Madaxweyne Taaye Asqesilaase ayaa sagootiyay safiirro laba waddan ah oo muddo xileedkooda dhammaystay

Addis Ababa; Agaali 3/2018 (ENA):- Madaxweyne Taaye Asqesilaase ayaa sagootiyay safiirka Luksambarg ee Itoobiya ee xilka ka degay, Jean Krauser, iyo safiirka Imaaraadka Carabta, Muxamed Salem Al-Rashidi, kuwaas oo dhammaystay muddo xileedkooda. Waxaa la sheegay in xiriirka diblomaasiyadeed ee miro-dhalka ah iyo kan guusha leh ee u dhexeeya labada waddan uu sii xoogaysanayo. Safiirka muddada xilkeeda dhamaysatay, Jean Krauser, oo faalladeeda siiyay ENA, ayaa sheegtay inay qabteen shaqooyin xoojin doona iskaashiga diblomaasiyadeed ee u dhexeeya waddamada intii ay joogeen. Waxa kale oo ay xustay in hawlaha loo qaaday si loo dhaqaajiyo iskaashiga dhaqaale ee u dhexeeya Itoobiya iyo Luksambarg ay guulaysteen. Waxa ay sheegtay in labada waddan ay si guul leh isu dhaafsadeen khibrado iyagoo naqshadaynaya barnaamij tababar oo kor u qaadi doona awoodda xirfadlayaasha maaliyadda iyo dhaqaalaha. Waxa ay muujiysay inay aaminsantahay ah in saaxiibtinimada xooggan ee ka dhaxaysa waddamada ay sii xoojin doonto mustaqbalka dhinacyada dhaqaalaha cagaaran iyo iskaashiga horumarinta maaliyadda. Waxay sidoo kale farriin u dirtay shirkadaha Luxembourg si ay u kordhiyaan ka qaybgalkooda iyagoo eegaya suuqa iyo fursadaha maalgashiga ee Itoobiya.