Addis Ababa Kaxxa Garaluk 18/2019 (ENA) Carri Rasuk Dawwe Daqaaral Gabâ Makalak Murtisso Fan Akkuk Geytimtah tan baxaabaxsale Daddos Taamoomit Doolatak Fayyale Miraaciini Gufne Aben.   Gaba Makalak Murtisso fan akkuk Geytima Daddosuy,salaam kee saay kee wakti caagidil Fayyale Miraacini Ixxo Abak geytimam Tamixxige. Carri Rasuk Dawwe Daqaarat asaakih aryo Rakaakayak Giti Daddos kee Merrayti biirok Naharsi saqala Massakaxxale Amina seeko kee Rakaakayak sanaqattâ kee investimenti biirok Naharsi saqal Gifta Qumar Ascab Macammad Baxaabaxsale Buqreerat Gufne aben. Ta Daqaral Gaba Makalak Murtisso fan akkuk geytimtah tan Daddos Taamoomi yossokotenih Yaniinim kee Faaca Fanah Takkem Faxximtamal Afkan Daffeysenih yaniinim Daqarak Geyneh Nan oyti yascasse.

  Addis Ababa Kaxxa Garabaluk 18/2019(ENA)Ityoppiyak Baddi Furdah Ikoytiinoh Essero Sittaluk Dadalaanam Kee Dariifa Salaamah Kaxxa Doori lem Dumaahih Naharsi Malaak Haylumariyam Xesale Qaddoose. Itiyoppiya Kee Qasa Bad Daayiman Sittak Baxsimteh Mannoowatam Madudday Qasabad Itiyoppiyak Muddaaqino Axawah Yan Caagiidi Kinnim Qaddosse Itiyoppiyah Aydaaduy, Geographic, Biso Maxco Elle Xissimtam Qasa Bad Kinnim Ascassuk Itiyoppiyah Dadalak Rakiiboy Dariifah Salaam kee Sabahalal Diggoosnuh Kaxxa Doori lem Qaddoosen. Afrikah Gaysak Dariifal Siyaasah Caalat Sittat Rakuh Yaniih Dariifah Ayyunti Qaadaay Aydaadu Kee Afittey Nihirittey Caddol Adda Xer Fantaaxow Lino Itiyoppiyah badak xayi rikel anuk baddi furdat antifiqe wayta iyyaanam baada ganuun takkuh kalah tan gurral oggole sinnim kinnuk ta essero faxxiimah yan raddi geyya haytam fanah diggoowsanam Faxximita Dumaahih Naharsi Malaak Haylumaryam Xessale Qaddoose Aydaadi Leh Tan Baaxo Itiyoppiyah Innah Baddi Forda Akah Tallennah Wasah Yan Gexsit Gaanun Kee Siyaasa Caddol Oggol Le Abto Hinnam Asaaku Itiyoppiya Qasa Badak Wasaanam Gibbataanah Woh Gita Akke Waytam Keenih Nascasseh Ityoppiya Gino Gaddak Wasaanam Duudume Waytam kinnim Qaddoose Ityoppiya Qasabad Salaam Kee Walal Gital Geytaamih Fayx Lem Ascassuk Ityoppiyak Baddi Furdah Caagid Raq Sinni Muddaqiino Caagid Kinnim Diggoosem. Ityoppiyak Baddi Furdah Ikoytiinoh Waassam Faxxa Caylitte Dariifa Daga Raaqiyya Itiyoppiyah Diggoosamal Saduh Tan Butta Kinnim Ascassuk Ityoppiyak Diplomaasih Gita Katayak Baddi Furdah Ikoytiinoh Aracat Haytuh Abta Macalitte Maqarroose Loonum Qaddoose

  Addis Ababa Kaxxa Garabluk 17/2019 (ENA) Qafar Rakaakayak Ciggiila Prezixentiiy Ardi Biiroh Saqal Massakaxxale Gifta Caamid Duula Miraacisa Rakaakayay Rasu Kee Daqar Miraaciinih Erga Carri Rasuk Caxxale-qeeli Daqaaral Akkuk Geytimta Baxaabaxsale Daddos Taamoomit Gufne Abeenih Yaniinim Qaddowte .   Tama Erga Gabâ Makalaak Murtissô Fanah Iyya Ammuntal Ayyunti Maaqiddi Caabi Sinnik Diggoosuh Abak Geytima Macal Ma Caddot Yanim Kusaaqisen.

  Addis Ababa Kaxxa Garabaluk 17/2019(ENA)Afrika Maaqiddi Muddaqiino Diggossuh Abak Geytimta Macalitteh Ruusiya Abak Raag Tabissuh Gulguluh Geytimtam Ruusiyah Presidentih Xinissok Ciggiila Saqal Meksim Oreshikin Qaddoose. Ruusiya kee Afrikak Retteemah Kobox Inkih Tan Afrikah Baaxooxah Dudda Sittaluk Dadalisnay Inta Itrol Gexisak Geytiman.   Tama Retteema Koboxul Geytimak Ruusiyah Presidentih Xinissok Ciggiila Saqal Meksim Oreshikin ruusiya kee Afrikah Fanih Fantaaxaw Waktil Dadalak Geytimam Qaddoose. Afrika Qambaalak Awquk Muddaqiino Diggoosnuh Baxsa Luk Maaqiddi Kibaalisso Daabisnuh Abak Geytimam Macalitte Assakat le Abto Kinnim Qaddoose. Tahal Ruusiya Leh Fayyale Doorik Ugutak Abak Raag Tabissuh Gulgulluh Tanim Ascassuk Buqre Murti Teknoloojih Abak Raagay Afrikah Baaxooxa Luk Cattiimak Murtisso Dadalisak Maaqiddi Caabi Daabisnuh Taamite Loonum Yescessem Ruusiya Baada Caddol Sirray Buqre Tamixxigeh Baaxo Kinnuuk Dadalak Geytima Fantaaxawak Ugutak Afrikak Buqre Teknoloojih Tabaatabas Yaysiisikoonu Faxximita Catotta Abe Loonum Qaddoose. Baada Caddol Muddaqiino Leh Yan Qidaddo Siirat Xissiimuh Afrikah Xaylo isinni Dudda Dadalisak Maaqiddi Kibaalissoh Diggoosnuh Abak Geytimam Taamoomi Ruusiya Abak Geytimta Qokol Fooca Fanah Diggooselem Kassiise

  Addis Ababa Kaxxa Garabluk 17/2019 (ENA) Itiyoppiyah Doolat Maaqiddi Caabi Daabissu kee Maaqiddi Muddaqiino Diggossuh Buqreh Exxal Abteh Tan Taamoom Assakatleh Tanim Baadak Maaqiddi Pirograamih Xayrekter Zilatan Malisik Qaddoysem. Sirray Murti Afrikal Nabah Tan Tamrute Baaxo Takkem Xiqteh Tan Itiyoppiya Buqreh Exxal Maaqiddi Caabi kee Muddaqiino Diggossuh Abteh Tan Taamoomi Xalu Geysisseh Tanim Yescessem.   Baxsaluk Sirray Daddosuuy, Gadbô Xalootih Taddeera kee Qusba Buqre Murtisso Fan Milaagaanamih Gexsit Abbinoysak, Ahak Afal Suge Maaqiddi Xayyoosih Taqabi Sarriinole Gital Yafdigoonuh Kaxxa Taama Kinnim Qaddoysem. Ta Amolladi Daddos Cogdaadi Baaxo Maaqiddal Isi Xiqtaamak Taturak Gersi Marih Fayxi Kiboonuh Abtah Tan Macalah Maqarle Rakiibo Takkem Kinnim. Tahih Sababah Ta Exxal Geytimteh Tan Assakatle Xalitte Maaqiddi Muddaqiino Abinah Diggoosak Geytimtam. Baadak Maaqiddi Pirograamam Itiyoppiyah Xayrekter Zilatan Malisiki Itiyoppiyak Xaagi Raceenallih Luk Sugeh Yan Udduurul Itiyoppiya Buqreh Exxal Xaluleeh, Assakatle Taamoomi Abak Geytimtam Qaddoysem. Doolat Teknoloojiiy, Rakiibo Daddosuuy, Lee Xiinisso kee Buqre Dadlissa Maftacah Tan Exxaaxil Fayyale Investi Abak Mango Taamoomi Tekkeh Tanim Yescessem. Fayyale Murti Yace Zariyyut Antifiquk Ahak Afal Buqreh Ayfaafayal Asak Sugte Murtitte Milaagaanamih Yanbulle Xalitte Geysiisak Geytimtam Qaddoysem. Tahat Ossotinah Ayyunti Xiiqih Dudda Dadlisak Maakiyyah Asgalliyya Daabisaanam kee Buqreh Xiina Qadaagalluk Yasgoorowenimil Takke Taama Maqarroowak Geytimtam Baxxaqsem.

  Addis Ababa Kaxxa Garabluk 16/2019 (ENA) Qafar Rakaakayak Ciggiila Prezixentiiy Ardi Biiroh Saqal Gifta Caamid Duula Miracisa Rakaakayay Rasu Kee Daqaar Miraaciinih Erga Carri Rasuk Xaalefageh Daqaaral Akkuk Geytinta Daddos Taamoomit Gufne Aben.   Tama Erga Gaba Makalaak Murtisso Fanah Iyya Ammontal Ayyunti Maaqiddi Caabi Sinnik Diggoosuh Abak Geytima Macal Ma Caddot Yanim Kusaaqiseenih Yaniinim Qafarak Mangaafa Retteemah Oyti Yascassem.

  Addis Ababa Kaxxa Garabluk 16/2019 (ENA) Qikkibow Doolat Taturte Sanootat Magaalol Daddoosul Rakiibo Daddoosih Baarisso Kee Buxaaxih Xosneh Exxal Abteh Tan Taamoomi Ayyuti Antifiqimiyya Daabisak Geytimtah Tanim Magaala Kee Rakiibo Daddoosih Malaak Injiner Macammad Qabdurracmaan Qaddoysem.   Baad Caddok 2026 Liggidak Magaalol Ayro "Magaalol Yasqussubeenimiiy, Itiyoppiyah Magaalolul, Kulli Mara Xiqta Buxaaxi Daddos Baarisaanama" Inta Itrol Galli Maroh Eglak Qidaddo Komishinih Handagal Gexsitak Geytimtam. Ta Gudgud Magaala Kee Rakiibo Daddoosih Malaakaay, Addis Ababah Magaala Xiinisso Kee UN Habitat Missosseh Tanim Kee Hangi Magaalol Dadalaay, Buxaaxi Xisne Kee Magaalol Yasqusubeenimil Haak Gexsitak Geytimtam.   Magaala Kee Rakiibo Daddoosih Malaak Injiner Macammad Qabdurracmaan Qikkibow Doolat Taturte Sanootat Magaalaol Daddoosul Rakiibo Daddoosih Baarisso Kee Buxaaxih Xosneh Exxal Abteh Tan Taamoomi Ayyuti Antifiqimiyya Daabisak Geytimtah Tanim Yescessem. Magaalol Qidaddoh Angagoyyiteey, Hadlisso Taamoomiiy, Teknolojih Tabaatabsa Kee Ayyuntiino Fantaaxawih Fantenaani Takkuh Hangi Cayuk Taamitak Geytimaanam Qaddoysem. Baxaabaxsale Baaxoh Exxaaxil Tekkeh Tan Koriixer Daddos Kee Magaalol Asqussubiyyih Taamoomi Magaalol Saytunaane kee Dariifa Dacyril Hangi Hayte Taamoomi Kinnim Baxxaqsem.

Addis Ababa,Kaxxa Garabluk 14,2019 (ENA) Ummatta Qadad 130 Milliyonuk Daga Akak Yakke Itiyoppiya Baddi Forda Geyaanam Itiyoppiyak Manooy Amni Kee Muddaqiino Caagid Kinnim Naharsi Malaak Dr Abiyyi Acmad Qaddose.   12Heele Fayyole Afrikak Amni Koboxuh Yan Taana Forom,Salaam Gititte Afrikak Qidaddoy Muddaqiino Kee Dariifa Siyaasah Tabaatasa Inta Itrol Qimbiseenih Geytiman.   Naharsi malaak elle yescessennal baad fanah gexa kulli gitiy ciggilta horah kaxxa taama akah takkennah ekraariseenih sugeenim kee gersi baaxooxal akah taturtannah dirkisak geytimam kee tamah baaxoh saay kee amobaxxaaqa kee alaaqah sarrimaane wagittaama.   Itiyoppiya Baddi Fordal Leh Tan Fayxi Arac Xagtuh Abak Geytimta Macal Walalaay, Salaam Gititte Kee Sittin Tuxxiqih Radmoomal Rakiibol Rekitak Macalanamih Caagid Foocah Heelem Baxxaqse.

  Addis Ababa Kaxxa Garabluk 14/2019 (ENA( Qafar Rakakaayak Laqiin Dariifah Manoh Maysasa Cugayso Sanat 2018 Ekraroh Abbinos Kee Sanat 2019 Ekraro Aysaxxaxag Gudgud Maglablela Luk Samara Magaalal Gexsen.   Tama Gudgudul Sanat 2018 Taama Dabanak Abbinosol Tekke Abinittel Geytime Xalotitte Kee Taama Gexsitil Yoofeh Yan Taqabitte Baarluk Kusaaqisen.   Ossotinah Sanat 2019 Taama Ekraro Wagittamal Walal Gexseenih Yaninim Kinnuk:-Ciggilak Takku Wayta Abinittel Oggoysima Le Gurral Abbinosonuh Maglablela Gabah Asagolla Kee Qokol Faxximah Yanim Qaddowte.   Tama Gudgudul Geytimak Yabti Fakkenta Abeh Yan Rakaakayak President Kutbeh Buxak Ciggila Saqal Yan Gifta Nuur Taahir Iyeemih Cugayso Qafar Dacarsittoh Xiina Kee Garab-Dacarsittoh Xiina Mano Maysasal Akkuk Temeete Taamoomi Diggoysak Gexanam Faxximtah Tanim Qaddoyse.   Qafarak Laqin Dariifak Mano Maysasa Cugaysok Saqalah Yan Gifta Macammad Casan Issi Le Gambik Iyeemih Tatre Liggidih Addat Tekke Taamoomil Geytimeh Yan Xaloot Ugtuma Abak Ciggila Taama Uddurut Ekraro Aysasuk Cugayso Abak Geytimta Taamoomi Oggoysima Le Gital Takkem Faxximtah Tanim Qaddoyse.   Tama Gudgudul Tengeleh Tan Maglablela Inteemih Sanat 2018 Liggidal Yumulleh Yan Cooci Ciggila Taama Waktil Aysasuk Ayyuntak Mano Yaysiseenimil Baxsale Taaama Abelonuh Yaninim Yescessen.   Tama Gudgudih Alfental Geytimak Afkan Yeceeh Yan Rakaakayak Ciggila President Kee Ardi Xiinisso Biiro Saqalah Yan Gifta Caamid Dulla Iyeemih Cugayso Laqiin Dariifal Geytima Ayyuntak Mano Yaysiseenimil Akkuk Geytima Taamoomi Asakat Leh Tanim Kasisak Fooca Fan Diggoysak Gexanam Faxximtah Tanim Kassise.   Ellacabol Sanat 2018 Liggidal Yayseh Yan Abbinos Tuybulleh Tan Daqoortih Sumaqta Yeceenih Yaniinim Rakaakayak Xiinissoh Abbah Kutbeh Buxa Qaddossem.

  Addis Ababa Kaxxa Garabluk 13/2019 (ENA) Ayrô Mawqah Afrika Qasa Badih Amni Dacrissuh Dariifâ Baaxooxa Aamantile Qokol Maqarroysaanam Faxximtam Agatak Oyta kee Amni Nagayaniinah Ayfaafayih Xayrekter Jeneral Ambaasadder Redhwan Cuseen Qaddoysem.   12heele Taanah Forem Bahirxaaral Taanah Kalih Xaqul " Afrikal Salaam Gititte Qidaddô Muddaqiino kee Dariifâ Siyaasah Milaaguh" Inta Itrol Asaakuk Qimbisak Gexsitak Geytimam.   Asanatih Taanah Forem Afrikah Qarangubah Salaam Fidga Geysiisaanam Qidaddô Muddaqiino kee Dariifâ Siyaasah Milaaguh Baahaanam Xiqsisso Cagiidal Walal Walalon Axcuk Qambaalan.   Ta Taddeeral Qasa Bad kee Ayrô Mawqah Afrikah Caagiidal Ayrô Mawqah Afrikak Baxsale Farmoytit Taanak Baxsale Farmoytitih Kobox Gexisak Geytiman.   Ta Aracal Agatak Oyta kee Amni Nagayaniinah Ayfaafayih Xayrekter Jeneral Ambaasaddr Redhwan Cuseen Ayrô Mawqah Afrika Qasa Badih Amni Dacrissuh Dariifâ Baaxooxa Aamantile Qokol Maqarroysaanam Faxximtam Qaddoysem.   Ta Koboxut Baxaabxsale Afrikah Baaxooxa Angaluk Geytimtam.

Addis Ababa Kaxxa Garabaluk 13/2019(ENA)Naharsi Malaak Abiyyi Acmad(PhD)Megecha Masno Buqre Karawwadih Cugayso Dooqaysak Ayfaafay Qimbise.   Naharsi Malaak Abiyyi Acmad(PhD )Ayyuntiino Retteemah Guubul Tatrusse Farmol Iyyeemih Asaakih Ayro Aydaadi Maglalla Gonder Magaala Kee Dariifah Ayyuntah Kaxxa Bissiratah Yan Megacha Efeq Karawwadih Cugayso Doqaysak Ayfaf Fanah Culusne.   Ta cugayso mango waktih Ekraaruu kee Abnissoh Udduritte sugtem Takkay Immah Qikkiboh Gexsol Taqabitte Afdiguk Kaxxa Barakat Fanah Korisnam Duudumteh Tanim Qaddoose.   Ta karawwad kaxxa cugayso kinnim kee 185 milyoonih kubik mitir lee yabbixeenim kee 17,000 hektaarak daga takke ardi buqrelem kee ta dariifal tan tabna alfih buqreh xiinah saanih tuxxiiqil aselem kee tonnah kaadu dariifah ayyuntak daddos fayxitte sarrimaanele gurral aracat Heele.   Gondar Magaala kee Dariifah Magaaloolul Nummale Saytun Maqub Lee Xayoosaanam Ossotinah Ta Karawad Inkih Tan Maduur Daddos Bahe. Magaalah Buqrey, Nabah Yan Kullumti Buqre kee Wacaysir Hangi Akah Yaceen Resortittee Kee Lodges Karawad Sahdayti Baxih Kalul Baarimak Geytimaanam Kee Dariifah Qunxaaneytah Baar Le Taama Saamitte Ginak Geytimaanam Kee Tellemmo Angagoyyitte Dadlisak Geytimaanam Qaddoosen.   Ta Baaxoh Caddol Abbinoosak Geytiman Nabah Tan Cugaysoosak Kattatak Kee Qokol Diggoosak Gonxer Magaalal Uxih Mangoh Tan Daddos Taamoomi Diggoosnuh Ummattah Gabat Aglel Maqarroosnam Faxximitamih Seeco Xayyoose.   mayso xayi kattat kee qokolul aracat haynam xiqnem takkay immay, Gondar magaala uxih mango taama faxxa magaala kinniimih taagah ummatta tet dadalal nagay gabat agle akah tangalennah seeco xayyoysa.   Kulli Dariifa Yakke Daddos Itiyoppiyah Dadal Kinnim Ascassuk Inkih Tan Agat Xaylo Elle Yasgalleh Gurral Diggale Macalitte Luk Taamitaanam Fooca Fanah Maqarroosak Geytiman.  

Addis Ababa Kaxxa Garabluk 13/2019 (ENA) Qafar Rakaakayak Taama Kee Duddi Sekterih Caddol Sanat 2018 Liggidak Taamah Abbinoosih Gabbaaqu Kee Sanat 2019 Liggidih Ikraraol Walal Gudgud Caagiida Wagitta Dagirti Luk Gexsen .   Tama Gudgudul Leeda Partik Qafar Rakaakayih Luddih Ku Buxah Saqal Gifta Walqo Aytile Edde Anuk Rakakaayak Fayya Le Miraaciinuuy Rasu Kee Daqoorit Miraaciini Elle Geytime .   Gudgudul Geytimeh Yan Leeda Partik Qafar Rakaakayih Luddih Ku Buxah Saqal Gifta Walqo Aytile Iyyeemih Qunxaaneytah Taama Geysiisaanam Agatak Konnabna kee Salaam Dacrisaanam Kinnuuk Leeda Parti Qunxaaneyta Taama Geysiisaanamal Garuuq le Hadaf Leh Tanim Kassiise.   Taamita Cayla Yalleenim Baaxo Dadalah Kaxxa Doori Lem Yescesseh Yan Gifta Walqo Aytile Taama Saamih Ginol Kulli Dagar Inkim Akkaluk Taamitam Faxxintah Tanim Yiysixxigem Qafarak Mangaafa Retteemah Oyti Yascassem.  

  Addis Ababa,Kaxxa Garabluk 11,2019 (ENA)Ityoppiyak Maaliyya Kee Xijital Luddal Xaloot Le Taamoomi Abbinoosak Geytimaanam Presdenti Tayye Asqhesillase Qaddoose Afrikak Istatikis Komishinik 10Heele Madabiino Kobox Addis Ababal Gexisak Geytiman Tama Gudgudul Baad Kee Qarangubak Baxaabaxasale Mirraacinih Edde Yengeleh Geytimam Labbat Tonnah Poliisi Tayyaaqe Marittey Istatikis Miharatleelay Daddos Qokkolisimay Oyti Meklissoh Miharatleela Elle GeytimtePrezdenti Tama Aracal Iyyeemih Dadal Asmat Le Gital Qeedaaliseweenik Daddos Dadal Foocah Iyyam Duudewam Kassise.   Oyti Meklissoh Sarrimaane Le Data Muhummik Tanim Kinnuk Itiyoppiya Ta Meklissoh Asmat Akah Missossannah Baxabaxsale Digital Luddih Siirat Barisseh Geytimtam Yescessen. Afrikak Qidaddo Komishinik Naharsi Xayrekter Kilaver Gatete Iyeh Oyti Bicisaanam kee Dacrisaanam Faximtah Tan Caagida kini, Baxsaluk Taama Sinna Yaynukuseenim kee Baacah Kalaloonuh, Taama Abeenit kee Qunxaneyti Dudda Cedak Gexaanam Faximtam Kassise. Teknologit Meqennal Yantifiqenim Dirab Oytitte Kalalaanam Kee Rosqa Milaagih Geospatial Oytit Angaaraw Lem Takkem Faxximtam Kassiise. Agat Caddol Makcaggurleh Tan Gurral Xijital Ayfaafitteh Baarisak Istatikis Oytittey Akah Missoosan Innah Assakat le Taamoomi Akkuk Geytimtam Qaddoose.

  Addis Ababa Kaxxa Garabluk 10/2019 (ENA) Baaxoh Caddol 4 haytoh Addah Yassakaaxeenih Yanin Baadak Qutbi Daddoosih Ayro Qafar Rakaakayal Baxaabaxsale Tadderaaril Yessekexxen.   "Qutbi Daddos Baaxo Maddurih Daddaalay Murti-Aba Leedah" Intah Tan Itrol Yessekexxen.   Ta Aracal Rakaakayak Ciggiila Perezdintih Bilhadal Maddur Kilsterih Koobaahisey Pilaan Kee Daddos Biiroh Saqal Gifta Qali Macammad Macmuuduy Federaalak Buqre Malakak Fayyale Miraacnu Kee Rakaakayitteh Erga Edd Tengele.   Tonnaah Ta Luddal Taamitta Cogaysoosa Kee Qutbi Murta Abaay Gaddaloolay Qutbi Murtil Taamitta Edde Tengele.   Ta Erga Yangudu Rasuk Carani Daqaaral Akkuk Geytimta Qutbi Murtih Daddoosih Taamat Gufne Aben.   Agat Caddol Yessekexxeenih Yanin Ta Ayro Qaffayda Qutbi Abaquruk Leeda Gexso Aracat Heenno Inta Itrooy Kalah Baxaabaxsale Tadderaaril Yessekexxeenih Yanim Qafarak Mangaafa Retteemah Oyti Yascassem.

  Addis Ababa Kaxxa Garabaluk 10/2019(ENA) Itiyoppiyak Baddi Furdah Ikoytiinoh Essero Raddi Geytam Tellemmoh Angagoyyuk Taturak Asgalliyya Le Dadal Antifqimiyya Diggoosnuh Kaxxa Fayda Lem Samarâ Magaalah Sugmetiitiy Qaddossem Nabah Tan Baaxoy Itiyoppiyah 130Miliyeenik Daga Takkeh Ummattah Qadad Leeh Afrikal Sissik Qidaddoh Dadalah Ayballayuk Geytimta Dariifak Geo political Sabahalal Kaxxa Doori lem Qaddoosen Nabah Tan Baaxoy Itiyoppiyah 130Miliyeenik Daga Takkeh Ummattah Qadad Leeh Afrikal Sissik Qidaddoh Dadalah Ayballayuk Geytimta Dariifak Geo political Sabahalal Kaxxa Doori lem Qaddoosen Ityoppiyak Baddi Furdah Ikoytiinoh Gayaanamih Caagid Agat Muddaqiino kee Nagayaniinay Daddosuy Dadal Diggosnuh Kaxxa Fayda leh Tan Hora Essero kinnim Qaddoosen Samarâ Magaalah Sugmetiitiy mablak ENAluk Mabla Garayal Gifta Anwaar Qali Isil Katuk Iyyeemih Itiyoppiyah Baddi Furdah Nabam Faxximitam Ascassuk Samara Magaalah Tellemmoh Kaxxa Doori Allalem Qaddoosen Tonnah Gifta Adem Macammad Cuseen Iyyeemih Baddi Furdah Ikoytiinoh Itiyoppiyah Tellemmo Kee Qidaddoh Tuxxiqitte Diggoosnuh Kaxxa Doori lem Baxxaqise. Baddi Furdah Ikoytiinol Awqenta Yaynukusoonuh Agatak Rakiibo Daddosih Fayxi Kiboonuh Kaxxa Doorilem Qaddoosen Baddi Furdah Ikoytiinoh Wagsiisak Dr Cuseen Acmad Isil Katuk Iyyeemih Agatak Geo political Tuxxiqitte Dadlisaanamak Taturak Qafár Rakaakayal Tellemmoy, Merraytuy, Turiizim Kee Investment Angagoyyuk Dadalisoonuh Kaxxa Saamitte Ginelem Qaddoose Baddi Furdah Ikoytiinoh Wagsiisak Zeynaba Qali Inteemih Tellemmoh Baarisoonuy Taamâ Saamittey Ginnoonuh Kaxxa Doori Digrilem Qaddosse. Tonnah Baddi Furdah Ikoytiinol Qidaddoh Tuxxiqittek Taturak Ummattak Fantaaxaw Maqarroosnuh Kaxxam Doori lem Qaddoosen Tama Samarâ Magaalah Sugmetiitiy Abteh Tan Yaabal Iyyeenim Itiyoppiyah Baddi Furdah Ikoytiinoh Itiyoppiyah Qidaddoh Diggoosnuy Qafar Rakaakayak Sarrimaane le Daddoosuh Nabam Faxxiimam Ascassuk Ta Essero Salaam Gital Calli Geytam Faxximitam Kassiisen

  Ityoppiyak Baddi Furdah Ikoytiinoh Essero Agat Muddaqiino Kee Qidaddot Axawah Tan Agat Sarrimaane le Xissimta Makcaggur le Rakiibo Kinni Agat Caddol Qidaddoh Muddaqiino Daabisnuy Agat Sarrimaane Elle Faxximita Gurral Aracat Haynuh Baddi Furdah Ikoytiinoh Essero Dirik kinni. Mangoh Tan Baad Baaxoxa Baddi Le Xabcinuk Geyan Ginoh Acwa Kinniway,Laakin Itiyoppiya Kulli Sanatal Billiyon Dollaritte Akah Tayyaqennah Tet Dirkissa Sabab Tekkeh Geytimta. Itiyoppiya Inki Tanuk Bad Maleh Raqte Udduruk Xabba Haanam Soddom Santih Gideh Yan Ta Caagidi Baaxok Qidaddo Kee Baaxo Xayloh Mesenkacal Kaxxa Gibdaabina Kataasak Geytimta Ta Aydaadu Kee Geography Caalatittey Itiyoppiya Kulli Sanatal Mekelak Geytimta Kaxxa Lakqo Kaxxam Gidbam Kinnim Tama Luddih Mihrat Leela Tascasse. Iro baaxoh awqenti melleb daggoysaanamaay, dago iro baaxoh lakqo daagisaanam kee baaxo xaylol tan manoh awqenta daggoosaanam ta istiraateejih korridor caagid sarrimaane le gacsa geya waqdi dubuk aracat gactam xiqtah. Itiyoppiyak Baddi Gitih Essero Cudud Warar Hinnay Tonnah Kalah Kalah Tan Baaxoxah Muddaqiinot Boddu Hinnay Geography Kee Qidaddo Caagida Agleh Le Ayyunta Baaxo Kee Ayyuntino Caagida Missossa Gidi Kinnim Baxxaqisan. Itiyoppiya Leh Tan Fayxi kee Elle Essertah Tan Git Baad Xiplomaasil Caddol Oggol Teetik Geyak Geytimah Cayla Hinnay Xiplomaasi Gita Kinni.

  Addis Ababa Kaxxa Garabluk 09/2019(ENA) Itiyoppiya Kee Ameerika Qidaddo Edde Anuk Nammay Takkoh Qokol Maqarroysoonuh Sittlih Taamiteloonum Yiysixxigen. 2026 Baad Caddoh Maaliyyah Cugayso Kee Baad Bankik Liggidi Kobox Taylanxik Bankokul Gexsitak Geytimam. Itiyoppiyak Agat Bankih Limmoyse Iyyob Tekkalegn (Phd) Miraacisa Itiyoppiyak Fayyale Ergah Butta Liggidi Koboxuk Gambit Ameerikak Kallayto Kutbeh Buxak Afrika Keef Anti Maacak Ciggiila Malaak Erik Meyer Luk Walalem.   Nammay Takkko Walalal Itiyoppiya Abak Geytimtah Tan Amolladi Qidaddo Maysaasa Foocah Hoonu Kee Yaysissikoonu Xiqsiisa Mettaabannu Kee Maaliyyah Qokol Fayya Elle Haanam Xiqan Caalatittel Baxsaluk, Baad Caddoh Maaliyyah Fantenaanih Katuk Takkem Xiqqimtah Tan Qokol Doortittel Hangi Haak Sugeh Yanim Qaddowtem.   Ciggiila Malaak Erik Meyer Itiyoppiya Rekisso Qidaddo Maysaasa Abbinossuh Tuybulleh Tan Garuq Yossokooteh Yanim Yescessem. Ameerika Duddale Nammay Takkoh Qokol Yanuh Garuqluk Taamitelem Diggossem. Namma Exxa Sittalluk Alliyyal Daddos Hadafitte Aracat Hoonu Kee Dariifa Sabhalal Maqarroysoonuh Sitingey Aben.

Addis Ababa Kaxxa Garabluk 08/2019 (ENA) Itiyoppiya Geytah Tan Daddos Maaliyya Qidaddô Saamitte Fan Milagtuh Garuqluk Taamitak Geytimtam Iyyob Tekkalegn (PhD) Qaddoysem.   Agat Bankih Limmoyse Iyyob Tekkaleg (PhD) Baad Caddoh Maaliyyah Cugayso (IMF) kee Baad Bakik Liggidi Koboxuk Gambit "Yayse Taamâ Saamitte Gino Yaysissikeenimi" Inta Itrol Gexsiteh Yan Malokti Wlalat Angaluk Geytiman.   Ta Aracal Itiyoppiya Baad Bankillih Leh Tan Qokol Rakiibo Abak Daddos Yaysiisoonuh Taakiteloonum Yescessem.   Iyyob Tekkalegn (PhD) Ta Walalal Itiyoppiya Geytah Tan Daddos Maaliyya Qidaddô Saamitte Fan Milagtuh Garuqluk Taamitak Geytimtam Qaddoysem.

Addis Ababah Kaxxa Garabluk 07/2019 (ENA) Itiyoppiyah Agat Tuxxiq Daccartimuh Kulli Marih Gabat Agle Faxximtah Tanim Nabah Yan Asqassaabê Karawwadih Kibaahisiyyih Cugaysoh Kutbeh Buxa Leenah Taama Gexse Argaawi Berhe (PhD) Qaddoysem.   Ayrô Mawqah Afrikah Dariifal Abbay Kee Qasa Badih Caagiida Sittin Mantafaqqal Akah Assah Tan Innah, Abak Edde Yantifiqeenim Wagittaamal, Abbay Akarawwadih Gaddi Gaaboysoh Maktabih Koobaahissol Walal Gudgud Gexsite.   Abbay Kee Qasa Bad Itiyoppiyak Namma Aydaadi Gadditteh Ugutma Kinnim Kassiisak, Baditte Siyaasah Sabbatah Meqennal Edde Yantifiqeenim Xiiqime Wayteh Tanimiiy Qaddoysem.   Axoolis Zeylaqaay, Giraar Kee Qasab Furdaadi Mangoh Tan Daboonah, Itiyoppiya Elle Miraacisak, Sugte Waktitte Sugteh Tanim Baxxaqise.

Addis Ababa Kaxxa Garabluk 07/2019 (ENA) Itiyoppiyak Qaran Merrayti Afrikak Aviyeeshin Fanteena Elle Yakkem Xiqa Taamoomi Abak Geytimam Baad Caddoh Taayirah Murtisso Kambaani Erbas Qaddossem.   Ciggilta 20Sanootah Itiyoppiyak Qaran Merrayti Ixxima Lica Dirribuh Dadliseleemih Akkal Yanim Yescessen.   Erbas Qadaagâ Mekeelisso kee Akkal Qukkunussok Ciggiila Perezxanti Antoniyo Xa Kosta Itiyoppiyak Xaagi Raceenah Elle Qaddoysennal Itiyoppiya Aviyeeshin Luddal Fayyale Dadalih Duddale Baaxo Kinnim Qaddoysem. Qaran Merrayti Dadalak Yemeete Safreenit Fayxiiy, Ossiimak Temeete Qaranguba kee Baad Caddoh Fantaaxaw Maqarroowuh Kaxxa Dudda Xisak Geytimtam Baxxaqsem. ​Xissiimak Geytima Bishoftoh Taayirah Booxa Edde Anuk Ikraarimteh Tan Taayira Booxah Rakiibo Daddos Baaxo Qarangubah Aviyeeshinil Leh Tan Doori Fayyaleh Yanim Qaddoysem.