Go’aanka Adag ee shacabwaynaha ee Nabadda ayaa Fashiliyey Isku-daygii Kooxaha Xagjirka ah ee Lagu Carqaladaynayay Doorashada –Maxamed Idiris. Wasiirka Nabada

Baxar-Dhar, Miicaad (Gunboot) 2018 T. I (ENA): Wasiirka Nabadda ee Itoobiya Mohammed Idris, ayaa sheegay in sida adag ee shacabka Itoobiya uga go’an nabaddu ay gebi ahaanba fashilisay dadaalladii isku-dubaridnaa ee kooxaha xagjirka ahi ku doonayeen inay ku carqaladeeyaan doorashadii guud ee toddobaad ee dalka.

 

Wasiirka Nabadda ayaa sheegay in weerarkii ay kooxda argagixisada ah ee Shene ka geysatay degmada Asko ee gobolka Arsi eedeeganka Oromiya, uu yahay fal mudan in si adag loo cambaareeyo.

 

Wasiir Nabada ee dalka oo Maxamed Idiris ayaa shirka jaraid ee u qabtay ku sheegay in doorashadu tahay marxalad muhiim ah oo lagu xaqiijinayo sarreynta dimuqraadiyadda Itoobiya isla markaana lagu dhisayo dowlad iyo dal adag oo xasilloon.

 

Wuxuu xusay in doorashadii guud ee toddobaad lagu guulaystay in si nabad ah loo qabto, iyadoo ay si ballaaran uga qaybqaateen shacabka Itoobiya, arrintaas oo mudan in taariikhda lagu xuso.

Sida uu wasiirku sheegay, doorashadu waxay u dhacday si nabad iyo dimuqraadiyad ay ku dheehan tahay, iyadoo buuxisay dhammaan halbeegyada lagama maarmaanka ah isla markaana ay xaqiijiyeen kormeerayaal caalami ahi.

 

Hase yeeshee, wuxuu sheegay in kooxaha xagjirka ahi adeegsadeen dhammaan awoodihii ay haysteen si ay u carqaladeeyaan doorashada. 

 

Wuxuu intaas ku daray in shacabka jecel nabaddu ay fashiliyeen qorshayaashaas iyagoo hubiyay in habka doorashadu u socdo si nabad ah.

 

Wasiirku wuxuu xusuusiyay in ka hor doorashada ay kooxahaasi isku dayeen inay ka hor istaagaan muwaadiniinta inay qaataan kaararka codbixinta, ka qayb galaan isu-soo-baxyada taageerada, iyo inay codkooda dhiibtaan maalinta doorashada.

 

Inkasta oo ay jireen dadaalladaas, ayuu sheegay, shacabka Itoobiya waxay iska caabiyeen cabsi-gelinta, hanjabaadaha iyo isku-dayada weerarka, waxayna sii wadeen doorashada, iyagoo sidaas ku ilaal