BRIIKS Itiyoppiya Kee Biraazil Fanal Kabxxa Kee Investimenti Sitta Lih Angaaraw Diggoysoonuh Saami Bicisen - Ambasadder Liulseged Tadesse

Addis Ababa Ximolik 8 Sanat 2017 (ENA)

Itiyoppiya Biraazilil Leh Tan Qidaddo Kee Kabxah Fantaaxaw Diggoysoonuh BRIKS Rakiiboh Gubat Geyteh Tan Meqe Saamit Antifiquk Biraziil Lih Leh Tan Qidaddo Kee Kabxah Fantaaxaw Diggoysoonuh Taamitak Geytimtam Biraazil Geytima Itiyoppiyah Ambasadder Liulseged Tadesse Qaddoose.

Itiyo-Birazil Tellemmo Kee Wacaysir Gudgud, Qunxa-Garabluk 16 Ilaa 18 Sanat 2018 Sao Pawlo Magaalal Gexsitak Geytima.

Tama Gudgudul Namma Baaxok Mango Kampaanitte Edde Angalele Axcuk Qambaalan.

Tama Gudgud Itiyoppiya Kee Biraazil Tellemmo, Investimenti, Wacaysir Kee Teknoloji Tabsi Luddal Itiyoppiya Kee Teknoloji Tabsi Luddal Diggowtah Tan Sittin Gey Diggoysaanam Xiiqimtam ENA Lih Abeh Yan Yaabal Qaddoose.

 

Tama Forem Itiyoppiya BRIKS Adoytiitih Tan Baaxooxa Lih Maduur Angaaraw Diggoysoonuh Abak Geytimta Macal Cato Lem Yiysixxige.

Itiyoppiya Kaaduk BRIKS Adoytiinu Gabbi-Gabbi Sittin Qokolih Fantaaxaw Akah Diggoosan Innah Abak Geytimta Macal Qokolak Isi Doori Digrelem Yescesse.

Doolat Faxxiima Luddal Baxisseh Tan Buqreey, Sanaqatay, Maqdiin Mayyaaqay, Wacaysir Kee Oyti Kee Angaarawih Teknolojih Luddal Taamitta Biraazil Investeritte Kee Kambanite Ta Foromut Angalele Axcuk Qaddoose.

Itiyoppiya Makro Ikonomik Riformittel Ginnimte Meqe Kabxaay, Investimenti Kee Wacaysir Saamitte Aysaxaaxag Abelem Ambasadder Yescesse.

 Gersi Namma Baaxoh Walal, Doolat Kee Doolat Kee Kabxxa Kabxxa Edde Anuk, Gexsitelem Qaddoysen 

Baaxooxah Fanal Qaadâ Sitaluk Qokol Diggoosuh Taddeera Gexsitele. 

Ahak Afal Baaxooxah Fanal Gexsen Kabxxa Kee Investimenti Gudgud Qidaddo Qokol Diggoowuh Meqe Saami Gintem Kassiisaak Birazil Investerittek Naharsi Investimentih Gufne Itiyoppiya Abak Geytimtam Kassiise.

Investerwah Fayxi Xayowak Maduur Xalootu Fanah Akah Tabsan Innah Macal Abak Geytimaanam Qaddoose.

Naharsi Malak Abiyyi Acmad Miraacisa Itiyoppiyah Erga Sanat 2017 Biraazilik Riyo De Janeiro Magaalal Gexsen 17hele BRICS Daffeynat Tengelem Kassitna.

Tama Koboxul Naharsi Malak Abiy Biraazil Pirezdantih Yan Luiz Inaasiyo Luula Da Silva Lih Namma Baaxoh Walal Gexse.

Ambasadder Seged Namma Saqolti Ta Baaxooxah Fanal Qidaddoh Qidaddoh Qokol Fooca Fanah Diggoysoonuh Taamitaanam Faxximtam Qaddooseh Yanim Kassisak, Tah Cubbit Haak Macal Abak Geytimaanam Qaddoose.

Itiyoppiya BRICS Adoytiinu Kinnim Biraazil Lih Leh Tan Namma Baaxoh Qidaddoh Angaaraw Diggowtuh Saami Gintem Tama Ambasadder Qaddoose.

Sanat 2026 Itiyoppiya Kee Biraazil 75 Sanatih Diplomaasih Angaaraw Assakaxxelem Biraazilil Geytimta Itiyoppiyah Embaasih Oyti Yascasse.

Ta Baaxooxa Sanat 1951 Diplomaasih Angaaraw Qemmiseenim Qaddoysen. 

#Ityoppiyah_Xaagi_Raceyna
#Ityoppiya
#Ityoppiya