Makiina(Baabur) Alle Sinniih Makiinâ Gita Alle Sinni Magaal.

         Addis Ababa Laqinik 6 Sanat 2017 (ENA)

Nezerlanxik Kilbatti Qaxat Raqta Qunxa Magaala Kinni."Gituren"Tet Migaq Kinni.Gita Sinni Magaalah Migaq Kaduk Le.

Ta Magaala Ta Migaq Kah Tallem Duddem Kokkobiseenitih Wuli Qaynatih Gita Alle Waytaamih Taagaay Kinni.

Geturen Magaalak Gexô Dooritih Tanim Leê Gitittel Tan Doonikwaa Kee Saykiliiy Kinnim.Tonnaah Ibah Gexaanam Sidoc(3) Haytô Doorit Kinni.

NezerLanxik Geturen Magaalal Taamah Gexoonuu Kee Ayrook Ayroh Taama Aboonuh 500-600 Fan Takkeh Tan Magaalâ Doonikittet Yantiffiqeenim Dirkiiy Kinni.

Baxaabaxsa Le Baad Baaxooxak Geturen Magaalâ Fan Wacaysirih Tamaate Maritte Takke Way Giti Ane Sinniimih Taagah Makiinat(Baaburut) Gexaanamaay Maduudan.

Geturen Leh Tan Leel Gexxa Gitawa Xer Udduuraak Xabba Haanam Mihrat Kee Duddal Missowte Gitwa Kinni.

Ta Gitwaay Magaalak Affara Katuk Inkih Tangooroweh Tanim (Littel Big Storih) Oyti Yascasse.

Magaala Leeh Amol Xissimteh Tan 176 Takke Holholitte Doonikittee Kee Sehda Inkih Elle Gexxuu Kee Tabtuh Takkem.

Ta Holholitteliiy Taraafiik Taqabittee Kee Manga Elle Aninnaaih Gurral Alfimtaah,Fakimtah Tanim Kee Ta Gititteh Dacayrit Tan Dagorti(Bridge Guards) Le.

Ta Magaalak Cakkumuk Taniimih Gersi Magaalol Girâ Bargusiyyih Makaayin(Baaburtte) Kah Lennah Gituren Girâ Badisiyyih Doinikitte Le.

Girâ Qawwalaylah Doonikittee Kee Taama-Abeenitih Taama Girâ Qawwalayla Kalalaanam Kee Leet Sutta Doonikitte Kalalaanama Kinni.

Kulli Sanatal Wacaysirih Ta Magaalâ Fan 1 Miliyoonih Gaba Bahta Maritte Cultah Taniimit Yaaban.