaakayal karmâ roobut takke buqreh caddol 45 Alfik daga takke buqrê daddoosih taamoomi akkuk geytimtam rakaakayak Buqrê kee Ginô gaddih Daddoosih biiro qaddossee.

Biirok buqrê daddoosih Xayrektoreetik xayrekterih yan Cammadu Macammad Piresik Qafár Afih exxah abeh yan addâ fakootul elle yescesse innal rakaakayak inki inki dariifa robti xagna lem kinnuk rob elle radah yan dariifal karmâ buqreh baxsa le hangi acayuk taamitak geytimaanam kassiise.

 

Sifrâ daqaaray, Qammiha bacmxaay, Dubté kee tonnah baxaabaxsa le daqooritiy karmâ rob elle radak geytimal baxaabaxsa le daddos taamoomi akkuk geytimtam kinni.

Buqréh yakke ballaaqé dacayri wagittaamal kaadu bayloojikaal gurral elle taamitak geytimaanam kinnuk tanih tan ixxigâ qaku baxisak qokol massoynaanilluk buqraabah karmâ buqreh daddos wagsissa aydakaakanitte amcawwuk geytimtam qaddowte.
Bicissem: Kaamil Macammad