Baad migaq dubuh Hinnay, Aydaadu Nagay Akak cede weeh yan Itiyoppiya asaaku isi xongolo kalamat wiirisseh geytimta.Itiyoppiyak agat web saayit Asaaku Baxxaqimeh Geytima Buun garbok Ayyaaquk Baada Qadaagal Xayyossa buna raacena Itiyoppiya Kinni. Tonnah Sehdayti Baxih Raceenaay, Sehdayti Manol Fanah Qimboh Akak Yemeete Ugutma Kinni. Ityoppiyak Algin Raatissoy Ummatta Gabat Aglel Dadalak Geytimta Baaxo Kinnim Itiyoppiyah Baaxok Gino Gadday Daqar Qaxih Daddosuy Silaytuy Elmoh Gadditte Fanah Milaagak Geytiman Itiyoppiya Isi dagâ raq dubuh hinnay cuggaaneh Baaxooxah Daga Raaqiyya Daabissuh Qusba qaxmaqaane qoborteeh, afrikak qusba qobor sorkocobaxak addat oggolte ityoppiya. Afrikah Xaylo Pan-Afrikah Inkittinaaneh Xongolol Data Ummattah Uddur Akkewayta Kaxxiina Kee Alliiliyya Luk Afrikak Qidaddoh Muddaqiino Diggoosnuh Taamitak Geytiman Ityoppiya isi dumaahih Ambad asaaku fanah isi xaaay, ayyuftitteey, gadittee kee cugaysoosal baad maysô gudgudul diifussah tan mayso horaak hora fan Tabissa Nabah Tan Baaxo Kinni. COP32 fanah aydaadi safaral ta weebsaayiti ityoppiyak Aydaaduk Asaaki Fanih Maqattooti Ambdak Fooca Fanih Hadfittel Itiyoppiyah Muddaqiinoy Gadda kee Qaago Baadah Elle Xayyosna Gudgudu Kinni Tookume Baaxo Itiyoppiya Sehdayti Baxih Ukkumay Aydaadi Akah Sumaaqita. Raceena https://ethiopia.gov.et/ #Ityoppiyak #Tookume_Baaxo_Itiyoppiyah #Cop32Ethiopia #PMOEthiopia

  Addis Ababa,Kaxxa Garabaluk 16,2018 (ENA) Saqudiyal Uma Caalatih Addat Sugte 1Alfiiy 463 Takke Itiyoppiyah Xaylo Le Baaxo Fanah Gacseenim Qaddoosen . Uma Caalatih Addat Sugte Itiyoppiyah Xaylok 929 Labhay,580 Sayyoy Kalah 52 Alaaqa Kinnim Kee Karmak 99 Ilaa 15 Sanatih Fanat Yan Mara Kinnim Baxxaqsen.

  Addis Ababa Kaxxa Garabluk 16/2019(ENA) Mekelê Magaalal Inkih Tan Barittô Buxaaxil Bartaanaah Barsaanamih Gexsit Qagitaak Qimbise.   Gitamaliino Ciwaacat Buttah Sababah Tiggirigeh Sugteh Tan Bartaanaah Barsaanamih Gexsit Qagitaak Qimbisem, Barteenit Barittô Fan Tandabbu kee Yiggiriqeh Sugeh Barsiyyi Gexsit Foocah Iyyuh Saami Ginele. Magaalal Bartaanaah Barsaanamih, Gexsit Asaaku Kaxxa Garabluk 16/2019 Qimbisak Qagitaak Qimbisseh Tan Way Tah Barittol Ginniimeh Sugeh Yan Garurruquk Katak Barteenit Baritto Foocah Hoonuh Ken Catelem. Baritto Qimbissem Mekelê Magaalal Madabiini Ayfaafay Qimbimuh Kaxxa Maaqatta Kinnim Qaddowtem. #NabaBaaxooy, #NabaAyyuntaay, #XerMabla

Rookâ Xaagu Innaa lillaahi Wa-innaa-Ileyhi Raajiquun!   Marabe Inki Rabbiiy Gannageyo Qumar Qali Khayre Amanok Raq Sinni Rabah Nek Baxsimem.   Gannageyo Qumar Qali Kheyre 1943 Liggidah Afdamal Yoobokeh Yanim kee Edde Yoobokeh Yan 75heele Karmat Isi Cakki Geem.   Gannageyo Qumar Qali Kheyre Barittok Karma Gufeh Yan Way Addis ababal Atse Minilik Barittoh Buxal Inik Hayto Caddo kee Nammay Haytoh Caddoh Barittoh Buxal Bartem. Tohuuk Lakal Addis Ababah Jaamiqatak Qimbô Xigri Madqâ Barittok (Law) Dooqaysimem.   Gannageyo Qumar Qali Kheyrek Taamah Aydaaduh Tu Gactek Qimboh Qammi Baxak Buqrê Kusaaqih Fanteeah Saal Akkuk Taamitem. Tonnah Kaadu Itiyoppiyak Qafar Afih Raadiyok Qafar Afih Exxat Taamitak Sugeeh, Tohuuk Lakal Qammi Baxi Daqaarak Xintoh Abba Akkuk Taamitem. Ciggiilaak Ayrô Kormah Harargeh Awrajjak Saqalah Sugeh Yanim Kay Aydaadi Diggoysam.   Sanat 1981ak Lakal Itiyoppiyak Buna kee Saahih Abbootaanak Fayyale Miraaciinul Taamiteh Yanim Aydaadi Yascassem.   Tonnah Kaadu Yahaxeg Udduurul Booleh Magaalah Footimak Culenti Biirok Butta Saqal Akkuk Taamiteeh, Tonnahav Addis Ababak Kabxa Miracsentih Saqal Akkuk Taamiteh Yanim Kay Manoh Aydaadi Yascassem.   Tohuuk Lakal Ganna Geyo Qumar Qali Kheyre IGADak Naharsi Saqalak Protokol Kutbe Abeen Akkuk Taamitak Sugem.   Tohuuk Lakal Gannageyo Rabah Nek Baxsimma Iyyam Fan Agat Mabbalowih Komishinih Gexsit Faxximta Hadaf Aracat Hayuh Fayu-abe Akkuk Taamitak Sugeh Yanim Kay Aydaadi Yascassem.   Gannageyo Qumar Qali Qafarah mangom Xiqeeh Ellecabo Fanah Qafar Cakki Arac Xaguuy, Qafarak Maaduuy, Qaadaay, Afa kee Makcagguruk Tan Fayxiixa Arac Xagtuh Ecleh Axce Kal Rabba Iyyam Fan Macalak Sugh Yanim Kay Aydaadi Diggoysam.   Gannageyo Qumar Qali Qafar Kee Itiyoppiyah Xayloh Mango Ayfaafay Yeceh Yanim Kee Qannageyo Rasi Kasloytaay, Siyaasiitaay, Xaagu Qawaytuuy, Madqa Tuyaaxixgiiy, Tonnah Kaadu Aydaadi Maaxagah Sugeh Yanim Kay Aydaadi Nummaysam.   Gannageyok Amanoh Bagul Inki Gubnaay, Inki Lab Baxaa kee Say Baxa Raqtem.   Gannageyo Qumar Qali Kahyreh Addunyaak, Teyse Akheera Yacaay Kaak Raaqeh Yan kay Buxah Maraay, Kay Waday kee Inkih tan Qafár Ummattah Iimaan kee Sabri Qaagitna.   Innaa lillaahi Wa_innaa-Ileyhi Raajiquun.   #Ethiopian News Agency/Qafàr Af

  Addis Ababa Kaxxa Garabluk 13/2019 (ENA)Qafar Rakaakayak Isliminnah Caagiidak Daga Raqta Malah Buxa 1448 heele liggidak Cajji Gexoh Maysarraqa Qimbiseenim Yiysixxigen.   Rakaakayak Isiliminnah Caagiidak Daga Raqta Malah Buxa teceeh tan maybalaalaqal yamaate cajjih gexam niyaata marih maysarraqa edde nan alsak 12 yak qimbisak ila Agda baxissok 10 fanah gexsitak sugelem Qaddosen.   Rakaakayak majlisalaqla saqalah yan shek Macammad Awwal cayaat tama maybalaalaqal tatruseh yan farmol cajji kinnaane kee kaah faxximtaamak mangom Kassiisaak, Baxsaluk cajji elle yanim dubuh gaddaloola hinnay edde gexxaay uduurra iyyam kee buxa edde cabam gabat lacah yallu qarwah yallu kalah raceenaanik yallu inkih kaal yanim yaaxigem faxximtam kassiisen.   Cajji gexo addooniyal inki adda xiqa maral yan fardi kinnim aaxaguk sugah gide isik aaxige sinni mari edde gexaah gacam gabat aallih raaqewaam faxximtaamih farmo Tatruse.   Isiliminnah caagidak Dag Raqta malah buxak cajji kee qumra langih saqalah yan shek Macammad saalic asantih cajjih gexoh lakqo udciya edde anuk 861600 (Bacra Bool Lactam Kee Inki Alfiy Laca Boolih ) birri kinnim yiysixxige.   Asanatih cajjih gexam niyaata mari akah yibbixen udduurih addat yankuttubem faxximtam asanat cajji gexoh qafarah yecen saami 600 h num kinnim Qaddossen.   Asanat duma suge wayteemik diasporah saami fakkimeemih taagah diasporah tan qafar daylo isinni baaxoh gitaak yunkuttubeenih gexaanam xiqaanam kee kalah kaadu VIPcaddol yankuttubem faxa miraaciini yenek kaadu ken arac yanim Kassisen.   Mysarraqah yamaate mariiy duma saquudiya gita maliinoh gexxayeh wokkel ashaara akak tan mara akke waytam faxximtam kee sanataak dagah yan passport iiy. Elle mannoowa dariifa qaddossa mamaxxaga kee inki photo gabat luk yamaatem faxximtam Baxxaqsen. Tonnah kaaduuy cajji gexa marak qaafiyat nagay aniinah sumqat faxxiimaamih taagah fokkaaqo elle aban aracih tittingey Samarak kaxxabba hospitaalallih abeenimih taagah fokkaaqo sumaqta kaxxaba hospilak luk yamaateenim faxximta tahallih kassiise

  Addis Ababa Kaxxa Garabluk 10/2019 (ENA) 2019 Liggidih Cajju Maysrraqa Yamaate Kameesik Qimbisak Gexsitelem Itiyoppiyak Isiliminnah Caagiidak Daga Raqta Malah Buxa Tiysixxigem. Malâ Buxa Teceh Tan Mayblaalaqal 2019 Liggidih Cajji Maysarraqa Qasriinole Gurral Maysarraqa Fantenaanil Gexsitelem Qaddoysen. Cajji Safarah Xiqsisso Kibtah Tan Marittek Inkih Maysarraqah Udduurul Yunkuttubeenim Faxximtam Kassiisen.. Maysarraqah Uddur Qasri Teknoloojit Cattiimak 33 Fantenaanil Kaxxa Garabluk 12- Agdabaxissoh Alsak 10 Fan Gexsitelem Qaddoysen. Asanati Cajji Safarih Lakqo 827,000 Birri Kinnih Tanim Malâ Buxa Qaddossem.

  Addis Ababa ,Kaxxa-Garabluk 10/2019 (ENA)Baad Caddol 14 Haytoh addaay Baaxo Caddol 9 Hayto addah Yassakxxen Baadak Catta Sayyoh Ayro " Dadaltah tan Say Xayloh Niya Itiyoppiyak Beeri Qaago " Inta itrol Amo-Gacsi Taddeera Assakaxxuk Geytiman . Tama Gudgud Rakaakayak Sayyo Kee Ayyuntiino Caagiidah Biiro Save-The Children Kee Plaan International Xiqsitta Cugaysoosa Luk Cattiimak Missoosen.   Akkel Geytimeh Yan Rakaakayak Sayyo Kee Ayyuntiino Caagiidah Biirok Ayyuntiino Langil Biirok Ciggiila Saqal Gifta Macammad Dawud Sayyol Takke Ganaasaqo kee Umaadoobi Caaloota Tenek Kalalaanam Sayyok Dibuh Qambalsintam Akke-Waytam Ascassuuk Faxe Qaynatih Caalootay Sayyol Booddah Tani Kalalaanam Binaadamiino Gar Kinnih Tanim Baxxaqise . Shariiqa Cokmih Buxa Awlisak Yab Abeh Yan Sheek Awwal Macammad Iyyeemih Isilaaminna Diini Say Baxah Yeceeh Ya Caddo Fula Lem Kassiisak Sayyo Sinnim Tu Akke-Waytam Kinnuuk Ganaasaqok Ken Cataanam Faxxintaah Tummiqitti Keenik Dacrisaanam Islaaminna Diinih Farrinto Kinnih Tanim Yiysixxige .   Gifti Faatuma Canfaxe Rakakaayak Sayyo Kee Ayyuntiino Caagiidah Biirok Sayyo Gaar kee Raddi Gacsaanamih Xayrikteer Kinnuuk Inteemih Sayyo Kak Raqte Caagid Wali Caddol Bica Malim Kassiisak Sayyo Baritto Takkuuy Faxe Ayyuntiinooy Siyaasa Kee Madduur Caagiidal Gabah Agle Keenik Maqarroosaanam Faxxintah Tanim Diggosse . Illacabol Qafar Sayyok Dadalat Gexe-Kalit Takkem Maca Kinnim Wagittaamal Fidin Walal Abak Foocah Takkem Faxxinta Caagiidal Walalak Geytiman . Tama Gudgudul Rakakaayak Fayya Le Miraaciinuuy Fanti Miraaciinu kee Diini Abbobtiiy Sayyoh Exxaaxi Edde Tengeleh Tanim Qafarak Mangaafa Retteemah Oytal Yescessen.

  Addis Ababa Kaxxa Garabluk 09/2019 (ENA) Qikkibow Doolat Diini Fantenaani Salaam Diggoysoonu Kee Maqarle Doolat Xisneh Leh Tan Doori Maqarrosak Gexxuh Hangi Kah Cayuk Taamitak Geytimtam Salaam Malaakak Bood Fidga Kee Salaam Xisneh Exxah Malaakih Xeeta Kayraddin Tezerra (Phd) Qaddoysem. Salaam Malaak Fanti Itiyoppiyah Rakaakayalluk Cattiiimak Diini Fantenaani Salaam Xisneh Leh Tan Doori Wagsiisak Hangisso Gudgud Gexsen.   Ta Aracal Salaam Mlaakih Xeeta Kayraddisn Tezerra(Phd) Diini Fantenaanidiini Barittok Taturak Salamaay, Kookacanuuy, Qafuuta Kee Saittaliino Barisak Sarriinole Salaam Yanuh Kaxxa Doori Loonum Yescessem. Qikkibow Doolat Diini Fantenaani Salaam Xisneh Leh Tan Doori Cedak Hangi Kah Cayuk Taamitak Geytimtam Qadddoysem. Qikkibow Doolat Diini Fantenaani Salaam Diggoysoonu Kee Maqarle Doolat Xisneh Leh Tsn Doori Maqarrosak Gexxuh Hangi Kah Cayuk Taamitak Taamiteloonum Qaddoyseh Malaak Xeeta Kulli Numuh Gabat Agle Faxximtah Tanim Kassiisem.   Fanti Itiyoppiyah Rakaakayak Salaam Kee Say Biirok Ciggiila Saqal Gifta Sherif Legaso Taafem Xiqtah Tan Say Bohoyitte Agaaradaay, Walal Kee Sitingey Ginak Taqabi Isinni Duddal Yafdigeenimih Qaada Maqarrowtam Faxximtam Yescessem. Ta Caddok Asaaki Gudgud Rakaakay Salaam Maqarroowuh Kaxxa Doorilem Qaddoysem.

  Addis Ababa Kaxxa Garabluk 08/2019 (ENA) Magaalâ Sugmentitih Qidiinole Buxaaxih Xayyoosih Antifiqimiyyi Yanuh Taamitak Geytimaanam Magaalâ Xiinissoh Saqla Gifti Axaanech Abebe Qaddossem.   Magaalâ Xiinissoh Saqla Aqhaaqhi Qhalliitih Boggonnet Gandah Kalqatih Dooqaysoh Taddeeral Geytimak Baaxô Meqem Barleela kee Cayla Dagoytiitih Buxaaxi Tabissem.   Magaalâ Xiinissoh Saqla Ta Aracal Tatrusseh Tan Farmol Dariifa Duma Luk Sugteh Tan Ceelo Manoh Muquk Suge Waytem kee Sugmentitih Agibbiyuk Suge Wayteh Tanim Qaddossem.   Duma Idaalitteeh Raddeh Sugteh Tan Awdâ Qarwa Milaagimak Qasriinole Kalqat Xisak Saytuniih, Sehdayti Baxah Tagibbiyeh Tan Innal Xissimteh Tan Qarway Dariifak Ceelo Milagta Xiseenih Yaniinim Tescessem.

  Aysaqiiti Hospitaalih Caddol Misenkecâ Qaafiyatah Hangi Yaceenim Wasgiisak Baadak Misenkeca Qaafiyatih Ayro Qax Meqe Gurral Assakaxxuk Maacisen. Tama Aracal Qaafiyat Biirok C/Saqalah Yan Gifta Witikka Noorey, Qaafiyat Biirok Management Makaadoh Adoytiitiy, Hospital Miraaciinuy, Mihratleelay, Diini Abbobtiy, Rasi Kasley, Qunxaaneyta Kee Meqem Abbittoh Eglaalih Awlaytit Geytimteh Sugtem Tamixxige.   Tama Aracal Geytimak Yab Abteh Sugtem Qaafiyat Biirok C/Saqalah Yan Gifta Witikka Noore Kinnuuk Iyyeemih Misenkca Qaafiyat Iyyaanam Gersi Lakimak Akah Qaffootan Innah Akak Qaffootanam Duudan Lakima Kinnuuk Ummatta Hangisso Yaceenim Kee Misenkeca Qaafiyatih Taqabi Le Mari Dayli Arac Amma Iyyeenih Akah Xayliman Innah Takkem Faxximta Axcuk Kassiise. Tonnah Kaadu Samarâ Jaamiqat Qafar Rakaakayih Caddol Misenkeca Qaafiyatih Dalka Macaddot Tanim Tascasse Kusaq Kutbeyta Tama Taddiirah Aracal Xayyoosenih Sugeenim Tamixxige.   Qagitaak Kaadu Intiita Taqabi Le Marak Fokkaaqo Abak Mabul Taqabitte Le Marah Inti Meraaya Yaceenimih Taddiira Gexsitak Maacissem Tamixxige. Ellê Cabol Qaafiyat Biirok C/Saqalah Yan Gifta Witikka Noore Kee Qaafiyat Biirok Management Adoytit Qaafiyat Biiro Kee Qaafiyat Malaak Sitta Luk Cattiimak Aysaqiiti Hospitalih Gasoh Addal Xisak Geytima Misenkeca Taqabi Le Mara Dubuh Elle Xaylisaanah Elle Hanaawisaanah Yanin Qarwah Xisoy Akkuk Geytimata Macaddot Taniimit Gufne Aben Qafar Rakaakayak Qaafiyat Biiroh Oytal Yescessen

  Addis Ababa Kaxxa Garabluk 04/2019 (ENA) Qafar Rakaakayal Rosqâ Milaagih Taqabi Sababah Qokol Faxxah Tan Maritteh Binadamiino Qokol Guddos Akkuk Geytima.   Axaamak Daroh Istooruk Yeerren Daro Sissik Binadamiinô Qokol Qafar Rakaakayal Aakam Kah Yacen Dagaritteh Keefimak Geytimta.   Asaaku Bixi Daqaarak Girriifoh Awdal Mango Dagaritte Gudduyseenih Yaniinim kee Ta Ayyunti Exxaaxi Qokoluh Gadda Gacissem.   Qokol Kah Yekkeh Yan Dagarittek Gifti Mayram Qabdu Abeenih Yanin Qokol Xaylo kee Inkih Yan Buxammara Yoofe Sugeh Yan Maaqiddak Taqabik Fidga Takkem Kinnih Tanim Tescessem.   Kalah Kaadu Qokol Kah Yekkeh Yan Asiya Macammad Dariifal Yoofeh Yan Taqabi Cedak Doolat Ta Qokol Abteemih Faatit Keenih Yaguudeh Yanim Qaddossem.   Qafar Rakaakayak Qawwalayla Kalalih Komishinik Keebo Mexxat kee Lowsis Buttas Saqal Gifta Macammad Qabdalla Rakaakayah Aakam Kah Yaceenim Faxxinta Ayyunta Gudduysak Geytimaanam Qaddoysem.   Bixi Daqaarak Buqre kee Ginô Gaddih Kutbeh Buxah Saqal Gifta Yuusuf Macammad Rosqâ Milaagih Sababah Ta Dariifal Yoofeh Yan Qabaraak Gexxaamah Ayyunti Taqabi Addat Yanim Yescessem.   Tohih Taagah Doolat Yanih Yan Taqabi Cedak Binadamiinô Qokolih Guddos Abteh Tanim Kaxxaam Faxxiima Qokol Kinnih Tanim Yascessem.      

  Addis Ababa Kaxxa garabluk 4/2019 (ENA) Qafar Rakaakayal Rosqâ Milaagih Taqabi Sababah Qokol Faxxah Tan Maritteh Binadamiino Qokol Guddos Nammay Hayto Addah Gexak Geytimam Itiyoppiyak Qawwalaylah Bohoyih Kalalih Komishin Yiysixxigem. Axaamak Daroh Isrooruk Yeerren Daro Sissik Binadamiinô Qokol Qafar Rakaakay Fan Gexak Geytimam Komishin Qaddoysem.   Gino kee Sehda Qawwalaylah Rakaakayitte Isinni Duddal Raddi Yacoonuh Macalak Geytimaanam Yescesseh Yan Komishin Aakam Kah Yacen Dariifah Ossotina Binadamiinô Qokol Abak Geytimaanam Qaddoysem. Tahak Ugutak Qafar Rakaakayal Sissik Qokol Faxxah Tan Dagaritteh Qokol Gufsak Geytimaanam Yiysixxigem.   Qafar Rakaakay Isi Duddal Abah Yan qokom kee Kattat Elle Yan Innal Anuk Komishin Qokol Kee Kattat Abk Geytimam Yescessem. Tahah Axaamak Qokoluh Istoorul Gacteh Tan Daro Teerreh Tan Makaayin Qafar Rakaakay Fan gexak Geytimtam. Qimboh Addah Ruuben Maaqiddi Qokol Rakaakayak Baxaabaxasale Le Dariifa Fanah Gexak Geytimam Tamixxige.

  Addis Ababa Qunxagarbluk 27/2019 (ENA) Itiyoppiya Kee Naijeeriya Qaafiyatle Horah Ginnimtuh Maqarle Rakiibo Xisak Geytimaanam Ciggiila Naharsi Malaka Temesgen Tiruneh Qaddoysem.   Ciggiila Naharsi Malaak Ayyuntiino Retteemah Guubul Tatruseh Yan Farmol Beerih Afrika Milagimtuh Alaaqah Qaafiyat Dacrisaanam Faxximtah Tanim Yescessem. Tahal Ta Namma Baaxo Sittalluk Taamittek Xaloot Baaheloonumuh Akkal Leh Yanim Yescessem. Ta Namma Baaxo Baaxabaxsale Ludittel Sittalluk Taamitoonu Waanahy Yaniinim Qaddoysen. Alaaqak Asaaki Qaafiyat dacrisaanam Afrikak Beerih Dudda Kinnim Yescesseh Yan Ciggiila Naharsi Malaak Namma Baaxooxah Mirocti Garuqluk Sittalluk Taamitak Rakiibo Takke Taama Abak Geytimaanam Qaddoysem.

  Irrechah Faatitiiy, Salamaay, Kookacanu kee Inkiinoh Asta Kinnim Ascassuuk Qaadâ Nihirik Kalah Kookacanuuy, Toobokiinu kee Sittaliinô Nihir Elle Iffoowa Qaffayda Kinnim Qaddossem. Magaalâ Xiinissoh Saqla Ayyuntiinô Retteemah Guubul Tatruseh Tan Farmol Qaffayda Salaam kee Saayah Gaba Kalteh Tanim Tescessem.

  Ta Qaffaydal Geytimte Abba Geda, Hada Sinke, Kerro Kee Kerre Anxarin Qayso Gabat Abbaxuk, Qilili Kee Ruftol Mekka Fanah Gexak Geytiman. Tama Qaffaydat Yangaleh Yan Mari "Meeree Hoo...!" Axcuk Rufto, Inkiino Kee Galto Edde Qaddoosan Gad Abak, Isinni Degeltah, Tatre Sanatak Salaamah Taturra Iyyeenih, A Dabaanah Gufeenimi, Karma Qubul Katak Isi Racmatta Ruubeemih Gadda Sitta Lih Xayyoosak Melka Fanah Gexan.

Irrecha Qaffayda Toobokiino Salaamay Ku kacnuuy Sittaliinoh asta kinni

  Addis Ababa Qunxagarabluk 23/2019 (ENA) Hore Finfinne Irrechah Qaffayda Addis Ababal Assakaxxuk Geytiman. Ta Qaffaydat Baxaabaxsale Dariifak Qaada Sartanat Gacak Addis Ababal Qaffayda Elle Yassakaxxeenih Yanin Irrechah Parki Fan Gexak Geytiman. Oromoh Gexa Siiratak Tiyak Teenah Tan Irrechah Yassakaxxe Ayyunti Qaxalennal Assakaxxuk Geytiman. 2019 Liggidal Irrechah Qaffayda Irrecha Agat Sittingeyih Inta Itrol Assakaxxuk Geytiman.  

Addis Ababa Qunxa Garabaluk 22/2019(ENA)Naharsi Malaak Abiyyi Acmad (PhD) Irrechah Qaffaydah Wagsiisak Tatruse Farmo

  Addis Ababa,Qunxa Garabluk 22,2019 (ENA) 8Heele Irecha Forom Addis Ababal Gexsitak Geytima. Tama Gudgudul Oromiyah Rakakayih Saqal Shimelles Abdisa Kee Addis Ababah Magaalah Xinissoh Saqal Adanesh Abebe Kee Doolatak Fayyo Le Caddoh Mirocti Edde Tengele Tama Gudgudul Rakaakaya kee Magaalah Xinissoh Saqalowtiy Doolatak Fayyo Le Caddoh Mirocti Edde Tengele

Beerih Afrikah Qaago Aybullluyuk Geyimta Addis Ababa Awayih Uddur Ayballayuk Geytimta Milaagi Qaranguba Magaalaoluh Ceelallo Kinni. Ta Tabaatabsi Gersi Afrikah Baaxooxah Magaalooluh Anbad Kee Qusba Qaago Yekkeh Geytima. Magaala Daddos Inki baaxok Ayyuntiinoy,Qidaddo Kee Rakiibo daddosih Bilqa bahsiisak Ayyuntiino Maqiishat Kee Taamah Arooca Akah Bicisan Innih Aglele Gexso Kinni. Sissikuk Ummatta qadad Elle Osak geytima itiyopiiya,Awayih uddur Aydaadu Akak Magaala Bica Kee Weelolah Milaagih Addat geytimta. Itiyioppiyal taturte Sanootat Yemeteh Yan Milaaguk Ugutak Magaala daddosih Luddah Dumak baxsalennal Hangi Geyte. Doolata Magaala dadalay,Turuzim Kee Investementi Fanteena Aboonuh Qimbiseenih yanin Mega Cugaysoosa Magala Wello Inki Tanuk Milaagak Geytimta. Addis Ababah Magaalak Qimbisak Baxabaxsale Rakakayittek Inayta Magaalool Fanah Gexe Koridor daddos Itiyoppiyak Magaalol Aydaadul Kaxxa Milaagu Bahsiise. Koridor Daddos Ceena Luk Sugte Gititte Akah Baarisan Innay Tonnah Trafik Qawwalayla Akah Daggowtannah Kaxxa Oftoy Geysiise. Ossotinah baad caddoh Weeloola Kibta Baar le Ibi Gitittey,Saykil Gitittey,Erkanna Le Marih Gititte Edde Anuk Baar Le rakiibo daddositte ginnimte. Magaalah Ayyunti Gufne Edde Aba Aroocay dacooh Arooca kee Mafraqa Kursitte Kulli Kordiror Daddosih Cugayso Lih Xissmite. Magaalah Bica Le Maqiishat dariifa Akah takkennah Baar Leh tan Parkitte Kee Anxaxin Aroocah Cuagysoosa Bicimmte. Tahala Inkittinaane Parkiy, Intottoy,Shegger Kee Saynis Muziyemih Parkitte Xisak Ayyunti Gufne Edde Akah Abannah fakimut Heen. Duma Guddafah Sugte Arooca Qaxmaqaane Bahsiisak Wacaysir Arooca Fanah Akah Kortannah kaxxa Caddo Fanah Korisen. Anxaxin raatih tadderal Kulli Sanatal Billiyoniyatal Loowimta Cooxitte Daabisak Magaalol Kee dariifak Rusqa Milagitteh Taqabi Akah Raaqisan Innaih Gexsitil Kaxxa maysassa Aben. Taama saamih Ginttey,Maaqidda Xayyosul Kaxxa Taamoomi Akkuk Geytimta.