Bandhigga “Itoobiya Wax ha Soo Sarato” wuxuu abuuray fursad weyn oo isku xidhka suuqa ee warshadaha

Addis Ababa, Duugato 30/2018 (ENA): Warshaduhu waxay sheegeen in Bandhigga 4aad ee Itoobiya Wax ha Soo Sarato” uu si weyn uga caawiyay soo bandhigidda wax soo saarkooda iyo abuurista isku xidh suuq ee cusub.

Ra’iisul Wasaare Abiy Axmed (Dr.) ayaa si rasmi ah u furay bandhiggan oo socday laga bilaabo 25-ka Duugato 2018 ilaa 30-ka Duugato, waxaana la filayaa inuu soo gabagaboobo maalmahan.

Bandhigga oo lagu qabtay halku-dhegga “Itoobiya Wax ha Soo Sarato si loo gaaro madax-bannaani dhamaystiran” ayaa si weyn loo booqday, waxaana ka qayb galay masuuliyiin dowladeed, hay’ado diimeed, jaamacado iyo shacabka Addis Ababa.

Warshadaha ka qayb galay ayaa sheegay in madashu ay noqotay fursad suuq-geyn iyo xidhiidh ganacsi oo muhiim ah.

Agaasimaha suuqgeynta ee shirkadda EZM Trading Investment, Biniyam Teshaye, ayaa sheegay in shirkaddiisu ay soo saarto tuubooyin caag ah oo hore dalka dibadda looga keeni jiray, balse hadda gudaha lagu sameeyo.

Wuxuu sheegay in bandhiggu si weyn u xoojiyay taageerada wax soo saarka gudaha.

Ku-xigeenka maareeyaha guud ee Dagim Kennedy Machinery, Girma Weldegebriel, ayaa sheegay in warshaddoodu ay soo saarto qalab kala duwan oo beeraha ah iyo gudbiyayaal, kuwaas oo ka qayb qaata horumarinta beeraha dalka.

Wuxuu intaa ku daray in bandhiggu muujiyay in Itoobiya awood u leedahay wax soo saar dhab ah, isla markaana uu fududeeyay helitaanka agabka ay warshaduhu u baahan yihiin.

Maareeyaha adeegga macaamiisha ee Horizon Addis Tire Manufacturing, Getu Abdisaa, ayaa sheegay in shirkaddu ay gudaha dalka ku soo saarto taayaro kala duwan, ayna shaqo u abuurtay in ka badan 800 oo qof.

Dadkii booqday bandhigga ayaa sheegay in wax soo saarka gudaha ay muujiyeen awooda ah “way suurtagalaysaa” iyo kalsooni cusub oo dhinaca wax soo saarka ah.

Waxay sidoo kale sheegeen in ay si toos ah uga heleen alaabo tayo leh oo qiimo macquul ah.

Wasiiru Dowlaha Warshadaha, Tarekeny Bultulta, ayaa sheegay in in ka badan 300 oo shirkadood ay ka qayb galeen bandhigga.

Wuxuu xusay in bandhiggu uu yahay madal muhiim u ah suuq-geynta, is-weydaarsiga khibradaha iyo xoojinta xiriirka ganacsi ee warshadaha.

Dowladdu waxay sheegtay in bandhiggan uu qayb ka yahay qorshaha Itoobiya lagu doonayo in ay noqoto xarun warshadeed oo Afrika ah.

Sidoo kale wuxuu fursad u yahay shacabka si ay si toos ah ugu iibsadaan wax soo saarka gudaha qiimo jaban.

#WWI  #Wakaaladda_Wararka_Itoobiya