Addis Ababa Waysuk 05/2018 (ENA) Addis Ababah Poolisik Daga Raaqa Miracsenti Elle Yeceenih Yanin Salaam Dacrisaanamih Kalah Baaxô Kunnabna Baad Gudgudul Fayya Hayta Sportih Digir Abeenit Ginak Geytimtam Letenal Jeneral Asrat Xenero Qaddoysem. Addis Ababah Poolisik Daga Raaqa Miracsenti 2018 Liggidal Fayyale Xalu Lowsisse Pooliis Adoytiitih Sportih Bilhadah Dadalaay, Maali Acwa kee Mammaxxaga Taddeera Gexsem.   Ta Taddeerah Aracal Daga Raaqa Miracsentih Amrise Letenal Jeneral Asrat Xenero Malcin Heele Amolladi Dooro Salaamah Gaba Kaltuh Pooliis Kaxxa Doori Digirtem Yescessem. Ta Mamaxxagâ Taddeera Mayso Orbisseh Tan Sporti Digir Abeenit Aydukuumusaanam Hadafah Leh Tanim kee Foocah Pooliis Fanteenaani Qiki Sportih Digir Abeenit Ginaanamal Hangi Haak Taamitelem Diggoysem.

  Addis Ababa Laqinik 27/2018(ENA):-Dagarah Cayla Tace Waasimteh Tan Cooxwah (Doping) Antifiqiyya Waasaanam Elle Duudan Fanteenaanî Dudda Xisak Geytimaanam Ta Abbootanih Xayrekter Mokonnin Yixersalaay Yescesse.   Itiyoppiyakaay Cayla Tace Cooxih Kalalih Abbootan Dagar Diig Addat Waasimteh Tan Cooxitteh Antifiqiyyaa Kee Cogdaadi Wagittaamal Dagar Diig Xaagu-Qawah Hangissô Gud-Gud Axaamah Magaalalaay Gexsem.   TaGud-Guduluuy Waaso Leh Tan Coox Hinnammay Doing Kee Ta Cogdaadi Baaxoh Caddol Digga Luk Waasoonuh Dagar-Diig Xaagu Qawa Isi Doori Leh Tanimiiy Yescessen.   Ta Abbootanih Xayrekter Mokonnen Yixersaal Elle Yescesseh Yan Innalaay Baaxoh Caddol Ta Coox Kee Cogdaadi Waasoonuh Dagar Diig Ayyunta Kee Xaagu-Qawah Hangisso Cayuk Milaagi Yamaatem Duudumtah Taniimitiiy Yaabe.   Cattah Tan Coox Kee Daylitteh Lowsis Kee Kattat Meediyak Baxisak Abaanam Duudume Waytah Tanim Kee Tahahaay Mediya Kaxxa Doori Digirtam Faxximtam Elleey Ugsen.   Ta Walal Gud-Guduluuy Baad Caddooy Qaran Gubaa Kee Itiyoppiyah Caddol Ta Daylittee Kee Coixuuy Cogdaadi Wagittaamal Kusaq Kutbeeba Elle Xayyoiwak Kusaaqisakaay Geytiman.   Ta Daylittee Kee Coox Lowsiisoonuu Kee Waasoonuhuuy Baaxoh Caddol Maloktit Malah Buxah Kuktih Ixximak 400/2009 Qaaqa Kah Cayuk 8 Sanootah Addat Kaxxa Taama Abak Yemeeteh Yanimiiy Timixxige.   Ta Guduluuy Ugtteh Tan Ximmooma Aracat Gactuhuuy Sissin Mediyaayil Tah Wagsissah Tan Xaagittee Kee Prograamitteey Baxsa Le Gurral Missoosaanam Faxximtah Tanim Elleey Ugutte. #Itiyoppiak_Xaagi_Rcrena #ENA

  Addis Ababa Laqinik 8/2018(ENA):-Gaanak Akral Gexsitak Geytimtah Tan 24 Heele Afrikak Atletiksi Champiyoona Asaaku Konoy Heele Arrondissement Gexsitakaay Geytimta. Labhak 20 KM Sissikasnel Atleet Mesgaanaw Wawhumaay Yeysem. Qalaylil Inik Haytoh Caddoh Awqukuuy,Agrikah Champiyoonal Namma Adda Inkih Aysuk Taham Fan Kaat Missoowah Yan Mariiy Miyan. Tonnahaay Atleet Qabdû Salaam Qabdul-Waahib Sidoc Haytoh Awaquk Nacas Meexaliya Orbiseh Yanimiiy Qaddowte.   Sayyokuuy 20 KM Sissikaaneh Qalaylil Atleet Wub-Alem Shugute Inik Haytoh Awaquk Dahab Meexaliyaay Geysisse. Ta Qalaylit Tengeleh Tan Atleet Hiwet Ambaw Ferey Haytuuy Atleet Meeri Biitaw Bacar Haytoh Caddoh Awquk Qalayli Gaba Kalsiiseenih Yaniinimiiy Yescessen. Geytimteh Tan Ximmoomah Oyta Wagsiisaak Itiyoppiya Heyday Tan Dahab Meexaaliyaayi Konooyuuy Gufteh Tan. ItiyoppiyaTaham Fanaay Ta Shampioonal Koona Dahabaay,Inki Birrii Kee Koona Nacasaay Sittat 11 Meexaaliya Geyteh Tanimiiy Timixxige Ta Shampiyoona Beeraay Gaba Kale Lem.

  Addis Ababa Laqinik 2/2018(ENA) Itiyoppiyak Atletiksi Dokinih Erga 24 Heele Afrikak Atletiksi Shampionat Yangaloonuh Asaakî Macsenta Akrâ Fanaay Haysiten.   Ta Dokinih Ergaay 31 Sayyo Kee 32 Takke Labahaay,Sittat 63 Takke Atleetwaay 12 Takke Aydakaakaniseenit Edde Tanih Tanimiiy Timixxige.   Tahat Ossitinah Ta Dokonih Addat 3 Takke Qaafiyat Mihratleelaay,3 Takke Rettiimâ Mihratleelaay,Inki Techniik Buttah Saqal Kee Buttâ Saqal Edde Anuk 6 Takke Ofishaalitte Safarat Tengeleh Tanimiiy Qaddowte.   Ityioppiyaay Kaamiroonuk Xowlal Tekkeh Tan 23 Heele Afrikak Atletiksi Shampional 5 Dahabaay,4 Birri 1 Nacasaay Siitat 10 Meexaaliya Orbisak Afrikak 4 Haytoh Caddoh Abbaxuk Gaba Kalsisseh Tanim Kee Asanat Yayseh Yan Xaloot Yamaatuh Sissin Bicitte Akkuk Sugteh Tanimiiy Yescessen.   Ta Shampioonaay Laqinik 4 Ilaa 9/2018 Fan Gexsite Leh Tanim Itiyoppiyak Atletiksi Federeshiniiy Yiysixxige.

  Addis Ababa Laqinik 1/2018(ENA):-Addis Ababak Dagar Diig Daddoosul Tekkeh Tan Taamoomi Baad Caddok Dagar Diig Taddeeraari Oggoloonuh Saami Ginteh Tanim Magaalâ Xiinissoh Saqlà Axaanech Abebeey Tescesse. Addis Ababah Magaalah Xiinissoh Malah Buxa 5 Heele Liggidak 3 Heele Madabiini Kobox Qadawâ Kassittoh Muuziyeemik Malâ Buxah Handagalaay Gexsen. Addis Ababah Magaalah Xiinissoh Saqlà Axaanech Abebeey Magaalâ Xiinissok Fayya Le Miraacinnuu Kee Malâ Buxah Adoytiit Ugusseh Tan Esseroorah Raddiiy Tecem. Magaalâ Xiinissoh Saqlà Axaanech Abebeey Malâ Buxah Adoytit Ugusseh Tan Esseroorah Gacisseh Tan Raddiliiy Addis Ababah Magaalkalaay Qunxa Horay Baaxo Tabissah Tanih Tayseh Tan Magaala Ginaanam Duudumteh Tanimiiy Kassise. Tonnah Kaaduukuuy Qunxa Cata Dagar Diig Elle Abittaah Elle Assah Tan Fantteenaani Xisakaay Missoysak Qunxa Catal Baxsa Le Taama Akkuk Geytimtah Tanimiiy Qaddose. Baxsa Lukukuuy Qunxa Cata Wakti Dagar Diig Kee Isinni Qaafiyatah Tu Keenih Xiqtah Taniimil Kah Tatrusan Innah Tekkeh Tanimiiy Tescesse. Tahalaay 495 Sugteh Tan Dagar Diig Fantteenaaniiy Awayih Udduruuy 2 Alfî Fan Dadlisak Dagar Diigil Digga Lee Qaafiyat Le Qunxa Hora Ginniimak Geytimtah Tanimiiy Baxxaqisse. Magaalâ Xiinissoh Caddoluuy Dagar Diig Daddoosul Tekkeh Tan Taamaak Ugutakaay Mangoh Baad Caddoh Dagar Diig Taddeeraari Arcibisak Gexsaanam Duudumteh Taniimitiiy Yabte. Ceelallohuuy Qasa-Dirrih Alsih Addat Dibuh Sidiica Baad Caddoh Dagar Diig Anaakaritteh Taddeeraari Gexsitteh Tanimiiy Baxxaqisse. Baad Caddoh Dagar Diig Anaakaritteh Taddeeraariy Ninni Baaxoh Qadawâ Kee Nihiritte Yaysexeexegeenimiiy,Ayyuntaa Kee Ayyunti Fanih Fanta-Axaw Ginaanamal Qunxa Horal Fayya Le Ambidiyya Ginteh Taniimitiiy Yabte. Aqhaaqhiqh Baada Caddoh Booxaay,Axey Abebaay,Addis Ababa Kee Abebe Beqheelah Baad Caddoh Koqsoh Booxaaxi Dagar Diig Anaakaritte Elle Gexsoonuh Kaxxa Doori Digirteh Tanimiiy Kassise.

    Addis Ababa Qada Dirrik 17/2018(ENA) Raas Haylu Isportiiy, Baritto kee Aydakaakan Fanteena Baad Caddoh Qalayli Gexissam Elle Xiqtah Tan Caddol Asqussubuk Ossotina Rakiibo Daddos Kak Kibak Ayfaafay Fan Culuseenim Magaalâ Xiinissoh Saqla Gifti Axaanech Abebe Qaddossem.   Ta Fanteena Ahak Afal Dooqaysiisak Ayfaafayah Qimbisiiseenik Lakal Yoofeh Yan Mettabanni Taqabi Sabab Abak Ayfaafay Soolisseh Sugtem Tamixxigem.   Ta Mettaabanni Taqabi Yanfiddiguh Hangi Kah Cayuk Baad Caddoh Kak Kibtam Xiqsissa Ossotinâ Rakiibo Daddos Edde Haak Ayfaafayah Faku Abeenim Tescessem.   Baad Caddo Leh Tan Mango Qaynatih Baxaabaxsale Digiritteey, Sabhalal Aracaay, Maaqoh Aracaay, Dukaakiniiy, Makaayin Solsih Arac edde Anuk Qasri Isportih Fanteena Kinnim Qaddossem.   Ta Fanteena Ta Saakuuk Qimibisak Baad Caddoh Qalayli kee Aydakaakanah Duddalennal Ayfaafay Qimbisseh Tanim Tiysixxigem.

  Addis Ababa Qasa Dirrik 10/2018(ENA)Inayta Magaalah Dadal Farakka Itiyoppiyah Ceelo Fayya haanamal Kaxxa Doori Digrak Geytintam Magaala Xiinissoh Saqla Gifti Axaanech Abebe Qaddossem.   Axxis Ababal Magaalah Xiinissoh Saqla Gifti Axaanech Abebe Nufaas Silki Laftoh Magaalah Footimak Arba Sixxistu Boxa Deqsitah Aracal Isportih Araca Dooqaysiisan Ayyuntah Ayfaafayah Faku Abtem.   Magaala Xiinissoh Saqla Ta Aracal Elle Qaddossennal Axxis Ababah Qunxaanyeti Isporti Kicnah Yanim Magaala Xiinisso Diggaluk Tafhimeh Tanim Qaddossem.   Itiyoppiyak Daddos Farakka Baaxo Yasgalle Dadalah Rakiibo Akkuk Geytimtam Tescessem.   Foocah Axxis Ababah Sugmentiitih Antifqimiyya Daabissaah, Saytuniih, Baad caddole Qalayli Iffossa Daddos Taamoomi Maqarroowak Gexelem Diggossem.

  Addis Ababa,Agdabaxisso 18,2018 (ENA) Kulli Namma Sanatal Gexsitah Yan inkih Yan Qafarak Dagar-Dig Qalayli 7 Hayto Qalayli Asaakih Ayro Fakkenti Tadeera Fanti Rasuh Inayta Kalluwan Magaalal Gexsen. Tama Tadeerah Aracal Rakaakaya Leeda Partik Siyaasa Langi Saqal Gifta Macammad Acmad Kee Ifederih Doolatak Ibi Koqso Fedarashiin President gifta Isayyas Jira Kee Rakaakayak Ciggila President Bilhadal Ayyuntiion Kilaster Koobahise Kee Qaaday Qunxaaneyta Kee Dagar Dig Biiro Saqal Gifta Caamida Dulla Kee Maglablela Elle Geytimte.   Tama Taderah Aracal Geytimak Yaab Abteh Tanim Leeda Missoynak Qafar Rakaakayak Luddak Siyaasa Langi Saqalah Yan Gifta Macammad Acmad Iyeemih Qunxaaneyti Langi Dadlisoonuh Qunxaaneyta Mascabat Hayta Dagar Dig Daddos Taamomi Diggowak Gexelem Yescesse.   Ciggila President Bilhadal Ayyuntiion Kilaster Koobahise Kee Qaaday Qunxaaneyta Kee Dagar Dig Biiro Saqal Gifta Caamida Dulla Iyeemih Qafar Rakaakayal Qunxaaneyta Leh Yan Dagar Dig Fayxi Arcisoonuh Kulli Namma Sanatal Gexisak Sugen Inkih Tan Qafar Dagar Dig Qalayli Sanatal inki Adda Gexsisak Qunxaaneyti Fayxi Aracat Haanam Xiqqimtteh Tanim Kassisen.   Ifederih Doolatak Ibi Koqso Federashiin President Gifta Isayyas Jira Iyeemih Rakaakayal Baaxo Caddol Qalalam Xiiqah Yan Hori Ginnimuh Dgar Dig Luddal Yakkeh Qokol Kee Kattat Taamomi Diggoysak Gexelonuh Yaninim Yeysixxigen. Ellacabol Fanti Rasuk Naharsi Saqal Gifta Bilal Darge Diimu Iyyeemih Fanti Rasih Caddol Yamaateh Yan Hori Dagar Dig Gabat Agle Haysitak Sinni Akah Milaaganinah Fanti Rasih Caddol Gexsisanam Kaxxa Doori Leh Tanim Qaddosen. Tama 7 Hayto Addah Gexsisanah Yanin Inkih Yan Qafar Qalayli Ittalakalyleh Fanti Rasuk Baxaabaxsale Daqoortil Gexsitele.

  Addis Ababa Agadbaxissok 18,2018(ENA)Fanti Rasuk Golina Daqaarak Kalluwan Magaalal Gexisak Geytiman Dagar-Dig Qalaylit Baxaabaxsa le Qibin Fakkenti Taddeera Yangaluh Culak Geytiman.   Leeda Paartik Qafar Rakaakayih Luddih Kutbrh Buxak Siyaasa Langih Saqal Gifta Macammad Acmad, Itiyoppiyak Ibi Koqsoh Federeeshinik Prezxaanti Gifta Isayaas Jira , Qafar Rakaayak Ciggila Prezxaantih Bilhadal Ayyuntiino Kilastarih Kobaahisey , Qaaday , Qunxaaneyti Biiroh Saqal Caamid Dula Kee Rasu Kee Daqoorit Miraacinni Gulina Culen.   7heele inkih Tan Qafar dagar diig Qalaylih Qusba Addah Xisen Gulinah Koqso Booxal Yemeeteh Yan Qibni Edde Angluk Dooqaysen.

  addis ababa nahris kudok 23/2018 (ENA) Tah Ibi Koqosoh Kicnah Yan Ayyuntah Kaxxa Mayso Xaagu. Itiyoppiyak 17 Sanatak Guba Geytima Ibi Koqosoh Dokon Kiiniyak 3 Kee 0 Aysuuk 22 Sanatak lakal Afrikah kaasah Tatureenimih Unkaq Ruffa Innem.   Sportih Ludddal nagay Taamitnek Ibi Koqosol Baad Caddol elle Namixxige Wakti Allat Mayanam Ta Abto ne Tablaase assakat le xaloot ge

Addis Ababa Naharsi Kudok 14 Sanat 2018 (ENA) Itiyoppiyah Ardabe Meleknat Wudu 25,hele Kaxxa Ardal 2,hele Addah Teyse. Kaxxa Arda Baadak 10 Kilo Mitirih Qalaylil Itiyoppiyal Gexsitak Geytima. Ardabeenit Fanal Yekkeh Yan Maqarle Qalaylil Sayyoh Qalaylil Ityoppiyak Kabxah Bankih Ardaleena Meleknat Wudu Teyse. Sanat 2016 Itiyyobiyal Gexsen Kaxxa Ardal Yeyseh Sugte Ta Ardabeena Nammeyhytoh Mayso Gudgudul Geyte. Ardaabeh Yan Fitaw Zerai Tet Katayak Sekenxitteek Lakal Nammayhayto Caddoh Yemeete; Meslech Alemayehu Kaadu Qalaylil Sidoc Haytoh Caddoh Gabakaleh. Labha qalaylil, qalayli kaxxam gibduk sugteeh, maysole mari dagoo sekenxitteh dubuk baxsimte. Tamakkel, Amaara poolis Dokonih Ardabe Ismaaw Wudu; Ayob simegn kee andalem aylen culaanam duuden. A Kaasiik Ossotinah Dahab Lakqo Geyteh Tan Maritteh 400 Alfi Birri Akah Geyan Innah Aben; Lakqo kee Nacas Meklitteh Mekla Geyteh Tan Maritteh 200 Alfi Kee 100 Alfi Birri Akah Geyan Innah Aben. Cuggaane Baaxooxak Kiniya kee Uganxak Tewqeh Tan Ardaabeenit Qalaylil Maqarle Qalalah Sugte. Inki Waqdi Qaalam Caddol Muqjiza Abeh Yan Aydaadi Ardaabeenit Kiniyak Xaniyel Komen kee Moses Tanuyi kee Ameerikak Khalid Kanuchi Nabah yan Itiyyobiyah Ardal Massakaxxale Qibnaytiino Kinni. Mango Baaxooxah Xaylo, Baadak Ardi Mihratleelaay, Ameerikah Bankiy, Bosten kee Chikagoh Marathon Mihratleela Edde Anuk Tama Qalaylit Edde Tengele.

Addis Ababa Naharsi Kudok 14 Sanat 2018 (ENA) Naharsi Malak Dr Abiy Acmad Kaafah Prezdentih Yan Dr Patris Metisebi Lih Walale Naharsi Malak Dr Abiy Acmad Kaafah Prezdentih Yan Dr Patris Metisebi Lih Ibi Koqoso Kee Itiyoppiya Dadalat Leh Tan Doori Maca Ceelamal Walalle Axcuk Naharsi Malak Isi Ayyuntiino Rettimal Ruube Farmol Yiysixxige. Kalah Dadalay,Sportih Faxxima Daddosuy Tonnah Afrika Ibi Koqoso Baad Gufe kee maduh Tonnnah Kaafa Lih Leh Tan Fantaxawittel Walaleenim Qaddose.

Addis Ababa, Naharsi-Kudok 13, 2018 (ENA) Kaxxa Arda Itiyoppiyal Addis Ababa Turist Wadba Kee Konferensi Turuuzim Fanteena Teetih Yayse Gurral Baariselem Addis Ababah Magaalah Xiinissok Kommunikeeshin Biiroh Saqal Haftay G/Egzabher Qaddoose.   Tama Saqal Beera Addis Ababal Gexisoonu Wan 25heele Kaxxa Arda Itiyoppiyah Qalayli Wagsiisak Tatruseh Yan Farmol:- Tama Qalayli Mango Sanootah Magaalak Qaxti Maqaane AKkuk Baadal Tet Aysexeexeguk Sugtem Yiysixxige.   Tama Arda Uxih Kinnih Addis Ababa Turuzimih Ossetina Dudda Kee Qaxtimaqaane Akkuk, Ayyuntiino Fantaaxaw Diggoosiyyal, Ummattah Inkiino, Sitta Luk Alliyya Kee Qaada Fantaaxawah Kaxxa Doori Lemit Yaabe.   Kaxxa Arda Itiyoppiyal Addis Ababa Turist Wadba Kee Konferensi Turuuzim Fanteena Teetih Baariselem Qaddoose.   Magaala Xiinisso Bica Lem Kee Sporti Turuuzim Elle Diggowtah Tan Mango Rakiibo Daddoosih Taama Akkuk, Ayfaafayah Fakkimteh Tanim Ascassuuk:- Aham Kaaduk Baas Caddibnal Yaysixeexegoonu Kee Fayya Honuh Tama Bis Le Taddeera Sittin Qokolul Diggoysak Taama Elle Akkelem Yiysixxige.   Ta Qalaylit Tangale Itiyoppiyah Xaylo Kee Ubukiya Itiyoppiyah Leh Taniimiiy Tonnah Itiyoppiyah Kacnoytiitiiy, Ayti Gexxo Leh Tan Atleetitte Addis Ababal Waaaneh Xaqul Tekkeh Tan Baar Le Rakiibo Daddoosittet Gufne Akah Aban Inah Seeco Xayyoose.

Addis Ababa Kaxxa Garabluk 27 Sanat 2018 (ENA) Halaabah Baad Caddoh Koqsoh Booxak Inik Haytoh Fotimah Xisnek Gabakalak Geytimah Yanimiiy Rasi Xiinissooy Tescesse. Ta Koqsoh Booxah Xisne Wagittamal Ityioppiyak Xaagi Raceenah Elle Qaddosennalaay Rasi Saqalak Fayabeh Yan Gifta Kadir Korot Elle Yabennal Ayyunti Gabah Assagollal Xissimak Geytimtah Tan Ta Koqsoh Booxah Xisne Gabakalak Geytimtamaay Yescesse.   Ta Xisne Siidica Mafdagal Kurruumak Xissimtaamih Mablal Abinâ Fan Culak Taamite Lonumuuy Kee Inik Haytoh Addah Xisne Qimbisenih Yaninimiiy Qaddosen. Baad Caddoh Istanxarxil Xiso Kak Takkeh Tanim Kee Ta Kulitto Baad Caddoh Koqsoh Booxa 1Miliyenih Birrik Daga Yakke Bajet Akah Yibbixenimiiy Warsen. Ta Koqsoh Booxah Xisneey Agat Caddol Digga Leh Tan Dagar-Diig Abeenit Ginnimtuh Kaxxa Doori Leh Tanimiiy Kassiise. Ta Koqsoh Booxah Xisnek Xaqut Qibina Elle Arcibisaanah Yanin Huteelwah Xisneh Wagittah Tan Gaddaloolâ Luk Walal Kee Angaaraw Qinbiseenih Yaniinimiiy Baxxaqsen. #Itiyoppiyak_Xaagi_Raceena #ENA

Addis Ababa Kaxxa Garabluk 15 Sanat 2018 (ENA) 2 hele Itiyoppiyak Qunxaaneyti Olompik Digir Asaakih Ayro Addis Ababah Magaalal Qimbisen. Ta Qalayli Kaxxa-Garabluk 15 Ilaa 23 Sanat 2018 " Qunxaneyti Olombik Digirite Agat Saadiyya " Inta Itrol Gexsitem Qaddosen.   Ta Qalaylil 19 Takke Dagar Diig Qaynatitte Akkelem Kee Kulli Rakaakayitte Kee Namma Magaalah Xiinisso Edde Tengelem Yiysixxigen. Ardi Qalayli Kaxxa- garabluk 19 ilaa 23, 2018 Gexsitele. Tama Qaffaydal Addis Ababah Magaalah Xiinissok Xiinissoh Abba Adanech Abebe, Qaada Kee Isporti Malaakah Tan Shewit Shankaay, Fayya Le Miroctiiy, Isporti Mirocti, Qalala Maritte Kee Arcibisen Qibna Edde Tengele.

Addis Ababa, Qunxa-Garabluk 9 Sanat 2018 (ENA) Nezerlanxil Gexsen 50 Heele Amsterdam Maraatonul Sayyoh Qalaylil Ardabeyna Aynalem Desta Teyse. Tama Qalaylil Birtukan Wolde 2Haytoh, Mekdes Shimelis Sidoc Hayto Awquk Teyse. Tama Xalootuk Ugut Abak Itiyoppiyah Arda Abeenit Sitalakleh Sidiica Sanootah Amsterdaam Marathonul Yeysen. Amsterdam Maraton Baadak Ardi Qalaylil Platinum Caddoh Qalayli Kinnim Warsen.

Addis Ababa Kaxxa Garabluk 9 Sanat 2018 (ENA) Ardabe Solomon Barega Jappanal Gexsitak Geytima Tokyok Garab Maratonul Yeyse. Ardaabe Solomon Barega Qalaylik 1 Saaqat 01 Sekondi kee 21 Maykoro Sekondil Selak Mayso Ge.

Addis Ababa Ditelik 28 Sanat 2017 (ENA) Itiyoppiya Kee Gabbi Afrikak Karate Sittallih Elle Taamitoonu Xiiqan Sittin Gey Feera Wara Tabatabsen. Itiyoppiyak Karate Federashionih Prezdenti Muluneh Gosaye Tam Sittin Gey Wagsiisak Iyyemihi Aben Sittin Geyi Itiyoppiyak Karateh Sportih Mihrat Leelah Mihrat Aydakakan Akah Geyan innah Kaxxa caddo Lem Qaddose.   Itiyoppiya Gabbi Afrikal Aban Baxbaxsale karaate Qalaylit Akah Tangalenna KeeKaxxa kaxxa Qalaylih Nagay Akah Bictannah Cato Lem warse. Baadak Karaate Federashionik Ciggila Prezdentiiy Gabbi Afrikak Karaate Federashionih Prezdenti Sooni Bileye Is Lekabuk Iyyemihi:-Ciggilak Itiyoppiya xagaxdigil hangi Akah Haytannah cato Abenno Axcuk Kassise.

Addis Ababa Ditelik 27 Sanat 2017 (ENA) Atletiksi Dagar Diigih Caddol Katayta Hora Diggoysaanamal Baxsa Le Taana Abak Geytimaanam Atletiksi Federetionih Perezixanti C/Komishineer Atleet Silaashi Sihanaay Qaddoyse. ‎ Konoh Haytoh Addah Baacoh Caddoh Kiroix 15 km Ardih Qalayli Welqhitteh Magaalakaay Gexsitte.   Ta Qalayliiy 25 Alfiik Daga Yakke Magaalah Ayyuntaa Kee 2 Alfiik Daga Takke Atletwa Eddeey Tengele. ‎ Itiyoppiyak Atletiksi Federaationih Perezixanti C/Komishineer Sileeshi Sihan Ta Aracal Abeh Yan Yaabalaay,Qalaylik Taturak Ayyuntak Is Kee Isinni Fanta-Axaw Kee Inkittinaaneh Kaxxa Doori Keh Tanimiiy Kassiise. Ciggilta Hora Atletiksi Luddal Diggiysoonuh Kaxxa Doori Leh Tanim Kassiisak Federaation Is Le Katuk Ta Taamah Baxsa Le Ikraaro Yibbixeh Yanimiiy Kassiise. ‎ Wilqhittê Magaalah Xiinissoh Saqal Muraad Kadir Is Le Katuk Elle Yescesseh Yan Innalaay Wilqhittê Magaalah Xiinissoh Caddoluuy,Kulli Sanat Abak Geytimah Yan Ta Ardih Qalayliliiy Katayta Hora Atletiksil Kah Diggowtannah Kaxxa Doori Leh Taniimitiiy Yabbe. Ta Qalayliiy Taturteh Tan Koona Sanoota Siitak Lakleh Gexsitteh Tanim Kassiisak Ta Qalayliiy Magaalâ Dadal Kee Ayunti Fanta-Axawah Kaxxa Doori Leh Tanimiiy Kassiise. ‎ Tonaah Dagr Diigiiy Baxsa Luk Atletiksi Baaxô Dadal Kee Saay Kee Slaamaay Koo-Kaacanuh Isikkeh Doori Keh Tanimiiy Qaddowte. Ta Ardal Teyseh Tan Ardaabah Namma Nadoh Caddol Inik Haytoh Caddoh Tewqeh Tan Ardaabah 125 Alfih Birrih Acwaay,Nammay Haytoh Caddoh Tewqe Ardaabah 50 Alfih Birtih Acwaay,Tonnaah Sidoc Hautoh Tewqe Ardaabah 25 Alfih Birri Acwah Cayuk Ta Arda Saay Kee Salaamal Tumurruqeh Tanimiiy Qaddowte. #Ithioppiya #Ithioppiya_Xaagi_Raceena #ENA

Addis Ababa Laqinik 8 Sanat 2017 (ENA) Qafar Rakaakayak Atleetikis Federeeshinik 5 Heele Amolladi Madabiino Kobox Gexsen. Qafar Qunxaaneyti Baxsaluk Atkeeletikis Caddol Qafar Awlisak Meqe Xaloot Akah Geysiisaninah Rakisoosa Baarisanamih Caddol Mango Gexekalite Sugtem kee Too Taqbitel Kaadu Xigga Luk Angicilak Qafar Atleetikis luddal Baaxo Caddol Qalaylit Akah Cultanah Qusba Addah Doorimte Taama Selta Makaadoh Adoytiitik Mango Macal Qambalsimam Rakaakayak C/Prezxaantih Bilhadal Ayyuntiino Kilaastarih Kobaahisey , Qaaday , Qunxaaneyta Kee Isporti Biiroh Saqal Gifta Caamid Dulla Yescesse.   Qafar Rakaakay Edde Yanih Isporti Wadir Raaqak Yamquh Mango Uddur Madaabino Kobox kee Faxximttah Tan Taama Abak Sugewayte Federeeshinite Qusba Addah Xisak Milaagi Taama Takkuh Rakaakay Doolat Baxsale Hangi Akah Yecem Gifta Caamid Dulla Qaddoose. Qafar Rakakaayak Atleetikis Federeeshin Gifta Macammad Shecem Prezxaanti Abak Tahal Gubal Maglab AKak Xaffeysen Mara Qafar Rakaakayak Afleetikis Federeeshinik Taama Selta Makaadoh Doorimen. 1,Macamamd Shecem 2, Saqid Ismaaqil 3, Qumar Ibrahim 4, Kulsuma Burah Abba 5, Macammad Qabdulkaadir 6, Yaasin Qali Qusmaan 7, Cabib Cuseen 8, Qabdu Rashid 9, Macammad Acmad 10, Kadir Macamad