Addis Ababa Agdabaxisok 22,2018(ENA) Itiyoppiyak Dooro Borxi Abeh Yan Madqa Maysaasa 7hayoh Agat Caddok Amolladoi Dooroh Gexsit Ximokraasih Gital Takkuh Meqeh Caalat Ginak Geytimitam Itiyoppiyak Siyaasa Missoynaanik Tengele Malah Buxah Qaddosse. 7hayoh Agat Caddoh Dooro Mabla Daga Raaqiyya Kee Ummatta Fayxil Rakuh Gacak Saay Kee Salaama Gital Gexsittuh Taakume Bici Taamoomi Elle Faxximta Gurral Tekkeh Geytimitam Qaddoose. Itiyoppiyak Agatak Dooro Borxi 7heele Agat Caddok Amolladi Dooro Laqin Alsak 24,2018 Gexsitelem Yisixxigem Acassuk Dooreenit Maysarraqa Agdabaxxisok 1ilaa Caxah Alsak 1,2018 Gexsiteleh Tonnah Doora Marih Maysarraqa Caxah Alsakm7illa Qadodirrik 7 Fanah Gexisitelem Qaddoosen. Itiyoppiyak Siyaasa Missoyaanik Tengele Malah Buxak Koobahiseh Yan Selemonu Ayelu Elle Qaddoosennal Dooro Salaam Kee Ximokraasih Gital Qadiino Le Gurral Takkuh Ta Malah Buxa Ikaraaru Akah Ayyaaquk Hangi Akaha Cyuk Taamitk Geytimaanam Qaddoose Salaam Malaak Luk Cattiimak Siyaasa Missooynaani Baara Le Walal Bishoftoh Magaalal Gexiseenih Sugeenim Ascassuk Salaam Sitta Luk Taamitoonuh Sitta Luk Culen Xagni Kaxxa Doori Digrak Geytima. 7heele Agat Caddoh Dooro Agatak Mabbalow Komshiini Kee Siyaasa Sabahalal Gexsitih Addat Tannwaqdi Takkem Mango Maqna Lem Ascassuk Salaam Kee Ximokraasih Siirat Xisoonuh Inkih Tan Siyaasa Missoynaani Madqa Kee Siirat Dacrisak Yangayyeenim Faxximtam Kassiise. Agat Caddol Maqarle Baaxoy Qidiinooy, Qadaalat Kee Ximokraasih Le Baxoh Xisak Taamate Horal Tabisoonuh Inkih Tansiyaasa Missoynaani Keenil Yan Masquuliyatak Yaqwqeenim Faxximta.

  Addis Ababa; Agda Baxissok 22/2018 (Ena):Iro Baaxol Geytimtah Tan Itiyoppiyah Xaylo Agat Mabbalow Komshiinik Ajenxa Gaabosiyyeh Gexsit Arah Xaguh Faxxiimah Yan Gabah Assagola Edde Haak Kaxxa Doori Digireenim Itiyoppiyak Diasporah Ayfaafay Qaddosse. Itiyoppiyak Agatak Agaarad Komshiini Abak Geytima Taama Ciggilta Horal Salaam Le Baaxoy Dadalteh Tani Tabisoonuh Takke Taama Kinnuuk Adwa Mayso Edde Kassittoh Kaxxa Saami Kinnim Ingiliiz Baaxok Birmingham Magaalal Geytimta Itiyoppiyah Ayyunti Qaddosen. Itiyoppiyak Agat Mabbalow Komshiini Rakaakayitte Kee Namma Magaalah Xinisso Iro Baaxol Geytmitah Agat Xaylok Ajenxa Gaabosaanamih Siiratak Qimbo Mafdaga Gexsitak Sugtem Tamixxige. Iro Baaxol Geytimita Itiyoppiyah Xaylo Gabi Qaxih Afrikay, Kilbatti Ameerikay, Kanadaay, Tengele Qarab Emaraatay, Siwidin Kee Ingiliz Addal Bicisen Yekeh Agatak Mabbalow Komshiini Ajenxa Gaaboosanamih Taffeerat Faxxiimah Yan Gabah Assagolla Hak Agdaabele Gurral Gexisen. Tama Gudgudul Geytimteh Tan Itiyoppiyah Xaylo Kee Itiyoppiyah Xayloh Xaylo Agat Caddol Lonuh Yanin Weeqa Kee Agat Sarriino Calli Takkem Duddah Tan Mabalooli Agatak Agaarad Komshiinil Xayyoosak Awlaytit Doorak Tabiseenih Yaniinim Qaddoose. Itiyoppiyak Diasporah Ayfaafayak Leena Dayrekterih Yan Ambasadder Fitsum Areg Elle Qaddoosennal; Iro Baaxooxal Geytimta Itiyoppiyah Xaylo Isinni Baaxoh Daddoosut Faxxiimnah Gaba Agle Edde Abak Agatak Mabbalow Siirat Elle Faxximta Gurral Arac Xaguh Kaxxa Doori Digirak Geytimaanam Qaddoosen.

  Addis Ababa; Agda Baxissok 22/2018 (ENA): 7hayto Agat Caddol Takku Waytah Tan Doorot Inkih Yan Ayyunti Exxaaxi Nagay Gabah Assagolla Edde Hoonuh Taamitak Geytimaanam Baxaabaxsale Sivil Eglaali Qaddosse. Itiyyobiyak Madqa Mihratliy Dagarerkanaleela Eglak Leena Taama Gexseenah Yan Muse Tilahun Elle Qaddoosennal Dooro Gexsot Ximokraasih Siirat Xisoonuh Dagarerkanaleela Edde Anuk Inkih Yan Ayyunti Exxaaxi Faxxiimah Yan Gabah Agle Edde Haanam Dirkih Faxximtam Kinnim Baxxaqise. Taha Rakiibo Abak 7hayto Agat Caddoh Doorot Maglabalela Luk Cattiimak Dagarerkanleela Doorot Gabah Assagolla Hoonuh Digga Luk Taamitak Geytimaanam Qaddoose. Addis Ababah Sayyoh Eglah Pirezdanti Tan Inatu Alem Endalu Sanat Agat Caddol Takkeh Tan Doorot Ximokraasih Siiratih Xisne Diggoosonuh Rakkisooosa Akah Daffeesak Sayyoh Faxxiimah Yan Gabah Assagolla Eddeaboonuh Tu Ced Acyuk Taamitak Geytimaanam Tescesse.   Tonnah 2,000 Daga Takke Eglah Adoytit Dooro Tassallaalaqo Yakkkoonuh Ankattubuk Masquuliyyat Yawqoonuh Bical Geytimaanam Asacssuk Siyaasah Missoyna Xayoosele Doorit Mablooli Agat Caddoh Doorot Sayyoh Gabah Assagolla Diggoosonuh Lonu Doori Tayubulleh Tan Abto Kinnim Qaddosse. Agat Caddoh Doorot Qunxaaneyti Gabah Assagolla Osisak Faxxiimah Yan Aydakaakana Ke Tu Ced Acyuk Agatcaddol Ximokraasih Siiratih Xisoonuh Qunxaaneyti Doori Fayya Leh Yanim Baxxaqise. Agat Caddol 7haytoh Takkeh Tan Dooro Inkih Ayyunti Exxaaxi Agabh Assaggoll Edde Haak Dooro Salaam Keee Saayal Tamurruqeh Gidih Inkih Keenil Tan Qaaqak Yawqeenim Faxximtam Qaddosse.

Addis Ababa,Agda Baxisso 20,2018 (ENA) Ni Kutbeh Buxal Geytime Ameerikak Ciggiila Iroh Caagidah Malaak Kiristofer Ti Landaw Kee Usa Afrikah Qandeh Amriseh yan General Dagvin Indursen Lih Walal Abne. Sarriino Le Fantaaxaw Kee Konnabna Wagsiisak Duddale Walal Abneemih Gadda Keenih Gacsa

  Addis Ababa; Agda baxissok 20/2018 (ENA): 39htoh Afrikah Inkiinoh Eglak mirraacin Kobox Salaam Gurral Akah Gexsittannah Faxxiimah Yan bice Akkuk Geytima Itiyoppiyak Federal Poolis Qaddosse. Itiyoppiyak Federaalak Poolisik Baatil Kalalih Xayrekter Amriseh Yan Ciggiila Komishiner Jeneral Melaku Fanta Elle Qaddosennal Ta Fantenaani Addis Ababal Gexsitak Geytimta Kaxxa Baad Caddoh Koboxitte Meqennal Gaba Kaltuh Faxxiimah Yan bica Abak Taamitak Geytimtam Qaddoose. Taturte 6 Alsitteh Addat Baaxooxa mirraacinuy, Baad Eglaali Saqolti Kee Fayya Le Diplomaatitte Edde Tengeleh Tan Mango Daffeynaani Qaasimal Gexisak Salaam Tumurruqeh Tanim qaddoose. Ta gudgudittek tu taqabi sinnim assakatle gurral gaba kaltem pooliis kee kalah tan saay exxaaxih gulgulussoh caddo kinnim qaddose. Itiyoppiya Mangoh Tan Iro Baaxoh Miroctiiy Kee Diplomaasih Mirocti Edde Tengeleh Tan Baxaabaxsale Daffeynaani Arcibisaanamih Abak Raag Lem Kassiise. 39haytoh Afrikah Inkiinoh Daffeyna Ni inaytâ Magaala Addis Ababal Meqennal Akah Takkennah Ta Daffeynaak Naharal Taakume Bice Taamoomi Meqennal Akkuk Geytimitam Yescesse. Tama Daffeynal Addis Ababa Fanah Tamaateh Tan Miroctiiy Kee Qibinitte Saay Dacrisaanam, Tonnah Koobaahisak Taraafik Kee Amni Taamoomi Kaxxam Faxximta Caagiida Kinnim Qaddoose. Ta Daffeyna Meqe Gurral Gexsituh Amni Dacayrih Taamoomi Kalah Tan Saay Ejensittê Lih Cattiimak Xissimte Gital Akah Takkennah Abeloonum Qaddoose. Qibini Baaxo Cula Waktik Xabba Haanam Daffeynak Gaba Kalak Isinni Baaxo Fanah Yadaareenim Fanah Faximtah Tan Arciba Kee Kalah Tan Ayfaf Akah Yacen Innah faxximita Bicitte Tekkeh Geytimita.Yiysix Afrikah Inkiinoh Eglah Daffeyna Kulli Sanatal Addis Ababal Gexsitak Geytimta Kaxxa Diplomaasih Doori lem Ascassuk, Amni Luddal Geytimta Gulgulusso Ta Kobox Arac Xaguh Kaxxa Doori Digrak Geytimaanam Qaddoose 39heytoh Afrikah Inkiinoh Eglah Kobox Caxah Alsak 7illa 8,2018 Sarrriino lee xayyoosiyya kee Nagayaniina Dacarsiak saytun lee xayyoosiya diggoosanam inta Radmol Gexsitelem baxxaqise #Ityoppiyak_Xaagi_Raceyna

Addis Ababa,Agda Baxisso 19,2018 (ENA)Itiyoppiyak Qaran cayli 90heele Sanatih Qaffaydat Yengelem Namma Baaxoh Fanat Yan Angaarow Diggosnuh Kaxxa saami Kinnim Ameerikak Afrikah Qandeh Komander Jeneral Dougvin Rem Qaddoose.   Kalali Qandeh Malaakah Tan Injiner Qeysha Macammad Ameerikak Afrikah Qandeh Komander Jeneral Dougvin Rem Lih Walal Abte.   Itiyoppiya Kee Ameerika Namma Baaxoh Agat Tuxxiq Dacrisoonuh Sitta Lih Taamiteloonum Yiysixxigen.   Tama Walalal Namma Baaxoh Fanat Yan Qaskariyyoh Angaaraw Diggosanam Elle Duudan Caagiidal Hangi Acayuk Abeenih Yaniinim Qaddoosen.   Ta Malaak Elle Qaddoosennal Namma Baaxo Xex Waktih Angaaraw Lem Takkay Ikkah, Tawak Dadalak Geytimta Diplomaasih Angaaraw Kee Qaskariyyoh Angaaraw Fayya Le Caddoh Istraateejik Sitaluk Angaaraw Fanah Fayya Haanam Faxximtam Kassisse.   Namma Baaxok Agat Tuxxiq Dacrisoonuh Sitta Lih Taamitoonuh Sittin Gey Abeenim Qaddoosak, Namma Baaxoh Inki Gide Takke Tuxxiq Akah Geyan Innah Diggaluk Taamiteloonum Qaddoosen.   Salaam Kee Saay Caagiidal Sitta Lih Taamitoonuh Sittin Gey Gufeenim Yescessenim Kee Tonnah Qarkakisa Kalaloonuh Sitta Lih Taamitoonuh Sittin Gey Gufeenim Baxxaqsen.

  Addis Ababa Agdabaxxisok 19,2018(ENA) Harari Rakaakayal Inkoih Tan Langittel Yumbulleyeh Yan Xaloot Fooca Diggoosnuh Hangi Akah Acyuk Taamitak Geytimaanam Harere Rakaakayak Naharsi Saqal Oredan Bidar Qaddoose. Harare Rakaakayih Doolatak 6haytoh Addah 5haytoh Taama Dabaanak1haytoh Madbiino Kobox Asaaku Qimbisen. Rakaakaya Caddol Warraye Laca Alisitteh Addat Daarnitte Dacrisiyya Kee Harari Af Dadlisaanamih Caddol Takkeh Tan Taamoomi Rakaakayak Qaaday Daaranittey,Wacaysir Biro Kee Baritto Biiroh Xayyoosak Elle Faxximta Gurral Kussaaqisen.   Rakaakayak Naharsi Saqal Tama Gudgudul Abeh Yan Yaabal Iyyeemih Warraye Laca Alsitteh Adda Tekkeh Tan Taamoomi Kulli Luddittel Assakat Le Xaloot Geytimeh Yanim Baxxaqise. Rakaakaya Caddol Xayi Waktih Addat Harari Af Dadlisoonuh Takkeh Tan Taama Aydukumseh Faxximtam Ascassuk Tonnah Baxsa Luk Daarinitte Dacrisak Taamate Horal Tabisoonuh Takke Taamoomil Meqeh Xaloot Amballayuk Geytima.   Qimbiseenih Yanin Daddos Taamoomi Mablah Inkittiino Maqarroosak Ayyunti Ikoytiinoh Gurral Yakkeh Yan Daddosut Faxxiimah Yan Gabah Assagolla Hoonuh Fooca Tuced Acyuk Digga Luk Taamitak Geytimaanam Qaddoose. Rakaakayal Akkuk Geytimita Daddos Taamoomi Ayyuntak Ayyuntiino Kee Maddartiino Tuxxqi Diggoosnuh Kaxxa Doori Lem Qaddoose.

  Addis Ababa Agadbaxissok 18/2018(ENa)Agatak Mabbalow komshiini horah salaam kee daddos elle diggoosen maqarle baaxoh Tabisoonuh kaxxa doori lem derdawak diini Abbobiti kee baaxoh idoola Qaddosse. Itiyoppiyal raage sittin way Ambad leh Yan Gital Walal Yafdigoonuh agatak agaarad komshiini baxaabaxsa le Taamoomi abak geytima. Taham fanah Tigrak Rakaakayak Iroh Inkih Tan Dariifal rakaakayitte kee magaala xiinissol Ummattah Exxaaxi lih ajenxa Gaabosaanamih Taama Tekkeh Tanim Baxxaqisen. Baaxoh caddol Mabbalowiyyak Iroh Doorit alle waynaamak amakkaquk Itiyoppiyak mabla baxitte agaarada gital calli Geytuh Ta Saamit Elle faxximta gurral nantifqem Faxximta Xayi waktih addat Tigrak Rakaakayak Takkuh Waytah Tan ajenxa gaabosiyyeh Tumurruqek Gamadal Inkih Tan agat caddoh ajenxa Gaabosiyyah Taddeera Gexse lon. Tamah Wagsiisak ENA luk mabla garayal Abteh Tanim Diini Abbobitiiy baaxoh idoola Agatak Agaarada komshiinih hadaf aracat gacuh inkih Tan agat xaylok kulli numu kaal Tan qaaqak yawqem Faxximtam kassiisen.

Addis Ababa; Agda-Baxissok 16/2018 (ENA):- Itiyoppiyak Qaran Cayli Agat Libdooy Agat konnabnay agat Elle kaxxiinitak asat kinniim Qaran Caylak Naharsi Saqalah Yan Letenal Jeneral Yilma Merdasa Qaddoose   Itiyoppiyak qaran Caylak 90 heele sanatih qaffayda sabab abak naharsi malaak Dr Abiyyi Acmad kee baxaabaxsale baaxooxak Yemeeteh Yan Qibinittey elle Geytimak qaxmeqe gurral akkuk geytiman.   Tikur ambasse Qaranal Itiyoppiyak Qaran caylih Qaffayda Sabab abak Qajiibik Yan Diron mayballa abak geytimana.   Qaran Caylih Saqalah Yan Letnal Jeneral Yilma Merdasa Tama Qaffaydal Elle Qaddosennal Ta Taddeera dubuk 90 heele sanatih qaffayda hinnay sagla tabna liggiditteh maqar le agat Ayfaafih Caddol Tekkeh Taama kee Garqu sinni Macalitteh xaloot Kinnim Baxxaqise.   Taturte 90 Sanatih Addat Itiyoppiyak Qaran Cayli Itiyoppiyah Muddaqiino Elle solta libdo kinnim A Kinnim Yescesse.   Itiyoppiya Afrikal Caddol Qimboh Addah Qaran Cayla Xisse baaxo kinnuuk Dariifa salaam dacrisaanam kee agat tuxxiqe boodda Caylitte koyisitak agat muddaqiino elle faxximta gurral dacrisak sugeenim Qaddoose.   Ta 90hytoh Sanatih Qaffaydal Tikur amabasse Qaran haadisiyyeh duddi Itiyoppiyak agat konnabanay haadiyya Dudda Abinah Ambullayuk geytima.   Ta Qaffaydat Afrika Kee Kalah tan Baaxooxak Qaran Caylih Saqolti Edde Tengeleemih Kaxxam Ruffa Edde Iyye Letenal Jeneraal Yilma Ta Qaffaydal Qokol Abteh Tan Maritteh Inkih Gadda Gacise   Itiyoppiyah Qaran cayli mayballaya ityoppiya ceelo baad gudgudul taybulleyeh Agat soonoh aracah gactuh agat xaylo kee baaxo technology cattiimak agat konnabana kee muddaqiino dacrisoonuh kaxxa doori lem baxxaqise.   Itiyoppiyak Qaran Cayli Agat libdooy Agat Kunnabna Kee Baad Caddoh Angaaraw Dadlisoonuh Makcaggur leh tan Silaacitte Kinnim Yescesse.   Baada Baaxooxay Ta Taddeeral gabah assagolla haytek angaarow diggoosak sittin qokla dadalisak sitta luk taamtak aamaniti Leh Yan qaran cayla xisoonu kaxxa doori lem qaddoose.

Addis Ababa, Agadbaxissok 16,2018 (ENA) Ifdrik Qaran cayli Itiyoppiyah muddaqiino kee konnabna dacarisoonu soole cayla kinnim Naharsi Malaak Dr Abiyyi Acmad Qaddose.   Ifdrik Qaran Caylak 90Heele Liggidih Qaffayda Sabab Abak “Lubooka Qaran Itiyoppiya “ Inta Radmol Assakaxxuk Geytiman.   Naharsi Malaak D/r Abiyyi Acmad Tamakkale Geytimak Iyyeemih Itiyoppiyak Agat Tuxxiqiy Inkittinaane Kee Konnabna Dacrisnu soole cayla kinnim Baxxaqise   Ifdrik Qaran Caylih Taturte Sanatitteh Addat Abteh Tan Sahdayti Caylih Daddosih Taama Yossokotem Qaddosak Sahdayti Caylih Daddosih Hangi Akah Yaceen Innah Abaanam Faxximtam Kassiise.   Itiyoppiyah Addal Kaxxa Caddol Dadal Tascasse Taamomi Akkuk Geytimta Qaddose.   Itiyoppiya Afrikal Dadalah Qimbot Geytimta Daddos Angagoyyitte Tanimi Yiysixxige.   Taturte Sanootah 9Ximmoy 2 Gaba Booluk Dadalah Tunkuttubem Kassisak Asanat Kaadu Dagnala 10 Ximmoy 3 Gaba Booluk Dadalah Abennom Kee Tah Kaadu Taturte 6 Alsih Addat Tekke Taamomi Tascasse.   Naharsi Malaak elle Yescessenala Nanu abnah nan taama industriy, buqre, qidaddo, kee Maqaadin mayyaaqah taama maqar le saay caylat xissimtek tuxxiiq alle waytam kee ta caagid qeedaalisnam faxximtam kassiise.   Kalah Iyyemihi Nanu Ninni diplomaasiiy, qidaddo, siyaasaay, kee qaskariyyoh dudda dadlisna wak, nanu bohoy kee massakaxxa le Baaxo Ninni Xayloh Gabal Tatrussam Dudna.   Warraye 5 Sanatih Addal Qaran Caylah Mango Teknolojih Silacih Macal Yekkem kee Yamaate 5 Sanatih Addat Nanu Qaran Caylih Duddite Namma Gaba Falakka Akah Haynannah Taamitak Geytiman .   Itiyoppiyah kimaalal solte baaxo hinna Naharsi Malaak Dr Abiyyi Acmad Ifdrik Qaran cayli Qasri faxsiisah Yan technology Elle faxximta gurral xissiimte fanteenah kinnim qaddoose

Addis Ababa; Agda baxissok 16/2018 (ENA):-Addis Ababal mangattiinal Taamitak bisômaxcoh asta abnuh sitta luk taamitenno Magaalah Xiinissoh Saqlà Tan Axanech Abebe Qaddosse.   Magaala xiinisso Tan Axanech Abebe Ayyuntiinô Rettaamil Taturuse Farmol Asaaki macasenta laca Alsitteh Taama Abbinosa elle fokkaaqon Gudgudu Qaduuk Qimbisen.   Sidica Ayroh fanah Gexsit ik sug waah Yan Gudgudul 2018 Mizaaniyyat Liggadak Qimboh rubqi sanatak Doolat kee Missoyna abeenih Yanin Taamoomi Baaraluk kussaaqisak daqaarak ilaa awdoodi Fanah mirraacin faxximta gurral elle kussaaqisan gudgud kinnim Qaddosse.   Taturte Laca Alsitteh addat milaagime taama qaadah haysitak sugemtit daddosut faxxiimah yan gabah assagolla edde haak sitta abbixuk bar kee laqo taamitak inkih tan Langittel ekraarimte taamak amolladih 95.3 gaba aracat haanam xiqnteh Tanim qaddosse.   Meqe Tan Xalitte tumbullem Takkay immay sissikuk ayfaafitte yaceenim fantenaanil Tambulleyeh tan Coocitte missoosak Guqul kee kalah Tan umaadoobi abtoota Elle Tambulleyeh Tan marittel Faxximtah Tan maaqatta beyak elle faxximta Gurral kattaata kee lowsiisiyya abak Fooca Fanah Diggoose loonum qaddoose.   Ta koboxul Ossotinah Dudda kee Abak Raag Geyenno Ciggiila Laca Alsitteh Addat Tayseh Tan Taama Abbinosa abak Ayyuntah elle faxximta gurral ayfaf mataccayow Yacoonuh aamaniti kee qidiino le gurral Duddaluk miroctiiy, taama Abeenit kee daddos waklentit kee magbaleela doori fayya leh Yanim Qaddoose.   Addis Ababa leedah Ceelallo Takkuh abak Geytiman Macalitte Diggoosak sittaluk Cattiimak Hadaf aracat haynuh inkih macalennom Qaddosse.   #Ityoppiyah_Xaagi_Raceyna

Addis Ababa Agda baxissok 15, 2018 (ENA)Itiyoppiya kee Djibuutih Cuduuduk Tabak Takkeh Tan Baatil sitta luk kalaloonuh Qasakariyyoh sittin gey Abeenih Yaniinim Qaddoosen.   Kalali Qandek Ayro Mawqâ Macaxih Abba Letenal general Asaffa Chekkol Kee Jabuuti Kalali Qandek Ayrô Kormâ Foocih Abba Kolonel Qali Shecem Sittin gey Abak Feerá wara daffeesen.   Kalali Qandek Ayro Mawqâ Macaxih Abba Letenal general Asaffa Chekkol Itiyoppiyah kee Djibouti Fanat Qasakariyyoh Caddol maqarle raage fantaaxaw Yanim Qaddoose   namma baaxoh fanal Cuduuduk Tabtah Baatil kee Gita maliinoh Taamoomi sitta luk wasaanamal raage Qalla loonum ascassuk Salaam sitta luk dacrisaanamih Taamah fooca diggoose loonum qaddoose.   Namma baaxok maaduh raqta dariifal aham Inki sanatak naharal sugte caalatitte maca celtam baar luk elle kusaaqiseenih yanin tama gudgudul fooca fanah tayse taama elle abaanam duudan cogdaadil fidinuk walalak sittingey gufeenih yaninim Qaddoose.   Ossotinah Nammah baaxok Qasakariyyoh Caddol Yakkeh Yan sittin Gey Dariifa Salaamah kaxxa doori leh Namma fantaaxaw Diggoosak kaxxa fayda leh yan sittin gey kinnim Baxxaqise.   Djibuuti Kalali Qandek Ayrô Kormâ Foocih Abba Kolonel Qali Shecem Itiyoppiyah kee Djibouti Qasakariyyoh caylih fanta maqarle fantaaxaw Yanim Diggoosak Namma Baaxoh Fanat Ahak dumal Yakkeh sittin Gey Cuduudul Dariifa yakkeh Yan baatil sittaluk kalaloonuh Tekkeh Tan Taamoomil Assakat le xaloot Elle Yumbulleh Yanim ascassuk Baatil sitta luk kalaloonuh Yekkeh Yan sittin Gey kinnim qaddoose.   Namma Baaxoh Fanat Yan fantaaxaw maqarroosak Dariifa salaam sitta luk dacrisoonuh Qasakariyyoh Caddol Yekkeh Sittin Gey kaxxa doori leh Yanim Qaddoose.

  Addis Ababa Agdabaxisso 14 2018 (ENA) Naharsi Malaak Dr Abiyyi Acmad Jarmanak Republic Doolatak Iro Caagidah Malaakah Yan Jon Wadfel Lih Asaaku walale. Naharsi Malaak dr Abbiy Acmad Ayyuntiinô Rettaamil Taturuse Farmol Iroh Caagidah Malaak Lih Namma Baaxoh Fanat Yan Fantaaxaw Nagay maqarrosam Duddah Tan Caagidal Xaloot leh Yan Walal Abeenih Yaniinim Qaddoose.

  Addis Ababa,Agda Baxisso 14 2018 (ENA) Itiyoppiyah Kee Belarus Qaskariyyoh Luddih Fantaaxawal Sittaalih Taamitaanam Elle Duudan Nammay Takko Sittin Gey Abeenim qaddowte. Tama Sittin Geyil Eferdirik Kalali Qandeh Maaak ER Qeysha Macammad Kee Belarusuk Kalali Qandeh Malaak Demteri Pantaris Feera Wara Heen. E/R Qeysha Macammad :- Sittin Gey Aracal Intemihi Ta Sittin Geyi Itiyoppiyak Qaskariyyoh Teknologi Kee Industri Dadlisanam Kee Qaskariyyoh Murtittek Isinni Akah Duudan Innah Abak Geytiman Macalah Kaxxa Tuxxiq Leemiti Yabte.   Itiyoppiya Afrikak Fanteena Kinnuk Sittaalih Edde Yantifiqen Qadaaga Fanteena Kee Tuxxqitteh Kaxxa Caddo Allelimi Qaddosse. Geri Katuk Namma Baaxoh Mirocti Sittin Gey Elle Abte Steratejitte Abto Fanah Beytam Duddama Kassisen Kee Namma Baaxoh Fanal Suge Xex Waktih Fantaxaw Diggoselemit Yabte. Namma Baaxoh Sittin Geyi Nammay Takko Sittin Geyi Tayse Caddo Fanah Dadlisoonuh Kaxxa Doori Allelemi Tescesse.   Namma Baaxo Ko Kacanu Le Baxabaxsale Le Cugaysoosa Sittallih Abak Geytimanam Qaddosak Ta Sittin Geyi Baxabaxsale Qusba Luddittel Sittallih Taamitoonu Xiqsissa Qusba Saamitte Ginelemit Yaabe. Belarusuk Qaran Cayli Beerak Abbixuk Yassakaxxen 90 Heele Santih Qaffayda Qaran Caylih Treat Xayyooseloonum Yiysixxgen. Tama taddeeral Fayya le qandeh mirraacinuy Belarus Qandek Kampi miroctiiy Baxaabaxsa le Qasakariyyoh Exxaaxi Edde Tengeleh Tanim kalali qandek online Digtal Qaddoosen

  Addis Ababa Agda Baxxisok 14/2018(ENA) Amaarah Rakakayih Doolat Kee Amahara Fanno Ummattah Egla (Afhixu) Sarrimaane Le Saama Sittin Gey Xalot Akah Yalennah Abta Sittin Geyittel Feera Wara Asaakih Ayro Heen. Tama Sittin Gey Tadderal Saalam Malaakah Yan Macammad Idriis Tonnah Rakakay Kee Federal Doolatay Tonnah Kalali Qandek Fayyo Le Caddoh Mirocti Kee Afhixok Fayyo Le Caddoh Mirocti Elle Geytimte.   Salaam Malaak Gifta Maccammad Idriis Tamakkel Iyyemihi Tama Rakakayal Suge Boodu Ummatta Geytam Faxximak Sugte Daddos Waysiiseh Suge Kaxxa Taqabitte Kataseh Sugemit Yaabe. Tahak Ugut Abak Edde Nan Wakti Salaamak Yan Gital Akkewaytek Birta Le Gaadi Edde Yanfiqe Wakti Akkewytam Kassise. Asaaku Saalam Dooritak Salam Gital Temeete Afhixoh Mirocti Kaxxam Faxximtah Awayih Horah Bica Le Margat Yemteenimih Gadda Keenih Gacise. Tonnah Raqteh Tan Gaadu Salaamah Ummatta Fanah Akah Gacan Innah Seeco Keenih Xayyose. Afhixoh Mirac Fantaw Mucabba Is Le Katuk Iyyemihi Salaam Sittin Gey Akah Diggowannah Taturte Uddurah Afrikah Inkiino Kee Igad Ko Bahissol Walalak Sugeenimit Yaabe.

  Addis ababa agdabaxxisok 14/2018(ENA)Ajenxittel mabbalowak sittin gey ginak sarriino le salaam kee maqar le doolat xisoonuh inkih masquuliyat nawqem faxximta Qafar ummattah missoyna(APP) qaddosse. Itiyoppiyak Agat Agaarad Komishiin 11 Takke Rakaakayitte kee Namma magaalah xiinissoy Iroh baaxoh Mannowta marittey edde anuk Ajenxitte Gaabosaanamih Taddeera meqennal Gexsitak Sugtem Baxxaqise Taha wagsiisak ENA luk mabla garaya Abeh Yan Qafár ummatta missoynak Leena kutbe abeenah yan Gita Adam Qali Elle Qaddosennal Mabbalowiyya Siirat Aham fanah gabah assagolla Edde luk sugteh Dagoritte baxisaanam kee ajenxa gaabosaanamih Taddeera xaloot le tamoomi Tekkeh Tanim qaddoose. Ta Gexsitih Addat missoyna Ajenxa komshiinil xayyoosanam Dubuk Hinnay mabbalow Siirat Aracat gacuh isinni loftak awquk geyimaanam qaddoose. Tonnah xayi waktih addat Ajenxittel Walalak baxsitte Mabbalow Yafdigoonuh Sittin gey Ginak agay tuxxiqe diggoosnuh sitta luk soolak Sarrimaane lem Salaam maqar le doolat xisoonuh Taamitaanam Faxximta. Missoynaanih Mabbalowiyya Faxxiimamal aaminuk Isinni loftak yawqeenim faxximtam ascassuk, xaloot Le Gurral yamarruqem Fanah Digga luk Taamite loonum qaddoose Agatak mangattiinah inkittinaane maqarroosak inkih Tan baaxo xaylok mannoowiyyah Bica leh Tan baaxoh xisoonuh Mabbalow Siirat kaxxa fayda leh Yanim Qaddoose Agat giddaanimih sitta luk sittin gey Ginak sarrimaane le salaam kee maqar le doolat xisoonuh Ta gexsitit Inkih Yan Ayyunti Exxaaxiy Dihayleela Tan marittey siyaasa missoynaanih Kalah wagittah tan dagoritte inkih isinni loftak yawqeenim faxximtam kassiise.

  Addis Ababa Agda Baxissok 14/2018 (Ena):-Missoynaani Katuk Dooro Ummattah Bica Leh Tan Gurral Loonuh Yanin Porgraamitte Xayyoosak Qasriyyo Le Gurral Mabla Daga Raaqayyal Aaminuk Qalaloonuh Faxxiimah Yan Bicitte Akah Tekkeh Tanim Amaarah Rakaakayak Siyaasa Missoynaanik Tengele Mala Buxa Qaddosse. Sittin Gey Malah Buxak Koobahisey Amaara Demokraasih Caylih Angagoyya (ADEM) Saqal Tesfahun Alemneh Elle Qaddoosennal Mala Buxah Addat Leh Tan Siyaasa Misooynaani Kee Adoytiitih Faxxiimah Yan Tu Ced Acyuk Dooro Salaam Kee Ximokraasih Gital Takkuh Isinni Loftak Awquk Digga Luk Taamitak Geytiman. Dooro Gexisit Qasriyyo Leh Qalayli Leh Gurral Aamantiy, Qadaliiy, Curriino Kee Qidiino Leh Tan Dooro Takkuh Sittin Gey Malah Buxa Keenil Qaaqak Yawqoonuh Gulugulluso Abeenih Yaniinim Ena Luk Aben Mabla Garayal Diggoosen. Siyaasa Missoynaani Currik Angayyuk Rettaami Porgaraamitte Ummatta Akah Guddoosan Innah Abaanam Doolat Mircoti Faxxiimah Yan Doori Digraanam Faxximtam Esserem Ascassuk, Siyaasa Missoynaani Qalalyli Naqbu Kee Boodittel Uguugusuh Yangagayyeenim Hinnay Ambad Le Gurral Mabla Dag Raaqiyyal Rakuh Gacak Qalalaanah Ximokraasih Siiratih Xisen Rakiibo Abak Taaamitanam Faxximta. Yangalen Malah Buxah Adoytit Edde Miracasiman Meqem Kaban Eddexinta Bicisak Dooprot Yangaloonuh Taakume Bice Taamoomik Gabakaleenih Geytimaanam Asacssuk Ummatta Margqa Assakaxxuk Yamaateh Yan Xalu Oggolaanamih Dirik Inkih Tan Missoynaanil Tanim Qaddoose.

  Addis Ababa Agdabaxisok 13/2018 (ENA): Ummattah Awlaytiitih Malah Buxa Dooro Kukta Aysiisuk Xijital Teknoloojit Qokkolismak Qidiino Kee Qadaalat Le Dooro Gexsaanam Xiqsissa Caalota Ginneenih Geytimaanam Malah Buxak Caxah Afteenah Yan Tagese Chaafo Qaddosse. Itiyoppiyak Door Borxi 7heele Amolladi Doorok Doorenit Maysarraqa Caxah Alsak7 Qasadirrik7 2018 Fanah Gexsoonu Waanah Yaniinim Laqni Alsak Xongolo Edde Tamcawwe Ayro 24/2018 Gexseloonum Ascassuk Borxi Tah Cubbit Haak Faxxiimah Yan Xayyosiyya Kibak Aydakaakana Acyuk Baxaabaxsa Le Taakume Bice Taamoomik Gabakalti Fanah Yemteenih Yaniinim Qaddoose. Ummattah Awlaytiitih Malah Buxak Caxah Afteenah Tagese Chaafo ENA Elle Qaddoosennal Itiyoppiyak Door Borxi Agat Dooroh Xongolo Margqa Elle Faxximta Gurral Malkamise Akkuk Gexsiisah Yan Doolat Madqah Fanteena Kinnim Diggoosak Dooro Borxi 7heele Agat Dooro Elle Faxximta Gurral Gexsoonuh Faxxiimah Yan Bica Abeenih Yaniinim Gabbaaqul Diggooseh Yanim Qaddoose. Mala Buxal 7heele Agat Caddoh Dooro Qadaalatay Salaamay Qadliinoy Ximokraasih Gital Takkuh Faxxiimah Yan Ganuun Maysaasa Abeenih Yaniinim Qaddoose. Baxsaluk Kukti Ixximak 1162/2011 Faxitta Marrite Kee Doornit Maysarraqay Tonah Kaddu Bordi Taamoomi Xijital Teknologih Qokol Bica Leh Tan Caalota Ginnimteh Geytimita. Doolat Itiyoppiak Agat Dooro Borixih Essero Rakiibo Abak Dooro Qidiinoy Aamantiy Qadliino Le Gurral Takkuh Faxxiimah Yan Bica Abak Geytimaanam Ascassuk 7heele Agatak Amolladi Dooro Agat Sittin Gey Ginnoonuh Yakke Macalak Geytimaanam Diggoosak Dooro Salaam Kee Ximokraasih Gital Takkuh Inkih Dagoritte Isinni Loftak Yawqeenim Faxximtam Qaddoose. #Ityoppiyah_Xaagi_Raceyna

Addis Ababa Agadbaxissok 12/2018(ENA)Taqbitte Mabbalowiyya Gital Yafdigoonu agat sittin gey xissoonuh agat agaarada komashiin kaxxa doori lem baaxoh idoola Qaddosse.   Itiyoppiyak Agat Mabbalowiyya Komshiini Rakiibo Yan Mabla Baxsa sittin geye Fanah Yamtoonuh Walal gital fidga aboonuy agat sittin gey xissoonuh Taamitak geytiman.   Ambo magaalah abbagexa kee baaxo idoola Mabbalowiyya Siirat diggoosak Ayyunti Exxaaxi awlaytiitik mabla gaabosak yakke Gexsit assakat leh yanim qaddoosen.   Abbegexak numuk teenah Yan leggese daaba Mabbalowiyya Gexxa siirat diggoosak mabbalow taqbitte salaam gital Yafdigoonuh kaxxa doori leh tanim yescesse.   Ta Mabbalowiyya Siiratih addat inkih Yan Ayyunti Exxaaxi gabah assagolla akah edde haana innah taamitak geytimaanam qaddoose.   Magaalah Ayyunti walisak addis Ababah kee adama magaala Yekke agaaradat Yengeleenih sugeenim ascassuk Tama gudgudul Agat inkittiinoh Tanfiqeh Tan mablooli xayyoosenim qaddoosen. Agat Mabbalowiyya Siirat inkih Tan Siyaasa Missoynaani kalah Tan wagittah dagoritte gabah assagolla edde haak agat caddol sarramaane le salaam diggoosnuh isinni loftak yawqeenim faxximtam qaddoose.

Agda Baxissoh Lasak 12 Sanat 2018 (ENA)Addis Ababa Itiyoppiya Maloktít malah buxah asaaku gexisseh tan 52heele Madabiinô koboxul Baxaabaxsale caagidal walalak margaqooqi tatrusen.   1. Qimboh malâ buxa elle walaltem gumruuk Qagunti kuktak kinnih tanim kee tamah qaguntih kuktal xayyoow eh yan Gabbaaqu walalen. Taamal yanih yan qaguntih gumruuk kukti mango sanootal taamal yanim kee ta kuktih amrisso baad caddok tellemmoh angagoyite lih akah qeedaalisan inna kee ni baaxo abak geytimta Manufakturingi kee inxistirih dadal kee daddos qokolionu kee tonnah gaanuunuk yan investimenti aydukumusoonuh, yayseh yan gita hadloonuh, missooweh xayyooweh yan qaguntih kuktal walalen. Malâ buxah adoytit tamahal baar le walal kee agaarad abeenik gamadal inki xongolol faatacisen.   2. Qagitaak malâ buxa elle walaltem investimenti mattacayno kee qisooy, meeri qokolih kukta kinni. Ni baaxo Itiyoppiya abak geytimta qidaddo dadalah kaxxa caddo leemik tiyak tiyaay, tonnah nabah tan kapitaal tabbixeemik exxak investimenti ludda kinni. Investimenti luddal asah yan kapitaal hangit haak abbinoosul rakitah yan investimenti qokolitteh siirat akah baarisan innah abaanam faxxintem kinni. Malâ buxa tamahal baar le walal kee agaarad abtek gamadal inki xongolol faatacisak federaalak negaarit xaagi waraakitil tawqe ayrok xabba haanam taamal aselem yiysixxigen.   3. Ella Caboh malâ buxa elle walaltem interpirineer shippi Wagsiisak Missoyseenih Yanin qaguntih kukta kinni. Tama poliisi interpirineer shipih luddal abbinottah tan abinitte decro akah taallennah baaxok daddos kee xisnel akah assannah abaanama. Hadlisso qaada kee nihritte osisaaanam elle xiqaanah yanin meqe caalat akah hadlan inna kinnih tanim yescessen. Tahal meqe yan interpireneer shipi caalat akah hadlan inna kinnim warsen. Malâ buxa tama poliisil baar le walal abtek gamadal malâ buxa edde faatacisseh tan agda baxissoh alasak 12 xabba haanam taamal akah asa innah inki xongolol faatacisen. #PMOEthiopia