Qunxaaneyti Rakaakayal Salaam Dacayrih Xongolo Yakkem Faxximta - Workneh Gebeyehu (Dr)

Addis Ababa Ximolik 8 Sanat 2017 (ENA)

Ayro Mawqah Afrikak Doolatak Fanal Daddos Caagiidal (IGAD) Naharsi Kutbe Abeh Yan Workneh Gebeyehu (Dr) Rakaakay Salaam Xisneh Gexsitil Leh Yan Doori Osisak Qunxaaneyti Salaam Xongolo Akah Yakkennah Seeco Xayyoose. 

Qimboh addah IGAD Rakaakayak Qunxaaneyti Salaam Kee Saay Gudgud Kiiniyak Nayroobi Magaalal Asaakih Ayro Qimbisen.

 

Tama koboxul fakken yaabal IGAD kutbeh buxah saqalah yan Workneh Gebeyehu (Dr) elle yescessennal, salaam sinnim qunxaaneyti yascubeenim duude waytam qaddoyse. 

usuk yescesseh yan qunxaaneyti rakaakayal salaam xongolo takkuh nagay tangaleemi. 

Qunxa Miraciini Baxsaluk Bood Kalalu kee Booduk Lakal Xinnisoh Xisneh Doori Digiranam Faximta. 

IGAD Rakaakayal sarrimaane le Salaam kee Xakak yamaatuh kaxxa taama abak geytimtam qaddoyseh yan Naharsi kutbe abeyni, qunxaaneyti ta caagidil salaam ambasadder yakkem faxximtam qaddoyse.

Qunxaaneyti kaaduk Rakaakay addal yan gersi qunxaaneytih cakki kee tuxxiiqih taamitaanam faxximtam yescesse. 

Rakaakay egla Bood Kalaluu kee raddi raddih radmoomal Qunxaaneyti isinni ayyuntih addal salaam inti kee ayti akah yakkennah taamitak geytimam qaddoyse.

Ta Rakiibo Digirak Isi Doori Salaam Dacayri Ken Baaxooxa kee Rakaakayih Bood Caagida Baxisak Oyti Tabaatabsa.

Qunxaaneytak kalah ayyunti mirocti bood kalaluu kee booduk lakal raddi gacsaanamal aydakaakan akkuk geytimaanam kee gabat agle akkuk geytimaanam warse.

Naharsi Kutbe Abe Yescessem IGAD Fanteena Xakakway Kalalaanam kee Kalalaanam Xakakway Addah Yaynukusoonuh Doori Digirtam kee Qunxaneyti Kaadu Isini Doori Digirak Geytimam.

Naharsi kutbe abeyni qunxaaneyti isi cankah tuxxiiqik muxxi isinni ayyuntih addal salaam dacrisoonuh waklentit akkuk isinni masquuliyyat yawqeenimih seeco xayyoyse. 

IGAD Jappaan Doolat Lih Cattiimak Bicisse Qimboh Addah IGAD Rakaakay Qunxaaneytih Kobox Salaam Kee Saay Wagsiisak Beera Fanah Gexsitak Geytima.

Qunxaaneyti Rakaakayal sarrimaane le saay kee sabhalal bahtu waah yan calli xayyooseloonum  IGAD kutbeh buxak geyte oyti yascasse. 

IGAD Rakaakayal Boolul 60 Daga Takke Baaxo Xaylo Karmak 30 Guba Kinnim Oyti Yascasse.

#Ityoppiyah_Xaagi_Raceyna 
#ENA 
#Ityoppiya