Maalgashadayaasha Shiinaha ha maalgashadaan gaadiidka iyo saadka...

Addis Ababa, Cuur 22/2018 (ENA): Wasiirka Gaadiidka iyo Saadka Dr. Alemu Sime ayaa kulan la yeeshay hoggaanka Guddiga Iskaashiga iyo Saaxiibtinimada Itiyo-Shiinaha si looga wada hadlo fursadaha maalgashi ee ka jira waaxda.

Wasiirku wuxuu xusay in Itoobiya iyo Shiinaha ay leeyihiin xiriir taariikhi ah oo xooggan, isla markaana la doonayo in la sii xoojiyo iskaashiga dhinacyada gaadiidka iyo saadka.

Wuxuu caddeeyey in maalgashadayaasha Shiinaha ee doonaya inay ku maalgashadaan saadka, gaadiidka dadweynaha, iyo xalalka tamarta cusub la siin doono taageerada lagama maarmaanka ah.

Sidoo kale wuxuu sharxay in Itoobiya ay qaaday tallaabo weyn oo lagu joojinayo soo gelinta baabuurta ku shaqeysa shidaalka, taas oo ujeeddadeedu tahay u guurista tamar nadiif ah iyo xalal tamar oo casri ah.

Wasiirku wuxuu tilmaamay in fursado maalgashi oo ballaaran ay ka jiraan tareennada, kaabayaasha lagu dallaco gaadiidka korontada, beddelidda gaadiidka shidaalka ku shaqeeya loona rogo koronto, iyo sidoo kale u beddelidda qaar ka mid ah gaadiidka gaaska dabiiciga ah.

Dhankooda, hoggaanka guddiga saaxiibtinimada Itoobiya iyo Shiinaha waxay muujiyeen danayn ku saabsan dhismaha warshad lagu soo ururiyo gaadiidka, si baabuurta shidaalka ku shaqeeya loogu beddelo gaadiid koronto.

Waxay intaas ku dareen inay sidoo kale xiisaynayaan maalgashi ku saabsan gaadiidka ku shaqeeya hydrogen iyo qaybaha kale ee la xiriira tamarta cusub.

#WWI 
#Wakaaladda_Wararka_Itoobiya