Dijital Faynansih Siirat Diggoosiyyal Maqar Le Taama Akkuk Geytimta

Addis Ababa Ximolik 8 Sanat 2017 (ENA)

Dijital Fanansih Siiratal Inkih Tan Baaxo Xaylo Wadbisoonuh Hangi Akah Acayuk Elle Taamitak Geytimaanam Agat Bankih Saqal Mammo Mihretu Qaddoose.

3 heele Ixxiga Kobox "Artefishal Intelejensittet Antiffiqimuk Faynanis Langil Qusba Qadaaga Kee Mayballa Fakaanama" Inta Maxcol Gexisak Geytiman.

Gifta Mammo Tamakkel Abeh Yan Yaabal:- Maaliyyah Siirat Dijitaala Fan Milaagak Inkih Tan Baaxo Xaylo Faynansi Xayyoosiyyih Ayfaafay Akah Geyan Innah Oggoysim Le Gurral Taamitak Geytimaanam Qaddoose.

 

Artefishal Intelejensih Oyta Missoosanam Kee Dijital Faynansih Siirat Assakat Akah Yallennah Abtam Kinni Axcuk Yiysixxige.

Ta Langil Yanih Yan Dudda Kee Dijital Faynansih Xayyoosiyya Fayya Hoonuh Baaxo Xayloh Sissikim Kee Kibal/Aamanti Lee Maaliyyah Xayyoosiyyih Guddussol Taamitak Geytimaanam Yescesse.

Master Kard Fawundeshinik Itiyoppiyah Saqal Meftihe Taddese Is Le Katuk 

Dijital Faynansih Siirat Fayya Haak Qunxaaneytak Dudda Kee Hadal Fayya Akah Hannah Qokol Abtam Kinnim Qaddoose.

Itiyoppiya Aysiisuk Geytimta Baxaabaxsa Le Pooliisitte Dijital Faynansi Dadlissuh Kaxxa Sami Lemi Kifiyya Faynans Teknoloojik Leena Taama Gexseh Yan Munir Duri Qaddoose.