Sannadka soo socda 500 bas oo koronto ah ayaa adeegga bilaabi doona –Adhaanaj Abebe

Addis Ababa, Duugato 30/2018 (ENA): Duqa magaalada Addis Ababa, Adhaanaj Abebe, ayaa sheegtay in qorshaha sanadka soo socda lagu darayo 500 bas oo koronto ah si ay u bixiyaan adeegga gaadiidka magaalada.

Waxay sheegtay in gaadiidku uu yahay laf-dhabarta horumarka qaybaha kale ee dhaqaalaha iyo adeegyada bulshada.

Tan iyo isbeddelkii dalka ka dhacay, waxaa la qabrat shaqooyin waaweyn oo lagu kobcinayo iskusocodka gaadiidka iyo adeegga dadweynaha ee magaalada.

Waxaa la kala saaray waddooyinka dadka lugaynaya iyo kuwa baabuurta, sidoo kale waxaa la ballaariyay gaadiidka aan shidaalka ku shaqayn iyo nidaamka baarkinka oo la casriyeeyay.

Adhaanaj Abebe waxay xustay in waddooyinka magaalada ay gaadheen 12.8% ilaa 20% sanadadii u dambeeyay.

Dhanka baarkinka, halkii horaan hal mar la awooday qiyaastii 3,000 oo baabuur, hadda waxaa jira awood lagu qaabili karo ilaa 163,000 oo baabuur.

Sidoo kale, magaalada waxay sanad walba ku dartaa 100 ilaa 200 bas si loo xoojiyo adeegga gaadiidka dadweynaha.

Hadda qorshaha ugu weyn wuxuu yahay in sanadka soo socda lagu soo kordhiyo 500 oo bas oo koronto ah, taas oo qayb ka ah horumarinta nidaamka “magaalo casri ah” ee Addis Ababa.

#WWI  #Wakaaladda_Wararka_Itoobiya