Addis Ababa oo ku tallaabsatay isbeddel degdeg ah oo dhammaystiran

Addis Ababa, Cuur 22/2018 (ENA): Duqa magaalada Addis Ababa, Adhaanaj Abebe, ayaa sheegtay in qorshaha lagu doonayo in magaalada looga dhigo mid u qalanta magaceeda uu ku socdo waddo lagu kalsoonaan karo, iyada oo la hirgeliyay dhaqan shaqo oo 24/7 ah, dadaal iyo daacadnimo lagu dhisayo magaalo ku habboon dhammaan dadka deggen, isla markaana leh tartan caalami ah.

Qoraal ay ku daabacday barteeda baraha bulshada, waxay ku xustay in horumarka dhinac kasta leh ee ka socda magaalada uu Addis Ababa ka dhigayo magaalo qof walba u siman, caddaalad ku adeegta, cidna aan ka tagin, islamarkaana tusaale u ah horumar loo dhan yahay.

Waxay tilmaantay in la diyaariyay kaabayaal iyo xulashooyin gaadiid oo caddaalad ah oo u adeegaya carruurta, dhalinyarada, waayeelka, dadka naafada ah, lugeeyayaasha, darawallada iyo kuwa baaskiillada wata. Sidoo kale magaalada waxay u jihayay noqoshada magaalo casri ah, hagaajinta adeeg bixinta, abuuridda jawi ku habboon macaamiisha, maalqabeennada, ganacsiga iyo maalgashiga, isla markaana isu beddelaysa xarun dalxiis oo shirar caalami ah lagu qabto.

Adhaanaj waxay xustay in la sameeyay suuqyo casri ah oo si fudud u gaari kara dadweynaha, kuwaas oo kordhinaya kala-duwanaanta badeecadaha, islamarkaana magaalada ka dhigaya meel aan kaliya wax laga iibsan balse wax lagu soo saaro. Waxay sidoo kale tilmaantay goobaha taariikhda iyo aqoonta xoojinaya sida Madxafka Adhwa iyo Maktabadda Abrhot, goobaha cagaaran ee madadaalada dadweynaha iyo meelaha lagu soo bandhigo farshaxanka fagaarayaasha.

Ugu dambayn, waxay sheegtay in Addis Ababa ay tahay xarun diblomaasiyadeed, kala-duwanaansho aqoonsi iyo dhaqanba leh, isla markaana astaan u ah midnimo adag, iyada oo “Addis Ababa ay tahay magaalada dhammaanteen.” Waxay intaas ku dartay in magaalada maanta ay noqotay astaan muujinaysa barwaaqada Itoobiya, isla markaana horumarku uu yahay mid aan la joojin karin oo ficil ahaan loo muujinayo.

#WWI  #Wakaaladda_Wararka_Itoobiya