Tallaabooyinka Itoobiya sida dhabta ah u muujiyey!

24-kii Cuur 2010 waxay ahayd maalin ka baal taariikheed siyaasadd cusub uu ufurmay Itoobiya, waxayna noqotay bilowga isbeddel ku wajahan mashaariic horumarineed oo istaraatiiji ah.

Siddeeddii sano ee u dambeeyey, hawlaha horumarineed ee la qabtay waxay si ficil ah uga turjumeen awoodda qarsoon ee dalka, iyagoo muujiyey “miisaanka qaran”.

Astaamaha weyn ee xilliga isbeddelka  lagu xasuusan doono waa tallaabada geesinimada leh ee lagu dardargeliyey dhammeystirka Biya-xidheenka.

Mashruucan wuxuu noqday halgan qaran oo ay Itoobiyaanku ku muujiyeen midnimo, iyagoo aan u jilicsanayn cadaadis diblomaasiyadeed iyo caqabado gudaha ah.

Hoggaanka xilligan isbeddelka wuxuu si adkaysi leh u hormuud uga noqday hirgelinta riyadii muddada dheer ee ku saabsan ka faa’iidaysiga Webiga Abbaay, taas oo dib u xaqiijisay maqaamka iyo maqalka Itoobiya ee fagaarayaasha caalamka.

Iftiinka rajada ee ka dhashay dhammeystirka Biya-xidheenka wuxuu awood u siiyey in la dardargeliyo hawlaha lagu waafajinayo magaalooyinka dalka xilliga cusub.

Maanta, horumarinta marinnada magaalooyinka ayaa u saamaxday magaalooyinka Itoobiya inay yeeshaan muuqaal cusub.

Magaalooyinku waxay hadda hirgaliyeen waddooyin lugta ah, jidad baaskiil, iyo goobo madadaalo dadweyne, iyagoo ka baxay dayac muddo dheer ay ku jireen.

Iyagoo la jaanqaadaya casrigan, magaalooyinkani waxay noqdeen tusaale ilbaxnimo oo Afrikaanku ku daydaan.

Dhinaca beeraha, kororka wax-soo-saarka qamadiga wuxuu noqday guul Itoobiya ka saartay baahi una gudbisay wax-bixin.

Sidoo kale, dadaallada lagu bilaabay soo saarista bacriminta gudaha ayaa sii xoojin doona guulaha beeraha.

Mashaariicda sida Dhismaha Qaranka iyo Dhismaha Jiilka waxay u rogeen quruxda dabiiciga ah hanti dhaqaale oo muuqata.

Itoobiya waxay sidoo kale isu beddelayaa xarun saynis oo Afrika ah, laga bilaabo aas-aaska Machadka Garaadka Macmalka ah ilaa qorshaha dhismaha Jaamacada Garaadka macmalka ah.

Shaqooyinka kale ee farxadda leh ee Itoobiya tan iyo 24-kii Cuur 201o waxay jawaab u noqdeen su'aal ay mudo dheer qabeen muwaadiniintu, waxayna mar kale dunida tusen qiyamka dalka.

Tallaabooyinkan isbeddelka ahi waa astaamo horumarineed oo waaweyn oo xaqiijiyey himilada ah in “Itoobiya si dhab ah loo muujiyo.”

#WWI 
#Wakaaladda_Wararka_Itoobiya