Diblomaasiyada caqabadda u bedeshay fursad

Dawladda Itoobiya siddeeddii sano ee la soo dhaafay waxay qaadday jiho diblomaasiyadeed oo firfircoon oo istaraatiiji ah, taas oo ka saartay aragtidii hore ee ahayd “in dalkeennu ku hareeraysan yahay cadaw,” isla markaana dhigtay saldhig u qalma heer caalami ah oo ka sarreeya kii hore ee xiriirka dibadda.

Diblomaasiyadda xukuumadda isbeddelka waxa udub dhexaad u ah danaha qaranka ee Itoobiya. Xiriirka dibadda ee dalka waxa lagu hagayaa ilaalinta madax-bannaanida iyo horumarka qaranka xaalad kasta oo jirta.

Sanadadii isbeddelka, Itoobiya waxay si karti leh uga hortagtay cadaadisyo caalami ah, waxayna xoojisay xiriirrada laba geesoodka ah iyo kuwa dhinacyo badan leh. Tusaale ahaan, ku biirista BRICS waxay noqotay astaan muujinaysa sharafka qaran iyo kororka saamaynta Itoobiya ee siyaasadda caalamka.

Mabda’a “deriska mudnaanta leh” ayaa ka gudbay hadal oo noqday ficil diblomaasiyadeed. Xiriirrada gobolka ayaa ka gudbay shaki iyo kala fogaansho, una gudbay iskaashi istaraatiiji ah. Itoobiya waxay noqotay xarunta isku xirka Bariga Afrika iyada oo kaabayaasha tamarta la cusboonaysiin karo, waddooyinka, biyaha iyo tareennada ay ku xirtay dalalka gobolka.

Istaraatiijiyaddan koboca wadajirka ah waxay Itoobiya ka dhigtay tiir dhaqaale oo gobolka ah iyo quwad hoggaamineed oo adag, taas oo furtay bog taariikhi ah oo cusub.

Jiho diblomaasiyadeed oo “muwaadiniinta ku salaysan” ayaa muujinaysa sida ay dowladdu ugu heelan tahay dadkeeda. Waxaa la fududeeyay in muwaadiniintu si sharci ah uga faa’iidaystaan fursadaha shaqo ee dibadda, sidoo kalena waxaa dib dalka loogu soo celiyay muwaadiniin xuquuqdooda lagu xadgudbay, taas oo kor u qaaday kalsoonida iyo qiyamka qaran.

Saamaynta Itoobiya ee fagaarayaasha diblomaasiyadda caalamka ayaa sii kordhaysa, iyada oo markale xaqiijisay kaalinteeda Midnimo-Afrikaanimo iyo adkaysi.

Guulaha diblomaasiyadeed ee istaraatiijiga ah ee la diiwaangeliyay sanadadii la soo dhaafay waxay sare u qaadeen miisaanka Itoobiya ee caalamka. Maanta, Itoobiya waxaa lagu gartaa inay tahay isha ajandayaasha gobolka iyo qayb ka mid ah xalalka.

Muuqaalkan cusub iyo qiyamkan qaran ee sii dhismaya waxay noqdeen awood lagu wajaho caqabadaha jira, isla markaana kor u qaada tamarta horumarineed.

Xaaladdan caalamiga ah ee isbeddelaysa, dowladda waxay ugu baaqaysaa muwaadiniinta inay noqdaan safiirrada dalkooda meel kasta oo ay joogaan, si loo sii xoojiyo diblomaasiyadda iyo xiriirka dibadda ee ku saleysan danaha qaranka.

Adeegga Xidhiidhka Dowladda Federaalka Itoobiya
22 Cuur 2018 T.I.