Qafar agatih rakaakayak ciggiila xintoh abbaay Ardi xiinissoh biirok saqalah yan massakaxxale gifta Qumar Nuur Qarba Galli maroh egalak binaadamiino qokol koobaahissa exxak itiyopah tan biirok ciggiila xaarikterih yan gifta Clever Maputseni isi biirol kaa arcibasak yaabise

Addis Ababa Ximolik 8 Sanat 2017 (ENA)

Massakaxxale gifta Qumar Nuur Qarba Qafar rakaakayih caddol yan binaadamiino caalat wagittaamal baxxaqsa kaah abe. 

Tama baxxaqasal, Qafar baaxo manho qawwalaylooliy dirribuh tanih iyya qagaaqagitak elle taafe rakaakay kinnim yescesse. 

Qafar agatih rakaakayih doolat isi caddol binaadamiino qokol afto aracat gactuh kaxxa macal abak geytimam nagay addafakoot abeek sarra galli maroh eglak eglak teenah tan OCHAl tamixxige egla kaadu ni rakaakayih caddol faxxiima koobaahisso meqe gurral taamitak geytimta yaanam iyye. Kalah, rakaakay aba macak exxah kaadu binaadamiino qokol faxxiimam kinnuk, isinni doorik akah yawqen innah kassiise. 

 

Tonnah Mr. Clever Mapatuseniy OCHAk itiyopial ciggiila xaarikterih yan iyyeemih, Qafar baaxo mango qawwalayloolit tamutukke baaxo kinnuk, mango qokol faxxa ummatta tanim cubbit haak, ahak duma elle abak sugnennak baarle gurral muhimmat yacoonu waanam yoysixxige. 

Ellecabol Qafar rakaakay keenih abah yan cattiimiyyah kulsale gadda gacsa yaanam iyye.