Tayeynta Xarumaha Adeegbixinta Caafimaadka waa ahmiyada 1aad ee xukuumada DDS.

Addis Ababa; Miicaad 13/2018 (ENA): ‎Madaxweyne Ku-xigeenka DDS Mudane Ibraahim Cusmaan Faarax, ayaa Xadhigga ka Jaray Waaxda Bukaan-jiifka Cisbitaalka Fiiq, sidookalena Dhagax-dhigay Waaxda Hooyada iyo Dhalaanka.

‎

‎Cisbitaalka Fiiq ayaa adeegyo caafimaad oo kala duwan siiya bulsho tiro badan, waxaana maanta si rasmi ah loo daah-furay waaxda bukaan-jiifka. Sidoo kale, waxaa la dhagax-dhigay waax casri ah oo hooyada iyo dhalaanka ah, taas oo ku baxdayso 217 milyan oo Birr.

‎

‎Madaxweyne Ku-xigeenka DDS, Mudane Ibraahim Cusmaan Faarax, ayaa sheegay in la sii xoojin doonto horumarinta adeegyada aasaasiga ah ee bulshada, gaar ahaan adeegyada caafimaadka.

‎

‎Dhanka kale, qaar kamid ah musharixiinta Xisbiga Barwaaqo ee Gobolka Erer ayaa sheegay in Xisbiga Barwaaqo uu wado qorshayaal horumarineed oo wax weyn ka tari doona adeegyada iyo horumarka bulshada.