Gumruuk komishin maqar le xisne luk xissiima taama fooca fanah diggowtam akkele .

Addis Ababa Ximolik 5 Sanat 2017 (ENA)

Komishiner Debele Qabeta Qagitaak Maqar le Xisne Leh Tan Itiyoppiyak Gumruuk Komishin Xisaanamih Taama Bisoh Axcelem Qaddosse.

Itiyoppiyak Gumruuk Komishin Milliniyoom Handagal Qusba Aydakaakaniseenit Arcibisso Abak Geytiman.

Tama Gudgudul Itiyoppiyak Gumruuk Komishinik Komishiner Debele Qabetaay, Addis Ababah Jaamiqatak Elle Suga  Pirezdantih Yan Samuwel Kifle (Dr) Tonnah Arcibisen Qibna Edde Tengele.

 

Tama Komishiner Debele Qabeta, Tama Uddur Tatruseh Yan Farmol, Gumruuk Komishin Maqar le Institution Xisoonuh Baxaabaxsa Le Taamoomi Abak Geytimaanam Qaddosse.

 

meqem kaban kee diggale sahdayti gadda dadlisaanam, qasri gexsititte kee edde xintitte bicisaanam kee xiso teknoloojit bicisaanam taama gexsitak geytimtam warse.

Sidica Alfiik Dagga Takke Qusba Taama Abeenit Inkih Tan Baaxok Tamlisenim Komishinik Sahdayti Caylih Osotinah Maqarosanam kini.

Tahak Mihratleela Aydakaakan Meqennal Angaluk Keenih Yeceenih Yanin Missoynah Bicisoonuh Kassiise.

Maqarle Rakiibo Leh Tan Komishin Xisaanamih Taama Fooca Fanah Diggoowak Geytimtam Kassiise.