Itiyoppiya Baddi Fage Geytuh abtah tan Macal Qokole lem Turkimanistan Qaddosse

Addis Ababa Ximolik 5 Sanat 2017 (ENA)

Turkimanistan,  Itiyoppiya Baddi Fage Geytuh abtah abta Macal Qokole lem  Qaddosse. 

Taamâ Madabah Pakistanal yan Itiyoppiyak Turkimanistan Ambassador Dr. Jamal Bakir tama Baaxok Afah Caagiidah Malaakah yan Rashid Meredov luk walale.

Ambassador Dr. Jamal Bakir ta uddur iyyeemih, Mangoh tan addaa kee iro taqabitteetak gexxaamah itiyoppiya Wayteh tan Baddi Marsoy, Aydaadu kee Muddaqiinok tani Qagitaak geytuh Taamitak Geytimta axcuk baxxaqse.

 

Itiyoppiya Baddi Marso  Geytuh abtah tan macal Baaxoo kee agat tu-xiiqik kalah Dariifa kee Qaran gubah Agleey, Daddos Kee amni Caagiidah kaxxa Doori lem diggoose.

Baddi Marsoh essero Salaam kee Diplomasih gital Baad gaanuun Rakiibo abak taamiteloonum tahalluk  diggoose.

Itiyopiya Baadak ummattah Qadadah Baddi Furda sinni baaxooxak Qimbot geytimta baaxo kinnim Yescesseh yan Ambassador Jamal, itiyoppiya Geografih casbit Gacta baaxo takkem mafaxximta axcuk Qaddoose.

Turkimanistanak, Afah Caagiidah Malaak: Rashid Meredov Isi Katuk iyyeemih, kay baaxo Turkimanistan, Itiyoppiya Baddi Marso geytuh abtah tan macal Qokolaanam kee gitak tan esseroh tableh tanim Qaddoose.

Turkimanistan Dariifah angaarawitte faxximtam kee faxe Baddi Marsoh essero leh tan baaxooxa, Baddí Marso  Geytaamal taamineh tan yescesse.

Baddí Furda Sinnih ran baaxooxah fanat sittin fanih Qokol kee Baad Caddoh Qokolitteeta faxximtah tanim Kassiise.
 
Namma Baaxo Baad caddoh gudgudittel sitta Qokolaanam kee nammay takkoh angaarawitte Diggoosaanamal sitta geenim Embassy  Rubteh tan Oyti Yascasse.