Farriinta Ra’iisul Wasaare Dr. Abiy Axmed (Dr.)

Hambalyo ku aaddan xuska 130-guurada Guusha Adhwa.

 

Guusha Dagaalki Adhwa waa guul muujisay mowqifka iyo awoodda aan isbeddelin ee shacabka Itoobiya. Itoobiyaanku waxay leeyihiin mowqif adag oo aan la beddeli karin marka ay timaaddo danaha qarankooda, xorriyaddooda iyo madaxbannaanidooda. Si ay mowqifkaas ugu taagaan sal adag, waxay adeegsadaan dhammaan awooddooda.

 

Nidaamyo iyo hoggaamiyeyaal way is beddeli karaan; arrimo qaarna way ku kala aragti duwanaan karaan. Hase yeeshee, mowqifka ay ka qabaan dalkooda iyo go’aanka ay u qaataan danta qarankooda ma isbeddelo.

 

Halyeeyadii u baxay dagaalkii Adhwa dhammaantood isku aragti ma ahayn. Waxay lahaayeen hal ujeeddo, balse isku mid ma ahayn. Waxay lahaayeen hal dal, balse ma wadaagin hal dhaqan iyo hal diin.

 

Waagaas waxaa jiray kuwo dalkooda khiyaameeyay oo la safay cadowga, kuwo dan ku meel gaar ah ku beddeshay danta waarta ee qaranka, iyo kuwo u adeegay shisheeyaha iyagoo ka soo horjeestay dadkooda. Halyeeyadeennii hooyooyin iyo aabbayaal waxay la dagaallameen oo keliya ciidankii Talyaaniga ma ahayn, balse sidoo kale waxay la dagaallameen khiyaano-wadayaal iyo dillaaliin qaran. Waddaniyaddu waa in laga adkaado shisheeyaha iyo kuwa la safanba.

 

Waddaniyaddu waa in marka danta qaranka la joogo laga hormariyo danta gaarka ah. Waddaniyaddu waa in marka sharafka dalka la difaacayo loo huro sharafka qofka.

 

Xuska Guusha Adhwa waa maalin aan ku xusuusanno dhammaan qiyamkaas. Sida ay Guusha Adwa u muujisay awoodda iyo mowqifka Itoobiyaanka, maanta sidoo kale waa waqti aan ku muujinno awoodda guud ee Itoobiya annagoo leh mowqif adag.

 

Waa inaan muujinno awoodda dalkeenna ee dhanka beeraha, warshadaha, dalxiiska, macdanta iyo dijitaalka. Si Guusha Adwa loogu soo celiyo dhammaan dhinacyada, awoodda Itoobiya waa inay ku taagnaataa sal adag.

 

Dal waxaa dhisa awood; awoodduna waa la dhisaa. Dal waxaa shaqeeya awood; mowqifkuna waa kan xoojiya. Awooddu waa tan horumarisa dalka; mowqifkuna waa kan ka gudbiya caqabadaha.

 

Waxaan rajaynayaa in xuska Guusha Adwa uu noqdo mid aan ku sii xoojinno awoodda Itoobiya, kuna sii adkayno mowqifka shacabka Itoobiya.

 

Itoobiya ha ku noolaato sharaf iyo karaamo dadaalka carruurteeda awgeed weligeedba!

 

— Ilaahay Itoobiya iyo shacabkeeda ha barakeeyo !

 

— CIRIR 22, 2018 T.I.