Gondhar – Astaan Qaran, Midnimo iyo Isku-darka Dhaqanka iyo qarnigan Casriga ah

Addis Ababa, Cuur 15/2018 (ENA): Ra’iisul Wasaare ku-xigeen Tamasgan Tirunah ayaa sheegay in Gondhar ay tahay astaan muujinaysa sharafka Itoobiya, midnimada qowmiyadaha, isla markaana si gaar ah isugu darsatay taariikh qadiimi ah iyo casriyeyn sida dahab iyo udgoon la isku daray.

Farriin uu ku daabacay baraha bulshada ayuu ku sheegay in ay gaareen magaalada taariikhiga ah ee Goondhar, oo ah kayd taariikheed iyo meesha ay ka unkanto farshaxanka iyo ilbaxnimadu.

Wuxuu mar kale carrabka ku adkeeyay in Gondhar ay tahay magaalo gaar ah oo astaan u ah qaranimada Itoobiya, isla markaana tusaale u ah wada noolaanshaha qowmiyadaha iyo isku dheelitirka dhaqanka hore iyo nolosha casriga ah.

Sidoo kale, wuxuu u mahadceliyay madaxda deegaanka Amxaarada, hoggaanka sare ee gobolka, maamulka magaalada, iyo shacabka Goondhar oo uu ku tilmaamay kuwo sharaf iyo soo dhoweyn heer sare ah ku qaabilay garoonka diyaaradaha ee Boqor Tewodhroskii 2aad.

Ugu dambayn, wuxuu si gaar ah ugu mahadceliyay shacabka Goondhar oo lagu yaqaan martisoorka iyo dhaqanka ah “martidu waa nimco Eebbe,” isagoo ku tilmaamay dad sharaf leh oo soo dhoweyn diirran leh.

#WWI 
#Wakaaladda_Wararka_Itoobiya
Bogagga Baraha Bulshada ee WWI: 👉 https://linktr.ee/ENADigital