Addis Ababa Kaxxa Garabluk 18/2019 (ENA) Naharsi Malaak Abiyyi Acmad (PhD) Ruusiyah Afat Maqnisime Qikkibow Kitab Dooqaysem.   Asaaku Qikkibow Kitab Ruusiyah Afat Maqnisime Dooqaysisnem. Ta Kitab Dooqaysoh Missoowte Taddeeral Geytimeemih Ruffa Exce. Ta Aydaadule Xaloot Qikkibow Falasfa Kee Itiyoppiyak Baaxoh Addah Ixxigak Ugutak Asaaku Maaduk Taturak Inkih Yan Baad Fan Baarimak Geytimtamak Asmat Kinni. Ahak Afal Ta Kitab Baaxoh Addah Afittek Ossotinah Iniliiziiy, Chaynaay, Qarab Afat Maqnisak Mangoh Tan Kawissa Maritte Gufeh Yanim Kassinnam.   Away Kaaduk Itiyoppiyah Mabla Maaduk Taturak Ruusiyah Afat Yabtah Tan Maritteh Gufeh Yanim Falasfa Baad Caddoh Guddos Kee Xiplomaasih Fayxa Maqarroysele. Ta Maaqatta Falasfaay, Nihir Kee Mablooli Itiyoppiyak Taturak Gersi Ayyunta Edde Maddah Tan Qusba Saamitte Ginnimteemik Muxxi Itiyoppiya Baadal Digirtah Tan Doori Leh Tanim Taybullem Kinni.   Ruusiya Mango Itiyoppiyah Xayloh Feearyso Wag Kee Ixxiga Raceena Akkuk Ayfafaay Acayuk Kah Geytimtannah Itiyoppiyah Mabla Kaaduk Ruusiyah Afat Kawisah Yan Marah Xyyowtema Ixxiga Tabaatabsa Diggooslee.

Addis Ababa Kaxxa Garabluk 18/2019 (ENA) Naharsi Malaak Abiyyi Acmad (PhD) Ruusiyak 12Takke Su-35 Carbi Jettitte kee S-400 Qara Kalalih Batri Tabsem.   Ni Baaxoh Salaam kee Amni Sarriinole Gurral Diggosnuh Abnah Nan Macalal Asaaku Qusba Mafdaga Gufne. Itiyoppiyak Kalali Qandel Abak Geytimta Bicaay, Bood Aakamal Elle Raaqissam Xiqta Dudda Sarisak Geytimta.   Ahak Afal Ruusiyah Doolatluk Abneh Nan Sitingeyiik Ugutak, Asaaku Qimboh 12 Takke Su-35 Ferey Haytô Horah Carbi Jettiiy, (Su-354++ Generation) Tabinse. Tahat Ossotinah Itiyoppiya Affar S-400 Qaran Kalalih Siiratih Batri Tabisele. Yikataysa Ruusiyah Prezdenti Viladmir Putin Sittin gey Abneemik Inki Sanatak Naharal Ta Carbi Tayyaara Akah Beynannah Ne Yuybulle Fayxih gadda Kaah gacsa,Ta Carbi Jetitte Yaktiyenimil itiyoppiya Tonnah Sacrak Addah Raqta Afrikah Baaxooxak Naharsitto Tekke.   Aydaadi Xaloot Agat Muddaqiino Diggosnuy Fooca Fanah Nagaleh Nan Amni Kee Dariifa Sabahalal Daabisnuh Abak Geytimam Macalitte Diggosnuh Kaxxah Dudda neh Akkale.

  Addis Ababa Kaxxa Garabluk 18/2019 (ENA) Baaxooxa Mirocti Kee Pooliisi Tayyaaqo Qidaddooy, Investimenti Kee Binadamiino Qokol Edde Anuk Maftacah Tan Caagiidal Elle Walalan 3heele Ruusiya-Afrikah Kobox Asaaku Kee Beera Gexsitele.   Ta Koboxul 46takke Afrikah Baaxooxak Tewqeh Tan 200uk Amo Takka Maritte Elle Geytimelem Kee Mango Exxaaxi Kee Nammay Takko Gudguditte Elle Agexsitele Axcuk Qambaalan. Tahat Ossotinah Afrikak Mangaafa Retteemaamih Awlaytit Sittingey Elle Abele Axcuk Qambaalan. Ruusiya Kee Afrikah Baaxooxah Fanal Yan Siyaasaay, Qidaddooy, Teknolooji Kee Amni Qokol Maqarroysoonuh Gexsitah Yan Fayyale Gudgud Kinnim. Ta Koboxul Xijjitaal Teknolojiiy, Artifishal Intelejensi (AI), Maaqiddi Caabiiy, Tellemmo Kee Elmo Qokol Leenah Ajenxaaxi Akkele Axcuk Qambaalan. Afah Caagiidah Malaakih Maxco Gabbaaqe Mariya Zakarov Kimal Yeceh Yan Mayblaalaqal Ta Kobox Qidaddo Edde Anuk Gersi Faxximta Caagiidal Hangi Heeloonum Yescessem.

  Addis Ababa Kaxxa Garabluk 18/2019 (ENA) Naharsi Malaak Abiyyi Acmad (PhD) 3heele Ruusiya kee Afrikah Koboxut Yangaluh Ruusiyak Mosko Cule. #PMOEthiopia

Addis Ababa Kaxxa Garabluk 17/2019 (ENA) Itiyoppiya kee Tengele Qarab Imaarat Nammay Takkô Qandê Fantaaxaw Fayya Hoonuh Sittingey Aben.   Kalali Qandeh Malaak Macammad Idriis Itiyoppiya, Tenegele Qarab Imaarat Ambaasadder Qabdella Casan Alshamsilluk Nammay Takkô Qandê Fantaaxaw kee Daddos Qokol Wagsiisaak Walal Gexsen.   Ta Malaak Namma Baaxooxa Sittalluk Elle Taamitoonuh Qandeh Exxaaxil Loonuh Yanin Qokolul Walaleenih Yaniinim Yescessem.   Itiyoppiyal Yan Qarab Imaaratih Ambaasadder Qabdella Casan Alshamsi Itiyoppiya Awayih Uddur Geysiisak Geytimta Sissikiih, Yasgalle Daddos Yossokooteh Yanim Qaddoysem.   Namma Baaxooxa Sittalluk Agat Tuxxiiqil Rakuh Tan Nammay Takkô Fantaaxaw Maqarroyseloonum Diggoysen.   #NabaBaaxooy, #NabaAyyuntaay, #XerMabla

  Addis Ababa Kaxxa Garabluk 17/2019 (ENA) Taanah Forem Itiyoppiya Dariifâ Salaam Kee Amni Aakam Tacem Taybulleh Tanim Dumaahih Itiyoppiyak Naharsi Malaak Haylemaariyam Xessaalegn Qaddoysem. “Afrikal Salaam Gititteey, Qidaddo Muddaqiino Kee Dariifa Siyaasah Milaagu Intah Tan Itrol Kaxxa Garabluk 13-15 Bahirxaara Magaalal Gexsitak Sugeh Yan 12heele Taanah Forem Meqennal Yumurruqem. Itiyoppiyak Dumaahih Naharsi Malaak Haylemaariyam Xessaalegn itiyoppiyak Xaagi Raceenah Elle Qaddoysennal Taanah Forem Afrikah Mirocti Dariifâ Salaam Kee Amni Caagiidal Qaaduuk Elle Walalan Gudgud Kinnih Tanim Yescessem. Taanah Forem Xiplomaasih Yaabittet Mablooli Elle Qaddoysan Gudgud Kinnim Ascassuuk, Tah Gersi Baad Baaxooxak Baxsa Bahsissah Tanim Qaddoysem. Tohih Taagah Taanah Foremil 12sanootat Faxximta Mablooli Elle Xayyoosak Afrikah Egla Qarangubâ Salaam Kee Amnih Gabbaaqu Elle Xayyoosak Assakatle Mablooli Elle Xayyoowak Temeeteh Tanim Baxxaqsem. Itiyoppiya Dariifah Aakam Taceh Taniimit Yaabeh Yan Dumaahih Naharsi Malaak Foocah Dariifa Salaam Kee Amnih Leh Tan Garuq Le Mabla Maqarroysak Gexxam Faxximtam Kassiisem. Sanootaak Afal Sudaan Taqabih Fidgah Doorit Xayyoosak Abteh Tan Assakatle Xiplomaaish Taamaay, Somaaliyah Salaam Kee Amnih Digirtah Tan Doori Fayyaleh Yanim Qaddoysem. Itiyoppiya 130miiliyeeniik Dagah Ayyunta Leh Tan Baaxoy, Baaxoh Addaay, Qaranguba Kee Baad Salaam Kee Amnih Hangi Hangi Taceh Tan Baaxo Kinnim Yescessem.

  Addis Ababa Kaxxa Garabaluk 17/2019(ENA) Agtak Kalali Qande Muddaqiino Guuboy Agata Inkittinaaneh Asta Kinnim Bahirxaara Magaalak Xiinissok Xinissoh Naharsi Saqal Yan Goshu Andalamu Qaddoose   Itiyoppiyah Muddaqiino kee Ayyunti Amni Dacrisak Geytimtah Tan Agatak Kalali Qandeh Ayyunti Qokol Soolo Bahirxaar Magaalal Gexsen. Tama Aracal Bahirxaara Magaala Xinissoh Saqlah Abeh Yan Yaabal Iyyeemih Itiyoppiyah Muddaqiinooy Amni kee Ayyunti Salaam Dacrissuh Bar kee Loqoh Fida Mekelak Geytimtah Tan Agatak Kalali Qande Qokol Elle Yaybullen Soolo Ayyunti Qaxale Gurral Bahirxaar Magaalal Gexsen.   Ta Soolol Geytimteh Tan Magaala kee Dariifâ Sugmentit Kalali Qande Baaxô Goobuy, Muddaqiino Dacrissa Kinnim Qaddoysaak, Qandeh Loonuh Yanin Massakaxxa Kee Salac Sinni Qokol Yuybullen. Bahirxaara Magaalah Ayyunti Abak Geytimam Qokolitte Fooca Fanah Diggoose Loonum Magaalah Xinissoh Saqal Qaddoosem Tama Sooloh Aracal Bahirxaara Magaalah Sugmetiitiy Rakaakayak Biiro Saqlowtiy, Diini Abbobitiiy, Taamâ Abeenitiy, Baaxoh idoolay, Edde Angaluk Gexisen.

  Addis Ababa Kaxxa Garabluk 17/2019 (ENA) Itiyoppiyah Muddaqiino kee Ayyunti Amni Dacrisak Geytimtah Tan Agatak Kalali Qandeh Ayyunti Qokol Soolo Bahirxaar Magaalal Gexsen.   Itiyoppiyah Muddaqiinooy, Amni kee Ayyunti Salaam Dacrissuh Bar kee Loqoh Fida Mekelak Geytimtah Tan Agatak Kalali Qande Qokol Elle Yaybullen Soolo Ayyunti Qaxale Gurral Bahirxaar Magaalal Gexsen. Ta Soolol Geytimteh Tan Magaala kee Dariifâ Sugmentit Kalali Qande Baaxô Goobuy, Muddaqiino Dacrissa Kinnim Qaddoysaak, Qandeh Loonuh Yanin Massakaxxa Kee Salac Sinni Qokol Yuybullen. Ayyunti Soolo Qande Muddaqiino kee Inkittiino Kak Daccartimtr Baaxo Ciggilta Horal Tabisoonuh Mekalan Fida Qokoltah Tanim Yescessen. ‎Ta Soolol Sayyooy, Qunxaaneytaay, Baaxoh Idoolaay, Doolat Taama Abeenit kee Gersi Ayyunti Exxaaxi Edde Tangalem. #NabaBaaxooy, NabaAyyuntaay, XerMabla

Addis Ababa Kaxxa Garabluk 16/2019 (ENA) Itiyoppiya Baadak Qasa Qambiletibah Makaadolluk Leh Tan Qokol Maqarrossuh Garuqluk Taamitelem Perezxanti Tayye Astqhesillaase Qaddoysem.   Perezxanti Tayye Astqhesillaase Makaadok Afrikah Caagiidah Xayrekter Mamaxu Sow kee Ergalluk Walalem.   Perezxanti Itiyoppiya Baadam Cardoh Qasa Qambiletibah Makaadolluk Leh Tan Xer Udduurih Qokoluh Kaxxa Arac Taceh Tanim Yescessem. Qasa Qambiletibah Makaado (ICRC) Afrikah Dariifah Xayrekter Mamaxu Sow Itiyoppiyak Xaagi Raceenah Elle Qaddoysennal Baad Caddoh Binaadamiinô Madqah Fayxi kee Qokol Taamoomilluk Perezxanti Tayye Astqhesillaaselluk Xaloot Le Walal Abeenih Yaniinim Yescessem.   Itiyoppiya Qasa Qambiletibah Makaadoh Taamâ Guddos kee Oggolul Binaadamiinô Qokol Arac Xaguh Kaxxa Doori Digrak Geytimtam Qaddoysem.

  Itiyoppiyak Kalali Qande Baaxo Muddaqiino Kee Ummattah Amni Dacrisanamak Kalah Dariifa Kee Inkih Tan Afrikah Gaysah Salaam Caabi Akkuk Macalta Kaxxa Qande Kinni. Qandeh maqar kee margaqa ummattak aydaadul leh tan curriyyat fayxii kee Itiyoppiyah Agatay , agattiinaaniiy ummattah baxsa le gurral xissiime demokraasih rakiibok Macaltama Qande awayih uddur sahdayti caylih aydakaakan, qasriino le qaskariyyoh silaacittee kee Teknoloojih Duddal kaxxa milaagitte kee qasriinoh Addat Geytimta .   Itiyoppiyak Kalali Qande Baaxoh Cuduud Kee Qaran Gudgud Dacrisaanam Dibuk Hinnay, Baaxok Sarrimaane Le Daddos Diggossah Tan Maqarle Xisneh Xissimte. Nabah yan ityoppiyah asqassaabe karawwad innah tan agat daddosih retteemat faxe qaynatih addaa kee iro maysattakak diggaluk dacrisoonuh aydaadi masquuliyyat kibta. Qaran Merraytitte Diroonittey, Qeebi Jet Kee Qaran Dacayrih Teknolojih Xisneh Qaran Caylih Dudda Kaxxam Dadlisak Geytimta. Tonnah Baddi Caylih Xisneh Sittat Angaaraw Lem Kee Qasri Sayber Maysattaka Akah Takkennah Abak Geytimta Oytitte Istiraateejih Abbinos Abak Geytimaanam Qaddoosen. Ta Teknoloji kee Qaskariyoh Daddos Qaskar Baaxoh Addal Xakakway kee Madqak iroh Yan Angagoyih Bohoyitte Diggaluk Kalaloonuh kee Madqah Dacayri Dacrisanam Xiqsisse. Dariifal qarkakisa buttaati inkih tan baaxol katassah tan bohoy daggoysaanam kee rakaakayal salaam kee saay ginaanamal kaxxa doori digirte. Baad Caddo milaagimak Geytima Dariifa Siyaasah Caalat cubbit Haak, Ityoppiyak Kalali Qande Ni Baaxo Salaam Kee Daddos Gital Fooca Fanah Akah Gexannah Abtah Tan Kibal Leh Tan Kalali Qande Bisoh Axceloonum Yiysixxigen.

Addis Ababa Kaxxa Garabluk 15/2019 (ENA) Agatak Kalali Qande Baaxô Muddaqiinoh Qamiddu Kinnim Kalali Qandek Daga Raaqa Filxi Marshal Birhaanu Jula Qaddoyse.   Abbay Itiyoppiyak Ginô Gaddaay Qasa Bad Itiyoppiyah Degelti Yece Bad Kinnim Qaddoyse.   119Heele Kalali Qandeh Ayro “Mayso Le Qande” Inta Itrol Asaakih Ayro Yessekexxen.   Inki Baaxo kee Ayyuntal Dacayri Soolaanamak Nabah Yan Anewaytamay Ta Konnabna Kaadu Isinni Rooci Fida Abanam Edde Anuk Yacen Fida Kinnuk Ta Aydaadi Ayro Wagssisak Laqin Faatit Siinih Tatrusa Axcuk Baxxaqse.   Ta Aracal Geytimeh Yan Kalali Qandek Daga Raaqa Filxi Marshal Birhaanu Jula Agatak Kalali Qande Baaxô Muddaqiinoh Qamiddu Kinnim Qaddoyse.   Ta Qande Itiyoppiyah Curriino Kee Aydaadi Kunnabna Abtol Diggosseh Tan Mayso Nummah Tan Shambiyo Kinnim Qaddoose.   Mayso le Qande Yaanam Qande Carbi booxal naqboyti yayseenik kalah maqar le xisoosah dudda kee mablay baaxo kee tet ummatta amolladi maysooy, sarrimaane le salaam kee diifule daddos fan miraacisam duuda qande kinni.   Ni baaxoh salaam kee ni ummattak naharsi farmo abak, inki uddur fan digga luk soolak sugte ni agiira kalali qande, aydaadul waarele kaxxa maysoosa geyte.   #NabaBaaxooy, #NabaAyyuntaay, #XexMabla

  Addis Ababa Kaxxa Garabluk 15/2019 (ENA) Agatak Kalali Keenit Matarrateh Tan Aqayyaarel Xiq kee Maysol Kak Taturte Qande Kinnih Tanim Kalali Qandeh Malaak Macammad Idriis Qaddoysem.   119Heele Kalali Qandeh Ayro “Mayso Le Qande” Inta Itrol Asaakih Ayro Yessekexxen.   Gifta Macammad Idriis Tama Qaffaydal Tatruseh Yan Farmol Itiyoppiyah Cuduuditte Dacrisak Sarrimaane Le salaam Kee Saay Akah Baarisan Innah Angicilluk Tonnah Ummattah Amni Dacrissuh Soolol Tan Qaskar Awlaytiitih Inkih Galato Gacse.   Inki Baaxo kee Ayyuntal Dacayri Soolaanamak Nabah Yan Anewaytamay Ta Konnabna Kaadu Isinni Rooci Fida Abanam Edde Anuk Yacen Fida Kinnuk Ta Aydaadi Ayro Wagssisak Laqin Faatit Siinih Tatrusa Axcuk Baxxaqse.   Ta Qande Itiyoppiyah Curriino Kee Aydaadi Kunnabna Abtol Diggosseh Tan Mayso Nummah Tan Shambiyo Kinnim Qaddoose.   mayso le qande yaanam qande carbi booxal naqboyti yayseenik kalah maqar le xisoosah dudda kee mablay baaxo kee tet ummatta amolladi maysooy, sarrimaane le salaam kee diifule daddos fan miraacisam duuda qande kinni.   Ni baaxoh salaam kee ni ummattak naharsi farmo abak, inki uddur fan digga luk soolak sugte ni agiira kalali qande, aydaadul waarele kaxxa maysoosa geyte.   Ta Malaak Elle Yescesenal Itiyoppiya Awayih Uddur Mangoh Tan Taqabite Kee Mogat Akah Yaysen Innah Abak Maqar Kee Numma Rakiiboh Isi Konnabna Fanah Gexak Geytimtam Yescesse.   #NabaBaaxooy, #NabaAyyuntaay, #XexMabla

Addis Ababa Kaxxa Garabluk 15/2019 (ENA) 119heele IFEDRik Kalali Qandeh Ayro "Maysole Qande" Inta Itrol Assakaxxuk Geytiman.   Kalali Qandek Daga Raaqa Filxi Marshal Burhaanu Jula Ta Taddeeral Kalali Qandek Muziyem kee Daaran Kusaaqih Xiinisso Missosse Egzibishi Dooqaysiisek Fakem.   Ta Taddeeral Filxi Marshal Edde Anuk Jeneral Abebaw Taxxeseey, Kalali Qandeh Malaak Macammad Idriisiiy, Federal Poolisih Komishiner Jeneral Xemmellashay, Dumaahih Qande Miroctiiy, Baxaabaxsale Baaxooxah Qandê Saqolti kee Seeco Kah Aben Qibni Elle Geytimem.   Ta Ayro Itiyoppiya Qimboh Addah Qandê Malaak Edde Muggaaqisse Ayro Kassitak, Baaxô Muddaqiinoh Fida Mekelte Agiira Elle Kassitan Ayro Kinnim.   Ta Ayroh Qaffaydak Hadaf Agiiraay, Muddaqiino Dacrisaanamih Doori kee Nabah Tan Maysoh Aydaadu Horal Tabisaanam Kinni.   #NabaBaaxooy, #NabaAyyuntaay, #XerMabla

  Addis Ababa Kaxxa Garabaluk 14/19(ENA)Afrikak Sarrimaane Le Salaam Kee Daddos Diggoonuh Qunxaaneyta Kee Sayyo Tuxxiqitteh Baxsale Hangi Yaceenim Faxximitam Afrikah Eglah Saqlaay Burundik Republic President Yan Evaristo Nedyishimiyi Qaddoosem.   12 Heele Taanah Forem Fakkenti Taddeera Qaxameqeeh Bahirxaara Magaalak Taanah Kalih Xaqul Afrikah Salaam Gititte Afrikal Qidaddô Muddaqiino kee Dariifâ Siyaasah Milaagu Inta Radmol Gexistak Geytima.   A frikah Qarangubah Salaamah Calitte Gorrisak Qidaddoh Muddaqiino Dariifa Siyaasah Hangi Yacoonuh Taamitak Geytiman.   Afrikah Eglah Saqlaay Burundik Republic President Yan Evaristo Nedyishimiyi Tama Aracal Abeh Yan Yaabal Iyyeemih Qarangubal Yan Gaddat Daddos Fanah Baahak Agata Xaylok Yangalen Nagayaniina Diggoosak Sittaliino Dadal Xisaanam Faxximitam Qaddoose.   Afrikah Mango Yan Gino Gadda Le Qaranguba Kinnim Ascassuk Gaddi Bood Raceena Yakkem Hinnay Salaamay Daddosul Asisaanam Faxximitam Kassiise.   Salaamay Qidaddohy Ayyuntiino Fantaaxaw Diggoosak Qunxaaneytah Taamah Saamitte Ginak Afrikal Carbi Finqitta Gadditte Salaamal Daddos Fanah Milaagak Qarangubal Sarriino le Salaam Daabisnuh Sittaluk Macalaanam Faxximitam Qaddoose.

Addis Ababa Kaxxa Garabaluk 14/2019(ENA)Salaam Gititte Afrikal Qidaddô Muddaqiino kee Dariifâ Siyaasah Tabaatabsah Inta Itrol Gexsite 12heele Taanak Amni Foremil Geytimak Yab Abaamih Saami Geemih Ruffa Exce.   Kobox Itrok Garcite Waynam Faxximtam Nee Taybulle. Maaduk Taturak Madqimta Baaxô Xayloh Qidaddô Saamitte kee Amnil Ammas Katassa. Kulli Qawwayla Kattatnam Xiqe Waynaamah Xiqnaamih Dudda Maqarrosnam Faxximta.   Tah Afrikah Baaxoh Addah Fidga Missoysak, Qidaddô Muddaqiino Maqarroysaanam kee Qokol Fantaaxaw Dadalisaanama Yaanama. Afrika Milaagimak Geytima Baad Siirat Cedaanam Dubuh Ginaanamih Doori Taallem Faxximta.   Ityoppiyak Sarrimaane Le Salaam Naharasiino Akah Yaceenim Faxximita Caagid Kinni Agat Xayloh Dacarisaanamay Doolat Madqah Siirat Yassakaxxeenim Kee Walalah Giti Fakut Haanam Faxximitam Ascassuk Agat Mabbaloowul Lino Margaqak Ugutak Salaam Gital Doorititey Agat Xayloh Oggoluh Umman Gulgulluh Geytiman.   Qikkiboh Falsafat Maqar Kee Dudda Koobahisak Tonnah Tambulluyeh Tan Xalittek Ugutak Calli Takkem Duddamal Hangi Haak Taamate Horal Nagrasiisonuh Ekraaru Ekraarisak Fayya Le Digrak maqarle Xiqaanamih Duddaleh Salaam kee Dadalate Qaranguba Xisnam Duudenno  

    Addis Ababa Kaxxa Garabaluk 14/2019(ENA)Ciggiila Naharsi Malaak Temsegen Tirune Burundik Republic President Unkaq Muquk Temeeteh Farmol Tatruse. Afrikah Eglah Saqlaay Burundik Republic President Yan Evaristo Nedyishimiyi 12heele Afrikah Amnih Kobox Taana Forem Tangaluh Unkaq Muquk Temeetem Tookume Baaxo Itiyoppiya.   Nabah Yan Milaagi Gexsitih Addat Geytimta Ginok Qaxameqeeh Bahirxaara Magaalal Luk Sugtu Wayta Waktih Kol Yamaqem Qaagita.

Addis Ababa Kaxxa Garabluk 14/2019 (ENA) Naharsi Malaak Abiyyi Acmad (PhD) Mozambiik Perezxanti Xaniyel Chapo Oggoleh Walalise.   Naharsi Malaak Abiyyi Acmad (PhD) Ayyuntiino Retteemah Guubul Tatruseh Yan Farmo 12heele Fayyale Caddoh Afrikak Amni Kobox, Taanah Forem Qimbisaamak Naharal Mozambiik Perezxanti Xaniyel Chapo Oggoleh Walaliseh Yanim Yescesse.   Sittaliinoy Qokoluy Yangalen Tuxxiqitte Diggoosnuy Nammay Takkô Fantaaxaw Elle Maqarroosan Caagid Wagittaamal Walalen    

Addis Ababa Kaxxa Garabluk 14/2019 (ENA) Naharsi Malaak Abiyyi Acmad (PhD) Kiiniyak Ciggiila Perezxanti Keture Kixinkin Oggolak Walalise.   Naharsi Malaak Abiyyi Acmad (PhD) Ayyuntiino Retteemah Guubul Tatruseh Yan Farmo 12heele Fayyale Caddoh Afrikak Amni Kobox, Taanah Forem Qimbisaamak Naharal Kiiniyak Ciggiila Perezxanti Keture Kixinkin Oggolak Walaliseh Yanim Yescesse. Sittaliinô Caagiida kee Nammay Takkô Fantaaxawal Ux Walal Abeenih YaniinimQaddoyse.

  Addis Ababa Kaxxa Garabluk 14/2019 (ENA) Oromiyah Rakaakay Doolat kee Missoynak 2019 Liggidak Rubqi Sanat Abnissoh Kusaq Gudgud Gexisak Geytiman.   Kusaq Gudgudul Qimbô Rubqi Sanatak Baxaabaxsale Exxaax Geytimte Xalitte Kee Sugteh Tan Qakittel Walal Abelon Axcuk Qambaalan. #NabaBaaxooy, #NabaAyyuntaay, #XerMabla

  NabaBaaxooy, NabaAyyuntaay, XerMabla Itiyoppiya Mango Fidah Xalu Kinni. Xer Udduurih Aydaadul Baaxô Xayloh Cuuriinooy Kunnabna kee Muddaqiinoh Kaxxa Fida Mekelte. Kulli Dabaanal Naqboytit Tambaggay Immay Agiirah Tan Geedansimah Diggal Yookomi Kinnih Tan Itiyoppiya Dacrisak Ta Saaku Fan Maaddeh Tan Caddol Geytimta. Itiyyobiyak Agatak Kalali Qande Agat Amobaxxaaqa Dacrisanamay Cuduud Qajiibik Yan Agiira Dacrisaanam kee Ayyunti Aamantinaane Dacrisoonuh Xer Aydaadu Leh Tan Exxa kinni. Baaxo Aydaadul Booddeh Tan Qawwalayla Agiirannal Kalalanamay,Ayyuntak Aamantinaan kee Baaxo kacanul Agat Amni kee Xiq Asta Tekke. Baaxoh Salaam kee Amobaxxaaqa Taqabi Katassah Tan Iro kee Addah Taqabitte Agiirannal Angaaraw Lem Kee Gino Kee Sahdayti Baxih Qawwalaylah Wakti Ayyunti Xaqut Soolak Banaadamiyyoh Qawwalayla Aynukuseenim Kee Rooci Catoonuh Fooca Fanah Gexak Sugte. Baadak Afrikah Inkiinoh Salaam Dacayrih Missoynaanit Gabah Assagolla Abak Itiyoppiya Baad Caddol Agiira Kee Baaxo Kacanu Leh Tan Migaq Dadlise. Qikkibow doolat kalali qandeh xisne kee qasriinoh addat qusba mafdaga faktam kee tama gurral, baxxook takkeh tan maysattakooki dibuk hinnay, dago kasaara luk carbitte taysuh xiqtah tan qande xissimte. Ta Qande Qasri Silaacittey, Dijital Teknoloji kee Sahdayti Caylih Aydakaakan Akah Yaceen Innah Rakaakay Kee Baad Caddol Qalayli Leh Yan Qaskar Caylih Milaagimeh Geytima. Qaran Caylaay, Baddi Caylaa kee Sayber Amnih Exxaaxi Qagitaak Xissiimak Maqarroosak Qasri Qande Akah Aban Innah Abak Geytimaanam Qaddoosen. Kalali qandeh gubat tan sanaaqatitte qagitak xisak, qande saanih baaxoh dadalah doori digirtaamih caalat Ginnimte. Qande buqreey, xisne kee teknoloojih luddal abak geytimtah tan taamoomi assakat le. Buxah Xisneey, Qaafiyat Kee Barittô Bicitte Qaskar Adoytit Kee Ken Buxah Maritteh Mano Yaysiisoonuh Tekkeh Tanim Qaddoosen. Qande siyaasah angaarawak currik tan baaxo kee ummattah fayxi dacrisak, mihrat dudda kee adabi luk tikya leeh, agat inkittinaane dacrisa gurral xissimte ummattah xiso akah takkennah baarle kee xalootle milaagi taamoomi tekke. Itiyoppiyak Agat Kalali Qande Xer Aydaadih Agiira Kee Ummatta Qokolih Xalootu Kinni.